Honda Amaze; ಈ ಏಪ್ರಿಲ್‌ನಲ್ಲಿ ಭಾರತದಲ್ಲಿ ಬೇಗನೇ ಡೆಲಿವರಿ ಪಡೆಯಬಹುದಾದ ಸಬ್-4ಮೀ ಸೆಡಾನ್

ಹೈದರಾಬಾದ್, ಕೋಲ್ಕತ್ತಾ ಮತ್ತು ಇಂದೋರ್‌ನಂತಹ ನಗರಗಳಲ್ಲಿನ ಖರೀದಿದಾರರು ಇವುಗಳಲ್ಲಿ ಹೆಚ್ಚಿನ ಸೆಡಾನ್‌ಗಳನ್ನು ಮನೆಗೆ ತೆಗೆದುಕೊಂಡು ಹೋಗಲು ಹೆಚ್ಚು ಸಮಯ ಕಾಯಬೇಕಾಗುತ್ತದೆ.

 ಹೆಚ್ಚಿನ ಹೊಸ ಕಾರು ಖರೀದಿದಾರರಿಗೆ ಎಸ್‌ಯುವಿ ಕಾರುಗಳು ಮೊದಲ ಆಯ್ಕೆಯಾಗಿರುವುದರಿಂದ, ಕಳೆದ ಕೆಲವು ವರ್ಷಗಳಲ್ಲಿ ಸೆಡಾನ್ ಮಾರಾಟದ ಸಂಖ್ಯೆಯಲ್ಲಿ ಇಳಿಕೆ ಕಂಡಿದೆ. ಬೂಟ್ ಸ್ಪೇಸ್, ಆಕರ್ಷಕವಾದ ಡ್ರೈವ್ ಮತ್ತು ಒಟ್ಟಾರೆ ಆರಾಮದಾಯಕ ಆಸನ ಅನುಭವದಿಂದಾಗಿ ಈ ಕಾರುಗಳಿಗೆ ಇನ್ನೂ ಆರೋಗ್ಯಕರ ಬೇಡಿಕೆಯಿದೆ. ಸುಮಾರು 10 ಲಕ್ಷ ರೂಪಾಯಿಗಳ ಬಜೆಟ್‌ನೊಂದಿಗೆ, ನೀವು ಭಾರತದಲ್ಲಿ ಮಾರುತಿ ಡಿಜೈರ್, ಹೋಂಡಾ ಅಮೇಜ್, ಹುಂಡೈ ಔರಾ ಮತ್ತು ಟಾಟಾ ಟಿಗೋರ್ ನಂತಹ ನಾಲ್ಕು ಸಬ್‌-4ಮೀ ಸೆಡಾನ್‌ಗಳನ್ನು ಆಯ್ಕೆ ಮಾಡಬಹುದು.

ಆದ್ದರಿಂದ ನೀವು ಈ ತಿಂಗಳು ಇವುಗಳಲ್ಲಿ ಯಾವುದಾದರೂ ಒಂದನ್ನು ಖರೀದಿಸಲು ಬಯಸುತ್ತಿದ್ದರೆ, ಭಾರತದ 20 ನಗರಗಳಲ್ಲಿ ಅವುಗಳ ವೈಟಿಂಗ್‌ ಪಿರೇಡ್‌ ಕುರಿತು ಕೆಳಗಿನ ಕೋಷ್ಟಕದಲ್ಲಿ ತಿಳಿಸಲಾಗಿದೆ. 

• ನಿಮ್ಮ ಬಾಕಿ ಇರುವ ಚಲನ್ ಪರಿಶೀಲಿಸಿ

• ಉಪಯೋಗಿಸಿದ ಕಾರಿನ ಮೌಲ್ಯಮಾಪನ 

ಗಮನಿಸಬೇಕಾದ ಅಂಕಿಅಂಶಗಳು

• ಮಾರುತಿ ಡಿಜೈರ್ ಇಲ್ಲಿ ಮೂರು ತಿಂಗಳವರೆಗೆ ಅತಿ ಹೆಚ್ಚು ವೈಟಿಂಗ್‌ ಪಿರೇಡ್‌ ಅನ್ನು ಹೊಂದಿದೆ. ಹೈದರಾಬಾದ್, ಕೋಲ್ಕತ್ತಾ ಮತ್ತು ಇಂದೋರ್ ಸೇರಿದಂತೆ ಕೆಲವು ನಗರಗಳಲ್ಲಿನ ಖರೀದಿದಾರರು ಗರಿಷ್ಠ  ವೈಟಿಂಗ್‌ ಪಿರೇಡ್‌ ಅನ್ನು ಸಹಿಸಿಕೊಳ್ಳಬೇಕಾಗುತ್ತದೆ ಆದರೆ ಅಹಮದಾಬಾದ್ ಮತ್ತು ಸೂರತ್‌ನಲ್ಲಿರುವವರು ಕೇವಲ ಒಂದು ತಿಂಗಳಲ್ಲಿ ಇದನ್ನು ತಮ್ಮ ಮನೆಗೆ ಕೊಂಡೊಯ್ಯಬಹುದು.

• ನಿಮಗೆ ಕಾಯುವ ಮನಸ್ಸಿಲ್ಲದಿದ್ದರೆ, 2024ರ ಮೇ ತಿಂಗಳಿನಲ್ಲಿ ಹೊಸ-ಜನರೇಶನ್‌ನ ಸ್ವಿಫ್ಟ್ ಬಿಡುಗಡೆಯಾದ ಕೆಲವೇ ದಿನಗಳ ನಂತರ ಬಿಡುಗಡೆಯಾಗಲಿರುವ ಎಲ್ಲಾ ಹೊಸ ಮಾರುತಿ ಡಿಜೈರ್ ಅನ್ನು ಸಹ ನೀವು ಪರಿಗಣಿಸಬಹುದು. ಅಥವಾ ಹೊಸದನ್ನು ಬಿಡುಗಡೆ ಮಾಡುವಾಗ ನೀವು ಸೆಡಾನ್‌ನ ಹಳೆಯ ಆವೃತ್ತಿಯನ್ನು ರಿಯಾಯಿತಿ ದರಗಳಲ್ಲಿ ಖರೀದಿಸಬಹುದು. 

ನವದೆಹಲಿ, ಪುಣೆ, ಸೂರತ್ ಮತ್ತು ನೋಯ್ಡಾ ಸೇರಿದಂತೆ ಹೆಚ್ಚಿನ ನಗರಗಳಲ್ಲಿ ಹ್ಯುಂಡೈ ಔರಾ ಸರಾಸರಿ ಎರಡು ತಿಂಗಳ ವೈಟಿಂಗ್‌ ಪಿರೇಡ್‌ ಅನ್ನು ಹೊಂದಿದೆ. ಹ್ಯುಂಡೈನ ಈ ಸಬ್-4ಮೀ ಸೆಡಾನ್ ಅನ್ನು ಅಹಮದಾಬಾದ್, ಗುರುಂಗ ಮತ್ತು ಪಾಟ್ನಾದಲ್ಲಿ ಬುಕ್‌ ಮಾಡಿದ 1 ತಿಂಗಳ ಒಳಗೆಯೆ ಪಡೆಯಬಹುದು.

• ಎರಡು ತಿಂಗಳವರೆಗೆ ಗರಿಷ್ಠ ವೈಟಿಂಗ್‌ ಪಿರೇಡ್‌ನೊಂದಿಗೆ, ಟಾಟಾ ಟಿಗೊರ್ ಸಹ ಹ್ಯುಂಡೈ ಔರಾದಂತೆ ಬೇಡಿಕೆಯಿರುವಂತೆ ತೋರುತ್ತದೆ. ಇದು ಬೆಂಗಳೂರು, ಮುಂಬೈ, ಚೆನ್ನೈ ಮತ್ತು ಲಕ್ನೋದಂತಹ ಕೆಲವು ನಗರಗಳಲ್ಲಿ ಸರಾಸರಿ ಒಂದು ತಿಂಗಳ ವೈಟಿಂಗ್‌ ಪಿರೇಡ್‌ನೊಂದಿಗೆ ಬಹಳ ಸುಲಭವಾಗಿ ಲಭ್ಯವಿದೆ.

• ತುಂಬ ನಿಖರವಾಗಿ ಹೇಳುವುದಾದರೆ, 2024ರ ಏಪ್ರಿಲ್‌ನಲ್ಲಿ ಹೋಂಡಾ ಅಮೇಜ್ ಭಾರತದಲ್ಲಿ ಅತ್ಯಂತ ಸುಲಭವಾಗಿ ಲಭ್ಯವಿರುವ ಸಬ್-4ಮೀ ಸೆಡಾನ್ ಆಗಿದೆ. ಮುಂಬೈ, ಹೈದರಾಬಾದ್, ಕೊಯಮತ್ತೂರು ಮತ್ತು ಇಂದೋರ್‌ನಂತಹ ಅನೇಕ ನಗರಗಳಲ್ಲಿನ ಖರೀದಿದಾರರು ಹೋಂಡಾ ಸೆಡಾನ್ ಅನ್ನು ತಕ್ಷಣವೇ ಮನೆಗೆ ಕೊಂಡೊಯ್ಯಬಹುದು. ಬೆಂಗಳೂರು, ಲಕ್ನೋ, ಥಾಣೆ ಮತ್ತು ಪಾಟ್ನಾದಂತಹ ನಗರಗಳಲ್ಲಿ ಅಮೇಜ್ ಗರಿಷ್ಠ ಒಂದು ತಿಂಗಳ  ವೈಟಿಂಗ್‌ ಪಿರೇಡ್‌ ಅನ್ನು ಹೊಂದಿದೆ. 

• ಹೋಂಡಾ ಇತ್ತೀಚೆಗೆ ಅಮೇಜ್‌ನ ಬೇಸ್‌-ವೇರಿಯಂಟ್ ಅನ್ನು ಸ್ಥಗಿತಗೊಳಿಸಿತು, ಹಾಗು ಈ ಮೂಲಕ ಸಬ್‌-4ಮೀ ಸೆಡಾನ್‌ನ ಎಂಟ್ರಿ-ಲೆವೆಲ್‌ ನಲ್ಲೇ ಹಲವು ಸೌಕರ್ಯಗಳು ಒಳಗೊಂಡಿದೆ. 2024ರ ಏಪ್ರಿಲ್‌ನಲ್ಲಿ ಇದು ಉತ್ತಮ ಡಿಸ್ಕೌಂಟ್‌ನೊಂದಿಗೆ ಲಭ್ಯವಿದೆ.

ಇದನ್ನೂ ಪರಿಶೀಲಿಸಿ: ವೀಕ್ಷಿಸಿ: ಬೇಸಿಗೆಯಲ್ಲಿ ಯಾಕೆ ನಿಮ್ಮ ಕಾರಿನ ಚಕ್ರದಲ್ಲಿ ಸರಿಯಾದ  ಗಾಳಿಯನ್ನು ಹೊಂದಿರಬೇಕು

 ಇನ್ನಷ್ಟು ಓದಿ : ಮಾರುತಿ ಸ್ವಿಫ್ಟ್ ಡಿಜೈರ್ ಆನ್‌ರೋಡ್‌ ಬೆಲೆ