ಈ ರಾಜ್ಯದಲ್ಲಿ ಶೀಘ್ರದಲ್ಲೇ ದುಬಾರಿಯಾಗಲಿವೆ ಸಿಎನ್‌ಜಿ, ಎಲ್‌ಪಿಜಿ ಹಾಗೂ ಪ್ರೀಮಿಯಂ ಎಲೆಕ್ಟ್ರಿಕ್ ಕಾರುಗಳು

ಹೊಸ ಪ್ರಸ್ತಾವನೆಯು ಸಿಎನ್‌ಜಿ ಮತ್ತು ಎಲ್‌ಪಿಜಿ ಚಾಲಿತ ವಾಹನಗಳಿಗೆ ಮೋಟಾರು ವಾಹನ ತೆರಿಗೆಯನ್ನು ಶೇಕಡಾ 1 ರಷ್ಟು ಪರಿಷ್ಕರಿಸಲು ಮತ್ತು 30 ಲಕ್ಷ ರೂ.ಗಿಂತ ಹೆಚ್ಚಿನ ಬೆಲೆಯ ಇವಿ ಕಾರುಗಳ ಮೇಲೆ ಶೇಕಡಾ 6ರಷ್ಟು ತೆರಿಗೆಯನ್ನು ಪರಿಚಯಿಸಲು ಸೂಚಿಸುತ್ತದೆ

ನಮ್ಮ ನೆರೆಯ ರಾಜ್ಯವಾದ ಮಹಾರಾಷ್ಟ್ರದ ರಾಜ್ಯ ಸರ್ಕಾರವು 2025-26ರ ಆರ್ಥಿಕ ವರ್ಷಕ್ಕೆ ತನ್ನ ಬಜೆಟ್ ಅನ್ನು ಮಾರ್ಚ್‌ 10ರಂದು ಘೋಷಿಸಿತು, ಅದರಲ್ಲಿ ಪ್ರಮುಖ ಅಂಶವೆಂದರೆ ಮೋಟಾರು ವಾಹನ ತೆರಿಗೆಯಲ್ಲಿನ ಪ್ರಸ್ತಾವಿತ ಹೆಚ್ಚಳ. ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಮಂಡಿಸಿದ ರಾಜ್ಯ ಸರ್ಕಾರದ ಹೊಸ ಬಜೆಟ್‌ನಲ್ಲಿ ಮೋಟಾರು ವಾಹನ ತೆರಿಗೆಗೆ ತಿದ್ದುಪಡಿ ತರಲಾಗಿದ್ದು, ಇದರಿಂದ ರಾಜ್ಯಕ್ಕೆ 150 ಕೋಟಿ ರೂಪಾಯಿಗಳ ನಿರೀಕ್ಷಿತ ಆದಾಯ ಬರಲಿದೆ.

ಏನನ್ನು ಪರಿಷ್ಕರಿಸಲಾಗಿದೆ?

ಹೊಸ ಬಜೆಟ್‌ನಲ್ಲಿ ಸಿಎನ್‌ಜಿ ಮತ್ತು ಎಲ್‌ಪಿಜಿ ಚಾಲಿತ ಖಾಸಗಿ ವಾಹನಗಳ ಮೋಟಾರು ವಾಹನ ತೆರಿಗೆಯಲ್ಲಿ ಶೇಕಡಾ 1 ರಷ್ಟು ಹೆಚ್ಚಳಕ್ಕೆ ಪ್ರಸ್ತಾಪಿಸಲಾಗಿದೆ. ಸಚಿವರು ಉಲ್ಲೇಖಿಸಿದಂತೆ,  ಪ್ರಸ್ತುತ ಈ ವಾಹನಗಳಿಗೆ ಅವುಗಳ ಪ್ರಕಾರ ಮತ್ತು ಬೆಲೆಯನ್ನು ಅವಲಂಬಿಸಿ ಇದು ಶೇಕಡಾ 7 ರಿಂದ 9 ರಷ್ಟಿದೆ.

30 ಲಕ್ಷ ರೂ.ಗಳಿಗಿಂತ ಹೆಚ್ಚಿನ ಬೆಲೆಯ ಪ್ರೀಮಿಯಂ ಎಲೆಕ್ಟ್ರಿಕ್ ಕಾರುಗಳಿಗೆ ಈಗ ಶೇಕಡಾ 6 ರಷ್ಟು ತೆರಿಗೆ ವಿಧಿಸಲಾಗುವುದು ಎಂದು ಘೋಷಿಸಲಾಗಿದೆ. ಆದರೆ, 30 ಲಕ್ಷ ರೂ.ಗಿಂತ ಕಡಿಮೆ ಬೆಲೆಯ ಎಲ್ಲಾ ವಿದ್ಯುತ್ ವಾಹನಗಳು ರಾಜ್ಯದಲ್ಲಿ ಈ ಯಾವುದೇ ತೆರಿಗೆಗಳಿಗೆ ಅರ್ಹವಾಗಿರುವುದಿಲ್ಲ. ಹೊಸ ಬಜೆಟ್‌ನಲ್ಲಿ ಮೋಟಾರು ವಾಹನ ತೆರಿಗೆಯ ಗರಿಷ್ಠ ಮಿತಿಯನ್ನು 20 ಲಕ್ಷದಿಂದ 30 ಲಕ್ಷಕ್ಕೆ ಹೆಚ್ಚಿಸುವ ಬಗ್ಗೆಯೂ ಸಲಹೆ ನೀಡಲಾಗಿದ್ದು, ಇದು ರಾಜ್ಯಕ್ಕೆ ಸುಮಾರು 170 ಕೋಟಿ ರೂಪಾಯಿಗಳ ಹೆಚ್ಚುವರಿ ಆದಾಯವನ್ನು ಗಳಿಸುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಈ ಫೆಬ್ರವರಿಯ ಕಾರು ಮಾರಾಟದಲ್ಲಿ Hyundai ಯನ್ನು ಹಿಂದಿಕ್ಕಿ ಎರಡನೇ ಸ್ಥಾನಕ್ಕೇರಿದ Mahindra

ಭಾರತದಲ್ಲಿ ಸಿಎನ್‌ಜಿ ಮತ್ತು ಎಲೆಕ್ಟ್ರಿಕ್ ಕಾರುಗಳ ಅವಲೋಕನ

ಪ್ರಸ್ತುತ, ಟಾಟಾ ನೆಕ್ಸಾನ್, ಹ್ಯುಂಡೈ ಗ್ರ್ಯಾಂಡ್ ಐ10 ನಿಯೋಸ್ ಮತ್ತು ಮಾರುತಿ ಫ್ರಾಂಕ್ಸ್ ಸೇರಿದಂತೆ 20ಕ್ಕೂ ಹೆಚ್ಚು ಕಾರುಗಳು ಸಿಎನ್‌ಜಿ ಆಯ್ಕೆಯೊಂದಿಗೆ ಬರುತ್ತಿವೆ. ಇತ್ತೀಚಿನ ವರ್ಷಗಳಲ್ಲಿ ಸಿಎನ್‌ಜಿ ಕಾರುಗಳಿಗೆ ಬೇಡಿಕೆ ಹೆಚ್ಚುತ್ತಿದೆ, ಕೆಲವು ಸಂದರ್ಭಗಳಲ್ಲಿ ಸಿಎನ್‌ಜಿ ಕಾರುಗಳು ಪೆಟ್ರೋಲ್ ಮತ್ತು ಡೀಸೆಲ್ ಚಾಲಿತ ವಾಹನಗಳಿಗಿಂತ ಹೆಚ್ಚು ಮಾರಾಟವಾಗುತ್ತಿವೆ.

ಎಲೆಕ್ಟ್ರಿಕ್ ಕಾರುಗಳ ಸಂಖ್ಯೆಯೂ ಹೆಚ್ಚುತ್ತಿದೆ, ಹೆಚ್ಚು ಹೆಚ್ಚು ಕಾರು ತಯಾರಕರು ಈ ಕ್ರಾಂತಿಯ ಭಾಗವಾಗುತ್ತಿದ್ದಾರೆ. ಭಾರತದಲ್ಲಿ 30 ಲಕ್ಷ ರೂ.ಗಿಂತ ಹೆಚ್ಚಿನ ಬೆಲೆಯ ಅನೇಕ EV ಗಳಿವೆ, ಇದರಲ್ಲಿ ಎಲ್ಲಾ ಐಷಾರಾಮಿ ಮೊಡೆಲ್‌ಗಳು ಮತ್ತು ಮಾಸ್‌ ಮಾರ್ಕೆಟ್‌ ಬ್ರ್ಯಾಂಡ್‌ಗಳ ಕೆಲವು ಕಾರುಗಳಾದ ಕಿಯಾ EV6 ಮತ್ತು ಹ್ಯುಂಡೈ Ioniq 5 ಸೇರಿವೆ. ಮೇಲೆ ತಿಳಿಸಲಾದ ತಿದ್ದುಪಡಿಗಳು ಹೊಸ ಹಣಕಾಸು ವರ್ಷದಿಂದ ಪ್ರಸ್ತಾವಿತ ಪರಿಷ್ಕರಣೆಗಳು ಜಾರಿಗೆ ಬಂದರೆ ಈ ಎಲ್ಲಾ ಮೊಡೆಲ್‌ಗಳು ದುಬಾರಿಯಾಗುವ ಸಾಧ್ಯತೆಯಿದೆ. 

ಮಹಾರಾಷ್ಟ್ರ ಸರ್ಕಾರದ ಹೊಸ ಪ್ರಸ್ತಾವಿತ ಪರಿಷ್ಕರಣೆಗಳ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ