Login or Register ಅತ್ಯುತ್ತಮ CarDekho experience ಗೆ
Login

ಮರ್ಸಿಡಿಸ್-ಮೇಬ್ಯಾಕ್ ಎಸ್‌ಎಲ್‌ 680 ಮಾನೋಗ್ರಾಮ್ ಸೀರಿಸ್‌ ಬಿಡುಗಡೆ, ಬೆಲೆಯೆಷ್ಟು ಗೊತ್ತಾ ?

ಮರ್ಸಿಡಿಸ್ ಮೆಬ್ಯಾಕ್‌ ಎಸ್‌ಎಲ್‌ 680 ಗಾಗಿ dipan ಮೂಲಕ ಮಾರ್ಚ್‌ 18, 2025 06:44 pm ರಂದು ಪ್ರಕಟಿಸಲಾಗಿದೆ

ಇದು ಮೇಬ್ಯಾಕ್ ಟ್ರೀಟ್ಮೆಂಟ್ ಪಡೆದ ಮೊದಲ SL ಮೊಡೆಲ್‌ ಆಗಿದ್ದು, ತಂತ್ರಜ್ಞಾನದಿಂದ ತುಂಬಿದ ಕ್ಯಾಬಿನ್ ಜೊತೆಗೆ ಪ್ರೀಮಿಯಂ-ಲುಕಿಂಗ್ ಎಕ್ಸ್‌ಟೀರಿಯರ್ ಅನ್ನು ಹೊಂದಿದೆ

  • ಆಂಗುಲರ್ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು ಮತ್ತು ಟೈಲ್ ಲೈಟ್‌ಗಳು, 21-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಮೇಬ್ಯಾಕ್ ಲೋಗೋ ಹೊಂದಿರುವ ಕಪ್ಪು ಸಾಫ್ಟ್ ಟಾಪ್ ಅನ್ನು ಪಡೆಯುತ್ತದೆ.

  • ಡ್ಯುಯಲ್-ಟೋನ್ ಡ್ಯಾಶ್‌ಬೋರ್ಡ್ ಮತ್ತು ಸ್ಟೀರಿಂಗ್ ವೀಲ್ ಥೀಮ್‌ನೊಂದಿಗೆ ಬಿಳಿ ಇಂಟೀರಿಯರ್‌ ಥೀಮ್ ಅನ್ನು ಒಳಗೊಂಡಿದೆ.

  • ಸೀಟುಗಳು ಬಿಳಿ ಬಣ್ಣದಲ್ಲಿ ಫಿನಿಶ್‌ ಮಾಡಿದ ಲೆದರ್‌ ಕವರ್‌ಅನ್ನು ಪಡೆಯುತ್ತದೆ.

  • ಫೀಚರ್‌ಗಳಲ್ಲಿ ಲಂಬವಾಗಿ ಜೋಡಿಸಲಾದ 11.9-ಇಂಚಿನ ಟಚ್‌ಸ್ಕ್ರೀನ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಮತ್ತು ಡ್ಯುಯಲ್-ಜೋನ್ ಆಟೋ ಎಸಿ ಸೇರಿವೆ.

  • ಸುರಕ್ಷತಾ ಸೂಟ್ ಬಹು ಏರ್‌ಬ್ಯಾಗ್‌ಗಳು, ಡ್ಯಾಶ್‌ಕ್ಯಾಮ್, 360-ಡಿಗ್ರಿ ಕ್ಯಾಮೆರಾ ಮತ್ತು ADAS ಅನ್ನು ಒಳಗೊಂಡಿದೆ.

  • 585 ಪಿಎಸ್‌ ಮತ್ತು 800 ಎನ್‌ಎಮ್‌ ಉತ್ಪಾದಿಸುವ 4-ಲೀಟರ್ ಟ್ವಿನ್-ಟರ್ಬೊ V8 ಎಂಜಿನ್‌ನೊಂದಿಗೆ ಸಜ್ಜುಗೊಂಡಿದೆ.

  • ಭಾರತಕ್ಕೆ ಕೇವಲ 3 ಕಾರುಗಳನ್ನು ಹಂಚಿಕೆ ಮಾಡಲಾಗಿದ್ದು, ಇವುಗಳ ವಿತರಣೆಗಳು 2026 ರ ಮೊದಲ ತ್ರೈಮಾಸಿಕದಿಂದ ಪ್ರಾರಂಭವಾಗಲಿವೆ.

ಮರ್ಸಿಡಿಸ್-ಮೇಬ್ಯಾಕ್ SL 680 ಮೊನೊಗ್ರಾಮ್ ಸಿರೀಸ್‌ಅನ್ನು ಭಾರತದಲ್ಲಿ 4.20 ಕೋಟಿ ರೂ.ಗಳಿಗೆ (ಎಕ್ಸ್-ಶೋರೂಂ, ಪ್ಯಾನ್-ಇಂಡಿಯಾ) ಬಿಡುಗಡೆ ಮಾಡಲಾಗಿದೆ ಮತ್ತು ಇದು ಮೊದಲ ಮೇಬ್ಯಾಕ್ SL ಮೊಡೆಲ್‌ ಆಗಿದೆ. ಆದ್ದರಿಂದ, ಇದು ಮರ್ಸಿಡಿಸ್-AMG SL 55 ಗಿಂತ 1.50 ಕೋಟಿ ರೂ.ಗಳಿಗಿಂತ ಹೆಚ್ಚು ಬೆಲೆಯನ್ನು ಹೊಂದಿದೆ ಮತ್ತು ಈ ರೋಡ್‌ಸ್ಟರ್‌ನ ಬುಕಿಂಗ್‌ಗಳು ಈಗಾಗಲೇ ತೆರೆದಿವೆ. ಹಾಗೆಯೇ, 2025ರಲ್ಲಿ ಭಾರತಕ್ಕೆ ಕೇವಲ 3 ಕಾರುಗಳನ್ನು ಹಂಚಿಕೆ ಮಾಡಲಾಗುವುದು, ಇವುಗಳ ಡೆಲಿವೆರಿಗಳು 2026ರ ಮೊದಲ ತ್ರೈಮಾಸಿಕದಿಂದ ಪ್ರಾರಂಭವಾಗುತ್ತವೆ. ಮರ್ಸಿಡಿಸ್-ಮೇಬ್ಯಾಕ್ SL 680 ಮಾನೋಗ್ರಾಮ್ ಸೀರೀಸ್ ನೀಡುವ ಎಲ್ಲವನ್ನೂ ನಾವು ವಿವರವಾಗಿ ತಿಳಿಯೋಣ:

ಎಕ್ಸ್‌ಟೀರಿಯರ್‌

ಮರ್ಸಿಡಿಸ್-ಮೇಬ್ಯಾಕ್ SL 680 ಮಾನೋಗ್ರಾಮ್ ಸೀರಿಸ್‌ ಅದು ಆಧರಿಸಿದ ಮೊಡೆಲ್‌ ಆದ ಮರ್ಸಿಡಿಸ್-AMG SL 55 ನಿಂದ ಕೆಲವು ವಿನ್ಯಾಸ ಸೂಚನೆಗಳೊಂದಿಗೆ ಬರುತ್ತದೆ. ಇದು ಅದೇ ಕೋನೀಯ LED ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು ಮತ್ತು ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಪಡೆಯುತ್ತದೆ, ಅದು ಅದಕ್ಕೆ ಆಕ್ರಮಣಕಾರಿ ನೋಟವನ್ನು ನೀಡುತ್ತದೆ. ಆದರೂ, SL 680 ಮೇಬ್ಯಾಕ್ ಗ್ರಿಲ್ ಮತ್ತು ಕ್ರೋಮ್ ಹೈಲೈಟ್‌ಗಳೊಂದಿಗೆ ಹೊಸ ಬಂಪರ್ ವಿನ್ಯಾಸವನ್ನು ಹೊಂದಿದೆ ಮತ್ತು ಅದರ ಮೇಲೆ ಹಲವಾರು ಮೇಬ್ಯಾಕ್ ಲೋಗೋ ಇದ್ದು ಅದು ಅದಕ್ಕೆ ಪ್ರೀಮಿಯಂ ಆಕರ್ಷಣೆಯನ್ನು ನೀಡುತ್ತದೆ. ಬಾನೆಟ್‌ಅನ್ನು ಕಪ್ಪು ಬಣ್ಣದಲ್ಲಿ ಫಿನಿಶ್‌ ಮಾಡಲಾಗಿದ್ದು, ಅದರ ಮೇಲೆ ಮೇಬ್ಯಾಕ್ ಲೋಗೋಗಳನ್ನು ಹೊಂದಿದೆ, ಇದು ಮರ್ಸಿಡಿಸ್-ಮೇಬ್ಯಾಕ್ ಕಾರುಗಳು ಒತ್ತು ನೀಡುವ ವಿವರಗಳಿಗೆ ಗಮನವನ್ನು ಸೂಚಿಸುತ್ತದೆ.

ಸೈಡ್‌ನಿಂದ ಗಮನಿಸುವಾಗ, ಇದು 5-ಹೋಲ್ ಮೊನೊಬ್ಲಾಕ್ ಅಥವಾ ಇತರ ಮೇಬ್ಯಾಕ್ ಮೊಡೆಲ್‌ಗಳಿಗೆ ವಿಶಿಷ್ಟವಾದ ಸ್ಪೋಕ್ಡ್ ವಿನ್ಯಾಸದೊಂದಿಗೆ 21-ಇಂಚಿನ ಅಲಾಯ್ ಚಕ್ರಗಳನ್ನು ಪಡೆಯುತ್ತದೆ. ಇದು ಮೇಬ್ಯಾಕ್ ಲೋಗೋ ಹೊಂದಿರುವ ಮುಂಭಾಗದ ಫೆಂಡರ್‌ಗಳಲ್ಲಿ ಕ್ರೋಮ್ ಟ್ರಿಮ್, ಕಪ್ಪು ಔಟ್‌ಸೈಡ್‌ ರಿಯರ್‌ವ್ಯೂ ಮಿರರ್‌ಗಳು (ORVM ಗಳು) ಮತ್ತು ಫ್ಲಶ್ ಡೋರ್ ಹ್ಯಾಂಡಲ್‌ಗಳಲ್ಲಿ ಕ್ರೋಮ್ ಸ್ಟ್ರಿಪ್ ಅನ್ನು ಸಹ ಪಡೆಯುತ್ತದೆ.

ಹಿಂಭಾಗದ ವಿನ್ಯಾಸವು ತುಲನಾತ್ಮಕವಾಗಿ ಪ್ರೀಮಿಯಂ ಆಗಿದ್ದು, ಮೇಬ್ಯಾಕ್ ಎಸ್‌ಎಲ್‌ 680 ನಯವಾದ ತ್ರಿಕೋನ LED ಟೈಲ್ ಲೈಟ್‌ಗಳು, ಡ್ಯುಯಲ್ ಎಕ್ಸಾಸ್ಟ್ ಮತ್ತು ಹಿಂಭಾಗದ ಬಂಪರ್‌ನಲ್ಲಿ ಕ್ರೋಮ್ ಸ್ಟ್ರಿಪ್ ಅನ್ನು ಪಡೆಯುತ್ತದೆ. ಇದಲ್ಲದೆ, ಕಪ್ಪು ಮೃದುವಾದ ಮೇಲ್ಭಾಗವು ಮೇಬ್ಯಾಕ್ ಲೋಗೋ ಪ್ಯಾಟರ್ನ್‌ಗಳನ್ನು ಪಡೆಯುತ್ತದೆ.

ಇದು ಕೆಂಪು ಆಂಬಿಯೆನ್ಸ್ ಮತ್ತು ಬಿಳಿ ಆಂಬಿಯೆನ್ಸ್ ಎಂಬ ಕೇವಲ ಎರಡು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ.

ಇಂಟೀರಿಯರ್‌

ಹೊರಭಾಗವು ತುಲನಾತ್ಮಕವಾಗಿ ಸ್ಪೋರ್ಟಿ ಆಗಿದ್ದರೂ, ಒಳಭಾಗವು ಪ್ರೀಮಿಯಂ ಆದ ಅಂಶಗಳನ್ನು ಒಳಗೊಂಡಿದೆ. ಇದು ಬಿಳಿ ಚರ್ಮದ ಸೀಟುಗಳೊಂದಿಗೆ ಸಂಪೂರ್ಣ ಬಿಳಿ ಕ್ಯಾಬಿನ್ ಥೀಮ್ ಅನ್ನು ಪಡೆಯುತ್ತದೆ. ಸ್ಟೀರಿಂಗ್ ವೀಲ್ ಡ್ಯುಯಲ್-ಟೋನ್ ಕಪ್ಪು ಮತ್ತು ಬಿಳಿ ಬಣ್ಣವನ್ನು ಪಡೆಯುತ್ತದೆ ಮತ್ತು ಡ್ಯಾಶ್‌ಬೋರ್ಡ್‌ನ ಮೇಲಿನ ಭಾಗವು ಸಹ ಕಪ್ಪು ಬಣ್ಣದಲ್ಲಿ ಫಿನಿಶ್‌ ಮಾಡಲಾಗಿದ್ದು, ಇದು ದುಬಾರಿಯಾಗಿ ಕಾಣುವಂತೆ ಮಾಡುತ್ತದೆ. ವೃತ್ತಾಕಾರದ AC ವೆಂಟ್‌ಗಳು ಕ್ರೋಮ್‌ನಿಂದ ಆವೃತವಾಗಿವೆ ಮತ್ತು ಸೆಂಟರ್‌ ಕನ್ಸೋಲ್ ಬೆಳ್ಳಿ ಮತ್ತು ಕಪ್ಪು ಬಣ್ಣವನ್ನು ಪಡೆಯುತ್ತದೆ.

ಸ್ಟೀರಿಂಗ್ ವೀಲ್ ಮತ್ತು ಆಕ್ಸಿಲರೇಟರ್ ಪೆಡಲ್ ಮೇಬ್ಯಾಕ್ ಅಕ್ಷರಗಳನ್ನು ಪಡೆದರೆ, ಸೀಟುಗಳು ಬ್ಯಾಕ್‌ರೆಸ್ಟ್‌ನಲ್ಲಿ ಮೇಬ್ಯಾಕ್ ಲೋಗೋ ಎಂಬಾಸಿಂಗ್ ಅನ್ನು ಹೊಂದಿವೆ.

ಇದನ್ನೂ ಓದಿ: ಕಸ್ಟಮೈಸ್ ಮಾಡಿದ Mahindra Thar Roxx ಕಾರನ್ನು ಖರೀದಿಸಿದ ಖ್ಯಾತ ನಟ ಜಾನ್‌ ಅಬ್ರಹಾಂ

ಫೀಚರ್‌ ಮತ್ತು ಸುರಕ್ಷತೆ

ಮೇಬ್ಯಾಕ್ ಮೊಡೆಲ್‌ ಆಗಿರುವುದರಿಂದ, ಇದು ಫೀಚರ್‌ಗಳಿಂದ ತುಂಬಿದೆ. ಹೈಲೈಟ್‌ಗಳಲ್ಲಿ 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ಪೋರ್ಟ್ರೇಟ್ ಓರಿಯಂಟೇಶನ್‌ನಲ್ಲಿ ಇರಿಸಲಾದ 11.9-ಇಂಚಿನ ಟಚ್‌ಸ್ಕ್ರೀನ್ ಮತ್ತು ಬಣ್ಣದ ಹೆಡ್ಸ್-ಅಪ್ ಡಿಸ್‌ಪ್ಲೇ (HUD) ಸೇರಿವೆ. ಇದು ಫಿಂಗರ್‌ಪ್ರಿಂಟ್ ಸ್ಕ್ಯಾನರ್, ವೈರ್‌ಲೆಸ್ ಫೋನ್ ಚಾರ್ಜರ್, ಬರ್ಮೆಸ್ಟರ್ ಸೌಂಡ್ ಸಿಸ್ಟಮ್, ಡ್ಯುಯಲ್-ಜೋನ್ ಆಟೋ ಎಸಿ, ಹೀಟೆಡ್ ಸ್ಟೀರಿಂಗ್ ವೀಲ್, 64-ಬಣ್ಣದ ಆಂಬಿಯೆಂಟ್ ಲೈಟಿಂಗ್ ಮತ್ತು ಸಾಫ್ಟ್‌ ರೂಫ್‌ ತೆರೆದಿರುವಾಗ ಪ್ರಯಾಣಿಕರನ್ನು ಬೆಚ್ಚಗಿಡಲು ಸೀಟುಗಳ ಬ್ಯಾಕ್‌ರೆಸ್ಟ್‌ಗಳಲ್ಲಿ ನೆಕ್ ಹೀಟರ್‌ಗಳನ್ನು ಸಹ ಹೊಂದಿದೆ.

ಸುರಕ್ಷತೆಯ ದೃಷ್ಟಿಯಿಂದ, ಇದು ಬಹು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಡ್ಯಾಶ್‌ಕ್ಯಾಮ್, ಆಟೋ ಪಾರ್ಕಿಂಗ್ ಅಸಿಸ್ಟ್ ಮತ್ತು ಲೇನ್ ಕೀಪ್ ಅಸಿಸ್ಟ್ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಸೇರಿದಂತೆ ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳ (ADAS) ಫೀಚರ್‌ಗಳನ್ನು ಹೊಂದಿದೆ.

ಪವರ್‌ಟ್ರೈನ್‌ ಆಯ್ಕೆಗಳು

ಮರ್ಸಿಡಿಸ್-ಮೇಬ್ಯಾಕ್ ಎಸ್‌ಎಲ್‌ 680 ಮಾನೋಗ್ರಾಮ್ ಸೀರಿಸ್‌ 4-ಲೀಟರ್ ಟ್ವಿನ್-ಟರ್ಬೊ V8 ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ, ಇದರ ವಿಶೇಷಣಗಳು ಈ ಕೆಳಗಿನಂತಿವೆ:

ಎಂಜಿನ್‌

4-ಲೀಟರ್ ಟ್ವಿನ್-ಟರ್ಬೊ V8 ಪೆಟ್ರೋಲ್ ಎಂಜಿನ್

ಪವರ್‌

585 ಪಿಎಸ್‌

ಟಾರ್ಕ್‌

800 ಎನ್‌ಎಮ್‌

ಟ್ರಾನ್ಸ್‌ಮಿಷನ್‌

9-ಸ್ಪೀಡ್‌ AT*

ಡ್ರೈವ್‌ಟ್ರೈನ್‌

AWD^

*AT = ಟಾರ್ಕ್‌ ಕನ್ವರ್ಟರ್‌ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

^AWD = ಆಲ್‌-ವೀಲ್‌-ಡ್ರೈವ್‌

ಮೇಬ್ಯಾಕ್ SL ಕೇವಲ 4 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಪೂರ್ಣಗೊಳಿಸುತ್ತದೆ ಮತ್ತು ಟಾಪ್‌ ಸ್ಪೀಡ್‌ ಗಂಟೆಗೆ 260 ಕಿಮೀ ವೇಗವನ್ನು ತಲುಪುತ್ತದೆ (ಎಲೆಕ್ಟ್ರಾನಿಕ್ ಸೀಮಿತವಾಗಿದೆ). ಇದಲ್ಲದೆ, ಮೇಬ್ಯಾಕ್ SL 680 ತನ್ನ ರಸ್ತೆ ನಿರ್ವಹಣೆ ಸಾಮರ್ಥ್ಯಗಳಿಗೆ ಸಹಾಯ ಮಾಡಲು ಹಿಂಭಾಗದ ಆಕ್ಸಲ್ ಸ್ಟೀರಿಂಗ್, ಆಕ್ಟಿವ್‌ ಸಸ್ಪೆನ್ಷನ್ ಸೆಟಪ್ ಮತ್ತು ಹಿಂಭಾಗದ ಆಕ್ಸಲ್ ಲಾಕಿಂಗ್ ಡಿಫರೆನ್ಷಿಯಲ್ ಅನ್ನು ಪಡೆಯುತ್ತದೆ.

ಪ್ರತಿಸ್ಪರ್ಧಿಗಳು

ಮರ್ಸಿಡಿಸ್-ಮೇಬ್ಯಾಕ್ SL 680 ಮಾನೋಗ್ರಾಮ್ ಸೀರಿಸ್‌ ಬೆಂಟ್ಲಿ ಕಾಂಟಿನೆಂಟಲ್ GT ಕನ್ವರ್ಟಿಬಲ್ ಮತ್ತು ಬೆಂಟ್ಲಿ ಮುಲ್ಲಿನರ್ ಕಾರುಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ

Share via

Write your Comment on Mercedes-Benz ಮೆಬ್ಯಾಕ್‌ ಎಸ್‌ಎಲ್‌ 680

ನವ ದೆಹಲಿ ರಲ್ಲಿ *ಎಕ್ಸ್ ಶೋ ರೂಂ ಬೆಲೆ

Enable notifications to stay updated with exclusive offers, car news, and more from CarDekho!

trending కన్వర్టిబుల్ ಕಾರುಗಳು

  • ಲೇಟೆಸ್ಟ್
  • ಉಪಕಮಿಂಗ್
  • ಪಾಪ್ಯುಲರ್
ಹೊಸ ವೇರಿಯೆಂಟ್
Rs.18.99 - 32.41 ಲಕ್ಷ*
ಹೊಸ ವೇರಿಯೆಂಟ್
ಹೊಸ ವೇರಿಯೆಂಟ್
Rs.30.40 - 37.90 ಲಕ್ಷ*
ನವ ದೆಹಲಿ ರಲ್ಲಿ *ಎಕ್ಸ್ ಶೋ ರೂಂ ಬೆಲೆ