ಟಾಟಾ ಹ್ಯಾರಿಯರ್

ಹ್ಯಾರಿಯರ್ ಅನ್ನು ಒಂದೇ ಪದದಲ್ಲಿ ವಿವರಿಸಬೇಕಾದರೆ, ಅದು `ಸ್ಟ್ರೈಕಿಂಗ್(ಕಣ್ಸೆಳೆಯುತ್ತದೆ)' ಎಂದಾಗಿದೆ. ಮುಖ್ಯವಾಗಿ ಅದರ ಸಿಗ್ನೇಚರ್ `ಕ್ಯಾಲಿಸ್ಟೊ ಕಾಪರ್' ಶೇಡ್ ನಲ್ಲಿ ಪೂರ್ಣಗೊಳಿಸಿದಾಗ ಬಣ್ಣ ನಿಮ್ಮ ಗಮನ ಸೆಳೆಯದಿದ್ದರೂ ಗಾತ್ರ ಖಂಡಿತವಾಗಿಯೂ ಸೆಳೆಯುತ್ತದೆ. 

ಟಾಟಾ ಇಲ್ಲಿ ಕೊಂಚ ವಿಭಿನ್ನ ಮಾರ್ಗ ತೆಗೆದುಕೊಂಡಿದೆ. ಬಹಳಷ್ಟು ಉತ್ಪಾದಕರು ಗಾತ್ರಕ್ಕೆ ಒತ್ತು ನೀಡಿ ವಾಹನವನ್ನುಎತ್ತರ ನಿರ್ಮಿಸಲು ಉಪಕ್ರಮಿಸುತ್ತಿದ್ದಾರೆ, ಟಾಟಾ ಅದರ ಮೂಲಭೂತಕ್ಕೆ ಬದ್ಧವಾಗಿದ್ದು ಅದನ್ನು ಉದ್ದ ಮತ್ತು ಅಗಲವಾಗಿಸಿದೆ. ಹ್ಯಾರಿಯರ್ ಕಾಂಪ್ಯಾಕ್ಟ್ ಎಸ್.ಯು.ವಿ.ಗಳಾದ ಕ್ರೆಟಾ, ಡಸ್ಟರ್ ಮತ್ತು ಕ್ಯಾಪ್ಟರ್ ಅನ್ನು ಕುಬ್ಜಗೊಳಿಸಿದೆ. ವಾಸ್ತವವಾಗಿ ಇದು ಮಹಿಂದ್ರಾ ಎಕ್ಸ್.ಯು.ವಿ500, ಹ್ಯುಂಡೈ ಟಕ್ಸನ್ ಮತ್ತು ಹೊಂಡಾ ಸಿಆರ್-ವಿಯನ್ನೂ ಮೀರಲಿದೆ. 

ಎಕಡಿಮೆ ಎತ್ತರ ಹೊಂದಿರುವ ಹ್ಯಾರಿಯರ್ ಉದ್ದೇಶ ಪ್ರೇರಿತ, ವಿಸ್ತಾರ ನಿಲುವು ಹೊಂದಿದೆ. ನಿಧಾನವಾಗಿ ಇಳಿಜಾರಿನ ರೂಫ್ ಲೈನ್, ಎದ್ದು ಕಾಣುವ ವ್ಹೀಲ್ ಆರ್ಚ್ ಗಳು ಮತ್ತು ಹೈ-ಸೆಟ್ ಬಾನೆಟ್ ಇದರ ನೋಟ ಪೂರ್ಣಗೊಳಿಸುತ್ತದೆ. ಅದರ ಅರ್ಥವನ್ನು ಕೆಲ ಪ್ರಶ್ನಾರ್ಥಕ ದಿಟ್ಟ ವಿನ್ಯಾಸದ ಆಯ್ಕೆಗಳನ್ನು ಮಾಡಲಾಗಿದೆ. ಹೆಡ್ ಲ್ಯಾಂಪ್ಸ್ ನೀವು ಸಾಮಾನ್ಯವಾಗಿ ಕಾಣುವ ಕಡೆಯಲ್ಲಿಲ್ಲ, ಹಗಲಿನಲ್ಲಿ ಬೆಳಗುವ ದೀಪಗಳು ಆ ಸ್ಥಳವನ್ನು ಆಕ್ರಮಿಸಿವೆ. ಈ ತೆಳು ಆಲ್-ಎಲ್.ಇ.ಡಿ ಸ್ಟ್ರಿಪ್ ಗಳು ಟರ್ನ್ ಇಂಡಿಕೇಟರ್ಸ್ ಆಗಿ ದ್ವಿಗುಣಗೊಳ್ಳುತ್ತವೆ. 

ವಾಸ್ತವವಾದ ಹೆಡ್ ಲ್ಯಾಂಪ್ ಕ್ಲಸ್ಟರ್ ಬಂಪರ್ ಮೇಲೆ ಕುಳಿತುಕೊಳ್ಳುತ್ತದೆ ಮತ್ತು ಕ್ಸೆನಾನ್ ಲ್ಯಾಂಪ್ಸ್ ನೊಂದಿಗೆ ಲೋ ಬೀಮ್ ಪ್ರೊಜೆಕ್ಟರ್ ಸೆಟಪ್ ಹೊಂದಿದೆ. ಹೈ ಬೀಮ್ ಕರ್ತವ್ಯಗಳನ್ನು ನಿಯಮಿತ ಹ್ಯಾಲೊಜಿನ್ ಬಲ್ಬ್ ಗಳು ನಿರ್ವಹಿಸುತ್ತವೆ. ಲೋ-ಸೆಟ್ ಹೆಡ್ ಲ್ಯಾಂಪ್ಸ್ ಬೀಮ್/ಸ್ಪ್ರೆಡ್ ಗೆ ಪರಿಣಾಮ ಬೀರುತ್ತಿವೆ ಎಂದು ನಿಮಗೆ ಆಶ್ಚರ್ಯವಾಗುತ್ತಿದ್ದರೆ ಅದಕ್ಕೆ ಉತ್ತರ ಹೌದು ಎಂದು. ಬೀಮ್ ಕೊಂಚ ಮೇಲ್ಭಾಗದತ್ತ ಹೊರಳಿರುವುದನ್ನು ನಾವು ನಿಜಕ್ಕೂ ಇಷ್ಟಪಟ್ಟೆವು. ಲೆವೆಲ್ಲರ್ ಕೂಡಾ ಸಾಧ್ಯವಿರುವ ಉನ್ನತ ಸೆಟ್ಟಿಂಗ್ ಹೊಂದಿದ್ದು ಲೋ ಬೀಮ್ ಇದು ಬಹಳ ಕೆಳಮುಖವಾಗಿದೆ ಎನಿಸುತ್ತದೆ. ಮತ್ತೊಂದೆಡೆ ಹೈ ಬೀಮ್ ಸೂಕ್ತವಾಗಿದೆ. 

ಬದಿಗೆ ಬನ್ನಿರಿ, ಮತ್ತು ಇಲ್ಲಿ ನಿಮಗೆ ಇಷ್ಟವಾಗದ ಸಂಗತಿ ಇಲ್ಲಿದೆ. ಈ ಚಕ್ರಗಳು? ನಿಜಕ್ಕೂ? ನಿಮ್ಮ ನಿರಾಶೆಯನ್ನು ನಾವು ಅರ್ಥ ಮಾಡಿಕೊಳ್ಳುತ್ತೇವೆ. ಟೈಗರ್ ಮತ್ತು ನೆಕ್ಸಾನ್ ಪ್ಯಾಕ್ ಕೂಡಾ ದುಬಾರಿ ನೋಟದ ಮೆಷಿನ್-ಫಿನಿಷ್ಡ್ ಡಿಸೈನ್ ಎನಿಸುತ್ತದೆ. ಈ 17-ಇಂಚು ವ್ಹೀಲ್ಸ್ ಈ ಕಾರಿಗೆ ಅತ್ಯಂತ ಸರಳವಾಗಿ ಕಾಣುತ್ತವೆ. ಕಾರು ದೊಡ್ಡದಾಗಿಲ್ಲದಿದ್ದರೆ, ಟಾಟಾ ನಿಜಕ್ಕೂ ಲೈವ್ಲಿಯರ್ ವಿನ್ಯಾಸ ಆಯ್ಕೆ ಮಾಡುತ್ತಿತ್ತು.

ನೀವು ಇಲ್ಲಿಯೇ ಅದರ ಬಳಕೆ ಕನಿಷ್ಠವಾದರೂ ಕ್ರೋಮ್ ಅನ್ನು ಕಾಣಬಹುದು. ನೀವು ಸ್ಟ್ರಿಪ್ ಔಟ್ ಲೈನಿಂಗ್ ವಿಂಡೋ ಕಾಣಬಹುದು, ಡೋರ್ ಹ್ಯಾಂಡಲ್ ಮೇಲೆ ಎರಡು ಸಣ್ಣ ಡಾಲಪ್ಸ್ ಇವೆ. ಫ್ಲೋಟಿಂಗ್ ರೂಫ್ ಪರಿಣಾಮ ಎದ್ದು ಕಾಣುತ್ತದೆ ಮತ್ತು ಹ್ಯಾರಿಯರ್ ನಲ್ಲಿ ಡ್ಯುಯಲ್- ಟೋನ್ ಕಲರ್ ಸ್ಕೀಂ ಭರ್ಜರಿಯಾಗಿ ಕಾಣುತ್ತದೆ. ಇಲ್ಲಿ ಮತ್ತೊಂದು ಆಸಕ್ತಿದಾಯಕ ವಿಷಯವೆಂದರೆ ಬಾಗಿಲುಗಳು ಸ್ಕರ್ಟ್ ಗಳ ಮೇಲೆ ವಿಸ್ತರಿಸಿವೆ. ಇದು ಸ್ವಚ್ಛ ಪ್ರೊಫೈಲ್ ನೀಡುವುದಲ್ಲದೆ ಸೈಡ್-ಆನ್ ಇಂಪ್ಯಾಕ್ಟ್ ನಲ್ಲಿ ರನ್ನಿಂಗ್ ಬೋರ್ಡ್ ಉಳಿಯುವ ಅವಕಾಶ ಹೆಚ್ಚಾಗಿರುತ್ತದೆ. 

ಹಿಂಬದಿಯಿಂದ ಕಾನ್ಸೆಪ್ಟ್ ಎಚ್5ಎಕ್ಸ್ ನೊಂದಿಗೆ ಹೋಲಿಕೆ ಸದೃಢವಾಗಿದೆ. ಕನೆಕ್ಟೆಡ್ ಟೈಲ್ ಲ್ಯಾಂಪ್ಸ್ ಸದ್ಯದಲ್ಲೇ ಟಾಟಾದ ಸಿಗ್ನೇಚರ್ ಆಗಲಿವೆ. ಮತ್ತು ಹ್ಯಾರಿಯರ್ ಇನ್ನಿಂಗ್ಸ್ ಅನ್ನು ಈಗಾಗಲೇ ಸ್ಟೈಲ್ ಆಗಿ ಪ್ರಾರಂಭಿಸಿದೆ. ಇಲ್ಲ, ಮಧ್ಯಭಾಗದಲ್ಲಿ ಬೆಳಕು ಬರುವುದಿಲ್ಲ-ಇದು ಸರಳ ಗ್ಲಾಸ್ ಬ್ಲಾಕ್ ಟ್ರಿಮ್. ಎಲ್.ಇ.ಡಿ ಟೈಲ್ ಲ್ಯಾಂಪ್ಸ್ ಮುಖ್ಯವಾಗಿ ರಾತ್ರಿಯಲ್ಲಿ ಉಬ್ಬಿದಂತೆ ಕಾಣುತ್ತವೆ. ಮಧ್ಯದಲ್ಲಿ ಇರಿಸಿದ ಹ್ಯಾರಿಯರ್ ಬ್ಯಾಡ್ಜಿಂಗ್ ನಮ್ಮನ್ನು ಸೆಳೆಯಲಿಲ್ಲ ಮತ್ತು ವೇರಿಯೆಂಟ್ ಬ್ಯಾಡ್ಜಿಂಗ್ ಇಲ್ಲವೇ ಇಲ್ಲ. 

ಕಠಿಣ ಎಸ್.ಯು.ವಿ ನೋಟಕ್ಕೆ ಟಾಟಾ ಎರಡೂ ಕೊನೆಗಳಲ್ಲಿ ಫಾಕ್ಸ್ ಸ್ಕಿಡ್ ಪ್ಲೇಟ್ ಗಳನ್ನು ಹೊಂದಿದೆ. ಸಣ್ಣ ಓವರ್ ಹ್ಯಾಂಗ್ಸ್ ಒಳಗೊಂಡ ಮತ್ತು 205ಎಂಎಂ ದುರ್ಬಲ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿರುವ ನಿಮ್ಮ ಎಸ್.ಯು.ವಿ ಸಾಕಷ್ಟು ರಸ್ತೆಯ ಉಪಸ್ಥಿತಿ ಹೊಂದಿದೆ. 

ಹ್ಯಾರಿಯರ್ ನ ಕ್ಯಾಬಿನ್ ಕುರಿತಾಗಿ ನೀವು ಗಮನಿಸುವ ಮೊದಲ ಅಂಶಗಳು ಅದನ್ನು ನೀವು ಹತ್ತಬೇಕಾಗಿಲ್ಲ. ಫ್ಲೋರ್ ಬೋರ್ಡ್ ಕೆಳಭಾಗದಲ್ಲಿದ್ದು ಇದರಿಂದ ಕ್ಯಾಬಿನ್ ಒಳಗಡೆ ನೇರವಾಗಿ ನಡೆದು ಹೋಗಬಹುದು. ಮುಂಬದಿ ಮತ್ತು ಹಿಂಬದಿಯ ಬಾಗಿಲುಗಳು ನೀವು ಒಳಕ್ಕೆ ಹಾಗೂ ಹೊರಕ್ಕೆ ಚಲಿಸಲು ತಕ್ಕಷ್ಟು ಅಗಲ ತೆರೆದುಕೊಳ್ಳುತ್ತವೆ. 

ಒಮ್ಮೆ ನೀವು ಮುಂಬದಿಯ ಸೀಟಿನಲ್ಲಿ ಕುಳಿತರೆ ಕ್ಯಾಬಿನ್ ಒಳಗಡೆ ತೂರಿಕೊಂಡಂತೆ ಅನ್ನಿಸುತ್ತದೆ. ಸೀಟಿನ ಸ್ಥಾನ ಎತ್ತರದಲ್ಲಿದ್ದು ವಿಂಡೋ ಲೈನ್ ಭುಜದ ಮಟ್ಟಕ್ಕಿದೆ. ಆದ್ದರಿಂದ ನಿಮಗೆ ಟ್ರಾಫಿಕ್ ಮೇಲೆ ಕುಳಿತಂತೆ ಭಾವನೆ ಬರುವುದಿಲ್ಲ. ನಿಮಗೆ ಅನುಕೂಲಕರ ಎನಿಸಲು ಟಾಪ್-ಸ್ಪೆಕ್ ಹ್ಯಾರಿಯರ್ ನಲ್ಲಿ ಚಾಲಕನ ಸೀಟನ್ನು ಎಂಟು ರೀತಿಗಳಲ್ಲಿ ಹೊಂದಿಸಬಹುದು( ಕ್ರಮವಾಗಿ ಲೋಯರ್ ಟ್ರಿಮ್ಸ್ 6 ಮತ್ತು 4-ವೇ ಅಡ್ಜಸ್ಟಬಲ್ ಸೀಟ್ಸ್), ಮತ್ತು ಸ್ಟೀರಿಂಗ್ ಕೂಡಾ ಚಾಚಿಕೊಂಡಂತೆ ಕೈಗೆಟುಕುವಂತೆ ಹೊಂದಿಸಬಹುದು. 

ಆದರೆ, ಉದ್ದದ ಕಾಲುಗಳನ್ನು ಉಳ್ಳವರಿಗೆ ಇಲ್ಲೊಂದು ಸಮಸ್ಯೆ ಇದೆ. ಡ್ಯಾಶ್ ಬೋರ್ಡ್ ನ ಒಂದು ಭಾಗ ನೀವು ಕ್ಲಚ್ ಅಥವಾ ಡೆಡ್ ಪೆಡಲ್ ಬಳಸುವಾಗ ಎಡ ಮೊಣಕಾಲಿಗೆ ತಗುಲುತ್ತದೆ. ಇದಕ್ಕೆ ಪರಿಹಾರ ಸೀಟನ್ನು ಹಿಂದಕ್ಕೆ ಕೊಂಚ ಬಾಗಿಸುವುದು ಮತ್ತು ನಂತರ ಸ್ಟೀರಿಂಗ್ ಅನ್ನು ನಿಮ್ಮ ಕಡೆಗೆ ಎಳೆದುಕೊಳ್ಳುವುದು. ಇದು ಮೊಣಕಾಲು ತಗುಲುವುದನ್ನು ನಿವಾರಿಸುತ್ತದೆ, ಆದರೆ ಮತ್ತೊಂದು ಸಮಸ್ಯೆಯನ್ನು ಹೆಚ್ಚಿಸುತ್ತದೆ ಅದು ಬ್ಲೈಂಡ್ ಸ್ಪಾಟ್ಸ್. 

ಚಾಲಕರ ಸೀಟಿನಿಂದ ಬದಿಯ ನೋಟದ ಗಮನಾರ್ಹ ಭಾಗ ದಪ್ಪ ಎ-ಪಿಲ್ಲರ್ ನಿಂದ ನಿರ್ಬಂಧಿಸಲ್ಪಟ್ಟಿದೆ. ಅತಿಯಾದ ಗಾತ್ರದ ವಿಂಗ್-ಮಿರರ್ ನಿಂದ ಗಮನಾರ್ಹ ತಡೆಯೊಡ್ಡುವುದು ಮತ್ತೊಂದು ಸಮಸ್ಯೆ. ದಪ್ಪ ಡಿ-ಪಿಲ್ಲರ್ ನಿಮ್ಮ ಯು-ಟರ್ನ್ ಸಮಸ್ಯೆಗಳಿಗೆ ಮತ್ತಷ್ಟು ಸೇರ್ಪಡೆ ಮಾಡುತ್ತದೆ ಮತ್ತು ಸಣ್ಣ ರಿಯರ್ ವಿಂಡ್ ಸ್ಕ್ರೀನ್ ನಿಮಗೆ ನೋಡಲು ಅವಕಾಶ ನೀಡುವುದಿಲ್ಲ. ಟಾಟಾ ನಮಗೆ ಗೊತ್ತು ನೀವು ಇದನ್ನು ಓದುತ್ತಿದ್ದೀರಿ ಎಂದು, ನಮಗೆ ದಯವಿಟ್ಟು 360° ಕ್ಯಾಮರಾ ನೀಡಿ! 

ಮುಂಬದಿಯ ಸೀಟು ವಾಸ್ತವವಾಗಿ ಅನುಕೂಲಕರ ಸ್ಥಳವಾಗಿದೆ. ಈ ಸೀಟುಗಳು ಬೆಂಬಲ ನೀಡುತ್ತವೆ ಮತ್ತು ಹೆಚ್ಚುವರಿ ಸೊಂಟದ ಬೆಂಬಲ ದೂರದ ರಸ್ತೆ ಪ್ರಯಾಣಕ್ಕೆ ನೆರವಾಗುತ್ತದೆ. ಈ ಬೆಲೆಗೆ ಟಾಟಾ ಪವರ್ಡ್ ಡ್ರೈವರ್ಸ್ ಸೀಟು ನೀಡಬಹುದಾಗಿತ್ತು, ಮತ್ತು ಸೀಟ್ ವೆಂಟಿಲೇಷನ್ ಕೂಡಾ ನೀಡಬಹುದಿತ್ತು. 

ಸ್ಟೋರೇಜ್ ಸ್ಥಳಾವಕಾಶ ಚೆನ್ನಾಗಿ ಯೋಜಿಸಲಾಗಿದೆ. ನೀವು ಮುಂಬದಿಯ ಬಾಗಿಲುಗಳಲ್ಲಿ ದೊಡ್ಡ ಬಾಟಲ್ ಹೋಲ್ಡರ್ ಪಡೆಯುತ್ತೀರಿ ಮತ್ತು ಅಂಬ್ರೆಲಾ ಹೋಲ್ಡರ್ ಅಲ್ಲದೆ ಮತ್ತಷ್ಟು ವಸ್ತುಗಳನ್ನು ಇರಿಸಲು ಸ್ಥಳ ಪಡೆಯುತ್ತೀರಿ. ಗ್ಲೋವ್ ಬಾಕ್ಸ್ ಕಾರಿನ ದಾಖಲೆಗಳನ್ನು ಇರಿಸಲು ಪ್ರತ್ಯೇಕ ಶೆಲ್ಫ್ ಹೊಂದಿದೆ. ಮಧ್ಯಭಾಗದ ಆರ್ಮ್ ರೆಸ್ಟ್ ಬಳಿ ಮತ್ತಷ್ಟಿದೆ(ಅದು ಇರಬೇಕಾಗಿರುವುದಕ್ಕಿಂತ ಕೊಂಚ ಹಿಂದಕ್ಕೆ ಇದೆ ಎಂದು ನಮ್ಮ ಭಾವನೆ) ನೀವು ಕೆಲ ಸೋಡಾ ಕ್ಯಾನ್ ಗಳನ್ನು ಸಂಗ್ರಹಿಸಲು ಬಳಸಬಹುದು. ಸ್ಟೋರೇಜ್ ಸ್ಥಳ ತಣ್ಣಗಿರುವುದರಿಂದ ನಿಮ್ಮ ತಂಪು ಪಾನೀಯ ಕೂಡಾ ತಂಪಾಗಿರುತ್ತದೆ. ಇದು ಇಡೀ ಕ್ಯಾಬಿನ್ ನಲ್ಲಿ 12ವಿ ಸಾಕೆಟ್ ಮಾತ್ರ ಹೊಂದಿದೆ. ಸಲಹೆ: ಸಣ್ಣ ಚಾರ್ಜರ್ ಬಳಸಿ ಇದರಿಂದ ಮೌಲ್ಯಯುತ ವಸ್ತುಗಳನ್ನು ತೆಗೆದುಕೊಳ್ಳುವಂತಿಲ್ಲ. ಫಂಕಿ ಏರ್ ಕ್ರಾಫ್ಟ್ ಶೈಲಿಯ ಹ್ಯಾಡ್ ಬ್ರೇಕ್ ಕೂಡಾ ಕಪ್-ಹೋಲ್ಡರ್ ಗಳ ಹಿಂಬದಿ ಇದೆ. ನೀವು ಸಣ್ಣ ಕಾಫಿ ಆರ್ಡರ್ ಮಾಡಿರುವುದನ್ನು ದೃಢೀಕರಿಸಿ, ಏಕೆಂದರೆ ದೊಡ್ಡ ಕ್ಯಾನ್ ಅತ್ಯಂತ ದೊಡ್ಡ ಕ್ಯಾನ್ ಹ್ಯಾಂಡ್ ಬ್ರೇಕ್ ಬಳಸಿದಾಗ ಖಂಡಿತಾ ತಗುಲುತ್ತದೆ. 

ನಮ್ಮ ಫೋನ್ ಗೆ ಕೊನೆಯ ಒಂದು ತಾಣವಿದೆ, ಅದು ಟೆರೈನ್ ರೆಸ್ಪಾನ್ಸ್ ಸೆಲೆಕ್ಟರ್ ಮುಂಭಾಗವಿದೆ. ಮತ್ತು ಇದು ನಮಗೆ ಹ್ಯಾರಿಯರ್ ಕ್ಯಾಬಿನ್ ನ ಕೊನೆಯ ಸಮಸ್ಯೆಯನ್ನು ತರುತ್ತದೆ. ಮೊದಲ ನೋಟಕ್ಕೆ ನೀವು ಯು.ಎಸ್.ಬಿ. ಮತ್ತು ಆಕ್ಸ್ ಸ್ಲಾಟ್ ಗಳನ್ನು ಕಂಡುಕೊಳ್ಳಲು ಕಷ್ಟಪಡುತ್ತೀರಿ. ಮತ್ತು ನೀವು ಹುಡುಕಿ ಸಿಕ್ಕಿದಾಗಲೂ ನಿಮ್ಮ ಪೆನ್ ಡ್ರೈವ್, ಆಕ್ಸ್ ಕೇಬಲ್ ಅಥವಾ ನಿಮ್ಮ ಫೋನ್ ಅನ್ನು ಯು.ಎಸ್.ಬಿ. ಮೂಲಕ ಸಂಪರ್ಕಿಸಲು ಸ್ಲಾಟ್ ದೊರೆಯದೆ ಕಷ್ಟಪಡುತ್ತೀರಿ. ನೀವು ನಿಜಕ್ಕೂ ಕೆಳಕ್ಕೆ ಬಾಗಬೇಕು, ಮತ್ತು ಮೊದಲ ಪ್ರಯತ್ನಕ್ಕೆ ಯು.ಎಸ್.ಬಿ ಡ್ರೈವ್ ಸಂಪರ್ಕಿಸಲು ಸಾಧ್ಯವಾಗದೆ ಕೊಂಚ ಅಸಹನೆಪಡುತ್ತೀರಿ. 

ಹಿಂಬದಿಯಲ್ಲಿ, ಈ ಸಮಸ್ಯೆ ಮತ್ತಷ್ಟು ಕೆಟ್ಟದಾಗಿದೆ. ಇದು ಸಂಪೂರ್ಣ ದೃಷ್ಟಿಯಿಂದ ದೂರದಲ್ಲಿದೆ, ಮತ್ತು ನೀವು ಕಂಡುಕೊಳ್ಳಲು ಕೊಂಚ ಸಮಯ ತೆಗೆದುಕೊಳ್ಳುತ್ತದೆ. ನಿಮ್ಮ ಯು.ಎಸ್.ಬಿ. ಸಂಪರ್ಕಿಸಲು ತಾಳ್ಮೆ ಇರಬೇಕು. ಒಳ್ಳೆಯ ಸುದ್ದಿ ಎಂದರೆ ಇದು 2.4ಎ ಸಾಕೆಟ್ ಆಗಿದ್ದು ನಿಮ್ಮ ಫೋನ್ ಅನ್ನು ವೇಗವಾಗಿ ಚಾರ್ಜ್ ಮಾಡುತ್ತದೆ ಮತ್ತು ನಿಮ್ಮ ಫೋನ್ ಇರಿಸಲು ಸ್ಥಳವೂ ಇದೆ. ಕೆಟ್ಟ ಸುದ್ದಿ ಎಂದರೆ ಮೂವರು ಹಿಂಬದಿಯ ಪ್ರಯಾಣಿಕರಿಗೆ ಸ್ಲಾಟ್ ಮಾತ್ರ. ಪ್ರತಿಯೊಬ್ಬರೂ ಸ್ಕ್ರೀನ್ ನತ್ತ ದೃಷ್ಟಿ ನೆಟ್ಟಿರುವ  ಯುಗದಲ್ಲಿ ಇದನ್ನು ಮತ್ತಷ್ಟು ಉತ್ತಮಪಡಿಸಬಹುದಿತ್ತು. 

ಆದರೆ, ನೀವು ನಿಮ್ಮ ಫೋನ್ ನತ್ತ ನೋಡದೇ ಇದ್ದರೆ, ನೀವು ಅದನ್ನು ಅದಕ್ಕೆಂದೇ ವಿನ್ಯಾಸಗೊಳಿಸಿದ ಸ್ಥಳದಲ್ಲಿ ಸುರಕ್ಷಿತವಾಗಿ ಇರಿಸಬಹುದು. 1-ಲೀಟರ್ ಬಾಡಲ್ ಹೋಲ್ಡರ್ ಒಳಗೊಂಡು ಡೋರ್ ಪ್ಯಾಡ್ ನಲ್ಲಿ ಮತ್ತಷ್ಟು ಸ್ಥಳಾವಕಾಶವಿದೆ. ಅಂತಿಮವಾಗಿ ನೀವು ರಿಯರ್ ಸೆಂಟ್ರಲ್ ಆರ್ಮ್ ರೆಸ್ಟ್ ನಲ್ಲಿ ಎರಡು ಕಪ್ ಹೋಲ್ಡರ್ ಗಳನ್ನು ಪಡೆಯುತ್ತೀರಿ. 

ನೀವು ದಪ್ಪನಾದ ಸೆಂಟ್ರಲ್ ಆರ್ಮ್ ರೆಸ್ಟ್ ಬಳಸದೇ ಇರಲು ಬಯಸುತ್ತೀರಾ, ಹಿಂಬದಿಯಲ್ಲಿ ಮೂವರು ಕುಳಿತುಕೊಳ್ಳಬಹುದು. ಫ್ಲೋರ್ ಹಂಪ್ ನೂಕುವಂತಿಲ್ಲ, ಅಂದರೆ ಮಧ್ಯದಲ್ಲಿ ಕುಳಿತುಕೊಳ್ಳುವವರಿಗೆ ಸ್ಥಳಾವಕಾಶವಿದೆ. ಟಾಟಾ ಸೀಟಿನ ತಳಭಾಗ ಸಪಾಟಾಗಿರುವಂತೆ ನೋಡಿಕೊಂಡಿದೆ ಮತ್ತು ಆರ್ಮ್ ರೆಸ್ಟ್ ಹಿಂದಕ್ಕೆ ಸರಿಯುವ ಮೂಲಕ ಮೂರನೇ ವ್ಯಕ್ತಿಗೆ ತಡೆಯಿರದಂತೆ ಕುಳಿತುಕೊಳ್ಳಲು ಅವಕಾಶ ಕಲ್ಪಿಸುತ್ತದೆ.

ಇತರೆ ಇಬ್ಬರು ವ್ಯಕ್ತಿಗಳಿಗೆ ಸಾಕಷ್ಟು ಸ್ಥಳಾವಕಾಶವಿದೆ. ಇಬ್ಬರು ಆರು ಅಡಿ ಇರುವವರರು ಒಬ್ಬರ ಹಿಂದೆ ಇನ್ನೊಬ್ಬರು ಅನುಕೂಲವಾಗಿ ಕುಳಿತುಕೊಳ್ಳಬಹುದು, ಕೊಂಚ ನೀ ರೂಂ ಕೂಡಾ ಉಳಿಯುತ್ತದೆ. ಸೀಟಿನ ಹಿಂಬದಿ ನ್ಯೂಟ್ರಲ್ ರಿಕ್ಲೈನ್ ನಲ್ಲಿದ್ದು ಅತ್ಯಂತ ವಿಶ್ರಾಂತ ಭಾವನೆ ನೀಡುತ್ತದೆ. ರಿಕ್ಲೈನ್ಡ್ ರಿಯರ್ ಸೀಟು ಅನುಕೂಲದ ಸ್ಪರ್ಶ ನೀಡಿದೆ. ಹೆಡ್ ರೂಂ ಕುರಿತಾಗಿ ನಮ್ಮ ದೂರುಗಳಿಲ್ಲ, ಅದು ಸಾಕಷ್ಟಿದೆ. 

ಬೂಟ್ ಸ್ಪೇಸ್ ಕೂಡಾ ಈ ಗಾತ್ರದ ಎಸ್.ಯು.ವಿಗೆ ತಕ್ಕಷ್ಟು ಎನಿಸುತ್ತದೆ. 425 ಲೀಟರ್ ಗಳಲ್ಲಿ ಬೂಟ್ ಕೇವಲ 5 ಲೀಟರ್ ಗಳಿದ್ದು ಜೀಪ್ ಕಾಂಪಾಸ್ ಗಿಂತ ಕಡಿಮೆ ಇದೆ. ನೀವು 60:40 ಸ್ಪ್ಲಿಟ್ ಪಡೆಯುತ್ತೀರಿ ಮತ್ತು ಎರಡನೇ ಸಾಲನ್ನು ನೆಲಕ್ಕೆ ಸಪಾಟಾಗಿ ಮಡಚಬಹುದು. ಮತ್ತು ಇದರಿಂದ 810 ಲೀಟರ್ ಗಳ ವಿಶಾಲ ಸ್ಥಳ ತೆರೆದುಕೊಳ್ಳುತ್ತದೆ. 

ಹೌದು, ಹ್ಯಾರಿಯರ್ ನ ಕ್ಯಾಬಿನ್ ಪರಿಪೂರ್ಣವಲ್ಲ. ಇದರಲ್ಲಿ ಅಲ್ಲಿ ಇಲ್ಲಿ ಕೊಂಚ ಅಡೆತಡೆಗಳಿವೆ. ಆದರೆ ಅದರೊಂದಿಗೆ ಶಾಂತವಾಗಿರಲು ಕಲಿಯುತ್ತೀರಿ. ನೀವು ನಿಜಕ್ಕೂ ಇಷ್ಟಪಡುವುದು ಅದರ ನೋಟ. ವಿನ್ಯಾಸವು ಸ್ವಚ್ಛ, ಕನಿಷ್ಠ ಮತ್ತು ಸರಳವಾಗಿದೆ. ಕಾಲ ಕಳೆದಂತೆ ಗೌರವಯುತವಾಗಿ ಹಳೆಯದಾಗುತ್ತದೆ ಎಂದು ನಂಬಿದ್ದೇವೆ. ಟಾಟಾ ಪ್ರಯತ್ನಿಸಿ ಪರೀಕ್ಷಿಸಿದ ಲೇಯರ್ಡ್ ಡ್ಯಾಶ್ ಬೋರ್ಡ್ ಮೃದು ಸ್ಪರ್ಶದ ಭಾಗ ಹೊಂದಿದ್ದು ಮಧ್ಯದಲ್ಲಿ ಓಕ್ ವುಡ್ ಫಿನಿಷ್ ಮತ್ತು ದಟ್ಟ ಮೆಟಾಲಿಕ್ ಗ್ರೇ ಫಿನಿಷರ್ ಇದೆ. ಫ್ಲೋಟಿಂಗ್ ಟಚ್ ಸ್ಕ್ರೀನ್ ಮತ್ತು ಮಧ್ಯದಲ್ಲಿ ಸ್ಟ್ರೈಟ್ ಫಾರ್ವರ್ಡ್ ಬಟನ್ ಹೊಂದಿದ್ದು ಆಕರ್ಷಕ ನೋಟ ನೀಡುತ್ತದೆ. 

ಇಲ್ಲಿ ಕೆಲ ಅಚ್ಚುಕಟ್ಟಾದ ಅಂಶಗಳೂ ಇವೆ, ಫ್ಲೋರ್ ಕನ್ಸೋಲ್, ಡೋರ್ ಹ್ಯಾಂಡಲ್ ಮತ್ತು ಎಲ್ಬೋ ರೆಸ್ಟ್ ಗಳಲ್ಲಿ ರಂಧ್ರವಿರುವ ಚರ್ಮ ಅಳವಡಿಸಲಾಗಿದೆ. ಸೀಟುಗಳ ಮೇಲಿನ ಚರ್ಮವೂ ಶ್ರೀಮಂತವಾಗಿ ಕಾಣುತ್ತದೆ. ಸ್ಟೀರಿಂಗ್ ಮತ್ತು ಗೇರ್ ಲಿವರ್ ಸುತ್ತಲೂ ಮೃದು ಚರ್ಮವಿದೆ. ಈ ಎಲ್ಲವೂ ಒಂದು ಪ್ರಶ್ನೆಯನ್ನು ಹಾಕುತ್ತವೆ-ಇದು ನಿಜಕ್ಕೂ ಟಾಟಾನೇ? ಅವರು ಉನ್ನತಗೊಂಡಿದ್ದಾರೆ ಮತ್ತು ಅದರಲ್ಲಿ ಗಮನಾರ್ಹ ವಿಸ್ತರಣೆ ಕಂಡಿದ್ದಾರೆ. 

ಟಾಪ್-ಸ್ಪೆಕ್ ಹ್ಯಾರಿಯರ್ ಸುರಕ್ಷತೆಯ ತಂತ್ರಜ್ಞಾನ  ಹೊಂದಿದೆ. ಇದರಲ್ಲಿ ಆರು ಏರ್ ಬ್ಯಾಗ್ಸ್, ಇಬಿಡಿಯೊದಿಗೆ ಎಬಿಎಸ್, ಐಸೊಫಿಕ್ಸ್ ಚೈಲ್ಡ್ ಸೀಟ್ ಮೌಂಟ್ಸ್ , ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಮ್(ಇ.ಎಸ್.ಪಿ) ಮತ್ತು ಎಲೆಕ್ಟ್ರಾನಿಕ್ ಟ್ರಾಕ್ಷನ್ ಕಂಟ್ರೋಲ್ ಇದೆ. ಮತ್ತು ಇದರಲ್ಲಿ ಇ.ಎಸ್.ಪಿ. ಇರುವುದರಿಂದ ಟಾಟಾ ಸಾಫ್ಟ್ ವೇರ್ ಆಧರಿತ ತಂತ್ರಜ್ಞಾನಗಳಾದ ಹಿಲ್ ಹೋಲ್ಡ್ ಕಂಟ್ರೋಲ್, ಹಿಲ್ ಡಿಸೆಂಟ್ ಕಂಟ್ರೋಲ್, ರೋಲೋವರ್ ಮಿಟಿಗೇಷನ್ ಮತ್ತು ಡಿಸ್ಕ್ ಬ್ರೇಕ್ ವೈಪಿಂಗ್ ಹೊಂದಿದೆ. 

ಆದರೆ ಇಲ್ಲೊಂದು ಸಮಸ್ಯೆ ಇದೆ. ಇ.ಎಸ್.ಪಿ ಟಾಪ್-ಸ್ಪೆಕ್ ಎಕ್ಸ್.ಝಡ್ ವೇರಿಯೆಂಟ್ ಮಾತ್ರ ನೀಡುತ್ತದೆ. ಅಂದರೆ ಈ ಗಾತ್ರದ ಕಾರಿನಲ್ಲಿರುವ ಸುರಕ್ಷತೆಯ ತಂತ್ರಜ್ಞಾನ ಅದೇ ವೇರಿಯೆಂಟ್ ಗೆ ಸೀಮಿತವಾಗಿದೆ. ಐಸೊಫಿಕ್ಸ್ ಚೈಲ್ಡ್ ಸೀಟ್ ಮೌಂಟ್ಸ್ ಸ್ಟಾಂಡರ್ಡ್ ಆಗಿ ನೀಡುತ್ತಿಲ್ಲ. ಅಲ್ಲದೆ ಟಾಪ್ ಹೊರತುಪಡಿಸಿದ ಇತರೆ ವೇರಿಯೆಂಟ್ ಗಳಲ್ಲಿ ಡ್ಯುಯಲ್ ಫ್ರಂಟ್ ಏರ್ ಬ್ಯಾಗ್ಸ್ ಮಾತ್ರ ಇವೆ. 

ನೀವು ನಿರೀಕ್ಷಿದಂತೆಯೇ ಹ್ಯಾರಿಯರ್ ಇಲ್ಲಿಯವರೆಗೂ ಟಾಟಾದ ಸುಸಜ್ಜಿತ ಕಾರು ಆಗಿದೆ. ಸಾಮಾನ್ಯವಾಗಿ ಪ್ರೀಮಿಯಂ ಕಾರು ಕ್ಲೈಮೇಟ್ ಕಂಟ್ರೋಲ್, ಆಟೊಮ್ಯಾಟಿಕ್ ಹೆಡ್ ಲ್ಯಾಂಪ್ಸ್, ರೈನ್-ಸೆನ್ಸಿಂಗ್ ವೈಪರ್ಸ್, ಪಾರ್ಕಿಂಗ್ ಕ್ಯಾಮರಾ ಮತ್ತು ರಿಯರ್-ಎಸಿ ವೆಂಟ್ ಗಳಿರುತ್ತವೆ. ಅವೆಲ್ಲವೂ ಇವೆ. ಕೆಲ ಆಶ್ಚರ್ಯಕಾರಕ ಬಿಟ್ಟುಬಿಡುವಿಕೆಯೂ ಇವೆ. ಆಟೊ ಡಿಮ್ಮಿಂಗ್ ರಿಯರ್ ವ್ಯೂ ಮಿರರ್ ಮತ್ತು ಬಹಳ ಮುಖ್ಯವಾದ ಸನ್ ರೂಫ್ ಕೈಬಿಡಲಾಗಿದೆ. ಸಣ್ಣ ವಿಶೇಷತೆಗಳಾದ ಫ್ರಂಟ್ ಪಾರ್ಕಿಂಗ್ ಸೆನ್ಸರ್ ಗಳು ಮತ್ತು ಎಲೆಕ್ಟ್ರಿಕ್ ಟೈಲ್ ಗೇಟ್ ಈ ಅನುಭವವನ್ನು ಮುಂದಿನ ಹಂತಕ್ಕ ಕೊಂಡೊಯ್ಯುತ್ತದೆ. 

ನಮಗೆ ಅತ್ಯಂತ ಮುಖ್ಯವಾದುದು ಇನ್ಸ್ ಟ್ರುಮೆಂಟ್ ಕ್ಲಸ್ಟರ್ ಹೊಂದಿದ 7-ಇಂಚು ಡಿಸ್ಪ್ಲೇ. ಎಲ್.ಸಿ.ಡಿ. ಸ್ಕ್ರೀನ್ ನಲ್ಲಿ ಸೂಕ್ಷ್ಮ ಗ್ರಾಫಿಕ್ಸ್ ಇದೆ ಮತ್ತು ಸಾಕಷ್ಟು ಮಾಹಿತಿ ಹೊಂದಿದೆ. ಈ ಸ್ಕ್ರೀನ್ ನ ಶಾಶ್ವತ ಸದಸ್ಯ ಡಿಜಿಟಲ್ ಟ್ಯಾಕೊಮೀಟರ್. ನೀವು ಖಾಲಿಯಾಗುವ ದೂರ, ತಕ್ಷಣದ ಇಂಧನ ಕ್ಷಮತೆ, ಟ್ರಿಪ್ ಎ ವಿವರಗಳು, ಟ್ರಿಪ್ ಬಿ ವಿವರಗಳು ಮತ್ತು ಪವರ್/ಟಾರ್ಕ್ ಪೈ ಚಾರ್ಟ್ ಗಳನ್ನು ಕಾಣಬಹುದು. ಇನ್ಸ್ ಟ್ರುಮೆಂಟ್ ಕ್ಲಸ್ಟರ್ ಇದನ್ನು ನಿಯತ್ರಿಸಲು ಹೊರಚಾಚಿಲ್ಲ. ಸ್ಟೀರಿಂಗ್ ವ್ಹೀಲ್ ನಲ್ಲಿರುವ ಬಟನ್ ಗಳ ಮೂಲಕ ನೀವು ಮೆನುಗಳನ್ನು ಬಳಸಬಹುದು. 

ಮತ್ತೇನು, ಸ್ಕ್ರೀನ್ ಪ್ರಮುಖ ಮಾಹಿತಿಗಳಾದ ಯಾವ ಮ್ಯೂಸಿಕ್ ಚಾಲ್ತಿಯಲ್ಲಿದೆ, ಯಾವ ಬಾಗಿಲು ತೆರೆದಿದೆ, ಕ್ರೂಸ್ ಕಂಟ್ರೋಲ್ ಸ್ಥಾನಮಾನ, ಸ್ಪೀಡ್ ಲಿಮಿಟ್ ಇತ್ಯಾದಿ ಮುನ್ನೆಚ್ಚರಿಕೆಗಳನ್ನು ಪ್ರದರ್ಶಿಸುತ್ತದೆ. ನಿಮ್ಮ ಫೋನ್ ಆಂಡ್ರಾಯಿಡ್ ಆಟೊಗೆ ಸಂಪರ್ಕಿಸಿದಾಗ ಸ್ಕ್ರೀನ್ ಗೂಗಲ್ ಮ್ಯಾಪ್ಸ್ ನ ಮುಂದಿನ ಸೂಚನೆ ತೋರಿಸುತ್ತದೆ. ಸ್ಕ್ರೀನ್ ಮೇಲೆ ಮಿನಿ ಮ್ಯಾಪ್ ಇದ್ದಾಗ ಇನ್ನೂ ಚೆನ್ನಾಗಿರುತ್ತದೆ. 

ಡ್ಯಾಶ್ ನಲ್ಲಿರುವ ಇನ್ನೊಂದು ಸ್ಕ್ರೀನ್ 8.8-ಇಂಚು ಟಚ್ ಸ್ಕ್ರೀನ್. ಇದು ಆಂಡ್ರಾಯಿಡ್ ಆಟೊಗೆ ಬೆಂಬಲಿಸುತ್ತದೆ, ಆಪಲ್ ಕಾರ್ ಪ್ಲೇ ಇನ್ನೂ ಸಜ್ಜಾಗಬೇಕಿದೆ. ಸ್ಪಷ್ಟತೆ ಮತ್ತು ಪ್ರತಿಕ್ರಿಯೆಯ ಸಮಯದ ಕುರಿತು ನಮಗೆ ಯಾವುದೇ ತಕರಾರುಗಳಿಲ್ಲ. ನಮ್ಮ ಚಾಲನೆಯ ಸಮಯದಲ್ಲಿ ಹಲವು ಬಾರಿ ಅದು ರೀಬೂಟ್ ಆಯಿತು. ನಮ್ಮ ಉತ್ಪಾದನೆಯ ಪೂರ್ವ ವಾಹನಗಳ ಪರೀಕ್ಷೆಯಲ್ಲಿ ಇದೊಂದೇ ಸಮಸ್ಯೆ ಎಂದು ಭರವಸೆ ಇರಿಸುತ್ತೇವೆ, ಮತ್ತು ನೀವು ಕೊಳ್ಳುವ ವಾಹನಗಳಲ್ಲಿ ಈ ಸಮಸ್ಯೆ ಇಲ್ಲದೇ ಇರಬಹುದು. ಸ್ಕ್ರೀನ್ ಕೆಳಗಡೆ ಕೆಲ ಭೌತಿಕ ಬಟನ್ ಗಳಿವೆ ಅದಕ್ಕೆ ನೀವು ರಸ್ತೆಯಿಂದ ಗಮನ ಬೇರೆಡೆಗೆ ತೆಗೆದುಕೊಳ್ಳಬೇಕಿಲ್ಲ. ಎರಡು ನಾಬ್ ಗಳಿದ್ದು ಒಂದು ವಾಲ್ಯೂಮ್ ಮತ್ತು ನಿರೀಕ್ಷೆಗೆ. ಎರಡನೆಯ ನಾಬ್ ನಿಮಗೆ ಆಂಡ್ರಾಯಿಡ್ ಆಟೊಗೆ ಸಂಪರ್ಕಿಸಿದ್ದಾಗ ಗೂಗಲ್ ಮ್ಯಾಪ್ಸ್ ಝೂಮ್ ಇನ್ ಮತ್ತು ಝೂಮ್ ಔಟ್ ಮಾಡಲು ನೆರವಾಗುತ್ತದೆ. 

ಈ ಎಲ್ಲವೂ ಜೆಬಿಎಲ್ ನ ಆಕರ್ಷಕ ಮ್ಯೂಸಿಕ್ ಸಿಸ್ಟಂ ಜೊತೆಗೂಡಿವೆ. ಇದರಲ್ಲಿ ಎಂಟು ಸ್ಪೀಕರ್ಗಳಿವೆ ಮತ್ತು ಒಂದು ಸಬ್ ವೂಫರ್ ಇದ್ದು ಒಟ್ಟು ಒಂಬತ್ತಾಗಿವೆ. ಮತ್ತೇನು, ಒಂದು ಎಕ್ಸ್ ಟರ್ನಲ್ ಆಂಪ್ಲಿಫೈಯರ್ ಕೂಡಾ ಇದೆ. ನಿರೀಕ್ಷೆಯಂತೆಯೇ ಈ ಸೆಟಪ್ ಅತ್ಯಾಕರ್ಷಕವಾಗಿದೆ. ಈ ಬೆಲೆಯಲ್ಲಿ ಯಾವುದೇ ಆಡಿಯೊ ಸಿಸ್ಟಂ ಇದರ ಹತ್ತಿರಕ್ಕೈ ಬರುವುದಿಲ್ಲ. ಗರಿಷ್ಠ ಶಬ್ದ ನೀಡಿದಾಗಲೂ ಆಡಿಯೊದಲ್ಲಿ ಕೊಂಚವೂ ಅಡೆತಡೆ ಇರುವುದಿಲ್ಲ. 

ಟಾಟಾ ಹ್ಯಾರಿಯರ್ ಕಾರ್ಯಕ್ಷಮತೆ 

ಹ್ಯಾರಿಯರ್ ಗೆ ಶಕ್ತಿ ನೀಡಿರುವುದು ಕಾಂಪಾಸ್ ನ 2.0-ಲೀಟರ್ ಡೀಸೆಲ್ ಎಂಜಿನ್. ಆದರೆ ಇಲ್ಲಿ 33ಪಿಎಸ್ ಶಕ್ತಿಯಲ್ಲಿ ಕುಸಿತ 140ಪಿಎಸ್ ಇದೆ. ಟಾರ್ಕ್ ಮಾತ್ರ ಜೀಪ್ ನಂತೆಯೇ 350 ಎನ್ಎಂ ಇದೆ. ಈ ಎಲ್ಲ ಶಕ್ತಿಯನ್ನು 6-ಸ್ಪೀಡ್ ಮ್ಯಾನ್ಯುಯಲ್ ಟ್ರಾನ್ಸ್ ಮಿಷನ್ ಹಾಗೂ ಎಫ್.ಸಿ.ಎ ಮೂಲಕ ಪಡೆದು ಮುಂಭಾಗದ ಚಕ್ರಗಳಿಗೆ ವರ್ಗಾಯಿಸಲಾಗುತ್ತದೆ. 1675 ಕೆಜಿ ಭಾರ ಹೊರುವ ಸಾಮರ್ಥ್ಯದಿಂದ ಮೋಟಾರ್ ಅದಕ್ಕೆ ಸೂಕ್ತವಾಗಿದೆ. ಇದು ಪೂರೈಕೆ ಮಾಡುತ್ತದೆಯೇ? 

ಕಿರು ಉತ್ತರ: ಹೌದು ಇದು ಮಾಡುತ್ತದೆ. ಯಾವುದೇ ಸಮಯದಲ್ಲೂ ನೀವು ಶಕ್ತಿಯ ಕೊರತೆ ಇದೆ ಎಂದು ಭಾವಿಸುವುದಿಲ್ಲ. ಎಂಜಿನ್ ಮತ್ತು ಗೇರ್ ಬಾಕ್ಸ್ ಸಂಯೋಜನೆ ಅತ್ಯಂತ ವೈವಿಧ್ಯಮಯ ಎಂದು ಭಾಸವಾಗುತ್ತದೆ. ಇದು ನಗರ ಮತ್ತು ಹೆದ್ದಾರಿಯಲ್ಲಿ ಬಹಳ ಸುಲಭವಾಗಿದೆ. ಇದರೊಂದಿಗೆ ಡ್ರೈವಿಂಗ್ ಮೋಡ್ ಗಳೂ ಇವೆ: ಇಕೊ, ಸಿಟಿ ಮತ್ತು ಸ್ಪೋರ್ಟ್. ಅವು ಗಿಮಿಕ್ ಗಳಲ್ಲ. ನೀವು ಸ್ಪೋರ್ಟ್ ನಿಂದ ಸಿಟಿ ಅಥವಾ ಸಿಟಿಯಿಂದ ಇಕೊಗೆ ಬದಲಾಯಿಸಿದ ಕೂಡಲೇ ಗ್ರಹಿಸುತ್ತದೆ. 

ನಮಗೆ ಆಯ್ಕೆ ಬಿಟ್ಟರೆ ನಾವು ಹ್ಯಾರಿಯರ್ ಅನ್ನು ಎಲ್ಲ ಸಮಯದಲ್ಲೂ ಸ್ಪೋರ್ಟ್ ಮೋಡ್ ನಲ್ಲಿ ಚಾಲನೆ ಮಾಡುತ್ತೇವೆ. 1800ಆರ್.ಪಿ.ಎಂನಲ್ಲಿ ನೀಡುವ ಟಾರ್ಕ್ ಅತ್ಯಂತ ಸಂತೃಪ್ತಿಕಾರಕವಾಗಿದೆ, ಆದರೆ ಭಯ ಹುಟ್ಟಿಸುವುದಿಲ್ಲ.  ಈ ಮೋಡ್ ನಲ್ಲಿ ಹೆದ್ದಾರಿಯಲ್ಲಿ ಇದು ಸಂಪೂರ್ಣ ರಾಕ್ ಸ್ಟಾರ್ ಆಗಿದ್ದು ಬೆವರು ಹರಿಸದೆ ಮೈಲಿಗಳನ್ನು ಕ್ರಮಿಸುತ್ತದೆ. ಹೆಚ್ಚಿನ ಗೇರ್ ನಲ್ಲಿ ಕಡಿಮೆ ವೇಗದಲ್ಲಿದ್ದರೂ ಎಂಜಿನ್ ಪ್ರತಿಭಟಿಸದೆ ಇರುವುದರಿಂದ ನೀವು ಟಾಪ್ ಗೇರ್ ನಲ್ಲಿ 50 ಕೆಎಂಪಿಎಚ್ ನಿಂದ 150ಕೆಎಂಪಿಎಚ್ ಗೆ ಎಳೆಯಬಹುದು. ಓವರ್ ಟೇಕ್ ತೆಗೆದುಕೊಳ್ಳಲು ಬಯಸಿದರೂ ತಕ್ಕಷ್ಟು ಟಾರ್ಕ್ ಇದ್ದು ನಿಮಗೆ ಆಕ್ಸಲರೇಟರ್  ಒತ್ತಿದರೆ ಸಾಕು ನಿಮ್ಮ ಕಾರು ಮುಂಭಾಗದಲ್ಲಿರುತ್ತದೆ. 

ನಗರದ ಒಳಗಡೆ ನೇಮ್ ಸೇಕ್ ಮೋಡ್ ನಲ್ಲಿದ್ದರೆ ಉತ್ತಮ. ಸ್ಪೋರ್ಟ್ ನಲ್ಲಿ ನೀವು ಸಣ್ಣದಾಗಿ ಒತ್ತಿದರೂ ಕಾರು ಬಹಳ ಮುಂದಿರುತ್ತದೆ. ನಗರ ಪರಿಸರದಲ್ಲಿ ಇಡೀ ದಿನ ಮೂರನೇ ಗೇರ್ ನಲ್ಲಿ ಚಾಲಿಸಿದರೆ ಸಾಕು. ಮೂರನೇ ಗೇರ್ ನಲ್ಲಿ 20ಕೆಎಂಪಿಎಚ್ ಗಿಂತ ಕಡಿಮೆಗೆ ಬರುವುದನ್ನು ಪರಿಗಣಿಸುವುದಿಲ್ಲ, ಆದ್ದರಿಂದ ನೀವು ಸ್ಪೀಡ್ ಬ್ರೇಕರ್ಸ್ ಮೀರಿ ಅದೇ ಗೇರ್ ನಲ್ಲಿ ಮುನ್ನಡೆಯಬಹುದು. 

ನಾವು ಇಕೊ ಮೋಡ್ ನಲ್ಲಿ ಹೆಚ್ಚು ಸಮಯ ಕಳೆಯಲಿಲ್ಲ. ಇದು ಥ್ರಾಟಲ್ ರೆಸ್ಪಾನ್ಸ್ ಕಡಿಮೆ ಮಾಡುತ್ತದೆ ಇದರಿಂದ ನಾವು ಸ್ಪೋರ್ಟ್ ಅಲ್ಲದೇ ಇದ್ದರೆ ಸಿಟಿ ಮೋಡ್ ಗಾದರೂ ಹಿಂದಿರುಗಬೇಕಾಗಿತ್ತು. ಆದರೆ ಅದು ನಿಮ್ಮ ಜೇಬಿಗೆ ಭಾರ. ನೀವು ಉಳಿತಾಯ ಮಾಡಲು ಬಯಸಿದರೆ ಇಕೊ ಮೋಡ್ ಉಪಯುಕ್ತವಾಗಿದೆ. 

ಇಲ್ಲಿ ಅತ್ಯುತ್ತಮವಾದ ಸಂಗತಿ ಎಂದರೆ ಕ್ಲಚ್ ಮತ್ತು ಗೇರ್ ಎಂದಿಗೂ ಒತ್ತಡ ಹೇರುವುದಿಲ್ಲ. ಕ್ಲಚ್ ಫೆದರ್ ಲೈಟ್ ಅಲ್ಲ, ಆದರೆ ಇದು ಕೆಟ್ಟದಾಗಿ ಸಿಕ್ಕಿಕೊಳ್ಳುವುದೂ ಇಲ್ಲ. ಗೇರ್ಸ್ ಸ್ಲಾಟ್ ಕೂಡಾ ಚೆನ್ನಾಗಿದೆ. ನೀವು ಅದರೊಂದಿಗೆ ಆಡಬೇಕೆಂದರೆ ಅದು ನಿಮಗೆ ಉಪಯುಕ್ತ. ಆಟೊಮ್ಯಾಟಿಕ್ ಬಯಸುವವರು ಕನಿಷ್ಠ ಆರು ತಿಂಗಳು ಕಾಯಬೇಕು. 

ಆಲ್-ವ್ಹೀಲ್ ಡ್ರೈವ್ ಆವೃತ್ತಿ ಬಯಸುವವರು ನಿಮ್ಮ ಉಸಿರು ಬಿಗಿ ಹಿಡಿಯಬೇಡಿ. ಅದು ಎಂದಿಗೂ ಸಾಧ್ಯವಿಲ್ಲ. ಟಾಟಾ ಅದನ್ನು ತಯಾರಿಸಲು ತಕ್ಕಷ್ಟು ಬೇಡಿಕೆ ಕಂಡಿಲ್ಲ. ಆದರೆ ಟೆರೈನ್ ರೆಸ್ಪಾನ್ಸ್ ದೃಷ್ಟಿಯಿಂದ ಸಮಾಧಾನ ಪಟ್ಟುಕೊಳ್ಳಬಹುದು. ಹೌದು, ಲ್ಯಾಂಡ್ ರೋವರ್ ಅದೇ ಹೆಸರಿನ ತಂತ್ರಜ್ಞಾನ ಹೊಂದಿದೆ. ಇದನ್ನು ಅದರ `ಪ್ರವೇಶ-ಮಟ್ಟ'ದ ಆವೃತ್ತಿ ಎಂದು ಪರಿಗಣಿಸಿ. ನಿಮಗೆ ಎರಡು ಮೋಡ್ ಗಳು ಲಭ್ಯ- ರಫ್ ರೋಡ್ ಮತ್ತು ವೆಟ್. ಈ ಮೋಡ್ ಗಳು ಇ.ಎಸ್.ಸಿ- ಆಧರಿತವಾಗಿದೆ, ಮತ್ತು ಅವು ಬದಲಾಗುವ ಥ್ರಾಟಲ್ ಮ್ಯಾಪ್ಸ್ ಆಧರಿಸಿ ಕೆಲಸ ಮಾಡುತ್ತವೆ. ಹೆಚ್ಚು ಒರಟಾದ ರಸ್ತೆಗಳಲ್ಲಿ ರಫ್ ರೋಡ್ ಮೋಡ್ ನಲ್ಲಿ ಕೊಂಚ ಶಕ್ತಿ ಚಕ್ರಗಳಿಗೆ ವರ್ಗಾವಣೆಯಾಗುವುದನ್ನು ನಾವು ಕಾಣುತ್ತೇವೆ. 

ಚಾಲನೆಯ ಅನುಭವದಲ್ಲಿ ಯಾವುದೇ ಋಣಾತ್ಮಕತೆ ಇದೆಯೇ? ಹೌದು, ಇದೆ. ಟಾಟಾ ಹೆಚ್ಚು ಪ್ರಯತ್ನ ಮಾಡಿ ಕ್ಯಾಬಿನ್ ಅನ್ನು ಎರಡು ಪದರಗಳ ಫೈರ್ ವಾಲ್ ನಿಂದ ಸುತ್ತುವರೆದಿದ್ದರೂ ಸಾಕಷ್ಟು ಸಮಯ ನೀವು ಎಂಜಿನ್ ಶಬ್ದ ಕೇಳುತ್ತೀರಿ. ಮೋಟಾರ್ ನ ಶಬ್ದದಿಂದ ಹೊರಬರುವುದು ಸಾಧ್ಯವೇ ಇಲ್ಲ. ಅದಕ್ಕಿಂತ ಕೆಟ್ಟದಾಗಿರುವುದು ರಿವ್ಸ್ ಹತ್ತುವಾಗ ಇದು ಹೆಚ್ಚು ಹೆಚ್ಚು  ಪ್ರಮುಖವಾಗುತ್ತದೆ. ನಮ್ಮ ಎರಡನೆಯ ದೂರು ವೈಬ್ರೇಷನ್ ಗಳದ್ದು, ಅದರಲ್ಲೂ ಐಡಲ್ ನಲ್ಲಿ. ಗೇರ್ ಲಿವರ್, ಸ್ಟೀರಿಂಗ್ ಪೆಡಲ್ ಗಳು ಮತ್ತು ಫ್ಲೋರ್ ಬೋರ್ಡ್ ಉತ್ಸಾಹದಿಂದ ತುಂಬಿವೆ. ವೈಬ್ರೇಷನ್ ಗಳು ನೀವು ಚಲಿಸಿದ ಕೂಡಲೇ ನಿರ್ಲಕ್ಷಿಸಬಹುದಾಗಿರುತ್ತವೆ. 

ಾಲನೆ ಮತ್ತು ನಿರ್ವಹಣೆ-

ಟಾಟಾ ಹ್ಯಾರಿಯರ್ ಲ್ಯಾಂಡ್ ರೋವರ್ ಡಿಸ್ಕವರಿ ಸ್ಪೋರ್ಟ್ ನಿಂದ ಮುಂಬದಿಯ ಸಸ್ಪೆನ್ಷನ್ ಪಡೆದಿದೆ. ಆದರೆ ರಿಯರ್ ಸಸ್ಪೆನ್ಷನ್ ಅನ್ನು ಸೆಮಿ-ಇಂಡಿಪೆಂಡೆಂಟ್ ಟ್ವಿಸ್ಟ್ ಬ್ಲೇಡ್ ಸೆಟಪ್ ಮೂಲಕ ಬದಲಾಯಿಸಿದ್ದು ಇದನ್ನು ಲೋಟಸ್ ಎಂಜಿನಿಯರಿಂಗ್ ರೂಪಿಸಿದೆ. 

ಬಹಳಷ್ಟು ಮಟ್ಟಿಗೆ ಎಸ್.ಯು.ವಿ ರಸ್ತೆ ಗುಂಡಿಗಳು ಮತ್ತು ಒಡೆದ ರಸ್ತೆಗಳನ್ನು ನಿಭಾಯಿಸುತ್ತದೆ. ಅದನ್ನು ಯಾವುದೇ ಶಬ್ದವಿಲ್ಲದಂತೆ ನಿಭಾಯಿಸುವುದು ವಿಶೇಷ. ದೊಡ್ಡ ಉಬ್ಬುಗಳಿದ್ದರೆ ಕ್ಯಾಬಿನ್ ಒಳಗಡೆ ಪಕ್ಕದಿಂದ ಪಕ್ಕಕ್ಕೆ ಚಲಿಸುವ ಅನುಭವ ನಿಮಗಾಗುತ್ತದೆ. ರಿಯರ್ ಸೀಟಿನಲ್ಲಿ ಕುಳಿತವರಿಗೆ ಕೂಡಾ ಎತ್ತಿ ಹಾಕಿದಂತೆ ಅನುಭವ ಮೂಡುತ್ತದೆ. ಇದನ್ನು ಮೀರಲು ಸುಲಭವಾದ ದಾರಿ ಎಂದರೆ, ದೊಡ್ಡ ಸ್ಪೀಡ್ ಬ್ರೇಕರ್  ಗಳು ಮತ್ತು ದೊಡ್ಡ ಹಳ್ಳಗಳ ಮೇಲೆ ಕೊಂಚ ನಿಧಾನವಾಗಿ ಚಲಿಸುವುದು. 

ಹೆದ್ದಾರಿಯಲ್ಲಿ ಹ್ಯಾರಿಯರ್ ತನ್ನ ಶ್ರೇಷ್ಠತೆಯಲ್ಲಿದೆ: ಅತ್ಯಂತ ವೇಗದಲ್ಲೂ ದೃಢವಾಗಿರುತ್ತದೆ ಮತ್ತು ಇದರ ಅಲುಗಾಡದ ಸ್ವಭಾವ ನಿಮ್ಮನ್ನು ಸಣ್ಣ ಕುಟುಂಬಕ್ಕೆ ಹ್ಯಾರಿಯರ್ ಅತ್ಯಂತ ಮಹತ್ವದ ರಸ್ತೆ ಸಂಗಾತಿ ಎಂದು ನಂಬುವಂತೆ ಮಾಡುತ್ತದೆ. 

ಸ್ಟೀರಿಂಗ್ ವಿಷಯಕ್ಕೆ ಬಂದರೆ, ನಿಜ ಇದು ಹೆವಿಯಾಗಿದೆ. ಹೆಕ್ಸಾ ಹೆವಿಯಲ್ಲ, ಆದರೂ ಇದು ನಗರದ ಒಳಗಡೆ ಆತಂಕ ಹುಟ್ಟಿಸಬೇಕಿಲ್ಲ ಮತ್ತು ಹೆದ್ದಾರಿಯಲ್ಲೂ ನೀವು ತೂಕವನ್ನು ಶ್ಲಾಘಿಸುತ್ತೀರಿ.  ಹ್ಯಾರಿಯರ್ ದಿಕ್ಕುಗಳ ವೇಗದ ಬದಲಾವಣೆ ಕೂಡಾ ಮಾಡುತ್ತದೆ. ಮತ್ತು ಒಮ್ಮೆ ನೀವು ತ್ವರಿತವಾಗಿ ಲೇನ್ ಬದಲಾಯಿಸಿದಾಗ ಕಂಪೋಷರ್ ಕೂಡಾ ತ್ವರಿತವಾಗಿ ಪಡೆಯುತ್ತದೆ. ಈ ಗಾತ್ರದ ಕಾರಿಗೆ ಸ್ಟೀರಿಂಗ್ ಆಶ್ಚರ್ಯಕರವಾಗಿ ಪ್ರಿಡಿಕ್ಟಬಲ್ ಆಗಿದೆ. ನೀವು ತಿರುವುಗಳಲ್ಲಿ ಸುಲಭವಾಗಿ ಚಾಲಿಸಬಹುದು. 

ವಾಹನದ ದೇಹ ಚಲಿಸುವಲ್ಲಿ ಕೊಂಚ ಮುನ್ಸೂಚನೆ ಇದೆ. ಇದರಿಂದ ನೀವು ಘಟ್ಟ ಪ್ರದೇಶಗಳಲ್ಲಿ ಕಷ್ಟಪಡಬೇಕಿಲ್ಲ. ಸುಲಭವಾಗಿ, ಚಾಲನೆಯನ್ನು ಆನಂದಿಸಿ. ಅದೇ ಇದೆಲ್ಲವೂ!

ನೀವು ನಾಲ್ಕು ವೇರಿಯೆಂಟ್ ಗಳಲ್ಲಿ ಆಯ್ಕೆ ಮಾಡಿಕೊಳ್ಳಬಹುದು- ಎಕ್ಸ್.ಇ, ಎಕ್ಸ್.ಎಂ, ಎಕ್ಸ್.ಟಿ ಮತ್ತು ಎಕ್ಸ್.ಝಡ್. ಈ ಬೇಸ್-ಸ್ಪೆಕ್ ಎಕ್ಸ್.ಇ. ಪ್ಯಾಕ್ಸ್ ಅಗತ್ಯಗಳನ್ನು ಹೊರತುಪಡಿಸಿ ಬೇರೇನೂ ಇಲ್ಲ. ಇದು ಅತ್ಯಂತ ಅಗತ್ಯವಾದ ಅಂಶಗಳನ್ನೂ ಅಂದರೆ ಫ್ರಂಟ್ ಫಾಗ್ ಲ್ಯಾಂಪ್ಸ್ ಮತ್ತು ಮ್ಯೂಸಿಕ್ ಸಿಸ್ಟಂ ಕೂಡಾ ತಪ್ಪಿಸಿಕೊಂಡಿದೆ. ಇದು ಒಂದೇ `ಆರ್ಕಸ್ ವ್ಹೈಟ್' ಪೇಂಟ್ ಶೇಡ್ ನಲ್ಲಿ ಕೂಡಾ ಲಭ್ಯ. 

ಎಕ್ಸ್.ಎಂ ವೇರಿಯೆಂಟ್ ಚಾಲನೆಯ ಮೋಡ್ ಗಳಲ್ಲಿ ಕೆಲ ಒಳ್ಳೆಯ ಅಂಶಗಳಿವೆ, 7-ಇಂಚು ಟಚ್ ಸ್ಕ್ರೀನ್ ಮತ್ತು ಸ್ಟೀರಿಂಗ್-ಮೌಂಟೆಡ್ ಆಡಿಯೊ ಕಂಟ್ರೋಲ್ಸ್. ಈ ಪಟ್ಟಿಯಲ್ಲಿ ಎಕ್ಸ್.ಟಿ ಇದೆ. ಇದು 17-ಇಂಚು ಅಲಾಯ್ ವ್ಹೀಲ್ಸ್, ಆಟೊಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಕ್ರೂಸ್ ಕಂಟ್ರೋಲ್, ಪುಷ್-ಬಟನ್ ಸ್ಟಾರ್ಟ್ ಮತ್ತು ಆಟೊಮ್ಯಾಟಿಕ್ ಹೆಡ್ ಲ್ಯಾಂಪ್ಸ್ ಮತ್ತು ವೈಪರ್ಸ್ ಹೊಂದಿದೆ. 

ಎಲ್ಲ ಬೆಲ್ಸ್ ಮತ್ತು ವಿಶಲ್ಸ್ ಗೆ(ಮುಖ್ಯವಾಗಿ ಸೇಫ್ಟಿ ಪ್ಯಾಕೇಜ್), ನಾವು ಟಾಪ್-ಸ್ಪೆಲ್ ಎಕ್ಸ್.ಝಡ್ ವೇರಿಯೆಂಟ್ ಗೆ ಪೂರಕವಾಗಿದ್ದೇವೆ. 

 ಬೆಲೆಗಳಲ್ಲಿ 13.69 ಲಕ್ಷ ರೂಪಾಯಿ ಮತ್ತು  20.25 ಲಕ್ಷ ರೂಪಾಯಿಗಳ ನಡುವೆ  25,000 ರೂಪಾಯಿಯಿಂದ 40,000 ರೂಪಾಯಿಯ ಪ್ರೀಮಿಯಂ ಅನ್ನು ಹೇಳಲಾಗುತ್ತಿದೆ. ಪ್ರತ್ಯೇಕವಾಗಿ ಹೇಳುವುದಾದರೆ ಜೋಡಿಸಲಾಗಿರುವ ಸಲಕರಣೆಗಳಿಗೆ ಇದು ನ್ಯಾಯೋಚಿತವೆಂದು ತೋರುತ್ತದೆ. ಅದೇ ರೀತಿ ಸ್ವಯಂಚಾಲಿತವಾಗಿ ಅವಲಂಬಿಸಿರುವ ಪ್ರೀಮಿಯಂ (1 ಲಕ್ಷ ರೂ. - 1.2 ಲಕ್ಷ ರೂ. ) ಕೋರ್ಸ್‌ಗೂ ಸಮಾನವಾಗಿರುತ್ತದೆ.

 ಶಕ್ತಿಶಾಲಿ ಬಂಪ್, ಸ್ವಯಂಚಾಲಿತ ಪ್ರಸರಣ ಮತ್ತು ಬೃಹತ್ ಸನ್‌ರೂಫ್‌ನಂತಹ ಉತ್ತಮ ಎನ್ನಿಸುವ ಬಿಟ್‌ಗಳು ಅಂತಿಮವಾಗಿ ಹ್ಯಾರಿಯರ್ ತನ್ನ 20 ಲಕ್ಷ ರೂಪಾಯಿ ಬೆಲೆಯನ್ನು ಸ್ವಲ್ಪ ಹೆಚ್ಚು ಅರ್ಥ ಮಾಡಿಕೊಳ್ಳುವಂತೆ ಮಾಡುತ್ತದೆ. ಸ್ವಲ್ಪಮಟ್ಟಿಗೆ ಹಣ ಸೇರಿಸಿದ್ದರೆ ಟಾಟಾ ಹಣಕ್ಕೆ ಅಸಾಧಾರಣ ಮೌಲ್ಯವನ್ನು ಕೊಡಿಸಿದೆ ಎಂದೆನಿಸುತ್ತದೆ. 

ಆರಂಭಿಕವಾಗಿ ಲಾಂಚ್ ಮಾಡಿದಾಗ ಕೆಲವನ್ನು  ಹಿಂದೆಗೆದುಕೊಳ್ಳಲಾಯಿತು.  ನೀವೇ‌ ನೋಡಿದಂತೆ ಕಳೆದ ವರ್ಷದಲ್ಲಿ ಟಾಟಾ ಸತತವಾಗಿ ಬೆಲೆಗಳನ್ನು ಹೆಚ್ಚಿಸಿದೆ. ವೇರಿಯಂಟ್‌ನಿಂದ ಭಿನ್ನವಾಗಿ ಹ್ಯಾರಿಯರ್ ಈಗ ಒಂದು ಲಕ್ಷದಷ್ಟು ದುಬಾರಿಯಾಗಿದೆ. ಇದು ಯಾವುದೇ ರೀತಿಯಲ್ಲೂ ಸಣ್ಣ ಮೊತ್ತವಲ್ಲ.

 2020ರ ಅಪ್ ಡೇಟ್ ನೊಂದಿಗೆ ಹ್ಯಾರಿಯರ್ ಮೊದಲಿಗಿಂತ ಉತ್ತಮ ಪ್ಯಾಕೇಜ್ ಆಗಿದೆ. ವಿಶೇಷವೆಂದರೆ ಇದು ಆರಂಭಿಕ ದಿನಗಳಲ್ಲಿ ಏನನ್ನು ನೀಡಬೇಕಿತ್ತೋ ಅದನ್ನು ಈಗ ನೀಡುತ್ತಿದೆ.