2025ರ Volkswagen Tiguan R-Lineನ ಪ್ರಮುಖ ಫೀಚರ್‌ಗಳ ಪಟ್ಟಿ ಬಹಿರಂಗ
ವೋಕ್ಸ್ವ್ಯಾಗನ್ ಟಿಗುವಾನ್ 2025 ಗಾಗಿ dipan ಮೂಲಕ ಮಾರ್ಚ್‌ 28, 2025 09:26 pm ರಂದು ಮಾರ್ಪಡಿಸಲಾಗಿದೆ
- 14 Views
- ಕಾಮೆಂಟ್‌ ಅನ್ನು ಬರೆಯಿರಿ
ವೋಕ್ಸ್ವ್ಯಾಗನ್ ಈಗಾಗಲೇ ಟಿಗುವಾನ್ ಆರ್-ಲೈನ್ 2-ಲೀಟರ್ ಟಿಎಸ್‌ಐ ಎಂಜಿನ್‌ನೊಂದಿಗೆ ಹೊರಹೋಗುವ ಮೊಡೆಲ್‌ಗಿಂತ ಹೆಚ್ಚಿನ ಶಕ್ತಿಯನ್ನು ಹೊಂದಿರುತ್ತದೆ ಎಂದು ದೃಢಪಡಿಸಿದೆ
ವೋಕ್ಸ್ವ್ಯಾಗನ್ ಟಿಗುವಾನ್ ಆರ್-ಲೈನ್ ನಮ್ಮ ಮಾರುಕಟ್ಟೆಗೆ ಜರ್ಮನ್ ಕಾರು ತಯಾರಕರ ಮೊದಲ ಮೊಡೆಲ್‌ ಆಗಿದ್ದು, ಸ್ಪೋರ್ಟಿ ಆರ್-ಲೈನ್ ಪೋರ್ಟ್‌ಫೋಲಿಯೊ ಅಡಿಯಲ್ಲಿ ಇದನ್ನು ಏಪ್ರಿಲ್ 14, 2025 ರಂದು ಬಿಡುಗಡೆ ಮಾಡಲಾಗುವುದು. ಆ ನಿಟ್ಟಿನಲ್ಲಿ, ವೋಕ್ಸ್ವ್ಯಾಗನ್ ಈಗಾಗಲೇ ಪವರ್‌ಟ್ರೇನ್ ಮತ್ತು ವೇರಿಯೆಂಟ್‌-ವಾರು ಬಣ್ಣ ಆಯ್ಕೆಗಳನ್ನು ವಿವರಿಸಿದೆ. ಈಗ, ಕಾರು ತಯಾರಕರು ಈ ಮುಂಬರುವ ಎಸ್‌ಯುವಿಯನ್ನು ಬಿಡುಗಡೆಗೊಳಿಸುವ ಮೊದಲು ಇದರ ಕೆಲವು ಪ್ರಮುಖ ಫೀಚರ್‌ಗಳನ್ನು ಬಹಿರಂಗಪಡಿಸಿದ್ದಾರೆ. ಅದರ ವಿವರಗಳು ಇಲ್ಲಿವೆ:
ದೃಢಪಡಿಸಿದ ಫೀಚರ್‌ಗಳು
ಜರ್ಮನ್ ಕಾರು ತಯಾರಕ ಕಂಪನಿಯು ಮುಂಬರುವ ಟಿಗುವಾನ್ ಆರ್-ಲೈನ್‌ನಲ್ಲಿ ಬರುವ ಕೆಲವು ಫೀಚರ್‌ಗಳನ್ನು ದೃಢಪಡಿಸಿದೆ. ಅದರ ಪಟ್ಟಿಗಳು ಇಲ್ಲಿವೆ
-
ಮಸಾಜ್ ಫಂಕ್ಷನ್‌ ಮತ್ತು ಲಂಬರ್‌ ಸಪೋರ್ಟ್‌ನೊಂದಿಗೆ ಸ್ಪೋರ್ಟ್‌ ಸೀಟ್‌ಗಳು
-
3-ಝೋನ್‌ ಆಟೋ ಎಸಿ
-
ಪಾರ್ಕ್ ಅಸಿಸ್ಟ್
-
ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳು (ADAS)
-
ಡ್ಯುಯಲ್ ವೈರ್‌ಲೆಸ್ ಫೋನ್ ಚಾರ್ಜರ್
-
30-ಬಣ್ಣದ ಆಂಬಿಯೆಂಟ್ ಲೈಟಿಂಗ್
ಇವುಗಳಲ್ಲಿ, ಪ್ರಸ್ತುತ-ಸ್ಪೆಕ್ ಟಿಗುವಾನ್ ಈಗಾಗಲೇ 3-ಝೋನ್‌ ಆಟೋ ಎಸಿ ಮತ್ತು ಪಾರ್ಕ್ ಅಸಿಸ್ಟ್‌ನೊಂದಿಗೆ ಬರುತ್ತದೆ. 30-ಬಣ್ಣಗಳ ಆಂಬಿಯೆಂಟ್ ಲೈಟಿಂಗ್ ಮತ್ತು ADAS ನಂತಹ ಕೆಲವು ಫೀಚರ್‌ಗಳು ಭಾರತದಲ್ಲಿ ವೋಕ್ಸ್‌ವ್ಯಾಗನ್‌ನಲ್ಲಿ ಮೊದಲ ಬಾರಿಗೆ ಬಂದಿವೆ.
ಇತರ ನಿರೀಕ್ಷಿತ ಫೀಚರ್‌ಗಳು ಮತ್ತು ಸುರಕ್ಷತೆ
ಮೇಲಿನ ಫೀಚರ್‌ಗಳ ಜೊತೆಗೆ, ಭಾರತಕ್ಕಾಗಿ ಟಿಗುವಾನ್ ಆರ್-ಲೈನ್ 12.9-ಇಂಚಿನ ಟಚ್‌ಸ್ಕ್ರೀನ್, ಸಂಪೂರ್ಣ ಡಿಜಿಟಲ್ 10.25-ಇಂಚಿನ ಡ್ರೈವರ್ ಡಿಸ್‌ಪ್ಲೇ, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಪನೋರಮಿಕ್ ಸನ್‌ರೂಫ್ ಅನ್ನು ಹೊಂದಿದೆ.
ಸುರಕ್ಷತಾ ಸೂಟ್ ಕನಿಷ್ಠ 6 ಏರ್‌ಬ್ಯಾಗ್‌ಗಳು, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಮತ್ತು ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಅನ್ನು ಒಳಗೊಂಡಿರುತ್ತದೆ.
ಇದನ್ನೂ ಓದಿ: ಭಾರತದಲ್ಲಿ Kia EV6 ಫೇಸ್‌ಲಿಫ್ಟ್ ಬಿಡುಗಡೆ, ಬೆಲೆ 65.90 ಲಕ್ಷ ರೂ. ನಿಗದಿ
ಪವರ್‌ಟ್ರೇನ್ ಆಯ್ಕೆಗಳು
ವೋಕ್ಸ್ವ್ಯಾಗನ್ ಕಂಪನಿಯು ಈ ಹಿಂದೆ ಟಿಗುವಾನ್ ಆರ್-ಲೈನ್ ಪ್ರಸ್ತುತ ಸ್ಪೆಕ್ ಮೊಡೆಲ್‌ನಂತೆಯೇ 2-ಲೀಟರ್ ಟಿಎಸ್‌ಐ ಎಂಜಿನ್ ಅನ್ನು ಹೊಂದಿರುತ್ತದೆ ಎಂದು ದೃಢಪಡಿಸಿತ್ತು, ಆದರೆ ಈಗ ಅದು ಹೆಚ್ಚಿನ ಶಕ್ತಿಯನ್ನು ಉತ್ಪಾದಿಸುತ್ತದೆ. ವಿವರವಾದ ವಿಶೇಷಣಗಳು ಇಲ್ಲಿವೆ:
| ಎಂಜಿನ್ |
2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ |
| ಪವರ್‌ |
204 ಪಿಎಸ್‌ (ಹಿಂದಿನದಕ್ಕಿಂತ 14 ಪಿಎಸ್‌ ಹೆಚ್ಚು) |
| ಟಾರ್ಕ್‌ |
320 ಎನ್‌ಎಮ್‌ |
| ಟ್ರಾನ್ಸ್‌ಮಿಷನ್‌ |
7-ಸ್ಪೀಡ್ ಡಿಸಿಟಿ* |
| ಡ್ರೈವ್‌ಟ್ರೈನ್‌ |
ಆಲ್-ವೀಲ್-ಡ್ರೈವ್ (AWD) |
*ಡಿಸಿಟಿ = ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌
ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ವೋಕ್ಸ್ವ್ಯಾಗನ್ ಟಿಗುವಾನ್ ಆರ್-ಲೈನ್ ಅನ್ನು ಏಪ್ರಿಲ್ 14, 2025 ರಂದು ಭಾರತದಲ್ಲಿ ಪರಿಚಯಿಸಲಾಗುವುದು ಮತ್ತು ಇದನ್ನು ಸಂಪೂರ್ಣವಾಗಿ ದೇಶಕ್ಕೆ ಆಮದು ಮಾಡಿಕೊಳ್ಳಲಾಗುವುದರಿಂದ ಸುಮಾರು 55 ಲಕ್ಷ ರೂ. (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದುವ ನಿರೀಕ್ಷೆಯಿದೆ. ಇದು ಜೀಪ್ ಕಂಪಾಸ್, ಹುಂಡೈ ಟಕ್ಸನ್ ಮತ್ತು ಸಿಟ್ರೊಯೆನ್ C5 ಏರ್‌ಕ್ರಾಸ್ ವಿರುದ್ಧ ಪೈಪೋಟಿಯನ್ನು ಮುಂದುವರಿಸಲಿದೆ.
ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ
