- English
- Login / Register
+ 7ಬಣ್ಣಗಳು- + 31ಚಿತ್ರಗಳು
ಸಿಟ್ರೊನ್ ಸಿ5 ಏರ್ಕ್ರಾಸ್
ಸಿಟ್ರೊನ್ ಸಿ5 ಏರ್ಕ್ರಾಸ್ ನ ಪ್ರಮುಖ ಸ್ಪೆಕ್ಸ್
| ಇಂಜಿನ್ | 1997 cc |
| ಪವರ್ | 174.33 ಬಿಹೆಚ್ ಪಿ |
| torque | 400 Nm |
| ಆಸನ ಸಾಮರ್ಥ್ಯ | 5 |
| ಡ್ರೈವ್ ಟೈಪ್ | ಫ್ರಂಟ್ ವೀಲ್ |
| mileage | 17.5 ಕೆಎಂಪಿಎಲ್ |
- powered ಮುಂಭಾಗ ಸೀಟುಗಳು
- ಎತ್ತರ ಹೊಂದಾಣಿಕೆ ಮಾಡಬಹುದಾದ ಡ್ರೈವರ್ ಸೀಟ್
- ಡ್ರೈವ್ ಮೋಡ್‌ಗಳು
- ಕ್ರುಯಸ್ ಕಂಟ್ರೋಲ್
- ಏರ್ ಪ್ಯೂರಿಫೈಯರ್‌
- ಸ್ಬಯಂಚಾಲಿತ ಹವಾಮಾನ ನಿಯಂತ್ರಣ
- ಸನ್ರೂಫ್
- key ವಿಶೇಷಣಗಳು
- top ವೈಶಿಷ್ಟ್ಯಗಳು
ಸಿ5 ಏರ್ಕ್ರಾಸ್ ಇತ್ತೀಚಿನ ಅಪ್ಡೇಟ್
ಇತ್ತೀಚಿನ ಅಪ್ಡೇಟ್: ಸಿಟ್ರೊಯೆನ್ C5 ಏರ್‌ಕ್ರಾಸ್‌ನ ಹೊಸ ಎಂಟ್ರಿ ಲೆವೆಲ್‌ನ ಫೀಲ್ ವೇರಿಯೆಂಟ್‌ನೊಂದಿಗೆ ನೀಡಲಾದ ವೈಶಿಷ್ಟ್ಯಗಳ ಪಟ್ಟಿಯನ್ನು ನಾವು ವಿವರಿಸಿದ್ದೇವೆ.
ಬೆಲೆ: ದೆಹಲಿಯಲ್ಲಿ ಸಿಟ್ರೊಯೆನ್ ನ ಈ ಎಸ್‌ಯುವಿಯ ಎಕ್ಸ್ ಶೋ ರೂಂ ಬೆಲೆ 36.91 ಲಕ್ಷ ರೂ.ನಿಂದ ಪ್ರಾರಂಭವಾಗಿ 37.67 ಲಕ್ಷ ರೂ. ವರೆಗೆ ಇದೆ.
ವೇರಿಯೆಂಟ್‌ಗಳು: ಗ್ರಾಹಕರು ಈಗ C5 ಏರ್ಕ್ರಾಸ್ ಅನ್ನು ಫೀಲ್ ಮತ್ತು ಶೈನ್ ಎಂಬ ಎರಡು ವೇರಿಯೆಂಟ್‌ಗಳಲ್ಲಿ ಖರೀದಿಸಬಹುದು.
ಆಸನ ಸಾಮರ್ಥ್ಯ: ಇದರಲ್ಲಿ ಐದು ಜನರು ಕುಳಿತು ಪ್ರಯಾಣಿಸಬಹುದು.
ಬೂಟ್ ಸ್ಪೇಸ್: C5 ಏರ್ಕ್ರಾಸ್ 580 ಲೀಟರ್‌ಗಳ ಬೂಟ್ ಸ್ಪೇಸ್ ಅನ್ನು ಹೊಂದಿದೆ, ಆದರೆ, ಎರಡನೇ ಸಾಲಿನ ಸೀಟನ್ನು ಮಡಚುವ ಮೂಲಕ ಇದನ್ನು 1,630 ಲೀಟರ್‌ಗಳಿಗೆ ಹೆಚ್ಚಿಸಬಹುದು.
ಎಂಜಿನ್ ಮತ್ತು ಗೇರ್‌ ಬಾಕ್ಸ್‌: ಸಿಟ್ರೊಯೆನ್ C5 ಏರ್ಕ್ರಾಸ್ 2-ಲೀಟರ್ ಡೀಸೆಲ್ ಎಂಜಿನ್ (177PS/400Nm) ಹೊಂದಿದ್ದು, ಇದನ್ನು 8-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್‌ ನೊಂದಿಗೆ ಜೋಡಿಸಲ್ಪಟ್ಟಿದೆ.
ವೈಶಿಷ್ಟ್ಯಗಳು: ಇದು 10-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ಕ್ರೂಸ್ ಕಂಟ್ರೋಲ್, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ಪನೋರಮಿಕ್ ಸನ್ರೂಫ್ ಮತ್ತು ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್‌ನೊಂದಿಗೆ ಬರುತ್ತದೆ.
ಸುರಕ್ಷತೆ: ಸುರಕ್ಷತೆಗೆ ಸಂಬಂಧಿಸಿದಂತೆ, C5 ಏರ್ಕ್ರಾಸ್ ಆರು ಏರ್‌ಬ್ಯಾಗ್‌ಗಳು, ಡ್ರೈವರ್ ಡ್ರೌಸಿನೆಸ್‌ (ನಿದ್ರೆ) ಡಿಟೆಕ್ಷನ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಹಿಲ್ ಅಸಿಸ್ಟ್, ಪಾರ್ಕ್ ಅಸಿಸ್ಟ್, ರಿಯರ್ ಪಾರ್ಕಿಂಗ್ ಕ್ಯಾಮೆರಾ ಮತ್ತು ಬ್ಲೈಂಡ್-ಸ್ಪಾಟ್ ಡಿಟೆಕ್ಷನ್ ಸಿಸ್ಟಮ್ ಅನ್ನು ಪಡೆಯುತ್ತದೆ.
ಪ್ರತಿಸ್ಪರ್ಧಿಗಳು: C5 ಏರ್ಕ್ರಾಸ್ ಮಾರುಕಟ್ಟೆಯಲ್ಲಿ ಜೀಪ್ ಕಂಪಾಸ್, ಹ್ಯುಂಡೈ ಟಕ್ಸನ್ ಮತ್ತು ವೋಕ್ಸ್ವ್ಯಾಗನ್ ಟಿಗುವಾನ್‌ನೊಂದಿಗೆ ತನ್ನ ಸ್ಪರ್ಧೆಯನ್ನು ಮುಂದುವರೆಸುತ್ತದೆ.
| ಸಿ5 ಏರ್ಕ್ರಾಸ್ ಶೈನ್ ಡುಯಲ್ ಟೋನ್(ಬೇಸ್ ಮಾಡೆಲ್)1997 cc, ಆಟೋಮ್ಯಾಟಿಕ್, ಡೀಸಲ್, 17.5 ಕೆಎಂಪಿಎಲ್ | Rs.39.99 ಲಕ್ಷ* | ||
ಅಗ್ರ ಮಾರಾಟ ಸಿ5 ಏರ್ಕ್ರಾಸ್ ಶೈನ್(ಟಾಪ್‌ ಮೊಡೆಲ್‌)1997 cc, ಆಟೋಮ್ಯಾಟಿಕ್, ಡೀಸಲ್, 17.5 ಕೆಎಂಪಿಎಲ್ | Rs.39.99 ಲಕ್ಷ* |
ಸಿಟ್ರೊನ್ ಸಿ5 ಏರ್ಕ್ರಾಸ್ ವಿಮರ್ಶೆ
Overview
C5 ಏರ್ಕ್ರಾಸ್ ಭಾರತದಲ್ಲಿ ಮಾರಾಟವಾದ ಎರಡು ವರ್ಷಗಳ ನಂತರ ಮಿಡ್-ಲೈಫ್ ನವೀಕರಣವನ್ನು ನೀಡಲಾಗಿದೆ ಮತ್ತು ಅದರ ಈ ಹಿಂದಿನ ಆವೃತ್ತಿಗಿಂತ ಸುಧಾರಿತ ಆವೃತ್ತಿಯೂ ಸುಮಾರು 3 ಲಕ್ಷ ರೂ. ವರೆಗೆ ದುಬಾರಿಯಾಗಿದೆ. ಆದರೆ ಈ ಫ್ರೆಂಚ್ ಮೂಲದ ಎಸ್‌ಯುವಿಯಲ್ಲಿ ಅಷ್ಟೊಂದು ಹಣವನ್ನು ವ್ಯಹಿಸುವುದು ಸಮಂಜಸವೇ?
ಸಿಟ್ರೋನ್‌ ಸಿ 5 ಏರ್ಕ್ರಾಸ್ ಭಾರತದಲ್ಲಿ ಒಂದು ವರ್ಷಕ್ಕಿಂತ ಸ್ವಲ್ಪ ಹೆಚ್ಚು ಕಾಲ ಮಾರುಕಟ್ಟೆಯಲ್ಲಿ ಇದ್ದಾಗ, ಕಾರು ತಯಾರಕರು ಎಸ್‌ಯುವಿಗೆ ಮಿಡ್-ಲೈಫ್ ಆಪ್‌ಡೇಟ್‌ ನೀಡುವ ಸಮಯ ಎಂದು ನಿರ್ಧರಿಸಿದ್ದಾರೆ. ಈಗ, ಫೇಸ್‌ಲಿಫ್ಟ್‌ನೊಂದಿಗೆ, ಎಸ್‌ಯುವಿಯ ಬೆಲೆಯು ಸುಮಾರು 3 ಲಕ್ಷ ರೂ.ಗಳಷ್ಟು ಹೆಚ್ಚಾಗಿದೆ (ಮತ್ತು ಸಂಪೂರ್ಣ ಲೋಡ್ ಆಗಿರುವ ಶೈನ್ ಟ್ರಿಮ್‌ನಲ್ಲಿ ಮಾತ್ರ ಲಭ್ಯವಿದೆ). ಎಂಜಿ ಗ್ಲೋಸ್ಟರ್ ಮತ್ತು ಟೊಯೋಟಾ ಫಾರ್ಚೂನರ್‌ನಂತಹ ದೈತ್ಯರನ್ನು ಹೊಂದಿರುವ ಈ ಸೆಗ್ಮೆಂಟ್‌ನಲ್ಲಿ, ಇದು ಅಂತಹದೇ ವೈಶಿಷ್ಟ್ಯಗಳನ್ನು ಹೊಂದಿದೆ.
ಆದರೆ ಅಪ್‌ಗ್ರೇಡ್ ಮತ್ತು ಹೆಚ್ಚುವರಿ ಪ್ರೀಮಿಯಂ ನೀವು ಕೊಡುವ ಹಣಕ್ಕೆ ಯೋಗ್ಯವಾಗಿದೆಯೇ ಅಥವಾ ನೀವು ಈ ಫ್ರೆಂಚ್ ಮಾಡೆಲ್‌ನಿಂದ ದೂರವಿರಬೇಕೇ? ಈ ಬಗ್ಗೆ ತಿಳಿಯಲು ನಾವು ನಿಮಗೆ ಸಹಾಯ ಮಾಡುತ್ತೇವೆ.
ಎಕ್ಸ್‌ಟೀರಿಯರ್
ಸಿಟ್ರೋನ್‌ ಸಿ5 ಏರ್ಕ್ರಾಸ್ ಯಾವಾಗಲೂ ಎಲ್ಲರ ಗಮನವನ್ನು ಸೆಳೆಯುವ ಎಸ್ಯುವಿ ಆಗಿದ್ದು, ಅದರ ಚಮತ್ಕಾರಿ ಮತ್ತು ಭಾರತಕ್ಕಾಗಿನ ವಿಶೇಷ ಮಾಡೆಲ್‌ನಲ್ಲಿ ನೀವು ಹಿಂದೆಂದೂ ನೋಡಿರದ ವಿನ್ಯಾಸ ಸೂಚನೆಗಳನ್ನು ಗಮನಿಸಬಹುದು. ಈಗ ಫೇಸ್‌ಲಿಫ್ಟ್‌ನೊಂದಿಗೆ, ಸಿಟ್ರೊಯೆನ್ ಕೆಲವು ಸಣ್ಣ ಅಲಂಕಾರಿಕ ಟಚ್‌ಗಳನ್ನು ನೀಡುವ ಮೂಲಕ ಎಸ್‌ಯುವಿಯ ಸೌಂದರ್ಯವನ್ನು ಮಾತ್ರ ಸುಧಾರಿಸಿದೆ, ಮುಖ್ಯವಾಗಿ ಇದು ಮುಂಭಾಗದ ಫ್ಯಾಸಿಯಾಗೆ ಸಂಬಂಧಿಸಿದೆ.
2022 ಸಿಟ್ರೋನ್‌ ಸಿ5 ಏರ್ಕ್ರಾಸ್ ಹೆಚ್ಚು ಸಾಂಪ್ರದಾಯಿಕವಾಗಿ ಕಾಣುವ ಸೆಟಪ್‌ಗಾಗಿ ಸ್ಪ್ಲಿಟ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ದೂರ ಮಾಡಿದೆ, ಇದು ಡಬಲ್ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಹೊಂದಿದೆ. ನಂತರ, ಎಲ್‌ಇಡಿ ಡಿಆರ್‌ಎಲ್‌ ಗಳನ್ನು ಸಂಪರ್ಕಿಸುವ ಎರಡು ಕ್ರೋಮ್-ಸ್ಟಡ್ಡ್ ಲೈನ್‌ಗಳು ಮತ್ತು ಮಧ್ಯದಲ್ಲಿ ಡಬಲ್ ಚೆವ್ರಾನ್ ಲೋಗೋ ಮತ್ತು ಗ್ರಿಲ್‌ಗಾಗಿ ಗ್ಲಾಸ್ ಬ್ಲ್ಯಾಕ್ ಫಿನಿಶ್ ವರೆಗೆ ಚಲಿಸುತ್ತವೆ. ಕೆಳಗೆ, ಇದು ಹೊಸ ಸ್ಕಿಡ್ ಪ್ಲೇಟ್ ಮತ್ತು ದೊಡ್ಡ ಏರ್ ಡ್ಯಾಮ್‌ಗಳೊಂದಿಗೆ ಸ್ವಲ್ಪಮಟ್ಟಿಗೆ ಸುಧಾರಿಸಿದ ಬಂಪರ್ ಅನ್ನು ಪಡೆಯುತ್ತದೆ.
ಕಾರಿನ ಪ್ರೊಫೈಲ್‌ನ ಗಮನಿಸುವಾಗ, ಹೊಸದಾಗಿ ವಿನ್ಯಾಸಗೊಳಿಸಲಾದ 18-ಇಂಚಿನ ಡ್ಯುಯಲ್-ಟೋನ್ ಆಲಾಯ್‌ ವೀಲ್‌ಗಳನ್ನು ಹೊರತು ಪಡಿಸಿ, ಈ ಎಸ್‌ಯುವಿಯು ನೋಟವು, ತನ್ನ ಫೇಸ್‌ಲಿಫ್ಟ್‌ನ ಹಿಂದಿನ ಆವೃತ್ತಿಯಂತೆ ಕಾಣುತ್ತದೆ. ಆಲಾಯ್‌ ವೀಲ್‌ಗಳು ಹಳೆಯ ಸೆಟ್‌ಗಿಂತ ಹೆಚ್ಚು ಆಕರ್ಷಕವಾಗಿ ಆಗಿ ಕಾಣುತ್ತದೆ. ಅದರ ಹೊರತಾಗಿ, C5 ಏರ್ಕ್ರಾಸ್ ಟ್ರೆಪೆಜಾಯ್ಡಲ್ ಅಂಶ (ನಿರ್ದಿಷ್ಟ ರೀತಿಯ ಚತುರ್ಭುಜ), ರೂಫ್‌ ರೈಲ್ಸ್‌ ಮತ್ತು C-ಆಕಾರದ ಕ್ರೋಮ್ ವಿಂಡೋ ಬೆಲ್ಟ್‌ಲೈನ್‌ನೊಂದಿಗೆ ದಪ್ಪನಾದ ಕಪ್ಪು ಬಾಡಿ ಕ್ಲಾಡಿಂಗ್‌ ಹೊಂದುವುದನ್ನು ಮುಂದುವರೆಸಿದೆ.
ಹಿಂಭಾಗದಲ್ಲಿ ಈ ಎಸ್ಯುವಿ ಇನ್ನೂ ಹಳೆಯ ಸಿಟ್ರೊಯೆನ್ ಲೋಗೋ ಮತ್ತು 'C5 ಏರ್ಕ್ರಾಸ್' ಬ್ಯಾಡ್ಜಿಂಗ್ ಅನ್ನು ನೀಡುವುದರ ಹೊರತಾಗಿ ಯಾವುದೆ ಹೊಸ ಅಂಶಗಳ ಸೇರ್ಪಡೆ ಇಲ್ಲ. ಹೊಸ ಎಲ್‌ಇಡಿ ಅಂಶಗಳೊಂದಿಗೆ ನವೀಕರಿಸಿದ ಟೈಲ್‌ಲೈಟ್‌ಗಳ ರೂಪದಲ್ಲಿ ಮಾತ್ರ ಗಮನಾರ್ಹ ಬದಲಾವಣೆಯು ಬರುತ್ತದೆ. ಸಿಟ್ರೊಯೆನ್ C5 ಏರ್ಕ್ರಾಸ್ ಅನ್ನು ನಾಲ್ಕು ಸಿಂಗಲ್‌ ಶೇಡ್‌ನಲ್ಲಿ (ಪರ್ಲ್ ನೇರಾ ಬ್ಲ್ಯಾಕ್, ಪರ್ಲ್ ವೈಟ್, ಎಕ್ಲಿಪ್ಸ್ ಬ್ಲೂ ಮತ್ತು ಕ್ಯುಮುಲಸ್ ಗ್ರೇ) ಮತ್ತು ಮೂರು ಡ್ಯುಯಲ್-ಟೋನ್ (ಕಪ್ಪು ಛಾವಣಿಯೊಂದಿಗೆ) ಕೊನೆಯ ಮೂರು ಬಣ್ಣದೊಂದಿಗೆ ಪಡೆಯಬಹುದು.
ಇಂಟೀರಿಯರ್
ಸಿಟ್ರೊಯೆನ್ ತನ್ನ C5 ಏರ್‌ಕ್ರಾಸ್‌ನ ಒಳಭಾಗಕ್ಕೆ ಹೆಚ್ಚಿನ ಆಪ್‌ಡೇಟ್‌ಗಳನ್ನು ನೀಡಿದೆ. ಮೊದಲ ಗಮನಾರ್ಹ ವ್ಯತ್ಯಾಸವೆಂದರೆ ಸುಧಾರಿಸಿದ ಡ್ಯಾಶ್‌ಬೋರ್ಡ್ ಆಗಿದೆ, ಇದು ಈಗ ಫ್ರೀ-ಫ್ಲೋಟಿಂಗ್‌ 10-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್‌ನ ಪರಿಚಯಿಸಿದೆ. ಡಿಸ್‌ಪ್ಲೇಯನ್ನು ಸಂಯೋಜಿಸಲು, ಕಾರು ತಯಾರಕರಿಗೆ ಸೆಂಟ್ರಲ್‌ AC ವೆಂಟ್‌ಗಳು ದೊಡ್ಡ ಸವಾಲಾಗಿತ್ತು. ಆದರೆ ಅವುಗಳನ್ನು ಈಗ ಇನ್ಫೋಟೈನ್‌ಮೆಂಟ್ ಘಟಕದ ಕೆಳಗೆ ಅಡ್ಡಲಾಗಿ ಜೋಡಿಸಲಾಗಿದೆ. ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಪ್ಯಾಡ್‌ನ ಮೇಲೆ ಕೆಲವು ಬಟನ್‌ಗಳು ಸ್ಪರ್ಶದ ಭಾವನೆಯನ್ನು ನೀಡುತ್ತವೆ.
ಸುಧಾರಿತ ಡ್ರೈವ್ ಶಿಫ್ಟರ್ ಅನ್ನು ಡ್ರೈವರ್ ಸೈಡ್ ಹತ್ತಿರ ಇರಿಸುವ ಮೂಲಕ ಸಿಟ್ರೊಯೆನ್ ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್ ಹೊಂದಿದ್ದ ದಕ್ಷತಾಶಾಸ್ತ್ರದ ಸಮಸ್ಯೆಗಳಲ್ಲಿ ಒಂದನ್ನು ಸರಿಪಡಿಸಿದ್ದರೂ (ಅದರ ಕ್ಯಾಬಿನ್ ಎಡಭಾಗದ ಡ್ರೈವ್ ಮಾಡುವ ದೇಶಕ್ಕೆ ಕಡೆಗೆ ಹೆಚ್ಚು ಆಧಾರಿತವಾಗಿತ್ತು), ಪುಶ್-ಬಟನ್ ಸ್ಟಾರ್ಟ್/ಸ್ಟಾಪ್ ಸ್ವಿಚ್ ಅದೇ ಸ್ಥಳದಲ್ಲಿ ಮುಂದುವರಿಯುತ್ತದೆ. ಇದಲ್ಲದೆ, SUV ಯ ಕ್ಯಾಬಿನ್ ಇನ್ನೂ ಸಾಕಷ್ಟು ಪ್ರಾಯೋಗಿಕವಾಗಿದೆ ಏಕೆಂದರೆ ಇದು ಹಲವು ಕಪ್ ಹೋಲ್ಡರ್‌ಗಳು, ಆಳವಾದ ಸ್ಟೋರೇಜ್‌ ಹೊಂದಿರುವ ಮುಂಭಾಗದ ಮಧ್ಯಭಾಗದ ಆರ್ಮ್‌ರೆಸ್ಟ್, ಎರಡು ಯುಎಸ್‌ಬಿ ಸಾಕೆಟ್‌ಗಳು ಮತ್ತು ಸೆಂಟರ್ ಕನ್ಸೋಲ್‌ನಲ್ಲಿ ಸಣ್ಣ-ಸಣ್ಣ ವಸ್ತುಗಳನ್ನು ಸಂಗ್ರಹಿಸಲು ಒಂದು ಕಂಪಾರ್ಟ್‌ಮೆಂಟ್‌ನ್ನು ಹೊಂದಿದೆ.
ಡ್ಯಾಶ್‌ಬೋರ್ಡ್, ಸೆಂಟರ್ ಕನ್ಸೋಲ್ ಮತ್ತು ಡೋರ್ ಪ್ಯಾಡ್‌ಗಳಾದ್ಯಂತ ಸಾಫ್ಟ್-ಟಚ್ ಮೆಟೀರಿಯಲ್ ಅನ್ನು ಒಳಗೊಂಡಿರುವಾಗ ಕ್ಯಾಬಿನ್ ಅದರ ಸಂಪೂರ್ಣ-ಕಪ್ಪು ಥೀಮ್‌ನೊಂದಿಗೆ ಮುಂದುವರಿಯುತ್ತದೆ. ಇದು ಈಗ ಡ್ಯಾಶ್‌ಬೋರ್ಡ್ ಮತ್ತು ಡೋರ್ ಹ್ಯಾಂಡಲ್‌ಗಳಲ್ಲಿ ಕಾಂಟ್ರಾಸ್ಟ್ ಬ್ಲೂ ಸ್ಟಿಚಿಂಗ್ ಅನ್ನು ಪಡೆಯುತ್ತದೆ, ಇದು SUV ಯ ಕಪ್ಪು-ಥೀಮ್‌ನ ಇಂಟೀರಿಯರ್‌ಗೆ ಪೂರಕವಾಗಿದೆ, ಇವೆಲ್ಲವೂ ಕ್ಯಾಬಿನ್‌ಗೆ ಹೆಚ್ಚು ಪ್ರೀಮಿಯಂ ಮತ್ತು ಲಕ್ಸುರಿ ಅನುಭವವನ್ನು ನೀಡುತ್ತದೆ. ಹಿಂದಿನ ಸ್ಕ್ವಾರಿಶ್ ಮಾದರಿಯು ಆಪ್ಹೊಲ್ಸಟೆರಿಯಿಂದ ಹೋಗಿದ್ದರೂ, ಸೈಡ್ ಎಸಿ ವೆಂಟ್‌ಗಳು ಇನ್ನೂ ಬದಲಾಗದೆ ಎರಡು ಚೌಕಗಳಾಗಿ ವಿಭಜಿಸಲ್ಪಟ್ಟಿವೆ ಮತ್ತು ಸ್ಟೀರಿಂಗ್ ಚಕ್ರವೂ ಸಹ.
ಆಸನಗಳ ಕುರಿತು ಹೇಳುವುದಾದರೆ, ಆಪ್ಹೊಲ್ಸಟೆರಿಯು ಇಂದಿಗೂ C5 ಏರ್‌ಕ್ರಾಸ್‌ನ ಪ್ರಬಲ ಅಂಶಗಳಲ್ಲಿ ಒಂದಾಗಿದೆ. ಸಿಟ್ರೊಯೆನ್ ಹೇಳುವಂತೆ ಇದು ಆಸನಗಳನ್ನು 15 ಪ್ರತಿಶತದಷ್ಟು ಮೃದುಗೊಳಿಸಿದೆ ಮತ್ತು ಹಿತಕರವಾದ ಆಸನ ಸೌಕರ್ಯವನ್ನು ನೀಡುತ್ತದೆ.
ಮುಂಭಾಗ ಮತ್ತು ಹಿಂಭಾಗದ ಆಸನಗಳೆರಡೂ ಚೆನ್ನಾಗಿ ಬಲವರ್ಧಿತವಾಗಿವೆ ಮತ್ತು ಕುಳಿತುಕೊಳ್ಳಲು ಆರಾಮದಾಯಕವಾಗಿಸುತ್ತದೆ. ಚಾಲಕ ಸೀಟಿನಲ್ಲಿರುವ ಪವರ್-ಹೊಂದಾಣಿಕೆ ಸೌಕರ್ಯದ ಸಹಾಯದಿಂದ ಸೂಕ್ತವಾದ ಚಾಲನಾ ಸ್ಥಾನವನ್ನು ಕಂಡುಹಿಡಿಯುವುದು ತುಂಬಾ ಸುಲಭ, ಆದರೆ ಇದು ಪ್ರಯಾಣಿಕರ ಸೀಟ್‌ನಲ್ಲಿ ಇರುವುದಿಲ್ಲ. ಪ್ರಿ-ಫೇಸ್‌ಲಿಫ್ಟ್‌ಗೆ ಹೋಲಿಸಿದರೆ, ಹೊಸ C5 ಏರ್ಕ್ರಾಸ್ ಸಾಕಷ್ಟು ಹೆಡ್‌ರೂಮ್ ಮತ್ತು ಭುಜದ ಹತ್ತಿರ ವಿಶಾಲವಾದ ಜಾಗ ಹೊಂದಿದೆ ಮತ್ತು ಮೊಣಕಾಲು ಇಡಲು ಯೋಗ್ಯವಾದ ಸ್ಥಳವನ್ನು ನೀಡುತ್ತದೆ. ಹಿಂದಿನ ಸಾಲು ಪ್ರತ್ಯೇಕೆ ಮೂರು ಸ್ಲೈಡಿಂಗ್ ಸೀಟ್‌ಗಳನ್ನು ಪಡೆಯುತ್ತದೆ, ಅದು ಹಿಂದಿನಂತೆ ಒರಗುತ್ತದೆ ಮತ್ತು ಮಡಚಿಕೊಳ್ಳುತ್ತದೆ. ಆದ್ದರಿಂದ ಎರಡನೇ ಸಾಲಿನಲ್ಲಿ ಸಮಾನ ದೇಹದ ತೂಕದ ಮೂವರು ವಯಸ್ಕರು ಒಟ್ಟಿಗೆ ಕುಳಿತು ದೀರ್ಘ ಪ್ರಯಾಣಗಳನ್ನು ಕೈಗೊಳ್ಳುವುದು ಸವಾಲಾಗಿರುವುದಿಲ್ಲ.
ಉನ್ನತ ಟೆಕ್ನಾಲಾಜಿಗಳ ಸೋಜಿಗ
ಫೇಸ್‌ಲಿಫ್ಟ್‌ನೊಂದಿಗೆ ಒಂದು ದೊಡ್ಡ ಅಪ್ಡೇಟ್ ಹೊಸ 10-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್‌ನ ರೂಪದಲ್ಲಿ ಬಂದಿದೆ. ಪ್ರದರ್ಶನವು ಸಾಕಷ್ಟು ಗರಿಗರಿಯಾಗಿದ್ದರೂ ಮತ್ತು ಓದಲು ಸುಲಭವಾದ ಫಾಂಟ್‌ಗಳನ್ನು ಹೊಂದಿದ್ದರೂ, ವಿನಂತಿಸಿದ ಕೆಲಸವನ್ನು ಲೋಡ್ ಮಾಡಲು ಇದು ಸ್ವಲ್ಪ ಸಮಯವನ್ನು ತೆಗೆದುಕೊಳ್ಳುತ್ತದೆ. ಇನ್ಫೋಟೈನ್‌ಮೆಂಟ್‌ನಲ್ಲಿನ ಮತ್ತೊಂದು ಮಿಸ್ ಎಂದರೆ ಹೋಮ್ ಸ್ಕ್ರೀನ್‌ನ ಕೊರತೆ, ಆದರೆ ಸಿಟ್ರೊಯೆನ್ ಹೆಚ್ಚು ಉಪಯುಕ್ತ ಕಾರ್ಯಗಳಿಗಾಗಿ AC ದ್ವಾರಗಳ ಕೆಳಗೆ ಕೆಲವು ಸ್ಪರ್ಶ-ಸಕ್ರಿಯ ಶಾರ್ಟ್‌ಕಟ್ ಕೀಗಳನ್ನು ಒದಗಿಸಿದೆ. ಅದೃಷ್ಟವಶಾತ್, ಟಚ್‌ಸ್ಕ್ರೀನ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇಗೆ ಬೆಂಬಲದೊಂದಿಗೆ ಬರುತ್ತದೆ. ಆದರೂ ವೈರ್‌ಲೆಸ್ ನ್ನು ಹೊಂದಿಲ್ಲ.
ಫೇಸ್‌ಲಿಫ್ಟೆಡ್ C5 ಏರ್ಕ್ರಾಸ್ ಪನೋರಮಿಕ್ ಸನ್ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ಡ್ಯುಯಲ್-ಝೋನ್ ಕ್ಲೈಮೇಟ್ ಕಂಟ್ರೋಲ್ ಮತ್ತು ಚಾಲಿತ ಟೈಲ್‌ಗೇಟ್‌ನಂತಹ ವೈಶಿಷ್ಟ್ಯಗಳನ್ನು ತನ್ನ ಪಟ್ಟಿಯಲ್ಲಿ ಸೇರಿಸಿದೆ. ಪಟ್ಟಿಯಲ್ಲಿ ಇತರ ಸೌಕರ್ಯಗಳಾದ ಪುಶ್-ಬಟನ್ ಸ್ಟಾರ್ಟ್/ಸ್ಟಾಪ್, ಆಟೋ-ಹೆಡ್‌ಲೈಟ್‌ಗಳು ಮತ್ತು ವೈಪರ್‌ಗಳು, ಕ್ರೂಸ್ ಕಂಟ್ರೋಲ್, ಚಾಲಿತ ಡ್ರೈವರ್ ಸೀಟ್ ಮತ್ತು ಆರು-ಸ್ಪೀಕರ್‌ನ ಮ್ಯೂಸಿಕ್ ಸಿಸ್ಟಮ್ ಅನ್ನು ಒಳಗೊಂಡಿದೆ. ಆದಾಗಿಯೂ, ಸಿಟ್ರೊಯೆನ್ ಇನ್ನೂ ಮುಂಭಾಗದಲ್ಲಿ ವೇಂಟಿಲೇಟೆಡ್‌ ಸೀಟ್‌ಗಳು, ಕನೆಕ್ಟೆಡ್‌ ಕಾರ್ ಟೆಕ್, ಡ್ರೈವರ್ ಸೀಟ್‌ಗಾಗಿ ಮೆಮೊರಿ ಕಾರ್ಯ ಮತ್ತು 360-ಡಿಗ್ರಿ ಕ್ಯಾಮೆರಾದಂತಹ ಲಕ್ಸುರಿ ಸೌಕರ್ಯಗಳನ್ನು ನೀಡುವುದಿಲ್ಲ.
ಸುರಕ್ಷತೆ
C5 ಏರ್ಕ್ರಾಸ್ ಸುರಕ್ಷತಾ ವಿಭಾಗವನ್ನು ಗಮನಿಸುವಾಗ ಇದು ಆರು ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ಎಲೆಕ್ಟ್ರಿಕ್ ಪಾರ್ಕಿಂಗ್ ಬ್ರೇಕ್, ಹಿಲ್ ಸ್ಟಾರ್ಟ್ ಮತ್ತು ಡಿಸೆಂಟ್ ಕಂಟ್ರೋಲ್ ಮತ್ತು ಟ್ರಾಕ್ಷನ್ ಕಂಟ್ರೋಲ್‌ನಂತಹ ಅಗತ್ಯ ಸುರಕ್ಷತಾ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ನವೀಕರಣದೊಂದಿಗೆ, ಸಿಟ್ರೊಯೆನ್ SUV ಅನ್ನು ಡ್ರೈವರ್ ಡ್ರೌಸಿನೆಸ್‌ ಡಿಟೆಕ್ಷನ್ ಮತ್ತು ರಿವರ್ಸಿಂಗ್ ಮತ್ತು ಫ್ರಂಟ್ ಕ್ಯಾಮೆರಾಗಳೊಂದಿಗೆ ಸಜ್ಜುಗೊಳಿಸಿದೆ.
ಬೂಟ್‌ನ ಸಾಮರ್ಥ್ಯ
ಮಿಡ್-ಲೈಫ್ ಅಪ್‌ಡೇಟ್‌ನೊಂದಿಗೆ ಸ್ವಲ್ಪವೂ ಬದಲಾಗದಿರುವುದು SUV ಯ ಬೂಟ್ ಸ್ಪೇಸ್ ಸಾಮರ್ಥ್ಯ. C5 ಏರ್ಕ್ರಾಸ್ ಇನ್ನೂ ಅದೇ 580-ಲೀಟರ್ ಲೋಡ್-ಕ್ಯಾರಿಂಗ್ ಸ್ಪೇಸ್ ಅನ್ನು ಸ್ಟ್ಯಾಂಡರ್ಡ್‌ನಂತೆ ಹೊಂದಿದೆ. ಹಾಗೆಯೇ ಇದರ ಎರಡನೇ ಸಾಲಿನ ಸೀಟನ್ನು ಮುಂದಕ್ಕೆ ಜಾರಿಸಿದಾಗ 720 ಲೀಟರ್ ಮತ್ತು ಅದನ್ನು ಮಡಿಸಿದಾಗ 1,630 ಲೀಟರ್‌ವರೆಗೆ ಬೂಟ್ ಸ್ಪೇಸ್ ನ್ನು ಪಡೆಯಬಹುದು ಏರುತ್ತದೆ. ನಿಮ್ಮ ಇಡೀ ಕುಟುಂಬದ ವಾರಾಂತ್ಯದ ಪ್ರವಾಸಕ್ಕೆ ಬೇಕಾಗುವ ಲಗೇಜುಗಳನ್ನು ಇಡಲು ಇದು ಸಾಕಷ್ಟು ಹೆಚ್ಚು.
ಕಾರ್ಯಕ್ಷಮತೆ
ಮಿಡ್-ಲೈಫ್ ಅಪ್‌ಡೇಟ್‌ನೊಂದಿಗೆ ಸಹ, ಸಿಟ್ರೊಯೆನ್ ತನ್ನ ಪ್ರತಿಸ್ಪರ್ಧಿಗಳಿಗಿಂತ ಭಿನ್ನವಾಗಿ ಕೇವಲ 2-ಲೀಟರ್ ಡೀಸೆಲ್ ಎಂಜಿನ್‌ನ್ನು ಮಾತ್ರ ನೀಡುತ್ತದೆ. ಅದರೆ ಜೀಪ್ ಕಂಪಾಸ್, ಫೊಕ್ಸ್‌ವ್ಯಾಗನ್‌ ಟೈಗುನ್‌ ಮತ್ತು ಹುಂಡೈ ಟಕ್ಸನ್ ನಂತಹ ಇದರ ಸ್ಪರ್ಧಿಗಳು ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಮತ್ತು 4x4 ಡ್ರೈವ್‌ಟ್ರೇನ್ ಅನ್ನು ಸಹ ನೀಡುತ್ತದೆ. ಇದು 177PS ಮತ್ತು 400Nm ನಷ್ಟು ಶಕ್ತಿಯನ್ನು ಉತ್ಪಾದಿಸುತ್ತದೆ ಮತ್ತು ಎಂಟು-ವೇಗದ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್ ನೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಹಾಗೆಯೇ ಇದು ಫ್ರಂಟ್ ವೀಲ್ ಡ್ರೈವ್ ಆಗಿರುವುದರಿಂದ ಶಕ್ತಿಯನ್ನು ಮುಂಭಾಗದ ಚಕ್ರಗಳಿಗೆ ಕಳುಹಿಸುತ್ತದೆ.
ಪವರ್ ಡೆಲಿವರಿಯು ಅತ್ಯಂತ ರೇಖೀಯ ಶೈಲಿಯಲ್ಲಿ ನಡೆಯುತ್ತದೆ ಮತ್ತು ಎಂಜಿನ್ ನಯವಾಗಿರುತ್ತದೆ. ಆದರೆ ಸ್ವಲ್ಪ ಸೌಂಡ್‌ ಮಾಡುತ್ತದೆ, ವಿಶೇಷವಾಗಿ ಹೆಚ್ಚಿನ ಸ್ಪೀಡ್‌ನಲ್ಲಿ ಸಾಗುವಾಗ ನೀವು ಎಂಜಿನ್‌ನ ಸೌಂಡ್‌ ಕೇಳುವ ಅನುಭವವಾಗುತ್ತದೆ. ನಗರದಲ್ಲಿ C5 ನ್ನು ಚಾಲನೆ ಮಾಡುವುದು ಸುಲಭ. ಸ್ಟೀರಿಂಗ್ ಭಾರವಾಗಿರುತ್ತದೆ, ಆದರೂ ಟ್ರಾಫಿಕ್‌ನಲ್ಲಿ ಸಮಸ್ಯೆ ಇರುವುದಿಲ್ಲ.
ಹೆದ್ದಾರಿಯ ಪ್ರಯಾಣದ ಸಮಯದಲ್ಲೂ, C5 ಏರ್‌ಕ್ರಾಸ್‌ನ ಪವರ್‌ಟ್ರೇನ್‌ಗಳನ್ನು ನೀವು ನಿಜವಾಗಿಯೂ ಪ್ರಶಂಸಿಸುತ್ತೀರಿ. ಹೆಚ್ಚು ಪ್ರಯತ್ನವಿಲ್ಲದೆ ಮೂರು-ಅಂಕಿಯ ವೇಗವನ್ನು ನೀವು ಎಸ್‌ಯುವಿಯಲ್ಲಿ ಹೊಡೆಯಬಹುದು, ಇದು ಆರಾಮದಾಯಕ ಮೈಲಿ-ಮಂಚರ್ ಆಗಿರುತ್ತದೆ. ಇದರ ಗೇರ್‌ಶಿಫ್ಟ್‌ಗಳು ಸಹ ಸಮಯೋಚಿತವಾಗಿವೆ, ಈ ಎಸ್‌ಯುವಿಯನ್ನು ಅನಗತ್ಯ ಗೇರ್‌ಗೆ ಜಾರುವುದನ್ನು ತಡೆಯುತ್ತದೆ, ಆದ್ದರಿಂದ ಪ್ಯಾಡಲ್ ಶಿಫ್ಟರ್‌ಗಳ ಅಗತ್ಯವನ್ನು ಬಹುತೇಕ ತೆಗೆದುಹಾಕುತ್ತದೆ. ಸಿಟ್ರೊಯೆನ್ ಇದನ್ನು ಡ್ರೈವ್ ಮೋಡ್‌ಗಳು (ಇಕೋ ಮತ್ತು ಸ್ಪೋರ್ಟ್ಸ್‌) ಮತ್ತು ಎಳೆತ ನಿಯಂತ್ರಣ (ಸ್ಟ್ಯಾಂಡರ್ಡ್‌, ಸ್ನೋ, ಆಲ್‌ ಟೆರೈನ್‌-ಮಡ್‌, ತೇವ ಮತ್ತು ಹುಲ್ಲು ಮತ್ತು ಮರಳು) ಸಹ ಹೊಂದಿದೆ ಆದರೆ ನಾವು ಅವುಗಳನ್ನು ಹೆಚ್ಚು ಪ್ರಯೋಗಿಸಲು ಆಗಲಿಲ್ಲ.
ರೈಡ್ ಅಂಡ್ ಹ್ಯಾಂಡಲಿಂಗ್
C5 ಏರ್‌ಕ್ರಾಸ್‌ನ ಉತ್ತಮ ಅಂಶವು ಅದರ ಪ್ರಗತಿಶೀಲ ಹೈಡ್ರಾಲಿಕ್ ಸಸ್ಪೆನ್ಶನ್ ಸೆಟಪ್ ಆಗಿ ಉಳಿದಿದೆ. ಅದು ಅದರ ಕರ್ತವ್ಯಗಳನ್ನು ಅತ್ಯುತ್ತಮವಾಗಿ ಮಾಡುತ್ತದೆ, ಹೆಚ್ಚಿನ ಏರಿಳಿತಗಳು ಅಥವಾ ರಸ್ತೆಯಲ್ಲಿನ ಅಪೂರ್ಣ ಪ್ಯಾಚ್‌ಗಳಿಂದ ಪ್ರಯಾಣಿಕರನ್ನು ರಕ್ಷಿಸುತ್ತದೆ. ಆದಾಗಿಯೂ, ಕಡಿಮೆ ವೇಗದಲ್ಲಿ ನೀವು ಕ್ಯಾಬಿನ್‌ನಲ್ಲಿ ಸ್ವಲ್ಪ ವೈಬ್ರೇಷನ್‌ನ್ನು ಅನುಭವಿಸುತ್ತೀರಿ.
ಸಿಟ್ರೋನ್‌ನ ಕ್ಯಾಬಿನ್ ಶಬ್ದದಿಂದ ಮುಕ್ತವಾಗಿದೆ ಮತ್ತು ಎರಡು ಲ್ಯಾಮಿನೇಟೆಡ್ ಮುಂಭಾಗದ ಕಿಟಕಿಗಳನ್ನು ಒದಗಿಸುವ ಮೂಲಕ SUV ಯ NVH (ನೊಯ್ಸ್‌, ವೈಬ್ರೇಷನ್‌ ಮತ್ತು ಹರ್ಸ್‌ನೆಸ್‌) ಮಟ್ಟಗಳಿಗೆ ಬಂದಾಗ ಅದರ ಕರ್ತವ್ಯವನ್ನು ಉತ್ತಮವಾಗಿ ನಿಭಾಯಿಸಿದೆ. ಹೆದ್ದಾರಿಯಲ್ಲಿಯೂ ಸಹ, C5 ಏರ್ಕ್ರಾಸ್ ಮನೆಯಲ್ಲಿರುವ ಅನುಭವವನ್ನು ನೀಡುತ್ತದೆ ಮತ್ತು ಅದರ ಸ್ಟೀರಿಂಗ್ ವೀಲ್ ಉತ್ತಮ, ತೂಕದ ಭಾವನೆಯನ್ನು ನೀಡುತ್ತದೆ, ಹೆಚ್ಚಿನ ವೇಗಗಳಿಗೆ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.
ವರ್ಡಿಕ್ಟ್
ಸಿಟ್ರೋನ್‌ C5 ಏರ್ಕ್ರಾಸ್ ಫೇಸ್‌ಲಿಫ್ಟ್‌ನೊಂದಿಗೆ, ಯಾವಾಗಲೂ ಒಂದು ಉತ್ತಮವಾದ ಫ್ಯಾಮಿಲಿ ಎಸ್ಯುವಿ ಎಂಬ ಟ್ಯಾಗ್‌ನ್ನು ಹಾಗೆ ಇದರಲ್ಲಿಯೂ ಉಳಿಸಿಕೊಂಡಿದೆ. ಇದು ಸೌಕರ್ಯ, ಸವಾರಿ ಗುಣಮಟ್ಟ, ಲಗೇಜ್ ಸ್ಥಳದಂತಹ ಎಲ್ಲಾ ವಿಭಾಗಗಳಲ್ಲಿ ಉತ್ತಮವಾಗಿದೆ. ಹಾಗೆಯೇ ತನ್ನ ಸ್ಪರ್ಧಿಗಳಿಗೆ ಹೋಲಿಸಿದರೆ, ಮೂರು ವಯಸ್ಕರನ್ನು ಹಿಂಭಾಗದಲ್ಲಿ ಆರಾಮವಾಗಿ ಕೂರಿಸುವ ವಿಶಿಷ್ಟ ಸಾಮರ್ಥ್ಯವನ್ನು ಹೊಂದಿದೆ.
ಇದರ ಪ್ರತಿಸ್ಪರ್ಧಿಗಳು ಏನನ್ನು ವಿಶೇಷವಾಗಿ ನೀಡುತ್ತವೆ ಎಂಬುದನ್ನು ನಾವು ಪರಿಗಣಿಸಿದಾಗ ಮಾತ್ರ ಇದರ ನ್ಯೂನತೆಗಳಾದ ಪೆಟ್ರೋಲ್ ಎಂಜಿನ್ ಮತ್ತು 4x4 ಆಯ್ಕೆಯ ಕೊರತೆ, ಕೆಲವು ವಾಹ್ ವೈಶಿಷ್ಟ್ಯಗಳನ್ನು ಮಿಸ್ ಆಗಿರುವುದು ಮತ್ತು ಇದರ ದುಬಾರಿ ಬೆಲೆಯನ್ನು ಗಮನಿಸಬಹುದು. ಉತ್ಸಾಹಭರಿತ ಅಥವಾ ಮೋಜಿನ-ಡ್ರೈವ್ ಅನುಭವಕ್ಕೆ ಬಂದಾಗ ಇದು ಅತ್ಯಂತ ಸಮರ್ಥವಾದ ಎಸ್ಯುವಿ ಅಲ್ಲ. ನಾವು ಹೇಳಿರುವಂತೆ, ನೀವು ಮಧ್ಯಮ ಗಾತ್ರದ ಎಸ್‌ಯುವಿಗಾಗಿ ವಿಶಿಷ್ಟವಾದ ಯುರೋಪಿನ ನೋಟ, ಶಕ್ತಿಯುತ ಡೀಸೆಲ್ ಮೋಟಾರ್ ಮತ್ತು ಸೌಕರ್ಯವನ್ನು ನಿಮ್ಮ ಗರಿಷ್ಠ ಆದ್ಯತೆಯಾಗಿ ಹುಡುಕುತ್ತಿದ್ದರೆ, C5 ಏರ್ಕ್ರಾಸ್ ನಿಮಗೆ ಸರಿಯಾದ ಆಯ್ಕೆಯಾಗಿರಬಹುದು.
ಸಿಟ್ರೊನ್ ಸಿ5 ಏರ್ಕ್ರಾಸ್
ನಾವು ಇಷ್ಟಪಡುವ ವಿಷಯಗಳು
- ಚಮತ್ಕಾರಿ ಶೈಲಿಯು ಅದನ್ನು ಎದ್ದು ಕಾಣುವಂತೆ ಮಾಡುತ್ತದೆ
- ಒಳಗೆ ಮತ್ತು ಹೊರಗೆ ಪ್ರೀಮಿಯಂ ಆಗಿ ಕಾಣುತ್ತದೆ ಮತ್ತು ಅನುಭವವಾಗುತ್ತದೆ
- ಈ ವಿಭಾಗದಲ್ಲಿ ಬಹಳಷ್ಟು ಆರಾಮದಾಯಕ ಎಸ್ಯುವಿ
ನಾವು ಇಷ್ಟಪಡದ ವಿಷಯಗಳು
- ಪೆಟ್ರೋಲ್ ಎಂಜಿನ್ ಅಥವಾ 4x4 ಆಯ್ಕೆ ಇಲ್ಲ
- ಇದರ ಬೆಲೆ ಸ್ವಲ್ಪ ದುಬಾರಿಯಾಗಿದೆ
- ಈ ಸೆಗ್ಮೆಂಟ್‌ನಲ್ಲಿ ಕಾಮನ್‌ ಆಗಿರುವ ವೆಂಟಿಲೇಟೆಡ್ ಫ್ರಂಟ್ ಸೀಟ್ ಮತ್ತು 360-ಡಿಗ್ರಿ ಕ್ಯಾಮೆರಾದಂತಹ ಸೌಕರ್ಯಗಳು ಇದರಲ್ಲಿ ಮಿಸ್ ಆಗಿದೆ.
ಸಿಟ್ರೊನ್ ಸಿ5 ಏರ್ಕ್ರಾಸ್ ಕಾರು ಸುದ್ದಿ ಮತ್ತು ಅಪ್ಡೇಟ್ಸ್
- ಇತ್ತೀಚಿನ ಸುದ್ದಿ
- ರೋಡ್ ಟೆಸ್ಟ್
ಸಿಟ್ರೊನ್ ಸಿ5 ಏರ್ಕ್ರಾಸ್ ಬಳಕೆದಾರರ ವಿಮರ್ಶೆಗಳು
- All (86)
- Looks (33)
- Comfort (50)
- Mileage (10)
- Engine (31)
- Interior (30)
- Space (14)
- Price (24)
- More ...
- ಇತ್ತೀಚಿನ
- ಸಹಾಯಕವಾಗಿದೆಯೆ
- Citroen C5 Aircross Is A Stand Apart SUVOver the past three years, I have been enjoying the Citroen C5 Aircross. It stands apart from other SUVs with its original look and pleasant ride. Perfect for long distance driving, the 2.0 liter diesel engine delivers flawless and smooth performance. The inside is roomy and luxurious with cutting edge conveniences that improve comfort and ease. Long journeys and family vacations would find the C5 Aircross perfect since it guarantees a flawless ride across any terrain. For those who like a polished driving experience, its combination of comfort, elegance, and performance is excellent.ಮತ್ತಷ್ಟು ಓದು
- Best Comfort And SpaceCitroen C5 Aircross is a wonderful car, i really love it and the highlight of this car is the beautiful ride, lovely interior, proper 5 seater and so practical thanks to the massive boot space but in some areas the plastic quality is not good. It stands out with its powerful engine, best comfort level in its class, and i really enjoy the long rides with this car but the engine is noisy. It get a very beautiful interior and exterior with nice features and citroen only know that indians need full size alloy spare wheels.ಮತ್ತಷ್ಟು ಓದು
- Excellent Ride But Missing FeaturesIn terms of interior, exterior and cabin the design is very good and overall it is a good package and Citroen is known for fantastic ride quality and the 2 L diesel engine gives great pickup with good power. Its very rock solid for driving and ride and the interior is superbly nice with good space and comfort but at this price they should give 4WD and ADAS. The material is good and other than low features this car is quite nice.ಮತ್ತಷ್ಟು ಓದು
- A Spacious OneI got the Citroen C5 Aircross recently; it?s awesome. The ride is really smooth and the seats are so comfortable. There?s also tons of room inside which is perfect for my family. However, it doesn?t have as many tech features as some cars in its price range such as the Hyundai Tucson or Kia Sportage. In conclusion though I think this car would be ideal if you want something spacious and comfy but still affordable enough not to be too bothered about missing out on any fancy extras.ಮತ್ತಷ್ಟು ಓದು
- About Citron C5 Air Cross Comfort In Style.The Citroën C5 Air cross is the most comfortable SUV in terms of comfort I have ever used. The performance of the engine is smooth and powerful hence making every ride a pleasant experience. It has a lot of room inside and it?s very luxurious with a lot of hi tech functions. The one thing that stands out from the rest is the suspension system which makes the car to have a well smooth ride even on the bumpy terrain. The safety aspect is well created with many accessories such as airbags and new inventions for safety. I am generally quite content with my Citroën C5 Air cross. It is one of the most comfortable SUV for those who want to drive without the slightest discomfort.ಮತ್ತಷ್ಟು ಓದು
- ಎಲ್ಲಾ ಸಿ5 ಏರ್ಕ್ರಾಸ್ ವಿರ್ಮಶೆಗಳು ವೀಕ್ಷಿಸಿ
ಸಿಟ್ರೊನ್ ಸಿ5 ಏರ್ಕ್ರಾಸ್ ಬಣ್ಣಗಳು
ಮುತ್ತು ಬಿಳಿ with ಕಪ್ಪು roof
eclipse ನೀಲಿ with ಕಪ್ಪು roof- ಪರ್ಲ್ ವೈಟ್
- cumulus ಬೂದು with ಕಪ್ಪು roof
- cumulus ಬೂದು
- ಮುತ್ತು nera ಕಪ್ಪು
- eclipse ನೀಲಿ
ಸಿಟ್ರೊನ್ ಸಿ5 ಏರ್ಕ್ರಾಸ್ ಚಿತ್ರಗಳು
ನವ ದೆಹಲಿನಲ್ಲಿ ಶಿಫಾರಸು ಮಾಡಲಾದ ಬಳಸಿದ ಸಿಟ್ರೊನ್ ಸಿ5 ಏರ್ಕ್ರಾಸ್ ಪರ್ಯಾಯ ಕಾರುಗಳು
Are you confused?Ask anythin g & get answer ರಲ್ಲಿ {0}
ಟ್ರೆಂಡಿಂಗ್ ಸಿಟ್ರೊನ್ ಕಾರುಗಳು
- ಸಿಟ್ರೊನ್ ಸಿ3Rs.6.16 - 10.15 ಲಕ್ಷ*
- ಸಿಟ್ರೊನ್ ಬಸಾಲ್ಟ್Rs.8.25 - 14 ಲಕ್ಷ*
- ಸಿಟ್ರೊನ್ aircrossRs.8.49 - 14.55 ಲಕ್ಷ*
Popular ಎಸ್ಯುವಿ cars
- ಟ್ರೆಂಡಿಂಗ್
- ಲೇಟೆಸ್ಟ್
- ಉಪಕಮಿಂಗ್
- ಟೊಯೋಟಾ ಫ್ರಾಜುನರ್‌Rs.33.78 - 51.94 ಲಕ್ಷ*
- ಜೀಪ್ ಕಾಂಪಸ್‌Rs.18.99 - 32.41 ಲಕ್ಷ*
- ಮಹೀಂದ್ರ ಎಕ್ಸ್‌ಇವಿ 9ಇRs.21.90 - 30.50 ಲಕ್ಷ*
- ಬಿಎಂಡವೋ ಎಕ್ಸ1Rs.49.50 - 52.50 ಲಕ್ಷ*
- ವೋಕ್ಸ್ವ್ಯಾಗನ್ ಟಿಗುವಾನ್Rs.38.17 ಲಕ್ಷ*
- ಹೊಸ ವೇರಿಯೆಂಟ್ಟೊಯೋಟಾ ಫ್ರಾಜುನರ್‌ ಲೆಜೆಂಡರ್Rs.44.11 - 48.09 ಲಕ್ಷ*
- ಬಿವೈಡಿ ಸೀಲಿಯನ್‌ 7Rs.48.90 - 54.90 ಲಕ್ಷ*
- ಹೊಸ ವೇರಿಯೆಂಟ್ಮಿನಿ ಕ ೂಪರ್ ಎಸ್‌Rs.44.90 - 55.90 ಲಕ್ಷ*
- ಬಿಎಂಡವೋ ಐಎಕ್ಸ್‌1Rs.49 ಲಕ್ಷ*
- ಹೊಸ ವೇರಿಯೆಂಟ್ಜೀಪ್ ಮೆರಿಡಿಯನ್Rs.24.99 - 38.79 ಲಕ್ಷ*
- ಮಹೀಂದ್ರ ಬಿಇ 6Rs.18.90 - 26.90 ಲಕ್ಷ*
- ಎಂಜಿ ವಿಂಡ್ಸರ್‌ ಇವಿRs.14 - 16 ಲಕ್ಷ*
- ಎಂಜಿ ಕಾಮೆಟ್ ಇವಿRs.7 - 9.84 ಲಕ್ಷ*
- ಟಾಟಾ ಕರ್ವ್‌ ಇವಿRs.17.49 - 21.99 ಲಕ್ಷ*
- ಬಿವೈಡಿ ಆಟ್ಟೋ 3Rs.24.99 - 33.99 ಲಕ್ಷ*