ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ನಲ್ಲಿ ಭಾರತದಕ್ಕೆ ಪಾದಾರ್ಪಣೆ ಮಾಡಲಿರುವ BYD ಸೀಲಿಯನ್ 7

Sealion 7 EV ಭಾರತದಲ್ಲಿ BYD ಯ ನಾಲ್ಕನೇ ಕೊಡುಗೆಯಾಗಿದೆ ಮತ್ತು 2025 ರ ಮೊದಲಾರ್ಧದಲ್ಲಿ ಬೆಲೆಗಳನ್ನು ಘೋಷಿಸಲಾಗುತ್ತದೆ

• ಮುಂಬರುವ ಆಟೋ ಎಕ್ಸ್‌ಪೋ 2025 ರಲ್ಲಿ Sealion 7 ಇವಿಯು ಭಾರತದಲ್ಲಿ ಅನಾವರಣಗೊಳ್ಳಲಿದೆ.

• ಇದು BYD ಸೀಲ್ ಅನ್ನು ನೆನಪಿಸುವ ಬಾಹ್ಯ ವಿನ್ಯಾಸವನ್ನು ಹೊಂದಿದೆ, ಇದೇ ರೀತಿಯ ಹೆಡ್‌ಲೈಟ್‌ಗಳು ಮತ್ತು ಟೈಲ್ ಲೈಟ್‌ಗಳನ್ನು ಹೊಂದಿದೆ.

• ಒಳಭಾಗದಲ್ಲಿ 4-ಸ್ಪೋಕ್ ಸ್ಟೀರಿಂಗ್ ವೀಲ್, 15.6-ಇಂಚಿನ ಟಚ್‌ಸ್ಕ್ರೀನ್ ಮತ್ತು 10.25-ಇಂಚಿನ ಡ್ರೈವರ್ ಡಿಸ್‌ಪ್ಲೇ ಇದೆ.

• ಇದು ಪನರೋಮಿಕ್‌ ಗ್ಲಾಸ್‌ ರೂಫ್‌, ಬಿಸಿಯಾದ ಮತ್ತು ವೆಂಟಿಲೇಶನ್‌ನ ಮುಂಭಾಗದ ಸೀಟ್‌ಗಳು ಮತ್ತು ಹೆಡ್ಸ್-ಅಪ್ ಡಿಸ್‌ಪ್ಲೇಯಂತಹ ಫೀಚರ್‌ಗಳನ್ನು ಪಡೆಯಬಹುದು.

• ಸುರಕ್ಷತಾ ಸೂಟ್ 9 ಏರ್‌ಬ್ಯಾಗ್‌ಗಳು, ADAS, TPMS ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ.

• RWD ಮತ್ತು AWD ಸೆಟಪ್‌ಗಳೊಂದಿಗೆ ಅಂತಾರಾಷ್ಟ್ರೀಯವಾಗಿ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಪಡೆಯುತ್ತದೆ.

• ಬೆಲೆಗಳು 45 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗುವ ನಿರೀಕ್ಷೆಯಿದೆ.

ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ಗೆ ಕ್ಷಣಗಣನೆ ಆರಂಭವಾಗಿದೆ ಮತ್ತು ಕಾರು ತಯಾರಕರು ತಮ್ಮ ಹೊಸ ಕಾರುಗಳ ಟೀಸರ್‌ ಬಿಡುಗಡೆ ಮಾಡುವಲ್ಲಿ ಅಥವಾ ಭಾರತದ ಅತಿದೊಡ್ಡ ಮೋಟಾರು ಶೋಗಾಗಿ ತಮ್ಮ ಹೊಸ ಮೊಡೆಲ್‌ಗಳನ್ನು ಘೋಷಿಸುವಲ್ಲಿ ನಿರತರಾಗಿದ್ದಾರೆ. ಇವುಗಳಲ್ಲಿ ತೀರಾ ಇತ್ತೀಚಿನದ್ದು BYD Sealion 7 EV ಆಗಿದ್ದು, 2025ರ ಆಟೋ ಎಕ್ಸ್‌ಪೋದಲ್ಲಿ ಈ ಕಾರು ಪ್ರದರ್ಶನಗೊಳ್ಳಲಿದೆ ಎಂದು ಕಾರು ತಯಾರಕರು ಸ್ಪಷ್ಟಪಡಿಸಿದ್ದಾರೆ. Sealion 7 EV ಕೆಲವು ಸಾಗರೋತ್ತರ ಮಾರುಕಟ್ಟೆಗಳಲ್ಲಿ ಕೆಲವು ಸಮಯದಿಂದ ಮಾರಾಟದಲ್ಲಿದೆ ಮತ್ತು ಈ ಎಲೆಕ್ಟ್ರಿಕ್ ಎಸ್‌ಯುವಿಯ ಇಂಡಿಯಾ-ಸ್ಪೆಕ್ ಅವತಾರ್‌ನಿಂದ ನೀವು ನಿರೀಕ್ಷಿಸಬಹುದಾದ ಎಲ್ಲವೂ ಇಲ್ಲಿದೆ.

BYD ಸೀಲಿಯನ್ 7: ಎಕ್ಸ್‌ಟೀರಿಯರ್‌

ಅಂತರರಾಷ್ಟ್ರೀಯ ಮಟ್ಟದಲ್ಲಿ ಲಭ್ಯವಿರುವ BYD ಸೀಲಿಯನ್ 7ನ ಬಾಹ್ಯ ವಿನ್ಯಾಸವು, 2024ರ ಮಾರ್ಚ್‌ನಲ್ಲಿ ಭಾರತದಲ್ಲಿ ಪರಿಚಯಿಸಲಾದ BYD ಸೀಲ್‌ನಂತೆಯೇ ಇರುತ್ತದೆ. ಇದು ಸೀಲ್ ಇವಿ, ಬ್ಲಾಂಕ್ಡ್-ಆಫ್ ಗ್ರಿಲ್ ಮತ್ತು ಸಂಪೂರ್ಣ ಕಪ್ಪಾದ ರಿಯರ್ ಬಂಪರ್‌ನಂತೆಯೇ ಅದೇ ಹೆಡ್‌ಲೈಟ್ ಘಟಕಗಳನ್ನು ಪಡೆಯುತ್ತದೆ. ಇದು 20-ಇಂಚಿನ ಅಲಾಯ್‌ ವೀಲ್‌ಗಳು, ಫ್ಲಶ್-ಮಾದರಿಯ ಡೋರ್ ಹ್ಯಾಂಡಲ್‌ಗಳು ಮತ್ತು ಬಾಡಿಯ ಉದ್ದಕ್ಕೂ ಸಾಗುವ ವೀಲ್‌ ಆರ್ಚ್‌ಗಳ ಮೇಲೆ ರಗಡ್‌ ಆದ ಕ್ಲಾಡಿಂಗ್‌ ಅನ್ನು ಹೊಂದಿರುತ್ತದೆ.

ಹೈಲೈಟ್ ಎಂದರೆ, ಇದರ ಮೊನಚಾದ ರೂಫ್‌ ಇದಕ್ಕೆ ಎಸ್‌ಯುವಿ-ಕೂಪ್ ಲುಕ್‌ ಅನ್ನು ನೀಡುತ್ತದೆ. ಇದು ಪಿಕ್ಸೆಲ್ ವಿನ್ಯಾಸದ ಅಂಶಗಳೊಂದಿಗೆ ಸೀಲ್ ಇವಿಯಂತೆಯೇ ಕನೆಕ್ಟ್‌ ಆಗಿರುವ ಎಲ್‌ಇಡಿ ಟೈಲ್ ಲೈಟ್‌ಗಳನ್ನು ಪಡೆಯುತ್ತದೆ. ಹಿಂಭಾಗದ ಬಂಪರ್ ಸಹ ಕಪ್ಪು ಭಾಗವನ್ನು ಪಡೆಯುತ್ತದೆ, ಇದು ಈ ಎಸ್‌ಯುವಿಯ ರಗಡ್‌ ಆದ ಸ್ವಭಾವವನ್ನು ಇನ್ನಷ್ಟು ಹೆಚ್ಚಿಸುತ್ತದೆ. 

ನಾವು ಈಗ ಸೀಲಿಯನ್ 7 ಇವಿಯ ಆಯಾಮಗಳನ್ನು ನೋಡೋಣ:

BYD ಸೀಲಿಯನ್ 7: ಇಂಟೀರಿಯರ್‌

BYD ಸೀಲಿಯನ್ 7 ರ ಒಳಭಾಗವು ಪ್ರೀಮಿಯಂ ಮತ್ತು ಹಲವು ಮೆಟಿರಿಯಲ್‌ಗಳಿಂದ ಮಾಡಲ್ಪಟ್ಟಿದೆ. ಇದು ಸೀಲ್‌ನಂತೆ ತಿರುಗಿಸಬಹುದಾದ 15.6-ಇಂಚಿನ ಟಚ್‌ಸ್ಕ್ರೀನ್‌ನೊಂದಿಗೆ ಬರುತ್ತದೆ ಮತ್ತು ಹೊಸ ಹೊಳಪಿನ ಕಪ್ಪು ಪ್ಯಾನಲ್‌ ಅನ್ನು ಪಡೆಯುತ್ತದೆ. ಅದು ಒಂದು AC ದ್ವಾರದಿಂದ ಇನ್ನೊಂದಕ್ಕೆ ಚಲಿಸುತ್ತದೆ ಮತ್ತು 10.25-ಇಂಚಿನ ಡಿಜಿಟಲ್ ಡ್ರೈವರ್‌ಗಳ ಡಿಸ್‌ಪ್ಲೇಯನ್ನು ಹೊಂದಿದೆ. ಆಡಿಯೊ ಸಿಸ್ಟಮ್‌ಗಾಗಿ ಮತ್ತು  ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳಿಗೆ (ADAS) 4-ಸ್ಪೋಕ್ ಸ್ಟೀರಿಂಗ್ ವೀಲ್‌ನಲ್ಲಿ ಕಂಟ್ರೋಲ್‌ಗಳನ್ನು ಹೊಂದಿದೆ. ಹಾಗೆಯೇ, ಸೆಂಟರ್ ಕನ್ಸೋಲ್ ಸೀಲ್‌ನಂತೆಯೇ ಇರುತ್ತದೆ ಮತ್ತು ಡ್ರೈವ್ ಸೆಲೆಕ್ಟರ್ ನಾಬ್, ಡ್ರೈವ್ ಮತ್ತು ಟೆರೇನ್ ಮೋಡ್‌ಗಳಿಗೆ ಬಟನ್‌ಗಳು, ಎರಡು ಕಪ್‌ಹೋಲ್ಡರ್‌ಗಳು ಮತ್ತು ಸೆಂಟರ್ ಆರ್ಮ್‌ರೆಸ್ಟ್ ಅನ್ನು ಹೊಂದಿದೆ.

ಸೀಟ್‌ಗಳನ್ನು ಬಿಳಿ ಲೆಥೆರೆಟ್ ಕವರ್‌ನಲ್ಲಿ ಫಿನಿಶ್‌ ಮಾಡಲಾಗಿದೆ, ಇವೆಲ್ಲವೂ 3-ಪಾಯಿಂಟ್ ಸೀಟ್‌ಬೆಲ್ಟ್‌ಗಳು ಮತ್ತು ಹೊಂದಾಣಿಕೆಯ ಹೆಡ್‌ರೆಸ್ಟ್‌ಗಳೊಂದಿಗೆ ಬರುತ್ತದೆ. ಹಿಂದಿನ ಸೀಟಿನ ಪ್ರಯಾಣಿಕರು ಎಸಿ ವೆಂಟ್‌ಗಳು ಮತ್ತು ಸೆಂಟರ್ ಆರ್ಮ್‌ರೆಸ್ಟ್ ಅನ್ನು ಸಹ ಪಡೆಯುತ್ತಾರೆ.

ಇತರ ಫೀಚರ್‌ಗಳೆಂದರೆ ಪನರೋಮಿಕ್‌ ಸನ್‌ರೂಫ್‌, ಬಿಸಿಯಾಗುವ ಸ್ಟೀರಿಂಗ್ ಚಕ್ರ, ಬಿಸಿಯಾಗುವ, ವೆಂಟಿಲೇಶನ್‌ ಮತ್ತು ಪವರ್‌ ಆಡ್ಜಸ್ಟ್‌ ಮಾಡಬಹುದಾದ ಮುಂಭಾಗದ ಸೀಟುಗಳು (ಹೊಂದಾಣಿಕೆ ಮಾಡಬಹುದಾದ ಲಂಬರ್‌ ಸಪೋರ್ಟ್‌ನೊಂದಿಗೆ), ಡ್ಯುಯಲ್-ಜೋನ್ ಆಟೋ AC, ವೆಹಿಕಲ್-ಟು-ಲೋಡ್ (V2L) ಆಂಬಿಯೆಂಟ್ ಲೈಟಿಂಗ್, ಹೆಡ್-ಅಪ್ ಡಿಸ್‌ಪ್ಲೇ (HUD) ಮತ್ತು 12-ಸ್ಪೀಕರ್ ಡೈನಾಡಿಯೊ ಸೌಂಡ್ ಸಿಸ್ಟಮ್ ಆಗಿದೆ. ಭಾರತ-ಸ್ಪೆಕ್ ಮಾಡೆಲ್‌ನಲ್ಲಿ ಹೆಚ್ಚಿನ ಫೀಚರ್‌ಗಳನ್ನು (ಎಲ್ಲಾ ಅಲ್ಲದಿದ್ದರೂ) ನೀಡಲಾಗುವುದು ಎಂದು ನಾವು ನಿರೀಕ್ಷಿಸಬಹುದು.

ಸುರಕ್ಷತೆಯ ಪ್ಯಾಕೇಜ್‌ನಲ್ಲಿ, ಇದು 9 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ನೊಂದಿಗೆ ಬರಬಹುದು. ಇದು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಹಿಂಬದಿ ಘರ್ಷಣೆ ಎಚ್ಚರಿಕೆಯಂತಹ ಕೆಲವು ADAS ಫೀಚರ್‌ಗಳೊಂದಿಗೆ ಸಹ ಬರಬಹುದು.

ಇದನ್ನೂ ಓದಿ: Hyundai Creta ಇವಿ ಬುಕಿಂಗ್‌ಗಳು ಪ್ರಾರಂಭ, ವೇರಿಯೆಂಟ್‌-ವಾರು ಪವರ್‌ಟ್ರೇನ್ ಮತ್ತು ಬಣ್ಣ ಆಯ್ಕೆಗಳು ವಿವರ

BYD ಸೀಲಿಯನ್ 7: ಬ್ಯಾಟರಿ ಪ್ಯಾಕ್‌ ಮತ್ತು ಪರ್ಫಾರ್ಮೆನ್ಸ್‌

ಸೀಲಿಯನ್ 7 ಇವಿಯ ಅಂತರಾಷ್ಟ್ರೀಯ-ಮೊಡೆಲ್‌ 82.5 ಕಿ.ವ್ಯಾಟ್‌ ಅಥವಾ 91.3 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಆಯ್ಕೆಯೊಂದಿಗೆ ಬರುತ್ತದೆ, ಸಿಂಗಲ್ ಅಥವಾ ಡ್ಯುಯಲ್-ಮೋಟಾರ್ ಸೆಟಪ್‌ನೊಂದಿಗೆ ಜೋಡಿಸಲಾಗಿದೆ. ವಿವರವಾದ ವಿಶೇಷಣಗಳು ಈ ಕೆಳಗಿನಂತಿವೆ:

ಇಂಡಿಯಾ-ಸ್ಪೆಕ್ ಮಾಡೆಲ್‌ನ ಪವರ್‌ಟ್ರೇನ್ ವಿವರಗಳು ಇನ್ನೂ ತಿಳಿದಿಲ್ಲವಾದರೂ, ಭಾರತ್ ಮೊಬಿಲಿಟಿ ಆಟೋ ಶೋ 2025 ರ ಸಮಯದಲ್ಲಿ BYD ಈ ವಿಶೇಷಣಗಳನ್ನು ಬಹಿರಂಗಪಡಿಸುತ್ತದೆ. ಸೀಲ್ ಅಂತರಾಷ್ಟ್ರೀಯ-ಸ್ಪೆಕ್ ಕಾರಿನ ಎಲ್ಲಾ ಪವರ್‌ಟ್ರೇನ್ ಆಯ್ಕೆಗಳನ್ನು ಪಡೆಯುತ್ತದೆ ಎಂಬುವುದನ್ನು ಪರಿಗಣಿಸಿದರೆ, ಭಾರತಕ್ಕೂ ಅದೇ ರೀತಿ ನಿರೀಕ್ಷಿಸಬಹುದು.

BYD ಸೀಲಿಯನ್ 7: ನಿರೀಕ್ಷಿತ ಬೆಲೆ ಮತ್ತು ರೇಂಜ್‌

BYD ಸೀಲಿಯನ್ 7 ನ ಬೆಲೆಗಳು 45 ಲಕ್ಷ ರೂ.ನಿಂದ (ಎಕ್ಸ್-ಶೋರೂಮ್) ಪ್ರಾರಂಭವಾಗುವ ನಿರೀಕ್ಷೆಯಿದೆ  ಮತ್ತು ಈ ಬೆಲೆಯಲ್ಲಿ, ಇದು ಹ್ಯುಂಡೈ ಐಯೋನಿಕ್ 5, ಕಿಯಾ ಇವಿ6 ಮತ್ತು ವೋಲ್ವೋ ಇಎಕ್ಸ್‌40 ಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. 

ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ