2024ರ ಮಾರುತಿ ಡಿಜೈರ್‌ಗಾಗಿ ಬುಕಿಂಗ್‌ಗಳು ಪ್ರಾರಂಭ, ಬಿಡುಗಡೆಗೆ ಮುಂಚಿತವಾಗಿಯೇ ಇಂಟೀರಿಯರ್ ಫೋಟೋಗಳು ಲೀಕ್‌..!
ಹೊಸ-ಜೆನ್ ಮಾರುತಿ ಡಿಜೈರ್ 2024 ಸ್ವಿಫ್ಟ್‌ನ ಅದೇ ಕ್ಯಾಬಿನ್ ವಿನ್ಯಾಸವನ್ನು ಹೊಂದಿರುತ್ತದೆ, ಹಾಗೆಯೇ ಪ್ರಸ್ತುತ-ಜನರೇಶನ್‌ನ ಮೊಡೆಲ್‌ನಂತೆಯೇ ಬೀಜ್ ಮತ್ತು ಕಪ್ಪು ಕ್ಯಾಬಿನ್ ಥೀಮ್ ಅನ್ನು ಹೊಂದಿರುತ್ತದೆ
-
11,000 ಟೋಕನ್ ಮೊತ್ತಕ್ಕೆ ಬುಕ್ಕಿಂಗ್ ಅನ್ನು ಮಾಡಬಹುದಾಗಿದೆ.
-
ಸ್ಪೈ ಶಾಟ್‌ಗಳು ಕಪ್ಪು ಮತ್ತು ಬೀಜ್ ಇಂಟೀರಿಯರ್ ಥೀಮ್‌ನೊಂದಿಗೆ ಸ್ವಿಫ್ಟ್ ತರಹದ ಡ್ಯಾಶ್‌ಬೋರ್ಡ್ ವಿನ್ಯಾಸವನ್ನು ಬಹಿರಂಗಪಡಿಸುತ್ತವೆ.
-
ಈ ಸ್ಪೈ ಶಾಟ್‌ಗಳಲ್ಲಿ ಸಿಂಗಲ್ ಪೇನ್ ಸನ್‌ರೂಫ್ ಅನ್ನು ಸಹ ಗುರುತಿಸಲಾಗಿದೆ.
-
ಇದು 9 ಇಂಚಿನ ಟಚ್‌ಸ್ಕ್ರೀನ್, ಆಟೋ ಎಸಿ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್ ಅನ್ನು ಹೊಂದಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.
-
ಇದು 6 ಏರ್‌ಬ್ಯಾಗ್‌ಗಳನ್ನು (ಸ್ಟ್ಯಾಂಡರ್ಡ್ ಆಗಿ) ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಪಡೆಯಬಹುದು.
-
ಸ್ವಿಫ್ಟ್ (82 ಪಿಎಸ್‌/112 ಎನ್‌ಎಮ್‌)ನಂತೆ ಅದೇ 1.2-ಲೀಟರ್ ಪೆಟ್ರೋಲ್ ಎಂಜಿನ್ ಪಡೆಯಬಹುದೆಂದು ನಿರೀಕ್ಷಿಸಲಾಗಿದೆ.
-
ಹಿಂದಿನ ಸ್ಪೈ ಶಾಟ್‌ಗಳು ಮಾರುತಿ ಸ್ವಿಫ್ಟ್‌ನ ವಿನ್ಯಾಸ ಶೈಲಿಗಿಂತ ಬಹಳ ಭಿನ್ನವಾಗಿರುವ ಬಾಹ್ಯ ವಿನ್ಯಾಸವನ್ನು ತೋರಿಸಿದೆ.
-
ಬೆಲೆಗಳು 6.70 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುವ ಸಾಧ್ಯತೆಯಿದೆ.
ಹೊಸ-ಜನರೇಶನ್‌ನ ಮಾರುತಿ ಡಿಜೈರ್ ಭಾರತದಲ್ಲಿ ನವೆಂಬರ್ 11 ರಂದು ಬಿಡುಗಡೆಯಾಗಲಿದೆ ಮತ್ತು ಈ ಸಬ್-4m ಸೆಡಾನ್‌ಗಾಗಿ ಬುಕ್ಕಿಂಗ್‌ಗಳು ಈಗಾಗಲೇ 11,000 ರೂಪಾಯಿಗಳ ಟೋಕನ್ ಮೊತ್ತಕ್ಕೆ ಪ್ರಾರಂಭವಾಗಿದೆ. ನೀವು ಮಾರುತಿಯ ಭಾರತೀಯ ವೆಬ್‌ಸೈಟ್ ಅಥವಾ ಅರೆನಾ ಡೀಲರ್‌ಶಿಪ್‌ಗಳ ಮೂಲಕ ನಿಮ್ಮ ಹೊಸ ಡಿಜೈರ್ ಅನ್ನು ಕಾಯ್ದಿರಿಸಬಹುದು.
ಇತ್ತೀಚೆಗೆ, ಸಬ್‌ಕಾಂಪ್ಯಾಕ್ಟ್ ಸೆಡಾನ್‌ನ ಒಳಭಾಗದ ಚಿತ್ರಗಳು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದ್ದು, ಅದರ ಫೀಚರ್‌ಗಳು ಮತ್ತು ಕ್ಯಾಬಿನ್ ವಿನ್ಯಾಸದ ಒಂದು ನೋಟವನ್ನು ನಮಗೆ ನೀಡುತ್ತದೆ. ಹೊಸ-ಜೆನ್ ಮಾರುತಿ ಡಿಜೈರ್ ಏನು ನೀಡುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಈ ಚಿತ್ರಗಳನ್ನು ವಿವರವಾಗಿ ನೋಡೋಣ.
ನಾವು ಒಳಗೆ ಏನು ಗುರುತಿಸಬಹುದು?
2024 ರ ಮಾರುತಿ ಡಿಜೈರ್‌ನ ಬಾಹ್ಯ ವಿನ್ಯಾಸವು ಹೊಸ-ಜನ್ ಸ್ವಿಫ್ಟ್‌ಗಿಂತ ಭಿನ್ನವಾಗಿದ್ದರೂ, ಒಳಭಾಗವು ಅದೇ ಕ್ಯಾಬಿನ್ ವಿನ್ಯಾಸವನ್ನು ಹೊಂದಿದೆ ಮತ್ತು ಕ್ಯಾಬಿನ್ ಥೀಮ್ ಮಾತ್ರ ವಿಭಿನ್ನವಾಗಿದೆ. ಸಂಪೂರ್ಣ ಕಪ್ಪು ಕ್ಯಾಬಿನ್ ಅನ್ನು ಪಡೆಯುವ ಸ್ವಿಫ್ಟ್‌ಗಿಂತ ಭಿನ್ನವಾಗಿ, ಹೊಸ ಡಿಜೈರ್ ಡ್ಯುಯಲ್-ಟೋನ್ ಕಪ್ಪು ಮತ್ತು ಬೀಜ್ ಇಂಟೀರಿಯರ್ ಥೀಮ್ ಅನ್ನು ಹೊಂದಿರುತ್ತದೆ, ಇದು ಪ್ರಸ್ತುತ ಮೊಡೆಲ್‌ಗೆ ಹೋಲುತ್ತದೆ. ಡ್ಯಾಶ್‌ಬೋರ್ಡ್‌ನಲ್ಲಿನ ವೂಡನ್‌ ಟ್ರಿಮ್ ಒಂದೇ ಆಗಿರುತ್ತದೆ, ಈಗ ಅದರ ಕೆಳಗೆ ಸಿಲ್ವರ್‌ ಟ್ರಿಮ್‌ನಿಂದ ಪೂರಕವಾಗಿದೆ.
ಹೊಸ ಡಿಜೈರ್ ಡ್ಯಾಶ್‌ಬೋರ್ಡ್‌ನಲ್ಲಿ ಮೇಲೆ ಎದ್ದುಕಾಣುವ ಟಚ್‌ಸ್ಕ್ರೀನ್ ಅನ್ನು ಹೊಂದಿದೆ, ಇದು ಸ್ವಿಫ್ಟ್‌ನಲ್ಲಿ ಕಂಡುಬರುವ ಅದೇ 9-ಇಂಚಿನ ಯುನಿಟ್‌ ಅನ್ನು ಅನಲಾಗ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್‌ನೊಂದಿಗೆ ಹೊಂದಿದೆ. ಇದು ಹಿಂಭಾಗದ ದ್ವಾರಗಳೊಂದಿಗೆ ಆಟೋಮ್ಯಾಟಿಕ್‌ ಎಸಿ ಪ್ಯಾನೆಲ್ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್ ಅನ್ನು ಸಹ ಹೊಂದಿರುತ್ತದೆ.
ಹೆಚ್ಚುವರಿಯಾಗಿ, ಈ ಸ್ಪೈ ಶಾಟ್‌ಗಳಲ್ಲಿ ಸಿಂಗಲ್ ಪೇನ್ ಸನ್‌ರೂಫ್ ಅನ್ನು ಗುರುತಿಸಬಹುದು.
ಇದನ್ನೂ ಓದಿ: ಬಿಡುಗಡೆಗೆ ಮುಂಚಿತವಾಗಿಯೇ ರಸ್ತೆಯಲ್ಲಿ ಪ್ರತ್ಯಕ್ಷವಾದ 2024ರ Maruti Dzire
ನಾವು ತಿಳಿದಿರುವ ಇತರ ವಿಷಯಗಳು
2024 ರ ಮಾರುತಿ ಡಿಜೈರ್‌ನ ಹೊರಭಾಗದ ವಿನ್ಯಾಸವನ್ನು ಇತ್ತೀಚೆಗೆ ಸೆರೆಹಿಡಿಯಲಾಗಿತ್ತು ಮತ್ತು ಅದರ ಹ್ಯಾಚ್‌ಬ್ಯಾಕ್ ಸಹೋದರ ಸ್ವಿಫ್ಟ್‌ಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ಇದು Y-ಆಕಾರದ ಎಲ್‌ಇಡಿ ಟೈಲ್ ಲೈಟ್‌ಗಳ ಜೊತೆಗೆ ವಿಶಾಲವಾದ ಗ್ರಿಲ್ ಮತ್ತು ಹೊಸ, ಸ್ಲೀಕರ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಹೊರಿಜೊಂಟಲ್‌ ಡಿಆರ್‌ಎಲ್‌ಗಳೊಂದಿಗೆ ಹೊಂದಿದೆ.
ಪ್ರಸ್ತುತ ಮಾಡೆಲ್‌ನಿಂದ ಪಡೆಯಬಹುದಾದ ಫೀಚರ್‌ಗಳೆಂದರೆ ಎತ್ತರ ಹೊಂದಾಣಿಕೆ ಮಾಡಬಹುದಾದ ಡ್ರೈವರ್ ಸೀಟ್ ಮತ್ತು ಕ್ರೂಸ್ ಕಂಟ್ರೋಲ್‌ನಂತಹ ಸೌಕರ್ಯಗಳು. ಸುರಕ್ಷತೆಯ ದೃಷ್ಟಿಯಿಂದ, ಡಿಜೈರ್ ಸಮಗ್ರ ಸೂಟ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ, ಆರು ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ (ಹೊಸ ಸ್ವಿಫ್ಟ್‌ನಂತೆಯೇ), ಎಲೆಕ್ಟ್ರಾನಿಕ್ ಸ್ಟೇಬಿಲಿಟಿ ಕಂಟ್ರೋಲ್ (ESC), ಮತ್ತು ಹಿಲ್-ಹೋಲ್ಡ್ ಅಸಿಸ್ಟ್ ಹೊಂದಿದೆ.
ನಿರೀಕ್ಷಿತ ಪವರ್‌ಟ್ರೈನ್‌
2024 ಡಿಜೈರ್ ಹೊಸ Z-ಸಿರೀಸ್‌ನ 3-ಸಿಲಿಂಡರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುವ ನಿರೀಕ್ಷೆಯಿದೆ, ಇದನ್ನು 2024ರ ಸ್ವಿಫ್ಟ್‌ನಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾಯಿತು. ಇದರ ವಿಶೇಷಣಗಳು ಈ ಕೆಳಗಿನಂತಿವೆ.
| ಎಂಜಿನ್ |
1.2-ಲೀಟರ್ 3 ಸಿಲಿಂಡರ್ Z-ಸಿರೀಸ್‌ ಪೆಟ್ರೋಲ್ |
| ಪವರ್‌ |
82 ಪಿಎಸ್‌ |
| ಟಾರ್ಕ್‌ |
112 ಎನ್‌ಎಮ್‌ |
| ಗೇರ್‌ಬಾಕ್ಸ್‌ |
5-ಸ್ಪೀಡ್ ಮ್ಯಾನುವಲ್‌, 5-ಸ್ಪೀಡ್ ಎಎಮ್‌ಟಿ |
ಇದು ಮುಂದಿನ ದಿನಗಳಲ್ಲಿ CNG ಪವರ್‌ಟ್ರೇನ್‌ನ ಆಯ್ಕೆಯನ್ನು ಸಹ ಪಡೆಯಬಹುದು.
ಇದನ್ನೂ ಓದಿ: ಭಾರತೀಯ ಸೇನೆಯ ಈಸ್ಟರ್ನ್‌ ಕಮಾಂಡ್‌ನ ವಾಹನಗಳ ಪಟ್ಟಿಗೆ Renault Triber ಮತ್ತು Kiger ಸೇರ್ಪಡೆ
ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
2024ರ ಮಾರುತಿ ಡಿಜೈರ್ ಆರಂಭಿಕ ಬೆಲೆ ಸುಮಾರು 6.70 ಲಕ್ಷ ರೂಪಾಯಿಗಳಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದೆಂದು ಅಂದಾಜಿಸಲಾಗಿದೆ. ಇದು ಹ್ಯುಂಡೈ ಔರಾ, ಟಾಟಾ ಟಿಗೋರ್ ಮತ್ತು ಹೋಂಡಾ ಅಮೇಜ್‌ನಂತಹ ಇತರ ಸಬ್‌ಕಾಂಪ್ಯಾಕ್ಟ್ ಸೆಡಾನ್‌ಗಳೊಂದಿಗೆ ಸ್ಪರ್ಧಿಸುತ್ತದೆ.
ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ