2025ರಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿರುವ ಎಲ್ಲಾ ಮಾಸ್‌-ಮಾರ್ಕೆಟ್‌ ಇವಿ ಕಾರುಗಳ ಪಟ್ಟಿ

ಟಾಟಾ, ಮಹೀಂದ್ರಾ ಮತ್ತು ಹ್ಯುಂಡೈ ತಮ್ಮ ಇವಿ ಕಾರುಗಳ ಪಟ್ಟಿಯನ್ನು ವಿಸ್ತರಿಸುವುದರ ಹೊರತಾಗಿ, ಮಾರುತಿ ಮತ್ತು ಟೊಯೋಟಾ ತಮ್ಮ ಮೊದಲ ಇವಿಗಳನ್ನು 2025ರಲ್ಲಿ ಪರಿಚಯಿಸಲು ಸಿದ್ಧವಾಗಿವೆ

2025 ಆಗಮನಕ್ಕೆ ದಿನಗಣನೆ ಆರಂಭವಾಗಿದೆ ಮತ್ತು ಇದು ದೊಡ್ಡದನ್ನೇ ಹೊತ್ತು ತರುತ್ತಿದೆ. ಹಾಗೆಯೇ, ಇದು ಭಾರತದ ವಾಹನ ಉದ್ಯಮಕ್ಕೆ ಹೊಸ ಅಧ್ಯಾಯದ ಆರಂಭವನ್ನು ಸೂಚಿಸುತ್ತದೆ. ಭಾರತವು ಕಳೆದ ಕೆಲವು ವರ್ಷಗಳಿಂದ ಎಲೆಕ್ಟ್ರಿಕ್ ವೆಹಿಕಲ್ (EV) ಕಾರುಗಳ ಲೋಕಕದಲ್ಲಿ ಗಮನಾರ್ಹ ಕ್ರಾಂತಿಯನ್ನು ಕಂಡಿದೆ, ಟಾಟಾ ಮತ್ತು ಮಹೀಂದ್ರಾ ಇದಕ್ಕೆ ಪ್ರಮುಖ ಕೊಡುಗೆಯನ್ನು ನೀಡಿದೆ. ಆದರೆ, 2025 ಇದರ ದೃಷ್ಟಿಕೋನವನ್ನು ಬದಲಾಯಿಸಲು ಸಿದ್ಧವಾಗಿದೆ, ಏಕೆಂದರೆ ಮಾಸ್‌-ಮಾರ್ಕೆಟ್‌ ಸೆಗ್ಮೆಂಟ್‌ ಹೆಚ್ಚು ಹೊಸ EV ಬಿಡುಗಡೆಗೆ ಸಾಕ್ಷಿಯಾಗಲಿದೆ. ಈ ಬಾರಿ, ಸಾಮಾನ್ಯ ಬ್ರ್ಯಾಂಡ್‌ಗಳು ಮಾತ್ರವಲ್ಲದೆ ಹ್ಯುಂಡೈ ತನ್ನ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಎಸ್‌ಯುವಿಗಳನ್ನು ಪರಿಚಯಿಸುವ ನಿರೀಕ್ಷೆಯಿದೆ, ಹಾಗೆಯೇ, ಮಾರುತಿ ಮತ್ತು ಟೊಯೋಟಾ ತಮ್ಮ ಮೊದಲ ಇವಿಗಳನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿವೆ.

2025ರಲ್ಲಿ ಬಿಡುಗಡೆಯಾಗಬಹುದೆಂದು ನಿರೀಕ್ಷೆಯಿರುವ ಎಲ್ಲಾ ಮಾಸ್‌-ಮಾರ್ಕೆಟ್‌ ಇವಿಗಳ ಪಟ್ಟಿ ಇಲ್ಲಿದೆ.

ಮಾರುತಿ ಸುಜುಕಿ ಇ ವಿಟಾರಾ

ನಿರೀಕ್ಷಿತ ಬಿಡುಗಡೆ: 2025 ಜನವರಿ

ನಿರೀಕ್ಷಿತ ಬೆಲೆ: 22 ಲಕ್ಷ ರೂ.ನಿಂದ(ಎಕ್ಸ್ ಶೋರೂಂ)

ಮಾರುತಿ ಸುಜುಕಿ ಭಾರತದಲ್ಲಿ ತನ್ನ ಮೊದಲ ಆಲ್-ಎಲೆಕ್ಟ್ರಿಕ್ ಕಾರನ್ನು ಇ-ವಿಟಾರಾ ರೂಪದಲ್ಲಿ ಪರಿಚಯಿಸಲು ಸಿದ್ಧವಾಗಿದೆ. ಇತ್ತೀಚೆಗೆ, ಮಾರುತಿ ತನ್ನ ಎಲೆಕ್ಟ್ರಿಕ್ ಎಸ್‌ಯುವಿಯ ಮೊದಲ ಟೀಸರ್ ಅನ್ನು ಬಿಡುಗಡೆ ಮಾಡಿತ್ತು ಮತ್ತು ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ರಲ್ಲಿ ಇ ವಿಟಾರಾ ಉತ್ಪಾದನೆಗೆ ಸಿದ್ಧ ಆವೃತ್ತಿಯನ್ನು ಪ್ರದರ್ಶಿಸುತ್ತದೆ ಎಂದು ಘೋಷಿಸಿದೆ. ಮಾರುತಿಯು ಡ್ಯುಯಲ್ ಸ್ಕ್ರೀನ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜರ್, ಫಿಕ್ಸ್‌ಡ್‌ ಪನರೋಮಿಕ್‌ ಗ್ಲಾಸ್‌ ರೂಫ್‌, 6 ಏರ್‌ಬ್ಯಾಗ್‌ಗಳು, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), 360-ಡಿಗ್ರಿ ಕ್ಯಾಮೆರಾ ಮತ್ತು ಸುಧಾರಿತ ಚಾಲಕ ಸಹಾಯ ಸಿಸ್ಟಮ್‌(ADAS) ನಂತಹ ಫೀಚರ್‌ಗಳೊಂದಿಗೆ ಇ ವಿಟಾರಾವನ್ನು ನೀಡಬಹುದು.

ಗ್ಲೋಬಲ್-ಸ್ಪೆಕ್ ಸುಜುಕಿ ಇ ವಿಟಾರಾ 49 ಕಿ.ವ್ಯಾಟ್‌ ಮತ್ತು 61 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ಗಳೊಂದಿಗೆ ಬರುತ್ತದೆ ಮತ್ತು ಸುಮಾರು 550 ಕಿ.ಮೀ.ನಷ್ಟು ಕ್ಲೈಮ್ ಮಾಡಿದ ಡ್ರೈವಿಂಗ್ ರೇಂಜ್‌ ಅನ್ನು ನೀಡುವ ನಿರೀಕ್ಷೆಯಿದೆ. ಭಾರತೀಯ-ಸ್ಪೆಕ್ ಮಾಡೆಲ್‌ನ ವಿಶೇಷಣಗಳು ಸಹ ಇದೇ ರೀತಿ ಇರುತ್ತವೆ ಎಂದು ನಿರೀಕ್ಷಿಸಲಾಗಿದೆ.

ಹ್ಯುಂಡೈ ಕ್ರೆಟಾ ಇವಿ

ಬಿಡುಗಡೆ ದಿನಾಂಕ: 17 ಜನವರಿ 2025

ನಿರೀಕ್ಷಿತ ಬೆಲೆ: 20 ಲಕ್ಷ ರೂ.

ಹ್ಯುಂಡೈ ಕ್ರೆಟಾವು 2025ರ ಜನವರಿಯಲ್ಲಿ ಆಲ್-ಎಲೆಕ್ಟ್ರಿಕ್ ಆವೃತ್ತಿಯಲ್ಲಿ ಸ್ವೀಕರಿಸಲು ಸಿದ್ಧವಾಗಿದೆ. ಈ ಹಿಂದೆ ಗುರುತಿಸಲಾದ ಪರೀಕ್ಷಾಆವೃತ್ತಿಗಳು EV ತನ್ನ ಇಂಧನ ಚಾಲಿತ ಎಂಜಿನ್ (ICE) ಹ್ಯುಂಡೈನಿಂದ ಪ್ರೇರಿತವಾಗಿದೆ ಎಂದು ಬಹಿರಂಗಪಡಿಸಿವೆ. ಕ್ರೆಟಾ ಇವಿಗೆ ತನ್ನದೇ ಆದ ಗುರುತನ್ನು ನೀಡಲು ಕೆಲವು ದೃಶ್ಯ ಪರಿಷ್ಕರಣೆಗಳನ್ನು ಪಡೆಯುವ ಸಾಧ್ಯತೆಯಿದೆ ಎಂದು ಹೇಳಲಾಗಿದೆ.

ಕ್ಯಾಬಿನ್ ಅನುಭವವು ICE ಕ್ರೆಟಾದಂತೆಯೇ ಇರುತ್ತದೆ ಎಂದು ನಿರೀಕ್ಷಿಸಲಾಗಿದೆ ಮತ್ತು 10.25-ಇಂಚಿನ ಡ್ಯುಯಲ್ ಪರದೆಗಳು, ಡ್ಯುಯಲ್-ಜೋನ್ ಎಸಿ, ಮುಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟುಗಳು ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್‌ನಂತಹ ಫೀಚರ್‌ಗಳನ್ನು ಎರವಲು ಪಡೆಯುತ್ತದೆ. ಇದು 8-ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಮ್, 360-ಡಿಗ್ರಿ ಕ್ಯಾಮೆರಾ, ಜೊತೆಗೆ ಪನರೋಮಿಕ್‌ ಸನ್‌ರೂಫ್ ಅನ್ನು ಸಹ ಪಡೆಯುತ್ತದೆ. ಇದರ ಸುರಕ್ಷತಾ ಜಾಲವು 6 ಏರ್‌ಬ್ಯಾಗ್‌ಗಳು ಮತ್ತು ಲೆವೆಲ್‌ 2 ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿರುತ್ತದೆ. ಅದರ ಎಲೆಕ್ಟ್ರಿಕ್ ಪವರ್‌ಟ್ರೇನ್‌ಗೆ ಸಂಬಂಧಿಸಿದಂತೆ, ನಾವು ಬಹು ಬ್ಯಾಟರಿ ಆಯ್ಕೆಗಳನ್ನು ಮತ್ತು ಸುಮಾರು 400 ಕಿಮೀ ಕ್ಲೇಮ್ ಮಾಡಲಾದ ರೇಂಜ್‌ ಅನ್ನು ನಿರೀಕ್ಷಿಸಬಹುದು.

ಇದನ್ನು ಸಹ ಓದಿ: ಇವಿ ಪ್ರೀಯರಿಗೆ ಸಿಹಿಸುದ್ದಿ: ಭಾರತದಲ್ಲಿ Kia Syros EV ಬಿಡುಗಡೆಗೆ ಸಿದ್ಧತೆ

ಟಾಟಾ ಹ್ಯಾರಿಯರ್ ಇವಿ/ಸಫಾರಿ ಇವಿ

ಮುಂಬರುವ ಎರಡು ಹೊಸ ಎಲೆಕ್ಟ್ರಿಕ್ ಎಸ್‌ಯುವಿಗಳಾದ ಹ್ಯಾರಿಯರ್ ಇವಿ ಮತ್ತು ಸಫಾರಿ ಇವಿಗಳೊಂದಿಗೆ ಭಾರತದಲ್ಲಿ ತನ್ನ ಇವಿ ಕಾರುಗಳ ಪಟ್ಟಿಯನ್ನು ವಿಸ್ತರಿಸಲು ಟಾಟಾ ಸಜ್ಜಾಗಿದೆ. ಟಾಟಾ ಹ್ಯಾರಿಯರ್ ಇವಿ ಈಗಾಗಲೇ ಇವಿ-ನಿರ್ದಿಷ್ಟ ವಿನ್ಯಾಸದ ಅಂಶಗಳು ಮತ್ತು ಅಲಾಯ್‌ಗಳನ್ನು ಒಳಗೊಂಡಿರುವಾಗ, ಈ ಸಮಯದಲ್ಲಿ ನಾವು ವಾಹನ ತಯಾರಕರು ಟಾಟಾ ಸಫಾರಿ ಇವಿಯನ್ನೂ ಪರಿಚಯಿಸಬಹುದೆಂದು ನಿರೀಕ್ಷಿಸುತ್ತೇವೆ.

ಫೀಚರ್‌ಗಳ ವಿಷಯದಲ್ಲಿ, ಹ್ಯಾರಿಯರ್ ಇವಿ ಮತ್ತು ಸಫಾರಿ ಇವಿ ಎರಡೂ 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ಡ್ಯುಯಲ್-ಝೋನ್ ಎಸಿ, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, 6-ವೇ ಪವರ್ ಡ್ರೈವರ್ ಸೀಟ್‌, 4-ವೇ ಚಾಲಿತ ಸಹ-ಚಾಲಕ ಆಸನ, ಪನರೋಮಿಕ್‌ ಸನ್‌ರೂಫ್ (ಮೂಡ್ ​​ಲೈಟಿಂಗ್‌ನೊಂದಿಗೆ) ಮತ್ತು ಗೆಸ್ಚರ್-ಸಕ್ರಿಯಗೊಳಿಸಿದ ಚಾಲಿತ ಟೈಲ್‌ಗೇಟ್‌ನಂತಹ ಸೌಕರ್ಯಗಳೊಂದಿಗೆ ಬರುವ ನಿರೀಕ್ಷೆಯಿದೆ. ಅವರ ಸುರಕ್ಷತಾ ಕಿಟ್ 7 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಲೆವೆಲ್ 2 ಎಡಿಎಎಸ್ ಅನ್ನು ಒಳಗೊಂಡಿರುತ್ತದೆ.

ಈ ಎಲೆಕ್ಟ್ರಿಕ್ ಎಸ್‌ಯುವಿಗಳ ಎಲೆಕ್ಟ್ರಿಕ್ ಮೋಟಾರ್ ಮತ್ತು ಬ್ಯಾಟರಿ ಪ್ಯಾಕ್ ವಿಶೇಷತೆಗಳ ಬಗ್ಗೆ ಟಾಟಾ ಏನನ್ನೂ ಬಹಿರಂಗಪಡಿಸದಿದ್ದರೂ, ಅವು 500 ಕಿಮೀಗಿಂತ ಹೆಚ್ಚು ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ನೀಡುತ್ತವೆ ಎಂದು ನಾವು ನಿರೀಕ್ಷಿಸುತ್ತೇವೆ. ಈ ಹೊಸ ಟಾಟಾ ಇವಿಗಳು ಒಪ್ಶನಲ್‌ ಆಲ್-ವೀಲ್-ಡ್ರೈವ್ (AWD) ಡ್ಯುಯಲ್ ಮೋಟಾರ್ ಸೆಟಪ್‌ನೊಂದಿಗೆ ಬರುವ ನಿರೀಕ್ಷೆಯಿದೆ.

ಹ್ಯುಂಡೈ ವೆನ್ಯೂ ಇವಿ

ನಿರೀಕ್ಷಿತ ಬಿಡುಗಡೆ: ಏಪ್ರಿಲ್ 2025

ನಿರೀಕ್ಷಿತ ಬೆಲೆ: 12 ಲಕ್ಷ ರೂ

ಎಲೆಕ್ಟ್ರಿಕ್ ಆವೃತ್ತಿಯನ್ನು ಪಡೆಯಲು ಹ್ಯುಂಡೈನ ಮತ್ತೊಂದು ಎಸ್‌ಯುವಿಯಾದ ವೆನ್ಯೂ ರೆಡಿಯಾಗಿದೆ. ಬಿಡುಗಡೆಯಾದ ಮೇಲೆ, ಇದು ಕೊರಿಯನ್ ಕಾರು ತಯಾರಕ ಸಂಸ್ಥೆಯಾದ ಹ್ಯುಂಡೈನ ಭಾರತೀಯ ಕಾರುಗಳಲ್ಲಿ ಅತ್ಯಂತ ಕೈಗೆಟುಕುವ ಇವಿ ಆಗಲಿದೆ. ಹ್ಯುಂಡೈ ವೆನ್ಯೂ EV ಬಗ್ಗೆ ವಿವರಗಳು ಸೀಮಿತವಾಗಿಯೇ ಉಳಿದಿದ್ದರೂ, ವಿನ್ಯಾಸದ ವಿಷಯದಲ್ಲಿ ಅದರ ICE ಪ್ರತಿರೂಪವನ್ನು ಹೋಲುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು 300-350 ಕಿಮೀ ಅಂದಾಜು ರೇಂಜ್‌ನೊಂದಿಗೆ ಬಹು ಬ್ಯಾಟರಿ ಆಯ್ಕೆಗಳನ್ನು ನೀಡುತ್ತದೆ.

ಕಿಯಾ ಕ್ಯಾರೆನ್ಸ್ ಇವಿ

ನಿರೀಕ್ಷಿತ ಬಿಡುಗಡೆ: ಏಪ್ರಿಲ್ 2025

ನಿರೀಕ್ಷಿತ ಬೆಲೆ: 20 ಲಕ್ಷ ರೂ

ಎಲೆಕ್ಟ್ರಿಕ್ ಎಸ್‌ಯುವಿಗಳ ಗುಂಪಿನಲ್ಲಿ, ಕಿಯಾವು ಸಂಪೂರ್ಣ-ಎಲೆಕ್ಟ್ರಿಕ್ ಎಂಪಿವಿಯನ್ನು ಪರಿಚಯಿಸಲು ಯೋಜಿಸುತ್ತಿದೆ, ಅದುವೇ ಕ್ಯಾರೆನ್ಸ್ ಇವಿ. ಕಿಯಾ ಕಾರೆನ್ಸ್‌ ಇವಿಯನ್ನು ಮೊದಲ ಬಾರಿಗೆ 2022 ರಲ್ಲಿ ಭಾರತ-ಕೇಂದ್ರಿತ ಮನರಂಜನಾ ಇವಿ ಎಂದು ಉಲ್ಲೇಖಿಸಲಾಗಿದೆ, ಇದು 3-ಸಾಲು ಎಮ್‌ಪಿವಿಯನ್ನು ಆಧರಿಸಿದೆ ಎಂದು ನಾವು ನಂಬಿದ್ದೇವೆ. ಭಾರತಕ್ಕಾಗಿ ಮುಂಬರುವ ಕ್ಯಾರೆನ್ಸ್ ಇವಿಯ ಯಾವುದೇ ತಾಂತ್ರಿಕ ವಿವರಗಳನ್ನು ಕಾರು ತಯಾರಕರು ನೀಡಿಲ್ಲ. ಒಂದೇ ಮೋಟಾರ್ ಸೆಟಪ್‌ನೊಂದಿಗೆ ಇದು ಸುಮಾರು 400-500 ಕಿಮೀ ರೇಂಜ್‌ ಅನ್ನು ಹೊಂದಬಹುದು ಎಂದು ನಾವು ನಂಬುತ್ತೇವೆ.

ಈ ಎಲೆಕ್ಟ್ರಿಕ್ ಎಮ್‌ಪಿವಿಯು ತನ್ನ ರೆಗುಲರ್‌ ಕ್ಯಾರೆನ್ಸ್‌ನಿಂದ ಅದೇ ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇಗಳೊಂದಿಗೆ (ಇನ್ಫೋಟೈನ್ಮೆಂಟ್ ಮತ್ತು ಇನ್ಸ್‌ಟ್ರುಮೆಂಟೇಶನ್‌ಗಾಗಿ ತಲಾ 10.25-ಇಂಚಿನ), ವಯರ್‌ಲೆಸ್‌ ಫೋನ್ ಚಾರ್ಜರ್, ಮುಂಭಾಗದ ಸೀಟುಗಳಲ್ಲಿ ವೆಂಟಿಲೇಶನ್‌ ಮತ್ತು ಸನ್‌ರೂಫ್‌ನೊಂದಿಗೆ ಬರುವ ನಿರೀಕ್ಷೆಯಿದೆ.

ಮಹೀಂದ್ರಾ ಎಕ್ಸ್‌ಯುವಿ400ಇವಿ/ ಎಕ್ಸ್‌ಯುವಿ 4ಎಕ್ಸ್‌ಒ

ಮಹೀಂದ್ರಾ ಎಕ್ಸ್‌ಯುವಿ400ಇವಿ 2024ರ ಆರಂಭದಲ್ಲಿ ಮಾಡೆಲ್-ಇಯರ್ ಅಪ್‌ಡೇಟ್ ಅನ್ನು ಪಡೆದುಕೊಂಡಿತು, ಅದರೊಂದಿಗೆ ಇದು ಎಲ್ಲಾ ಹೊಸ ಕ್ಯಾಬಿನ್ ಮತ್ತು ಆಪ್‌ಡೇಟ್‌ ಮಾಡಲಾದ ಫೀಚರ್‌ಗಳನ್ನು ಪಡೆದುಕೊಂಡಿದೆ. ಆದರೆ 2025ರಲ್ಲಿ ಈ ಎಲೆಕ್ಟ್ರಿಕ್ ಎಸ್‌ಯುವಿ ಸರಿಯಾದ ಫೇಸ್‌ಲಿಫ್ಟ್ ಅನ್ನು ಪಡೆಯುವ ನಿರೀಕ್ಷೆಯಿದೆ, ಇದು ಮಹೀಂದ್ರಾ ಎಕ್ಸ್‌ಯುವಿ 3ಎಕ್ಸ್‌ಒ ಸಾಲಿನಲ್ಲಿರುತ್ತದೆ ಮತ್ತು ಇದನ್ನು ಎಕ್ಸ್‌ಯುವಿ 4ಎಕ್ಸ್‌ಒ ಎಂದು ಮರುನಾಮಕರಣ ಮಾಡಲಾಗುತ್ತದೆ.

ಮೊದಲಿಗಿಂತ ಭಿನ್ನವಾಗಿ, ಎಕ್ಸ್‌ಯುವಿ 4XO ಪರಿಷ್ಕೃತ ಸ್ಪ್ಲಿಟ್ ಎಲ್‌ಇಡಿ ಹೆಡ್‌ಲೈಟ್‌ಗಳು, ಹೊಸ ಅಲಾಯ್‌ ವೀಲ್‌ಗಳು ಮತ್ತು ಕನೆಕ್ಟೆಡ್‌ ಎಲ್‌ಇಡಿ ಟೈಲ್ ಲೈಟ್‌ಗಳು ಸೇರಿದಂತೆ ಸಮಗ್ರ ವಿನ್ಯಾಸ ಬದಲಾವಣೆಗಳನ್ನು ಪಡೆಯುತ್ತದೆ. ಆದರೆ, ಇದು 34.5 ಕಿ.ವ್ಯಾಟ್‌ ಮತ್ತು 39.5 ಕಿ.ವ್ಯಾಟ್‌ನಂತೆ ಅದೇ ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಬಳಸುವುದನ್ನು ಮುಂದುವರಿಸಬಹುದು. ಇದನ್ನು 150 ಪಿಎಸ್‌ ಮತ್ತು 310 ಎನ್‌ಎಮ್‌ ಉತ್ಪಾದಿಸುವ ಏಕೈಕ ಎಲೆಕ್ಟ್ರಿಕ್ ಮೋಟಾರ್‌ನೊಂದಿಗೆ ಜೋಡಿಸಲಾಗಿದೆ. 34.5 ಕಿ.ವ್ಯಾಟ್‌ ಬ್ಯಾಟರಿ MIDC ಅಂದಾಜು 375 ಕಿಮೀ ರೇಂಜ್‌ ಅನ್ನು ನೀಡುತ್ತದೆ, ಆದರೆ ದೊಡ್ಡ 39.4 ಕಿ.ವ್ಯಾಟ್‌ ಬ್ಯಾಟರಿ 456 ಕಿಮೀ ಒದಗಿಸುತ್ತದೆ.

ಮಹೀಂದ್ರಾ XEV 7e

ನಿರೀಕ್ಷಿತ ಬೆಲೆ: 20.9 ಲಕ್ಷ ರೂ

ಮಹೀಂದ್ರಾ ಇತ್ತೀಚೆಗೆ ಸಂಪೂರ್ಣ-ಎಲೆಕ್ಟ್ರಿಕ್ ಆಗಿರುವ ಎಕ್ಸ್‌ಯುವಿ700ಗಾಗಿ ಟ್ರೇಡ್‌ಮಾರ್ಕ್ ಅನ್ನು ಸಲ್ಲಿಸಿದ್ದು, ಅದನ್ನು XEV 7e ಎಂದು ಕರೆಯಬಹುದೆಂದು ಸೂಚಿಸುತ್ತದೆ. XEV 7e ಸಾಮಾನ್ಯವಾಗಿ XEV 9e ಎಲೆಕ್ಟ್ರಿಕ್ ಎಸ್‌ಯುವಿ-ಕೂಪ್‌ನ ಎಸ್‌ಯುವಿ ಆವೃತ್ತಿಯಾಗಿದೆ, ಇದನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿದೆ. XEV 7e XUV700 ಗೆ ಹೋಲುತ್ತದೆ, ಆದರೆ ಅದರ ಮುಂಭಾಗವು XEV 9e ನಿಂದ ಸ್ಫೂರ್ತಿ ಪಡೆದಿದೆ.

ವಾಸ್ತವವಾಗಿ, ಕೆಲವು ಸೋರಿಕೆಯಾದ ಇಂಟೀರಿಯರ್‌ ಚಿತ್ರಗಳಲ್ಲಿ, XEV 7e ನ ಕ್ಯಾಬಿನ್ ಇತ್ತೀಚೆಗೆ ಬಿಡುಗಡೆಯಾದ ಮಹೀಂದ್ರಾ XEV 9e ಯಂತೆಯೇ ಕಾಣುತ್ತದೆ. ಇದು ಸೆಂಟರ್‌ ಕನ್ಸೋಲ್‌ನಲ್ಲಿ ಪಿಯಾನೋ ಕಪ್ಪು ಇನ್ಸರ್ಟ್‌ನೊಂದಿಗೆ ಅದೇ ಡ್ಯುಯಲ್-ಟೋನ್ ಕಪ್ಪು ಮತ್ತು ಬಿಳಿ ಕ್ಯಾಬಿನ್ ಥೀಮ್ ಅನ್ನು ಪಡೆಯುತ್ತದೆ. ಡ್ಯಾಶ್‌ಬೋರ್ಡ್‌ನ ಮುಖ್ಯ ಹೈಲೈಟ್‌ ಎಂದರೆ ಅದರ ಟ್ರಿಪಲ್ ಸ್ಕ್ರೀನ್ ಸೆಟಪ್ (ಬಹುಶಃ 12.3-ಇಂಚಿನ ಮೂರು ) ಡ್ರೈವರ್‌ನ ಡಿಸ್‌ಪ್ಲೇ, ಇನ್ಫೋಟೈನ್‌ಮೆಂಟ್ ಮತ್ತು ಪ್ಯಾಸೆಂಜರ್ ಡಿಸ್‌ಪ್ಲೇಗಾಗಿ. ಇದು ಪ್ರಕಾಶಿತ 'ಇನ್ಫಿನಿಟಿ' ಲೋಗೋದೊಂದಿಗೆ 2-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಸಹ ಪಡೆಯುತ್ತದೆ.

XEV 7e ನ ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟಾರ್ ವಿಶೇಷಣಗಳ ಬಗ್ಗೆ ಮಹೀಂದ್ರಾ ಯಾವುದೇ ವಿವರಗಳನ್ನು ಬಹಿರಂಗಪಡಿಸದಿದ್ದರೂ, XEV 9e ನೊಂದಿಗೆ ನೀಡಲಾದ ಅದೇ ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಇದು ಒಳಗೊಂಡಿರುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ, ಅಂದರೆ, ಇದು ಸುಮಾರು 650 ಕಿಮೀಗಳಷ್ಟು (MIDC ಭಾಗ I+ಭಾಗ II) ಕ್ಲೈಮ್ ಮಾಡಲಾದ ಡ್ರೈವಿಂಗ್ ರೇಂಜ್‌ ಅನ್ನು ನೀಡುತ್ತದೆ.

ಟೊಯೋಟಾ ಅರ್ಬನ್ ಕ್ರೂಸರ್ ಇವಿ

ನಿರೀಕ್ಷಿತ ಬಿಡುಗಡೆ- ಮೇ 2025

ನಿರೀಕ್ಷಿತ ಬೆಲೆ- 23 ಲಕ್ಷ ರೂ

ಟೊಯೊಟಾ ಇತ್ತೀಚೆಗೆ ಅರ್ಬನ್ ಕ್ರೂಸರ್ ಇವಿಯನ್ನು ಜಾಗತಿಕವಾಗಿ ಅನಾವರಣಗೊಳಿಸಿತು, ಇದು ಸಾಮಾನ್ಯವಾಗಿ ಮಾರುತಿ ಇ ವಿಟಾರಾ ಎಲೆಕ್ಟ್ರಿಕ್ ಎಸ್‌ಯುವಿಯ ಮರು-ಬ್ಯಾಡ್ಜ್‌ ಮಾಡಲಾದ ಆವೃತ್ತಿಯಾಗಿದೆ. ಟೊಯೊಟಾ ಅರ್ಬನ್ ಕ್ರೂಸರ್ ಇವಿಯ ಮುಂಭಾಗವು ಹೊಸ ಕ್ಯಾಬಿನ್ ಥೀಮ್‌ನೊಂದಿಗೆ ಸಂಪೂರ್ಣವಾಗಿ ವಿಭಿನ್ನವಾಗಿದ್ದರೂ, ಅದರ ಮೂಲ ವಾಹನದಿಂದ ಫೀಚರ್‌ ಮತ್ತು ಪವರ್‌ಟ್ರೇನ್ ಅನ್ನು ಸಾಗಿಸಲಾಗಿದೆ.

ಇ ವಿಟಾರಾದಂತೆ, ಅರ್ಬನ್ ಕ್ರೂಸರ್ ಇವಿಯು ಡ್ಯುಯಲ್ ಇಂಟಿಗ್ರೇಟೆಡ್ ಸ್ಕ್ರೀನ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು 360-ಡಿಗ್ರಿ ಕ್ಯಾಮೆರಾದಂತಹ ಸೌಕರ್ಯಗಳೊಂದಿಗೆ ಬರಬಹುದು. ಇದರ ಗ್ಲೋಬಲ್-ಸ್ಪೆಕ್ ಮಾಡೆಲ್ 49 ಕಿ.ವ್ಯಾಟ್‌ ಮತ್ತು 61 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ಗಳೊಂದಿಗೆ ಬರುತ್ತದೆ ಮತ್ತು ಸುಮಾರು 550 ಕಿಮೀ ರೇಂಜ್‌ ಅನ್ನು ಒದಗಿಸುವ ನಿರೀಕ್ಷೆಯಿದೆ.

ಇವೆಲ್ಲವೂ 2025ರಲ್ಲಿ ಮಾರುಕಟ್ಟೆಗೆ ಬರುವ ನಿರೀಕ್ಷೆಯಿರುವ ಸಮೂಹ-ಮಾರುಕಟ್ಟೆಯ ಎಲೆಕ್ಟ್ರಿಕ್ ಕಾರುಗಳಾಗಿವೆ. ಇದರಲ್ಲಿ ನೀವು ಇಷ್ಟಪಡುವ ಕಾರು ಯಾವುದು ಮತ್ತು ಯಾಕೆ ? ಕೆಳಗಿನ ಕಾಮೆಂಟ್‌ ಬಾಕ್ಸ್‌ನಲ್ಲಿ ನಮಗೆ ತಿಳಿಸಿ.

ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೊ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ