BISನಿಂದ ಭಾರತದಲ್ಲಿ ಇವಿಗಳ ಸುರಕ್ಷತೆಯನ್ನು ಹೆಚ್ಚಿಸಲು ಹೊಸ ಮಾನದಂಡಗಳ ಬಿಡುಗಡೆ

ಈ ಹೊಸ ಮಾನದಂಡಗಳು ಇವಿಗಳ ಪವರ್‌ಟ್ರೇನ್‌ಗಳ ಮೇಲೆ ಕೇಂದ್ರೀಕರಿಸುತ್ತವೆ, ದ್ವಿಚಕ್ರ ವಾಹನಗಳು, ನಾಲ್ಕು ಚಕ್ರಗಳ ವಾಹನಗಳು ಮತ್ತು ಕಮರ್ಶಿಯಲ್‌ ಟ್ರಕ್‌ಗಳಿಗೂ ಅನ್ವಯಿಸುತ್ತವೆ.

ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ಎರಡು ಹೊಸ ಮಾನದಂಡಗಳನ್ನು ಬಿಡುಗಡೆ ಮಾಡಿದೆ: IS 18590: 2024 ಮತ್ತು IS 18606: 2024 ಇವಿಗಳಿಗೆ, ನಿರ್ದಿಷ್ಟವಾಗಿ ಅವುಗಳ ಪವರ್‌ಟ್ರೇನ್‌ಗಳ ಮೇಲೆ ಕೇಂದ್ರೀಕರಿಸುತ್ತದೆ.

ಬಿಐಎಸ್ ಎಂದರೇನು?

ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ಅನ್ನು ಹಿಂದೆ ಇಂಡಿಯನ್‌ ಸ್ಟ್ಯಾಂಡರ್ಡ್ಸ್‌ ಇನ್ಸ್ಟಿಟ್ಯೂಷನ್‌ (ISI) ಎಂದು ಕರೆಯಲಾಗುತ್ತಿತ್ತು, ಇದು ಪ್ರಾಡಕ್ಟ್‌ಗಳು, ಪ್ರಕ್ರಿಯೆಗಳು, ಸಿಸ್ಟಮ್‌ಗಳು ಮತ್ತು ಸೇವೆಗಳ ಗುಣಮಟ್ಟವನ್ನು ನಿರ್ಧರಿಸುವ ಮತ್ತು ಪ್ರಮಾಣೀಕರಿಸುವ ಉಸ್ತುವಾರಿ ಹೊಂದಿರುವ ಸರ್ಕಾರಿ ಸಂಸ್ಥೆಯಾಗಿದೆ. ಇದು ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯದ ವ್ಯಾಪ್ತಿಯಲ್ಲಿ ಬರುತ್ತದೆ. ಹೆಚ್ಚು ಪ್ರಸಿದ್ಧವಾದ ವಾಹನ ಉದ್ಯಮದ ಮಾನದಂಡಗಳು ರಸ್ತೆ, ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯದ (MoRTH) ಆಡಿಯಲ್ಲಿ ಬಂದರೂ, ಕಾರುಗಳನ್ನು ನಿರ್ಮಿಸಲು ಕಾರು ತಯಾರಕರು ಬಳಸುವ ಅನೇಕ ವಸ್ತುಗಳನ್ನು ರಸ್ತೆಗೆ ಯೋಗ್ಯವಾಗಿರಲು BIS ನಿಂದ ಪ್ರಮಾಣೀಕರಿಸಬೇಕಾಗುತ್ತದೆ.

BIS ಪ್ರಮಾಣಪತ್ರ ಏಕೆ ಮುಖ್ಯ?

ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ಕೆಲವು ಉತ್ಪನ್ನಗಳನ್ನು ಭಾರತದಲ್ಲಿ ಮಾರಾಟ ಮಾಡುವ ಮೊದಲು ಕನಿಷ್ಠ ಸುರಕ್ಷತಾ ಮಾನದಂಡಗಳನ್ನು ಪೂರೈಸುತ್ತದೆ ಎಂದು ಪ್ರಮಾಣೀಕರಿಸುತ್ತದೆ, ದೋಷಯುಕ್ತ ಅಥವಾ ಕಳಪೆ ಉತ್ಪನ್ನಗಳಿಂದ ಗ್ರಾಹಕರನ್ನು ರಕ್ಷಿಸುತ್ತದೆ. ಇಲ್ಲಿಯವರೆಗಿನ 19,500 BIS ಮಾನದಂಡಗಳಲ್ಲಿ ನಿರ್ದಿಷ್ಟಪಡಿಸಿದಂತೆ ಕೆಲವು ವಸ್ತುಗಳಿಗೆ ಅಂತಹ ಪ್ರಮಾಣೀಕರಣದ ಅಗತ್ಯವಿದೆ.

ಈ ಹೊಸ ನಿಯಮಗಳು ಬಹುಶಃ ಇವಿ ಕಾರುಗಳಲ್ಲಿ ಹೆಚ್ಚುತ್ತಿರುವ ಅಗ್ನಿ ಅವಘಡಗಳನ್ನು ನಿಗ್ರಹಿಸಲು ಸಹಾಯ ಮಾಡುತ್ತವೆ, ಅವುಗಳು ಹೆಚ್ಚಾಗಿ ಅಸಮಂಜಸವಾದ ಬ್ಯಾಟರಿ ಮತ್ತು ಎಲೆಕ್ಟ್ರಿಕ್ ಮೋಟಾರ್ ಗುಣಮಟ್ಟದಿಂದ ಉಂಟಾಗುತ್ತವೆ.

ಕ್ರ್ಯಾಶ್ ಸುರಕ್ಷತಾ ಡೇಟಾದ ಆಧಾರದ ಮೇಲೆ, ಟಾಟಾ ನೆಕ್ಸಾನ್ ಇವಿ ಮತ್ತು ಟಾಟಾ ಪಂಚ್ ಇವಿ ಇದೀಗ ಮಾರಾಟದಲ್ಲಿರುವ ಭಾರತದಲ್ಲಿ ಸುರಕ್ಷಿತವಾದ ಎಲೆಕ್ಟ್ರಿಕ್ ಕಾರುಗಳಾಗಿವೆ.

ಆಟೋಮೋಟಿವ್ ಪ್ರಪಂಚದ ಕುರಿತು ತ್ವರಿತ ಆಪ್‌ಡೇಟ್‌ಗಳನ್ನು ಬಯಸುವಿರಾ? ದಯವಿಟ್ಟು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ.