2025ರ ಆಟೋ ಎಕ್ಸ್‌ಪೋದಲ್ಲಿ Mini Cooper S John Cooper ವರ್ಕ್ಸ್ ಪ್ಯಾಕ್ ಭಾರತದಲ್ಲಿ ಬಿಡುಗಡೆ, ಬೆಲೆ ಎಷ್ಟು ಗೊತ್ತೇ?

ತಾಂತ್ರಿಕ ವಿಶೇಷಣಗಳು ಬದಲಾಗದಿದ್ದರೂ, ಕೂಪರ್ ಎಸ್ ಜೆಸಿಡಬ್ಲ್ಯೂ ಪ್ಯಾಕ್ ಹ್ಯಾಚ್‌ಬ್ಯಾಕ್‌ನಲ್ಲಿ ಕೆಲವು ಎಕ್ಸ್‌ಟೀರಿಯರ್‌ ಮತ್ತು ಇಂಟೀರಿಯರ್‌ನ ವಿನ್ಯಾಸ ಬದಲಾವಣೆಗಳನ್ನು ಪರಿಚಯಿಸುತ್ತದೆ 

• ಮಿನಿ ಕೂಪರ್ ಎಸ್ ಜೆಸಿಡಬ್ಲ್ಯೂ ಪ್ಯಾಕ್ ಹ್ಯಾಚ್‌ಬ್ಯಾಕ್‌ನ ರೇಂಜ್‌ನಲ್ಲಿನ ಹೊಸ ಟಾಪ್ ವೇರಿಯೆಂಟ್‌ ಆಗಿದೆ.

• ಎಕ್ಸ್‌ಟೀರಿಯರ್‌ನ ಬದಲಾವಣೆಗಳಲ್ಲಿ ಮರುವಿನ್ಯಾಸಗೊಳಿಸಲಾದ ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳು ಸೇರಿವೆ. 

• ಇಂಟೀರಿಯರ್‌ನ ಬದಲಾವಣೆಗಳು ಸೌಕರ್ಯಗಳ ಮೇಲೆ ಕೆಂಪು ಆಕ್ಸೆಂಟ್‌ಗಳೊಂದಿಗೆ ಹೊಸ ಸಂಪೂರ್ಣ ಕಪ್ಪು ಥೀಮ್ ಅನ್ನು ಒಳಗೊಂಡಿವೆ.

• ಫೀಚರ್‌ಗಳಲ್ಲಿ ವೃತ್ತಾಕಾರದ OLED ವಿನ್ಯಾಸ, HUD ಮತ್ತು ಆಟೋ ಎಸಿ ಸೇರಿವೆ.

• 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ), ADAS ಮತ್ತು 360-ಡಿಗ್ರಿ ಕ್ಯಾಮೆರಾ ಸೇರಿದಂತೆ ಸುರಕ್ಷತಾ ಫೀಚರ್‌ಗಳು ಒಂದೇ ಆಗಿವೆ.

• 2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಜೊತೆಗೆ 7-ಸ್ಪೀಡ್ ಡಿಸಿಟಿ ಆಯ್ಕೆಯೊಂದಿಗೆ ಬರುತ್ತದೆ.

• ಈಗ ಬೆಲೆಗಳು 44.40 ಲಕ್ಷ ರೂ.ನಿಂದ 55.90 ಲಕ್ಷ ರೂ.ಗಳವರೆಗೆ (ಎಕ್ಸ್ ಶೋ ರೂಂ) ಇವೆ.

 ಭಾರತದಲ್ಲಿ ನಾಲ್ಕನೇ ಜನರೇಶನ್‌ನ ಅವತಾರದಲ್ಲಿ ಬಿಡುಗಡೆಯಾದ ಮಿನಿ ಕೂಪರ್ ಎಸ್, ಇದೀಗ ಹೊಸ ಜಾನ್ ಕೂಪರ್ ವರ್ಕ್ಸ್ (ಜೆಸಿಡಬ್ಲ್ಯೂ) ಪ್ಯಾಕ್ ವೇರಿಯೆಂಟ್‌ ಅನ್ನು ಪಡೆದುಕೊಂಡಿದೆ, ಇದರ ಬೆಲೆ ರೂ 55.90 ಲಕ್ಷ (ಎಕ್ಸ್ ಶೋರೂಂ) ರೂ.ನಿಂದ ಪ್ರಾರಂಭವಾಗುತ್ತದೆ. ಈ ವೇರಿಯೆಂಟ್‌  2-ಡೋರ್‌ನ ಹ್ಯಾಚ್‌ಬ್ಯಾಕ್‌ನ ಯಾಂತ್ರಿಕ ಅಂಶಗಳನ್ನು ಬದಲಾಗದೆ ಇರಿಸುತ್ತದೆ ಮತ್ತು ಒಳಗೆ ಮತ್ತು ಹೊರಗೆ ಕೆಲವು ವಿನ್ಯಾಸ ಅಂಶಗಳನ್ನು ಪರಿಚಯಿಸುತ್ತದೆ. ಹೊಸ ಮಿನಿ ಕೂಪರ್ ಎಸ್ ಜಾನ್ ಕೂಪರ್ ವರ್ಕ್ಸ್ ಎಸ್ ನಲ್ಲಿ ಲಭ್ಯವಿರುವ ಎಲ್ಲವನ್ನೂ ವಿವರವಾಗಿ ತಿಳಿಯೋಣ: 

ಹೊಸದೇನಿದೆ?

ಜಾನ್ ಕೂಪರ್ ವರ್ಕ್ಸ್ ಪ್ಯಾಕ್ ಮಿನಿ ಕೂಪರ್ ಎಸ್ ಗೆ ವಿಭಿನ್ನ ವಿನ್ಯಾಸ ಶೈಲಿಯನ್ನು ಸೇರಿಸುತ್ತದೆ. ವೃತ್ತಾಕಾರದ LED ಹೆಡ್‌ಲೈಟ್‌ಗಳು ಮತ್ತು ಐಕಾನಿಕ್ ಯೂನಿಯನ್ ಜ್ಯಾಕ್ ಟೈಲ್ ಲೈಟ್ ವಿನ್ಯಾಸದೊಂದಿಗೆ ಒಟ್ಟಾರೆ ಬಾಡಿಯ ಆಕೃತಿಯು ಒಂದೇ ಆಗಿರುತ್ತದೆ. ಹಾಗೆಯೇ, ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳನ್ನು ಆಕ್ರಮಣಕಾರಿ ಕಟ್‌ಗಳು ಮತ್ತು ಕ್ರೀಸ್‌ಗಳೊಂದಿಗೆ ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾಗಿದ್ದು, 2-ಬಾಗಿಲಿನ ಹ್ಯಾಚ್‌ಬ್ಯಾಕ್ ಅನ್ನು ಹೆಚ್ಚು ಸ್ಪೋರ್ಟಿಯರ್ ಆಗಿ ಕಾಣುವಂತೆ ಮಾಡುತ್ತದೆ. ಇದರೊಂದಿಗೆ, ಪ್ರಮುಖ ಹೈಲೈಟ್‌ ಎಂದರೆ ಗ್ರಿಲ್, ಮಿನಿ ಬ್ಯಾಡ್ಜ್‌ಗಳು ಮತ್ತು ಬಂಪರ್‌ಗಳು ಕಪ್ಪು ಬಣ್ಣದ್ದಾಗಿವೆ. ಕೂಪರ್ ಎಸ್ ಜೆಸಿಡಬ್ಲ್ಯೂ ಪ್ಯಾಕ್ ಕಪ್ಪು ಅಲಾಯ್‌ ವೀಲ್‌ಗಳು ಮತ್ತು ಗ್ರಿಲ್‌ನಲ್ಲಿ ಜಾನ್ ಕೂಪರ್ ವರ್ಕ್ಸ್ ಬ್ಯಾಡ್ಜ್ ಅನ್ನು ಸಹ ಒಳಗೊಂಡಿದೆ.

ಒಳಭಾಗದಲ್ಲಿ, ಇದು ಡ್ಯಾಶ್‌ಬೋರ್ಡ್, ಸೀಟುಗಳು ಮತ್ತು ಮಧ್ಯದ ಆರ್ಮ್‌ರೆಸ್ಟ್‌ನಲ್ಲಿ ಕೆಂಪು ಆಕ್ಸೆಂಟ್‌ಗಳು ಮತ್ತು ಲೈಟ್‌ ಅಂಶಗಳೊಂದಿಗೆ ಕಪ್ಪು ಥೀಮ್ ಅನ್ನು ಪಡೆಯುತ್ತದೆ. ಇದನ್ನು ಹೊರತುಪಡಿಸಿ, ಮಿನಿ ಕೂಪರ್ ಎಸ್ ನ ಒಳಭಾಗವು ಜಾನ್ ಕೂಪರ್ ವರ್ಕ್ಸ್ (ಜೆಸಿಡಬ್ಲ್ಯೂ) ಪ್ಯಾಕ್ ಗಿಂತ ಯಾವುದೇ ವ್ಯತ್ಯಾಸವನ್ನು ಕಾಣುವುದಿಲ್ಲ.

ಮಿನಿ ಕೂಪರ್ ಎಸ್: ಸಂಕ್ಷಿಪ್ತ ವಿವರಗಳು

ಮಿನಿ ಕೂಪರ್ ಎಸ್ ತನ್ನ ನಾಲ್ಕನೇ ಜನರೇಶನ್‌ನ ಅವತಾರವನ್ನು ಜುಲೈ 2024 ರಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡಿತು, ಸ್ವಲ್ಪ ಮಾರ್ಪಡು ಮಾಡಿದ ಬಾಹ್ಯ ಮತ್ತು ಒಳಾಂಗಣ ವಿನ್ಯಾಸದೊಂದಿಗೆ, ಇದನ್ನು ಜಾನ್ ಕೂಪರ್ ವರ್ಕ್ಸ್ ಪ್ಯಾಕ್‌ನಿಂದ ಮತ್ತಷ್ಟು ವರ್ಧಿಸಲಾಗಿದೆ.

ಆದರ, ಫೀಚರ್‌ಗಳ ಸೂಟ್ ರೆಗ್ಯುಲರ್‌ ಮೊಡೆಲ್‌ನಂತೆಯೇ ಇರುತ್ತದೆ, ಇದರಲ್ಲಿ ಟಚ್‌ಸ್ಕ್ರೀನ್‌ನಂತೆ 9.4-ಇಂಚಿನ ವೃತ್ತಾಕಾರದ OLED ಡಿಸ್‌ಪ್ಲೇ, ಹೆಡ್ಸ್-ಅಪ್ ಡಿಸ್‌ಪ್ಲೇ (HUD) ಮತ್ತು ಆಟೋ AC ಸೇರಿವೆ. ಇದು ಬಹು-ಬಣ್ಣದ ಆಂಬಿಯೆಂಟ್‌ ಲೈಟಿಂಗ್‌ ಮತ್ತು ಚಾಲಕನ ಸೀಟಿಗೆ ಮಸಾಜ್ ಫಂಕ್ಷನ್‌ ಅನ್ನು ಸಹ ಪಡೆಯುತ್ತದೆ.

ಸುರಕ್ಷತಾ ಸೂಟ್ ಅನ್ನು ಯಾವುದೇ ಬದಲಾವಣೆಗಳಿಲ್ಲದೆ ಬಿಡಲಾಗಿದೆ ಮತ್ತು ಮಿನಿ ಕೂಪರ್ ಎಸ್ 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ), ಆಟೋ-ಹೋಲ್ಡ್ ಫಂಕ್ಷನ್‌ನೊಂದಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಮತ್ತು ಲೆವೆಲ್-1 ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ನೊಂದಿಗೆ ಮುಂದುವರಿಯುತ್ತದೆ.

ಮಿನಿ ಕೂಪರ್ ಎಸ್: ಪವರ್‌ಟ್ರೇನ್ ಆಯ್ಕೆಗಳು

ಜೆಸಿಡಬ್ಲ್ಯೂ ಪ್ಯಾಕ್ ಹೊಂದಿರುವ ಮಿನಿ ಕೂಪರ್ ಎಸ್, ರೆಗ್ಯುಲರ್‌ ಮೊಡೆಲ್‌ನಂತೆಯೇ 2-ಲೀಟರ್ ನಾಲ್ಕು ಸಿಲಿಂಡರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತದೆ. ವಿವರವಾದ ವಿಶೇಷಣಗಳು ಈ ಕೆಳಗಿನಂತಿವೆ:

*DCT = ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಮಿನಿ ಕೂಪರ್ ಎಸ್: ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಮಿನಿ ಕೂಪರ್ ಎಸ್ ರೆಗ್ಯುಲರ್‌ ಮೊಡೆಲ್‌ನ ಬೆಲೆ ಈಗ 44.90 ಲಕ್ಷ ರೂ.ಗಳಿಂದ ಪ್ರಾರಂಭವಾಗಲಿದ್ದು,  ಜೆಸಿಡಬ್ಲ್ಯೂ ಪ್ಯಾಕ್ ವೇರಿಯೆಂಟ್‌ನ ಬೆಲೆ 55.90 ಲಕ್ಷ ರೂ.ಗಳವರೆಗೆ ಇದೆ. ಮಿನಿ ಕೂಪರ್ ಎಸ್‌ಗೆ ಯಾವುದೇ ನೇರ ಪ್ರತಿಸ್ಪರ್ಧಿಗಳಿಲ್ಲ, ಆದರೆ ಇದನ್ನು ಮರ್ಸಿಡಿಸ್-ಬೆಂಝ್‌ ಜಿಎಲ್‌ಎ, ಬಿಎಮ್‌ಡಬ್ಲ್ಯೂ X1 ಮತ್ತು ಆಡಿ Q3 ಗಳಿಗೆ ಪರ್ಯಾಯವೆಂದು ಪರಿಗಣಿಸಬಹುದು.  

ಎಲ್ಲಾ ಬೆಲೆಗಳು ಎಕ್ಸ್-ಶೋರೂಮ್, ಭಾರತಾದ್ಯಂತ ಇವೆ.

ಆಟೋಮೋಟಿವ್ ಜಗತ್ತಿನಿಂದ ಕ್ಷಣಕ್ಷಣದ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ