ಭಾರತದಲ್ಲಿ ಪ್ಲಗ್-ಇನ್ ಹೈಬ್ರಿಡ್ ಪರ್ಫಾರ್ಮೆನ್ಸ್ ಎಸ್ಯುವಿ Lamborghini Urus SE ಬಿಡುಗಡೆ
ಉರುಸ್ ಎಸ್ಇಯು 4-ಲೀಟರ್ ವಿ8 ಟರ್ಬೊ-ಪೆಟ್ರೋಲ್ ಪ್ಲಗ್-ಇನ್ ಹೈಬ್ರಿಡ್ ಪವರ್‌ಟ್ರೇನ್‌ನಿಂದ ನಡೆಸಲ್ಪಡುತ್ತದೆ, ಇದು ಸಂಯೋಜಿತ 800 ಪಿಎಸ್‌ಅನ್ನು ಉತ್ಪಾದಿಸುತ್ತದೆ ಮತ್ತು 3.4 ಸೆಕೆಂಡುಗಳಲ್ಲಿ 0 ರಿಂದ 100 kmph ವರೆಗೆ ವೇಗವನ್ನು ಪಡೆಯಬಹುದು
-
ಉರುಸ್ ಎಸ್‌ಇ ಹೊಸ ಬಾನೆಟ್, ಎಲ್‌ಇಡಿ ಡಿಆರ್‌ಎಲ್‌ಗಳು, ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳಲ್ಲಿ ಸಣ್ಣ ವಿನ್ಯಾಸದ ಬದಲಾವಣೆಗಳನ್ನು ಒಳಗೊಂಡಿದೆ.
-
ಕ್ಯಾಬಿನ್‌ನ ಹೈಲೈಟ್‌ಗಳು ಸುತ್ತಲೂ ಆರೆಂಜ್‌ ಬಣ್ಣದ ಇನ್ಸರ್ಟ್‌ನೊಂದಿಗೆ Revuelto ಪ್ರೇರಿತ ಡ್ಯಾಶ್‌ಬೋರ್ಡ್ ಅನ್ನು ಒಳಗೊಂಡಿದೆ.
-
ದೊಡ್ಡದಾದ 12.3-ಇಂಚಿನ ಟಚ್‌ಸ್ಕ್ರೀನ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಮತ್ತು ವೆಂಟಿಲೇಟೆಡ್‌ ಮತ್ತು ಬಾಲಿತ ಮುಂಭಾಗದ ಸೀಟುಗಳಂತಹ ಸೌಕರ್ಯಗಳೊಂದಿಗೆ ಲೋಡ್ ಆಗುತ್ತದೆ.
-
ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ ಬಹು ಏರ್‌ಬ್ಯಾಗ್‌ಗಳು, ಹಿಂಬದಿಯ ವೀಕ್ಷಣೆ ಕ್ಯಾಮೆರಾ ಮತ್ತು ಚಾಲಕ ಅಸಿಸ್ಟೆನ್ಸ್‌ ಸಿಸ್ಟಮ್‌ಗಳು ಸೇರಿವೆ.
ತನ್ನ ಜಾಗತಿಕ ಬಿಡುಗಡೆಯ ಸ್ವಲ್ಪ ಸಮಯದ ನಂತರ, ಲಂಬೊರ್ಗಿನಿ ಉರುಸ್ ಎಸ್ಇಯು ಅಂತಿಮವಾಗಿ ಭಾರತೀಯ ಮಾರುಕಟ್ಟೆಗೆ ಆಗಮಿಸಿದೆ, ಭಾರತದಾದ್ಯಂತ ಇದರ ಎಕ್ಸ್ ಶೋರೂಂ ಬೆಲೆಯು 4.57 ಕೋಟಿ ರೂ.ನಿಂದ ಪ್ರಾರಂಭವಾಗಲಿದೆ. ಈ ಪ್ಲಗ್-ಇನ್ ಹೈಬ್ರಿಡ್ ಪರ್ಫಾರ್ಮೆನ್ಸ್ ಎಸ್‌ಯುವಿಯು ಸಣ್ಣ ವಿನ್ಯಾಸದ ಬದಲಾವಣೆಗಳು, ರೆವಲ್ಟೊ-ಪ್ರೇರಿತ ಕ್ಯಾಬಿನ್ ಮತ್ತು 4-ಲೀಟರ್ V8 ಟರ್ಬೊ-ಪೆಟ್ರೋಲ್ ಎಂಜಿನ್‌ನೊಂದಿಗೆ ಜೋಡಿಯಾಗಿರುವ 25.9 kWh ಬ್ಯಾಟರಿ ಪ್ಯಾಕ್ ಅನ್ನು ಒಳಗೊಂಡಿದೆ. ಪ್ಲಗ್-ಇನ್ ಹೈಬ್ರಿಡ್ ಆಗಿ, ಉರುಸ್ SE 60 ಕಿ.ಮೀ ವರೆಗಿನ ಸಂಪೂರ್ಣ-ಎಲೆಕ್ಟ್ರಿಕ್ ರೇಂಜ್‌ ಅನ್ನು ನೀಡುತ್ತದೆ. ಉರುಸ್ ಎಸ್ಇಯು ಏನೆಲ್ಲಾ ವಿಶೇಷತೆಗಳನ್ನು ಒಳಗೊಂಡಿದೆ ಎಂಬುದವುದನ್ನು ವಿವರವಾಗಿ ತಿಳಿಯೋಣ.
ವಿನ್ಯಾಸದಲ್ಲಿ ಸಣ್ಣ ಬದಲಾವಣೆಗಳು
ಮೊದಲ ನೋಟದಲ್ಲಿ, ಉರುಸ್ ಎಸ್ಇಯು ಉರುಸ್ ಎಸ್‌ನಂತೆ ಕಾಣುತ್ತದೆ; ಆದರೆ, ಇದರ ಸಣ್ಣ ವಿನ್ಯಾಸದ ಬದಲಾವಣೆಗಳು ಇತರ ಉರುಸ್ ಆವೃತ್ತಿಗಳಿಗಿಂತ ಭಿನ್ನವಾಗಿವೆ. ಬಾನೆಟ್ ಅನ್ನು ಮರುವಿನ್ಯಾಸಗೊಳಿಸಲಾಗಿದೆ ಮತ್ತು ಇನ್ನು ಮುಂದೆ ಉರುಸ್ ಎಸ್ ಮತ್ತು ಉರಸ್ ಪರ್ಫಾರ್ಮೆಂಟೆಯಲ್ಲಿ ಕಂಡುಬರುವ ಏರ್ ಸ್ಕೂಪ್‌ಗಳನ್ನು ಒಳಗೊಂಡಿರುವುದಿಲ್ಲ. ಹೆಚ್ಚುವರಿಯಾಗಿ, ಉರುಸ್ ಎಸ್ಇಯು ಸಿಗ್ನೇಚರ್‌ Y- ಆಕಾರದ ಡಿಆರ್‌ಎಲ್‌ಗಳ ಬದಲಿಗೆ ಸಿ- ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳೊಂದಿಗೆ ಬರುತ್ತದೆ. ಗ್ರಿಲ್ ಮತ್ತು ಮುಂಭಾಗದ ಬಂಪರ್ ಸಹ ಸಣ್ಣ ಆಪ್‌ಡೇಟ್‌ಗಳನ್ನು ಪಡೆದಿದೆ.
ಬದಿಯಿಂದ ಗಮನಿಸುವಾಗ, ಹೊಸ ಅಲಾಯ್‌ ವೀಲ್‌ಗಳನ್ನು ಹೊರತುಪಡಿಸಿ, ಉರುಸ್ ಎಸ್ಇಯು ಯಾವುದೇ ಗಮನಾರ್ಹ ಬದಲಾವಣೆಗಳನ್ನು ಪಡೆಯುವುದಿಲ್ಲ. ಅಲಾಯ್‌ ವೀಲ್‌ಗಳು 21 ರಿಂದ 23 ಇಂಚುಗಳಷ್ಟು ಗಾತ್ರದಲ್ಲಿ ಬರುತ್ತದೆ. ಹಿಂಭಾಗದಲ್ಲಿ, ಉರುಸ್ SE ರಿಫ್ರೆಶ್ ಮಾಡಿದ ಬಂಪರ್ ಮತ್ತು ಡಿಫ್ಯೂಸರ್ ಅನ್ನು ಹೊಂದಿದೆ, ಆದರೆ ಇದು ಇತರ ಉರುಸ್ ಆವೃತ್ತಿಗಳಲ್ಲಿ ಕಂಡುಬರುವ ಅದೇ Y-ಆಕಾರದ LED ಟೈಲ್ ಲೈಟ್‌ಗಳನ್ನು ಉಳಿಸಿಕೊಂಡಿದೆ. ಟೈಲ್ ಲೈಟ್‌ಗಳ ಕೆಳಗೆ, ಲಂಬೋರ್ಗಿನಿ ಗಲ್ಲಾರ್ಡೊ ವಿನ್ಯಾಸದಿಂದ ಪ್ರೇರಿತವಾದ ಷಡ್ಭುಜೀಯ ಮೆಶ್‌ ಸಹ ಇದೆ. ಹೊಸ ಹಿಂಭಾಗವು ಉರುಸ್ ಎಸ್‌ಗಿಂತ ಹೆಚ್ಚಿನ ವೇಗದ ಡೌನ್‌ಫೋರ್ಸ್ ಅನ್ನು 35 ಪ್ರತಿಶತದಷ್ಟು ಹೆಚ್ಚಿಸುತ್ತದೆ ಎಂದು ಹೇಳಲಾಗಿರುವುದರಿಂದ ಇದು ಶೋ ಬಗ್ಗೆ ಅಲ್ಲ.
ರೇವೂಎಲ್ಟ್‌ ಪ್ರೇರಿತ ಕ್ಯಾಬಿನ್
ಒಳಭಾಗದಲ್ಲಿ, ಲಂಬೋರ್ಘಿನಿ ಉರುಸ್ ಎಸ್‌ಇ ಡ್ಯಾಶ್‌ಬೋರ್ಡ್, ಸೆಂಟರ್ ಕನ್ಸೋಲ್, ಡೋರ್ ಪ್ಯಾಡ್‌ಗಳು ಮತ್ತು ಸೀಟ್‌ಗಳಲ್ಲಿ ಆರೆಂಜ್‌ ಬಣ್ಣದ ಇನ್ಸರ್ಟ್‌ಗಳೊಂದಿಗೆ ಆಪ್‌ಡೇಟ್‌ ಮಾಡಿದ ನವೀಕರಿಸಿದ ರೇವೂಎಲ್ಟೋ ಪ್ರೇರಿತ ಕ್ಯಾಬಿನ್ ಅನ್ನು ಪಡೆಯುತ್ತದೆ. ಎಸಿ ವೆಂಟ್‌ಗಳ ವಿನ್ಯಾಸವು ಮೊದಲಿನಂತೆಯೇ ಇದ್ದರೂ, ನೀವು ಈಗ ಉರುಸ್ ಎಸ್‌ಇನ ಒಳಗೆ ದೊಡ್ಡ 12.3-ಇಂಚಿನ ಟಚ್‌ಸ್ಕ್ರೀನ್ ಅನ್ನು ಪಡೆಯುತ್ತೀರಿ. ಇತರ ಲಂಬೋರ್ಘಿನಿಯಂತೆಯೇ, ಉರುಸ್ ಎಸ್‌ಇ ಕೂಡ ವಿವಿಧ ಕ್ಯಾಬಿನ್ ಥೀಮ್‌ಗಳಲ್ಲಿ ಲಭ್ಯವಿದೆ ಮತ್ತು ಅದರ ಇಂಟಿರೀಯರ್‌ಗಾಗಿ ಕಸ್ಟಮೈಸೇಶನ್ ಆಯ್ಕೆಗಳ ರೇಂಜ್‌ ಅನ್ನು ಸಹ ಪಡೆಯುತ್ತದೆ.
ಫೀಚರ್‌ಗಳ ವಿಷಯದಲ್ಲಿ, ಉರುಸ್ ಎಸ್ಇಯು 12.3-ಇಂಚಿನ ಡಿಜಿಟಲ್ ಡ್ರೈವರ್ಸ್ ಡಿಸ್‌ಪ್ಲೇ, ಬಹು-ಝೋನ್‌ ಕ್ಲೈಮೇಟ್‌ ಕಂಟ್ರೋಲ್‌, ಚಾಲಿತ ಮತ್ತು ವೆಂಟಿಲೇಟೆಡ್‌ ಸೀಟುಗಳು ಮತ್ತು ಪನೋರಮಿಕ್ ಸನ್‌ರೂಫ್ ಅನ್ನು ಹೊಂದಿದೆ.
ಪ್ಲಗ್-ಇನ್ ಹೈಬ್ರಿಡ್ ಪವರ್‌ಟ್ರೇನ್
ಲಂಬೋರ್ಘಿನಿಯ ಪ್ಲಗ್-ಇನ್ ಹೈಬ್ರಿಡ್ ಎಸ್ಯುವಿ 4-ಲೀಟರ್ V8 ಟರ್ಬೊ ಎಂಜಿನ್‌ನೊಂದಿಗೆ 25.9 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ. ವಿಶೇಷಣಗಳನ್ನು ಕೆಳಗೆ ವಿವರಿಸಲಾಗಿದೆ:
| ಎಂಜಿನ್ |
4-ಲೀಟರ್ V8 ಟರ್ಬೊ-ಪೆಟ್ರೋಲ್ + 25.9 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ |
| ಎಂಜಿನ್ ಪವರ್/ ಟಾರ್ಕ್ |
620 ಪಿಎಸ್‌/800 ಎನ್‌ಎಮ್‌ |
| ಎಲೆಕ್ಟ್ರಿಕ್ ಮೋಟಾರ್ ಪವರ್ |
192 ಪಿಎಸ್‌/ 483 ಎನ್‌ಎಮ್‌ |
| ಸಂಯೋಜಿತ ಪವರ್/ಟಾರ್ಕ್ |
800 ಪಿಎಸ್‌/950 ಎನ್‌ಎಮ್‌ |
| ಟ್ರಾನ್ಸ್‌ಮಿಷನ್‌ |
8-ಸ್ಪೀಡ್ ಆಟೋಮ್ಯಾಟಿಕ್‌ (AT) |
| ಡ್ರೈವ್ ಪ್ರಕಾರ |
ಆಲ್-ವೀಲ್-ಡ್ರೈವ್ (AWD) |
| ವೇಗವರ್ಧನೆ(0-100kmh) |
3.4 ಸೆಕೆಂಡ್‌ಗಳು |
| ಗರಿಷ್ಠ ಸ್ಪೀಡ್ |
312 kmph |
ಉರುಸ್ ಎಸ್‌ಇ ಪ್ಯೂರ್‌ ಎಲೆಕ್ಟ್ರಿಕ್ ಡ್ರೈವಿಂಗ್ ಮೋಡ್ ಅನ್ನು ಸಹ ಪಡೆಯುತ್ತದೆ, ಇದರಲ್ಲಿ ಇದು 130 kmph ವರೆಗಿನ ಟಾಪ್‌ಸ್ಪೀಡ್‌ಗೆ 60 ಕಿ.ಮೀ ಡ್ರೈವಿಂಗ್ ರೇಂಜ್‌ ಅನ್ನು ನೀಡುತ್ತದೆ. ಈ ಪ್ಲಗ್-ಇನ್ ಹೈಬ್ರಿಡ್ ಪರ್ಫಾರ್ಮೆನ್ಸ್ ಎಸ್‌ಯುವಿಯು ಸ್ಟ್ರಾಡಾ, ಸ್ಪೋರ್ಟ್, ಕೊರ್ಸಾ, ಸಬ್ಬಿಯಾ, ಟೆರ್ರಾ ಮತ್ತು ನೆವ್ ಎಂಬ 6 ಡ್ರೈವಿಂಗ್ ಮೋಡ್‌ಗಳನ್ನು ಪಡೆಯುತ್ತದೆ.
ಪ್ರತಿಸ್ಪರ್ಧಿಗಳು
ಲಂಬೋರ್ಘಿನಿ ಉರಸ್ ಎಸ್‌ಇ ಭಾರತದಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿಲ್ಲ.
ಹೆಚ್ಚಿನ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸಾಪ್‌ ಚಾನೆಲ್‌ ಅನ್ನು ಫಾಲೋ ಮಾಡುವುದನ್ನು ಮಿಸ್‌ ಮಾಡ್ಬೇಡಿ.
ಇನ್ನಷ್ಟು ಓದಿ : ಉರುಸ್ ಆಟೋಮ್ಯಾಟಿಕ್‌