1.17 ಕೋಟಿ ರೂ.ಬೆಲೆಯಲ್ಲಿ Facelifted Audi Q8 ಭಾರತದಲ್ಲಿ ಬಿಡುಗಡೆ

ಹೊಸ ಆಡಿ Q8 ಕೆಲವು ವಿನ್ಯಾಸ ಪರಿಷ್ಕರಣೆಗಳನ್ನು ಪಡೆಯುತ್ತದೆ ಮತ್ತು ಅದೇ ವಿ6 ಟರ್ಬೊ-ಪೆಟ್ರೋಲ್ ಪವರ್‌ಟ್ರೇನ್‌ನೊಂದಿಗೆ ಪ್ರಿ-ಫೇಸ್‌ಲಿಫ್ಟ್ ಮೊಡೆಲ್‌ ಅನ್ನು ಹೊಂದಿದೆ

• 2024 ಆಡಿ ಕ್ಯೂ8 ಅನ್ನು ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್‌ಗಿಂತ 10 ಲಕ್ಷ ರೂ.ನಷ್ಟು ಹೆಚ್ಚಿನ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ.

• ಇದು ಮರುವಿನ್ಯಾಸಗೊಳಿಸಲಾದ ಬಂಪರ್‌ಗಳು ಮತ್ತು ಗ್ರಿಲ್ ಮತ್ತು ಹೊಸ ಎಲ್ಇಡಿ ಲೈಟಿಂಗ್ ಅನ್ನು ಒಳಗೊಂಡಿದೆ.

• ಟಚ್‌ಸ್ಕ್ರೀನ್ ಮತ್ತು ಡ್ರೈವರ್‌ನ ಡಿಸ್‌ಪ್ಲೇಗಾಗಿ ನವೀಕರಿಸಿದ UI ಜೊತೆಗೆ ಕ್ಯಾಬಿನ್ ಮೊದಲಿನಂತೆಯೇ ವಿನ್ಯಾಸವನ್ನು ಹೊಂದಿದೆ.

• ಸುರಕ್ಷತಾ ಫೀಚರ್‌ಗಳಲ್ಲಿ ಬಹು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಪಾರ್ಕ್ ಅಸಿಸ್ಟ್ ಸೇರಿವೆ.

• 3-ಲೀಟರ್ ಟರ್ಬೊ-ಪೆಟ್ರೋಲ್ ವಿ6 ಮೈಲ್ಡ್-ಹೈಬ್ರಿಡ್ ಎಂಜಿನ್ ಅನ್ನು ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್‌ನಿಂದ ಉಳಿಸಿಕೊಳ್ಳಲಾಗಿದೆ.

ಆಡಿ ಕ್ಯೂ8 ಅನ್ನು 2020ರಲ್ಲಿ ಭಾರತದಲ್ಲಿ ಪರಿಚಯಿಸಲಾಯಿತು ಮತ್ತು ಇಲ್ಲಿಯವರೆಗೆ ಸಮಗ್ರ ಆಪ್‌ಡೇಟ್‌ ಅನ್ನು ನೀಡಲಾಗಿಲ್ಲ. ಫೇಸ್‌ಲಿಫ್ಟೆಡ್ ಫ್ಲ್ಯಾಗ್‌ಶಿಪ್ ಕ್ಯೂ8 ಎಸ್‌ಯುವಿಯನ್ನು 2023 ರಲ್ಲಿ ಜಾಗತಿಕವಾಗಿ ಅನಾವರಣಗೊಳಿಸಲಾಯಿತು ಮತ್ತು ಈಗ ಭಾರತದಲ್ಲಿ 1.17 ಕೋಟಿ ರೂ.ಗೆ(ಎಕ್ಸ್-ಶೋರೂಮ್) ಬಿಡುಗಡೆ ಮಾಡಲಾಗಿದೆ. ಹಾಗೆಯೇ ಹೊರಹೋಗುವ ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್‌ಗಿಂತ ಹೊಸ Q8 10 ಲಕ್ಷ ರೂ.ನಷ್ಟು ಹೆಚ್ಚಿನ ಬೆಲೆಯಲ್ಲಿ ಹೊಂದಿದೆ.

ಎಕ್ಸ್‌ಟೀರಿಯರ್‌

ಆಡಿ ಕ್ಯೂ8 ನ ಮಿಡ್‌ಲೈಫ್ ರಿಫ್ರೆಶ್ ಸೂಕ್ಷ್ಮ ಮತ್ತು ಗಮನಾರ್ಹ ವಿನ್ಯಾಸದ ವರ್ಧನೆಗಳನ್ನು ತರುತ್ತದೆ. ಮುಂಭಾಗದಲ್ಲಿ, ಆಪ್‌ಡೇಟ್‌ಗಳು ಗ್ರಿಲ್, ಬಂಪರ್ ಮತ್ತು ಹೆಡ್‌ಲೈಟ್‌ಗಳ ಸುತ್ತಲೂ ಕೇಂದ್ರೀಕೃತವಾಗಿವೆ. ದೊಡ್ಡ ಅಷ್ಟಭುಜಾಕೃತಿಯ ಗ್ರಿಲ್ ಈಗ ಹೊಸ ಅಷ್ಟಭುಜಾಕೃತಿಯ ದ್ಯುತಿರಂಧ್ರಗಳನ್ನು ಹೊಂದಿದೆ. ಬಂಪರ್‌ನ ಏರ್ ಇನ್‌ಟೇಕ್‌ಗಳನ್ನು ಹೆಚ್ಚು ಸುವ್ಯವಸ್ಥಿತ ನೋಟಕ್ಕಾಗಿ ಪರಿಷ್ಕರಿಸಲಾಗಿದೆ.

ಹೊಸ ಎಚ್‌ಡಿ ಮ್ಯಾಟ್ರಿಕ್ಸ್ ಎಲ್‌ಇಡಿ ಹೆಡ್‌ಲೈಟ್‌ಗಳು ಅತ್ಯಂತ ಗಮನಾರ್ಹವಾದ ಅಪ್‌ಡೇಟ್ ಆಗಿದೆ, ಇದು ಹೆಚ್ಚಿನ ಕಿರಣಕ್ಕಾಗಿ ಹೈ-ಪವರ್ ಲೇಸರ್ ಡಯೋಡ್ ಅನ್ನು ಸಂಯೋಜಿಸುತ್ತದೆ. ಈ ಹೈ-ಬೀಮ್ ಲೇಸರ್ ಲೈಟ್ 70 kmph ಗಿಂತ ಹೆಚ್ಚಿನ ವೇಗದಲ್ಲಿ ಆಟೋಮ್ಯಾಟಿಕ್‌ ಆಗಿ ಸಕ್ರಿಯಗೊಳ್ಳುತ್ತದೆ. ಎಲ್ಇಡಿ ಡಿಆರ್‌ಎಲ್‌ಗಳನ್ನು ವಿಭಿನ್ನ ವಿನ್ಯಾಸದಲ್ಲಿ ಹಾಕಲಾಗಿದೆ ಮತ್ತು ನಾಲ್ಕು ಕಸ್ಟಮೈಸ್‌ ಮಾಡಬಹುದಾದ ಲೈಟ್‌ ಸಿಗ್ನೇಚರ್‌ನೊಂದಿಗೆ ನೀಡಲಾಗುತ್ತದೆ.

ಹಿಂಭಾಗದಲ್ಲಿ, OLED ತಂತ್ರಜ್ಞಾನದೊಂದಿಗೆ ಕನೆಕ್ಟ್‌ ಆಗಿರುವ ಎಲ್‌ಇಡಿ ಟೈಲ್‌ಲ್ಯಾಂಪ್‌ಗಳು ಕಸ್ಟಮೈಸ್‌ ಮಾಡಬಹುದಾದ ಲೈಟ್‌ ಸಿಗ್ನೇಚರ್‌ ಅನ್ನು ಅನುಮತಿಸುತ್ತದೆ, ರಿಫ್ರೆಶ್ ಮಾಡಿದ ಬಾಹ್ಯ ವಿನ್ಯಾಸವನ್ನು ಪೂರ್ಣಗೊಳಿಸುವ ಪರಿಷ್ಕೃತ ಬಂಪರ್‌ನಿಂದ ಪೂರಕವಾಗಿದೆ. ಇದಲ್ಲದೆ, ವಾಹನವು 2 ಮೀಟರ್‌ಗಳೊಳಗೆ ಸಮೀಪಿಸಿದಾಗ ಟೈಲ್ ಲೈಟ್‌ಗಳು ಈಗ ಆಟೋಮ್ಯಾಟಿಕ್‌ ಆಗಿ ಆಕ್ಟಿವ್‌ ಆಗುತ್ತದೆ, ಈ ಮೂಲಕ ಎಸ್‌ಯುವಿಯು ಪಾರ್ಕ್‌ ಮಾಡಿರುವಾಗ ಸುರಕ್ಷತೆಯನ್ನು ಹೆಚ್ಚಿಸುತ್ತದೆ.

ಹೊಸ ಆಡಿ ಕ್ಯೂ8 ಎಂಟು ಬಾಡಿ ಕಲರ್‌ನಲ್ಲಿ ಲಭ್ಯವಿದೆ. ಅವುಗಳೆಂದರೆ, ಸಖೀರ್ ಗೋಲ್ಡ್, ವೈಟೊಮೊ ಬ್ಲೂ, ಮೈಥೋಸ್ ಬ್ಲ್ಯಾಕ್, ಸಮುರಾಯ್ ಗ್ರೇ, ಗ್ಲೇಸಿಯರ್ ವೈಟ್, ಸ್ಯಾಟಲೈಟ್ ಸಿಲ್ವರ್, ಟ್ಯಾಮರಿಂಡ್ ಬ್ರೌನ್ ಮತ್ತು ವಿಕುನಾ ಬೀಜ್.

ಇದನ್ನೂ ಓದಿ: 2024 Mercedes-AMG GLC 43 ಕೂಪ್‌ ಮತ್ತು Mercedes-Benz CLE ಕ್ಯಾಬ್ರಿಯೊಲೆಟ್ ಭಾರತದಲ್ಲಿ ಬಿಡುಗಡೆ, ಬೆಲೆ 1.10 ಕೋಟಿ ರೂ. ನಿಗದಿ

ಇಂಟೀರಿಯರ್‌, ಫೀಚರ್‌ಗಳು ಮತ್ತು ಸುರಕ್ಷತೆ

ಫೇಸ್‌ಲಿಫ್ಟೆಡ್ ಆಡಿ ಕ್ಯೂ8 ಒಳಭಾಗವು ಹಿಂದಿನ ಮೊಡೆಲ್‌ಗಿಂತ ಹೆಚ್ಚೇನು ಬದಲಾಗದೆ ಉಳಿದಿದೆ, ಆಪ್‌ಡೇಟ್‌ಗಳು ಹೊಸ ಸೀಟ್ ಅಪ್‌ಹೋಲ್‌ಸ್ಟರಿ ಸ್ಟಿಚಿಂಗ್, ಡ್ಯಾಶ್‌ಬೋರ್ಡ್‌ನಲ್ಲಿ ಟ್ರಿಮ್ ಇನ್ಸರ್ಟ್‌ಗಳು ಮತ್ತು ರಿಫ್ರೆಶ್ ಮಾಡಿದ ಇಂಟೀರಿಯರ್‌ನ ಕಲರ್‌ ಸ್ಕೀಮ್‌ಗಳ ಮೇಲೆ ಕೇಂದ್ರೀಕೃತವಾಗಿವೆ.

ಹೊಸ Q8 ಮೂರು ಡಿಜಿಟಲ್ ಸ್ಕ್ರೀನ್‌ಗಳು (ಟಚ್‌ಸ್ಕ್ರೀನ್‌ಗಾಗಿ 10.1-ಇಂಚಿನ ಸ್ಕ್ರೀನ್‌, ಡ್ರೈವರ್‌ಗಾಗಿ 12.3-ಇಂಚಿನ ಡಿಸ್‌ಪ್ಲೇ ಮತ್ತು ಕ್ಲೈಮೇಟ್‌ ಕಂಟ್ರೋಲ್‌ ಡಿಸ್‌ಪ್ಲೇ) ಮತ್ತು ಹೆಡ್-ಅಪ್ ಡಿಸ್‌ಪ್ಲೇಯಂತಹ ಫೀಚರ್‌ಗಳನ್ನು ಉಳಿಸಿಕೊಂಡಿದೆ. ಇತರ ಫೀಚರ್‌ಗಳಲ್ಲಿ ನಾಲ್ಕು-ಝೋನ್‌ ಕ್ಲೈಮೇಟ್‌ ಕಂಟ್ರೋಲ್‌, ಪ್ಯಾನರೋಮಿಕ್‌ ಸನ್‌ರೂಫ್, ಮುಂಭಾಗದಲ್ಲಿ ಮಸಾಜ್ ಫಂಕ್ಷನ್‌ನೊಂದಿಗೆ ಬಿಸಿ ಮತ್ತು ವೆಂಟಿಲೇಟೆಡ್‌ ಸೀಟ್‌ಗಳು, ಹಾಗೆಯೇ 17-ಸ್ಪೀಕರ್ ಬ್ಯಾಂಗ್ ಮತ್ತು ಒಲುಫ್‌ಸೆನ್ ಸೌಂಡ್ ಸಿಸ್ಟಮ್ ಸೇರಿವೆ.

ಸುರಕ್ಷತಾ ಪ್ಯಾಕೇಜ್‌ನಲ್ಲಿ ಬಹು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾದೊಂದಿಗೆ ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಪಾರ್ಕ್ ಅಸಿಸ್ಟ್ ಸೇರಿವೆ.

ಪವರ್‌ಟ್ರೈನ್‌

2024ರ ಆಡಿ ಕ್ಯೂ8 ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್‌ನ 3-ಲೀಟರ್ ಟರ್ಬೊ-ಪೆಟ್ರೋಲ್ V6 ಎಂಜಿನ್‌ನೊಂದಿಗೆ (340 ಪಿಎಸ್‌/500ಎನ್‌ಎಮ್‌) 48V ಮೈಲ್ಡ್‌-ಹೈಬ್ರಿಡ್ ಸಿಸ್ಟಮ್‌ನೊಂದಿಗೆ ಜೋಡಿಯಾಗಿ ಮುಂದುವರಿಯುತ್ತದೆ. 8-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಮೂಲಕ ಎಲ್ಲಾ ನಾಲ್ಕು ಚಕ್ರಗಳಿಗೆ (AWD) ಪವರ್ ರವಾನೆಯಾಗುತ್ತದೆ. Q8 5.6 ಸೆಕೆಂಡ್‌ಗಳಲ್ಲಿ 0 ರಿಂದ 100 kmph ವೇಗವನ್ನು ಪಡೆಯುತ್ತದೆ, ಹಾಗೆಯೇ ಇದು 250 kmph ಗರಿಷ್ಠ ವೇಗವನ್ನು ಹೊಂದಿದೆ.

ಪ್ರತಿಸ್ಪರ್ಧಿಗಳು

2024 Audi Q8 ಮಾರುಕಟ್ಟೆಯಲ್ಲಿ ಬಿಎಮ್‌ಡಬ್ಲ್ಯೂ X7 ಮತ್ತು ಮರ್ಸಿಡೀಸ್‌-ಬೆಂಝ್‌ ಜಿಎಲ್‌ಎಸ್‌ನಂತಹ ಐಷಾರಾಮಿ ಎಸ್‌ಯುವಿಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್ ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ.

ಇದರ ಕುರಿತು ಇನ್ನಷ್ಟು ಓದಿ: ಆಡಿ ಕ್ಯೂ8 ಆಟೋಮ್ಯಾಟಿಕ್‌