ಭಾರತದಲ್ಲಿ ಪರೀಕ್ಷೆಯ ವೇಳೆ MG Cloud EV ಪ್ರತ್ಯಕ್ಷ, 2024ರ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆ ಸಾಧ್ಯತೆ

ಎಮ್‌ಜಿ ಇವಿಯು 460 ಕಿ.ಮೀ.ವರೆಗಿನ ರೇಂಜ್‌ ಅನ್ನು ಹೊಂದಿದೆ ಮತ್ತು ಇದು ಟಾಟಾ ನೆಕ್ಸಾನ್ ಇವಿಗಿಂತ ಒಂದು ಹಂತ  ಮೇಲಿರುವ ನಿರೀಕ್ಷೆಯಿದೆ

• ಎಮ್‌ಜಿಯ ಇಂಡಿಯಾ ಕಾರುಗಳ ಪಟ್ಟಿಯಲ್ಲಿ, ಇದನ್ನು ಕಾಮೆಟ್ ಇವಿ ಮತ್ತು ಜೆಡ್‌ಎಸ್‌ ಇವಿಯ ನಡುವೆ ಇರಿಸಲಾಗುತ್ತದೆ.
• ಅಂತಾರಾಷ್ಟ್ರೀಯವಾಗಿ, ಇದು 50.6 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಅನ್ನು ಪಡೆಯುತ್ತದೆ ಮತ್ತು ಫ್ರಂಟ್-ವೀಲ್-ಡ್ರೈವ್ ಸೆಟಪ್‌ನೊಂದಿಗೆ ಬರುತ್ತದೆ.
• ಫೀಚರ್‌ಗಳು ಫ್ರೀ-ಫ್ಲೋಟಿಂಗ್‌ 15.6-ಇಂಚಿನ ಟಚ್‌ಸ್ಕ್ರೀನ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು 6-ವೇ ಚಾಲಿತ ಡ್ರೈವರ್ ಸೀಟ್ ಅನ್ನು ಒಳಗೊಂಡಿವೆ.
• 4 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ADAS ವೈಶಿಷ್ಟ್ಯಗಳನ್ನು ಪಡೆಯುತ್ತದೆ.
• ಇದರ ಬೆಲೆಗಳು 20 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ನಿರೀಕ್ಷಿಸಲಾಗಿದೆ.

ಎಮ್‌ಜಿ ಕ್ಲೌಡ್ ಇವಿಯನ್ನು ಇತ್ತೀಚೆಗೆ ಭಾರತದಲ್ಲಿ ರಹಸ್ಯವಾಗಿ ಪರೀಕ್ಷೆ ನಡೆಸಲಾಗಿದೆ ಮತ್ತು ಇದು ಮುಂಬರುವ ತಿಂಗಳುಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಪರೀಕ್ಷಾ ಕಾರು ಹೆಚ್ಚಿನ ವಿವರಗಳನ್ನು ನೀಡದಿದ್ದರೂ, ಈ ಕ್ರಾಸ್ಒವರ್ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ವುಲಿಂಗ್ ಕ್ಲೌಡ್ ಇವಿ ಹೆಸರಿನಲ್ಲಿ ಲಭ್ಯವಿದೆ ಮತ್ತು ಭಾರತ-ಸ್ಪೆಕ್ ಮೊಡೆಲ್‌ನ ವಿವರಗಳು ಜಾಗತಿಕ ಆವೃತ್ತಿಯಂತೆಯೇ ಇರಬಹುದೆಂದು ನಿರೀಕ್ಷಿಸಲಾಗಿದೆ. ಮುಂಬರುವ ಈ ಎಲೆಕ್ಟ್ರಿಕ್ ವಾಹನದ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಎಲ್ಲವೂ ಇಲ್ಲಿದೆ.

ಡಿಸೈನ್‌

ಜಾಗತಿಕವಾಗಿ ಲಭ್ಯವಿರುವ ಆವೃತ್ತಿಯು ಮುಂಭಾಗದಲ್ಲಿ ಬಹುತೇಕ ದುಂಡಾದ ಅಂಶಗಳೊಂದಿಗೆ ಮೃದುವಾದ ಹರಿಯುವ ವಿನ್ಯಾಸವನ್ನು ಪಡೆಯುತ್ತದೆ. ಮುಂಭಾಗದ ಅಗಲವಾದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಹೊಂದಿದ್ದು, ಹೆಡ್‌ಲ್ಯಾಂಪ್‌ಗಳನ್ನು ಪ್ರತ್ಯೇಕ ಹೌಸಿಂಗ್‌ನಲ್ಲಿ ಕೆಳಗೆ ಇರಿಸಲಾಗಿದೆ.

ಬದಿಯು ಯಾವುದೇ ಕರ್ವ್‌ಗಳು ಅಥವಾ ಕ್ರೀಸ್‌ಗಳಿಲ್ಲದ ಫ್ಲಾಟ್ ಲುಕ್ ಅನ್ನು ಹೊಂದಿದೆ ಮತ್ತು ಇದು ಬೆಳ್ಳಿಯ ಏರೋಡೈನಾಮಿಕಲಿ ವಿನ್ಯಾಸಗೊಳಿಸಲಾದ 18-ಇಂಚಿನ ಅಲಾಯ್‌ ವೀಲ್‌ಗಳೊಂದಿಗೆ ಫ್ಲಶ್ ಡೋರ್ ಹ್ಯಾಂಡಲ್‌ಗಳನ್ನು ಪಡೆಯುತ್ತದೆ. ಹಿಂಭಾಗದ ತುದಿಯು ಕನೆಕ್ಟೆಡ್‌  ಎಲ್‌ಇಡಿ ಟೈಲ್ ಲೈಟ್‌ಗಳೊಂದಿಗೆ ಸ್ಪಷ್ಟವಾದ ಮತ್ತು ಸರಳ ನೋಟವನ್ನು ಹೊಂದಿದೆ.

ಒಳಭಾಗದಲ್ಲಿ, ಇದು ಕನಿಷ್ಠ ಕ್ಯಾಬಿನ್ ಅನ್ನು ಹೊಂದಿದೆ, ಅಲ್ಲಿ ಅತ್ಯಂತ ಗಮನಾರ್ಹವಾದ ವಿಷಯವೆಂದರೆ ದೊಡ್ಡ ಟಚ್‌ಸ್ಕ್ರೀನ್. ಡ್ಯಾಶ್‌ಬೋರ್ಡ್ ಮರದ ಮತ್ತು ಕಂಚಿನ ಅಂಶಗಳನ್ನು ಒಳಗೊಂಡಂತೆ ವಿವಿಧ ಮೆಟಿರಿಯಲ್‌ಗಳ ಬಹು ಪದರಗಳನ್ನು ಹೊಂದಿದೆ. ಒಟ್ಟಾರೆ ಕ್ಯಾಬಿನ್ ಕಪ್ಪು ಬಣ್ಣದ ಲೆಥೆರೆಟ್ ಅಪ್ಹೋಲ್ಸ್‌ಟೆರಿಯೊಂದಿಗೆ ಡಾರ್ಕ್ ಥೀಮ್ ಅನ್ನು ಹೊಂದಿದೆ, ಇದು ಕಾಂಟ್ರಾಸ್ಟ್ ಕಂಚಿನ ಹೊಲಿಗೆಯನ್ನು ಹೊಂದಿದೆ.

ಬ್ಯಾಟರಿ ಪ್ಯಾಕ್‌ & ರೇಂಜ್‌

ಇಂಡೋನೇಷಿಯನ್ ಮಾರುಕಟ್ಟೆಯಲ್ಲಿ, ಕ್ಲೌಡ್ ಇವಿ 50.6 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಲಭ್ಯವಿದೆ, ಇದು ಫ್ರಂಟ್-ವೀಲ್-ಡ್ರೈವ್ ಸೆಟಪ್‌ನಲ್ಲಿ ಒಂದೇ ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ ಜೋಡಿಯಾಗಿದೆ. ಎಲೆಕ್ಟ್ರಿಕ್ ಮೋಟಾರ್ 136 ಪಿಎಸ್‌ ಮತ್ತು 200 ಎನ್‌ಎಮ್‌ ಮಾಡುತ್ತದೆ, ಮತ್ತು ಇವಿ 460 ಕಿಮೀ ವ್ಯಾಪ್ತಿಯ CLTC (ಚೀನಾ ಲೈಟ್ ಡ್ಯೂಟಿ ವೆಹಿಕಲ್ ಟೆಸ್ಟ್ ಸೈಕಲ್) ಅನ್ನು ಹೊಂದಿದೆ.

ಇದನ್ನೂ ಓದಿ: MG Comet EV ಮತ್ತು MG ZS EV ಬೆಲೆಗಳಲ್ಲಿ ಹೆಚ್ಚಳ, ಈಗ 25,000 ರೂ.ವರೆಗೆ ದುಬಾರಿ..!

ಆದರೆ, ಭಾರತೀಯ ಆವೃತ್ತಿಯು ವಿಭಿನ್ನ ರೇಂಜ್‌ಅನ್ನು ಹೊಂದಿರಬಹುದು ಏಕೆಂದರೆ ಇದನ್ನು ARAI ಮಾನದಂಡಗಳ ಪ್ರಕಾರ ಪರೀಕ್ಷಿಸಲಾಗುತ್ತದೆ.  

ಚಾರ್ಜಿಂಗ್ ಆಯ್ಕೆಗಳಿಗಾಗಿ, ಇದು ಡಿಸಿ ಫಾಸ್ಟ್‌  ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ, ಇದು ಸುಮಾರು 30 ನಿಮಿಷಗಳಲ್ಲಿ ಅದರ ಬ್ಯಾಟರಿ ಪ್ಯಾಕ್ ಅನ್ನು 30 ರಿಂದ 100 ಪ್ರತಿಶತದವರೆಗೆ ಹೆಚ್ಚಿಸಬಹುದು. ಮತ್ತು ಹೋಮ್ ಎಸಿ ಚಾರ್ಜರ್ ಅನ್ನು ಬಳಸುವುದರಿಂದ, ಬ್ಯಾಟರಿ ಪ್ಯಾಕ್ ಅನ್ನು ಸುಮಾರು 7 ಗಂಟೆಗಳಲ್ಲಿ 20 ರಿಂದ 100 ಪ್ರತಿಶತದವರೆಗೆ ರಿ-ಚಾರ್ಜ್‌ ಮಾಡಬಹುದು.

ಫೀಚರ್‌ಗಳು ಮತ್ತು ಸುರಕ್ಷತೆ

ಇದು 15.6-ಇಂಚಿನ ಫ್ರೀ-ಫ್ಲೋಟಿಂಗ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 8.8-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, 6-ವೇ ಚಾಲಿತ ಡ್ರೈವರ್ ಸೀಟ್, ಹಿಂಭಾಗದ ಎಸಿ ವೆಂಟ್‌ಗಳೊಂದಿಗೆ ಆಟೋಮ್ಯಾಟಿಕ್‌ ಕ್ಲೈಮೇಟ್ ಕಂಟ್ರೋಲ್ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್ ಅನ್ನು ಹೊಂದಿದೆ.

ಇದನ್ನೂ ಓದಿ: MG Gloster Desertstorm ಎಡಿಷನ್‌ನ 7 ಶೋರೂಮ್ ಚಿತ್ರಗಳಲ್ಲಿ ಸಂಪೂರ್ಣ ಚಿತ್ರಣ

ಸುರಕ್ಷತೆಯ ದೃಷ್ಟಿಯಿಂದ, ಇದು 4 ಏರ್‌ಬ್ಯಾಗ್‌ಗಳು, ಇಬಿಡಿ ಜೊತೆಗೆ ಎಬಿಎಸ್‌, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಹಿಲ್ ಹೋಲ್ಡ್ ಅಸಿಸ್ಟ್, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, 360-ಡಿಗ್ರಿ ಕ್ಯಾಮೆರಾ ಮತ್ತು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಯ ( ADAS) ಫೀಚರ್‌ಗಳಾದ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ನಿರ್ಗಮನ ಎಚ್ಚರಿಕೆ ಮತ್ತು ಆಟೋನೊಮಸ್ ಎಮರ್ಜೆನ್ಸಿ ಬ್ರೇಕಿಂಗ್‌ನಂತಹ ವೈಶಿಷ್ಟ್ಯಗಳು  ಪಡೆಯುತ್ತದೆ. ಇಂಡಿಯಾ-ಸ್ಪೆಕ್ ಮಾಡೆಲ್, ಮುಂಬರುವ ಸುರಕ್ಷತಾ ಆದೇಶಕ್ಕೆ ಅನುಗುಣವಾಗಿ ಅದನ್ನು ತರಲು 4 ಬದಲಿಗೆ 6 ಏರ್‌ಬ್ಯಾಗ್‌ಗಳನ್ನು ಪಡೆಯಬಹುದು.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಎಮ್‌ಜಿ ಕ್ಲೌಡ್ ಇವಿಯ ಬೆಲೆಗಳು ಸುಮಾರು 20 ಲಕ್ಷ ರೂ.ನಿಂದ(ಎಕ್ಸ್-ಶೋರೂಮ್) ಪ್ರಾರಂಭವಾಗಬಹುದೆಂದು ನಿರೀಕ್ಷಿಸಲಾಗಿದೆ ಮತ್ತು ಇದು ಟಾಟಾ ನೆಕ್ಸಾನ್ ಇವಿ ಮತ್ತು ಮಹೀಂದ್ರಾ ಎಕ್ಸ್‌ಯುವಿ400ಗೆ ಪ್ರೀಮಿಯಂ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತದೆ, ಹಾಗೆಯೇ ಇದು ಎಮ್‌ಜಿ ಜೆಡ್‌ಎಸ್‌ ಇವಿಗೆ ಕೈಗೆಟುಕುವ ಪರ್ಯಾಯವಾಗಿದೆ.

ಹೆಚ್ಚಿನ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡುವುದನ್ನು ಮಿಸ್‌ ಮಾಡ್ಬೇಡಿ