ಹೊಸ ಪ್ಲಗ್-ಇನ್ ಹೈಬ್ರಿಡ್ ಪವರ್‌ಟ್ರೇನ್‌ನೊಂದಿಗೆ ಹೊಸ BMW X3 ಜಾಗತಿಕವಾಗಿ ಅನಾವರಣ
published on ಜೂನ್ 26, 2024 08:49 pm by dipan for ಬಿಎಂಡವೋ ಎಕ್ಸ3 2025
- 86 Views
- ಕಾಮೆಂಟ್‌ ಅನ್ನು ಬರೆಯಿರಿ
ಹೊಸ X3ನ ಡೀಸೆಲ್ ಮತ್ತು ಪೆಟ್ರೋಲ್-ಚಾಲಿತ ಆವೃತ್ತಿಗಳು ಸಹ 48V ಮೈಲ್ಡ್-ಹೈಬ್ರಿಡ್ ಸಿಸ್ಟಮ್‌ಅನ್ನು ಪಡೆಯುತ್ತವೆ.
- ಎಕ್ಸ್3 ಮೊಡೆಲ್‌ಗಳ ಪಟ್ಟಿಯು ಮೊದಲ ಬಾರಿಗೆ ಪ್ಲಗ್-ಇನ್ ಹೈಬ್ರಿಡ್ ಆವೃತ್ತಿಯನ್ನು ಪಡೆಯುತ್ತದೆ.
- ಹೊಸ ಎಕ್ಸ್3 ಮರುವಿನ್ಯಾಸಗೊಳಿಸಲಾದ ಮುಂಭಾಗದ ಗ್ರಿಲ್ ಮತ್ತು ತೀಕ್ಷ್ಣವಾದ ಲೈಟಿಂಗ್ ಸೆಟಪ್ ಅನ್ನು ಒಳಗೊಂಡಿದೆ.
- ಒಳಭಾಗದಲ್ಲಿ, ಇದು ಫ್ಲಾಟ್-ಬಾಟಮ್ ಸ್ಟೀರಿಂಗ್ ವೀಲ್ ಮತ್ತು ಡ್ಯುಯಲ್ ಕರ್ವ್ಡ್ ಸ್ಕ್ರೀನ್‌ಗಳನ್ನು ಪಡೆಯುತ್ತದೆ.
- ಫೀಚರ್‌ಗಳನ್ನು ಗಮನಿಸುವಾಗ, ಇದು 14.9-ಇಂಚಿನ ಟಚ್‌ಸ್ಕ್ರೀನ್, 3-ಝೋನ್‌ಎಸಿ ಮತ್ತು ADAS ಅನ್ನು ಪಡೆಯುತ್ತದೆ.
- ಬಿಎಮ್‌ಡಬ್ಲ್ಯೂ 2025 ರಲ್ಲಿ ಎಕ್ಸ್3 ಲೈನ್‌ಅಪ್‌ಗೆ ಹೆಚ್ಚು ಪ್ರಬಲವಾದ ಇನ್‌ಲೈನ್-ಆರು ಡೀಸೆಲ್ ಎಂಜಿನ್ ಅನ್ನು ಪರಿಚಯಿಸಲಿದೆ.
- ನಾಲ್ಕನೇ ತಲೆಮಾರಿನ ಬಿಎಮ್‌ಡಬ್ಲ್ಯೂ ಎಕ್ಸ್3 2024 ರ ಕೊನೆಯಲ್ಲಿ ಅಥವಾ 2025 ರ ಆರಂಭದಲ್ಲಿ ಭಾರತಕ್ಕೆ ಬರುವ ನಿರೀಕ್ಷೆಯಿದೆ.
- ಬೆಲೆಗಳು 70 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಬಹುದು.
ಬಿಎಮ್‌ಡಬ್ಲ್ಯೂ ಎಕ್ಸ್3ಯು 2023 ರಲ್ಲಿ ಬ್ರ್ಯಾಂಡ್‌ನ ಹೆಚ್ಚು ಮಾರಾಟವಾದ ಕಾರು ಆಗಿದ್ದು, ಇದೀಗ ಜಾಗತಿಕವಾಗಿ ಅದರ ನಾಲ್ಕನೇ ತಲೆಮಾರಿನ ಆವೃತ್ತಿಯು ಅನಾವರಣಗೊಂಡಿದೆ. ಇದು ವ್ಯಾಪಕವಾದ ವಿನ್ಯಾಸ ಬದಲಾವಣೆಗಳಿಗೆ ಒಳಗಾಗಿದ್ದರೂ, ಹೊಸ 30e xಡ್ರೈವ್ ಟ್ರಿಮ್ ಪ್ಲಗ್-ಇನ್ ಹೈಬ್ರಿಡ್ ಪವರ್‌ಟ್ರೇನ್ ಆಯ್ಕೆಯನ್ನು ಸೇರಿಸುತ್ತದೆ. ಡೀಸೆಲ್-ಚಾಲಿತ 20ಡಿ ಎಕ್ಸ್‌ಡ್ರೈವ್‌, ಮತ್ತು ಪೆಟ್ರೋಲ್ ಚಾಲಿತ 20 ಎಕ್ಸ್‌ಡ್ರೈವ್‌ ಮತ್ತು ಎಮ್50 ಎಕ್ಸ್‌ಡ್ರೈವ್‌ ಟ್ರಿಮ್‌ಗಳು ಈಗ 48ವಿ ಮೈಲ್ಡ್-ಹೈಬ್ರಿಡ್ ಪವರ್‌ಟ್ರೇನ್ ಅನ್ನು ಒಳಗೊಂಡಿವೆ. 2024ರ ಬಿಎಮ್‌ಡಬ್ಲ್ಯೂ ಎಕ್ಸ್3 ಎಸ್‌ಯುವಿಯನ್ನು ನಾವು ಹತ್ತಿರದಿಂದ ನೋಡೋಣ:
ಎಕ್ಸ್‌ಟಿರೀಯರ್
ವಿನ್ಯಾಸವನ್ನು ಗಮನಿಸುವಾಗ, 2024ರ ಬಿಎಮ್‌ಡಬ್ಲ್ಯೂ ಎಕ್ಸ್3ಯು ಪುನರ್‌ರಚಿಸಿದ ಕಿಡ್ನಿ ಗ್ರಿಲ್ ಅನ್ನು ಆಯ್ಕೆ ಮಾಡಿದ ಆವೃತ್ತಿಯ ಆಧಾರದ ಮೇಲೆ ವಿವಿಧ ಇನ್ಸರ್ಟ್‌ಗಳನ್ನು ಹೊಂದಿದೆ. ಬಿಎಮ್‌ಡಬ್ಲ್ಯೂ ಗ್ರಾಹಕರಿಗೆ ಒಪ್ಶನಲ್‌ ಪ್ರಕಾಶಿತ ಗ್ರಿಲ್ ಅನ್ನು ಸಹ ನೀಡುತ್ತದೆ (ಎಮ್50 ಎಕ್ಸ್‌ಡ್ರೈವ್‌ ಟ್ರಿಮ್‌ನಲ್ಲಿ ಸ್ಟ್ಯಾಂಡರ್ಡ್‌ ಆಗಿ). ಸ್ವೆಪ್ಟ್-ಬ್ಯಾಕ್ ಅಡಾಪ್ಟಿವ್ ಮ್ಯಾಟ್ರಿಕ್ಸ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು (ಕಾರ್ನರ್ ಮಾಡುವ ಫಂಕ್ಷನ್‌ನೊಂದಿಗೆ) ಸಹ ಮರುವಿನ್ಯಾಸಗೊಳಿಸಲಾಗಿದೆ, ಹೊಸ ಎಲ್-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳು ಟರ್ನ್‌ ಇಂಡಿಕೇಟರ್‌ಗಳಾಗಿಯೂ ಕಾರ್ಯನಿರ್ವಹಿಸುತ್ತವೆ.
ಬದಿಯಿಂದ ಗಮನಿಸುವಾಗ, ವೀಲ್ ಆರ್ಚ್‌ಗಳು ಈಗ ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆದಿವೆ, ಆದರೆ ಅಲಾಯ್ ಚಕ್ರಗಳು 18 ರಿಂದ 21-ಇಂಚಿನವರೆಗೆ ರೇಂಜ್‌ ಇದ್ದು, ಆಯ್ಕೆ ಮಾಡಲಾದ ಆವೃತ್ತಿಯನ್ನು ಅವಲಂಬಿಸಿರುತ್ತವೆ.
ಹಿಂಭಾಗವು ಹೊಸ ಬಿಎಮ್‌ಡಬ್ಲ್ಯೂ ಎಕ್ಸ್‌ಎಮ್‌ ಎಸ್‌ಯುವಿಯೊಂದಿಗೆ ಹೆಚ್ಚಿನ ಹೋಲಿಕೆಯನ್ನು ಹೊಂದಿದೆ, Y- ಆಕಾರದ ಎಲ್‌ಇಡಿ ಟೈಲ್ ಲೈಟ್‌ಗಳಿಗೆ ಇಲ್ಲಿ ಧನ್ಯವಾದ ಹೇಳಲೇಬೇಕು. ಎಮ್50 ಎಕ್ಸ್‌ಡ್ರೈವ್‌ ಆವೃತ್ತಿಯಲ್ಲಿ, ನಾಲ್ಕನೇ-ಜನ್ ಎಕ್ಸ್3ಯು ಟ್ವಿನ್ ಎಕ್ಸಾಸ್ಟ್ ಟಿಪ್ಸ್ ಅನ್ನು ಒಳಗೊಂಡಿದೆ.
ಹೊಸ-ಜನರೇಶನ್‌ನ ಬಿಎಮ್‌ಡಬ್ಲ್ಯೂ ಎಕ್ಸ್3ಯ ಪರಿಷ್ಕೃತ ಆಯಾಮಗಳು ಈ ಕೆಳಗಿನಂತಿವೆ:
| ಗಾತ್ರಗಳು |
ಹಳೆಯ ಬಿಎಮ್‌ಡಬ್ಲ್ಯೂ ಎಕ್ಸ್3 |
ಹಳೆಯ ಬಿಎಮ್‌ಡಬ್ಲ್ಯೂ ಎಕ್ಸ್3 |
ವ್ಯತ್ಯಾಸ |
| ಉದ್ದ |
4721ಮಿ.ಮೀ |
4755 ಮಿ.ಮೀ |
34 ಮಿ.ಮೀ |
| ಅಗಲ |
1891 ಮಿ.ಮೀ |
1920 ಮಿ.ಮೀ |
29 ಮಿ.ಮೀ |
| ಎತ್ತರ |
1685 ಮಿ.ಮೀ |
1660 ಮಿ.ಮೀ |
25 ಮಿ.ಮೀ |
| ವೀಲ್‌ಬೇಸ್ |
2865 ಮಿ.ಮೀ |
2865 ಮಿ.ಮೀ |
ಯಾವುದೇ ಬದಲಾವಣೆಯಿಲ್ಲ |
ಇಂಟಿರೀಯರ್‌
ಹೊಸ ಬಿಎಮ್‌ಡಬ್ಲ್ಯೂ ಎಕ್ಸ್3ಯು ಫ್ಲಾಟ್-ಬಾಟಮ್ ಸ್ಟೀರಿಂಗ್ ವೀಲ್, ಹೊಸ ಗೇರ್-ಸೆಲೆಕ್ಟರ್ ಲಿವರ್ ಮತ್ತು 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ ಮತ್ತು 14.9-ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಸಿಂಗಲ್‌ ಗ್ಲಾಸ್ ಪೇನ್‌ಗೆ ಸಂಯೋಜಿಸುವ ಬಾಗಿದ ಡಿಸ್ಪ್ಲೇ ಸೆಟಪ್ ಅನ್ನು ಪಡೆಯುತ್ತದೆ. ಡೋರ್ ಪ್ಯಾಡ್‌ಗಳಲ್ಲಿ ಮತ್ತು ಸೆಂಟರ್ ಕನ್ಸೋಲ್‌ನ ಕೆಳಗಿನ ಭಾಗದಲ್ಲಿ ಯು-ಆಕಾರದ ಮಾದರಿಯನ್ನು ರೂಪಿಸುವ ವ್ಯತಿರಿಕ್ತ-ಬಣ್ಣದ ಎಂಬಿಯೆಂಟ್‌ ಲೈಟಿಂಗ್ ಅಂಶಗಳ ಬಳಕೆ ಎದ್ದು ಕಾಣುತ್ತದೆ. ಈ ಲೈಟಿಂಗ್ ಅಂಶಗಳನ್ನು ಡೋರ್ ಪ್ಯಾಡ್‌ಗಳಲ್ಲಿ ಮತ್ತು ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಡಾಕ್‌ನ ಸುತ್ತುವರೆದಿರುವಂತೆ ಕಾಣಬಹುದು.
ವೈಶಿಷ್ಟ್ಯಗಳು ಮತ್ತು ಸುರಕ್ಷತೆ
3-ಝೋನ್‌ ಕ್ಲೈಮೇಟ್‌ ಕಂಟ್ರೋಲ್, ಚಾಲಿತ ಟೈಲ್‌ಗೇಟ್ ಹಾಗು ವೆಲ್‌ಕಮ್ ಮತ್ತು ಗುಡ್‌ಬೈ ಅನಿಮೇಷನ್‌ನೊಂದಿಗೆ ಎಂಬಿಯೆಂಟ್‌ ಲೈಟಿಂಗ್‌ನೊಂದಿಗೆ ಬಿಎಮ್‌ಡಬ್ಲ್ಯೂ ಎಕ್ಸ್3 ನ ವೈಶಿಷ್ಟ್ಯದ ಸೆಟ್ ಅನ್ನು ಅದರ ನಾಲ್ಕನೇ ತಲೆಮಾರಿನಲ್ಲಿ ಸ್ವಲ್ಪ ಸುಧಾರಿಸಲಾಗಿದೆ. ಇದು ಕನೆಕ್ಟೆಡ್‌ ಕಾರ್ ವೈಶಿಷ್ಟ್ಯಗಳನ್ನು ಸಹ ಹೊಂದಿದೆ. ಇದರ ಸೌಕರ್ಯಗಳ ಸೆಟ್‌ನಲ್ಲಿ ಹೆಡ್ಸ್-ಅಪ್ ಡಿಸ್ಪ್ಲೇ, 15-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್, ಮುಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟ್‌ಗಳು ಮತ್ತು ಹಿಂಭಾಗದಲ್ಲಿ ಹೀಟೆಡ್‌ ಸೀಟ್‌ಗಳನ್ನು ಸಹ ಒಳಗೊಂಡಿದೆ. ಗ್ರಾಹಕರು ಫಿಕ್ಸ್‌ ಮಾಡಲಾದ ಪನೋರಮಿಕ್ ಸನ್‌ರೂಫ್ ಮತ್ತು ಹೀಟೆಡ್‌ ಸ್ಟೀರಿಂಗ್ ವೀಲ್ ಅನ್ನು ಸಹ ಆರಿಸಿಕೊಳ್ಳಬಹುದು.
ಸುರಕ್ಷತೆಯ ವಿಷಯದಲ್ಲಿ, ಎಸ್‌ಯುವಿಯು ಬಹು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳೊಂದಿಗೆ (ADAS) ಬರುತ್ತದೆ, ಇದರಲ್ಲಿ ಮುಂಭಾಗದ ಘರ್ಷಣೆ ಎಚ್ಚರಿಕೆ, ಲೇನ್ ಬದಲಾವಣೆ ಎಚ್ಚರಿಕೆ, ಲೇನ್ ನಿರ್ಗಮನ ಎಚ್ಚರಿಕೆ ಮತ್ತು ಪಾರ್ಕ್ ಅಸಿಸ್ಟ್ ಜೊತೆಗೆ ರಿವರ್ಸಿಂಗ್ ಅಸಿಸ್ಟ್ ಅನ್ನು ಸ್ಟ್ಯಾಂಡರ್ಡ್‌ ಆಗಿ ಒಳಗೊಂಡಿದೆ.
ಇಂಜಿನ್ ಮತ್ತು ಗೇರ್‌ಬಾಕ್ಸ್‌
| ವೇರಿಯೆಂಟ್‌ |
20 ಎಕ್ಸ್‌ಡ್ರೈವ್‌ |
20ಡಿ ಎಕ್ಸ್‌ಡ್ರೈವ್‌ |
30ಇ ಎಕ್ಸ್‌ಡ್ರೈವ್‌ ಪ್ಲಗ್-ಇನ್ ಹೈಬ್ರಿಡ್ |
ಎಮ್50 ಎಕ್ಸ್‌ಡ್ರೈವ್‌ |
| ಎಂಜಿನ್ |
ಮೈಲ್ಡ್-ಹೈಬ್ರಿಡ್ 48V ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ 2-ಲೀಟರ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್ |
ಮೈಲ್ಡ್-ಹೈಬ್ರಿಡ್ 48V ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ 2-ಲೀಟರ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್ |
ಪ್ಲಗ್-ಇನ್ ಹೈಬ್ರಿಡ್ ಸಿಸ್ಟಮ್‌ನೊಂದಿಗೆ 2-ಲೀಟರ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್ |
3-ಲೀಟರ್ ಟ್ವಿನ್-ಟರ್ಬೊ 6-ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಜೊತೆಗೆ ಮೈಲ್ಡ್-ಹೈಬ್ರಿಡ್ 48V ಎಲೆಕ್ಟ್ರಿಕ್ ಮೋಟಾರ್ |
| ಪವರ್‌ |
208 ಪಿಎಸ್ |
197 ಪಿಎಸ್ |
299 ಪಿಎಸ್ |
398 ಪಿಎಸ್ |
| ಟಾರ್ಕ್ |
330 ಎನ್‌ಎಮ್‌ |
400 ಎನ್‌ಎಮ್‌ |
450 ಎನ್‌ಎಮ್‌ |
540 ಎನ್‌ಎಮ್‌ |
| ಗೇರ್‌ಬಾಕ್ಸ್‌ |
8-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ |
8-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ |
8-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ |
8-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ |
| 0-100 kmph |
7.8 ಸೆಕೆಂಡ್‌ಗಳು |
7.7 ಸೆಕೆಂಡ್‌ಗಳು |
6.2 ಸೆಕೆಂಡ್‌ಗಳು |
4.6 ಸೆಕೆಂಡ್‌ಗಳು |
| ಟಾಪ್‌ ಸ್ಪೀಡ್ |
215 kmph |
215 kmph |
215 kmph |
250 kmph (ಪರ್ಫಾರ್ಮೆನ್ಸ್‌ ಟೈರ್‌ಗಳೊಂದಿಗೆ) |
30ಇ ಎಕ್ಸ್‌ಡ್ರೈವ್‌ನಲ್ಲಿನ ಪ್ಲಗ್-ಇನ್ ಹೈಬ್ರಿಡ್ ಸಿಸ್ಟಮ್ WLTP-ಕ್ಲೇಮ್ ಮಾಡಿದ ಎಲೆಕ್ಟ್ರಿಕ್-ಮಾತ್ರ 81-90 ಕಿಮೀ ರೇಂಜ್‌ ಅನ್ನು ನೀಡುತ್ತದೆ ಮತ್ತು 11 ಕಿ.ವ್ಯಾ AC ಚಾರ್ಜರ್‌ನಿಂದ ಚಾರ್ಜ್ ಮಾಡಬಹುದು. ಸಂಪೂರ್ಣ ಶ್ರೇಣಿಯು ಆಲ್-ವೀಲ್-ಡ್ರೈವ್ (AWD) ಡ್ರೈವ್ ಟ್ರೈನ್ ಅನ್ನು ಪ್ರಮಾಣಿತವಾಗಿ ಪಡೆಯುತ್ತದೆ. 2025 ರಲ್ಲಿ ಶ್ರೇಣಿಗೆ ಹೆಚ್ಚು ಶಕ್ತಿಯುತವಾದ ಇನ್‌ಲೈನ್-ಸಿಕ್ಸ್ ಡೀಸೆಲ್ ಎಂಜಿನ್ ಅನ್ನು ಪರಿಚಯಿಸುವುದಾಗಿ ಬಿಎಮ್‌ಡಬ್ಲ್ಯೂ ದೃಢಪಡಿಸಿದೆ.
ನಿರೀಕ್ಷಿತ ಬಿಡುಗಡೆ
ನಾಲ್ಕನೇ ತಲೆಮಾರಿನ ಬಿಎಮ್‌ಡಬ್ಲ್ಯೂ ಎಕ್ಸ್3ಯು 2024ರ ಅಂತ್ಯದ ವೇಳೆಗೆ ಅಥವಾ 2025ರ ಆರಂಭದಲ್ಲಿ ಭಾರತಕ್ಕೆ ಆಗಮಿಸುವ ನಿರೀಕ್ಷೆಯಿದೆ. ಇದರ ಬೆಲೆಗಳು 70 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಬಹುದು. ಇದು ಮಾರುಕಟ್ಟೆಯಲ್ಲಿ Mercedes-Benz GLC ಮತ್ತು Audi Q5 ನೊಂದಿಗೆ ಸ್ಪರ್ಧಿಸಲಿದೆ.
ಆಟೋಮೋಟಿವ್ ಪ್ರಪಂಚದ ಕುರಿತು ತ್ವರಿತ ಆಪ್‌ಡೇಟ್‌ಗಳನ್ನು ಬಯಸುವಿರಾ? ದಯವಿಟ್ಟು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ.
ಇನ್ನಷ್ಟು ಓದಿ: ಬಿಎಮ್‌ಡಬ್ಲ್ಯೂ ಎಕ್ಸ್ ಡೀಸೆಲ್
0 out of 0 found this helpful
