2025ರಲ್ಲಿ ಮಾರುಕಟ್ಟೆಗೆ ಲಗ್ಗೆಯಿಡಲಿರುವ ರೆನಾಲ್ಟ್ ಮತ್ತು ನಿಸ್ಸಾನ್ ಕಾರುಗಳ ಪಟ್ಟಿ..
ಎರಡೂ ಬ್ರ್ಯಾಂಡ್ಗಳು ಈ ಹಿಂದೆ ಮಾರುಕಟ್ಟೆಗೆ ರಾರಾಜಿಸಿದ್ದ ಕಾಂಪ್ಯಾಕ್ಟ್ ಎಸ್‌ಯುವಿ ಮೊಡೆಲ್‌ಗಳನ್ನು ಮತ್ತೆ ನಮ್ಮ ಮಾರುಕಟ್ಟೆಯಲ್ಲಿ ಪರಿಚಯಿಸುವ ನಿರೀಕ್ಷೆಯಿದೆ, ಜೊತೆಗೆ ನಿಸ್ಸಾನ್ ಸಹ 2025 ರಲ್ಲಿ ಪ್ರಮುಖ ಎಸ್‌ಯುವಿ ಕಾರುಗಳನ್ನು ಪರಿಚಯಿಸುವ ಸಾಧ್ಯತೆಯಿದೆ
ಇತ್ತೀಚಿನ ವರ್ಷಗಳಲ್ಲಿ ನಮ್ಮ ಮಾರುಕಟ್ಟೆಗೆ ಯಾವುದೇ ಹೊಸ ಕಾರುಗಳನ್ನು ಪರಿಚಯಿಸದ ಕೆಲವು ಕಾರು ತಯಾರಕರಲ್ಲಿ ರೆನಾಲ್ಟ್ ಮತ್ತು ನಿಸ್ಸಾನ್ ಸೇರಿವೆ. ಆದರೆ ಇವುಗಳು ಶೀಘ್ರದಲ್ಲೇ ಬದಲಾಗುವ ಸಾಧ್ಯತೆಯಿದ್ದು, 2025ರಲ್ಲಿ ತಮ್ಮ ಎರಡು ಜನಪ್ರಿಯ ಎಸ್‌ಯುವಿ ಮೊಡೆಲ್‌ಗಳನ್ನು ಮತ್ತೆ ನಮ್ಮ ಮಾರುಕಟ್ಟೆಗೆ ಪರಿಚಯಿಸುವು ಸಾಧ್ಯತೆಯಿದೆ. ಇದನ್ನು ಗಮನದಲ್ಲಿಟ್ಟುಕೊಂಡು, 2025 ರಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿರುವ ಎಲ್ಲಾ ಮುಂಬರುವ ರೆನಾಲ್ಟ್ ಮತ್ತು ನಿಸ್ಸಾನ್ ಕಾರುಗಳನ್ನು ಇಲ್ಲಿ ವಿವರಿಸಲಾಗಿದೆ.
ಹೊಸ ರೆನಾಲ್ಟ್ ಡಸ್ಟರ್
ನಿರೀಕ್ಷಿತ ಬಿಡುಗಡೆ: 2025 ರ ಮಧ್ಯದಲ್ಲಿ
ನಿರೀಕ್ಷಿತ ಬೆಲೆ: 10 ಲಕ್ಷ ರೂ. (ಎಕ್ಸ್ ಶೋ ರೂಂ)
2024ರ ಮಾರ್ಚ್‌ನಲ್ಲಿ, ರೆನಾಲ್ಟ್ ತನ್ನ ಮುಂಬರುವ ಕಾಂಪ್ಯಾಕ್ಟ್ ಎಸ್‌ಯುವಿಯ ಟೀಸರ್‌ ಅನ್ನು ಬಿಡುಗಡೆ ಮಾಡಿತು, ಇದು ನಮ್ಮ ಮಾರುಕಟ್ಟೆಗೆ ಡಸ್ಟರ್‌ನ ಸಂಭವನೀಯ ಪುನರಾಗಮನದ ಬಗ್ಗೆ ಸುಳಿವು ನೀಡಿತು. ರೆನಾಲ್ಟ್‌ನ ಸಹೋದರ ಬ್ರ್ಯಾಂಡ್ ಆಗಿರುವ 'ಡೇಸಿಯಾ' ಬ್ಯಾಡ್ಜ್‌ನ ಅಡಿಯಲ್ಲಿ ಇದನ್ನು ಈಗಾಗಲೇ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡಲಾಗಿದೆ. ಮುಂಬರುವ ಡಸ್ಟರ್ ತಾಜಾ ವಿನ್ಯಾಸ, ಸಂಪೂರ್ಣವಾಗಿ ಪರಿಷ್ಕರಿಸಿದ ಕ್ಯಾಬಿನ್ ಮತ್ತು ಹೊಸ ಹೈಬ್ರಿಡ್ ಪವರ್‌ಟ್ರೇನ್ ಆಯ್ಕೆಗಳನ್ನು ಒಳಗೊಂಡಿರುವ ನಿರೀಕ್ಷೆಯಿದೆ, ಅದು ಈ ಸೆಗ್ಮೆಂಟ್‌ನಲ್ಲಿ, ವಿಶೇಷವಾಗಿ ಹ್ಯುಂಡೈ ಕ್ರೆಟಾದಂತಹವುಗಳೊಂದಿಗೆ ತನ್ನ ಪೈಪೋಟಿಯನ್ನು ಮುಂದುವರೆಸುತ್ತದೆ.
ರೆನಾಲ್ಟ್ ಬಿಗ್‌ಸ್ಟರ್
ನಿರೀಕ್ಷಿತ ಬಿಡುಗಡೆ: 2025 ರ ಮಧ್ಯದಲ್ಲಿ
ನಿರೀಕ್ಷಿತ ಬೆಲೆ: 12 ಲಕ್ಷ ರೂ.(ಎಕ್ಸ್ ಶೋರೂಂ)
ಡಸ್ಟರ್ ಅನ್ನು ಜಾಗತಿಕವಾಗಿ ಡೇಸಿಯಾ ಬಿಗ್‌ಸ್ಟರ್ ನೇಮ್‌ಪ್ಲೇಟ್ ಅಡಿಯಲ್ಲಿ 7-ಸೀಟರ್ ಕಾನ್ಫಿಗರೇಶನ್‌ನಲ್ಲಿ ಸಹ ನೀಡಲಾಗುತ್ತದೆ. ಅದರ ದೊಡ್ಡ ಗಾತ್ರದ ಹೊರತಾಗಿ, ಬಿಗ್‌ಸ್ಟರ್ ಒಂದೇ ರೀತಿಯ ವಿನ್ಯಾಸ, ಇಂಟೀರಿಯರ್‌ ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಅದೇ ಪವರ್‌ಟ್ರೇನ್ ಆಯ್ಕೆಗಳನ್ನು ಹೊಂದಿದೆ. ಭಾರತದಲ್ಲಿ 5-ಆಸನಗಳ ಡಸ್ಟರ್ ಅನ್ನು ಬಿಡುಗಡೆ ಮಾಡಿದ ಕೆಲವೇ ದಿನಗಳಲ್ಲಿ, ಅದೇ ಹೆಸರಿನೊಂದಿಗೆ ರೆನಾಲ್ಟ್ ಬಿಗ್‌ಸ್ಟರ್ ಅನ್ನು ನಮ್ಮ ಮಾರುಕಟ್ಟೆಗೆ ತರುವ ನಿರೀಕ್ಷೆಯಿದೆ.
ಮಾರುಕಟ್ಟೆಯಲ್ಲಿರುವ ರೆನಾಲ್ಟ್ ಕಾರುಗಳಿಗೆ ಮೊಡೆಲ್‌ ವರ್ಷದ ಆಪ್‌ಡೇಟ್‌ಗಳು
ನಿರೀಕ್ಷಿತ ಬಿಡುಗಡೆ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ ಕ್ವಿಡ್: ರೂ 4.70 ಲಕ್ಷ (ಎಕ್ಸ್ ಶೋ ರೂಂ)
ನಿರೀಕ್ಷಿತ ಬೆಲೆ ಕಿಗರ್: ರೂ 6 ಲಕ್ಷ (ಎಕ್ಸ್ ಶೋ ರೂಂ)
ನಿರೀಕ್ಷಿತ ಬೆಲೆ ಟ್ರೈಬರ್: ರೂ 6 ಲಕ್ಷ (ಎಕ್ಸ್ ಶೋ ರೂಂ)
ಈ ಫ್ರೆಂಚ್ ಕಾರು ತಯಾರಕರು 2025 ರಲ್ಲಿ ಕ್ವಿಡ್, ಕಿಗರ್ ಮತ್ತು ಟ್ರೈಬರ್ ಸೇರಿದಂತೆ ಅದರ ಅಸ್ತಿತ್ವದಲ್ಲಿರುವ ಕಾರುಗಳ ಪಟ್ಟಿಯನ್ನು ಆಪ್‌ಡೇಟ್‌ ಮಾಡುವ ನಿರೀಕ್ಷೆಯಿದೆ. ಪ್ರಸ್ತುತ ಎಂಜಿನ್ ಆಯ್ಕೆಗಳನ್ನು ಉಳಿಸಿಕೊಂಡು ಈ ಆಪ್‌ಡೇಟ್‌ಗಳು ಕೆಲವು ಕಾಸ್ಮೆಟಿಕ್ ಮಾರ್ಪಾಡುಗಳು ಮತ್ತು ಹೊಸ ಫೀಚರ್‌ಗಳನ್ನು ಒಳಗೊಂಡಿರುವ ಸಾಧ್ಯತೆಯಿದೆ. ಕ್ವಿಡ್ ಮತ್ತು ಟ್ರೈಬರ್ ಎರಡನ್ನೂ ಒಂದೇ 1-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್‌ ಪೆಟ್ರೋಲ್ ಎಂಜಿನ್‌ನೊಂದಿಗೆ ನೀಡಲಾಗುತ್ತದೆ, ಆದರೂ ವಿಭಿನ್ನ ಪವರ್‌ ಔಟ್‌ಪುಟ್‌ನೊಂದಿಗೆ.
ಕ್ವಿಡ್‌ನ 1-ಲೀಟರ್ ಪೆಟ್ರೋಲ್ ಎಂಜಿನ್ 68 ಪಿಎಸ್‌ ಮತ್ತು 91 ಎನ್‌ಎಮ್‌ಅನ್ನು ಉತ್ಪಾದಿಸುತ್ತದೆ, 5-ಸ್ಪೀಡ್ ಮ್ಯಾನುವಲ್ ಅಥವಾ 5-ಸ್ಪೀಡ್ ಎಎಮ್‌ಟಿಯೊಂದಿಗೆ ಜೋಡಿಯಾಗಿ, ಟ್ರೈಬರ್‌ನ ಎಂಜಿನ್ 72 ಪಿಎಸ್‌ ಮತ್ತು 96 ಎನ್‌ಎಮ್‌ಅನ್ನು ಉತ್ಪಾದಿಸುತ್ತದೆ, ಮತ್ತು ಅದೇ ರೀತಿಯ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಕಿಗರ್ 100 ಪಿಎಸ್‌ 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಜೊತೆಗೆ 72 ಪಿಎಸ್‌ 1-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್‌ ಎಂಜಿನ್‌ನೊಂದಿಗೆ ಲಭ್ಯವಿದೆ. ಟ್ರಾನ್ಸ್‌ಮಿಷನ್ ಆಯ್ಕೆಗಳು 5-ಸ್ಪೀಡ್ ಮ್ಯಾನ್ಯುವಲ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಒಳಗೊಂಡಿವೆ, ಜೊತೆಗೆ ನ್ಯಾಚುರಲಿ ಆಸ್ಪಿರೇಟೆಡ್‌ ಎಂಜಿನ್‌ಗೆ 5-ಸ್ಪೀಡ್ ಎಎಮ್‌ಟಿ ಮತ್ತು ಟರ್ಬೋಚಾರ್ಜ್ಡ್ ಪವರ್‌ಟ್ರೇನ್‌ಗಾಗಿ ಸಿವಿಟಿ ಆಟೋಮ್ಯಾಟಿಕ್‌ ಇರಲಿದೆ.
ಇದನ್ನೂ ಓದಿ: 2025ರಲ್ಲಿ ನಮ್ಮ ರಸ್ತೆಗಳಲ್ಲಿ ನಿರೀಕ್ಷಿಸಬಹುದಾದ ಹ್ಯುಂಡೈನ ಹೊಸ ಕಾರುಗಳ ಪಟ್ಟಿ ಇಲ್ಲಿದೆ..
ಹೊಸ ನಿಸ್ಸಾನ್ ಟೆರಾನೋ
ನಿರೀಕ್ಷಿತ ಬಿಡುಗಡೆ: 2025ರ ಮಧ್ಯದಲ್ಲಿ
ನಿರೀಕ್ಷಿತ ಬೆಲೆ: 10 ಲಕ್ಷ ರೂ.(ಎಕ್ಸ್ ಶೋರೂಂ)
ರೆನಾಲ್ಟ್ ಜೊತೆಗೆ, ನಿಸ್ಸಾನ್ ತನ್ನ ಮುಂಬರುವ ಕಾಂಪ್ಯಾಕ್ಟ್ ಎಸ್‌ಯುವಿಯ ಟೀಸರ್‌ ಅನ್ನು ಸಹ ಬಿಡುಗಡೆ ಮಾಡಿದೆ, ಇದು ಬಹುಶಃ ಭಾರತದಲ್ಲಿ ಟೆರಾನೋ ಬ್ರಾಂಡ್‌ನ ಪುನರಾಗಮನದ ಸೂಚನೆಯಾಗಿರಬಹುದು. ಒಳಗೆ ಮತ್ತು ಹೊರಗೆ ಸೂಕ್ಷ್ಮವಾದ ಸ್ಟೈಲಿಂಗ್ ವ್ಯತ್ಯಾಸಗಳ ಹೊರತಾಗಿ, ಟೆರಾನೊದ ಒಟ್ಟಾರೆ ವಿನ್ಯಾಸ ಮತ್ತು ಕ್ಯಾಬಿನ್ ವಿನ್ಯಾಸವು ಮುಂಬರುವ ಡಸ್ಟರ್‌ನಂತೆಯೇ ಇರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ಅದೇ ಪವರ್‌ಟ್ರೇನ್ ಆಯ್ಕೆಗಳು, ಪ್ಲಾಟ್‌ಫಾರ್ಮ್ ಮತ್ತು ಇತರ ಫೀಚರ್‌ಗಳನ್ನು ಸಹ ಹಂಚಿಕೊಳ್ಳುತ್ತದೆ.
ನಿಸ್ಸಾನ್ ಟೆರಾನೋ 7-ಸೀಟರ್
ನಿರೀಕ್ಷಿತ ಬಿಡುಗಡೆ: 2025ರ ಮಧ್ಯದಲ್ಲಿ
ನಿರೀಕ್ಷಿತ ಬೆಲೆ: ರೂ 12 ಲಕ್ಷ (ಎಕ್ಸ್ ಶೋ ರೂಂ)
ಬಿಗ್‌ಸ್ಟರ್ ಅನ್ನು ಭಾರತದಲ್ಲಿ ಪರಿಚಯಿಸುವ ಸಾಧ್ಯತೆಯಿರುವುದರಿಂದ, ಟೆರಾನೊವನ್ನು 3-ಸಾಲು ಆವೃತ್ತಿಯಲ್ಲಿ ನೀಡಲಾಗುವುದು ಎಂದು ನಾವು ನಿರೀಕ್ಷಿಸುತ್ತೇವೆ. ಇದು ಅದರ 5-ಸೀಟ್ ಕೌಂಟರ್‌ಪಾರ್ಟ್‌ಗೆ ಹೋಲುವ ವಿನ್ಯಾಸ ಮತ್ತು ಇಂಟೀರಿಯರ್‌ ಅನ್ನು ಹೊಂದಿರುತ್ತದೆ ಮತ್ತು ಅದೇ ಎಂಜಿನ್ ಆಯ್ಕೆಗಳಿಂದ ಚಾಲಿತವಾಗಲಿದೆ. ಬಿಡುಗಡೆಯಾದ ನಂತರ, ಬಿಗ್‌ಸ್ಟರ್ ಮತ್ತು ಟೆರಾನೊ 7-ಸೀಟರ್ ಎರಡೂ ಇತರ 3-ಸಾಲಿನ ಎಸ್‌ಯುವಿಗಳಾದ ಹ್ಯುಂಡೈ ಅಲ್ಕಾಜರ್, ಟಾಟಾ ಸಫಾರಿ ಮತ್ತು ಮಹೀಂದ್ರಾ XUV700 ಗೆ ಪ್ರತಿಸ್ಪರ್ಧಿಯಾಗುತ್ತವೆ.
2025 ನಿಸ್ಸಾನ್ ಪೆಟ್ರೋಲ್
ನಿರೀಕ್ಷಿತ ಬಿಡುಗಡೆ: ಅಕ್ಟೋಬರ್ 2025
ನಿರೀಕ್ಷಿತ ಬೆಲೆ: 2 ಕೋಟಿ ರೂ.(ಎಕ್ಸ್ ಶೋ ರೂಂ)
ನಿಸ್ಸಾನ್ ತನ್ನ ಕಾರುಗಳ ಪಟ್ಟಿಯಲ್ಲಿ ಹೆಚ್ಚು ದುಬಾರಿ ಬೆಲೆಯನ್ನು ಹೊಂದಿರುವ ಪೆಟ್ರೋಲ್ ಅನ್ನು ಭಾರತಕ್ಕೆ ತರುವ ನಿರೀಕ್ಷೆಯಿದೆ. ಇದು ಸಂಪೂರ್ಣವಾಗಿ ಬಿಲ್ಟ್-ಅಪ್ ಯೂನಿಟ್ (CBU) ಆಗಿ ಬರಲಿದೆ, ಮತ್ತು ಇದು ಸುಮಾರು 2 ಕೋಟಿ ರೂ.(ಎಕ್ಸ್ ಶೋರೂಂ) ಬೆಲೆಯನ್ನು ಹೊಂದಿದೆ. ಪೆಟ್ರೋಲ್ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ 3.5-ಲೀಟರ್ ಮತ್ತು 3.8-ಲೀಟರ್ V6 ಪೆಟ್ರೋಲ್ ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ, ಆದರೂ ಭಾರತ-ಸ್ಪೆಕ್ ಮೊಡೆಲ್‌ನ ಎಂಜಿನ್ ಆಯ್ಕೆಯ ಮಾಹಿತಿ ಇನ್ನೂ ತಿಳಿದಿಲ್ಲ.
ನಿಸ್ಸಾನ್ ಮ್ಯಾಗ್ನೈಟ್‌ಗೆ ಮೊಡೆಲ್‌ ಇಯರ್‌ನ ಆಪ್‌ಡೇಟ್‌ಗಳು
ನಿರೀಕ್ಷಿತ ಬಿಡುಗಡೆ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 6 ಲಕ್ಷ ರೂ.(ಎಕ್ಸ್ ಶೋರೂಂ)
ಇತ್ತೀಚೆಗೆ ಫೇಸ್‌ಲಿಫ್ಟ್ ಪಡೆದ ಮ್ಯಾಗ್ನೈಟ್, 2025 ರಲ್ಲಿ ಕೆಲವು ಸಣ್ಣ ಆಪ್‌ಡೇಟ್‌ಗಳನ್ನು ಪಡೆಯಬಹುದು. ಇದು ಹೊರಭಾಗದಲ್ಲಿ ಚಿಕ್ಕದಾದ ಸ್ಟೈಲಿಂಗ್ ಮಾರ್ಪಾಡುಗಳನ್ನು ಪ್ರದರ್ಶಿಸುತ್ತದೆ, ಆದರೆ ಒಟ್ಟಾರೆ ವಿನ್ಯಾಸವನ್ನು ನಿರ್ವಹಿಸುವಾಗ ಅದರ ಒಳಭಾಗವು ಹೊಸ ಕಪ್ಪು ಮತ್ತು ಕಿತ್ತಳೆ ಥೀಮ್‌ನಲ್ಲಿ ಫಿನಿಶ್‌ ಮಾಡಲಾಗಿದೆ. 72 ಪಿಎಸ್‌ 1-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್‌ ಪೆಟ್ರೋಲ್ ಎಂಜಿನ್ ಮತ್ತು 100 ಪಿಎಸ್‌ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಆಯ್ಕೆಯನ್ನು ಒಳಗೊಂಡಂತೆ 2025 ಮ್ಯಾಗ್ನೈಟ್ ಅನ್ನು ಮೊದಲಿನಂತೆಯೇ ಅದೇ ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ.
ರೆನಾಲ್ಟ್ ಮತ್ತು ನಿಸ್ಸಾನ್ ಕಾಂಪ್ಯಾಕ್ಟ್ ಎಸ್‌ಯುವಿಗಳ ಪುನರಾಗಮನಕ್ಕಾಗಿ ನೀವು ಎಷ್ಟು ಸಮಯದಿಂದ ಕಾಯುತ್ತಿದ್ದೀರಿ ಎಂಬುದರ ಕುರಿತು ಕೆಳಗಿನ ಕಾಮೆಂಟ್‌ಗಳಲ್ಲಿ ನಿಮ್ಮ ಆಲೋಚನೆಗಳನ್ನು ಹಂಚಿಕೊಳ್ಳಿ.
ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೊ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ