ಈ ದಿನದಂದು ಭಾರತದಲ್ಲಿ BYD eMAX 7ನ ಮಾರಾಟ ಪ್ರಾರಂಭ
ಈಗ ಇಮ್ಯಾಕ್ಸ್‌ 7 ಎಂದು ಕರೆಯಲ್ಪಡುವ e6ನ ಫೇಸ್‌ಲಿಫ್ಟೆಡ್ ಆವೃತ್ತಿಯು ಅಕ್ಟೋಬರ್ 8 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ
- e6 ಎಮ್‌ಪಿವಿಯು ನಮ್ಮ ಮಾರುಕಟ್ಟೆಗೆ BYD ಯ ಮೊದಲ ಖಾಸಗಿ ವಾಹನವಾಗಿದೆ.
- ಬಿವೈಡಿ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಇಮ್ಯಾಕ್ಸ್‌ 7 ಅನ್ನು ಎಮ್‌6 ಎಮ್‌ಪಿವಿ ಆಗಿ ನೀಡುತ್ತದೆ.
- ಇಮ್ಯಾಕ್ಸ್‌7 ಜಾಗತಿಕವಾಗಿ ಮಾರಾಟವಾದ ಬಿವೈಡಿ ಎಮ್‌6 ನ ವಿನ್ಯಾಸದ ಬದಲಾವಣೆಗಳನ್ನು ಪಡೆಯಬಹುದು.
- ಹೊರಭಾಗದ ಆಪ್‌ಡೇಟ್‌ಗಳು ಹೊಸ ಎಲ್ಇಡಿ ಲೈಟಿಂಗ್ ಮತ್ತು ಅಲಾಯ್‌ ವೀಲ್‌ಗಳನ್ನು ಒಳಗೊಂಡಿರುವ ನಿರೀಕ್ಷೆಯಿದೆ.
- 12.8-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಪನರೋಮಿಕ್‌ ಗ್ಲಾಸ್‌ ರೂಫ್‌ನೊಂದಿಗೆ ಬರಬಹುದು.
- ಅಂತರಾಷ್ಟ್ರೀಯವಾಗಿ, ಬಿವೈಡಿ ಎಮ್‌6 ಎರಡು ಬ್ಯಾಟರಿ ಪ್ಯಾಕ್‌ಗಳೊಂದಿಗೆ ಲಭ್ಯವಿದೆ: 55.4 ಕಿ.ವ್ಯಾಟ್‌ ಮತ್ತು 71.8 ಕಿ.ವ್ಯಾಟ್‌, 530 ಕಿಮೀ ವರೆಗೆ ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ನೀಡುತ್ತದೆ.
- ಎಮ್ಯಾಕ್ಸ್‌7 ಗೆ ಇ6ಗಿಂತ ಹೆಚ್ಚಿನ ಬೆಲೆಯನ್ನು ನಿಗದಿಪಡಿಸಬಹುದು, ಅದರ ಬೆಲೆ 29.15 ಲಕ್ಷ ರೂ. ಇದೆ(ಎಕ್ಸ್ ಶೋರೂಂ-ದೆಹಲಿ).
ಫೇಸ್‌ಲಿಫ್ಟೆಡ್ ಬಿವೈಡಿ ಇ6 ಎಮ್‌ಪಿಯನ್ನು ಭಾರತದಲ್ಲಿ ಬಿವೈಡಿ ಇಮ್ಯಾಕ್ಸ್‌7 ಎಂದು ಕರೆಯಲಾಗುವುದೆಂದು ಇತ್ತೀಚೆಗೆ ಬಹಿರಂಗಪಡಿಸಲಾಗಿದೆ. ಚೀನಾದ ಈ ಇವಿ ತಯಾರಕರು ಈಗ ಇಮ್ಯಾಕ್ಸ್‌ 7 ಅನ್ನು ನಮ್ಮ ಮಾರುಕಟ್ಟೆಯಲ್ಲಿ ಅಕ್ಟೋಬರ್ 8 ರಂದು ಬಿಡುಗಡೆಗೊಳಿಸಲಾಗುವುದೆಂದು ಖಚಿತಪಡಿಸಿದ್ದಾರೆ. ಮಾಹಿತಿಗಾಗಿ, ಬಿವೈಡಿ ಎಮ್‌ಪಿವಿ ಯನ್ನು ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ 'M6' ಎಂದು ಮಾರಾಟ ಮಾಡಲಾಗುತ್ತದೆ. ಇದರ ಭಾರತದ ಬಿಡುಗಡೆಯ ಮೊದಲು ನೀವು ತಿಳಿದುಕೊಳ್ಳಬೇಕಾದ ಎಲ್ಲವೂ ಇಲ್ಲಿದೆ:
ನಿರೀಕ್ಷಿತ ವಿನ್ಯಾಸದ ಅಪ್‌ಡೇಟ್‌ಗಳು
ಬಿವೈಡಿ ಇಮ್ಯಾಕ್ಸ್‌7 ಫೇಸ್‌ಲಿಫ್ಟ್‌ಗಿಂತ ಮೊದಲಿನ ಇ6 ಎಮ್‌ಪಿವಿಯಂತೆಯೇ ಬಾಡಿ ಶೈಲಿ ಮತ್ತು ಬಾಡಿ ಆಕೃತಿಯನ್ನು ಹೊಂದಿದೆ, ಆದರೆ ಬಿವೈಡಿ ಅದರ ವಿನ್ಯಾಸಕ್ಕೆ ಕೆಲವು ಬದಲಾವಣೆಗಳನ್ನು ಮಾಡಿದೆ, ಇದು ಜಾಗತಿಕವಾಗಿ ನೀಡಲಾದ ಎಮ್‌6 ಗೆ ಅನುಗುಣವಾಗಿರಬಹುದು. ಇದು ಹೊಸ ಜೋಡಿ ಎಲ್ಇಡಿ ಹೆಡ್‌ಲೈಟ್‌ಗಳನ್ನು ಮತ್ತು ಬಿವೈಡಿ ಆಟ್ಟೋ 3 ನಿಂದ ಸ್ಫೂರ್ತಿಗೊಂಡ ಆಪ್‌ಡೇಟ್‌ ಮಾಡಲಾದ ಗ್ರಿಲ್ ವಿನ್ಯಾಸವನ್ನು ಪಡೆಯುತ್ತದೆ. ಇತರ ನಿರೀಕ್ಷಿತ ಎಕ್ಸ್‌ಟಿರಿಯರ್‌ ಬದಲಾವಣೆಗಳಲ್ಲಿ ಮರುವಿನ್ಯಾಸಗೊಳಿಸಲಾದ ಆಲಾಯ್‌ ವೀಲ್‌ಗಳು, ಪರಿಷ್ಕೃತ ಬಂಪರ್‌ಗಳು ಮತ್ತು ಬದಲಾವಣೆ ಮಾಡಿದ ಎಲ್ಇಡಿ ಟೈಲ್ ಲೈಟ್ ಸೆಟಪ್ ಸೇರಿವೆ.
ಕ್ಯಾಬಿನ್ ಮತ್ತು ಫೀಚರ್‌ಗಳು
ಇಂಡಿಯಾ-ಸ್ಪೆಕ್ ಮಾಡೆಲ್ 6-ಸೀಟರ್ ಲೇಔಟ್‌ನಲ್ಲಿ ಬರಲಿದೆ ಎಂದು ಬಿವೈಡಿ ಇಂಡಿಯಾವು ಬಹಿರಂಗಪಡಿಸಿದೆ ಮತ್ತು ಇದು ಬಿವೈಡಿ ಎಮ್‌6 ನ ಕ್ಯಾಬಿನ್‌ನಿಂದ ಕೆಲವು ಅಂಶಗಳನ್ನು ಎರವಲು ಪಡೆಯುವ ನಿರೀಕ್ಷೆಯಿದೆ. ಇಂಟರ್ನ್ಯಾಷನಲ್-ಸ್ಪೆಕ್ ಇಮ್ಯಾಕ್ಸ್‌ 7 ನವೀಕರಿಸಿದ ಡ್ಯಾಶ್‌ಬೋರ್ಡ್ ವಿನ್ಯಾಸದೊಂದಿಗೆ ಡ್ಯುಯಲ್-ಟೋನ್ ಕ್ಯಾಬಿನ್ ಥೀಮ್ ಅನ್ನು ಹೊಂದಿದೆ. ಇದು ಡ್ಯಾಶ್‌ಬೋರ್ಡ್‌ನಲ್ಲಿ ಹೊಸ ಮೆಟಿರಿಯಲ್‌ಗಳು, ಪರಿಷ್ಕೃತ ಸೆಂಟ್ರಲ್‌ ಕನ್ಸೋಲ್ ಮತ್ತು ತಾಜಾ ಡ್ರೈವ್ ಮೋಡ್ ಸೆಲೆಕ್ಟರ್ ಅನ್ನು ಸಹ ಒಳಗೊಂಡಿದೆ.
ಬಿವೈಡಿ ಇಂಡಿಯಾ-ಸ್ಪೆಕ್ ಇಮ್ಯಾಕ್ಸ್‌7 ಅನ್ನು ದೊಡ್ಡ 12.8-ಇಂಚಿನ ತಿರುಗುವ ಟಚ್‌ಸ್ಕ್ರೀನ್, ವೈರ್‌ಲೆಸ್ ಫೋನ್ ಚಾರ್ಜರ್, ಪನರೋಮಿಕ್‌ ಗ್ಲಾಸ್‌ ರೂಫ್‌ ಮತ್ತು ಎಮ್‌6ನಿಂದ ಮುಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟುಗಳೊಂದಿಗೆ ಸಜ್ಜುಗೊಳಿಸಬಹುದು. ಇದರ ಸುರಕ್ಷತಾ ಕಿಟ್ ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಮತ್ತು ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ಆಟೋನೊಮಸ್‌ ಎಮೆರ್ಜೆನ್ಸಿ ಬ್ರೇಕಿಂಗ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್ ಸೇರಿದಂತೆ ಲೆವೆಲ್-2 ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳೊಂದಿಗೆ (ADAS) ಬರಬಹುದು.
ಇದನ್ನು ಓದಿ: ಬ್ರೇಕಿಂಗ್: ಭಾರತದಲ್ಲಿ ಕಾರುಗಳನ್ನು ತಯಾರಿಸಲು ವಾಪಾಸ್ ಬರುತ್ತಿರುವ Ford
ಅದರ ಬ್ಯಾಟರಿ ಪ್ಯಾಕ್ ಮತ್ತು ರೇಂಜ್‌ ಬಗ್ಗೆ?
ಇಮ್ಯಾಕ್ಸ್‌7 ಜಾಗತಿಕವಾಗಿ 55.4 ಕಿ.ವ್ಯಾಟ್‌ ಪ್ಯಾಕ್ ಮತ್ತು ದೊಡ್ಡದಾದ 71.8 ಕಿ.ವ್ಯಾಟ್‌ ಎಂಬ ಎರಡು ಬ್ಯಾಟರಿ ಪ್ಯಾಕ್‌ಗಳ ಆಯ್ಕೆಯನ್ನು ಪಡೆಯುತ್ತದೆ. ಮೊದಲನೆಯದು 163 ಪಿಎಸ್‌ ಎಲೆಕ್ಟ್ರಿಕ್ ಮೋಟರ್‌ಗೆ ಸಂಯೋಜಿತವಾಗಿದ್ದರೆ, ದೊಡ್ಡ ಬ್ಯಾಟರಿ ಪ್ಯಾಕ್ 204 ಪಿಎಸ್‌ ಮೋಟರ್‌ನೊಂದಿಗೆ ಜೋಡಿಸಲ್ಪಟ್ಟಿದೆ. ಬಿವೈಡಿ ಇ ಮ್ಯಾಕ್ಸ್‌7 NEDC (ಹೊಸ ಯುರೋಪಿಯನ್ ಡ್ರೈವಿಂಗ್ ಸೈಕಲ್) 530 ಕಿಮೀ ವರೆಗೆ ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ಪಡೆಯುತ್ತದೆ ಮತ್ತು ವೆಹಿಕಲ್-ಟು-ಲೋಡ್ (V2L) ಕಾರ್ಯವನ್ನು ಒಳಗೊಂಡಿದೆ.
ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ನಾವು ಬಿವೈಡಿ ಇಮ್ಯಾಕ್ಸ್‌7 ಅನ್ನು ಇ6 ಗಿಂತ ಪ್ರೀಮಿಯಂ ದರದಲ್ಲಿ ಮಾರುಕಟ್ಟೆಗೆ ಬರಲಿದೆ ಎಂದು ನಿರೀಕ್ಷಿಸಲಾಗಿದೆ, ಭಾರತದಾದ್ಯಂತ ಇ6ನ ಎಕ್ಸ್-ಶೋರೂಮ್ ಬೆಲೆ 29.15 ಲಕ್ಷ ರೂ. ಆಗಿದೆ. ಇದು ಭಾರತದಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿಲ್ಲ, ಆದರೆ ಈ ಎಮ್‌ಪಿವಿಯು ಟೊಯೋಟಾ ಇನ್ನೋವಾ ಹೈಕ್ರಾಸ್ ಮತ್ತು ಟೊಯೋಟಾ ಇನ್ನೋವಾ ಕ್ರಿಸ್ಟಾದಂತಹವುಗಳಿಗೆ ಎಲೆಕ್ಟ್ರಿಕ್ ಆಯ್ಕೆಯಾಗಲಿದೆ.
ನಿರಂತರ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ.