ಮಾರುತಿ ಸ್ವಿಫ್ಟ್ 2024

ಇತ್ತೀಚಿನ ಅಪ್‌ಡೇಟ್: ಹೊಸ ತಲೆಮಾರಿನ ಸುಜುಕಿ ಸ್ವಿಫ್ಟ್‌ನ ಪವರ್‌ ಮತ್ತು ಮೈಲೇಜ್ ಅಂಕಿಅಂಶಗಳ ಮಾಹಿತಿ ಈಗ ನಮಗೆ ಲಭ್ಯವಾಗಿದೆ. ಇದರ ಎಂಜಿನ್‌ನ ವಿಶೇಷತೆಗಳು ಈಗ ಹಳೆಯ ಸ್ವಿಫ್ಟ್ ಮತ್ತು ಅದರ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಹೇಗೆ ಭಿನ್ನವಾಗಿದೆ ಎಂಬುವುದು ಇಲ್ಲಿದೆ.

ಬಿಡುಗಡೆ: ಇದನ್ನು 2024ರ ಮಾರ್ಚ್ ನೊಳಗೆ ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಬಹುದು. 

ಬೆಲೆ: ಇದರ ಎಕ್ಸ್ ಶೋರೂಂ ಬೆಲೆ  6 ಲಕ್ಷ ರೂ.ನಿಂದ ಪ್ರಾರಂಭವಾಗುವ ಸಾಧ್ಯತೆ ಇದೆ.

ಎಂಜಿನ್ ಮತ್ತು ಟ್ರಾನ್ಸ್‌ಮಿಷನ್‌: ಜಪಾನ್ ತಯಾರಕರಿಂದ ರೆಡಿ ಆಗುತ್ತಿರುವ ಹೊಸ ತಲೆಮಾರಿನ ಸುಜುಕಿ ಸ್ವಿಫ್ಟ್ ಹೊಸ 1.2-ಲೀಟರ್ 3 ಸಿಲ್ ಮೈಲ್ಡ್-ಹೈಬ್ರಿಡ್ ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ, ಅದು 82 PS ಮತ್ತು 108 Nm ನಷ್ಟು ಪವರ್‌ನ್ನು ಚಕ್ರಕ್ಕೆ ರವಾನೆ ಮಾಡುತ್ತದೆ. ಈ ಎಂಜಿನ್‌ 5-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಅಥವಾ CVT ಆಟೋಮ್ಯಾಟಿಕ್‌ಗೆ ಜೋಡಿಸಲ್ಪಟ್ಟಿದೆ. ಇದು 2-ವೀಲ್-ಡ್ರೈವ್ ಮತ್ತು ಆಲ್-ವೀಲ್-ಡ್ರೈವ್ ಡ್ರೈವ್ ಟ್ರೈನ್‌ಗಳ ಆಯ್ಕೆಯೊಂದಿಗೆಯೂ ಬರುತ್ತದೆ.

ಹೊಸ ಜಪಾನ್-ಆಧಾರಿತ ಸ್ವಿಫ್ಟ್‌ನ ಇಂಧನ ದಕ್ಷತೆಯ ಅಂಕಿಅಂಶಗಳು ಇಲ್ಲಿವೆ:

• ಮೈಲ್ಡ್‌ ಹೈಬ್ರಿಡ್‌: ಪ್ರತಿ ಲೀ.ಗೆ 24.5 ಕಿ.ಮೀ

• ರೆಗ್ಯುಲರ್‌ ಪೆಟ್ರೋಲ್:  ಪ್ರತಿ ಲೀ.ಗೆ 23.4 ಕಿ.ಮೀ

ಭಾರತ-ಆಧಾರಿತ ಸುಜುಕಿ ಸ್ವಿಫ್ಟ್ 5-ಸ್ಪೀಡ್ ಮ್ಯಾನುವಲ್ ಮತ್ತು 5-ಸ್ಪೀಡ್ AMT ಅನ್ನು 2 ವೀಲ್‌ ಡ್ರೈವ್‌ ಸೆಟಪ್‌ನೊಂದಿಗೆ ಪಡೆಯುವ ಸಾಧ್ಯತೆಯಿದೆ.

ತಂತ್ರಜ್ಞಾನಗಳು: ಹೊಸ ಸ್ವಿಫ್ಟ್, ಫೇಸ್‌ಲಿಫ್ಟೆಡ್ ಬಲೆನೊದಲ್ಲಿ ಬಳಕೆಯಾಗುವ ಹೆಡ್ಸ್-ಅಪ್ ಡಿಸ್ಪ್ಲೇ ಮತ್ತು 9-ಇಂಚಿನ ಟಚ್‌ಸ್ಕ್ರೀನ್ ಯುನಿಟ್‌ನಂತಹ ತಂತ್ರಜ್ಞಾನದೊಂದಿಗೆ ಬರುವ ನಿರೀಕ್ಷೆಯಿದೆ. ಮಾರುತಿ ಇದನ್ನು ಕ್ರೂಸ್ ಕಂಟ್ರೋಲ್, ಆಟೋ ಎಸಿ ಮತ್ತು ಕನೆಕ್ಟೆಡ್‌ ಕಾರ್ ತಂತ್ರಜ್ಞಾನದೊಂದಿಗೆ ನೀಡುವುದನ್ನು ಮುಂದುವರಿಸುವ ಸಾಧ್ಯತೆಯಿದೆ.

ಸುರಕ್ಷತೆ: ಇದು 6 ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ಮತ್ತು ISOFIX ಚೈಲ್ಡ್ ಸೀಟ್ ಆಂಕಾರೇಜ್‌ಗಳೊಂದಿಗೆ ಬರುವ ನಿರೀಕ್ಷೆಯಿದೆ. ಇತ್ತೀಚಿನ ಸ್ಪೈ ಶಾಟ್‌ಗಳ ಪ್ರಕಾರ, ಭಾರತ- ಆಧಾರಿತ ಸುಜುಕಿ ಸ್ವಿಫ್ಟ್ ಬ್ಲೈಂಡ್ ಸ್ಪಾಟ್ ಡಿಟೆಕ್ಷನ್ ವೈಶಿಷ್ಟ್ಯವನ್ನು ಸಹ ಪಡೆಯುತ್ತದೆ

ಪ್ರತಿಸ್ಪರ್ಧಿಗಳು: ಹೊಸ-ತಲೆಮಾರಿನ ಸ್ವಿಫ್ಟ್‌ನ ಏಕೈಕ ನೇರ ಪ್ರತಿಸ್ಪರ್ಧಿ ಎಂದರೆ ಅದು ಹ್ಯುಂಡೈ ಗ್ರಾಂಡ್ i10 ನಿಯೋಸ್ ಆಗಿರುತ್ತದೆ. ಹಾಗೆಯೇ, ರೆನಾಲ್ಟ್ ಟ್ರೈಬರ್ ಅದೇ ಬೆಲೆಯಲ್ಲಿ ಇರುವ 7-ಸೀಟ್ ಪರ್ಯಾಯವಾಗಿದೆ. ಇದನ್ನು ಮಾರುತಿ ವ್ಯಾಗನ್ ಆರ್ ಮತ್ತು ಮಾರುತಿ ಇಗ್ನಿಸ್‌ಗೆ ಸ್ಪೋರ್ಟಿಯರ್ ಪರ್ಯಾಯವಾಗಿ ಪರಿಗಣಿಸಬಹುದು.