ಹೊಸ Mini Cooper S ಮತ್ತು Countryman EV ಬಿಡುಗಡೆಗೆ ದಿನಾಂಕ ನಿಗದಿ
ಎಲ್ಲಾ ಹೊಸ ಬಿಎಮ್‌ಡಬ್ಲ್ಯೂ 5 ಸಿರೀಸ್‌ನ ಜೊತೆಗೆ ಇತ್ತೀಚಿನ ಮಿನಿ ಕಾರುಗಳ ಬೆಲೆಗಳನ್ನು ಜುಲೈ 24 ರಂದು ಘೋಷಿಸಲಾಗುತ್ತದೆ
- ಮಿನಿ ನಾಲ್ಕನೇ ತಲೆಮಾರಿನ ಕೂಪರ್ ಎಸ್ ಮತ್ತು ಮೊಟ್ಟಮೊದಲ ಕಂಟ್ರಿಮ್ಯಾನ್ ಇವಿಯನ್ನು ಭಾರತಕ್ಕೆ ತರಲಿದೆ.
- ಸಾಮಾನ್ಯ ಬಾಹ್ಯ ಅಂಶಗಳಲ್ಲಿ ಅಷ್ಟಭುಜಾಕೃತಿಯ ಗ್ರಿಲ್ ಮತ್ತು ಎಲ್ಲಾ ಎಲ್ಇಡಿ ಲೈಟಿಂಗ್ ಸೇರಿವೆ.
- ಅವುಗಳ ಕ್ಯಾಬಿನ್‌ಗಳು ಕನಿಷ್ಠ ಆಕರ್ಷಣೆಯನ್ನು ಹೊಂದಿವೆ, ರೌಂಡ್‌ ಆದ 9.4-ಇಂಚಿನ OLED ಟಚ್‌ಸ್ಕ್ರೀನ್ ಮಧ್ಯಭಾಗವನ್ನು ತೆಗೆದುಕೊಳ್ಳುತ್ತದೆ.
- 7-ಸ್ಪೀಡ್ ಡಿಸಿಟಿಯೊಂದಿಗೆ 2-ಲೀಟರ್ ಟರ್ಬೋ-ಪೆಟ್ರೋಲ್ ಎಂಜಿನ್‌ನೊಂದಿಗೆ ಹೊಸ ಕೂಪರ್ ಎಸ್ ಅನ್ನು ಮಿನಿ ನೀಡುತ್ತಿದೆ.
- ಕಂಟ್ರಿಮ್ಯಾನ್ ಇವಿಯು 66.4 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ WLTP-ಕ್ಲೇಮ್ ಮಾಡಲಾದ 462 ಕಿಮೀ ರೇಂಜ್‌ಅನ್ನು ಹೊಂದಿದೆ.
- ಮಿನಿ 2024ರ ಕೂಪರ್ ಎಸ್‌ನ ಬೆಲೆಯನ್ನು 47 ಲಕ್ಷ ರೂಪಾಯಿಗಳಿಂದ ಪ್ರಾರಂಭಿಸಬಹುದು, ಆದರೆ ಕಂಟ್ರಿಮ್ಯಾನ್ ಇವಿಯ ಬೆಲೆಯು 55 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದು (ಎಲ್ಲಾ-ಬೆಲೆಗಳು, ಎಕ್ಸ್-ಶೋರೂಮ್).
ನಾಲ್ಕನೇ ತಲೆಮಾರಿನ ಮಿನಿ ಕೂಪರ್ ಎಸ್ ಮತ್ತು ಮೊಟ್ಟಮೊದಲ ಮಿನಿ ಕಂಟ್ರಿಮ್ಯಾನ್ ಇವಿಗಾಗಿ ಬುಕಿಂಗ್‌ ಅನ್ನು ಪ್ರಾರಂಭಿಸಿದ ಸ್ವಲ್ಪ ಸಮಯದ ನಂತರ, ಎರಡೂ ಮೊಡೆಲ್‌ಗಳನ್ನು ಜುಲೈ 24 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಕಾರು ತಯಾರಕರು ಈಗ ಖಚಿತಪಡಿಸಿದ್ದಾರೆ. ಎರಡೂ ಮಿನಿ ಮೊಡೆಲ್‌ಗಳಿಂದ ಏನನ್ನು ನಿರೀಕ್ಷಿಸಬಹುದು ಎಂಬುದರ ತ್ವರಿತ ಸಾರಾಂಶ ಇಲ್ಲಿದೆ:
ಮಿನಿ ಕೂಪರ್ ಎಸ್
ಕೂಪರ್ ಎಸ್ ಈಗ ಅದರ ನಾಲ್ಕನೇ-ಜನ್ ಅವತಾರದಲ್ಲಿ, ಕ್ಲಾಸಿಕ್ ನೋಟವನ್ನು ಉಳಿಸಿಕೊಂಡು ಸಂಪೂರ್ಣ ವಿನ್ಯಾಸದ ವಿಸ್ತೃತ ವಿವರವನ್ನು ಪಡೆಯುತ್ತದೆ. ಹೊರ ಭಾಗಗಳಲ್ಲಿ ಹೊಸ ಅಷ್ಟಭುಜಾಕೃತಿಯ ಗ್ರಿಲ್, ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ವೃತ್ತಾಕಾರದ ಎಲ್ಇಡಿ ಹೆಡ್‌ಲೈಟ್‌ಗಳು, 18-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಡೈನಾಮಿಕ್ ಟರ್ನ್ ಇಂಡಿಕೇಟರ್‌ಗಳೊಂದಿಗೆ ಎಲ್ಇಡಿ ಟೈಲ್ ಲೈಟ್‌ಗಳು ಸೇರಿವೆ.
ಹೊಸ ಕೂಪರ್ ಎಸ್ 2-ಲೀಟರ್ 4-ಸಿಲಿಂಡರ್ ಟರ್ಬೊ-ಪೆಟ್ರೋಲ್ ಎಂಜಿನ್ (204 ಪಿಎಸ್‌/300 ಎನ್‌ಎಮ್‌) ನಿಂದ ಚಾಲಿತವಾಗಿದೆ, ಇದು 7-ಸ್ಪೀಡ್ ಡಿಸಿಟಿ (ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್) ಗೆ ಜೋಡಿಸಲ್ಪಟ್ಟಿದೆ, ಇದು ಮುಂಭಾಗದ ಚಕ್ರಗಳನ್ನು ಚಾಲನೆ ಮಾಡುತ್ತದೆ. ಇದು ಪ್ರಸ್ತುತ ಆವೃತ್ತಿಗಿಂತ ಹೆಚ್ಚು ಶಕ್ತಿಶಾಲಿಯಾಗಿದೆ ಮತ್ತು 0-100 kmph ಓಟವನ್ನು 6.6 ಸೆಕೆಂಡುಗಳಲ್ಲಿ ಪೂರ್ಣಗೊಳಿಸಬಹುದು.
ಇದು ಬಿಳಿಯ ಕವರ್‌ನೊಂದಿಗೆ ಕಪ್ಪು ಕ್ಯಾಬಿನ್ ಥೀಮ್ ಅನ್ನು ಪಡೆಯುತ್ತದೆ ಮತ್ತು ಅದರ ಸಾಂಪ್ರದಾಯಿಕ ವೃತ್ತಾಕಾರದ ಥೀಮ್ ಅನ್ನು ನಿರ್ವಹಿಸುವಾಗ ಇದು ಕನಿಷ್ಠ ನೋಟವನ್ನು ಹೊಂದಿದೆ. ಫೀಚರ್‌ನ ಹೈಲೈಟ್ಸ್‌ಗಳಲ್ಲಿ 9.4-ಇಂಚಿನ ರೌಂಡ್‌ OLED ಟಚ್‌ಸ್ಕ್ರೀನ್, ಪ್ಯಾನರೂಮಿಕ್‌ ಗ್ಲಾಸ್‌ ರೂಫ್‌, ಹೆಡ್ಸ್-ಅಪ್ ಡಿಸ್‌ಪ್ಲೇ ಮತ್ತು ಬಟನ್‌ನಲ್ಲಿ ಹೊಂದಾಣಿಕೆ ಮಾಡಬಹುದಾದ ಮುಂಭಾಗದ ಸೀಟ್‌ಗಳನ್ನು ಒಳಗೊಂಡಿವೆ. ಮಿನಿಯು ಆರು ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಕೆಲವು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒದಗಿಸಿದೆ.
ಮಿನಿ ಕಂಟ್ರಿಮ್ಯಾನ್ ಇವಿ
ಮೊದಲ ಬಾರಿಗೆ ಮಿನಿ ಕಂಟ್ರಿಮ್ಯಾನ್ ಇವಿಯು ಕ್ಲಾಸಿಕ್ ಆಕಾರವನ್ನು ಉಳಿಸಿಕೊಂಡು ತಾಜಾ ನೋಟವನ್ನು ಪಡೆಯುತ್ತದೆ. ಆಲ್-ಎಲೆಕ್ಟ್ರಿಕ್ ಕಂಟ್ರಿಮ್ಯಾನ್ 66.4 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ, WLTP-ಕ್ಲೈಮ್‌ ಮಾಡಲಾದ 462 ಕಿಮೀ ರೇಂಜ್‌ ಅನ್ನು ಹೊಂದಿದೆ. ಇದು 204 ಪಿಎಸ್‌ ಮತ್ತು 250 ಎನ್‌ಎಮ್‌ ಅನ್ನು ಉತ್ಪಾದಿಸುವ ಏಕೈಕ ಎಲೆಕ್ಟ್ರಿಕ್ ಮೋಟಾರ್ ಅನ್ನು ಪಡೆಯುತ್ತದೆ. ಕಂಟ್ರಿಮ್ಯಾನ್ ಇವಿಯು 8.6 ಸೆಕೆಂಡ್‌ಗಳಲ್ಲಿ 0 ರಿಂದ 100 kmph ವೇಗವನ್ನು ಪಡೆದುಕೊಳ್ಳುತ್ತದೆ.
ಹೊರಭಾಗದ ವಿನ್ಯಾಸದ ಹೈಲೈಟ್ಸ್‌ಗಳು ಅಷ್ಟಭುಜಾಕೃತಿಯ ಗ್ರಿಲ್, 20-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ಪರಿಷ್ಕೃತ ಎಲ್ಇಡಿ ಹೆಡ್‌ಲೈಟ್‌ಗಳು ಮತ್ತು ಎಲ್ಇಡಿ ಟೈಲ್‌ಲೈಟ್‌ಗಳನ್ನು ಒಳಗೊಂಡಿವೆ. 2024 ಮಿನಿ ಕಂಟ್ರಿಮ್ಯಾನ್ ಇವಿಯ ಒಳಭಾಗವು ಹೊಚ್ಚಹೊಸದಾಗಿದ್ದು ಮತ್ತು ಕನಿಷ್ಠವಾಗಿದೆ, ಆದರೆ ಸಾಂಪ್ರದಾಯಿಕ ವೃತ್ತಾಕಾರದ ಸೆಂಟ್ರಲ್‌ ಡಿಸ್‌ಪ್ಲೇ ಹೌಸಿಂಗ್ ಅನ್ನು ಹೊಂದಿದೆ. ಇದು ಡ್ಯಾಶ್‌ಬೋರ್ಡ್‌ನಲ್ಲಿ ಮತ್ತು ಸೆಂಟರ್ ಕನ್ಸೋಲ್‌ನ ಸುತ್ತಲೂ ಅದರ ಇವಿ ಸ್ವರೂಪವನ್ನು ಒತ್ತಿಹೇಳಲು ನೀಲಿ ಟ್ರಿಮ್ ಒಳಸೇರಿಸುವಿಕೆಯನ್ನು ಪಡೆಯುತ್ತದೆ, ಆದರೆ ಮಿನಿ ಇದಕ್ಕೆ ಟ್ಯಾನ್ ಬಣ್ಣದ ಫ್ಯಾಬ್ರಿಕ್‌ ಅನ್ನು ಒದಗಿಸಿದೆ.
ಬೋರ್ಡ್‌ನಲ್ಲಿರುವ ಅಂಶಗಳು 9.4-ಇಂಚಿನ OLED ಟಚ್‌ಸ್ಕ್ರೀನ್, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ಆಂಬಿಯೆಂಟ್ ಲೈಟಿಂಗ್, ಆಟೋ ಎಸಿ ಮತ್ತು ಕನೆಕ್ಟೆಡ್‌ ಕಾರ್ ಟೆಕ್ ಅನ್ನು ಒಳಗೊಂಡಿದೆ. ಇದರ ಸುರಕ್ಷತಾ ಜಾಲವು ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಮತ್ತು ಕೆಲವು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿದೆ.
ಇದನ್ನೂ ಓದಿ: BISನಿಂದ ಭಾರತದಲ್ಲಿ ಇವಿಗಳ ಸುರಕ್ಷತೆಯನ್ನು ಹೆಚ್ಚಿಸಲು ಹೊಸ ಮಾನದಂಡಗಳ ಬಿಡುಗಡೆ
ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ನಾಲ್ಕನೇ ತಲೆಮಾರಿನ ಮಿನಿ ಕೂಪರ್ ಎಸ್ ಆರಂಭಿಕ ಬೆಲೆ 47 ಲಕ್ಷ ರೂ.ನಿಂದ ಪ್ರಾರಂಭವಾಗುವ ಸಾಧ್ಯತೆ ಇದ್ದರೆ, ಸಂಪೂರ್ಣ-ಎಲೆಕ್ಟ್ರಿಕ್ ಮಿನಿ ಕಂಟ್ರಿಮ್ಯಾನ್‌ನ ಬೆಲೆಯು 55 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಬಹುದು. ಮೊದಲಿನವು ಭಾರತದಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿರುವುದಿಲ್ಲ, ಆದರೆ ಕಂಟ್ರಿಮ್ಯಾನ್ ಇವಿಯು ಹ್ಯುಂಡೈ ಐಯೋನಿಕ್ 5, ಕಿಯಾ ಇವಿ6 ಮತ್ತು ವೋಲ್ವೋ ಎಕ್ಸ್‌ಸಿ40 ರೀಚಾರ್ಜ್‌ಗೆ ಸ್ಪರ್ಧೆಯನ್ನು ಒಡ್ಡುತ್ತದೆ.
ಹೆಚ್ಚಿನ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡುವುದನ್ನು ಮಿಸ್‌ಮಾಡ್ಬೇಡಿ.