Maruti Swift: ಆ ಬೆಲೆಗೆ Zxi ಆವೃತ್ತಿ ಖರೀದಿಸುವುದು ಉತ್ತಮ ಆಯ್ಕೆಯೇ ?

ಹೊಸ ಸ್ವಿಫ್ಟ್ ಅನ್ನು ಆಯ್ಕೆ ಮಾಡಲು Lxi, Vxi, Vxi (O), Zxi ಮತ್ತು Zxi Plus ಎಂಬ 5 ಆವೃತ್ತಿಗಳಿವೆ, ಆದರೆ ಅವುಗಳಲ್ಲಿ ಒಂದು ಮಾತ್ರ ನಿಮ್ಮ ಹೆಚ್ಚಿನ ಅಗತ್ಯಗಳಿಗೆ ಸರಿಹೊಂದುತ್ತದೆ

 ಹೊಸ ತಲೆಮಾರಿನ ಮಾರುತಿ ಸ್ವಿಫ್ಟ್ ಅನ್ನು 2024ರ ಮೇ ತಿಂಗಳಿನಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು ಇದು ಹೊಚ್ಚ ಹೊಸ ವಿನ್ಯಾಸ, ನವೀಕರಿಸಿದ ಇಂಟಿರೀಯರ್‌, ಕೆಲವು ಫೀಚರ್‌ಗಳ ಪರಿಚಯ ಮತ್ತು ಹೊಸ ಹಾಗು ಹೆಚ್ಚು ಇಂಧನ ದಕ್ಷ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬಂದಿದೆ. ಈ ಹ್ಯಾಚ್‌ಬ್ಯಾಕ್ ಅನ್ನು 5 ವೇರಿಯೆಂಟ್‌ಗಳಲ್ಲಿ ನೀಡಲಾಗಿದೆ ಮತ್ತು ಅದರ ಬೆಲೆಗೆ ಯಾವುದು ಹೆಚ್ಚು ಕೊಡುಗೆಗಳನ್ನು ನೀಡುತ್ತದೆ ಎಂಬುದನ್ನು ನೋಡಲು ನಾವು ಇತ್ತೀಚೆಗೆ ಎಲ್ಲಾ ಆವೃತ್ತಿಗಳ ವಿವರವಾದ ವಿಶ್ಲೇಷಣೆಯನ್ನು ಮಾಡಿದ್ದೇವೆ. ನಾವು ನೀಡುವ ಹಣಕ್ಕೆ ಹೆಚ್ಚು ಸೂಕ್ತವಾಗಿರುವ ಆವೃತ್ತಿಯ ವಿವರಗಳನ್ನು ಪಡೆಯುವ ಮೊದಲು, ಸಂಪೂರ್ಣ ಅವೃತ್ತಿಗಳ ಪಟ್ಟಿಯನ್ನು ನಾವು ಪರಿಶೀಲಿಸಿದ್ದೇವೆ. 

ನಮ್ಮ ವಿಶ್ಲೇಷಣೆ

Lxi: ವಿಶಿಷ್ಟವಾದ ಬೇಸ್ ವೇರಿಯೆಂಟ್‌. ಬೇಸಿಕ್‌ ಅಂಶಗಳನ್ನು ಮಾತ್ರ ನೀಡುತ್ತದೆ, ಆದರೆ ಸುರಕ್ಷತಾ ವೈಶಿಷ್ಟ್ಯಗಳ ಮೇಲೆ ಬಲವಾದ ಗಮನವನ್ನು ಹೊಂದಿದೆ. ನೀವು ಕೆಲವು ಸೌಕರ್ಯದ ಫೀಚರ್‌ಗಳು ಮತ್ತು/ಅಥವಾ ಎಎಮ್‌ಟಿ ಟ್ರಾನ್ಸ್‌ಮಿಷನ್ ಬಯಸಿದರೆ ಇದಕ್ಕಿಂತ ಒಂದು ಮುಂದಿನ Vxi  ಆವೃತ್ತಿಯನ್ನು ಆಯ್ಕೆಮಾಡಿ.

Vxi: ನಗರದ ಪ್ರಯಾಣದಲ್ಲಿ ಹೆಚ್ಚುವರಿ ಅನುಕೂಲಕ್ಕಾಗಿ ಎಎಮ್‌ಟಿ ಆಯ್ಕೆಯನ್ನು ನಿಮಗೆ ನೀಡುತ್ತದೆ ಮತ್ತು ನೀವು ಇದರಲ್ಲಿ ಇಂಫೊಟೈನ್‌ಮೆಂಟ್‌ ಮತ್ತು ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ORVM ಗಳಂತಹ ಕೆಲವು ಉಪಯುಕ್ತ ಫೀಚರ್‌ಗಳನ್ನು ಪಡೆಯುತ್ತೀರಿ.

Vxi (O): ನೀವು ಬಿಗಿಯಾದ ಬಜೆಟ್‌ನಲ್ಲಿ ಕನೆಕ್ಟೆಡ್‌ ಕಾರ್ ಫೀಚರ್‌ಗಳನ್ನು ಹುಡುಕುತ್ತಿದ್ದರೆ ಮಾತ್ರ ಪರಿಗಣಿಸಿ. Vxi ಆವೃತ್ತಿಗಿಂತ ಮೇಲಿನ ಆವೃತ್ತಿಯಲ್ಲಿ ಒದಗಿಸುವ ಫೀಚರ್‌ಗಳು ಮತ್ತು ತಂತ್ರಜ್ಞಾನವು ಹೆಚ್ಚುವರಿ ಬೆಲೆಯನ್ನು ಸಮರ್ಥಿಸುವುದಿಲ್ಲ.

Zxi: ಇದು ನಾವು ಶಿಫಾರಸು ಮಾಡುವಂತಹ ಆವೃತ್ತಿಯಾಗಿದೆ. ಇದು Vxi (O) ಗಿಂತ ಹೆಚ್ಚಿನ ಫೀಚರ್‌ಗಳನ್ನು ಪಡೆಯುತ್ತದೆ ಮತ್ತು ಹೆಚ್ಚು ಉತ್ತಮವಾದ ಬಾಹ್ಯ ವಿನ್ಯಾಸವನ್ನು ಪಡೆಯುತ್ತದೆ, ಎಲ್ಲವೂ ಹೆಚ್ಚುವರಿ ಬೆಲೆಯನ್ನು ಸಮರ್ಥಿಸುತ್ತದೆ.

Zxi Plus: ನೀವು ಹೊಸ ತಲೆಮಾರಿನ ಸ್ವಿಫ್ಟ್‌ನ ಸಂಪೂರ್ಣ ಪ್ರೀಮಿಯಂ ಅನುಭವವನ್ನು ಬಯಸಿದರೆ ಮಾತ್ರ ಆರಿಸಿಕೊಳ್ಳಿ. ಇದು ಹೆಚ್ಚಿನ ಆರಾಮದಾಯಕ ಸೌಕರ್ಯಗಳನ್ನು ನೀಡುತ್ತದೆ ಮತ್ತು ಡ್ಯುಯಲ್-ಟೋನ್ ಬಾಡಿ ಕಲರ್‌ನ  ಆಯ್ಕೆಯನ್ನು ಸಹ ಪಡೆಯುತ್ತದೆ.

ಸ್ವಿಫ್ಟ್ Zxi: ಅತ್ಯುತ್ತಮ ಆವೃತ್ತಿ? 

ಅದರ ವಿವರವಾದ ಫೀಚರ್‌ಗಳ ಪಟ್ಟಿ ಮತ್ತು ಅದರ ಯೋಗ್ಯವಾದ ಹೊರಭಾಗಗಳ ಕಾರಣದಿಂದಾಗಿ ನಾವು ಹೊಸ ಸ್ವಿಫ್ಟ್‌ನ ಈ ಆವೃತ್ತಿಯನ್ನು ಶಿಫಾರಸು ಮಾಡುತ್ತೇವೆ. Zxi ಆವೃತ್ತಿಯು ಎಲ್ಇಡಿ ಡಿಆರ್‌ಗಳನ್ನು ಒಳಗೊಂಡಂತೆ ಎಲ್ಇಡಿ ಲೈಟಿಂಗ್ ಅಂಶಗಳನ್ನು ಪಡೆಯುತ್ತದೆ ಮತ್ತು ಇದು 15-ಇಂಚಿನ ಅಲಾಯ್‌ ವೀಲ್‌ಗಳನ್ನು ಸಹ ಪಡೆಯುತ್ತದೆ. ಸ್ವಿಫ್ಟ್ ಕೇವಲ ಒಂದು ಎಂಜಿನ್ ಆಯ್ಕೆಯನ್ನು ಪಡೆಯುತ್ತದೆ ಮತ್ತು ನೀವು Zxi ಆವೃತ್ತಿಯಲ್ಲಿ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್‌ (AMT) ಎರಡನ್ನೂ ಆಯ್ಕೆ ಮಾಡಬಹುದು.

ಈ ಆವೃತ್ತಿಯು ವ್ಯಾಪಕವಾದ ಫೀಚರ್‌ಗಳ ಪಟ್ಟಿಯನ್ನು ಸಹ ಹೊಂದಿದೆ ಮತ್ತು ಟಾಪ್-ಸ್ಪೆಕ್ Zxi Plus ಆವೃತ್ತಿಗೆ ಹೋಲಿಸಿದರೆ ಇದು ಕೆಲವು ಆರಾಮದಾಯಕ ಸೌಕರ್ಯಗಳನ್ನು ಮಾತ್ರ ನೀಡುವುದಿಲ್ಲ. ಅದರ ಕೆಲವು ಪ್ರಮುಖ ಫೀಚರ್‌ಗಳು ಇಲ್ಲಿವೆ.

Zxi ಆವೃತ್ತಿಯು ಸಾಕಷ್ಟು ಸುಸಜ್ಜಿತವಾಗಿದೆ ಮತ್ತು ಕೆಲವು ಫೀಚರ್‌ಗಳನ್ನು ಮಾತ್ರ ಹೊಂದಿರುವುದಿಲ್ಲ. ಟಾಪ್-ಸ್ಪೆಕ್ ಜೆಡ್‌ಎಕ್ಸ್‌ಐ ಪ್ಲಸ್‌ ಆವೃತ್ತಿಯು, ಕೆಲವು ಬಾಹ್ಯ ಮತ್ತು ಕ್ಯಾಬಿನ್ ಅಪ್‌ಗ್ರೇಡ್‌ಗಳ ಹೊರತಾಗಿ, Zxi ಯಲ್ಲಿ ನೀಡಲಾಗದ ದೊಡ್ಡ 9-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಕ್ರೂಸ್ ಕಂಟ್ರೋಲ್ ಮತ್ತು ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾದಂತಹ ಫೀಚರ್‌ಗಳನ್ನು ಹೊಂದಿದೆ.

ಅಂತಿಮ ಮಾತು

ಹೊಸ-ಪೀಳಿಗೆಯ ಸ್ವಿಫ್ಟ್‌ನ Zxi ಆವೃತ್ತಿಯು ಅದರ ಬೆಲೆಗೆ ಉತ್ತಮ ಆಯ್ಕೆಯ ಆವೃತ್ತಿಯಾಗಿದೆ, ಏಕೆಂದರೆ ಟಾಪ್-ಸ್ಪೆಕ್ ಆವೃತ್ತಿಯ ಕೆಲವು ಉತ್ತಮತೆಗಳನ್ನು ಹೊರತುಪಡಿಸಿ, ಈ ನಿಮ್ಮ ಹ್ಯಾಚ್‌ಬ್ಯಾಕ್‌ ನಿಮಗೆ ಬೇಕಾದ ಎಲ್ಲವನ್ನೂ ನೀಡುತ್ತದೆ. ಇದು ಉತ್ತಮ ಫೀಚರ್‌ಗಳ ಪಟ್ಟಿಯನ್ನು ಹೊಂದಿದೆ, ವೈರ್‌ಲೆಸ್ ಸ್ಮಾರ್ಟ್‌ಫೋನ್ ಕನೆಕ್ಷನ್‌ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್‌ನಂತಹ ಕೆಲವು ಆರಾಮದಾಯಕ ಸೌಕರ್ಯಗಳನ್ನು ನೀಡುತ್ತದೆ ಮತ್ತು ಇದು ಸುಸಜ್ಜಿತ ಸುರಕ್ಷತಾ ಕಿಟ್ ಅನ್ನು ಹೊಂದಿದೆ. ಇದು ಎಎಮ್‌ಟಿ ಆಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನ ಆಯ್ಕೆಯನ್ನು ಪಡೆಯುತ್ತದೆ, ಇದು ಇದರ ಒಟ್ಟಾರೆ ಅನುಕೂಲವನ್ನು ಹೆಚ್ಚಿಸುತ್ತದೆ.

ಇದನ್ನು ಸಹ ಓದಿ: ಯುರೋ NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ 3 ಸ್ಟಾರ್‌ ರೇಟಿಂಗ್‌ ಗಳಿಸಿದ 2024ರ Maruti Suzuki

ನೀವು ಟಾಪ್-ಸ್ಪೆಕ್ ಆವೃತ್ತಿಯ ಹೆಚ್ಚುವರಿ ಫೀಚರ್‌ಗಳನ್ನು ಬಯಸಿದರೆ, ನೀವು ಹೆಚ್ಚುವರಿ ಹಣವನ್ನು ಖರ್ಚು ಮಾಡುವುದನ್ನು ಮಾತ್ರ ಪರಿಗಣಿಸಬೇಕು, ಇಲ್ಲದಿದ್ದರೆ ಜೆಡ್‌ಎಕ್ಸ್‌ಐ ಆವೃತ್ತಿಯು ನಿಮ್ಮ ಹೆಚ್ಚಿನ ಅಗತ್ಯಗಳಿಗೆ ಹೊಂದಿಕೆಯಾಗುತ್ತದೆ. 

ಆಟೋಮೋಟಿವ್ ಉದ್ಯಮದ ಇತ್ತೀಚಿನ ಆಪ್‌ಡೇಟ್‌ಗಳನ್ನು ಪಡೆಯುವಲ್ಲಿ ಮೊದಲಿಗರಾಗಲು ಬಯಸುವಿರಾ? ಆದರೆ ಕೂಡಲೇ ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ

ಇನ್ನಷ್ಟು ಓದಿ: ಸ್ವಿಫ್ಟ್ ಎಎಮ್‌ಟಿ