ಸೆಲ್ಫಿ ಕ್ಯಾಮೆರಾ ಮತ್ತು ಮುಂದುವರಿದ ತಂತ್ರಜ್ಞಾನದ ಇಂಟೀರಿಯರ್ ಹೊಂದಿರುವ ಹೊಸ ಪೀಳಿಗೆಯ ಮೆರ್ಸಿಡೀಸ್ ಬೆಂಝ್ ಇ-ಕ್ಲಾಸ್

ಜರ್ಮನಿಯ ಐಷಾರಾಮಿ ಮಾರ್ಕ್ ಮುಂಬರುವ ಇ-ಕ್ಲಾಸ್‌ಗಾಗಿ ತನ್ನ ಇತ್ತೀಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಅಧಿಕೃತವಾಗಿ ಬಹಿರಂಗಪಡಿಸಿದೆ

ಮೆಸಿಡೀಸ್ -ಬೆಂಝ್ ಜಾಗತಿಕವಾಗಿ ತನ್ನ ಮುಂದಿನ ಪೀಳಿಗೆಯ ಇ-ಕ್ಲಾಸ್ ಅನ್ನು ಏಪ್ರಿಲ್‌ನಲ್ಲಿ ಅನಾವರಣಗೊಳಿಸಲಿದೆ. ಅದಕ್ಕೂ ಮೊದಲು, ಜರ್ಮನ್ ಕಾರು ತಯಾರಕರು ಹೊಸ ಪೀಳಿಗೆಯ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಬಹಿರಂಗಪಡಿಸಿದ್ದಾರೆ, ಅದು ಹೊಸ ಇ-ಕ್ಲಾಸ್‌ನಲ್ಲಿ ಲಭ್ಯವಾಗುತ್ತದೆ ಮತ್ತು ಕೆಲವು ಆಸಕ್ತಿದಾಯಕ ವೈಶಿಷ್ಟ್ಯಗಳನ್ನು ಹೊಂದಿರುತ್ತದೆ.

ಅತ್ಯಂತ ಪ್ರಮುಖ ಆಕರ್ಷಣೆಯೆಂದರೆ ಹೊಸ ಎಂಬಿಯುಎಕ್ಸ್ ಸೂಪರ್‌ಸ್ಕ್ರೀನ್ ಮಧ್ಯ ಮತ್ತು ಪ್ರಯಾಣಿಕರ ಬದಿಯ ಟಚ್‌ಸ್ಕ್ರೀನ್‌ಗಳ ಮೇಲೆ ದೊಡ್ಡದಾದ, ಸಿಂಗಲ್-ಪೀಸ್ ಗಾಜಿನ ಮೇಲ್ಮೈಯನ್ನು ಹೊಂದಿದೆ. ನಮ್ಮ ಗಮನ ಸೆಳೆದ ಹೊಸ ಇ-ಕ್ಲಾಸ್‌ನಲ್ಲಿ ಇರಬೇಕಾದ ಕೆಲವು ಹೆಚ್ಚು ಆಸಕ್ತಿದಾಯಕ ವೈಶಿಷ್ಟ್ಯಗಳ ತ್ವರಿತ ನೋಟ ಇಲ್ಲಿದೆ:

ವೀಡಿಯೊ ಕರೆಗಳಿಗಾಗಿ ಸೆಲ್ಫಿ ಕ್ಯಾಮೆರಾ

ಇನ್ನು ಮುಂದೆ ನೀವು ಹೊಸ ಇ-ಕ್ಲಾಸ್‌ನೊಳಗೆ ಇದ್ದಾಗ, ವೀಡಿಯೊ ಕಾನ್ಫರೆನ್ಸ್‌ಗಳಲ್ಲಿ ಭಾಗವಹಿಸಲು ನಿಮ್ಮ ಲ್ಯಾಪ್‌ಟಾಪ್ ಅನ್ನು ಆನ್ ಮಾಡಬೇಕಾಗಿಲ್ಲ. ಸೂಪರ್‌ಸ್ಕ್ರೀನ್ ಡ್ಯಾಶ್‌ಬೋರ್ಡ್‌ನ ಮೇಲೆ ಕ್ಯಾಮೆರಾವನ್ನು ಒಳಮುಖವಾಗಿ ಇರಿಸಲಾಗಿದೆ ಮತ್ತು ಅದನ್ನು ಜೂಮ್ ಅಥವಾ ವೆಬೆಕ್ಸ್ ಅಪ್ಲಿಕೇಶನ್‌ಗಳ ಮೂಲಕ ವೀಡಿಯೊ ಸಭೆಗಳಲ್ಲಿ ಭಾಗವಹಿಸಲು ಬಳಸಬಹುದು. ಇದನ್ನು ಕ್ಯಾಬಿನ್ ಸೆಲ್ಫಿಗಳನ್ನು ತೆಗೆದುಕೊಳ್ಳಲೂ ಬಳಸಬಹುದು. ಸುರಕ್ಷತೆಯ ಕಾರಣಗಳಿಗಾಗಿ ಕಾರನ್ನು ಚಾಲನೆ ಮಾಡುವಾಗ ಈ ಕ್ಯಾಮರಾವನ್ನು ಬಳಸಲು ಸಾಧ್ಯವಿಲ್ಲ.

ಇದನ್ನೂ ಓದಿ: ನಿಮ್ಮ ಮಾರುತಿ ಜಿಮ್ನಿಯನ್ನು ಮಿನಿ ಜಿ-ವ್ಯಾಗನ್ ಆಗಿ ಪರಿವರ್ತಿಸಲು ಟಾಪ್ 5 ಕಿಟ್‌ಗಳು

ಸೌಂಡ್ ವಿಶುವಲೈಸೇಷನ್

ವಿಶುವಲೈಸೇಷನ್ ಕಾರ್ಯದೊಂದಿಗೆ, ಹೊಸ ಇ-ಕ್ಲಾಸ್‌ನ ಒಳಭಾಗದಲ್ಲಿ ಆಂಬಿಯಂಟ್ ಮೂಡ್ ಲೈಟಿಂಗ್ ಅನ್ನು ನೀಡಲಾಗಿದೆ. ಇನ್‌ಸ್ಟ್ರುಮೆಂಟ್ ಪ್ಯಾನೆಲ್‌ನ ಮೇಲ್ಭಾಗದಲ್ಲಿ ಮತ್ತು ಡೋರ್ ಪ್ಯಾನೆಲ್‌ಗಳ ಎದುರು, ಸಂಗೀತಕ್ಕೆ ತಕ್ಕಂತೆ ಪ್ರತಿಸ್ಪಂದಿಸುವ ಆಕ್ಟೀವ್ ಲೈಟ್ ಸ್ಟ್ರಿಪ್ ಅನ್ನು ಇರಿಸಲಾಗಿದೆ. ಉದಾಹರಣೆಗೆ, ಜೋರಾದ ಸಂಗೀತದಿಂದ ಬೆಳಕು ವೇಗವಾಗಿ  ಬದಲಾಗುತ್ತದೆ, ಆದರೆ ನಿಧಾನ ಸಂಗೀತದಿಂದ ಬೆಳಕು ಮಂದಗತಿಯಲ್ಲಿ ಬದಲಾಗುತ್ತದೆ.

ಮರ್ಸಿಡಿಸ್ ಉದ್ಯಮದಲ್ಲಿ ಅತ್ಯುತ್ತಮ ಆಂಬಿಯೆಂಟ್ ಲೈಟಿಂಗ್ ಸಿಸ್ಟಮ್‌ ಅನ್ನು ಹೊಂದಿದೆ, ಇದು ಇಲ್ಲಿಯವರೆಗಿನ ಅತ್ಯುತ್ತಮ ಧ್ವನಿ-ಸಂಬಂಧಿತ ಬೆಳಕಿನ ವೈಶಿಷ್ಟ್ಯವಾಗಿದೆ. ಇದು ಇ-ಕ್ಲಾಸ್‌ನ ಬರ್ಮೆಸ್ಟರ್ 4ಡಿ ಸರೌಂಡ್ ಸೌಂಡ್ ಮತ್ತು ಸೀಟ್ ಬ್ಯಾಕ್‌ರೆಸ್ಟ್‌ಗಳಲ್ಲಿ ಅಳವಡಿಸಲಾಗಿರುವ ಸೌಂಡ್ ಟ್ರಾನ್ಸ್‌ಡ್ಯೂಸರ್‌ಗಳ ಸಂಯೋಜನೆಯಲ್ಲಿ ಕಾರ್ಯನಿರ್ವಹಿಸುತ್ತದೆ.

ಮೋಷನ್ ಸಿಕ್‌ನೆಸ್ ತಡೆಗಟ್ಟುವಿಕೆ

ಹೊಸ ಇ-ಕ್ಲಾಸ್ ಮೋಷನ್ ಸಿಕ್‌ನೆಸ್ ಅನ್ನು ತಡೆಗಟ್ಟುವಲ್ಲಿ ಸಹಾಯ ಮಾಡುವ 'ಎನರ್ಜೈಸಿಂಗ್ ಕಂಫರ್ಟ್' ಕಾರ್ಯವನ್ನು ಪ್ರಾರಂಭಿಸಿದೆ. ಅದನ್ನು ಬಳಸಿದಾಗ, ಅದು ಸೀಟನ್ನು ಕೆಳಕ್ಕೆ ಮಾಡಲು ಬಳಕೆದಾರರಿಗೆ ಸೂಚಿಸುತ್ತದೆ, ಕುಶನಿಂಗ್ ಅನ್ನು ಸರಿಹೊಂದಿಸುತ್ತದೆ ಮತ್ತು ಪ್ರಯಾಣಿಕರ ಮನಸ್ಥಿತಿಯನ್ನು ಬದಲಾಯಿಸಲು ಪರಿಮಳಯುಕ್ತ ತಾಜಾ ಗಾಳಿಯನ್ನು ಪೂರೈಸುತ್ತದೆ.

 ಇವುಗಳು ತಂತ್ರಜ್ಞಾನದಿಂದ ಸುಸಜ್ಜಿತ ಹೊಸ ಪೀಳಿಗೆಯ ಇ-ಕ್ಲಾಸ್‌ನ ಕೆಲವು ಅತ್ಯುತ್ತಮ ವೈಶಿಷ್ಟ್ಯಗಳಾಗಿವೆ. ಮುಂಬರುವ ಮಾದರಿಯ ಕುರಿತು ಹೆಚ್ಚಿನ ವಿವರಗಳನ್ನು ಅಧಿಕೃತ ಅನಾವರಣಕ್ಕೆ ಮುಂಚಿತವಾಗಿ ಘೋಷಿಸುವ ನಿರೀಕ್ಷೆಯಿದೆ.

ಯುರೋಪ್‌ನಲ್ಲಿ ತನ್ನ ಮೊದಲ ಜಾಗತಿಕ ಪಾದಾರ್ಪಣೆಯ ನಂತರ, ಹೊಸ ಇ-ಕ್ಲಾಸ್ ಭಾರತವನ್ನು 2024 ರ ಆರಂಭದಲ್ಲಿ ತಲುಪುವ ನಿರೀಕ್ಷೆಯಿದೆ. ಹೆಚ್ಚು ಮಾರಾಟವಾಗುವ ಮರ್ಸಿಡಿಸ್ ಮಾದರಿಯು ಬಿಎಂಡಬ್ಲ್ಯೂ 5 ಸರಣಿ, ಆಡಿ A6 ಮತ್ತು ವೋಲ್ವೋ ಎಸ್90 ಗೆ ಪ್ರತಿಸ್ಪರ್ಧಿಯಾಗಿದೆ.

ಇನ್ನಷ್ಟು ಓದಿ: ಮರ್ಸಿಡಿಸ್ ಬೆಂಝ್ ಇ-ಕ್ಲಾಸ್ ಡೀಸೆಲ್