ಭಾರತೀಯ ಆಟೋಮೋಟಿವ್ ವಲಯಕ್ಕೆ 2025 ರ ಬಜೆಟ್‌ನ ಕೊಡುಗೆ ಏನು ?

2025ರ ಬಜೆಟ್ ವಾಹನ ಖರೀದಿಯನ್ನು ಹೆಚ್ಚಿಸಲು ನೇರ ಪ್ರೋತ್ಸಾಹವನ್ನು ಒಳಗೊಂಡಿಲ್ಲವಾದರೂ, ಹೊಸ ಆದಾಯ ತೆರಿಗೆ ಸ್ಲ್ಯಾಬ್‌ಗಳು ವಿಶೇಷವಾಗಿ ಮಧ್ಯಮ ವರ್ಗದ ಕಾರು ಖರೀದಿದಾರರಿಗೆ ಹೆಚ್ಚಿನ ಆದಾಯವನ್ನು ಪಡೆಯಲು ಸಹಾಯ ಮಾಡುತ್ತದೆ!

• ಆದಾಯ ತೆರಿಗೆ ವಿನಾಯಿತಿ 12 ಲಕ್ಷ ರೂ.ಗೆ ಏರಿಕೆಯಾಗಿದೆ.

• ವಿದ್ಯುತ್ ಚಾಲಿತ ವಾಹನಗಳ ಬ್ಯಾಟರಿ ಉತ್ಪಾದನೆಯ 35 ಸರಕುಗಳ ಮೇಲಿನ ಕಸ್ಟಮ್ಸ್ ಸುಂಕ ಕಡಿತ ಮಾಡಲಾಗಿದೆ.

• ಪಿಎಲ್ಐ ಯೋಜನೆಗೆ 2,819 ಕೋಟಿ ರೂ. ಹಂಚಿಕೆ.

• ಗ್ರಾಮೀಣ ವಾಹನ ಬೇಡಿಕೆ ಹೆಚ್ಚಿಸಲು ಧನ್-ಧಾನ್ಯ ಕೃಷಿ ಯೋಜನೆ.

• ಆಟೋಮೊಬೈಲ್ ವಲಯದಲ್ಲಿ MSME ಗಳಿಗೆ ಸುಲಭ ಸಾಲ ಸೌಲಭ್ಯ. 

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿದ 2025ರ ಕೇಂದ್ರ ಬಜೆಟ್, ಭಾರತದ ಆಟೋಮೋಟಿವ್ ವಲಯದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುವ ಹಲವಾರು ಕ್ರಮಗಳನ್ನು ಪರಿಚಯಿಸಿದೆ. ತೆರಿಗೆ ಸುಧಾರಣೆಗಳಿಂದ ಹಿಡಿದು ಎಲೆಕ್ಟ್ರಿಕ್‌ ವಾಹನಗಳಿಗೆ ಪ್ರೋತ್ಸಾಹ ಮತ್ತು ಉತ್ಪಾದನೆಗೆ ಬೆಂಬಲದವರೆಗೆ, ಬಜೆಟ್ ಉದ್ಯಮಕ್ಕೆ ಹಲವಾರು ಒಳ್ಳೆಯ ಸುದ್ದಿಗಳನ್ನು ಹೊಂದಿದೆ:

2025ರ ಬಜೆಟ್ ಆಟೋಮೋಟಿವ್ ಉದ್ಯಮದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

ಅತ್ಯಂತ ಸುದ್ದಿಗೆ ಅರ್ಹ ಮತ್ತು ಪ್ರಮುಖ ಘೋಷಣೆಯೆಂದರೆ ಆದಾಯ ತೆರಿಗೆ ವಿನಾಯಿತಿ ಮಿತಿಯನ್ನು 12 ಲಕ್ಷ ರೂ.ಗಳಿಗೆ ಹೆಚ್ಚಿಸಲಾಗಿದೆ (ವೇತನ ಪಡೆಯುವ ವ್ಯಕ್ತಿಗಳಿಗೆ ಪ್ರಮಾಣಿತ ಕಡಿತವನ್ನು ಒಳಗೊಂಡಂತೆ 12.75 ಲಕ್ಷ ರೂ.). ಗ್ರಾಹಕರಿಗೆ, ಇದು ಹೆಚ್ಚಿನ ಆದಾಯಕ್ಕೆ ಪ್ರವೇಶವನ್ನು ತೆರೆಯುತ್ತದೆ, ಇದು ದ್ವಿಚಕ್ರ ವಾಹನಗಳು, ತ್ರಿಚಕ್ರ ವಾಹನಗಳು, ಪ್ರಯಾಣಿಕ ಕಾರುಗಳು ಮತ್ತು ಇತರ ಎಲ್ಲಾ ವಾಹನಗಳ ಮೇಲಿನ ಖರ್ಚನ್ನು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಯೋಜನೆಯಡಿಯಲ್ಲಿ, ಎಲೆಕ್ಟ್ರಿಕ್‌ ಮೊಬಿಲಿಟಿಯನ್ನು ಹೆಚ್ಚಿಸಲು ಗರಿಷ್ಠ ಗಮನ ನೀಡಲಾಗುತ್ತದೆ. ಸರ್ಕಾರವು, ಎಲೆಕ್ಟ್ರಿಕ್‌ ವಾಹನಗಳನ್ನು ಕೈಗೆಟುಕುವಂತೆ ಮಾಡುವ ಪ್ರಯತ್ನದಲ್ಲಿ, ಎಲೆಕ್ಟ್ರಿಕ್‌ ವಾಹನದ ಬ್ಯಾಟರಿಯನ್ನು ತಯಾರಿಸಲು ಅಗತ್ಯವಾದ 35 ಬಂಡವಾಳ ಸರಕುಗಳ ಮೇಲಿನ ಕಸ್ಟಮ್ಸ್ ಸುಂಕವನ್ನು ಮನ್ನಾ ಮಾಡಿದೆ! ಇದು ಉತ್ಪಾದನಾ ವೆಚ್ಚವನ್ನು ಕಡಿಮೆ ಮಾಡಲಿದೆ ಮತ್ತು ಇದರ ಪರಿಣಾಮವಾಗಿ ಇವಿಗಳು ಹೆಚ್ಚು ಕೈಗೆಟುಕುವಂತಾಗಬೇಕು.

ಉತ್ಪಾದನೆ ಸಂಬಂಧಿತ ಪ್ರೋತ್ಸಾಹಕ ಯೋಜನೆ

ಪಿಎಲ್ಐ ಯೋಜನೆಯು ಸರ್ಕಾರವು ಸ್ಥಳೀಯ ಉತ್ಪಾದನೆಯನ್ನು ಉತ್ತೇಜಿಸಲು ಮತ್ತು ಮಾರಾಟವನ್ನು ಹೆಚ್ಚಿಸಲು ಪ್ರೋತ್ಸಾಹಕಗಳನ್ನು ಸೇರಿಸಲು ರೂಪಿಸಿದ ಯೋಜನೆಯಾಗಿದೆ. ಆಟೋಮೊಬೈಲ್ ವಲಯದಲ್ಲಿ, ಅದರ ಗಮನವು ವಿದ್ಯುತ್ ಮತ್ತು ಹೈಡ್ರೋಜನ್ ಇಂಧನ ಶೆಲ್‌-ಪವರ್‌ಡ್‌ ವಾಹನಗಳನ್ನು ಅವುಗಳ ಭಾಗಗಳ ಜೊತೆಗೆ ನಿರ್ಮಿಸುವುದರ ಮೇಲೆ ಕೇಂದ್ರೀಕರಿಸಿದೆ. ವೆಚ್ಚವನ್ನು ಕಡಿಮೆ ಮಾಡುವುದು, ಉದ್ಯೋಗ ಸೃಷ್ಟಿ, ಉತ್ಪಾದನೆಯನ್ನು ಹೆಚ್ಚಿಸುವುದು ಮತ್ತು ಬಲವಾದ ಪೂರೈಕೆ ಸರಪಳಿಯನ್ನು ಸ್ಥಾಪಿಸುವುದು ಇದರ ಉದ್ದೇಶವಾಗಿದೆ.

2025ಕ್ಕೆ ಸರ್ಕಾರವು ಆಟೋ ಮತ್ತು ಪಾರ್ಟ್ಸ್‌ ಉತ್ಪಾದನಾ ವಲಯಕ್ಕೆ 2,819 ಕೋಟಿ ರೂ.ಗಳನ್ನು ನಿಗದಿಪಡಿಸಿದೆ, ಇದು ಹಿಂದಿನ ವರ್ಷದ 3,500 ಕೋಟಿ ರೂ.ಗಳಿಗೆ ಹೋಲಿಸಿದರೆ ಕಡಿಮೆಯಾಗಿದೆ. ಆದರೂ, ಇದು ಉದ್ಯಮವು ಸುಧಾರಿತ ತಂತ್ರಜ್ಞಾನದಲ್ಲಿ ಮತ್ತಷ್ಟು ಹೂಡಿಕೆ ಮಾಡಲು ಸಹಾಯ ಮಾಡುತ್ತದೆ, ಇದು ಭಾರತದ ಆಟೋ ಉದ್ಯಮವನ್ನು ಒಟ್ಟಾರೆಯಾಗಿ ಹೆಚ್ಚು ಸ್ಪರ್ಧಾತ್ಮಕವಾಗಿಸುತ್ತದೆ.

ಇದನ್ನೂ ಓದಿ: MG Windsor EV ಬೆಲೆಯಲ್ಲಿ 50,000 ರೂ.ಗಳಷ್ಟು ಏರಿಕೆ, ಏನಿರಬಹುದು ಕಾರಣ ?

ಇತರ ಕೇಂದ್ರಬಿಂದುಗಳು

ಧನ್-ಧಾನ್ಯ ಕೃಷಿ ಯೋಜನೆ ಮತ್ತು ಕಿಸಾನ್ ಕ್ರೆಡಿಟ್ ಕಾರ್ಡ್ ಮಿತಿಗಳನ್ನು ಹೆಚ್ಚಿಸುವುದರಿಂದ ಗ್ರಾಮೀಣ ಆದಾಯ ಹೆಚ್ಚಾಗಲಿದ್ದು, ಟ್ರ್ಯಾಕ್ಟರ್‌ಗಳು, ದ್ವಿಚಕ್ರ ವಾಹನಗಳು ಮತ್ತು ಸಣ್ಣ ವಾಣಿಜ್ಯ ವಾಹನಗಳಂತಹ ವಾಹನಗಳಿಗೆ ಬೇಡಿಕೆ ಹೆಚ್ಚುತ್ತಿದ್ದು, ಈ ಸೆಗ್ಮೆಂಟ್‌ನ ವಾಹನ ಮಾರುಕಟ್ಟೆಗೆ ಉತ್ತೇಜನ ದೊರೆಯಲಿದೆ.

ವಾಹನಗಳ ಪೂರೈಕೆ ಸರಪಳಿಯಲ್ಲಿ ಅತ್ಯಂತ ನಿರ್ಣಾಯಕ ಪಾತ್ರ ವಹಿಸುವ MSMEಗಳು ಬಜೆಟ್‌ನಲ್ಲಿ ಉತ್ತಮ ಗಮನ ಸೆಳೆದಿವೆ. ಕ್ರೆಡಿಟ್ ಗ್ಯಾರಂಟಿಗಳಲ್ಲಿನ ವರ್ಧನೆಗಳು ಆಟೋ ಘಟಕ ತಯಾರಕರು ಮತ್ತು ಡೀಲರ್‌ಶಿಪ್‌ಗಳಿಗೆ ಕಾರ್ಯಾಚರಣೆಗಳನ್ನು ಹೆಚ್ಚಿಸಲು ಮತ್ತು ಹೊಸ ತಂತ್ರಜ್ಞಾನಗಳಲ್ಲಿ ಹೂಡಿಕೆ ಮಾಡಲು ಹಣಕಾಸು ವ್ಯವಹಾರವನ್ನು ಸುಲಭಗೊಳಿಸುತ್ತದೆ.

2025ರ ಕೇಂದ್ರ ಬಜೆಟ್ ತೆರಿಗೆ ವಿನಾಯಿತಿ, ವಿದ್ಯುತ್ ವಾಹನಗಳ ಬೆಳವಣಿಗೆ, ಸ್ಥಳೀಯ ಉತ್ಪಾದನೆ ಮತ್ತು MSMEಗಳು ಮತ್ತು ಗ್ರಾಮೀಣ ಪ್ರದೇಶಗಳಿಗೆ ಬೆಂಬಲವನ್ನು ಕೇಂದ್ರೀಕರಿಸುತ್ತದೆ, ಇದು ಆಟೋ ಉದ್ಯಮಕ್ಕೆ ಬಲವಾದ ಅಡಿಪಾಯವನ್ನು ಸೃಷ್ಟಿಸುತ್ತದೆ ಮತ್ತು ಭಾರತದ ಜಾಗತಿಕ ಆಟೋಮೊಟಿವ್‌ ಕೊಡುಗೆಯನ್ನು ಹೆಚ್ಚಿಸುತ್ತದೆ.

2025ರ ಬಜೆಟ್ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕೆಳಗಿನ ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ.