ಬಿಡುಗಡೆಗೂ ಮುನ್ನವೇ ಹೊಸ Volkswagen Tiguan R-Line ಸುರಕ್ಷತಾ ಫೀಚರ್‌ಗಳು ಬಹಿರಂಗ

2025ರ ಟಿಗುವಾನ್ ಆರ್-ಲೈನ್ ಅನ್ನು ಏಪ್ರಿಲ್ 14, 2025 ರಂದು ಬಿಡುಗಡೆ ಮಾಡಲಾಗುವುದು ಮತ್ತು ಇದು ಜರ್ಮನ್ ಮೂಲದ ಈ ಕಾರು ತಯಾರಕರಿಂದ ಭಾರತದಲ್ಲಿ ಬಿಡುಗಡೆಯಾಗಲಿರುವ ಮೊದಲ ಆರ್-ಲೈನ್ ಮೊಡೆಲ್‌ ಆಗಿದೆ

• ಬಹಿರಂಗಪಡಿಸಿದ ಸುರಕ್ಷತಾ ಫೀಚರ್‌ಗಳಲ್ಲಿ 9 ಏರ್‌ಬ್ಯಾಗ್‌ಗಳು, TPMS, ಎಲ್ಲಾ ನಾಲ್ಕು ಡಿಸ್ಕ್ ಬ್ರೇಕ್‌ಗಳು ಮತ್ತು ಲೆವೆಲ್-2 ADAS ಸೇರಿವೆ.

• ಈ ಎಎಸ್‌ಯುವಿಯಲ್ಲಿರುವ ಇತರ ಸೌಲಭ್ಯಗಳಲ್ಲಿ 12.9-ಇಂಚಿನ ಟಚ್‌ಸ್ಕ್ರೀನ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಮತ್ತು 3-ಝೋನ್‌ ಆಟೋ ಎಸಿ ಸೇರಿವೆ.

• ಪನೋರಮಿಕ್ ಸನ್‌ರೂಫ್, ಡ್ಯುಯಲ್ ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಹಿಂಭಾಗದ ಸೀಟುಗಳಲ್ಲಿ ಮಸಾಜ್ ಫಂಕ್ಷನ್‌ಅನ್ನು ಸಹ ಅಳವಡಿಸಲಾಗುವುದು.

• 2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಇದು ಹೊರಹೋಗುವ ಮೊಡೆಲ್‌ಗಿಂತ 14 ಪಿಎಸ್‌ ಹೆಚ್ಚು ಉತ್ಪಾದಿಸುತ್ತದೆ.

• ಬೆಲೆಗಳು 55 ಲಕ್ಷ ರೂ.ಗಳಿಂದ ಪ್ರಾರಂಭವಾಗುವ ನಿರೀಕ್ಷೆಯಿದೆ (ಎಕ್ಸ್ ಶೋ ರೂಂ).

ವೋಕ್ಸ್‌ವ್ಯಾಗನ್ ಟಿಗುವಾನ್ ಆರ್-ಲೈನ್‌ನ ಎಂಜಿನ್ ಆಯ್ಕೆ, ಉನ್ನತ ಫೀಚರ್‌ಗಳು ಮತ್ತು ಬಣ್ಣಗಳ ಆಯ್ಕೆಗಳನ್ನು ಇತ್ತೀಚೆಗೆ ಬಹಿರಂಗಪಡಿಸಿದ ನಂತರ, ಜರ್ಮನ್ ಕಾರು ತಯಾರಕರು ಈಗ ಎಸ್‌ಯುವಿಯ ಕೆಲವು ಉನ್ನತ ಸುರಕ್ಷತಾ ಫೀಚರ್‌ಗಳನ್ನು ಬಹಿರಂಗಪಡಿಸಿದ್ದಾರೆ. ಟಿಗುವಾನ್ ಆರ್-ಲೈನ್ ಪಡೆಯುವ ಎಲ್ಲಾ ಪ್ರಮುಖ ಸುರಕ್ಷತಾ ಫೀಚರ್‌ಗಳನ್ನು ನೋಡೋಣ:

ದೃಢೀಕೃತ ಸುರಕ್ಷತಾ ಫೀಚರ್‌ಗಳು

ಮುಂಬರುವ ವೋಕ್ಸ್‌ವ್ಯಾಗನ್‌ನ ದುಬಾರಿ ಬೆಲೆಯ ಎಸ್‌ಯುವಿಯು ಈ ಕೆಳಗಿನ ಸುರಕ್ಷತಾ ಫೀಚರ್‌ಗಳೊಂದಿಗೆ ಬರಲಿದೆ:

• 9 ಏರ್ಬ್ಯಾಗ್ಸ್ 

• 9 ಏರ್‌ಬ್ಯಾಗ್‌ಗಳು

• ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS)

• ಹಿಲ್ ಸ್ಟಾರ್ಟ್ ಅಸಿಸ್ಟ್ ಮತ್ತು ಹಿಲ್ ಡಿಸೆಂಟ್ ಕಂಟ್ರೋಲ್

• ಎಲ್ಲಾ ನಾಲ್ಕು ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್

• ಲೇನ್ ಕೀಪ್ ಅಸಿಸ್ಟ್ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಸೇರಿದ ಫೀಚರ್‌ಗಳೊಂದಿಗೆ ಲೆವೆಲ್-2 ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS)

ಇವುಗಳಷ್ಟೇ ಅಲ್ಲದೆ, ಮುಂಬರುವ ಟಿಗುವಾನ್ ಆರ್-ಲೈನ್ ಹೆಚ್ಚಿನ ಸುರಕ್ಷತಾ ಫೀಚರ್‌ಗಳೊಂದಿಗೆ ಬರಲಿದ್ದು, ಅದರ ವಿವರಗಳನ್ನು ಎಎಸ್‌ಯುವಿ ಬಿಡುಗಡೆಯ ಸಮಯದಲ್ಲಿ ಬಹಿರಂಗಪಡಿಸಲಾಗುವುದು.

ಇದರೊಂದಿಗೆ, ಈ ಜರ್ಮನ್ ಕಾರು ತಯಾರಕರು ಎಸ್‌ಯುವಿಯು ಆಕ್ಟಿವ್‌ ಸಸ್ಪೆನ್ಷನ್ ಸೆಟಪ್‌ನೊಂದಿಗೆ ಲಭ್ಯವಿರುತ್ತದೆ ಎಂದು ದೃಢಪಡಿಸಿದ್ದಾರೆ, ಇದು ಮೊದಲಿಗಿಂತ ಸವಾರಿ ಗುಣಮಟ್ಟವನ್ನು ಆರಾಮದಾಯಕವಾಗಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಇತರ ಫೀಚರ್‌ಗಳು

ಟಿಗುವಾನ್ ಆರ್-ಲೈನ್ 12.9-ಇಂಚಿನ ಟಚ್‌ಸ್ಕ್ರೀನ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, 3-ಜೋನ್ ಆಟೋ ಎಸಿ, 30-ಬಣ್ಣದ ಆಂಬಿಯೆಂಟ್ ಲೈಟಿಂಗ್ ಮತ್ತು ಮಸಾಜ್ ಫಂಕ್ಷನ್ ಮತ್ತು ಲಂಬರ್‌ ಸಪೋರ್ಟ್‌ನೊಂದಿಗೆ ಸ್ಪೋರ್ಟ್ ಸೀಟುಗಳು ಸೇರಿದಂತೆ ಸೌಲಭ್ಯಗಳೊಂದಿಗೆ ಬರಲಿದೆ. ಇದು ಡ್ಯುಯಲ್ ವೈರ್‌ಲೆಸ್ ಫೋನ್ ಚಾರ್ಜರ್‌ಗಳು, ಪನೋರಮಿಕ್ ಸನ್‌ರೂಫ್ ಮತ್ತು ಪಾರ್ಕ್ ಅಸಿಸ್ಟ್ ಅನ್ನು ಸಹ ಹೊಂದಿದೆ.

 ಇದನ್ನೂ ಓದಿ: ಮಾರಿಷಸ್‌ನಲ್ಲಿ Tiago EV, Punch EV ಮತ್ತು Nexon EVಗಳನ್ನು ಪರಿಚಯಿಸಿದ ಟಾಟಾ

ಪವರ್‌ಟ್ರೇನ್ ಆಯ್ಕೆಗಳು

ವೋಕ್ಸ್‌ವ್ಯಾಗನ್ ಕಂಪನಿಯು ಈ ಹಿಂದೆ ಟಿಗುವಾನ್ ಆರ್-ಲೈನ್ ಪ್ರಸ್ತುತ ಸ್ಪೆಕ್ ಮೊಡೆಲ್‌ನಂತೆಯೇ 2-ಲೀಟರ್ ಟಿಎಸ್‌ಐ ಎಂಜಿನ್ ಅನ್ನು ಹೊಂದಿರುತ್ತದೆ ಎಂದು ದೃಢಪಡಿಸಿತ್ತು, ಆದರೆ ಈಗ ಅದು ಹೆಚ್ಚಿನ ಶಕ್ತಿಯನ್ನು ಉತ್ಪಾದಿಸುತ್ತದೆ. ವಿವರವಾದ ವಿಶೇಷಣಗಳು ಇಲ್ಲಿವೆ:

*ಡಿಸಿಟಿ = ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ವೋಕ್ಸ್‌ವ್ಯಾಗನ್ ಟಿಗುವಾನ್ ಆರ್-ಲೈನ್ ಅನ್ನು ಏಪ್ರಿಲ್ 14, 2025 ರಂದು ಭಾರತದಲ್ಲಿ ಪರಿಚಯಿಸಲಾಗುವುದು ಮತ್ತು ಇದನ್ನು ಸಂಪೂರ್ಣವಾಗಿ ದೇಶಕ್ಕೆ ಆಮದು ಮಾಡಿಕೊಳ್ಳಲಾಗುವುದರಿಂದ ಸುಮಾರು 55 ಲಕ್ಷ ರೂ. (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದುವ ನಿರೀಕ್ಷೆಯಿದೆ. ಇದು ಜೀಪ್ ಕಂಪಾಸ್, ಹುಂಡೈ ಟಕ್ಸನ್ ಮತ್ತು ಸಿಟ್ರೊಯೆನ್ C5 ಏರ್‌ಕ್ರಾಸ್ ವಿರುದ್ಧ ಪೈಪೋಟಿಯನ್ನು ಮುಂದುವರಿಸಲಿದೆ. 

 ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ