Maruti Ignis Radiance Edition ಬಿಡುಗಡೆ, ಆರಂಭಿಕ ಬೆಲೆ ಈಗ 5.49 ಲಕ್ಷ ರೂ.ಗೆ ಇಳಿಕೆ

ಹೊಸ ರೇಡಿಯನ್ಸ್ ಎಡಿಷನ್‌ ಅನ್ನು ಪರಿಚಯಿಸುವುದರೊಂದಿಗೆ, ಮಾರುತಿಯು ಇಗ್ನಿಸ್‌ನ ಆರಂಭಿಕ ಬೆಲೆಯನ್ನು 35,000 ರೂಪಾಯಿಗಳಷ್ಟು ಕಡಿತಗೊಳಿಸಿದೆ

• ಇಗ್ನಿಸ್ 2017 ರಿಂದ ಮಾರಾಟದಲ್ಲಿದೆ ಮತ್ತು 2020 ರಲ್ಲಿ ಪ್ರಮುಖ ರಿಫ್ರೆಶ್ ಅನ್ನು ಪಡೆದುಕೊಂಡಿದೆ.
• ಮಾರುತಿಯು ಈ ಕಾಂಪ್ಯಾಕ್ಟ್ ಹ್ಯಾಚ್‌ಬ್ಯಾಕ್‌ನ 2.8 ಲಕ್ಷ ಯುನಿಟ್‌ಗಳನ್ನು ಮಾರಾಟ ಮಾಡಿದೆ.
• ಹೊಸ ಎಡಿಷನ್‌ ಮಿಡ್-ಸ್ಪೆಕ್ ಡೆಲ್ಟಾವನ್ನು ಹೊರತುಪಡಿಸಿ ಎಲ್ಲಾ ಆವೃತ್ತಿಗಳೊಂದಿಗೆ ಲಭ್ಯವಿದೆ.
• ಹೊಸ ಎಕ್ಸಸ್ಸರಿಗಳಲ್ಲಿ ವೀಲ್ ಕವರ್‌ಗಳು, ಡೋರ್ ವಿಸರ್‌ಗಳು ಮತ್ತು ಡೋರ್ ಕ್ಲಾಡಿಂಗ್ ಸೇರಿವೆ.
• ಮಾರುತಿಯು ಇಗ್ನಿಸ್ ಅನ್ನು 1.2-ಲೀಟರ್ ಪೆಟ್ರೋಲ್ ಎಂಜಿನ್ ಜೊತೆಗೆ ಮ್ಯಾನುಯಲ್‌ ಮತ್ತು ಎಎಮ್‌ಟಿ ಗೇರ್‌ಬಾಕ್ಸ್‌ ಆಯ್ಕೆಗಳೊಂದಿಗೆ ನೀಡುತ್ತದೆ.
• ದೆಹಲಿಯಲ್ಲಿ ಎಕ್ಸ್‌ ಶೋರೂಮ್‌ ಬೆಲೆಗಳು ಈಗ ರೂ 5.49 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತವೆ.   

2017 ರಲ್ಲಿ ಪರಿಚಯಿಸಿದಾಗಿನಿಂದ ಮಾರುತಿಯು ಇಗ್ನಿಸ್ ಹ್ಯಾಚ್‌ಬ್ಯಾಕ್‌ನ ಸುಮಾರು 2.8 ಲಕ್ಷ ಯುನಿಟ್‌ಗಳ ಮಾರಾಟದ ದಾಖಲೆಯನ್ನು ಸಾಧಿಸಿದೆ. ಮಾರುತಿ ಇಗ್ನಿಸ್ ಈಗ ರೇಡಿಯನ್ಸ್ ಆವೃತ್ತಿ ಎಂಬ ಹೊಸ ವಿಶೇಷ ಎಡಿಷನ್‌ ಅನ್ನು ಪಡೆದುಕೊಂಡಿದೆ, ಇದು ಹ್ಯಾಚ್‌ಬ್ಯಾಕ್‌ನ ಮಿಡ್-ಸ್ಪೆಕ್ ಡೆಲ್ಟಾವನ್ನು ಹೊರತುಪಡಿಸಿ ಎಲ್ಲಾ ಆವೃತ್ತಿಗಳಲ್ಲಿ ಲಭ್ಯವಿದೆ. ಇದು ಮಾರುತಿ ಬ್ರೆಝಾ ಅರ್ಬಾನೊ ಎಡಿಷನ್‌ನಂತೆಯೇ ಈ ಹ್ಯಾಚ್‌ಬ್ಯಾಕ್‌ನ ಎಕ್ಸಸ್ಸರಿಭರಿತ ಆವೃತ್ತಿಯಾಗಿದೆ.

ಇಗ್ನಿಸ್ ರೇಡಿಯನ್ಸ್ ಎಡಿಷನ್‌: ಇದು ಏನನ್ನು ಪಡೆಯುತ್ತದೆ?

ರೇಡಿಯನ್ಸ್ ಆವೃತ್ತಿಯನ್ನು ಪರಿಚಯಿಸುವ ಮೂಲಕ, ಇಗ್ನಿಸ್‌ನ ಆರಂಭಿಕ ಬೆಲೆ ರೂ.5.84 ಲಕ್ಷದಿಂದ ರೂ.5.49 ಲಕ್ಷಕ್ಕೆ ಇಳಿದಿದೆ,ಈ ಹಿಂದಿನ ಆರಂಭಿಕ ಬೆಲೆಯಿಂದ 35,000 ರೂ.ವರೆಗೆ ಬೆಲೆ ಕಡಿತವಾಗಿದೆ. ಬೇಸ್-ಸ್ಪೆಕ್ ಸಿಗ್ಮಾ ರೇಡಿಯನ್ಸ್ ಆವೃತ್ತಿಯು ಎಲ್ಲಾ ವೀಲ್ ಕವರ್‌ಗಳು, ಡೋರ್ ವೈಸರ್‌ಗಳು ಮತ್ತು ಬಾಡಿ ಸೈಡ್ ಮೋಲ್ಡಿಂಗ್‌ನೊಂದಿಗೆ ಬರುತ್ತದೆ (ಕ್ರೋಮ್‌ನಲ್ಲಿ), ಇದರ ಬೆಲೆ 3,650 ರೂ. ಆಗಿದೆ. ನೀವು ಅದನ್ನು ಪ್ರತ್ಯೇಕವಾಗಿ ಆರಿಸಿದರೆ, ಎಲ್ಲಾ ವಸ್ತುಗಳ ಬೆಲೆ 5,320 ರೂ.ನಷ್ಟಿದೆ. 

ನೀವು ರೇಡಿಯನ್ಸ್ ಆವೃತ್ತಿಯೊಂದಿಗೆ ಟಾಪ್‌-ಸ್ಪೆಕ್ ಝೀಟಾ ಅಥವಾ ಆಲ್ಫಾ ಆವೃತ್ತಿಯನ್ನು ಆಯ್ಕೆ ಮಾಡಲು ಬಯಸಿದರೆ, ಮಾರುತಿ ಅವುಗಳನ್ನು ಸೀಟ್ ಕವರ್‌ಗಳು, ಕುಶನ್‌ಗಳು, ಡೋರ್ ಕ್ಲಾಡಿಂಗ್ ಮತ್ತು ಡೋರ್ ವೈಸರ್‌ನೊಂದಿಗೆ ನೀಡುತ್ತಿದೆ, ಒಟ್ಟು ಮೊತ್ತವು 9,500 ರೂ. ಆಗಿದೆ. ಈ ಎಲ್ಲಾ ಐಟಂಗಳನ್ನು ಪ್ರತ್ಯೇಕವಾಗಿ ಆಯ್ಕೆ ಮಾಡಿದರೆ, 11,9710 ರೂ.ನಷ್ಟು ನೀಡಬೇಕಾಗುತ್ತದೆ. 

ಇದನ್ನು ಸಹ ಓದಿ: ಕವರ್‌ ಇಲ್ಲದೆ ಮೊದಲ ಬಾರಿಗೆ ರಸ್ತೆಯಲ್ಲಿ ಕಾಣಸಿಕ್ಕ Tata Curvv

ಇಗ್ನಿಸ್ ಬಗ್ಗೆ ಇನ್ನಷ್ಟು

2015ರ ಎಸ್-ಕ್ರಾಸ್ ಮತ್ತು ಬಲೆನೊ ನಂತರ ಮಾರುತಿಯ ಪ್ರೀಮಿಯಂ ನೆಕ್ಸಾ ಶೋರೂಮ್‌ಗಳಿಂದ ಪರಿಚಯಿಸಲಾದ ಮೊದಲ ಕೆಲವು ಕಾರುಗಳಲ್ಲಿ ಇಗ್ನಿಸ್ ಕೂಡ ಸೇರಿದೆ. ಇದು 2020 ರಲ್ಲಿ ಮಿಡ್‌ಲೈಫ್ ರಿಫ್ರೆಶ್ ಅನ್ನು ಪಡೆದುಕೊಂಡಿದೆ ಮತ್ತು ಈಗ ಸಿಗ್ಮಾ, ಡೆಲ್ಟಾ, ಝೀಟಾ ಮತ್ತು ಆಲ್ಫಾ ಎಂಬ ನಾಲ್ಕು ವಿಶಾಲ ಆವೃತ್ತಿಗಳಲ್ಲಿ ಲಭ್ಯವಿದೆ.

ಲಭ್ಯವಿರುವ ಪವರ್‌ಟ್ರೈನ್‌

ಮಾರುತಿಯು ಇಗ್ನಿಸ್‌ಗೆ ಒಂದೇ 1.2-ಲೀಟರ್ ಪೆಟ್ರೋಲ್ ಎಂಜಿನ್ (83 PS/113 Nm) ಜೊತೆಗೆ 5-ಸ್ಪೀಡ್ ಮ್ಯಾನುವಲ್ ಅಥವಾ 5-ಸ್ಪೀಡ್ ಎಎಮ್‌ಟಿ (ಆಟೋಮ್ಯಾಟಿಕ್‌ ಮ್ಯಾನುವಲ್ ಟ್ರಾನ್ಸ್‌ಮಿಷನ್) ಆಯ್ಕೆಯನ್ನು ಒದಗಿಸಿದೆ. ಕಾರು ತಯಾರಕರು ಮ್ಯಾನುಯಲ್‌ ಮತ್ತು ಎಎಮ್‌ಟಿ ಆವೃತ್ತಿಗಳಿಗೆ 20.89 kmpl ಇಂಧನ ದಕ್ಷತೆಯನ್ನು ಘೋಷಿಸಿಕೊಂಡಿದ್ದಾರೆ. 

ಫೀಚರ್‌ಗಳು ಮತ್ತು ಸುರಕ್ಷತೆ

ಇದು 7-ಇಂಚಿನ ಟಚ್‌ಸ್ಕ್ರೀನ್‌ನೊಂದಿಗೆ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ, ಆಟೋ ಎಸಿ, ಎತ್ತರ-ಹೊಂದಾಣಿಕೆ ಮಾಡಬಹುದಾದ ಚಾಲಕ ಸೀಟ್, ಕೀಲೆಸ್ ಎಂಟ್ರಿ ಮತ್ತು ಪುಶ್-ಬಟನ್ ಸ್ಟಾರ್ಟ್/ಸ್ಟಾಪ್‌ನೊಂದಿಗೆ ಬರುತ್ತದೆ. ಸುರಕ್ಷತೆಯ ದೃಷ್ಟಿಯಿಂದ, ಮಾರುತಿಯು ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ರಿವರ್ಸಿಂಗ್ ಕ್ಯಾಮೆರಾ ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ಇಎಸ್‌ಪಿ) ಯನ್ನು ಹೊಂದಿದೆ.

ಇದನ್ನು ಓದಿ: Marutiಯಿಂದ ಶೀಘ್ರದಲ್ಲೇ ADAS ನ ಪರಿಚಯ, eVX ಎಲೆಕ್ಟ್ರಿಕ್ ಎಸ್‌ಯುವಿಯಲ್ಲಿ ಮೊದಲು ಲಭ್ಯವಾಗುವ ಸಾಧ್ಯತೆ

ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ದೆಹಲಿಯಲ್ಲಿ ಮಾರುತಿ ಇಗ್ನಿಸ್‌ನ ಎಕ್ಸ್ ಶೋರೂಂ ಬೆಲೆ ಈಗ 5.49 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತದೆ. ಇದು ಟಾಟಾ ಟಿಯಾಗೊ, ಮಾರುತಿ ವ್ಯಾಗನ್ ಆರ್ ಮತ್ತು ಮಾರುತಿ ಸೆಲೆರಿಯೊಗಳಿಗೆ ಸ್ಪರ್ಧೆಯನ್ನು ಒಡ್ಡುತ್ತದೆ, ಹಾಗೆಯೇ ಟಾಟಾ ಪಂಚ್ ಮತ್ತು ಹ್ಯುಂಡೈ ಎಕ್ಸ್‌ಟರ್‌ನಂತಹ ಮೈಕ್ರೋ ಎಸ್‌ಯುವಿಗಳಿಗೆ ಪರ್ಯಾಯವಾಗಿದೆ.

ಹೆಚ್ಚಿನ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ

ಇನ್ನಷ್ಟು ಓದಿ: ಮಾರುತಿ ಇಗ್ನಿಸ್ ಎಎಂಟಿ