Hyundai Creta N Line ಭಾರತದಲ್ಲಿ ಬಿಡುಗಡೆ, ಬೆಲೆಗಳು 16.82 ಲಕ್ಷ ರೂ.ನಿಂದ ಪ್ರಾರಂಭ

ಐ20 ಎನ್ ಲೈನ್ ಮತ್ತು ವೆನ್ಯೂ ಎನ್ ಲೈನ್ ನಂತರ ಹ್ಯುಂಡೈ ಕ್ರೆಟಾ ಎನ್ ಲೈನ್ ಭಾರತದಲ್ಲಿ ಕಾರ್ ತಯಾರಕರ ಮೂರನೇ 'ಎನ್ ಲೈನ್' ಮೊಡೆಲ್‌ ಆಗಿದೆ.

• ಹುಂಡೈವು ಕ್ರೆಟಾ ಎನ್ ಲೈನ್ ಅನ್ನು N8 ಮತ್ತು N10 ಎಂಬ ಎರಡು ವಿಶಾಲವಾದ ಆವೃತ್ತಿಗಳಲ್ಲಿ ನೀಡುತ್ತಿದೆ.

• ಹೊಸ ಗ್ರಿಲ್, ದೊಡ್ಡ 18-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಸಂಪೂರ್ಣ ಕಪ್ಪು ಕ್ಯಾಬಿನ್‌ನಂತಹ ವಿನ್ಯಾಸ ಪರಿಷ್ಕರಣೆಗಳನ್ನು ಪಡೆಯುತ್ತದೆ.

• ಬೋರ್ಡ್‌ನಲ್ಲಿರುವ ವೈಶಿಷ್ಟ್ಯಗಳು ಡ್ಯುಯಲ್ 10.25-ಇಂಚಿನ ಡಿಸ್‌ಪ್ಲೇಗಳು, ಪನೋರಮಿಕ್ ಸನ್‌ರೂಫ್ ಮತ್ತು ADAS ಅನ್ನು ಒಳಗೊಂಡಿದೆ.

• 6-ಸ್ಪೀಡ್ ಮ್ಯಾನುಯಲ್‌ ಮತ್ತು 7-ಸ್ಪೀಡ್ ಡಿಸಿಟಿ ಎರಡನ್ನೂ ಹೊಂದಿರುವ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ನೊಂದಿಗೆ ನೀಡಲಾಗುತ್ತದೆ.

• ಭಾರತದಾದ್ಯಂತ ಹುಂಡೈ ಕ್ರೆಟಾ ಎನ್ ಲೈನ್‌ನ ಪರಿಚಯಾತ್ಮಕ ಎಕ್ಸ್ ಶೋರೂಂ ಬೆಲೆಗಳು 16.82 ಲಕ್ಷ ರೂ.ನಿಂದ 20.30 ಲಕ್ಷ ರೂ.ವರೆಗೆ ಇರಲಿದೆ.

ಹುಂಡೈ ಕ್ರೆಟಾ ಎನ್ ಲೈನ್ ಅಂತಿಮವಾಗಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಇದು ಫೇಸ್‌ಲಿಫ್ಟೆಡ್ ಕ್ರೆಟಾ ಎಸ್‌ಯುವಿಯ ಸ್ಪೋರ್ಟಿಯರ್ ಆವೃತ್ತಿಯಾಗಿದೆ ಮತ್ತು N8 ಹಾಗು N10 ಎಂಬ ಎರಡು ವಿಶಾಲವಾದ ಆವೃತ್ತಿಗಳಲ್ಲಿ ನೀಡಲಾಗುತ್ತಿದೆ. ಅದರ ವೇರಿಯಂಟ್-ವಾರು ಬೆಲೆಗಳ ಪಟ್ಟಿ ಇಲ್ಲಿದೆ:

*DCT- ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಹ್ಯುಂಡೈ ಕ್ರೆಟಾ ಎನ್‌ ಲೈನ್‌ನ ಟಾಪ್-ಎಂಡ್‌ ಎನ್‌10 ಡಿಸಿಟಿ ಅನ್ನು ರೆಗುಲರ್‌ ಕ್ರೆಟಾದ SX(ಒಪ್ಶನಲ್‌) ಆವೃತ್ತಿಗಿಂತ 30,000 ರೂ. ವರೆಗೆ ಹೆಚ್ಚುವರಿ ಬೆಲೆಯನ್ನು ನಿಗದಿಪಡಿಸಿದೆ. ಹ್ಯುಂಡೈ ಎಸ್‌ಯುವಿಯ ರೆಗುಲರ್‌ ಮತ್ತು ಎನ್‌ಲೈನ್ ಆವೃತ್ತಿಗಳ ನಡುವಿನ ಬೆಲೆಯ ಪ್ರೀಮಿಯಂ ಅನ್ನು ಬದಲಾಯಿಸಬಹುದಾದ ಈ ಬೆಲೆಗಳನ್ನು ಮುಂದಿನ ದಿನಗಳಲ್ಲಿ ಪರಿಷ್ಕರಿಸಲಾಗುವುದು ಎಂಬುದನ್ನು ಗಮನಿಸುವುದು ಮುಖ್ಯವಾಗಿದೆ.

• ಮನೆಬಾಗಿಲಿಗೆ ಕಾರ್ ಸರ್ವೀಸ್‌

• ಕಾರ್ ಸರ್ವೀಸ್‌ ಹಿಸ್ಟರಿಯನ್ನು ಪರಿಶೀಲಿಸಿ

ಎಂಜಿನ್‌ಗಳ ಕುರಿತು

ರೆಗುಲರ್‌ ಕ್ರೆಟಾದ ಟಾಪ್‌ ಎಂಡ್‌ ವೇರಿಯೆಂಟ್‌ನಲ್ಲಿ ನೀಡಲಾದ ಅದೇ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ (160 PS/ 253 Nm) ಅನ್ನು ಕ್ರೆಟಾ ಎನ್‌ ಲೈನ್ ಪಡೆಯುತ್ತದೆ. ಆದಾಗಿಯೂ, ಈ ಸ್ಪೋರ್ಟಿಯರ್ ಎನ್‌ ಲೈನ್ ಎಸ್‌ಯುವಿಯು 6-ಸ್ಪೀಡ್ ಮ್ಯಾನುವಲ್ ಮತ್ತು 7-ಸ್ಪೀಡ್ DCT (ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್) ಆಯ್ಕೆಗಳೊಂದಿಗೆ ಬರುತ್ತದೆ, ಆದರೆ ಎರಡನೆಯದು 7-ಸ್ಪೀಡ್ DCT ಯುನಿಟ್ ಅನ್ನು ಮಾತ್ರ ಪಡೆಯುತ್ತದೆ. ಇದು ಮ್ಯಾನುಯಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಪ್ರತಿ ಲೀ.ಗೆ 18 ಕಿ.ಮೀ ಮತ್ತು DCT ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಪ್ರತಿ ಲೀ.ಗೆ 18.2 ಕಿ.ಮೀ ನಷ್ಟು ಘೋಷಿಸಲಾದ ರೇಂಜ್‌ ಅನ್ನು ನೀಡುತ್ತದೆ.

ಹ್ಯುಂಡೈನ 'ಎನ್ ಲೈನ್' ವಿಭಾಗದಿಂದ ಬಂದ ಕಾರಾಗಿರುವ ಸ್ಪೋರ್ಟಿಯರ್ ಕ್ರೆಟಾವು ವಿಭಿನ್ನವಾದ ಸಸ್ಪೆನ್ಷನ್ ಸೆಟಪ್, ಸುಧಾರಿತ ನಿರ್ವಹಣೆಗಾಗಿ ತ್ವರಿತ ಸ್ಟೀರಿಂಗ್ ರ್ಯಾಕ್ ಸಿಸ್ಟಮ್ ಮತ್ತು ಥ್ರೋಟಿಯರ್‌ ಎಕ್ಸಾಸ್ಟ್ ನೋಟ್ ಅನ್ನು ಹೊಂದಿದೆ.

ಇದನ್ನೂ ಪರಿಶೀಲಿಸಿ: ಈ ಮಾರ್ಚ್‌ನಲ್ಲಿ Hyundai ಕಾರುಗಳ ಖರೀದಿಯ ವೇಳೆಯಲ್ಲಿ ಸುಮಾರು 43,000 ರೂ.ಗಿಂತ ಹೆಚ್ಚು ಲಾಭವನ್ನು ಪಡೆಯಿರಿ

ಸ್ಪೋರ್ಟಿಯರ್ ಲುಕ್‌

ಕ್ರೆಟಾ ಎನ್ ಲೈನ್ ವಿಭಿನ್ನ ಗ್ರಿಲ್, ಕೆಂಪು ಇನ್ಸರ್ಟ್‌ನೊಂದಿಗೆ ಟ್ವೀಕ್ ಮಾಡಿದ ಬಂಪರ್‌ಗಳು, ಕೆಂಪು ಬ್ರೇಕ್ ಕ್ಯಾಲಿಪರ್‌ಗಳೊಂದಿಗೆ ದೊಡ್ಡ 18-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಕೆಂಪು ಇನ್ಸರ್ಟ್‌ನೊಂದಿಗೆ ಸೈಡ್ ಸ್ಕರ್ಟಿಂಗ್‌ಗಳನ್ನು ಪಡೆಯುತ್ತದೆ. ಇದು ಬಹು 'N ಲೈನ್' ಬ್ಯಾಡ್ಜ್‌ಗಳು ಮತ್ತು ಡ್ಯುಯಲ್-ಟಿಪ್ ಎಕ್ಸಾಸ್ಟ್ ಅನ್ನು ಸಹ ಒಳಗೊಂಡಿದೆ.

ಒಳಭಾಗದಲ್ಲಿ, ಕ್ರೆಟಾ ಎನ್ ಲೈನ್ ಡ್ಯಾಶ್‌ಬೋರ್ಡ್‌ನಲ್ಲಿ ಕೆಂಪು ಎಕ್ಸೆಂಟ್‌ಗಳೊಂದಿಗೆ ಸಂಪೂರ್ಣ-ಕಪ್ಪು ಥೀಮ್, ಅಪ್ಹೋಲ್‌ಸ್ಟರಿಗಾಗಿ ಕಾಂಟ್ರಾಸ್ಟ್ ರೆಡ್ ಸ್ಟಿಚಿಂಗ್ ಮತ್ತು ಕೆಂಪು ಆಂಬಿಯೆಂಟ್ ಲೈಟಿಂಗ್ ಅನ್ನು ಹೊಂದಿದೆ. ಹ್ಯುಂಡೈ ಇದಕ್ಕೆ ಎನ್‌ಲೈನ್-ನಿರ್ದಿಷ್ಟ ಸ್ಟೀರಿಂಗ್ ವೀಲ್ ಮತ್ತು ಶಿಫ್ಟರ್ ಅನ್ನು ಸಹ ಒದಗಿಸಿದೆ.

ತಂತ್ರಜ್ಞಾನ ಮತ್ತು ವೈಶಿಷ್ಟ್ಯಗಳ ಪಟ್ಟಿ

ಹ್ಯುಂಡೈ ಕ್ರೆಟಾ ಎನ್ ಲೈನ್ ಅನ್ನು 10.25-ಇಂಚಿನ ಟಚ್‌ಸ್ಕ್ರೀನ್, ಡ್ಯುಯಲ್-ಜೋನ್ ಎಸಿ, ಪನೋರಮಿಕ್ ಸನ್‌ರೂಫ್, ಡ್ಯುಯಲ್-ಕ್ಯಾಮೆರಾ ಡ್ಯಾಶ್‌ಕ್ಯಾಮ್, 8-ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಮ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ ಮತ್ತು ವೈರ್‌ಲೆಸ್ ಫೋನ್ ಚಾರ್ಜಿಂಗ್‌ಗಳಂತಹ ವೈಶಿಷ್ಟ್ಯಗಳೊಂದಿಗೆ ಅಲಂಕರಿಸಿದೆ. ಸ್ಪೋರ್ಟಿಯರ್ ಕ್ರೆಟಾದ ಸುರಕ್ಷತಾ ವಿಭಾಗವು ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಬಹು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿದೆ. ಈ ವೈಶಿಷ್ಟ್ಯಗಳು ಸಾಮಾನ್ಯ ಕ್ರೆಟಾದ ಹೆಚ್ಚಿನ ಆವೃತ್ತಿಗಳಲ್ಲಿಯೂ ಇರುತ್ತವೆ.

ಪ್ರತಿಸ್ಪರ್ಧಿಗಳ ಕುರಿತು

ಹ್ಯುಂಡೈ ಕ್ರೆಟಾ ಎನ್ ಲೈನ್ ಮಾರುಕಟ್ಟೆಯಲ್ಲಿ ಕಿಯಾ ಸೆಲ್ಟೋಸ್ ಜಿಟಿಎಕ್ಸ್ + ಮತ್ತು ಎಕ್ಸ್-ಲೈನ್ ಮತ್ತು ಫೋಕ್ಸ್‌ವ್ಯಾಗನ್ ಟೈಗನ್ ಜಿಟಿ, ಸ್ಕೋಡಾ ಕುಶಾಕ್ ಮತ್ತು ಎಂಜಿ ಆಸ್ಟರ್‌ನ ಟಾಪ್‌-ಎಂಡ್‌ ಆವೃತ್ತಿಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ಇದನ್ನು ಸಹ ಓದಿ: ಈ ನಗರಗಳಲ್ಲಿ ಕಾಂಪ್ಯಾಕ್ಟ್ ಎಸ್‌ಯುವಿಗಳ ಡೆಲಿವರಿ ಪಡೆಯಲು ಎಂಟು ತಿಂಗಳವರೆಗೆ ವೈಟಿಂಗ್‌ ಪಿರೇಡ್‌..!

ಇನ್ನಷ್ಟು ಓದಿ : ಹ್ಯುಂಡೈ ಕ್ರೆಟಾ ಎನ್ ಲೈನ್ ಆನ್‌ರೋಡ್‌ ಬೆಲೆ