Tesla ಇಂಡಿಯನ್ ಡೀಲರ್‌ಶಿಪ್‌ಗಳಲ್ಲಿ ಇರಲಿದೆ ಈ ಪ್ರಮುಖ ವ್ಯತ್ಯಾಸಗಳು

ಟೆಸ್ಲಾ ಕಂಪನಿಯು ಭಾರತೀಯ ಮಾರುಕಟ್ಟೆಗಾಗಿ ಪೂರ್ಣ ಪ್ರಮಾಣದ ಕಂಪನಿ-ನಿರ್ವಹಿಸುವ ಡೀಲರ್‌ಶಿಪ್‌ನಂತೆ ಕಾಣುವ ಉದ್ಯೋಗ ಅವಕಾಶದ ಪಟ್ಟಿಯನ್ನು ಪೋಸ್ಟ್ ಮಾಡಿದೆ

ಭಾರತೀಯ ಮಾರುಕಟ್ಟೆಗೆ ಟೆಸ್ಲಾ ಪ್ರವೇಶಕ್ಕಾಗಿ ಕಾತರದಿಂದ ಕಾಯುತ್ತಿರುವವರಿಗೆ ಕೆಲವು ಮೂಲದಿಂದ ಒಳ್ಳೆಯ ಸುದ್ದಿ ಇಲ್ಲಿದೆ. ಅಮೆರಿಕದ ಕಾರು ತಯಾರಕ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಪೂರ್ಣ ಪ್ರಮಾಣದ 3S (ಸೇಲ್ಸ್‌, ಸರ್ವೀಸ್‌ ಮತ್ತು ಸ್ಪೇರ್‌ಪಾರ್ಟ್ಸ್‌) ಕಂಪನಿಯು ನಿರ್ವಹಿಸುವ ಡೀಲರ್‌ಶಿಪ್‌ನಂತೆ ಕಾಣುವ ಉದ್ಯೋಗಾವಕಾಶಗಳನ್ನು ಅಧಿಕೃತವಾಗಿ ಪಟ್ಟಿ ಮಾಡಿದೆ. ಈ ಸೆಟಪ್ ಭಾರತದಲ್ಲಿ ಕಾರು ಡೀಲರ್‌ಶಿಪ್‌ಗಳು ಸಾಮಾನ್ಯವಾಗಿ ಅಧಿಕೃತ ಡೀಲರ್ ಪಾಲುದಾರರ ಮೂಲಕ ಕಾರ್ಯನಿರ್ವಹಿಸುವ ವಿಧಾನಕ್ಕಿಂತ ಸ್ವಲ್ಪ ಭಿನ್ನವಾಗಿದೆ.

ಎಲ್ಲಾ ಉದ್ಯೋಗ ಪಟ್ಟಿಗಳ ಸ್ಥಳವನ್ನು ಗಮನಿಸಿದರೆ, ಟೆಸ್ಲಾ ಮುಂಬೈನಲ್ಲಿ ಡೀಲರ್‌ಶಿಪ್ ಸ್ಥಾಪಿಸುವ ಪ್ರಕ್ರಿಯೆಯಲ್ಲಿದೆ ಎಂದು ತೋರುತ್ತದೆ. ಗಮನಾರ್ಹವಾಗಿ, ಬೆಂಗಳೂರಿನಲ್ಲಿ ಟೆಸ್ಲಾ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರವು ಕೆಲವು ಸಮಯಗಳಿಂದ ಅಸ್ತಿತ್ವದಲ್ಲಿದೆ ಮತ್ತು 2023ರ ಆಗಸ್ಟ್‌ನಲ್ಲಿ ಕಾರು ತಯಾರಕರು ಪುಣೆಯಲ್ಲಿ ಕಚೇರಿ ಸ್ಥಳವನ್ನು ಗುತ್ತಿಗೆಗೆ ಪಡೆದರು. ಈಗ ಈ ಡೀಲರ್‌ಶಿಪ್ ಯಾವಾಗ ತೆರೆಯಲಿದೆ ಮತ್ತು ಭಾರತೀಯ ಮಾರುಕಟ್ಟೆಯಲ್ಲಿ ಯಾವ ಮೊಡೆಲ್‌ಗಳನ್ನು ಬಿಡುಗಡೆ ಮಾಡಲು ಯೋಜಿಸಲಾಗಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ. ಈ ಸಮಯದಲ್ಲಿ, ಕಾರು ತಯಾರಕರು ಜಾಗತಿಕವಾಗಿ ತನ್ನ ಕಾರುಗಳ ಪಟ್ಟಿಯಲ್ಲಿ ಮಾಡೆಲ್ 3, ಮಾಡೆಲ್ ವೈ, ಮಾಡೆಲ್ ಎಸ್, ಮಾಡೆಲ್ ಎಕ್ಸ್ ಮತ್ತು ಸೈಬರ್‌ಟ್ರಕ್‌ ಎಂಬ 5 ಮೊಡೆಲ್‌ಗಳನ್ನು ಹೊಂದಿದ್ದಾರೆ. 

ಸರ್ಕಾರದೊಂದಿಗೆ ಹಲವಾರು ಭಿನ್ನಾಭಿಪ್ರಾಯಗಳಿದ್ದರೂ, ಟೆಸ್ಲಾ ಭಾರತದ ಪ್ರವೇಶ ಬಹಳ ಹಿಂದಿನಿಂದಲೂ ಬಾಕಿ ಇದೆ. 2025ರ ಫೆಬ್ರವರಿಯ ಆರಂಭದಲ್ಲಿ, ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿ ಅವರು ಇತ್ತೀಚೆಗೆ USAಗೆ ಭೇಟಿ ನೀಡಿದ್ದಾಗ ಎಲೋನ್ ಮಸ್ಕ್ ಅವರೊಂದಿಗೆ ಚರ್ಚೆ ನಡೆಸಿರುವುದನ್ನು ನಾವೆಲ್ಲಾ ಗಮನಿಸಿದ್ದೇವೆ. 

February 13, 2025

ವರದಿಯ ಪ್ರಕಾರ, ಟೆಸ್ಲಾ ಆರಂಭದಲ್ಲಿ ಮಾರುಕಟ್ಟೆ ಪ್ರತಿಕ್ರಿಯೆಯನ್ನು ಪರೀಕ್ಷಿಸಲು ತಮ್ಮ ವಾಹನಗಳನ್ನು ಪೂರ್ಣ ಆಮದು ಮಾಡಿಕೊಳ್ಳಲು ಯೋಜಿಸಿತ್ತು. ವಾಸ್ತವವಾಗಿ, ಟೆಸ್ಲಾ ಅದಕ್ಕಾಗಿ ತೆರಿಗೆ ರಿಯಾಯಿತಿಗಳನ್ನು ಸಹ ಒತ್ತಾಯಿಸಿದರು. ಭಾರತ ಸರ್ಕಾರವು ಅಂತಿಮವಾಗಿ ಮಣಿಯಿತು ಆದರೆ ಬಲವಾದ ನಿಯಮಗಳು ಮತ್ತು ಷರತ್ತುಗಳನ್ನು ಹೇರಿದೆ. ಇದರಲ್ಲಿ $500 ಮಿಲಿಯನ್ (ಸುಮಾರು INR 4347 ಕೋಟಿ) ಹೂಡಿಕೆ ಬದ್ಧತೆ ಮತ್ತು ಮೂರು ವರ್ಷಗಳಲ್ಲಿ ಉತ್ಪಾದನಾ ಸೌಲಭ್ಯವನ್ನು ಸ್ಥಾಪಿಸುವ ಷರತ್ತು ಸೇರಿದೆ.

ಇದನ್ನೂ ಓದಿ: ಭಾರತದಾದ್ಯಂತ ತನ್ನ ಪ್ರೀಮಿಯಂ ಕಾರುಗಳಿಗಾಗಿ 'MG ಸೆಲೆಕ್ಟ್' ಡೀಲರ್‌ಶಿಪ್‌ಗಳ 14 ಶಾಖೆಗಳನ್ನು ಪ್ರಾರಂಭಿಸಲಿರುವ MG

ಈ ಎಲ್ಲಾ ಇತ್ತೀಚಿನ ಬೆಳವಣಿಗೆಗಳು ಕಾರು ತಯಾರಕರು ಅಧಿಕೃತ ಬಿಡುಗಡೆಗೆ ಮುನ್ನ ಮುನ್ನಡಿ ಮತ್ತು ಭದ್ರ ಅಡಿಪಾಯ ಹಾಕುತ್ತಿರುವಂತೆ ಕಾಣುತ್ತಿವೆ. ಮಾರುಕಟ್ಟೆಗೆ ಪ್ರವೇಶಿಸುವ ಬಗ್ಗೆ ಟೆಸ್ಲಾದಿಂದ ಅಧಿಕೃತ ದೃಢೀಕರಣ / ಘೋಷಣೆಯನ್ನು ನಿರೀಕ್ಷಿಸಲಾಗಿದೆ.

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ