ಮಾರುತಿ ಇವಿಎಕ್ಸ್ ಜಾಗತಿಕವಾಗಿ Suzuki e Vitara ಎಂದು ಅನಾವರಣ, ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆ

ಸುಜುಕಿ ಇ ವಿಟಾರಾವು 49 ಕಿ.ವ್ಯಾಟ್‌ ಮತ್ತು 61 ಕಿ.ವ್ಯಾಟ್‌ ಎಂಬ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಬರುತ್ತದೆ, 550 ಕಿ.ಮೀ.ವರೆಗೆ ರೇಂಜ್‌ ಅನ್ನು ನೀಡಬಹುದು

• ಸುಜುಕಿ ಇ ವಿಟಾರಾವು ಮಾರುತಿಯ ಮೊದಲ ಆಲ್-ಎಲೆಕ್ಟ್ರಿಕ್ ಕೊಡುಗೆಯಾಗಿದೆ.

• ನಯವಾದ ಲೈಟಿಂಗ್‌ ಅಂಶಗಳು ಮತ್ತು ಕಪ್ಪು ಬಣ್ಣದ ಚಕ್ರಗಳೊಂದಿಗೆ ರಗಡ್‌ ಆದ ಬಾಹ್ಯ ವಿನ್ಯಾಸವನ್ನು ಹೊಂದಿದೆ.

• ಇದು ಫ್ಲೋಟಿಂಗ್ ಇಂಟಿಗ್ರೇಟೆಡ್ ಸ್ಕ್ರೀನ್ ಸೆಟಪ್‌ನೊಂದಿಗೆ ಡ್ಯುಯಲ್-ಟೋನ್ ಡ್ಯಾಶ್‌ಬೋರ್ಡ್ ಅನ್ನು ಪಡೆಯುತ್ತದೆ.

• 2-ವೀಲ್-ಡ್ರೈವ್ (2WD) ಮತ್ತು ಆಲ್‌-ವೀಲ್‌-ಡ್ರೈವ್‌ ಎರಡೂ ಆವೃತ್ತಿಗಳಲ್ಲಿ ಲಭ್ಯವಿದೆ.

• 2025ರಲ್ಲಿ ಭಾರತದಲ್ಲಿ ಮಾರಾಟಕ್ಕೆ ಸಿದ್ಧವಾಗಿದೆ.

• 22 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ಬೆಲೆಯನ್ನು ನಿರೀಕ್ಷಿಸಲಾಗಿದೆ.

ಮಾರುತಿ eVX ಪರಿಕಲ್ಪನೆಯನ್ನು ಅನಾವರಣಗೊಳಿಸಿದ ನಂತರ, ಸುಜುಕಿ ಇತ್ತೀಚೆಗೆ ಇಟಲಿಯ ಮಿಲನ್‌ನಲ್ಲಿ ಇ ವಿಟಾರಾ ಎಂಬ ತನ್ನ ಪ್ರೊಡಕ್ಷನ್-ಸ್ಪೆಕ್ ಆವೃತ್ತಿಯನ್ನು ಬಹಿರಂಗಪಡಿಸಿತು. ಆಲ್-ಎಲೆಕ್ಟ್ರಿಕ್ ಎಸ್‌ಯುವಿಯನ್ನು 2025 ರಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡಲು ಸಿದ್ಧವಾಗಿದೆ ಮತ್ತು ಈ EV ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಎಲ್ಲವೂ ಇಲ್ಲಿದೆ, ಹಾಗೆಯೇ ಇದು ನಮ್ಮ ಮಾರುಕಟ್ಟೆಗೆ ಮಾರುತಿ ಸುಜುಕಿಯಿಂದ ಬರುವ ಮೊದಲ EV ಆಗಿರುತ್ತದೆ.

ವಿನ್ಯಾಸ ಮತ್ತು ಆಯಾಮಗಳು

ವಿನ್ಯಾಸದ ವಿಷಯದಲ್ಲಿ ಸುಜುಕಿ ಇ ವಿಟಾರಾವು eVX ಪರಿಕಲ್ಪನೆಯನ್ನು ಹೋಲುತ್ತದೆ. ಇದು ನಯವಾದ ಎಲ್‌ಇಡಿ ಹೆಡ್‌ಲೈಟ್‌ಗಳು ಮತ್ತು Y-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಹೊಂದಿದೆ, ಜೊತೆಗೆ ದಪ್ಪನಾದ ಬಂಪರ್ ಜೊತೆಗೆ ಫಾಗ್‌ ಲೈಟ್‌ಗಳನ್ನು ಸಂಯೋಜಿಸುತ್ತದೆ. ಸೈಡ್‌ನಿಂದ ಗಮನಿಸುವಾಗ, ದಪ್ಪದಾದ ಬಾಡಿ ಕ್ಲಾಡಿಂಗ್ ಮತ್ತು 19-ಇಂಚಿನ ಸಂಪೂರ್ಣ ಕಪ್ಪಾದ ಅಲಾಯ್‌ ವೀಲ್‌ಗಳಿಂದಾಗಿ (AWD ಆವೃತ್ತಿಗೆ ಸೀಮಿತವಾಗಿದೆ) ಇ ವಿಟಾರಾವು ರಗಡ್‌ ಆಗಿ ಕಾಣುತ್ತದೆ. ಹಿಂಭಾಗದ ಡೋರ್‌ನ ಹ್ಯಾಂಡಲ್‌ಗಳು ಸಿ-ಪಿಲ್ಲರ್‌ನಲ್ಲಿ ಇರಿಸಲ್ಪಟ್ಟಿವೆ.

ಅದರ ಪರಿಕಲ್ಪನೆಯ ಆವೃತ್ತಿಯಲ್ಲಿ ನಾವು ನೋಡಿದಂತೆಯೇ, ಹಿಂಭಾಗದಲ್ಲಿ e ವಿಟಾರಾವು ಕನೆಕ್ಟೆಡ್‌ ಎಲ್‌ಇಡಿ ಟೈಲ್ ಲೈಟ್‌ಗಳನ್ನು ಪಡೆಯುತ್ತದೆ ಮತ್ತು 3-ಪೀಸ್ ಲೈಟಿಂಗ್ ಅಂಶಗಳನ್ನು ಹೊಂದಿದೆ. ಇ ವಿಟಾರಾವು ನಾಲ್ಕು ಮೀಟರ್ ಉದ್ದವನ್ನು ಹೊಂದಿದ್ದು ಮತ್ತು 180 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ನೀಡುತ್ತದೆ.

ಇದನ್ನೂ ಗಮನಿಸಿ: 2025ರ Honda City ಫೇಸ್‌ಲಿಫ್ಟ್ ಜಾಗತಿಕವಾಗಿ ಅನಾವರಣ: ಭಾರತೀಯ ಮೊಡೆಲ್‌ಗಿಂತ ಇದು ಭಿನ್ನವಾಗಿದೆಯೇ ?

ಲಕ್ಷುರಿಯಾದ ಇಂಟೀರಿಯರ್‌

ಇ ವಿಟಾರಾ ಎರಡು-ಟೋನ್ ಕಪ್ಪು ಮತ್ತು ಕಿತ್ತಳೆ ಕ್ಯಾಬಿನ್ ಥೀಮ್ ಅನ್ನು 2-ಸ್ಪೋಕ್ ಫ್ಲಾಟ್ ಬಾಟಮ್ ಸ್ಟೀರಿಂಗ್ ವೀಲ್ ಮತ್ತು ಕ್ರೋಮ್‌ನಿಂದ ಸುತ್ತುವರಿದ ಲಂಬವಾಗಿ ಆಧಾರಿತ ಎಸಿ ವೆಂಟ್‌ಗಳನ್ನು ಹೊಂದಿದೆ. ಕ್ಯಾಬಿನ್‌ನ ಒಳಗಿನ ಪ್ರಮುಖ ಹೈಲೈಟ್ಸ್‌ಗಳಲ್ಲಿ ಒಂದು ಅದರ ಸಂಯೋಜಿತ ಫ್ಲೋಟಿಂಗ್ ಸ್ಕ್ರೀನ್ ಸೆಟಪ್ ಆಗಿದೆ (ಒಂದು ಇನ್ಫೋಟೈನ್‌ಮೆಂಟ್‌ಗಾಗಿ ಮತ್ತು ಇನ್ನೊಂದು ಡ್ರೈವರ್‌ನ ಡಿಸ್‌ಪ್ಲೇಗಾಗಿ).

ಇ ವಿಟಾರಾನ ವಿವರವಾದ ಫೀಚರ್‌ಗಳ ಪಟ್ಟಿಯನ್ನು ಸುಜುಕಿ ಇನ್ನೂ ಬಹಿರಂಗಪಡಿಸಿಲ್ಲ. ಆದರೆ, ಇದು ಆಟೋಮ್ಯಾಟಿಕ್‌ ಎಸಿ, ವೆಂಟಿಲೇಟೆಡ್ ಮುಂಭಾಗದ ಸೀಟುಗಳು ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್‌ನಂತಹ ಸೌಕರ್ಯಗಳನ್ನು ಪಡೆಯುವ ನಿರೀಕ್ಷೆಯಿದೆ. ಇದರ ಸುರಕ್ಷತಾ ಕಿಟ್ 6 ಏರ್‌ಬ್ಯಾಗ್‌ಗಳನ್ನು (ಸ್ಟ್ಯಾಂಡರ್ಡ್‌ನಂತೆ), 360-ಡಿಗ್ರಿ ಕ್ಯಾಮೆರಾ ಮತ್ತು ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಅನ್ನು ಒಳಗೊಂಡಿರಬಹುದು.

ಬ್ಯಾಟರಿ ಪ್ಯಾಕ್ ಆಯ್ಕೆಗಳು

ಯುರೋಪಿಯನ್-ಸ್ಪೆಕ್ ಇ ವಿಟಾರಾವು 49 ಕಿ.ವ್ಯಾಟ್‌ ಮತ್ತು 61 ಕಿ.ವ್ಯಾಟ್‌ ಎಂಬ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಬರುತ್ತದೆ. ಅವುಗಳ ವಿವರವಾದ ವಿಶೇಷಣಗಳು ಈ ಕೆಳಗಿನಂತಿವೆ:

ಸುಜುಕಿಯು ಇ ವಿಟಾರಾಕ್ಕಾಗಿ ಕ್ಲೈಮ್ ಮಾಡಲಾದ ರೇಂಜ್‌ಅನ್ನು ಇನ್ನೂ ಬಹಿರಂಗಪಡಿಸಿಲ್ಲ, ಆದರೆ ಇದು 550 ಕಿಮೀ ವರೆಗೆ ಇರಬಹುದೆಂದು ನಾವು ನಿರೀಕ್ಷಿಸುತ್ತೇವೆ.

ಭಾರತದಲ್ಲಿನ ನಿರೀಕ್ಷಿತ ಬಿಡುಗಡೆ ಮತ್ತು ಬೆಲೆ

 ಮಾರುತಿ ಸುಜುಕಿಯು ಇ ವಿಟಾರಾವನ್ನು 2025 ರ ಆರಂಭದಲ್ಲಿ ನಮ್ಮ ಮಾರುಕಟ್ಟೆಗೆ ತರುವ ನಿರೀಕ್ಷೆಯಿದೆ. ಇದರ ಬೆಲೆ 22 ಲಕ್ಷ ರೂಪಾಯಿಗಳಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದೆಂದು ನಿರೀಕ್ಷಿಸಲಾಗಿದೆ. ಇ ವಿಟಾರಾವು ಎಮ್‌ಜಿ ಜೆಡ್‌ಎಸ್‌ ಇವಿ, ಟಾಟಾ ಕರ್ವ್‌ ಇವಿ ಮತ್ತು ಮುಂಬರುವ ಹ್ಯುಂಡೈ ಕ್ರೆಟಾ ಇವಿಯಂತಹವುಗಳನ್ನು ಎದುರಿಸಲಿದೆ.

ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ