• English
  • Login / Register

Renault Duster; ಹೊಸ ಮತ್ತು ಹಳೆಯ ಮಾಡೆಲ್ ನಡುವಿನ ವ್ಯತ್ಯಾಸವೇನು, ಚಿತ್ರಗಳ ಮೂಲಕ ತಿಳಿಯಿರಿ

published on ಡಿಸೆಂಬರ್ 04, 2023 04:55 pm by shreyash for ರೆನಾಲ್ಟ್ ಡಸ್ಟರ್ 2025

  • 80 Views
  • ಕಾಮೆಂಟ್‌ ಅನ್ನು ಬರೆಯಿರಿ

ಹೊಸ ರೆನಾಲ್ಟ್ ಡಸ್ಟರ್ ಭಾರತದಲ್ಲಿ 2025 ರ ವೇಳೆಗೆ ಹೊಸ ಪೀಳಿಗೆ ಅವತಾರದಲ್ಲಿ ಪುನರಾಗಮನವನ್ನು ಮಾಡುವ ನಿರೀಕ್ಷೆಯಿದೆ

Renault Duster Old vs New

ಮೂರನೇ ಪೀಳಿಗೆಯ ರೆನಾಲ್ಟ್ ಡಸ್ಟರ್ ಫ್ರೆಂಚ್ ವಾಹನ ತಯಾರಕರ ಬಜೆಟ್-ಆಧಾರಿತ ಬ್ರ್ಯಾಂಡ್, ಡೇಸಿಯಾ ಅಡಿಯಲ್ಲಿ ಜಾಗತಿಕ ಪಾದಾರ್ಪಣೆಯನ್ನು ಮಾಡಿದೆ. ಅದರ ಹಿಂದಿನ ಪೀಳಿಗೆಯ ಮಾಡೆಲ್‌ಗಳಿಗಿಂತ ಭಿನ್ನವಾಗಿ, ಹೊಸ ರೆನಾಲ್ಟ್ ಡಸ್ಟರ್ CMF B ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ಇದು ಮೊದಲಿಗಿಂತ ಹೆಚ್ಚಿನ ಫೀಚರ್‌ಗಳು ಮತ್ತು ವಿನ್ಯಾಸ ಬದಲಾವಣೆಗಳನ್ನು ಪಡೆದುಕೊಂಡಿರುವುದಷ್ಟೇ ಅಲ್ಲದೇ, ಇದು ಮೈಲ್ಡ್ ಹೈಬ್ರಿಡ್ ಮತ್ತು ಪ್ರಬಲ  ಹೈಬ್ರಿಡ್ ಸೇರಿದಂತೆ ವಿವಿಧ ಪವರ್‌ಟ್ರೇನ್ ಆಯ್ಕೆಗಳನ್ನು ಸಹ ಪಡೆಯುತ್ತದೆ.

 ದೇಶದಲ್ಲಿ 10 ವರ್ಷಗಳ ಸುದೀರ್ಘ ಪ್ರಯಾಣದ ನಂತರ 2022 ರ ಆರಂಭದಲ್ಲಿ ರೆನಾಲ್ಟ್ ಡಸ್ಟರ್ ಅನ್ನು ಭಾರತದಲ್ಲಿ ನಿಲ್ಲಿಸಲಾಯಿತು. ಇದರ ಪೀಳಿಗೆಯ ಮಾಡೆಲ್ ಅನ್ನು ಇಲ್ಲಿ ಬಿಡುಗಡೆ ಮಾಡಲಾಗಿಲ್ಲ ಮತ್ತು ಈಗ ಅದರ 3 ನೇ ಪೀಳಿಗೆಯ ಮಾಡೆಲ್ ಅನ್ನು ನೇರವಾಗಿ ಬಿಡುಗಡೆ ಮಾಡಲಾಗುತ್ತಿದೆ. ಭಾರತದಲ್ಲಿ ಡಸ್ಟರ್ ವಾಪಸಾತಿಗಾಗಿ ನಾವು ಕಾಯುತ್ತಿದ್ದೇವೆ, ಆದರೆ ಅಲ್ಲಿಯವರೆಗೆ ಹೊಸ-ಪೀಳಿಗೆಯ ಎಸ್‌ಯುವಿ ಕೊನೆಯದಾಗಿ ಮಾರಾಟವಾದ ಹಳೆಯ ರೆನಾಲ್ಟ್ ಡಸ್ಟರ್‌ಗಿಂತ ಹೇಗೆ ಭಿನ್ನವಾಗಿದೆ ಎಂಬುದನ್ನು ತಿಳಿದುಕೊಳ್ಳೋಣ:

ಮುಂಭಾಗ

New-gen Renault Duster
Old Renault Duster

 ಹಳೆಯ ಮಾಡೆಲ್‌ಗೆ ಹೋಲಿಸಿದರೆ, ಹೊಸ ಪೀಳಿಗೆಯ ರೆನಾಲ್ಟ್ ಡಸ್ಟರ್‌ನ ಮುಂಭಾಗವು ಈಗ ಹೆಚ್ಚು ಸ್ಲೀಕ್ ಮತ್ತು ಬೋಲ್ಡ್ ಆಗಿದೆ. ಈಗ ಹೊಸ ಗ್ರಿಲ್, Y ಆಕಾರದ ಎಲ್ಇಡಿ ಡೇಟೈಮ್ ರನ್ನಿಂಗ್ ಲ್ಯಾಂಪ್‌ಗಳೊಂದಿಗೆ ಸ್ಲಿಮ್ ಹೆಡ್‌ಲೈಟ್‌ಗಳು ಮತ್ತು ದೊಡ್ಡ ಏರ್ ಡ್ಯಾಮ್ ಅನ್ನು ಪಡೆಯುತ್ತದೆ. ಹಳೆಯ ಡಸ್ಟರ್ ದೊಡ್ಡ ಮುಂಭಾಗದ ಗ್ರಿಲ್ ಮತ್ತು ವಿಶಾಲವಾದ ಹೆಡ್‌ಲೈಟ್‌ಗಳನ್ನು ಹೊಂದಿದೆ. ಆದರೆ, ಹಳೆಯ ಡಸ್ಟರ್‌ನಲ್ಲಿ ನೀಡಲಾದ ಏರ್ ಡ್ಯಾಮ್‌ಗಳು ಹೊಸ ಡಸ್ಟರ್‌ನಲ್ಲಿ ಕಂಡುಬರುವಷ್ಟು ವಿಶೇಷವಾಗಿಲ್ಲ.

Renault Duster

 ಇದಲ್ಲದೆ, ಹೊಸ ಡಸ್ಟರ್‌ನಲ್ಲಿ ದೊಡ್ಡ ಏರ್ ಡ್ಯಾಮ್‌ನ ಸುತ್ತಲೂ ದಪ್ಪವಾದ ಸ್ಕಿಡ್ ಪ್ಲೇಟ್ ಅನ್ನು ಸಹ ಒದಗಿಸಲಾಗಿದೆ, ಇದರಿಂದಾಗಿ ಇದು ಸಾಕಷ್ಟು ಶಕ್ತಿಯುತವಾಗಿ ಕಾಣುತ್ತದೆ. ಉತ್ತಮ ಏರೋಡೈನಾಮಿಕ್ಸ್‌ಗಾಗಿ, ಹೊಸ ಡಸ್ಟರ್ ಮುಂಭಾಗದ ಬಂಪರ್‌ನಲ್ಲಿ ಏರ್ ವೆಂಟ್‌ಗಳನ್ನು ಸಹ ಹೊಂದಿದೆ. ಆದರೆ ಹಳೆಯ ಮಾಡೆಲ್‌ನಲ್ಲಿ, ಫಾಗ್ ಲ್ಯಾಂಪ್‌ಗಳಿಗಾಗಿ ಪ್ರತ್ಯೇಕ ಹೌಸಿಂಗ್ ಅನ್ನು ಒದಗಿಸಲಾಗಿತ್ತು.

 ಇದನ್ನೂ ಕೂಡ ಓದಿ: M S ಧೋನಿಯ ಗ್ಯಾರೇಜ್‌ನ ಭಾಗವಾದ ಕಪ್ಪು ಬಣ್ಣದ ಮರ್ಸಿಡಿಸ್-AMG G 63 ಎಸ್‌ಯುವಿ 

 

ಸೈಡ್

 ಸೈಡ್ ಪ್ರೊಫೈಲ್ ಬಗ್ಗೆ ಹೇಳುವುದಾದರೆ, ಹೊಸ ಡಸ್ಟರ್ ತನ್ನ ಹಳೆಯ ಮಾಡೆಲ್‌ಗಿಂತ ಐಕಾನಿಕ್ ಆಗಿ ಕಾಣುತ್ತದೆ, ಆದರೆ ಇದು ಮೊದಲಿಗಿಂತ ಹೆಚ್ಚು ಶಾರ್ಪ್ ಆಗಿ ಮತ್ತು ದೊಡ್ಡದಾಗಿ ಕಾಣುತ್ತದೆ. ಹಿಂದಿನ ಪೀಳಿಗೆಯ ಮಾಡೆಲ್‌ಗಿಂತ ಭಿನ್ನವಾಗಿ, ಹೊಸ ಮಾಡೆಲ್ ಮುಂಭಾಗದ ಬಾಗಿಲಿನ ಮೇಲೆ ದಪ್ಪವಾದ ಸೈಡ್ ಕ್ಲಾಡಿಂಗ್ ಮತ್ತು ಚೌಕಾಕಾರದ ವ್ಹೀಲ್ ಆರ್ಚ್‌ಗಳನ್ನು ಹೊಂದಿದೆ. ಮತ್ತೊಂದು ಗಮನಾರ್ಹ ಬದಲಾವಣೆಯೆಂದರೆ, ಹಳೆಯ ಡಸ್ಟರ್‌ನಲ್ಲಿದ್ದ ಫ್ಲಾಪ್-ಶೈಲಿಯ ಡೋರ್ ಹ್ಯಾಂಡಲ್‌ಗಳು  ಹೊಸ ಡಸ್ಟರ್‌ನಲ್ಲಿಲ್ಲ. ಹೊಸ ಡಸ್ಟರ್‌ನಲ್ಲಿ ಹಿಂಭಾಗದ ಬಾಗಿಲಿನ ಹ್ಯಾಂಡಲ್ ಅನ್ನು C-ಪಿಲ್ಲರ್‌ಗೆ ಸ್ಥಳಾಂತರಿಸಲಾಗಿದೆ. ಹಳೆಯ ಮಾಡೆಲ್‌ನಂತೆ, ಹೊಸ ಡಸ್ಟರ್‌ಗೆ ರೂಫ್ ರೈಲ್‌ಗಳನ್ನು ಸಹ ಒದಗಿಸಲಾಗಿದೆ, ಆದರೆ ಹೊಸ ಮಾಡೆಲ್‌ನಲ್ಲಿ, ರೂಫ್ ರೈಲ್‌ಗಳು ಕ್ರಿಯಾತ್ಮಕವಾಗಿವೆ, ಇದರಲ್ಲಿ ರೂಫ್ ರ‍್ಯಾಕ್ ಪರಿಕರಗಳ ಜೊತೆಗೆ 80 ಕೆಜಿಯಷ್ಟು ಭಾರವನ್ನು ಹೊರುವ ಸಾಮರ್ಥ್ಯವನ್ನು ಹೊಂದಿದೆ.

ಹೊಸ ರೆನಾಲ್ಟ್ ಡಸ್ಟರ್ ಎಸ್‌ಯುವಿಯು 17 ಮತ್ತು 18 ಇಂಚಿನ ಅಲಾಯ್ ಚಕ್ರಗಳ ಆಯ್ಕೆಗಳನ್ನು ಹೊಂದಿದೆ, ಆದರೆ ಹಳೆಯ ಡಸ್ಟರ್‌ನಲ್ಲಿ ಕೇವಲ 16 ಇಂಚಿನ ಅಲಾಯ್ ಚಕ್ರಗಳನ್ನು ನೀಡಲಾಗಿದೆ. ಹೊಸ ಅಲಾಯ್ ವ್ಹೀಲ್‌ಗಳ ವಿನ್ಯಾಸವು ಸಂಪೂರ್ಣವಾಗಿ ಬದಲಾಗಿಲ್ಲದಿದ್ದರೂ, ಅವು ಖಂಡಿತವಾಗಿಯೂ ಆಧುನಿಕವಾಗಿ ಕಾಣುತ್ತವೆ.

ರಿಯರ್

ಮುಂಭಾಗದಂತೆಯೇ, ಹೊಸ ಪೀಳಿಗೆಯ ಡಸ್ಟರ್ ಕಾರಿನ ಹಿಂಭಾಗವನ್ನು ಸಹ ಸಂಪೂರ್ಣವಾಗಿ ಬದಲಾಯಿಸಲಾಗಿದೆ. ಡೈನಾಮಿಕ್ ನಿಲುವನ್ನು ಒದಗಿಸಲು, ಅದಕ್ಕೆ ಹಂಚ್ಡ್ ಬೂಟ್‌ಲಿಡ್ ನೀಡಲಾಗಿದೆ. ಮುಖ್ಯಾಂಶಗಳಲ್ಲಿ Y ಆಕಾರದ ಎಲ್‌ಇಡಿ ಟೈಲ್ ಲ್ಯಾಂಪ್‌ಗಳು, ರೂಫ್ ಇಂಟಿಗ್ರೇಟೆಡ್ ರಿಯರ್ ಸ್ಪಾಯ್ಲರ್ ಮತ್ತು ದೊಡ್ಡ ಸಿಲ್ವರ್ ಸ್ಕಿಡ್ ಪ್ಲೇಟ್ ಸೇರಿವೆ.

ಹಳೆಯ ಡಸ್ಟರ್‌ನ ಹಿಂಭಾಗದ ವಿನ್ಯಾಸವು ಹೆಚ್ಚು ಸಾಂಪ್ರದಾಯಿಕವಾಗಿದ್ದು, ಚಪ್ಪಟೆಯಾದ ಟೈಲ್‌ಗೇಟ್ ಅನ್ನು ಒಳಗೊಂಡಿತ್ತು. ಇದು ರಿಯರ್ ಸ್ಪಾಯ್ಲರ್ ಅನ್ನು ಹೊಂದಿರಲಿಲ್ಲವಾದರೂ ಇದು ರಿಯರ್ ಸ್ಕಿಡ್ ಪ್ಲೇಟ್ ಅನ್ನು ಒಳಗೊಂಡಿತ್ತು.

 

ಡ್ಯಾಶ್‌ಬೋರ್ಡ್

ಹೊಸ ಪೀಳಿಗೆಯ ರೆನಾಲ್ಟ್ ಡಸ್ಟರ್‌ನ ಡ್ಯಾಶ್‌ಬೋರ್ಡ್ ವಿನ್ಯಾಸವು ಸಂಪೂರ್ಣವಾಗಿ ಹೊಸದಾಗಿದ್ದು, Y-ಆಕಾರದ ಮುಖ್ಯಾಂಶಗಳು ಮತ್ತು ಇನ್‌ಸರ್ಟ್‌ಗಳನ್ನು ಕ್ಯಾಬಿನ್‌ನಾದ್ಯಂತ ಹೊಂದಿದೆ. ಇದರಲ್ಲಿ, ಇನ್ಫೋಟೈನ್‌ಮೆಂಟ್ ಯುನಿಟ್, ಸೆಂಟರ್ ಎಸಿ ವೆಂಟ್‌ಗಳು ಮತ್ತು ಉತ್ತಮ ದಕ್ಷತಾಶಾಸ್ತ್ರಕ್ಕಾಗಿ ಅದರ ಕಂಟ್ರೋಲ್‌ಗಳನ್ನು ಡ್ರೈವರ್ ಸೀಟಿನ ಕಡೆಗೆ ಇರಿಸಲಾಗಿದೆ.

ಡಸ್ಟರ್‌ನ ಹೊಸ ಡ್ಯಾಶ್‌ಬೋರ್ಡ್ 10.1 ಇಂಚಿನ ಫ್ಲೋಟಿಂಗ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಹೊಂದಿದ್ದು ಇದು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಸಂಪರ್ಕವನ್ನು ಬೆಂಬಲಿಸುತ್ತದೆ. ಹಳೆಯ ಡಸ್ಟರ್‌ನ ಭಾರತೀಯ ಆವೃತ್ತಿಯು ವೈರ್ಡ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಸಂಪರ್ಕವನ್ನು ಹೊಂದಿದ್ದ 7-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್‌ ಅನ್ನು ಹೊಂದಿತ್ತು. ಅದು ಈ ಎಸ್‌ಯುವಿಯನ್ನು ನಿಲ್ಲಿಸುವ ಮೊದಲೇ ಹಳೆಯದಾಗಿತ್ತು.

 2024 ರ ರೆನಾಲ್ಟ್ ಡಸ್ಟರ್ 7-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇಯನ್ನು ಹೊಂದಿದೆ, ಆದರೆ ಹಳೆಯ ಡಸ್ಟರ್ ಸಣ್ಣ ಕಪ್ಪು ಮತ್ತು ಬಿಳಿ ಮಲ್ಟಿ-ಇನ್‌ಫಾರ್ಮೇಷನ್ ಡಿಸ್‌ಪ್ಲೇಯೊಂಡಿಗೆ ಅನಲಾಗ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಹೊಂದಿತ್ತು.

 

ಸೆಂಟರ್ ಕನ್ಸೋಲ್

 ಹೊಸ ಸೆಂಟರ್ ಕನ್ಸೋಲ್ ಲೇಔಟ್ ಜೊತೆಗೆ, ಹೊಸ ಡಸ್ಟರ್‌ನ ಆಟೋಮ್ಯಾಟಿಕ್ ವೇರಿಯಂಟ್‌ಗಳು  ಡ್ರೈವ್ ಮೋಡ್ ಆಯ್ಕೆ ನಾಬ್, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, 12V ಮತ್ತು C ಪ್ರಕಾರದ ಚಾರ್ಜಿಂಗ್ ಪೋರ್ಟ್‌ಗಳು ಮತ್ತು ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಟ್ರೇ ಅನ್ನು ಒಳಗೊಂಡಿರುತ್ತವೆ. ಹಳೆಯ ಡಸ್ಟರ್ ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಮತ್ತು ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಫೀಚರ್ ಅನ್ನು ಹೊಂದಿರಲಿಲ್ಲ. ಆದರೆ ಇದು ಆಟೊಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್ ಅನ್ನು ಹೊಂದಿತ್ತು ಮತ್ತು ಹೊಸ ಡಸ್ಟರ್‌ನ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಮ್‌ನಲ್ಲಿ ಹಲವು ರೀತಿಯ ಕ್ಲೈಮೇಟ್ ಕಂಟ್ರೋಲ್ ಆಯ್ಕೆಗಳು ಲಭ್ಯವಿರುತ್ತವೆ.

 ಇದನ್ನೂ ಓದಿ:  ಕ್ಯಾಲೆಂಡರ್ ವರ್ಷದ ಅಂತ್ಯದ ವೇಳೆಗೆ ಹೊಸ ಕಾರು ಖರೀದಿಸುವ ಎಲ್ಲಾ ಅನುಕೂಲಗಳು ಮತ್ತು ಅನಾನುಕೂಲಗಳು

  

ಫ್ರಂಟ್ ಸೀಟುಗಳು

 ಹೊಸ ಮತ್ತು ಹಳೆಯ ಡಸ್ಟರ್ ಎರಡರಲ್ಲೂ ಫ್ಯಾಬ್ರಿಕ್ ಅಪ್‌ಹೋಲೆಸ್ಟರಿಯನ್ನು ಗಮನಿಸಬಹುದು.  ಆದರೆ, ಹೊಸ ಡಸ್ಟರ್‌ನ ಹೆಡ್‌ರೆಸ್ಟ್‌ನ ವಿನ್ಯಾಸವನ್ನು ಹಳೆಯ ಡಸ್ಟರ್‌ಗಿಂತ ವಿಭಿನ್ನವಾಗಿ ಇರಿಸಲಾಗಿದೆ ಮತ್ತು ಇದಕ್ಕೆ ಹೊಸ ಬಣ್ಣದ ಅಪ್‌ಹೋಲೆಸ್ಟರಿಯನ್ನು ಕೂಡ ನೀಡಲಾಗಿದೆ.

 

ರಿಯರ್ ಸೀಟುಗಳು

 ಹಿಂಭಾಗದಲ್ಲಿ, ಎರಡೂ ಡಸ್ಟರ್‌ಗಳು 3 ಹೆಡ್‌ರೆಸ್ಟ್‌ಗಳನ್ನು ಹೊಂದಿವೆ, ಆದರೆ ಹೊಸ ಡಸ್ಟರ್‌ನಲ್ಲಿ ಮಧ್ಯದ ಹೆಡ್‌ರೆಸ್ಟ್ ಅನ್ನು ಹೊಂದಿಸಬಹುದಾಗಿದೆ, ಆದರೆ ಹಳೆಯ ಡಸ್ಟರ್‌ನಲ್ಲಿ ಅದು ಸ್ಥಿರವಾಗಿತ್ತು. ಹೊಸ-ಪೀಳಿಗೆಯ ಎಸ್‌ಯುವಿ ಹಳೆಯ ಮಾಡೆಲ್‌ಗಿಂತ ಭಿನ್ನವಾಗಿ ಫೋಲ್ಡ್-ಔಟ್ ರಿಯರ್ ಆರ್ಮ್‌ರೆಸ್ಟ್ ಅನ್ನು ಪಡೆದುಕೊಳ್ಳುವುದಿಲ್ಲ, ಆದರೆ ಬದಲಿಗೆ 3-ಪಾಯಿಂಟ್ ಸೀಟ್‌ಬೆಲ್ಟ್ ಮತ್ತು ISOFIX ಚೈಲ್ಡ್ ಸೀಟ್ ಆಂಕಾರೇಜ್‌ಗಳನ್ನು ಒದಗಿಸಲಾಗಿದೆ.

 

ಬೂಟ್ ಸ್ಪೇಸ್

 ಹೊಸ ಪೀಳಿಗೆಯ ಡಸ್ಟರ್ ಕಾರು 472 ಲೀಟರ್ ಬೂಟ್ ಸ್ಪೇಸ್ ಅನ್ನು ಹೊಂದಿದೆ. ಆದರೆ, ಹಳೆಯ ಡಸ್ಟರ್ 475 ಲೀಟರ್ ಬೂಟ್ ಸ್ಪೇಸ್ ಹೊಂದಿತ್ತು. ಆದ್ದರಿಂದ ಪ್ರಾಯೋಗಿಕವಾಗಿ ಬೂಟ್ ಸ್ಪೇಸ್ ಅಂಕಿಅಂಶಗಳಲ್ಲಿ ಅತ್ಯಲ್ಪ ಬದಲಾವಣೆಗಳಾಗಿವೆ.

 

ಪವರ್‌ಟ್ರೇನ್‌ಗಳು

 ಭಾರತದಲ್ಲಿ ಸ್ಥಗಿತಗೊಳ್ಳುವವರೆಗೂ, ರೆನಾಲ್ಟ್ ಡಸ್ಟರ್‌ನಲ್ಲಿ 106 PS 1.5-ಲೀಟರ್ ಯುನಿಟ್ ಮತ್ತು 156 PS 1.3-ಲೀಟರ್ ಟರ್ಬೊ-ಪೆಟ್ರೋಲ್ ಎಂಬ ಎರಡು ರೀತಿಯ ಪೆಟ್ರೋಲ್ ಎಂಜಿನ್‌ಗಳ ಆಯ್ಕೆಯನ್ನು ನೀಡಲಾಗುತ್ತಿತ್ತು. ಒಂದು ಸಮಯದಲ್ಲಿ, ರೆನಾಲ್ಟ್ ಡಸ್ಟರ್‌ನಲ್ಲಿ 110 PS 1.5- ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಯನ್ನು ಸಹ ನೀಡಲಾಗುತ್ತಿತ್ತು.

 ಹೊಸ ಯುರೋಪಿಯನ್-ಸ್ಪೆಕ್ ಡಸ್ಟರ್ 130 PS, 1.2-ಲೀಟರ್ ಪೆಟ್ರೋಲ್ ಯುನಿಟ್ ಜೊತೆಗೆ 48V ಮೈಲ್ಡ್ ಹೈಬ್ರಿಡ್ ಸಿಸ್ಟಮ್, ಪ್ರಬಲ-ಹೈಬ್ರಿಡ್ 140 PS 1.6-ಲೀಟರ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್, ಮತ್ತು ಮೂರನೆಯದು ಪೆಟ್ರೋಲ್ ಮತ್ತು ಎಲ್‌ಪಿಜಿ ಸಂಯೋಜನೆ ಎಂಬ 3 ಪವರ್‌ಟ್ರೇನ್ ಆಯ್ಕೆಗಳನ್ನು ಪಡೆಯುತ್ತದೆ. ಹೊಸ ಇಂಡಿಯಾ-ಸ್ಪೆಕ್ ಡಸ್ಟರ್‌ನ ವಿವರಗಳನ್ನು ಇನ್ನೂ ಘೋಷಿಸಲಾಗಿಲ್ಲ, ಆದರೆ ಇದು ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಮಾತ್ರ ಪಡೆದುಕೊಳ್ಳುತ್ತದೆ ಎನ್ನುವುದು ನಮ್ಮ ಊಹೆಯಾಗಿದೆ. ಆದರೆ, ಭಾರತೀಯ ಮಾರುಕಟ್ಟೆಗೆ ಡಸ್ಟರ್‌ನ ಆಲ್-ವೀಲ್-ಡ್ರೈವ್ ವೇರಿಯಂಟ್‌ನ ವಾಪಾಸಾತಿಯನ್ನು ನಾವು ಮರಳುವಿಕೆಯನ್ನು ನಾವು ನಿರೀಕ್ಷಿಸುತ್ತೇವೆ.

   

ನಿರೀಕ್ಷಿತ ಬಿಡುಗಡೆ ಮತ್ತು ಬೆಲೆ

ಮೂರನೇ ಪೀಳಿಗೆಯ ರೆನಾಲ್ಟ್ ಡಸ್ಟರ್ ಅನ್ನು 2025 ರ ವೇಳೆಗೆ ಭಾರತದಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ರೆನಾಲ್ಟ್ ಇದರ ಬೆಲೆ ರೂ. 10 ಲಕ್ಷದಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದು. ಇದು ಹುಂಡೈ ಕ್ರೆಟಾಮಾರುತಿ ಗ್ರ್ಯಾಂಡ್ ವಿಟಾರಾಟೊಯೋಟಾ ಹೈರೈಡರ್ಸಿಟ್ರೊಯೆನ್ C3 ಏರ್‌ಕ್ರಾಸ್, ಮತ್ತು ಹೋಂಡಾ ಎಲಿವೇಟ್ ಗಳೊಂದಿಗೆ ಸ್ಪರ್ಧಿಸಲಿದೆ.

ಅವರಿಂದ ಪ್ರಕಟಿಸಲಾಗಿದೆ
was this article helpful ?

0 out of 0 found this helpful

Write your Comment ನಲ್ಲಿ ರೆನಾಲ್ಟ್ ಡಸ್ಟರ್ 2025

2 ಕಾಮೆಂಟ್ಗಳು
1
B
brijesh rupapara
Dec 1, 2023, 4:50:33 PM

I love Duster, I would like to buy the next generation Duster, I have 10 years of experience in driving my Duster.

Read More...
    ಪ್ರತ್ಯುತ್ತರ
    Write a Reply
    1
    A
    avinash more
    Dec 1, 2023, 7:26:11 AM

    For India, duster needs to be modify in terms of sunroof and rear AC vents as there is huge competition in this segment mostly like Creta and Seltos. Rest of the design is really appreciated by Dacia

    Read More...
      ಪ್ರತ್ಯುತ್ತರ
      Write a Reply
      Read Full News

      ಕಾರು ಸುದ್ದಿ

      • ಟ್ರೆಂಡಿಂಗ್ ಸುದ್ದಿ
      • ಇತ್ತಿಚ್ಚಿನ ಸುದ್ದಿ

      trendingಎಸ್‌ಯುವಿ ಕಾರುಗಳು

      • ಲೇಟೆಸ್ಟ್
      • ಉಪಕಮಿಂಗ್
      • ಪಾಪ್ಯುಲರ್
      ×
      We need your ನಗರ to customize your experience