ಭಾರತದಲ್ಲಿ BMW i5ನ ಬುಕಿಂಗ್‌ಗಳು ಆರಂಭ, ಶೀಘ್ರದಲ್ಲೇ ಬಿಡುಗಡೆ

i5 ಎಲೆಕ್ಟ್ರಿಕ್ ಸೆಡಾನ್‌ನ ಟಾಪ್-ಸ್ಪೆಕ್ ಪರ್ಫೊರ್ಮೆನ್ಸ್‌ ಆವೃತ್ತಿಯು 601 ಪಿಎಸ್ ಉತ್ಪಾದಿಸುತ್ತದೆ ಮತ್ತು ಇದು 500 ಕಿಮೀ ರೇಂಜ್‌ ಅನ್ನು ಕ್ಲೈಮ್ ಮಾಡುತ್ತದೆ

• BMW ಇಂಡಿಯಾವು i5 ಅನ್ನು ಆರಂಭದಲ್ಲಿ CBU ಮಾದರಿಯಾಗಿ ಮತ್ತು ಟಾಪ್-ಸ್ಪೆಕ್ M60 ಆವೃತ್ತಿಯಲ್ಲಿ ಮಾತ್ರ ನೀಡುತ್ತದೆ.
• 2024ರ ಮೇ ತಿಂಗಳಿನಿಂದ ಡೆಲಿವರಿಗಳು ಪ್ರಾರಂಭವಾಗುತ್ತವೆ.
• i5 M60 ರೆಗುಲರ್‌ i5 ಗಿಂತ M-ನಿರ್ದಿಷ್ಟ ಗ್ರಿಲ್, ಅಲಾಯ್‌ ವೀಲ್‌ಗಳು ಮತ್ತು ಬ್ಯಾಡ್ಜ್‌ಗಳನ್ನು ಒಳಗೊಂಡಿದೆ.
• ಒಳಭಾಗದಲ್ಲಿ, ಇದು ಸಂಪೂರ್ಣ ಕಪ್ಪು ಕ್ಯಾಬಿನ್ ಥೀಮ್ ಮತ್ತು M-ನಿರ್ದಿಷ್ಟ ಸ್ಟೀರಿಂಗ್ ವೀಲ್‌ ಅನ್ನು ಹೊಂದಿದೆ.
• ಬೋರ್ಡ್‌ನಲ್ಲಿರುವ ವೈಶಿಷ್ಟ್ಯಗಳು ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇಗಳು, ಪನೋರಮಿಕ್ ಗ್ಲಾಸ್‌ ರೂಫ್‌ ಮತ್ತು ADAS ಅನ್ನು ಒಳಗೊಂಡಿದೆ.
• 81.2 kWh ಬ್ಯಾಟರಿ ಪ್ಯಾಕ್ ಮತ್ತು ಆಲ್-ವೀಲ್-ಡ್ರೈವ್ ಸೆಟಪ್ ಅನ್ನು ಪಡೆಯುತ್ತದೆ.
• ಭಾರತದ ಬಿಡುಗಡೆ ಶೀಘ್ರದಲ್ಲೇ ಇರಬಹುದೆಂದು ನಿರೀಕ್ಷಿಸಲಾಗಿದೆ; 1.5 ಕೋಟಿ (ಎಕ್ಸ್ ಶೋ ರೂಂ) ಬೆಲೆ ಇರಬಹುದಾಗಿದೆ.

BMW ಭಾರತದಲ್ಲಿ ತನ್ನ ಐದನೇ ಆಲ್-ಎಲೆಕ್ಟ್ರಿಕ್ ಕೊಡುಗೆಯಾದ i5 ಅನ್ನು ಪರಿಚಯಿಸಲು ಸಿದ್ಧವಾಗಿದೆ ಮತ್ತು ಈಗ ಅದಕ್ಕೆ ಬುಕಿಂಗ್‌ಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದೆ. BMW i5, ಹೊಸ-ಜನರೇಶನ್‌ನ 5 ಸಿರೀಸ್‌ನ ಆಲ್-ಎಲೆಕ್ಟ್ರಿಕ್ ಆವೃತ್ತಿಯನ್ನು ಸಂಪೂರ್ಣವಾಗಿ ಲೋಡ್ ಮಾಡಲಾದ ಎಮ್‌60 xDrive ಆವೃತ್ತಿಯಲ್ಲಿ ಸಂಪೂರ್ಣವಾಗಿ ವಿದೇಶದಲ್ಲಿ ರೆಡಿ ಮಾಡಿ ಆಮದು ಮಾಡಿಕೊಳ್ಳಲಾಗುತ್ತಿದೆ. ಹೊಸ 5 ಸಿರೀಸ್‌ನ ಆಂತರಿಕ ದಹನಕಾರಿ ಎಂಜಿನ್ (ICE) ಆವೃತ್ತಿಯು i5 EV ನಂತರ ಶೀಘ್ರದಲ್ಲೇ ಆಗಮಿಸುವ ನಿರೀಕ್ಷೆಯಿದೆ. i5 M60 xDrive ನ ಡೆಲಿವರಿಗಳು 2024ರ ಮೇ ತಿಂಗಳಿನಿಂದ ಪ್ರಾರಂಭವಾಗುತ್ತದೆ.

i5 ಎಲೆಕ್ಟ್ರಿಕ್ ಸೆಡಾನ್ BMW ನ ಭಾರತೀಯ EV ಲೈನ್‌ಆಪ್‌ನಲ್ಲಿ i4 ಮತ್ತು i7 ನಡುವೆ ಇರುತ್ತದೆ. i4 ಮತ್ತು i7 ಹೊರತುಪಡಿಸಿ, BMW ನಮ್ಮ ಮಾರುಕಟ್ಟೆಯಲ್ಲಿ iX1 ಮತ್ತು iX ಎಲೆಕ್ಟ್ರಿಕ್ SUV ಗಳನ್ನು ಸಹ ನೀಡುತ್ತದೆ.

i5 M60 ಪವರ್‌ಟ್ರೇನ್ ವಿವರಗಳು

i5 M60 ಕೇವಲ 3.8 ಸೆಕೆಂಡುಗಳಲ್ಲಿ 0-100 kmph ವೇಗವನ್ನು ತಲುಪುತ್ತದೆ ಮತ್ತು BMW ನ xDrive ಸಿಸ್ಟಮ್‌ನ ಬಳಸಿಕೊಂಡು ಎಲ್ಲಾ ನಾಲ್ಕು ಚಕ್ರಗಳಿಗೆ ಪವರ್‌ ಅನ್ನು ಕಳುಹಿಸಲಾಗುತ್ತದೆ.

ಇದನ್ನು ಓದಿ: Lexus NX 350h Overtrail ಭಾರತದಲ್ಲಿ 71.17 ಲಕ್ಷ ರೂ.ಗೆ ಬಿಡುಗಡೆ

ಹೊರಗಿನ ವಿನ್ಯಾಸದ ಕುರಿತು

BMW 2023ರ ಮೊದಲಾರ್ಧದಲ್ಲಿ ಜಾಗತಿಕವಾಗಿ ಹೊಸ-ಜನ್ 5 ಸಿರೀಸ್‌ ಮತ್ತು i5 ಎರಡನ್ನೂ ಬಿಡುಗಡೆ ಮಾಡಿತ್ತು. 5 ಸರಣಿಯ EV ಉತ್ಪನ್ನವಾಗಿರುವುದರಿಂದ, ಮುಚ್ಚಿದ-ಆಫ್ ಗ್ರಿಲ್ ಮತ್ತು ಪರಿಷ್ಕೃತ 20-ಇಂಚಿನ ಅಲಾಯ್‌ ವೀಲ್‌ಗಳು ಸೇರಿದಂತೆ ಕೆಲವು ವಿನ್ಯಾಸ ವ್ಯತ್ಯಾಸಗಳೊಂದಿಗೆ i5 ಬರುತ್ತದೆ. i5 M60 ಆವೃತ್ತಿಯು ಸಾಮಾನ್ಯ i5 ನಿಂದ ಪ್ರತ್ಯೇಕಿಸಲು ಅಲಾಯ್‌ ವೀಲ್‌ಗಳಲ್ಲಿ ಹೊಸ ವಿನ್ಯಾಸದೊಂದಿಗೆ ಬರುತ್ತದೆ. ಇದು M-ನಿರ್ದಿಷ್ಟ ಬ್ಯಾಡ್ಜ್‌ಗಳನ್ನು ಮತ್ತು ಗ್ರಿಲ್, ಒಆರ್‌ವಿಎಮ್‌ಗಳು, ವೀಲ್‌ಗಳು ಮತ್ತು ರೂಫ್‌ಗೆ ಕಪ್ಪು ಬಣ್ಣವನ್ನು ಸಹ ಪಡೆಯುತ್ತದೆ. i5 M60 ಅನ್ನು ಕಪ್ಪು ಡಿಫ್ಯೂಸರ್ ಮತ್ತು ಕಾರ್ಬನ್-ಫೈಬರ್ ಫಿನಿಶ್ ಹೊಂದಿರುವ ಬೂಟ್ ಲಿಪ್ ಸ್ಪಾಯ್ಲರ್‌ನೊಂದಿಗೆ ಒದಗಿಸಲಾಗಿದೆ.

ಕ್ಯಾಬಿನ್ ಮತ್ತು ವೈಶಿಷ್ಟ್ಯಗಳು

ಒಳಭಾಗದಲ್ಲಿ, BMW ಇದಕ್ಕೆ ಸಂಪೂರ್ಣ ಕಪ್ಪು ಥೀಮ್ ಮತ್ತು M-ಸ್ಪೆಸಿಫಿಕ್‌ ಸ್ಟೀರಿಂಗ್ ವೀಲ್‌ ಅನ್ನು ನೀಡಿದೆ. ಇದು ಆಧುನಿಕ BMW ಕೊಡುಗೆಗಳಲ್ಲಿ ಕಂಡುಬರುವಂತೆ ಸಂಯೋಜಿತ ಬಾಗಿದ ಡಿಸ್‌ಪ್ಲೇ ಸೆಟಪ್ ಅನ್ನು ಹೊಂದಿದೆ, ಒಂದನ್ನು ಇನ್ಸ್‌ಟ್ರುಮೆಂಟೇಶನ್‌ಗಾಗಿ ಮತ್ತು ಇನ್ನೊಂದು ಇನ್ಫೋಟೈನ್‌ಮೆಂಟ್‌ಗಾಗಿ.

ವೈಶಿಷ್ಟ್ಯಗಳ ವಿಷಯದಲ್ಲಿ, ಇದು 14.9-ಇಂಚಿನ ಟಚ್‌ಸ್ಕ್ರೀನ್ ಯೂನಿಟ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, 4-ಝೋನ್ ಕ್ಲೈಮೇಟ್ ಕಂಟ್ರೋಲ್, ಹೆಡ್ಸ್-ಅಪ್ ಡಿಸ್‌ಪ್ಲೇ, ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಮತ್ತು ಪನೋರಮಿಕ್ ಗ್ಲಾಸ್ ರೂಫ್ ಅನ್ನು ಪಡೆಯುತ್ತದೆ. ಇದರ ಸುರಕ್ಷತಾ ಜಾಲವು ಲೇನ್ ಬದಲಾವಣೆ ಎಚ್ಚರಿಕೆ, ಹಿಂಭಾಗದ ಅಡ್ಡ-ಸಂಚಾರ ಅಲರ್ಟ್‌ ಮತ್ತು ಹಿಂಭಾಗದ ಘರ್ಷಣೆ ತಡೆಗಟ್ಟುವಿಕೆಯಂತಹ ಬಹು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿದೆ.

• ಕಾರ್‌ದೇಖೋ ನೀಡುವ ಸರ್ವೀಸ್‌ಗಳು

• ಎಕ್ಸ್‌ಪರ್ಟ್‌ಗಳಿಂದ ಕಾರಿನ ರಿವ್ಯೂಗಳು

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

BMW i5 M60 xDrive ಶೀಘ್ರದಲ್ಲೇ ಅಂದಾಜು 1.5 ಕೋಟಿ ರೂ. ಬೆಲೆಯಲ್ಲಿ (ಎಕ್ಸ್ ಶೋ ರೂಂ) ಮಾರಾಟವಾಗಲಿದೆ ಎಂದು ನಾವು ನಿರೀಕ್ಷಿಸುತ್ತೇವೆ. ಇದು ಪ್ರಾರಂಭದಲ್ಲಿ ಭಾರತದಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿರುವುದಿಲ್ಲ, ಆದರೆ ಆಡಿ ಇ-ಟ್ರಾನ್ ಜಿಟಿ ಮತ್ತು ಪೋರ್ಷೆ ಟೇಕಾನ್‌ನ ಎಂಟ್ರಿ-ಲೆವೆಲ್‌ನ ಆವೃತ್ತಿಗಳಿಗೆ ಕೈಗೆಟುಕುವ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತದೆ