ಹ್ಯುಂಡೈ ಇಂಡಿಯಾ ಶೀಘ್ರದಲ್ಲೇ 1000 ಕಿ.ಮೀ ವ್ಯಾಪ್ತಿಯ ಎಲೆಕ್ಟ್ರಿಕ್ ಎಸ್‌ಯುವಿಯನ್ನು ಬಿಡುಗಡೆ ಮಾಡಲಿದೆ

ನೆಕ್ಸೊ ಹ್ಯುಂಡೈನ ಎರಡನೇ ತಲೆಮಾರಿನ ವಾಣಿಜ್ಯೀಕೃತ ಇಂಧನ ಕೋಶ ಎಲೆಕ್ಟ್ರಿಕ್ ವಾಹನವಾಗಿದೆ (ಎಫ್‌ಸಿಇವಿ) ಮತ್ತು ಇದು 2021 ರ ವೇಳೆಗೆ ಭಾರತಕ್ಕೆ ಬರುವ ಸಾಧ್ಯತೆ ಇದೆ

• ಸರ್ಕಾರದ ಝೀರೋ ಎಮಿಷನ್ ಮೊಬಿಲಿಟಿ' ದೃಷ್ಟಿಗೆ ಬೆಂಬಲವಾಗಿ ಎಫ್‌ಸಿಇವಿಗಳನ್ನು ಅಭಿವೃದ್ಧಿಪಡಿಸಲು ಈ ಅಧ್ಯಯನವನ್ನು ಕೈಗೊಳ್ಳಲಾಗುತ್ತಿದೆ.

• ಎಫ್‌ಸಿಇವಿಗಳು ಹಸಿರುಮನೆ ಅನಿಲಗಳಿಂದ ಮುಕ್ತವಾಗಿವೆ ಮತ್ತು ನೀರನ್ನು ಮಾತ್ರ ಹೊರಸೂಸುತ್ತವೆ.

• ಎಫ್‌ಸಿಇವಿಗಳು ಹೈಡ್ರೋಜನ್ ಇಂಧನ ಕೋಶವನ್ನು ಒಳಗೊಂಡಿರುತ್ತವೆ, ಅದು ವಿದ್ಯುತ್ ಮೋಟರ್‌ಗೆ ಶಕ್ತಿ ನೀಡುತ್ತದೆ. 

• ಹ್ಯುಂಡೈನ ನೆಕ್ಸೊ ಒಂದು ಹೈಡ್ರೋಜನ್ ಇಂಧನ ಕೋಶ ಹೊಂದಿರುವ ಎಸ್‌ಯುವಿ ಆಗಿದೆ, ಇದು ಯುರೋಪಿನ ಡಬ್ಲ್ಯುಎಲ್‌ಟಿಪಿ ಚಕ್ರದ ಪ್ರಕಾರ 600 ಕಿ.ಮೀ ವ್ಯಾಪ್ತಿಯನ್ನು ಕ್ರಮಿಸುವಲ್ಲಿ ಸಮರ್ಥವಾಗಿದೆ

• ನೆಕ್ಸೊ 1000 ಕಿ.ಮೀ ವ್ಯಾಪ್ತಿಯನ್ನು ತಲುಪಿಸಬಹುದೆಂದು ಹ್ಯುಂಡೈ ಆಶಾವಾದವನ್ನು ಹೊಂದಿದೆ.

• ದೆಹಲಿಯಲ್ಲಿ ನಡೆದ 2018 ರ ಭಾರತ-ಕೊರಿಯಾ ವ್ಯವಹಾರ ಶೃಂಗಸಭೆಯಲ್ಲಿ ಹ್ಯುಂಡೈ ನೆಕ್ಸೊವನ್ನು ಪ್ರದರ್ಶಿಸಿತ್ತು.

ಭಾರತಕ್ಕೆ ನೆಕ್ಸೊವನ್ನು ತರಲು ಯೋಜನೆಯನ್ನು ಹ್ಯುಂಡೈ ರೂಪಿಸಿದೆ ಎಂದು ನಾವು ಈ ಹಿಂದೆ ವರದಿ ಮಾಡಿದ್ದೆವು . ಅಗತ್ಯ ಮೂಲಸೌಕರ್ಯಗಳನ್ನು ಅಭಿವೃದ್ಧಿಪಡಿಸುವ ಸಲುವಾಗಿ, ಕೊರಿಯಾದ ಕಾರು ತಯಾರಕರು ಈಗ ಭಾರತದಲ್ಲಿ ಇಂಧನ ಕೋಶ ವಿದ್ಯುತ್ ವಾಹನಗಳಿಗೆ (ಎಫ್‌ಸಿಇವಿ) ಕಾರ್ಯಸಾಧ್ಯತಾ ಅಧ್ಯಯನವನ್ನು ಕೈಗೊಂಡಿದ್ದಾರೆ. ಎಫ್‌ಸಿಇವಿಗಳು ಹಸಿರುಮನೆ ಅನಿಲ ಹೊರಸೂಸುವಿಕೆಯಿಂದ ಮುಕ್ತವಾಗಿವೆ ಮತ್ತು ನೀರನ್ನು ಮಾತ್ರ ಹೊರಸೂಸುತ್ತವೆ. ಅಲ್ಲದೆ, ಎಫ್‌ಸಿಇವಿ ಮೂಲಕ ಗಾಳಿಯನ್ನು ಫಿಲ್ಟರ್ ಮಾಡಿದಾಗ, ಶೇಕಡಾ 99.9 ರಷ್ಟು ಕಣಗಳನ್ನು ಫಿಲ್ಟರ್ ಮಾಡಲಾಗುತ್ತದೆ.

ಈ ಅಧ್ಯಯನದ ಪ್ರಮುಖ ಕಾರಣವೆಂದರೆ ಹ್ಯುಂಡೈನ ಅಸ್ತಿತ್ವದಲ್ಲಿರುವ ಹಸಿರು ಚಲನಶೀಲತೆ ಬಂಡವಾಳವನ್ನು ವಿಸ್ತರಿಸುವುದು. ಇದನ್ನು ಬೆಂಬಲಿಸಲು, ಇದು ಇತ್ತೀಚೆಗೆ ಭಾರತದಲ್ಲಿ ಕೋನಾ ಎಲೆಕ್ಟ್ರಿಕ್ ಅನ್ನು ಬಿಡುಗಡೆ ಮಾಡಿತು, ಇದು ನಮ್ಮ ದೇಶದ ಮೊದಲ ದೀರ್ಘ-ಶ್ರೇಣಿಯ ಎಲೆಕ್ಟ್ರಿಕ್ ಎಸ್‌ಯುವಿಯಾಗಿದೆ.

ನೆಕ್ಸೋ ವಿದ್ಯುತ್ ಮೋಟಾರಿಗೆ ಶಕ್ತಿಯನ್ನು ಒದಗಿಸಲು ಜಲಜನಕ ಇಂಧನ ಕೋಶಗಳನ್ನು ಬಳಸುತ್ತದೆ ಮತ್ತು ಯುರೋಪ್ನ ಡಬ್ಲ್ಯುಎಲ್ಟಿಪಿ ಪರೀಕ್ಷಾ ಸೈಕಲ್ ನಲ್ಲಿ 600 ಕಿಮೀ ವ್ಯಾಪ್ತಿಯನ್ನು ಹೊಂದಿದೆ (ವರ್ಡ್ ಹಾರ್ಮೊನೈಝ್ಡ್ ಲೈಟ್- ಡ್ಯೂಟಿ ವೆಹಿಕಲ್ಸ್ ಪರೀಕ್ಷಾ ವಿಧಾನ). ಹ್ಯುಂಡೈ ಮೋಟರ್ ಇಂಡಿಯಾದ ಎಂಡಿ ಮತ್ತು ಸಿಇಒ ಪ್ರಕಾರ, ನೆಕ್ಸೊ ಭಾರತದಲ್ಲಿ ಸುಮಾರು 1000 ಕಿ.ಮೀ ವ್ಯಾಪ್ತಿಯನ್ನು ಕ್ರಮಿಸುವಲ್ಲಿ ಯಶಸ್ವಿಯಾಗುವುದು ಎಂದು ನಿರೀಕ್ಷಿಸಿದ್ದಾರೆ.

ಅಂತರರಾಷ್ಟ್ರೀಯ ಮಟ್ಟದಲ್ಲಿ, ಹ್ಯುಂಡೈ ನೆಕ್ಸೊವನ್ನು ಎಲೆಕ್ಟ್ರಿಕ್ ಮೋಟರ್ನೊಂದಿಗೆ ನೀಡುತ್ತದೆ, ಅದು 163 ಪಿಎಸ್ ಶಕ್ತಿಯನ್ನು ಮತ್ತು 395 ಎನ್ಎಂ ಟಾರ್ಕ್ ಅನ್ನು ಅಭಿವೃದ್ಧಿಪಡಿಸುತ್ತದೆ. ಇದು 0-100 ಕಿಲೋಮೀಟರ್ ವೇಗವನ್ನು 9.2 ಸೆಕೆಂಡುಗಳಲ್ಲಿ ಪೂರ್ಣಗೊಳಿಸುವ ಸಾಮರ್ಥ್ಯವನ್ನು ಹೊಂದಿದೆ. ನೆಕ್ಸೊ ಒಟ್ಟು 156.6 ಲೀಟರ್ ಟ್ಯಾಂಕ್ ಸಾಮರ್ಥ್ಯದೊಂದಿಗೆ ಬರುತ್ತದೆ. ಇದು ಮೂರು ಹೈಡ್ರೋಜನ್ ಟ್ಯಾಂಕ್‌ಗಳನ್ನು ಹೊಂದಿದ್ದು, ತಲಾ 52.2 ಲೀಟರ್ ಪರಿಮಾಣವನ್ನು ಹೊಂದಿದೆ. ಹ್ಯುಂಡೈ ಪ್ರಕಾರ ಒಂದು ಕುತೂಹಲಕಾರಿ ಅಂಶವೆಂದರೆ ನೆಕ್ಸೊಗೆ ಕೇವಲ ಐದು ನಿಮಿಷಗಳಲ್ಲಿ ಸಂಪೂರ್ಣವಾಗಿ ಇಂಧನವನ್ನು ತುಂಬಿಸಬಹುದಾಗಿದೆ, ಸಾಮಾನ್ಯವಾಗಿ ಕನಿಷ್ಠ ಒಂದು ಗಂಟೆ ತೆಗೆದುಕೊಳ್ಳುವ ಎಲೆಕ್ಟ್ರಿಕ್ ಕಾರುಗಳಿಗಿಂತ ಭಿನ್ನವಾಗಿದೆ.

ಹ್ಯುಂಡೈ ನೆಕ್ಸೊದ ಬೆಲೆಯನ್ನು ಕೋನಾ ಎಲೆಕ್ಟ್ರಿಕ್ ಗಿಂತ ಗಮನಾರ್ಹವಾಗಿ ಹೆಚ್ಚಿಸುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ. ಈ ಹೊಸ ತಂತ್ರಜ್ಞಾನದ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕೆಳಗಿನ ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.