ಕಿಯಾ ಇವಿ6 2022-2025

ಐಷಾರಾಮಿ EV + ನ ಬೆಲೆಯನ್ನು ಗಮನಿಸಿದಾಗ ಬಲು ದುಬಾರಿ ಎನಿಸಬಹುದು, ಆದರೆ EV6 ಸಾಕಷ್ಟು ಉತ್ಸಾಹ ಮತ್ತು ವಿಶೇಷತೆಯನ್ನು ಒಳಗೊಂಡಿದೆ. ನೀವು ಅದನ್ನು ಪರಿಗಣಿಸುತ್ತೀರಾ?

ಇಲೆಕ್ಟ್ರಾನಿಕ್ ವೆಹಿಕಲ್ ಗಳ ಜಗತ್ತಿಗೆ ಕಿಯಾ ಪ್ರವೇಶ ಮಾಡಿದಾಗ ಎಲ್ಲರ ಗಮನವನ್ನು ಸೆಳೆಯಿತು. ಇದು EV6 ಕಾಣುವ ರೀತಿಯಲ್ಲಿ ಮಾತ್ರವಲ್ಲ, ಸೊಗಸಾದ ಬಂಪರ್‌ಗಳ ನಡುವೆ ಮಿಶ್ರಣ ಆಗಿರುವ ತಂತ್ರಜ್ಞಾನದ ಕಾರಣದಿಂದಾಗಿ. ಇದು ಸ್ಪೋರ್ಟ್ಸ್ ಕಾರಿನಂತಹ ಕಾರ್ಯಕ್ಷಮತೆ ಮತ್ತು ಐಷಾರಾಮಿ ಕಾರಿನಂತಹ ವೈಶಿಷ್ಟ್ಯಗಳನ್ನು ಭರವಸೆ ನೀಡಿದೆ ಮತ್ತು ನಾವು ಅದನ್ನು ಅನುಭವಿಸುವ ಸಮಯ ಬಂದಿದೆ. ಆದಾಗ್ಯೂ, ಇದು ಸಂಪೂರ್ಣ ಆಮದು ಆಗಲಿದೆ, ಅಂದರೆ ಇದು ಐಷಾರಾಮಿ ವಿಭಾಗದಲ್ಲಿ ಸ್ಥಾನ ಪಡೆಯಲಿದೆ. ಆಮದು ಆಗಿದ್ದರೂ ಅದನ್ನು ಪರಿಗಣಿಸಲು EV6 ಸಾಕಷ್ಟು ಉತ್ತೇಜಕವಾಗಿರಬಹುದೇ?

ಅದರ ಆಲ್-ಇವಿ ಪ್ಲಾಟ್‌ಫಾರ್ಮ್‌ನೊಂದಿಗೆ, ಕಿಯಾ ವಿನ್ಯಾಸದಲ್ಲಿ ಕ್ರಾಂತಿಕಾರಿಯಾದ ಹೆಜ್ಜೆಯನ್ನಿಟ್ಟಿದೆ. EV6 ಸಾಂಪ್ರದಾಯಿಕ ಹ್ಯಾಚ್‌ಬ್ಯಾಕ್ ಆಗಲಿ ಅಥವಾ ಸೆಡಾನ್ ಅಥವಾ ಎಸ್‌ಯುವಿಯೂ ಅಲ್ಲ.  ಇದು ಈ ಮೂರರ ಸಂಯೋಜನೆಯಾಗಿದೆ ಮತ್ತು ನೀವು EV6 ನ ಗಾತ್ರ ಮತ್ತು ವಿನ್ಯಾಸದ ವಿವರಗಳನ್ನು ಗಣನೆಗೆ ತೆಗೆದುಕೊಂಡಾಗ, ಭಾರತೀಯ ರಸ್ತೆಗಳಲ್ಲಿ ನಾವು ಇಂತಹ ಕಾರುಗಳನ್ನು ನೋಡಿಲ್ಲದಂತೆ ಅನಿಸುತ್ತದೆ.

ಇಳಿಜಾರಾದ ಬಾನೆಟ್, ನಯವಾದ ಗ್ರಿಲ್ ಮತ್ತು ದೊಡ್ಡ ಹೆಡ್‌ಲ್ಯಾಂಪ್‌ಗಳೊಂದಿಗೆ ಮುಂಭಾಗವು ತುಂಬಾ ಶಾರ್ಪ್‌ ಆಗಿ ಕಾಣುತ್ತದೆ. ಈ ಕಾರಿನ ಸೈಡ್‌ ಪ್ರೊಫೈಲ್‌ನ ಗಮನಿಸುವಾಗ ಇದರ ದೊಡ್ಡ ಪ್ರಮಾಣವು ನಮ್ಮನ್ನು ಮೋಡಿ ಮಾಡಲು ಪ್ರಾರಂಭಿಸುತ್ತದೆ. ಆದರೆ, ವಿವರಗಳಿಗೆ ಗಮನ ನೀಡುವುದು ಎದ್ದು ಕಾಣುತ್ತದೆ. ಹೆಡ್‌ಲ್ಯಾಂಪ್‌ಗಳು ಸಂಕೀರ್ಣವಾದ ಡಿಆರ್‌ಎಲ್‌ಎಸ್‌ ಮತ್ತು ಲೈಟಿಂಗ್‌ಗಾಗಿ ಪೂರ್ಣ ಮ್ಯಾಟ್ರಿಕ್ಸ್ ಎಲ್‌ಇಡಿ ಸೆಟಪ್ ಅನ್ನು ಪಡೆಯುತ್ತವೆ. ಮೇಲಿನ DRL ಸಹ ಅನುಕ್ರಮ ಟರ್ನ್‌ ಇಂಡಿಕೇಟರ್‌ ಆಗಿ ಕಾರ್ಯನಿರ್ವಹಿಸುತ್ತದೆ.

EV6 4695mm ಉದ್ದ, 1890mm ಅಗಲ, 1550mm ಎತ್ತರ ಮತ್ತು 2900mm ವ್ಹೀಲ್‌ಬೇಸ್ ಅನ್ನು ಹೊಂದಿದೆ. ಹೀಗಾಗಿ, EV6 ಟಾಟಾ ಸಫಾರಿಯಂತೆ ಉದ್ದವಾಗಿದೆ ಮತ್ತು ಅಗಲವಾಗಿದೆ, ಹಾಗೆಯೇ ಇದು ಟೊಯೊಟಾ ಫಾರ್ಚುನರ್‌ಗಿಂತ ಉದ್ದವಾದ ವೀಲ್‌ಬೇಸ್ ಅನ್ನು ಹೊಂದಿದೆ!

ಇದರಿಂದಾಗಿ EV ಯ ಚಕ್ರಗಳನ್ನು ಕಾರ್ನರ್‌ಗೆ ತಳ್ಳಲಾಗುತ್ತದೆ, ಇದರ ಎಲ್ಲಾ ಪ್ರಶಂಸೆ EV ಪ್ಲಾಟ್‌ಫಾರ್ಮ್‌ಗೆ ಸೇರಬೇಕು. ಮತ್ತು ಅಂತಹ ಗಾತ್ರದೊಂದಿಗೆ, ಫಾಸ್ಟ್‌ಬ್ಯಾಕ್ ವಿನ್ಯಾಸದಿಂದಾಗಿ EV ಇನ್ನಷ್ಟು ಸ್ಪೋರ್ಟಿಯರ್ ಆಗಿ ಕಾಣುತ್ತದೆ. ತದನಂತರ 19-ಇಂಚಿನ ಚಕ್ರಗಳು, ಏರೋ-ಸ್ಪೆಸಿಫಿಕ್‌ ORVM ಗಳು ಮತ್ತು ಫ್ಲಶ್-ಫಿಟ್ಟಿಂಗ್ ಡೋರ್ ಹ್ಯಾಂಡಲ್‌ಗಳಂತಹ ವಿನ್ಯಾಸದಲ್ಲಿ ನೀಡಿರುವ ಅಂಶಗಳು ಈ ಕಾರನ್ನು ಇನ್ನಷ್ಟು ಸ್ವಚ್ಛವಾಗಿ ಕಾಣುವಂತೆ ಮಾಡುತ್ತದೆ.

ಹಿಂಭಾಗದಲ್ಲಿ, ವಿನ್ಯಾಸದಲ್ಲಿನ ತೀಕ್ಷ್ಣತೆಯು ಸುಂದರವಾಗಿ ಸೇರಿಸಲಾಗಿರುವ ಕನೆಕ್ಟೆಡ್‌ ಟೈಲ್ ಲ್ಯಾಂಪ್ ಮತ್ತು ಟರ್ನ್ ಇಂಡಿಕೇಟರ್‌ಗಳಲ್ಲಿ 3D ಮಾದರಿಯೊಂದಿಗೆ ಮರಳುತ್ತದೆ. ಸ್ಪಾಯ್ಲರ್ ಕೂಡ ನೋಡಲು ಸ್ಪೋರ್ಟಿಯಾಗಿದೆ ಮತ್ತು ನೀವು ಅವುಗಳನ್ನು ಒಮ್ಮೆ ನೋಡಿದ ನಂತರ ನೀವು ಮಿಸ್‌ ಮಾಡಿಕೊಳ್ಳಬಾರದು ಎಂಬ ದೃಷ್ಟಿಕೋನದಲ್ಲಿ ನಿರ್ದಿಷ್ಟ ಹೈಪರ್‌ಕಾರ್‌ನಿಂದ ಸ್ಫೂರ್ತಿ ಪಡೆಯುವ ರಿವರ್ಸ್‌ ಲೈಟ್‌ಗಳಾಗಿವೆ. 

ಒಟ್ಟಾರೆಯಾಗಿ, Kia EV6 ಎಲ್ಲರ ಗಮನವನ್ನು ತನ್ನತ್ತ ಸೆಳೆಯುವ ಕಾರಾಗಿದೆ. ಇದು ತನ್ನ ದೊಡ್ಡದಾದ ಗಾತ್ರದೊಂದಿಗೆ ಅದರ ಉಪಸ್ಥಿತಿಯನ್ನು ಅನುಭವಿಸುವಂತೆ ಮಾಡುತ್ತದೆ ಮತ್ತು ವಿನ್ಯಾಸದಲ್ಲಿನ ನೂತನ ಅಂಶಗಳೊಂದಿಗೆ ನಿಮ್ಮ ಗಮನವನ್ನು ಸೆಳೆಯುತ್ತದೆ. ಇದು ಕೆಲವು ಸ್ಥಳದಲ್ಲಿ ಅತಿಯಾಗಿ ಕಾಣಿಸಬಹುದು, ಆದರೆ ಖಂಡಿತವಾಗಿಯೂ ರಸ್ತೆಯಲ್ಲಿ ಬೇರೆ ಯಾವುದೂ ಕಾಣಿಸುವುದಿಲ್ಲ.

EV6 ನ ಡ್ಯಾಶ್‌ಬೋರ್ಡ್ ವಿನ್ಯಾಸವು ಇನ್ನೋವೇಟಿವ್ ಆಗಿದೆ. ಇದು ಮೇಲ್ಭಾಗದಲ್ಲಿ ಆಸಕ್ತಿದಾಯಕ ಶೇಪ್‌ನ್ನು ಹೊಂದಿದೆ, ಇದು ನಾವು ಈ ಹಿಂದೆ ನೋಡಿದ ಯಾವುದೇ ಕಾರಿನಂತಿಲ್ಲ. ಕನಿಷ್ಠ ಲೇಔಟ್, ಕೇವಲ ಎರಡು ಬಾಗಿದ ಸ್ಕ್ರೀನ್‌ಗಳೊಂದಿಗೆ, ಇದು ನಿಜವಾಗಿಯೂ ಸ್ವಚ್ಛವಾಗಿ ಕಾಣಲು ಸಹಾಯ ಮಾಡುತ್ತದೆ. 2 ಸ್ಪೋಕ್‌ ಸ್ಟೀರಿಂಗ್ ಈ ಕನಿಷ್ಠ ವಿನ್ಯಾಸವನ್ನು ಇನ್ನಷ್ಟು ಬಲಗೊಳಿಸಲು ಸಹಾಯ ಮಾಡುತ್ತದೆ.

EV6 ಪ್ಯೂರ್‌ EV ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ, ಹಾಗಾಗಿ ಇದು ಸಮತಟ್ಟಾದ ಫ್ಲೋರ್‌ನ್ನು ಪಡೆಯುತ್ತದೆ. ಇದು ವಿನ್ಯಾಸಕಾರರಿಗೆ ಸಾಕಷ್ಟು ಜಾಗವನ್ನು ತೆರೆಯಲು ಮತ್ತು ಸೆಂಟರ್ ಕನ್ಸೋಲ್‌ಗೆ ತೇಲುವ ಅನುಭವವನ್ನು ನೀಡಲು ಸಹಾಯ ಮಾಡಿದೆ. ಇದು ಕಾರನ್ನು ವಿಭಿನ್ನವಾಗಿ ಅನುಭವಿಸಲು ಸಹಾಯ ಮಾಡುವುದು ಮಾತ್ರವಲ್ಲದೆ, ಕ್ಯಾಬಿನ್‌ನಲ್ಲಿ ಸ್ಟೋರೇಜ್‌ ಸ್ಥಳಗಳಿಗೆ ಬೇಕಾಗುವಷ್ಟು ಸ್ಥಳಾವಕಾಶವನ್ನು ತೆರೆಯುತ್ತದೆ. ಅದನ್ನು ನಾವು ಸ್ವಲ್ಪ ಸಮಯದ ನಂತರ ಪಡೆಯುತ್ತೇವೆ.

ಇದರ ಆಸನಗಳು ತುಂಬಾ ಆರಾಮದಾಯಕ ಮತ್ತು ಸಪೋರ್ಟಿವ್‌ ಮತ್ತು 10-ವೇ ಪವರ್ ಹೊಂದಾಣಿಕೆಯನ್ನು ಹೊಂದಿವೆ. ಯವುದೇ ಗಾತ್ರದ ಹೊರತಾಗಿಯೂ ನ್ಯಾಚುರಲ್‌ ಆಗಿರುವ ಡ್ರೈವಿಂಗ್‌ ಸ್ಥಾನವನ್ನು ಪಡೆಯಲು ಇದು ನಿಮಗೆ ಸಹಾಯ ಮಾಡುತ್ತದೆ. ಅಲ್ಲದೆ, ಚಾರ್ಜ್ ಮಾಡುವಾಗ - ಈ ಆಸನಗಳು ಬಹುತೇಕ ಸಮತಲ ಮಟ್ಟಕ್ಕೆ (ಶೂನ್ಯ-ಗುರುತ್ವಾಕರ್ಷಣೆ) ಒರಗಿಕೊಳ್ಳಬಹುದು, ಇದು ನಿಮಗೆ ವಿಶ್ರಾಂತಿ ಮತ್ತು ನಿದ್ರೆಗೆ ಸಹಾಯ ಮಾಡುತ್ತದೆ. ಅಂತರಾಷ್ಟ್ರೀಯವಾಗಿ, ಸೀಟ್ ಕವರ್‌ಗಳನ್ನು ಮರುಬಳಕೆಯ ಪ್ಲಾಸ್ಟಿಕ್‌ನಿಂದ ನಿರ್ಮಿಸಲಾಗಿದೆ ಆದರೆ ಭಾರತದಲ್ಲಿ ಈ ಆಯ್ಕೆಗಳು ಹೊಲಿದ ಮತ್ತು ಸಿಂತೆಟಿಕ್‌ ಲೆದರ್‌ನ್ನು ಒಳಗೊಂಡಿರುತ್ತವೆ. ಇದರೊಂದಿಗೆ, ಮರುಬಳಕೆಯ PET ಬಾಟಲಿಗಳಿಂದ ನಿರ್ಮಿಸಲಾದ ಡೋರ್ ಪ್ಯಾಡ್‌ಗಳನ್ನು ನೀವು ಇನ್ನೂ ಪಡೆಯುತ್ತೀರಿ.

ವೈಶಿಷ್ಟ್ಯಗಳು

EV6 ನ್ನು ವೈಶಿಷ್ಟ್ಯಗಳೊಂದಿಗೆ ಪ್ಯಾಕ್ ಮಾಡಲಾಗಿದೆ. ಡ್ಯಾಶ್‌ಬೋರ್ಡ್‌ನಲ್ಲಿ ಎರಡು ಬಾಗಿದ 12.3-ಇಂಚಿನ ಡಿಸ್‌ಪ್ಲೇಗಳು ಚಾಲಕ ಮತ್ತು ಇನ್ಫೋಟೈನ್‌ಮೆಂಟ್‌ಗಾಗಿ ಜೋಡಿಸಲಾಗಿದೆ. ಡಿಸ್‌ಪ್ಲೇಯ ಸ್ಪಷ್ಟತೆ ಮತ್ತು ಸಾಫ್ಟ್‌ವೇರ್‌ನ ಮೃದುತ್ವವು ಅದ್ಭುತವಾಗಿದೆ ಮತ್ತು ನುಣುಪಾಗಿದೆ. ಹಾಗೆಯೇ ಮರ್ಸಿಡೀಸ್‌-ಬೆಂಜ್‌ನಲ್ಲಿ ಬಳಸುವ ವ್ಯವಸ್ಥೆಗಳೊಂದಿಗೆ ಇದು ಸುಲಭವಾಗಿ ಸ್ಪರ್ಧೆಯನ್ನು ಒಡ್ಡುವಂತಹ ಸೌಕರ್ಯವನ್ನು ಹೊಂದಿದೆ. ಡ್ರೈವರ್‌ನ ಡಿಸ್‌ಪ್ಲೇಯು ವಿವಿಧ ಲೇಔಟ್‌ಗಳನ್ನು ಪಡೆಯುತ್ತದೆ, ಅದು ಉತ್ತಮವಾದ ಅನಿಮೇಷನ್‌ಗಳೊಂದಿಗೆ ಬದಲಾಗುತ್ತದೆ ಮತ್ತು ಇಂಫೊಎಂಟಟೈನ್‌ಮೆಂಟ್‌ ಡಿಸ್‌ಪ್ಲೇಯು ಸರಳವಾದ ಮತ್ತು ಉಪಯುಕ್ತವಾದ ಗ್ರಾಫಿಕ್ಸ್ ಅನ್ನು ಪಡೆಯುತ್ತದೆ.  ನಾನು ವಿಶೇಷವಾಗಿ ಬ್ಯಾಟರಿ ಮತ್ತು ರೇಂಜ್‌ನ್ನು ಡಿಸ್‌ಪ್ಲೇ ಮಾಡುವುದನ್ನು ನಾವು  ಇಷ್ಟಪಡುತ್ತೇವೆ, ಆದರೆ ಸ್ಕ್ರೀನ್‌ನ ಮೇಲೆ ಪ್ರದರ್ಶಿಸಲಾದ ಕಾರು EV6 ಆಗಿರಬೇಕು ಎಂದು ನಾವು ಬಯಸುತ್ತೇವೆ.

ಐಷಾರಾಮಿ ಕಾರುಗಳಂತೆಯೇ ಉತ್ತಮ ಸೌಂಡ್‌ಗಾಗಿ 3D ಅಕೌಸ್ಟಿಕ್ ಸೌಂಡ್‌ನ್ನು ಹೊಂದಿರುವ 14-ಸ್ಪೀಕರ್ ಮೆರಿಡಿಯನ್ ಸೌಂಡ್ ಸಿಸ್ಟಂನೊಂದಿಗೆ ಇನ್ಫೋಟೈನ್‌ಮೆಂಟ್ ಅನ್ನು ಜೋಡಿಸಲಾಗಿದೆ. ಇದರ ಹೊರತಾಗಿ, ನೀವು ವೆಂಟಿಲೇಟೆಡ್‌ ಮತ್ತು ಬಿಸಿಯಾದ ಸೀಟ್‌ಗಳು, ಹೀಟೆಡ್ ಸ್ಟೀರಿಂಗ್, ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್, ಆಂಬಿಯೆಂಟ್ ಲೈಟ್‌ಗಳು, ಸನ್‌ರೂಫ್ ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಸಹ ಪಡೆಯುತ್ತೀರಿ, ಈ ಮೂಲಕ ನೀವು ನಿಮ್ಮ ಕಾರನ್ನು ಚಾರ್ಜ್ ಮಾಡುವಾಗ ದೂರದಿಂದಲೇ ನೀವು ಮೇಲ್ವಿಚಾರಣೆ ಮಾಡಬಹುದು.

ಭಾರತದಲ್ಲಿ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಕೀಪ್ ಅಸಿಸ್ಟ್, ಎಮರ್ಜೆನ್ಸಿ ಬ್ರೇಕ್‌ಗಳು ಮತ್ತು ಹೆಚ್ಚಿನವುಗಳೊಂದಿಗೆ ಪೂರ್ಣ ADAS ಸೂಟ್ ಅನ್ನು ಪಡೆಯುವ ಕಿಯಾದ ಮೊದಲ EV ಆಗಲಿದೆ. ವೈಶಿಷ್ಟ್ಯ ವಿಭಾಗದಲ್ಲಿ ಹೆಡ್ಸ್-ಅಪ್ ಡಿಸ್ಪ್ಲೇ ವಿಶೇಷ ಉಲ್ಲೇಖ ಆಗಿದೆ, ಇದು ನ್ಯಾವಿಗೇಷನ್ ಮತ್ತು ವಾರ್ನಿಂಗ್‌ಗಾಗಿ ವರ್ಧಿತ ರಿಯಾಲಿಟಿ ಡಿಸ್ಪ್ಲೇಗಳನ್ನು ಪಡೆಯುತ್ತದೆ. ಇದು ನಿಮಗೆ ಉತ್ತಮ ಮಾರ್ಗದರ್ಶನ ನೀಡಲು ಮುಂದಿನ ರಸ್ತೆಯ ಮೇಲೆ ಚಿತ್ರವನ್ನು ಅತಿಕ್ರಮಿಸಬಹುದು.

ಪ್ರಾಯೋಗಿಕತೆ

ನಾವು ಹೇಳಿದಂತೆ, ಕಿಯಾ EV6 EV-ಸ್ಪೇಸಿಫಿಕ್‌ ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ, ಅದು ಸಾಕಷ್ಟು ಸ್ಥಳಾವಕಾಶ ಮತ್ತು ಪ್ರಾಯೋಗಿಕತೆಯನ್ನು ನೀಡಲು ಸಹಾಯ ಮಾಡುತ್ತದೆ. ಸೆಂಟರ್ ಕನ್ಸೋಲ್‌ನ ಕೆಳಗಿರುವ ಸ್ಟೋರೇಜ್‌ನಲ್ಲಿ ಸಣ್ಣ ಬ್ಯಾಗ್‌ಗಳನ್ನು ಸುಲಭವಾಗಿ ಇಡಬಹುದು ಮತ್ತು ಆರ್ಮ್‌ರೆಸ್ಟ್‌ನ ಅಡಿಯಲ್ಲಿ ಸ್ಥಳಾವಕಾಶವು ತುಂಬಾ ಆಳವಾಗಿದೆ ಮತ್ತು ಸಣ್ಣ ಬ್ಯಾಗ್‌ಗೆ ಬೇಕಾಗುವ ಜಾಗವನ್ನು ಹೊಂದಿದೆ. ಗ್ಯಾಜೆಟ್ ಚಾರ್ಜಿಂಗ್ ಆಯ್ಕೆಯು ಎರಡು ಟೈಪ್-ಸಿ, ಒಂದು ಯುಎಸ್‌ಬಿ, ಒಂದು 12-ವೋಲ್ಟ್ ಮತ್ತು ಮುಂಭಾಗದಲ್ಲಿ ವೈರ್‌ಲೆಸ್ ಚಾರ್ಜರ್‌ನೊಂದಿಗೆ ಬರುತ್ತದೆ. ಹಿಂದಿನ ಪ್ರಯಾಣಿಕರು ಎರಡು ಸೀಟ್-ಮೌಂಟೆಡ್ ಟೈಪ್ ಸಿ ಪೋರ್ಟ್‌ಗಳು ಮತ್ತು ಲ್ಯಾಪ್‌ಟಾಪ್ ಚಾರ್ಜರ್ ಅನ್ನು ಪಡೆಯುತ್ತಾರೆ.

ಹಿಂದಿನ ಆಸನ

ಹಿಂದಿನ ಸೀಟುಗಳು 6 ಅಡಿ ಎತ್ತರದವರಿಗೆ ಆರಾಮವಾಗಿ ಕೂತು ಪ್ರಯಾಣಿಸಲು ಉತ್ತಮ ಸ್ಥಳಾವಕಾಶವನ್ನು ನೀಡುತ್ತವೆ. ಮೊಣಕಾಲು ಇಡುವಲ್ಲಿ ಮತ್ತು ಹೆಡ್‌ರೂಮ್ ನಲ್ಲಿ ಸಹ ಸಾಕಷ್ಟು ಜಾಗವಿದೆ ಇದೆ, ಆದರೆ,  ಮುಂಭಾಗದ ಸೀಟಿನ ಕೆಳಗೆ ಸಾಕಷ್ಟು ಜಾಗ ಇಲ್ಲದಿರುವುದರಿಂದ ನೀವು ನಿಮ್ಮ ಪಾದಗಳನ್ನು ಚಾಚಿ ಆರಾಮವಾಗಿ ಕುಳಿತುಕೊಳ್ಳಲು ಸಾಧ್ಯವಿಲ್ಲ. ಸೀಟ್‌ಗೆ ಮತ್ತು ಕಾರಿನ ಫ್ಲೋರ್‌ನ ಮಧ್ಯೆ ಸಾಕಷ್ಟು ಜಾಗವಿಲ್ಲದ ಕಾರಣ, ತೊಡೆಯ ಕೆಳಭಾಗದ ಸಪೋರ್ಟ್‌ನ ಕೊರತೆಗೆ ಕಾರಣವಾಗುತ್ತದೆ. ಹಿಂಬದಿಯ ಸೀಟ್‌ನ್ನು ನೇರವಾಗಿ ಜೋಡಿಸಿರುವುದರಿಂದ ಲಾಂಗ್‌ ಟ್ರಿಪ್‌ ನಂತಹ ಪ್ರಯಾಣದಲ್ಲಿ ಹಿಂಬದಿ ಸೀಟಿನಲ್ಲಿ ಕುಳಿತುಕೊಳ್ಳುವ ಪ್ರಯಾಣಿಕರಿಗೆ EV6 ಆರಾಮದಾಯಕವಿಲ್ಲ. ಆದಾಗಿಯೂ, ನಗರದೊಳಗಿನ ಪ್ರಯಾಣದಲ್ಲಿ ಐದು ವಿಮಾನಗಳಿದ್ದರೂ ಪ್ರಯಾಣಿಕರಿದ್ದರೂ ಸಹ ಪ್ರಯಾಣವು ಉತ್ತಮವಾಗಿರುತ್ತದೆ.

EV6 520 ಲೀಟರ್ ನಷ್ಟು ಬೂಟ್ ನಲ್ಲಿ ಜಾಗವನ್ನು ಹೊಂದಿದ್ದು ಮತ್ತು ಹಿಂಬದಿಯ ಆಸನಗಳನ್ನು ಮಡಿಸುವ  ಮೂಲಕ ಇದನ್ನು ಇನ್ನಷ್ಟು ವಿಸ್ತರಿಸಬಹುದು.ಆದರೆ, EV ಯಲ್ಲಿನ ಈ ದೊಡ್ಡ ಬೂಟ್ ನಲ್ಲಿ ಒಂದು ಸ್ಪೇರ್‌ ವೀಲ್‌ಗೂ ಜಾಗ ನೀಡಬೇಕಾಗುತ್ತದೆ. ಅಲ್ಲದೆ, ಬೂಟ್ ನ ಫ್ಲೋರ್‌ ಮೇಲಿನ ಜಾಗವು ಚಾರ್ಜರ್ ಮತ್ತು ಮೊಬಿಲಿಟಿ ಕಿಟ್ ಗಾಗಿ (ಪಂಕ್ಚರ್ ಸಂದರ್ಭದಲ್ಲಿ ಬಳಸಲು) ಮೀಸಲಿಡಬೇಕಾಗುತ್ತದೆ.

ಇದರೊಂದಿಗೆ, ಮುಂಭಾಗದ ಬಾನೆಟ್ ನ ಅಡಿಯಲ್ಲಿ ಸಣ್ಣ ಸ್ಟೋರೇಜ್‌ಗಾಗಿ ಸ್ಥಳವನ್ನು ಪಡೆಯುತ್ತೀರಿ. ಆಲ್‌ ವೀಲ್‌ ಡ್ರೈವ್‌ ಆವೃತ್ತಿಯಲ್ಲಿ 20 ಲೀಟರ್ ಮತ್ತು  ಹಿಂಬದಿ ವೀಲ್‌ ಡ್ರೈವ್‌ ಮೊಡೆಲ್‌ನಲ್ಲಿ  52 ಲೀಟರ್ ನಷ್ಟು ಜಾಗವಿದೆ. ಸಣ್ಣ ಗ್ರೋಸರಿ ಚೀಲಗಳನ್ನು ಇಡಲು ಇದನ್ನು ಬಳಸಬಹುದು, ಆದರೆ ನೀವು ಪ್ರತಿ ಬಾರಿ ಒಳಗಿನಿಂದ ಬಾನೆಟ್ ಅನ್ನು ತೆರೆಯಬೇಕಾಗಿರುವುದರಿಂದ, 'ಫ್ರೂಟ್' ಅನ್ನು ಬಳಸಲು ನಾವು ಸಲಹೆ ನೀಡುವುದಿಲ್ಲ.

EV6 ಅನ್ನು ಚಾಲನೆ ಮಾಡಲು ಪ್ರಾರಂಭಿಸಿದಾಗ ಇದು ಯಾವುದೇ ಇತರ EV ಅನ್ನು ಚಾಲನೆ ಮಾಡುವಂತೆ ಭಾಸವಾಗುತ್ತದೆ. ಇದು ಶಾಂತ, ನಯವಾದ ಮತ್ತು ಶ್ರಮರಹಿತ ಡ್ರೈವ್ ಅನ್ನು ನೀಡುತ್ತದೆ. ಇದರಲ್ಲಿನ ಕ್ಯಾಬಿನ್ ನಿರೋಧನವು ಇತ್ತೀಚಿನ ದಿನಗಳಲ್ಲಿ ನಾವು ಅನುಭವಿಸಿದ ಅತ್ಯುತ್ತಮವಾದವುಗಳಲ್ಲಿ ಒಂದಾಗಿದೆ. ಇದು EV ಡ್ರೈವ್‌ನಲ್ಲಿ ವಾಹನದ ಒಳಗೆ ಶಾಂತತೆಯ ಅನುಭವ ನೀಡಲು ಮತ್ತಷ್ಟು ಸಹಾಯ ಮಾಡುತ್ತದೆ.

ಆದಾಗಿಯೂ, EV6 ಮತ್ತು ಇತರ ಸಾಮಾನ್ಯ EVಗಳ ನಡುವಿನ ವ್ಯತ್ಯಾಸವು ನೀವು ಥ್ರೊಟಲ್‌ಗೆ ಹೆಚ್ಚಿನ ಕೆಲಸ ನೀಡಲು ಪ್ರಾರಂಭಿಸಿದಾಗ ಕಾರ್ಯರೂಪಕ್ಕೆ ಬರುತ್ತದೆ. 'ಸ್ಪೋರ್ಟ್' ಮೋಡ್‌ನಲ್ಲಿ, ನೀವು ನೀಡುವ ಪ್ರತಿಯೊಂದು ತೀಕ್ಷ್ಣವಾದ ಕಮಾಂಡ್‌, ಎಷ್ಟೇ ಚಿಕ್ಕದಾಗಿದ್ದರೂ ಸಹ EV6 ಸುಗಮವಾಗಿ ಮುನ್ನಡೆಯುತ್ತದೆ. 40kmph ಅಥವಾ 140kmph ಆಗಿರಲಿ, ಹೆಚ್ಚುವರಿ ಥ್ರೊಟಲ್ ಯಾವಾಗಲೂ ಬಲವಾದ ಎಕ್ಸಿಲೆರೆಷನ್‌ಗೆ ಕಾರಣವಾಗುತ್ತದೆ.

EV6 ಯ ಟಾಪ್‌ ಸ್ಪೀಡ್‌ನ್ನು ವಿದ್ಯುನ್ಮಾನವಾಗಿ ಸೂಚಿಸಲಾದ 192kmphಗೆ ಸೀಮಿತಗೊಳಿಸಲಾಗಿದೆ ಮತ್ತು ನೊಯ್ಡಾದ ಬುದ್ಧ್ ಇಂಟರ್ನ್ಯಾಷನಲ್ ಸರ್ಕ್ಯೂಟ್ (BIC) ನಲ್ಲಿ  ನಾವು ಮಾಡಿದ ರೈಡ್‌ನಲ್ಲಿ ಪ್ರತಿ ಬಾರಿಯೂ ಟಾಪ್‌ ಸ್ಪೀಡ್‌ನ್ನು ತಲುಪಲು ಪ್ರಯತ್ನಿಸಿದ್ದೆವೆ. ಸೂಚಿಸಲಾದ ಟಾಪ್‌ ಸ್ಪೀಡ್‌ನ್ನು ನಮಗೆ ತಲುಪಲು ಕೇವಲ 20 ಸೆಕೆಂಡುಗಳನ್ನು ತೆಗೆದುಕೊಂಡಿತು, ಇದು ಅತ್ಯಂತ ತ್ವರಿತ ಮತ್ತು ಇದರ ವೇಗವರ್ಧನೆಯು ಜೀವನದ ನೀರಸ ದಿನಗಳಲ್ಲಿ ಪ್ರತಿ ಬಾರಿಯೂ ನಿಮ್ಮನ್ನು ಪ್ರಚೋದಿಸುವಷ್ಟು ಪ್ರಬಲವಾಗಿದೆ.

ವಿಭಿನ್ನವಾದ 'ಸ್ಪೋರ್ಟ್ ಬ್ರೇಕ್' ಮೋಡ್ ಕೂಡ ಇದೆ, ಇದು ಬ್ರೇಕ್‌ಗಳನ್ನು ಇನ್ನಷ್ಟು ಶಾರ್ಪ್‌ ಆಗಿ ಮಾಡುತ್ತದೆ ಮತ್ತು ಇದನ್ನು ರೇಸ್‌ಟ್ರಾಕ್‌ಗೆ ಬಿಡುವುದು ಉತ್ತಮವಾಗಿದೆ. ಇತರ ಡ್ರೈವ್ ಮೋಡ್‌ಗಳಿಗೆ (ಇಕೋ ಮತ್ತು ಡ್ರೈವ್) ಬದಲಿಸಿದಾಗ ಥ್ರೊಟಲ್ ಕಡಿಮೆ ಆಕ್ರಮಣಕಾರಿಯಾಗಿದೆ. ಇದು ಎಕ್ಸಿಲರೇಷನ್ ಪ್ರಕ್ರಿಯೆಯನ್ನು ಹೆಚ್ಚು ಪ್ರಗತಿಶೀಲವಾಗಿಸುತ್ತದೆ ಮತ್ತು ನಿಯಂತ್ರಿಸುತ್ತದೆ. ಅಲ್ಲದೆ BIC ಶಾರ್ಟ್ ಲೂಪ್‌ನಲ್ಲಿ ನಿರಂತರವಾಗಿ ಟಾಪ್‌ ಸ್ಪೀಡ್‌ನಲ್ಲಿ ಡ್ರೈವ್‌ ಮಾಡುತ್ತಾ 8 ರಿಂದ 10 ರೌಂಡ್‌ಗಳನ್ನು ಮಾಡಿದರೂ, ಬ್ಯಾಟರಿ ಅಷ್ಟೇನು ಹೆಚ್ಚಾಗಿ ವ್ಯಯಿಸದ ಕಾರಣ ಬ್ಯಾಟರಿಯ ಮೇಲೆ ಗೌರವ ಹೆಚ್ಚಾಯಿತು. ಈ ಸಮಯದಲ್ಲಿ ಬ್ಯಾಟರಿ ಸೂಚಕವು 90 ಪ್ರತಿಶತದಿಂದ ಕೇವಲ 60 ಪ್ರತಿಶತಕ್ಕೆ ಕಡಿಮೆಯಾಯಿತು.

ರೇಂಜ್‌ನ ಕುರಿತು ಹೇಳುವುದಾದರೆ, EV6 ಫುಲ್‌ ಚಾರ್ಜ್‌ ಮಾಡಿದಾಗ 500km ಗಿಂತ ಹೆಚ್ಚು ದೂರವನ್ನು ತಲುಪಬಲ್ಲದು ಎಂದು ಹೇಳಿಕೊಳ್ಳುತ್ತದೆ. ಆದರೆ ವಾಸ್ತವದಲ್ಲಿ ಫುಲ್‌ ಚಾರ್ಜ್‌ ಮಾಡಿದಾಗ ಕನಿಷ್ಠ 400km ದೂರವನ್ನು ತಲುಪುತ್ತದೆ.  ಇದು ಖಂಡಿತವಾಗಿಯೂ ನಿಮ್ಮ ಎಲ್ಲಾ ರೇಂಜ್‌ ನ ಆತಂಕದ ಕುರಿತ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ. ಅಲ್ಲದೆ, 350kW ಚಾರ್ಜರ್‌ನಲ್ಲಿ 10-80 ಶೇಕಡಾ ಚಾರ್ಜ್ ಅನ್ನು ಕೇವಲ 18 ನಿಮಿಷಗಳಲ್ಲಿ ಮಾಡಬಹುದು.

ಆದರೆ ಇಲ್ಲಿರುವ ಒಂದೇ ಸಮಸ್ಯೆಯೆಂದರೆ ಭಾರತದಲ್ಲಿ ಈ ಸೂಪರ್‌ಫಾಸ್ಟ್ ಚಾರ್ಜರ್‌ಗಳಿಲ್ಲ. ನೀವು 50kW ಚಾರ್ಜರ್ ಅನ್ನು ಹುಡುಕುವಷ್ಟು ಅದೃಷ್ಟವಂತರಾಗಿದ್ದರೆ, ಇದರಲ್ಲಿ 10-80 ಪ್ರತಿಶತ ಚಾರ್ಜ್ ಮಾಡಲು 1 ಗಂಟೆ 13 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಸಾಮಾನ್ಯ 25kW ಮತ್ತು 15kW ಚಾರ್ಜರ್‌ಗಳು ಸ್ವಲ್ಪ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಮತ್ತು 0 ರಿಂದ 100 ಪ್ರತಿಶತದವರೆಗೆ ಹೋಮ್ ಸಾಕೆಟ್ ಮೂಲಕ ಚಾರ್ಜ್ ಮಾಡಲು 36 ಗಂಟೆಗಳು ಬೇಕಾಗುತ್ತದೆ.

 ಇದರಲ್ಲಿರುವ ಆಲ್‌-ವೀಲ್‌-ಡ್ರೈವ್‌ ಸೆಟಪ್, ಕಾರು ಹೆಚ್ಚು ಎಳೆತ ಅಥವಾ ವೇಗವರ್ಧನೆಯ ಅಗತ್ಯವಿದೆ ಎಂದು ನಿರ್ಧರಿಸುವವರೆಗೆ ಇದರ ಹಿಂದಿನ ಚಕ್ರ ಚಾಲನೆಯಲ್ಲಿ ಇರುತ್ತದೆ. ಮೃದುವಾದ ಟ್ರಾಕ್ಷನ್‌ ಕಂಟ್ರೋಲ್‌ಗೆ ಇದನ್ನು ಸೇರಿಸಿ, ಮತ್ತು ನೀವು ತಿರುವುಗಳಲ್ಲಿ ಸ್ವಲ್ಪ ಮೋಜು ಮಾಡಬಹುದು. ತೀವ್ರವಾಗಿ ತಿರುಗಿ ಮತ್ತು ಎಳೆತದ ವೇಗಕ್ಕೆ ಅಡ್ಡಿಪಡಿಸದೆಯೇ ಹಿಂಬದಿಯನ್ನು ಸ್ವಲ್ಪ ಜಾರುವ ಮೂಲಕ EV6 ನಿಮ್ಮನ್ನು ಸ್ವಾಗತಿಸುತ್ತದೆ.

ಸ್ಟೀರಿಂಗ್ ಉತ್ತಮ ತೂಕವನ್ನು ಹೊಂದಿದೆ ಮತ್ತು ಇದು ನಿಮ್ಮಲ್ಲಿ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ. ಆದಾಗ್ಯೂ, ಕಾರಿನ ದೊಡ್ಡದಾದ ಗಾತ್ರವು ಅನಪೇಕ್ಷಿತ ತೂಕ ವರ್ಗಾವಣೆಗೆ ಕಾರಣವಾಗುತ್ತದೆ, ಇದು ನಿಮ್ಮನ್ನು ಸ್ವಲ್ಪ ನಿಧಾನವಾಗಿ ಕಾರ್ನರ್‌ನಲ್ಲಿ ಎಳೆಯುವಂತೆ ಮಾಡುತ್ತದೆ. ಆದರೆ ಇದು ಖಂಡಿತವಾಗಿಯೂ ಎತ್ತರದ ಪ್ರದೇಶಗಳಿಗೆ ಅಥವಾ ಹಿಲ್‌ ಸ್ಟೇಷನ್‌ಗಳಿಗೆ ಡ್ರೈವ್‌ ಮಾಡಲು ಮೋಜಿನ ಕಾರ್ ಆಗಿರುತ್ತದೆ.

ನಾವು ಇದನ್ನು F1 ರೇಸ್ ಟ್ರ್ಯಾಕ್‌ನಲ್ಲಿ ಡ್ರೈವ್‌ ಮಾಡಿರುವುದರಿಂದ ಇದರ ರೈಡಿಂಗ್‌ ಗುಣಮಟ್ಟವನ್ನು ನಿರ್ಧರಿಸಲಾಗುವುದಿಲ್ಲ. ಆದ್ದರಿಂದ ನಮ್ಮ ಸಾರ್ವಜನಿಕ ರಸ್ತೆಗಳಲ್ಲಿ EV6 ಅನ್ನು ಓಡಿಸುವವರೆಗೆ ನಾವು ನಮ್ಮ ಕಾಮೆಂಟ್‌ಗಳನ್ನು ಕಾಯ್ದಿರಿಸುತ್ತೇವೆ. ನಾವು ನಿಮಗೆ ಹೇಳುವುದೇನೆಂದರೆ, ಕಾರು ಹೆಚ್ಚಿನ ವೇಗದಲ್ಲಿ ಸರಿಯಾಗಿ ಸ್ಥಿರವಾಗಿರುತ್ತದೆ ಮತ್ತು ಟ್ರ್ಯಾಕ್‌ನಲ್ಲಿನ ಕರ್ಬ್‌ಗಳ ಮೇಲೆ ಹೋಗುತ್ತಿದೆ, ಸವಾರಿ ಎಂದಿಗೂ ಅಸ್ಥಿರ ಅಥವಾ ಒಳನುಗ್ಗುವಂತೆ ನಿಮಗೆ ಅನಿಸುವುದಿಲ್ಲ.

EV6 ಎರಡು ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ GT ಲೈನ್ ಟ್ರಿಮ್‌ನಲ್ಲಿ ಮಾತ್ರ ಲಭ್ಯವಿರುತ್ತದೆ. ಸಿಂಗಲ್ ರಿಯರ್ ಮೋಟಾರ್, ಹಿಂಬದಿ-ಚಕ್ರ ಚಾಲನೆಯ ಆವೃತ್ತಿಯು 229PS ಮತ್ತು 350Nm ಟಾರ್ಕ್ ಅನ್ನು  ಉತ್ಪಾದಿಸುತ್ತದೆ ಮತ್ತು 100kmph ಅನ್ನು ಪಡೆಯಲು 7.3s ತೆಗೆದುಕೊಳ್ಳುತ್ತದೆ. ನಾವು ಚಾಲನೆ ಮಾಡಿದ 325PS ಡ್ಯುಯಲ್ ಮೋಟಾರ್, 605Nm ಟಾರ್ಕ್ ಹೊಂದಿರುವ ಆಲ್-ವೀಲ್ ಡ್ರೈವ್ ಕಾರ್ ಮತ್ತು ಇದು ಕೇವಲ 5.2 ಸೆಕೆಂಡುಗಳಲ್ಲಿ 100kmph ಗೆ ತಲುಪುತ್ತದೆ.

ಬೆಲೆಯು ಸುಮಾರು 70 ಲಕ್ಷ ರೂಪಾಯಿ ಗಳಾಗಿರಬಹುದೆಂದು ನಿರೀಕ್ಷಿಸಲಾಗಿದೆ, ಈ ಮೂಲಕ Kia EV6 ದುಬಾರಿ ಖರೀದಿಯಾಗಲಿದೆ. ದುಬಾರಿಯಾಗಿರುವುದರಿಂದ ಇದು ನಿಸ್ಸಂಶಯವಾಗಿ ಅನೇಕ ಭಾರತೀಯರಿಗೆ ತಲುಪುವುದಿಲ್ಲ ಮತ್ತು ಇದಕ್ಕೆ ಈ ವಿಭಾಗದಲ್ಲಿ ವೋಲ್ವೋ XC40 ರೀಚಾರ್ಜ್‌ನಂತಹ ಐಷಾರಾಮಿ ಕಾರು ಸ್ಪರ್ಧೆ ನೀಡುತ್ತದೆ.

EV6 ನ ಬಗ್ಗೆ ಕಾರು ಪ್ರೀಯರಿಗೆ ಇರುವ ಉತ್ಸಾಹವೇ ಇದರ ಪ್ಲಸ್‌ ಪಾಯಿಂಟ್‌. ಅದರ ನೋಟ, ಲೈಟಿಂಗ್‌ಗಳು, ತಂತ್ರಜ್ಞಾನ, ವೈಶಿಷ್ಟ್ಯಗಳು ಅಥವಾ ಚಾಲನಾ ಅನುಭವವೇ ಆಗಿರಲಿ, ಈ  EV ನಿಸ್ಸಂಶಯವಾಗಿ ಅತ್ಯಾಕರ್ಷಕ ಕಾರು ಆಗಿದೆ. ಜೊತೆಗೆ, ಕೇವಲ 100 ಕಾರುಗಳನ್ನು ಭಾರತಕ್ಕೆ ಆಮದು ಮಾಡಿಕೊಳ್ಳುವುದರೊಂದಿಗೆ, ವಿಶೇಷತೆಯನ್ನು ಪ್ಯಾಕೇಜ್‌ನಲ್ಲಿ ಜೋಡಿಸಲಾಗಿದೆ. ಮತ್ತು ಈ ಎಲ್ಲಾ ಅಂಶವನ್ನು ಗಮನಿಸುವಾಗ ಇದಕ್ಕೆ ಭಾರತದಲ್ಲಿ ಸ್ಪರ್ಧೆಯನ್ನು ನೀಡಲು ಸಾಧ್ಯವಾಗದೇ ಇರಬಹುದು.