ಮೊಡೆಲ್‌ ಇಯರ್‌ ಆಪ್‌ಡೇಟ್‌ ಪಡೆದ Hyundai Creta, ಪನೋರಮಿಕ್ ಸನ್‌ರೂಫ್ ವೇರಿಯೆಂಟ್‌ನ ಬೆಲೆಯಲ್ಲಿ 1.5 ಲಕ್ಷ ರೂ.ಗಳಷ್ಟು ಕಡಿತ
ಮೊಡೆಲ್‌ ಇಯರ್‌ನ (MY25) ಆಪ್‌ಡೇಟ್‌ನ ಭಾಗವಾಗಿ, ಕ್ರೆಟಾ ಈಗ EX(O) ಮತ್ತು SX ಪ್ರೀಮಿಯಂ ಎಂಬ ಎರಡು ಹೊಸ ವೇರಿಯೆಂಟ್‌ಗಳನ್ನು ಪಡೆಯುತ್ತದೆ
ಹ್ಯುಂಡೈ ಕ್ರೆಟಾ ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಮತ್ತು ಜನಪ್ರಿಯ ಎಸ್‌ಯುವಿಗಳಲ್ಲಿ ಒಂದಾಗಿದೆ. ಇದು ದಿಟ್ಟ ಎಸ್‌ಯುವಿ ಲುಕ್‌, ಸಮಗ್ರ ಫೀಚರ್‌ಗಳ ಪಟ್ಟಿ ಮತ್ತು ಶಕ್ತಿಶಾಲಿ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ನೀಡುತ್ತದೆ. ಹ್ಯುಂಡೈ ಈಗ ಈ ಎಸ್‌ಯುವಿಗಾಗಿ ಮೊಡೆಲ್‌ ಇಯರ್‌ ಆಪ್‌ಡೇಟ್‌ಗಳನ್ನು ಪರಿಚಯಿಸಿದೆ, ಹಾಗೆಯೇ EX(O) ಮತ್ತು SX ಪ್ರೀಮಿಯಂ ಎಂಬ ಎರಡು ಹೊಸ ವೇರಿಯೆಂಟ್‌ಗಳನ್ನು ಪರಿಚಯಿಸಿದೆ. ಇದರಲ್ಲಿ ಮೊದಲನೆಯದು ಕ್ರೆಟಾದಲ್ಲಿ ಪನೋರಮಿಕ್ ಸನ್‌ರೂಫ್ ಅನ್ನು ಇನ್ನಷ್ಟು ಕೈಗೆಟುಕುವಂತೆ ಮಾಡಿದೆ. SX(O) ಸೇರಿದಂತೆ ಕೆಲವು ಅಸ್ತಿತ್ವದಲ್ಲಿರುವ ವೇರಿಯೆಂಟ್‌ಗಳ ಫೀಚರ್‌ಗಳನ್ನು ಸಹ ಮರುರೂಪಿಸಲಾಗಿದೆ. ಕ್ರೆಟಾದ ಹೊಸದಾಗಿ ಪರಿಚಯಿಸಲಾದ/ಪರಿಷ್ಕರಿಸಿದ ಟ್ರಿಮ್‌ಗಳ ಬೆಲೆಗಳು ಮತ್ತು ಆಪ್‌ಡೇಟ್‌ಗಳನ್ನು ನೋಡೋಣ.
ಇಎಕ್ಸ್‌(ಒಪ್ಶನಲ್‌)
| ವೇರಿಯೆಂಟ್ |
ರೆಗ್ಯುಲರ್‌ ಇಎಕ್ಸ್‌ ಬೆಲೆ |
ಇಎಕ್ಸ್‌(ಒಪ್ಶನಲ್‌) ಬೆಲೆ |
ವ್ಯತ್ಯಾಸ |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಮ್ಯಾನ್ಯುವಲ್‌ |
12.32 ಲಕ್ಷ ರೂ. |
Rs 12.97 ಲಕ್ಷ ರೂ. |
+ 65,000 ರೂ. |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಸಿವಿಟಿ |
N.A. |
Rs 14.37 ಲಕ್ಷ ರೂ. |
N.A. |
| 1.5-ಲೀಟರ್ ಡೀಸೆಲ್ ಮ್ಯಾನ್ಯುವಲ್‌ |
13.92 ಲಕ್ಷ ರೂ. |
14.57 ಲಕ್ಷ ರೂ. |
|
| 1.5-ಲೀಟರ್ ಡೀಸೆಲ್ ಆಟೋಮ್ಯಾಟಿಕ್ |
N.A. |
15.97 ಲಕ್ಷ ರೂ. |
N.A. |
-
ಹೊಸ EX(O) ವೇರಿಯೆಂಟ್ ರೆಗ್ಯುಲರ್‌ EX ವೇರಿಯೆಂಟ್‌ಗಿಂತ ಮೇಲಿದ್ದು, ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತಿದೆ.
-
ಇದು ರೆಗ್ಯುಲರ್‌ EX ಟ್ರಿಮ್ ಮೇಲೆ ಪನೋರಮಿಕ್ ಸನ್‌ರೂಫ್ ಮತ್ತು LED ರೀಡಿಂಗ್ ಲೈಟಿಂಗ್‌ಗಳನ್ನು ಪಡೆಯುತ್ತದೆ.
-
ಈ ಹಿಂದೆ, S(O) ವೇರಿಯೆಂಟ್‌ನಿಂದ ಪನೋರಮಿಕ್ ಸನ್‌ರೂಫ್‌ನ ಆರಂಭವಾಗುತ್ತಿದ್ದು, ಇದರ ಬೆಲೆ 14.47 ಲಕ್ಷ ರೂ.ಗಳಷ್ಟಿತ್ತು. ಈಗ, ಈ ಫೀಚರ್ 1.5 ಲಕ್ಷ ರೂ.ಗಳವರೆಗೆ ಕೈಗೆಟುಕುವಂತಾಗಿದೆ.
-
ಇದು ಪೆಟ್ರೋಲ್ ಮತ್ತು ಡೀಸೆಲ್ ಪವರ್‌ಟ್ರೇನ್‌ಗಳೆರಡರ ಆಯಾ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ ಆಯ್ಕೆಗಳೊಂದಿಗೆ ಲಭ್ಯವಿದೆ.
-
ಎಸ್‌(ಒಪ್ಶನಲ್‌) ಸಿವಿಟಿ ಕ್ರೆಟಾದ ಎಂಟ್ರಿ ಲೆವೆಲ್ ಪೆಟ್ರೋಲ್ ಆಟೋಮ್ಯಾಟಿಕ್ ವೇರಿಯೆಂಟ್ ಆಗಿತ್ತು. ಈಗ, EX(O) ಸಿವಟಿ ವೇರಿಯೆಂಟ್ ಆಗಿದ್ದು, ಹಿಂದಿನದ್ದಕ್ಕಿಂತ ಇದು 1.6 ಲಕ್ಷ ರೂ.ನಷ್ಟು ಹೆಚ್ಚು ಕೈಗೆಟುಕುವಂತಿದೆ.
-
ಅದೇ ರೀತಿ EX(O) ಡೀಸೆಲ್ ಆಟೋಮ್ಯಾಟಿಕ್ ವೇರಿಯೆಂಟ್, ಹಿಂದಿನ S(O) ಡೀಸೆಲ್ ಆಟೋಮ್ಯಾಟಿಕ್ ವೇರಿಯೆಂಟ್‌ಗಿಂತ ಸುಮಾರು 1.58 ಲಕ್ಷ ರೂ.ಗಳಷ್ಟು ಹೆಚ್ಚು ಕೈಗೆಟುಕುವಂತಿದೆ.
ಎಸ್‌ಎಕ್ಸ್‌ ಪ್ರೀಮಿಯಮ್‌
| ವೇರಿಯೆಂಟ್ |
SX ಟೆಕ್ ಬೆಲೆ |
SX ಪ್ರೀಮಿಯಂ ಬೆಲೆ |
ವ್ಯತ್ಯಾಸ |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಮ್ಯಾನ್ಯುವಲ್‌ |
16.09 ಲಕ್ಷ ರೂ. |
16.18 ಲಕ್ಷ ರೂ. |
+ 9,000 ರೂ. |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಸಿವಿಟಿ |
17.59 ಲಕ್ಷ ರೂ. |
17.68 ಲಕ್ಷ ರೂ. |
+ 9,000 ರೂ. |
| 1.5-ಲೀಟರ್ ಡೀಸೆಲ್ ಮ್ಯಾನ್ಯುವಲ್‌ |
17.67 ಲಕ್ಷ ರೂ. |
17.77 ಲಕ್ಷ ರೂ. |
+ 10,000 ರೂ. |
-
ಹೊಸ SX ಪ್ರೀಮಿಯಂ ವೇರಿಯೆಂಟ್ ಕ್ರೆಟಾದ ಎಸ್‌ಎಕ್ಸ್‌ ಟೆಕ್ ಮತ್ತು ಎಸ್‌ಎಕ್ಸ್‌(ಒಪ್ಶನಲ್‌) ಟ್ರಿಮ್‌ಗಳ ನಡುವೆ ಇರುತ್ತದೆ.
-
ಫೀಚರ್‌ನ ಹೈಲೈಟ್‌ಗಳಲ್ಲಿ ಮುಂಭಾಗದ ಸೀಟುಗಳಲ್ಲಿ ವೆಂಟಿಲೇಶನ್‌, 8-ವೇ ಚಾಲಿತ ಚಾಲಕ ಸೀಟು, 8-ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಮ್ ಮತ್ತು ಲೆಥೆರೆಟ್ ಸೀಟ್ ಕವರ್‌ ಸೇರಿವೆ.
-
ಪೆಟ್ರೋಲ್ ಮ್ಯಾನುವಲ್, ಪೆಟ್ರೋಲ್ ಆಟೋಮ್ಯಾಟಿಕ್ ಮತ್ತು ಡೀಸೆಲ್ ಮ್ಯಾನುವಲ್ ಆಯ್ಕೆಗಳೊಂದಿಗೆ ಲಭ್ಯವಿದೆ.
ಎಸ್‌ಎಕ್ಸ್‌(ಒಪ್ಶನಲ್‌)
| ವೇರಿಯೆಂಟ್ |
ಹಳೆಯ ಬೆಲೆ |
ಹೊಸ ಬೆಲೆ |
ವ್ಯತ್ಯಾಸ |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಮ್ಯಾನ್ಯುವಲ್‌ |
17.38 ಲಕ್ಷ ರೂ. |
17.46 ಲಕ್ಷ ರೂ. |
+ 8,000 ರೂ. |
| 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಸಿವಿಟಿ |
18.84 ಲಕ್ಷ ರೂ. |
18.92 ಲಕ್ಷ ರೂ. |
+ 8,000 ರೂ. |
| 1.5-ಲೀಟರ್ ಡೀಸೆಲ್ ಮ್ಯಾನ್ಯುವಲ್‌ |
18.97 ಲಕ್ಷ ರೂ. |
19.05 ಲಕ್ಷ ರೂ. |
+ 8,000 ರೂ. |
| 1.5-ಲೀಟರ್ ಡೀಸೆಲ್ ಆಟೋಮ್ಯಾಟಿಕ್ |
20 ಲಕ್ಷ ರೂ. |
20 ಲಕ್ಷ ರೂ. |
ವ್ಯತ್ಯಾಸವಿಲ್ಲ |
| 1.2-ಲೀಟರ್ ಟರ್ಬೊ-ಪೆಟ್ರೋಲ್ ಡಿಸಿಟಿ |
20.11 ಲಕ್ಷ ರೂ. |
20.19 ಲಕ್ಷ ರೂ. |
+ 8,000 ರೂ. |
-
ಕ್ರೆಟಾದ ಅಸ್ತಿತ್ವದಲ್ಲಿರುವ ಎಸ್‌ಎಕ್ಸ್‌(ಒಪ್ಶನಲ್‌) ವೇರಿಯೆಂಟ್ ಬೆಲೆ ಈಗ 8,000 ರೂ.ಗಳವರೆಗೆ ಹೆಚ್ಚಾಗಿದೆ. ಆದರೂ, ಡೀಸೆಲ್ ಆಟೋಮ್ಯಾಟಿಕ್ ಬೆಲೆಗಳು ಬದಲಾಗದೆ ಉಳಿದಿವೆ.
-
ಎಸ್‌ಎಕ್ಸ್‌(ಒಪ್ಶನಲ್‌) ಟ್ರಿಮ್ ಈಗ ಮಳೆ-ಸಂವೇದಿ ವೈಪರ್, ಹಿಂಭಾಗದ ಸೀಟುಗಳಿಗೆ ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಸ್ಕೂಪ್ಡ್ ಸೀಟುಗಳೊಂದಿಗೆ ಬರುತ್ತದೆ.
ಇತರೆ ಅಪ್‌ಡೇಟ್‌ಗಳು
S(O) ನಿಂದ, ಹುಂಡೈ ಕ್ರೆಟಾ ಈಗ ಸ್ಮಾರ್ಟ್ ಕೀ ಫೀಚರ್ ಅನ್ನು ಪಡೆಯುತ್ತದೆ. ಅಲ್ಲದೆ, ಕ್ರೆಟಾದ ಎಲ್ಲಾ ವೇರಿಯೆಂಟ್‌ಗಳಲ್ಲಿ ಟೈಟಾನ್ ಮ್ಯಾಟ್ ಗ್ರೇ ಮತ್ತು ಸ್ಟಾರಿ ನೈಟ್ ಬಾಡಿ ಕಲರ್‌ಗಳ ಆಯ್ಕೆಗಳು ಲಭ್ಯವಿದೆ.
ಫೀಚರ್‌ಗಳು ಮತ್ತು ಸುರಕ್ಷತೆ
ಕ್ರೆಟಾದಲ್ಲಿರುವ ಇತರ ಫೀಚರ್‌ಗಳಲ್ಲಿ 10.25-ಇಂಚಿನ ಡ್ಯುಯಲ್ ಸ್ಕ್ರೀನ್‌ಗಳು, ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ, ಡ್ಯುಯಲ್-ಜೋನ್ ಎಸಿ ಮತ್ತು ಮುಂಭಾಗದ ಸೀಟುಗಳಿಗೆ ವೈರ್‌ಲೆಸ್ ಫೋನ್ ಚಾರ್ಜರ್ ಸೇರಿವೆ. ಹುಂಡೈ ಕ್ರೆಟಾದಲ್ಲಿ 6 ಏರ್‌ಬ್ಯಾಗ್‌ಗಳು, ಇಬಿಡಿಯೊಂದಿಗೆ ಎಬಿಎಸ್, ಹಿಲ್ ಸ್ಟಾರ್ಟ್ ಅಸಿಸ್ಟ್, ವೆಹಿಕಲ್ ಸ್ಟೆಬಿಲಿಟಿ ಕಂಟ್ರೋಲ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಂಎಸ್) ಮತ್ತು ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳಂತಹ ಸುರಕ್ಷತಾ ಫೀಚರ್‌ಗಳನ್ನು ಅಳವಡಿಸಲಾಗಿದೆ. ಇದು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಫಾರ್ವರ್ಡ್ ಡಿಕ್ಕಿ ಎಚ್ಚರಿಕೆ, ಆಟೋನೊಮಸ್‌ ಎಮೆರ್ಜೆನ್ಸಿ ಬ್ರೇಕಿಂಗ್ ಮತ್ತು ಬ್ಲೈಂಡ್ ಸ್ಪಾಟ್ ಡಿಟೆಕ್ಷನ್ ಮುಂತಾದ ಲೆವೆಲ್ 2 ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್‌ಗಳನ್ನು (ADAS) ಪಡೆಯುತ್ತದೆ.
ಯಾವುದೇ ಯಾಂತ್ರಿಕ ಬದಲಾವಣೆಗಳಿಲ್ಲ
ಹ್ಯುಂಡೈ ಕ್ರೆಟಾವನ್ನು ಮೂರು ಎಂಜಿನ್ ಆಯ್ಕೆಗಳೊಂದಿಗೆ ನೀಡುತ್ತದೆ. ವಿಶೇಷಣಗಳು ಈ ಕೆಳಗಿನಂತಿವೆ:
| ಎಂಜಿನ್ |
1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ |
1.5-ಲೀಟರ್ ಟರ್ಬೊ-ಪೆಟ್ರೋಲ್ |
1.5-ಲೀಟರ್ ಡೀಸೆಲ್ |
| ಪವರ್‌ |
115 ಪಿಎಸ್‌ |
160 ಪಿಎಸ್‌ |
116 ಪಿಎಸ್‌ |
| ಟಾರ್ಕ್‌ |
144 ಎನ್‌ಎಮ್‌ |
253 ಎನ್‌ಎಮ್‌ |
250 ಎನ್‌ಎಮ್‌ |
| ಟ್ರಾನ್ಸ್‌ಮಿಷನ್‌ |
6-ಸ್ಪೀಡ್ ಎಂಟಿ, ಸಿವಿಟಿ |
7-ಸ್ಪೀಡ್ ಡಿಸಿಟಿ |
6-ಸ್ಪೀಡ್ ಎಂಟಿ, 6-ಸ್ಪೀಡ್ ಎಟಿ |
ಬೆಲೆ ರೇಂಜ್‌ ಮತ್ತು ಪ್ರತಿಸ್ಪರ್ಧಿಗಳು
ಹ್ಯುಂಡೈ ಕ್ರೆಟಾ ಕಾರಿನ ಬೆಲೆ 11.11 ಲಕ್ಷ ರೂಪಾಯಿಗಳಿಂದ 20.42 ಲಕ್ಷ ರೂಪಾಯಿಗಳವರೆಗೆ (ದೆಹಲಿಯ ಎಕ್ಸ್ ಶೋ ರೂಂ) ಇದೆ. ಇದು ಕಿಯಾ ಸೆಲ್ಟೋಸ್, ಮಾರುತಿ ಗ್ರ್ಯಾಂಡ್ ವಿಟಾರಾ, ವೋಕ್ಸ್‌ವ್ಯಾಗನ್ ಟೈಗುನ್, ಎಂಜಿ ಆಸ್ಟರ್, ಸ್ಕೋಡಾ ಕುಶಾಕ್ ಮತ್ತು ಹೋಂಡಾ ಎಲಿವೇಟ್‌ಗಳಿಗೆ ಪ್ರತಿಸ್ಪರ್ಧಿಯಾಗಿದೆ.
ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ