Tata Harrier ವಿಮರ್ಶೆ: ಸಣ್ಣ ಸಮಸ್ಯೆಗಳಿದ್ದರೂ ಎಸ್‌ಯುವಿ ಪ್ರೀಯರಿಗೆ ಉತ್ತಮ ಪ್ಯಾಕೇಜ್

ಟಾಟಾದ ಪ್ರೀಮಿಯಂ ಎಸ್‌ಯುವಿಯು ಅದರ ಆಧುನಿಕ ವಿನ್ಯಾಸ, ಪ್ರೀಮಿಯಂ ಕ್ಯಾಬಿನ್ ಮತ್ತು ಉತ್ತಮ ಫೀಚರ್‌ಗಳೊಂದಿಗೆ ಉತ್ತಮ ಅನುಭವವನ್ನು ನೀಡುತ್ತದೆ, ಆದರೆ ಇನ್ಫೋಟೈನ್‌ಮೆಂಟ್ ಗ್ಲಿಚ್‌ಗಳು ಅನುಭವವನ್ನು ಹಾನಿಗೊಳಿಸುತ್ತವೆ

ಟಾಟಾ ಹ್ಯಾರಿಯರ್ ಮಧ್ಯಮ ಗಾತ್ರದ ಎಸ್‌ಯುವಿಯಾಗಿದ್ದು, ಇದರ ಬೆಲೆ 15.49 ಲಕ್ಷ ರೂ.ನಿಂದ ಪ್ರಾರಂಭವಾಗಿ 26.44 ಲಕ್ಷ ರೂ.ವರೆಗೆ (ಎಕ್ಸ್ ಶೋರೂಂ) ಇದೆ. ಹ್ಯಾರಿಯರ್ ಮಹೀಂದ್ರಾ ಎಕ್ಸ್‌ಯುವಿ700, ಎಮ್‌ಜಿ ಹೆಕ್ಟರ್ ಮತ್ತು ಜೀಪ್ ಕಂಪಾಸ್‌ನಂತಹ  ಎಸ್‌ಯುವಿಗಳಿಗೆ ಪ್ರತಿಸ್ಪರ್ಧಿಯಾಗಿದೆ. ಈ ಎಸ್‌ಯುವಿ ಒಳಗೆ ಮತ್ತು ಹೊರಗೆ ಆಧುನಿಕ ವಿನ್ಯಾಸವನ್ನು ಪಡೆಯುತ್ತದೆ ಮತ್ತು ಡೀಸೆಲ್ ಪವರ್‌ಟ್ರೇನ್ ಜೊತೆಗೆ ಪ್ರೀಮಿಯಂ ಫೀಚರ್‌ಗಳೊಂದಿಗೆ ಬರುತ್ತದೆ, ಇದು ಅಪೇಕ್ಷಣೀಯ ಫ್ಯಾಮಿಲಿ ಕಾರು ಅನ್ನಾಗಿ  ಮಾಡುತ್ತದೆ, ಆದರೆ ಹ್ಯಾರಿಯರ್ ಅನ್ನು ಖರೀದಿಸುವ ಮೊದಲು ನೀವು ತಿಳಿದುಕೊಳ್ಳಬೇಕಾದ ಕೆಲವು ಸಣ್ಣ ಸಮಸ್ಯೆಗಳಿವೆ.

ಎಕ್ಸ್‌ಟೀರಿಯರ್‌

ಹೊಸ ವಿನ್ಯಾಸದ ಭಾಷೆಯಿಂದಾಗಿ ಟಾಟಾ ಕಾರನ್ನು ಗುರುತಿಸುವುದು ಈಗ ಅತ್ಯಂತ ಸುಲಭವಾಗಿದೆ, ಮತ್ತು ಅದು ಈ ಎಸ್‌ಯುವಿಯ ಆಕರ್ಷಣೆಗೆ ಸಂಪೂರ್ಣವಾಗಿ ಸರಿಹೊಂದುತ್ತದೆ. ಕನೆಕ್ಟೆಡ್‌ ಎಲ್‌ಇಡಿ ಡಿಆರ್‌ಎಲ್‌ಗಳು, ಕನೆಕ್ಟೆಡ್‌ ಎಲ್ಇಡಿ ಟೈಲ್ ಲೈಟ್‌ಗಳು ಮತ್ತು ಕ್ರೋಮ್ ಸ್ಪರ್ಶಗಳಂತಹ ಅಂಶಗಳೊಂದಿಗೆ ಹ್ಯಾರಿಯರ್ ಆಧುನಿಕವಾಗಿ ಕಾಣುತ್ತದೆ.

ಈ ಆಧುನಿಕ ಅಂಶಗಳು 19-ಇಂಚಿನ ಕಪ್ಪು ಅಲಾಯ್‌ ವೀಲ್‌ಗಳು, ಡೋರ್ ಕ್ಲಾಡಿಂಗ್ ಮತ್ತು ಈ ಎಸ್‌ಯುವಿಯ ಒಟ್ಟಾರೆ ದೊಡ್ಡ ಗಾತ್ರದೊಂದಿಗೆ ಅಂದವಾಗಿ ಮಿಶ್ರಣಗೊಳ್ಳುತ್ತವೆ, ಇದು ರಗಡ್‌ ಆದ ಅಂಶವನ್ನು ತರುತ್ತದೆ. ನಮ್ಮ ಅಭಿಪ್ರಾಯದಲ್ಲಿ, ಈ ವಿನ್ಯಾಸವು ದೀರ್ಘಕಾಲದವರೆಗೆ ಹೊಸತನವನ್ನು ಹೊಂದಿರುತ್ತದೆ ಮತ್ತು ಕೆಲವು ವರ್ಷಗಳ ನಂತರವೂ ಕಾರನ್ನು ಯೌವನವಾಗಿ ಕಾಣುವಂತೆ ಮಾಡುತ್ತದೆ.

ಅಲ್ಲದೆ, ಹಳದಿ ಬಣ್ಣವು ದೀರ್ಘಕಾಲದವರೆಗೆ ಕಾರುಗಳಲ್ಲಿ ಜನಪ್ರಿಯವಾಗಿಲ್ಲ ಮತ್ತು ಹೆಚ್ಚಿನ ಹೊಸ ಕಾರುಗಳು ತಮ್ಮ ಬಣ್ಣದ ಆಯ್ಕೆಯಲ್ಲಿ ಈ ಕಲರ್‌ ಅನ್ನು ಹೊಂದಿಲ್ಲವಾದರೂ, ಅದು ಹೇಗಾದರೂ ಹ್ಯಾರಿಯರ್‌ಗೆ ಸಂಪೂರ್ಣವಾಗಿ ಸರಿಹೊಂದುತ್ತದೆ, ಮತ್ತು ಇದು ವಿಶಿಷ್ಟ ನೋಟವನ್ನು ನೀಡುತ್ತದೆ.

ಹ್ಯಾರಿಯರ್ ತನ್ನ ಹೊಸ ವಿನ್ಯಾಸ ಮತ್ತು ದೊಡ್ಡ ಗಾತ್ರದೊಂದಿಗೆ ಉತ್ತಮ ರೋಡ್‌ ಪ್ರೆಸೆನ್ಸ್‌ ಅನ್ನು ಹೊಂದಿದೆ ಮತ್ತು ಈ ಹಳದಿ ಬಣ್ಣವು ಖಂಡಿತವಾಗಿಯೂ ಜನರು ನಿಮ್ಮನ್ನು ಗಮನಿಸುವಂತೆ ಮಾಡುತ್ತದೆ. ಆದರೆ ಪ್ರಕಾಶಮಾನವಾದ ಹಳದಿ ಬಣ್ಣವು ಎಲ್ಲರ ಅಭಿರುಚಿಗೆ ಹೊಂದಿಕೆಯಾಗದಿರಬಹುದು, ಹ್ಯಾರಿಯರ್ ಡಾರ್ಕ್ ಆವೃತ್ತಿಯು ಈ ಎಸ್‌ಯುವಿಯ ವ್ಯಕ್ತಿತ್ವವನ್ನು ಚೆನ್ನಾಗಿ ಪೂರೈಸುತ್ತದೆ.

ಬೂಟ್‌ ಸ್ಪೇಸ್‌

ಹ್ಯಾರಿಯರ್ 445-ಲೀಟರ್‌ಗಳ ಬೂಟ್ ಸ್ಪೇಸ್‌ನೊಂದಿಗೆ ಬರುತ್ತದೆ, ಇದರರ್ಥ ನೀವು ಎರಡು ಮೃದುವಾದ ಬ್ಯಾಗ್‌ಗಳೊಂದಿಗೆ ಸಂಪೂರ್ಣ ಸೂಟ್‌ಕೇಸ್ ಅನ್ನು ಇಲ್ಲಿ ಸುಲಭವಾಗಿ ಇರಿಸಬಹುದು (ಸಣ್ಣ, ಮಧ್ಯಮ ಮತ್ತು ದೊಡ್ಡದು) ಮತ್ತು ಸಣ್ಣ ಲ್ಯಾಪ್‌ಟಾಪ್ ಬ್ಯಾಗ್‌ಗೆ ಇನ್ನೂ ಸ್ಥಳಾವಕಾಶವಿದೆ.

ಇದರ ಹಿಂದಿನ ಸೀಟುಗಳು 60:40 ಸ್ಪ್ಲಿಟ್ ಅನ್ನು ಸಹ ಪಡೆಯುತ್ತವೆ, ಇದು ನಿಮ್ಮಲ್ಲಿ ಹೆಚ್ಚಿನ ಲಗೇಜ್ ಅನ್ನು ಹೊಂದಿದ್ದರೆ, ಬೂಟ್‌ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಆದರೆ ಈ ಬೂಟ್‌ನ ಉತ್ತಮ ವಿಷಯವೆಂದರೆ ಅದು ಚಾಲಿತವಾಗಿದೆ, ಮತ್ತು ನೀವು ಅದನ್ನು ಬಟನ್‌ ಅನ್ನು ಒತ್ತುವ ಮೂಲಕ ತೆರೆಯಬಹುದು ಮತ್ತು ಮುಚ್ಚಬಹುದು, ಇದು ಹೆಚ್ಚು ಅನುಕೂಲಕರವಾಗಿರುತ್ತದೆ. ನೀವು ಈ ಪವರ್ಡ್‌ ಬೂಟ್ ಅನ್ನು ಕೀಲಿಯಿಂದ ಮತ್ತು ಕ್ಯಾಬಿನ್‌ನಿಂದ ಸಹ ನಿರ್ವಹಿಸಬಹುದು.

ಇಂಟೀರಿಯರ್‌

ಕ್ಯಾಬಿನ್ ಬಗ್ಗೆ ಮಾತನಾಡುವುದಾದರೆ, ನೀವು ಹೊರಭಾಗದಲ್ಲಿ ಕಾಣುವಂತೆ ಇಲ್ಲಿಯೂ ಅದೇ ಆಧುನಿಕ ಮತ್ತು ಪ್ರೀಮಿಯಂ ನೋಟವನ್ನು ಪಡೆಯುತ್ತೀರಿ. ಡ್ಯಾಶ್‌ಬೋರ್ಡ್ ಸಾಫ್ಟ್ ಟಚ್ ಪ್ಲಾಸ್ಟಿಕ್, ಗ್ಲಾಸ್ ಬ್ಲ್ಯಾಕ್ ಎಲಿಮೆಂಟ್‌ಗಳು, ಗ್ಲೋಸ್ ಹಳದಿ ಇನ್ಸರ್ಟ್‌ಗಳು ಮತ್ತು ಸಾಫ್ಟ್ ಟಚ್ ಪ್ಯಾಡಿಂಗ್‌ನಿಂದ ಮಾಡಲ್ಪಟ್ಟ ಬಹು ಲೇಯರ್‌ಗಳನ್ನು ಹೊಂದಿದೆ, ಇದು ಪ್ರೀಮಿಯಂಗೆ ಹೆಚ್ಚುವರಿ ಅಂಶಗಳ ಸೇರ್ಪಡೆಯಾಗಿರುತ್ತದೆ. 

ಟಾಪ್-ಸ್ಪೆಕ್ ವೇರಿಯೆಂಟ್‌ ಹಳದಿ ಬಾಡಿ ಕಲರ್‌ನೊಂದಿಗೆ ಕಪ್ಪು ಮತ್ತು ಹಳದಿ ಡ್ಯುಯಲ್-ಟೋನ್ ಕ್ಯಾಬಿನ್ ಥೀಮ್ ಅನ್ನು ಸಹ ಪಡೆಯುತ್ತದೆ ಮತ್ತು ಇತರ ವೇರಿಯೆಂಟ್‌ಗಳು ವಿಭಿನ್ನ ಕ್ಯಾಬಿನ್ ಥೀಮ್‌ಗಳನ್ನು ಪಡೆಯುತ್ತವೆ. ನೀವು ಸೆಂಟರ್ ಕನ್ಸೋಲ್, ಡೋರ್ ಗ್ರಾಬ್ ಹ್ಯಾಂಡಲ್‌ಗಳು ಮತ್ತು ಡೋರ್ಸ್ ಪ್ಯಾಡ್‌ಗಳಲ್ಲಿ ಇದೇ ರೀತಿಯ ಸಾಫ್ಟ್ ಟಚ್ ಪ್ಯಾಡಿಂಗ್ ಅನ್ನು ಪಡೆಯುತ್ತೀರಿ.

ಎಲ್ಲಾ ವೇರಿಯೆಂಟ್‌ಗಳಲ್ಲಿ ಮೂಲ ಬಣ್ಣವು ಕಪ್ಪು ಬಣ್ಣದ್ದಾಗಿದೆ, ಆದರೆ ಲೋವರ್‌ ವೇರಿಯೆಂಟ್‌ಗಳಲ್ಲಿ ನೀವು ಕಂದು ಮತ್ತು ಬೂದು ಥೀಮ್‌ಗಳನ್ನು ಪಡೆಯುತ್ತೀರಿ. ಅಲ್ಲದೆ, ನೀವು ಡಾರ್ಕ್ ಆವೃತ್ತಿಗೆ ಹೋದರೆ, ನೀವು ಸಂಪೂರ್ಣ ಕಪ್ಪು ಕ್ಯಾಬಿನ್ ಅನ್ನು ಪಡೆಯುತ್ತೀರಿ.

ಗುಣಮಟ್ಟದ ವಿಷಯದಲ್ಲಿ, ದೂರು ನೀಡಲು ಏನೂ ಇಲ್ಲ. ನೀವು ಸಾಕಷ್ಟು ಸಾಫ್ಟ್ ಟಚ್ ಪ್ಯಾಡಿಂಗ್ ಅನ್ನು ಪಡೆಯುತ್ತೀರಿ, ಪ್ಲಾಸ್ಟಿಕ್‌ಗಳು ಸ್ಕ್ರಾಚಿಯನ್ನು ಅನುಭವಿಸುವುದಿಲ್ಲ ಮತ್ತು ಬಟನ್‌ಗಳು ಸಹ ತೃಪ್ತಿಕರ ಕ್ಲಿಕ್ ಅನ್ನು ಹೊಂದಿವೆ.

ಟಾಟಾ ಉದಾರವಾದ ಹೊಳಪಿನ ಕಪ್ಪು ಬಣ್ಣವನ್ನು ಸಹ ಬಳಸಿದೆ, ಇದನ್ನು ನೀವು ಸೆಂಟರ್ ಕನ್ಸೋಲ್, ಕ್ಲೈಮೇಟ್ ಕಂಟ್ರೋಲ್ ಪ್ಯಾನೆಲ್ ಮತ್ತು ಸ್ಟೀರಿಂಗ್ ವೀಲ್‌ನಲ್ಲಿ ನೋಡಬಹುದು, ಅದು ಚೆನ್ನಾಗಿ ಕಾಣುತ್ತದೆ ಮತ್ತು ಉತ್ತಮ ಅನುಭವನ್ನು ನೀಡುತ್ತದೆ. ಆದರೆ ಹೊಳಪು ಕಪ್ಪು ಎಂಬುದು ಫಿಂಗರ್‌ಪ್ರಿಂಟ್ ಮತ್ತು ಧೂಳನ್ನು ಸುಲಭವಾಗಿ ಆಕರ್ಷಿಸುತ್ತದೆ ಎಂದು ನೀವು ತಿಳಿದಿರಬೇಕು ಮತ್ತು ಸರಿಯಾಗಿ ಕಾಳಜಿ ವಹಿಸದಿದ್ದರೆ ಸುಲಭವಾಗಿ ಗೀರುಗಳನ್ನು ಪಡೆಯಬಹುದು.

ಈಗ ಮುಂಭಾಗದ ಸೀಟ್‌ನ ಬಗ್ಗೆ ಮಾತನಾಡೋಣ. ಇಲ್ಲಿರುವ ಆಸನಗಳು ದೊಡ್ಡದಾಗಿದೆ ಹಾಗೂ ಸಪೋರ್ಟಿವ್‌ ಆಗಿದೆ ಮತ್ತು ದೊಡ್ಡ ದೇಹದ ಆಕೃತಿಯನ್ನು ಹೊಂದಿರುವ ಜನರಿಗೆ ಸುಲಭವಾಗಿ ಜಾಗವನ್ನು ಕಲ್ಪಿಸಬಹುದು. ಸ್ಥಳಾವಕಾಶದ ಕೊರತೆಯಿಲ್ಲ ಮತ್ತು ಮುಂಭಾಗದ ಸೀಟ್‌ಗಳು ವೆಂಟಿಲೇಟೆಡ್‌ ಹಾಗೂ ಪವರ್‌ ಆಗಿದ್ದು, ಹಾಗೆಯೇ, ಹೆಚ್ಚಿನ ಸೌಕರ್ಯ ಮತ್ತು ಅನುಕೂಲಕ್ಕಾಗಿ ಶಕ್ತಿಯನ್ನು ಹೊಂದಿವೆ.

ಹಿಂಭಾಗವನ್ನು ಗಮನಿಸುವಾಗ, ಸಾಮಾನ್ಯವಾಗಿ ಉತ್ತಮ ಫ್ಯಾಮಿಲಿ ಕಾರು ಹಿಂಭಾಗದಲ್ಲಿ ಉತ್ತಮ ಸ್ಥಳವನ್ನು ಹೊಂದಿರಬೇಕು ಮತ್ತು ಹ್ಯಾರಿಯರ್ ಅದನ್ನು ಉದಾರವಾಗಿ ನೀಡುತ್ತದೆ. ಹ್ಯಾರಿಯರ್‌ನ ಹಿಂಬದಿಯ ಆಸನಗಳು ಆರಾಮದಾಯಕವಾಗಿದ್ದು, ಸಾಕಷ್ಟು ಪ್ರಮಾಣದ ಮೊಣಕಾಲು, ಲೆಗ್‌ರೂಮ್ ಮತ್ತು ಅಂಡರ್‌ತೈ ಸಪೋರ್ಟ್‌ ಅನ್ನು ಹೊಂದಿದೆ. ಹೆಡ್‌ರೂಮ್ ಎತ್ತರದ ಜನರಿಗೆ ಸ್ವಲ್ಪ ಕಡಿಮೆ ಅನಿಸಬಹುದು, ಆದರೆ ಸರಾಸರಿ ಗಾತ್ರದ ವಯಸ್ಕರಿಗೆ ಇದು ಸಾಕಷ್ಟು ಹೆಚ್ಚಿರಲಿದೆ. 

ಮಧ್ಯದ ಪ್ರಯಾಣಿಕರಿಗೆ ಯಾವುದೇ ಹೆಡ್‌ರೆಸ್ಟ್ ಇಲ್ಲದಿದ್ದರೂ, ಬದಿಯ ಪ್ರಯಾಣಿಕರು ಕಿಟಕಿಗಳಿಗೆ ಸನ್‌ಬ್ಲೈಂಡ್‌ಗಳ ಜೊತೆಗೆ ಹೊಂದಾಣಿಕೆ ಮಾಡಬಹುದಾದ ಸೈಡ್‌ ಸಪೋರ್ಟ್‌ನೊಂದಿಗೆ ದೊಡ್ಡ ಹೆಡ್‌ರೆಸ್ಟ್‌ಗಳನ್ನು ಪಡೆಯುತ್ತಾರೆ, ಇದು ಆರಾಮವನ್ನು ಹೆಚ್ಚಿಸುತ್ತದೆ.

ಮೂರು ಜನರು ಆರಾಮವಾಗಿ ಹಿಂಭಾಗದಲ್ಲಿ ಕುಳಿತುಕೊಳ್ಳಬಹುದು, ಮತ್ತು ಮಧ್ಯಮ ಪ್ರಯಾಣಿಕರು ಸ್ವಲ್ಪ ಮುಂದೆ ಕುಳಿತರೆ, ಇಲ್ಲಿ ಒಟ್ಟಾರೆ ಸೌಕರ್ಯವು ಉತ್ತಮವಾಗಿದೆ ಮತ್ತು ಮೂರು ಪ್ರಯಾಣಿಕರಿಗೆ ಸ್ಥಳಾವಕಾಶವಿದೆ.

ಕ್ಯಾಬಿನ್ ಗೋಚರತೆಯ ವಿಷಯದಲ್ಲಿ, ನೀವು ದೊಡ್ಡ ಕಿಟಕಿಯಿಂದ ಸಾಕಷ್ಟು ಬೆಳಕನ್ನು ಪಡೆದರೆ, ದೊಡ್ಡ ಮುಂಭಾಗದ ಹೆಡ್‌ರೆಸ್ಟ್‌ಗಳು ಮತ್ತು ಡಾರ್ಕ್ ಕ್ಯಾಬಿನ್ ಥೀಮ್ ಕ್ಯಾಬಿನ್‌ನ ಒಟ್ಟಾರೆ ಗೋಚರತೆಯನ್ನು ಕಡಿಮೆ ಮಾಡುತ್ತದೆ.

ಒಟ್ಟಾರೆಯಾಗಿ ಹೇಳುವುದಾದರೆ, ಹ್ಯಾರಿಯರ್‌ನ ಹಿಂದಿನ ಸೀಟುಗಳು ನಿಮ್ಮ ಕುಟುಂಬಕ್ಕೆ ಉತ್ತಮ ಪ್ರಮಾಣದ ಜಾಗವನ್ನು ನೀಡುತ್ತವೆ ಮತ್ತು ಯಾವುದೇ ರೀತಿಯ ರಾಜಿಗಳಿಗೆ ಅವಕಾಶವಿರುವುದಿಲ್ಲ. 

ಫೀಚರ್‌ಗಳು

ಇಲ್ಲಿ ನೀವು ಕೆಲವು ಸಮಸ್ಯೆಗಳನ್ನು ಎದುರಿಸಬಹುದು. ಹ್ಯಾರಿಯರ್‌ನ ಫೀಚರ್‌ಗಳ ಪಟ್ಟಿ ಉತ್ತಮವಾಗಿದೆ ಮತ್ತು ನೀವು ಬೆಲೆಗೆ ಹೆಚ್ಚಿನ ಫೀಚರ್‌ಗಳನ್ನು ಪಡೆಯುತ್ತೀರಿ, ಆದರೆ ಟಚ್‌ಸ್ಕ್ರೀನ್ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್‌ನ ಕಾರ್ಯಗತಗೊಳಿಸುವಿಕೆಯು ಇನ್ನೂ ಉತ್ತಮವಾಗಿರಬಹುದಿತ್ತು. 

ಈ ಕ್ಯಾಬಿನ್‌ನಲ್ಲಿ ನೀವು ಗುರುತಿಸುವ ಮೊದಲ ವಿಷಯವೆಂದರೆ 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಇದು ಸರಾಗವಾಗಿ ಚಲಿಸುತ್ತದೆ, ಉತ್ತಮವಾಗಿ ಕಾಣುವ ಆಪರೇಟಿಂಗ್ ಸಿಸ್ಟಮ್ ಅನ್ನು ಹೊಂದಿದೆ ಮತ್ತು ಯ್ಯುಸರ್‌ ಇಂಟರ್ಫೇಸ್ ಅರ್ಥಮಾಡಿಕೊಳ್ಳಲು ಬಹಳ ಸುಲಭವಾಗಿದೆ. ಈ ಸ್ಕ್ರೀನ್‌ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಅನ್ನು ಸಹ ಬೆಂಬಲಿಸುತ್ತದೆ, ಅದು ಇಷ್ಟಬಂದಂತೆ ಕಾರ್ಯನಿರ್ವಹಿಸುತ್ತದೆ.

ಆದರೆ, ನಾನು ಈ ಕಾರನ್ನು ಬಳಸುವಾಗ, ಈ ಸ್ಕ್ರೀನ್‌ ಕೆಲವು ದೋಷಗಳನ್ನು ಎದುರಿಸಿತು ಮತ್ತು ಸರಿಯಾಗಿ ಕಾರ್ಯನಿರ್ವಹಿಸಲಿಲ್ಲ. ಕೆಲವು ಖರೀದಿದಾರರು ಈ ಸಮಸ್ಯೆಗಳನ್ನು ಆನ್‌ಲೈನ್‌ನಲ್ಲಿ ವರದಿ ಮಾಡಿದ್ದಾರೆ ಮತ್ತು ಇದು ಟಾಟಾ ಕಾರುಗಳ ಸಮಸ್ಯೆಯಾಗಿ ಉಳಿದಿದೆ. ಆದರೆ, ಆಶಾದಾಯಕವಾಗಿ ಇದು ಸಾಫ್ಟ್‌ವೇರ್ ಆಪ್‌ಡೇಟ್‌ನ ಮೂಲಕ ಸರಿಪಡಿಸಲ್ಪಡುತ್ತದೆ.

ಮುಂದಿನ ಫೀಚರ್‌ ಎಂದರೆ ಡ್ರೈವರ್‌ಗಾಗಿ 10.25-ಇಂಚಿನ ಡಿಜಿಟಲ್ ಡಿಸ್‌ಪ್ಲೇ, ಇದು ಅಚ್ಚುಕಟ್ಟಾಗಿ ಗ್ರಾಫಿಕ್ಸ್ ಅನ್ನು ಹೊಂದಿದೆ ಮತ್ತು ಇದು ನ್ಯಾವಿಗೇಷನ್ ಅನ್ನು ಬೆಂಬಲಿಸುತ್ತದೆ. ಆದ್ದರಿಂದ ನೀವು ಚಾಲನೆ ಮಾಡುವಾಗ ನಿಮ್ಮ ತಲೆಯನ್ನು ಟಚ್‌ಸ್ಕ್ರೀನ್ ಕಡೆಗೆ ತಿರುಗಿಸಬೇಕಾಗಿಲ್ಲ.

ಇದು ವೈರ್‌ಲೆಸ್ ಫೋನ್ ಚಾರ್ಜರ್‌ನೊಂದಿಗೆ ಬರುತ್ತದೆ, ಇದು ಫೀಚರ್‌ನ ಪಟ್ಟಿಗೆ ಉತ್ತಮ ಸೇರ್ಪಡೆಯಾಗಿದೆ, ಆದರೆ ಅದರ ಸ್ಥಾನವನ್ನು ಇನ್ನೂ ಉತ್ತಮವಾಗಿಸಬಹುದಿತ್ತು. ಚಾರ್ಜಿಂಗ್ ಪ್ಯಾಡ್ ಅನ್ನು ಗೇರ್ ಶಿಫ್ಟರ್‌ನ ಮುಂಭಾಗದಲ್ಲಿ ಇರಿಸಲಾಗಿದೆ ಮತ್ತು ಸ್ವಲ್ಪ ಕೆಳಗೆ ಇರಿಸಲಾಗುತ್ತದೆ, ಇದು ಫೋನ್ ಅನ್ನು ಸುಲಭವಾಗಿ ಇಡಲು ನಿಮಗೆ ಹೆಚ್ಚು ಸ್ಥಳಾವಕಾಶವನ್ನು ನೀಡುವುದಿಲ್ಲ. ನಿಮ್ಮ ಫೋನ್ ಅನ್ನು ಈ ಸ್ಥಳದಲ್ಲಿ ಇರಿಸಲು ನೀವು ಸ್ವಲ್ಪ ಶ್ರಮಪಡಬೇಕಾಗುತ್ತದೆ ಮತ್ತು ಎಚ್ಚರಿಕೆಯಿಂದ ಮಾಡದಿದ್ದರೆ, ನಿಮ್ಮ ಫೋನ್‌ಗೆ ನೀವು ಹಾನಿಗೊಳಿಸಿದಂತಾಗಬಹುದು.

ಇತರ ಫೀಚರ್‌ಗಳೆಂದರೆ ಹಿಂಭಾಗದ ಎಸಿ ವೆಂಟ್‌ಗಳೊಂದಿಗೆ ಡ್ಯುಯಲ್-ಝೋನ್ ಕ್ಲೈಮೇಟ್ ಕಂಟ್ರೋಲ್, 6-ವೇ ಪವರ್ ಅಡ್ಜಸ್ಟಬಲ್ ಡ್ರೈವರ್ ಸೀಟ್, 4-ವೇ ಪವರ್ ಅಡ್ಜಸ್ಟಬಲ್ ಫ್ರಂಟ್ ಪ್ಯಾಸೆಂಜರ್ ಸೀಟ್, ಪನರೋಮಿಕ್‌ ಸನ್‌ರೂಫ್ ಮತ್ತು 9-ಸ್ಪೀಕರ್ ಜೆಬಿಎಲ್ ಸೌಂಡ್ ಸಿಸ್ಟಮ್ ಉತ್ತಮ ಧ್ವನಿ ಗುಣಮಟ್ಟವನ್ನು ಹೊಂದಿದೆ.

ಪ್ರಾಯೋಗಿಕತೆ ಮತ್ತು ಚಾರ್ಜಿಂಗ್ ಆಯ್ಕೆಗಳು

ಹ್ಯಾರಿಯರ್‌ನ ಪ್ರಾಯೋಗಿಕತೆಯ ಕಡೆಗೆ ಗಮನಹರಿಸೋಣ. ಮುಂಭಾಗದಲ್ಲಿ, ನೀವು ಸೆಂಟರ್‌ ಕನ್ಸೋಲ್‌ನಲ್ಲಿ ಕಪ್‌ಹೋಲ್ಡರ್‌ಗಳು, ದೊಡ್ಡ ಗ್ಲೋವ್‌ಬಾಕ್ಸ್, ಸೆಂಟರ್ ಆರ್ಮ್‌ರೆಸ್ಟ್‌ನಲ್ಲಿ ಸ್ಟೋರೇಜ್‌ ಮತ್ತು ಬಾಗಿಲುಗಳಲ್ಲಿ 1-ಲೀಟರ್ ಬಾಟಲ್ ಹೋಲ್ಡರ್‌ಗಳನ್ನು ಪಡೆಯುತ್ತೀರಿ.

ಹಿಂಭಾಗದಲ್ಲಿ, ನೀವು ಬಾಗಿಲುಗಳಲ್ಲಿ ಅದೇ ಬಾಟಲಿ ಹೋಲ್ಡರ್‌ಗಳನ್ನು ಪಡೆಯುತ್ತೀರಿ, ಅದರ ಮೇಲೆ ನಿಮ್ಮ ಫೋನ್ ಅಥವಾ ವ್ಯಾಲೆಟ್ ಅನ್ನು ನೀವು ಇರಿಸಬಹುದಾದ ಟ್ರೇ ಇದೆ. ಮಧ್ಯದ ಆರ್ಮ್‌ರೆಸ್ಟ್ ಎರಡು ಕಪ್‌ಹೋಲ್ಡರ್‌ಗಳನ್ನು ಪಡೆಯುತ್ತದೆ ಮತ್ತು ನಿಮ್ಮ ಫೋನ್ ಚಾರ್ಜ್ ಆಗುತ್ತಿರುವಾಗ ಅದನ್ನು ಇರಿಸಿಕೊಳ್ಳಲು ಮುಂಭಾಗದ ಆರ್ಮ್‌ರೆಸ್ಟ್‌ನ ಹಿಂದೆ ಒಂದು ಟ್ರೇ ಇರುತ್ತದೆ.

ಚಾರ್ಜಿಂಗ್ ಆಯ್ಕೆಗಳ ವಿಷಯದಲ್ಲಿ, ವೈರ್‌ಲೆಸ್ ಫೋನ್ ಚಾರ್ಜರ್ ಹೊರತುಪಡಿಸಿ, ಸೆಂಟರ್ ಕನ್ಸೋಲ್ ಯುಎಸ್‌ಬಿ ಟೈಪ್-ಎ ಪೋರ್ಟ್ ಮತ್ತು 45W ಟೈಪ್-ಸಿ ಪೋರ್ಟ್ ಅನ್ನು ಹೊಂದಿದೆ. ಮುಂಭಾಗದ ಆರ್ಮ್‌ರೆಸ್ಟ್‌ನಲ್ಲಿ, ನೀವು 12V ಸಾಕೆಟ್ ಜೊತೆಗೆ USB ಟೈಪ್-A ಮತ್ತು ಟೈಪ್-C ಪೋರ್ಟ್‌ಗಳನ್ನು ಪಡೆಯುತ್ತೀರಿ ಮತ್ತು ಹಿಂದಿನ ಪ್ರಯಾಣಿಕರು ಮುಂಭಾಗದ ಆರ್ಮ್‌ರೆಸ್ಟ್‌ನ ಹಿಂದೆ ಅದೇ USB ಪೋರ್ಟ್‌ಗಳನ್ನು ಸಹ ಪಡೆಯುತ್ತಾರೆ.

ಸುರಕ್ಷತೆ

ಹ್ಯಾರಿಯರ್ ಸುರಕ್ಷತೆಯ 3 ಹಂತಗಳನ್ನು ಹೊಂದಿದೆ. ಮೊದಲನೆಯದು ಫೀಚರ್‌ಗಳ ಪಟ್ಟಿ. ಇದು 6 ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು, ಹಿಲ್ ಹೋಲ್ಡ್ ಅಸಿಸ್ಟ್, ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು ಮತ್ತು ಆಟೋ ಹೋಲ್ಡ್‌ನೊಂದಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ ಅನ್ನು ಪಡೆಯುತ್ತದೆ.

ಇದು ಕಿರಿದಾದ ಜಾಗಗಳಿಂದ ಹೊರಬರಲು ಉಪಯುಕ್ತವಾದ 360-ಡಿಗ್ರಿ ಕ್ಯಾಮೆರಾವನ್ನು ಸಹ ಪಡೆಯುತ್ತದೆ ಮತ್ತು ಇದು ಲೇನ್‌ಗಳನ್ನು ಬದಲಾಯಿಸುವಾಗ ಸಹಾಯ ಮಾಡುವ ಬ್ಲೈಂಡ್ ವ್ಯೂ ಮಾನಿಟರ್‌ನೊಂದಿಗೆ ಸಹ ಬರುತ್ತದೆ.

ಸುರಕ್ಷತೆಯ ಎರಡನೇ ಹಂತವು ಅದರ ಚಾಲಕ ಸಹಾಯ ತಂತ್ರಜ್ಞಾನದ ಕುರಿತಾಗಿದೆ. ಇದು ಲೇನ್ ನಿರ್ಗಮನ ಎಚ್ಚರಿಕೆ, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಆಟೋನೊಮಸ್‌ ಎಮೆರ್ಜೆನ್ಸಿ ಬ್ರೇಕಿಂಗ್‌ನಂತಹ ಲೆವೆಲ್ 2 ADAS (ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳು) ಫೀಚರ್‌ಗಳನ್ನು ಪಡೆಯುತ್ತದೆ. ಈ ಫೀಚರ್‌ಗಳು ಭಾರತೀಯ ರಸ್ತೆಗಳಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ, ಆದರೆ ಪರಿಣಾಮಕಾರಿಯಾಗಿ ಕೆಲಸ ಮಾಡಲು ಸರಿಯಾದ ಲೇನ್ ಗುರುತುಗಳ ಅಗತ್ಯವಿದೆ. ಹೆಚ್ಚಿನ ADAS ಗಳಂತೆ, ಕಿಕ್ಕಿರಿದ ಹೆದ್ದಾರಿಗಳಂತಹ ಕೆಲವು ಟ್ರಾಫಿಕ್ ಪರಿಸ್ಥಿತಿಗಳಲ್ಲಿ ಅವರು ಜರ್ಕಿಯನ್ನು ಅನುಭವಿಸುವ ಕಾರಣ ಕಾರಿನ ಆಟೋಮ್ಯಾಟಿಕ್‌ ಕ್ರಿಯೆಗಳಿಗೆ ನೀವು ಹೊಂದಿಕೊಳ್ಳಲು ಕೆಲ ಸಮಯವನ್ನು ಬಯಸುತ್ತದೆ. 

ಕೊನೆಯದಾಗಿ, ಹ್ಯಾರಿಯರ್ ಗ್ಲೋಬಲ್ NCAP ಮತ್ತು Bharat NCAP ಎರಡರಿಂದಲೂ 5-ಸ್ಟಾರ್ ಕ್ರ್ಯಾಶ್ ಟೆಸ್ಟ್ ಸುರಕ್ಷತಾ ರೇಟಿಂಗ್ ಅನ್ನು ಹೊಂದಿದೆ, ಇದು ಸುರಕ್ಷತೆಯ ಮೂರನೇ ಪದರವನ್ನು ಸೇರಿಸುತ್ತದೆ.

ಪರ್ಫಾರ್ಮೆನ್ಸ್‌

ಟಾಟಾ ಹ್ಯಾರಿಯರ್ 2-ಲೀಟರ್ ಡೀಸೆಲ್ ಎಂಜಿನ್ ಜೊತೆಗೆ 170 ಪಿಎಸ್‌ ಮತ್ತು 350 ಎನ್‌ಎಮ್‌ ನಷ್ಟು ಔಟ್‌ಪುಟ್‌ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ ಅನ್ನು ಹೆಚ್ಚು ಪರಿಷ್ಕರಿಸಬೇಕಾಗಿತ್ತು ಮತ್ತು ಡೀಸೆಲ್ ಗದ್ದಲವು ತುಂಬಾ ಸ್ಪಷ್ಟವಾಗಿರುತ್ತದೆ, ವಿಶೇಷವಾಗಿ ಮಹೀಂದ್ರಾ XUV700 ಡೀಸೆಲ್‌ನಂತಹ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ. ಆದರೂ, ಕೆಲವು ಟರ್ಬೊ ಮಂದಗತಿಯಿದ್ದರೂ, ಸುಲಭವಾದ ದೈನಂದಿನ ಚಾಲನೆಗೆ ಪವರ್ ವಿತರಣೆಯು ಸಾಕಷ್ಟು ಮೃದುವಾಗಿರುತ್ತದೆ. ಹೆದ್ದಾರಿಯಲ್ಲಿ ಡ್ರೈವ್‌ ಮಾಡುವಾಗ, 100kmph ಅನ್ನು ತ್ವರಿತವಾಗಿ ಪಡೆಯಲು ಸಾಕಷ್ಟು ಶಕ್ತಿ ಇರುತ್ತದೆ ಮತ್ತು ನೀವು ಸುಲಭವಾಗಿ ಓವರ್‌ಟೇಕ್ ಮಾಡಬಹುದು.

ಈಗ ಈ ಎಂಜಿನ್ 6-ಸ್ಪೀಡ್ ಮ್ಯಾನ್ಯುವಲ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಎಂಬ ಎರಡು ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಬರುತ್ತದೆ, ಮತ್ತು ನಮ್ಮ ವಿಮರ್ಶೆಗಾಗಿ ನಾವು ಆಟೋಮ್ಯಾಟಿಕ್‌ ವೇರಿಯೆಂಟ್‌ ಅನ್ನು ಪಡೆದಿದ್ದೇವು.  ಗೇರ್ ಬದಲಾವಣೆಗಳು ಗಮನಾರ್ಹವಾಗಿವೆ, ಆದರೆ ಜರ್ಕಿ ಅಲ್ಲ, ಮತ್ತು ಯಾವುದೇ ವಿಳಂಬವಿಲ್ಲ. ಅಲ್ಲದೆ, ನೀವು ಹೆಚ್ಚಿನ ಕಂಟ್ರೋಲ್‌ ಅನ್ನು ಬಯಸಿದರೆ, ನೀವು ಪ್ಯಾಡಲ್ ಶಿಫ್ಟರ್‌ಗಳನ್ನು ಸಹ ಪಡೆಯುತ್ತೀರಿ, ಆದ್ದರಿಂದ ನೀವು ಗೇರ್ ಅನ್ನು ಮ್ಯಾನ್ಯುವಲ್‌ ಆಗಿ ಬದಲಾಯಿಸಬಹುದು.

ಇದು ಉತ್ತಮ ಥ್ರೊಟಲ್ ಪ್ರತಿಕ್ರಿಯೆಯನ್ನು ಒದಗಿಸುವ ಸ್ಪೋರ್ಟ್ಸ್ ಮೋಡ್ ಸೇರಿದಂತೆ ಮೂರು ಡ್ರೈವ್ ಮೋಡ್‌ಗಳನ್ನು ಸಹ ಪಡೆಯುತ್ತದೆ. ಆಟೋಮ್ಯಾಟಿಕ್‌ ಮತ್ತು ಮ್ಯಾನ್ಯುವಲ್‌ಗಳ ನಡುವೆ, ನಾವು ಮೊದಲಿನದನ್ನು ಶಿಫಾರಸು ಮಾಡುತ್ತೇವೆ, ಏಕೆಂದರೆ ಇದು ಹೆಚ್ಚು ಅನುಕೂಲಕರವಾದ ಡ್ರೈವ್ ಅನ್ನು ನೀಡುತ್ತದೆ.

ಹ್ಯಾರಿಯರ್ ಒದ್ದೆ ಮತ್ತು ಒರಟು ರಸ್ತೆಗಳಿಗೆ ನಿರ್ದಿಷ್ಟ ಮೋಡ್‌ಗಳನ್ನು ಸಹ ಪಡೆಯುತ್ತದೆ, ಆದರೆ ಈ ರೀತಿಯ ರಸ್ತೆಗಳಲ್ಲಿ ನೀವು ಸಾಮಾನ್ಯ ಸಿಟಿ ಮೋಡ್‌ನಲ್ಲಿ ಸುಲಭವಾಗಿ ಚಾಲನೆ ಮಾಡಬಹುದು.

ರೈಡ್‌ ಕಂಫರ್ಟ್‌

ಹ್ಯಾರಿಯರ್‌ನ ಸವಾರಿಯ ಗುಣಮಟ್ಟವು ಆರಾಮದಾಯಕವಾಗಿದೆ, ಆದರೆ ಉತ್ತಮವಾಗಿಲ್ಲ. ಸಸ್ಪೆನ್ನಸ್‌ಗಳು ನಗರದಲ್ಲಿನ ಸಣ್ಣ ಉಬ್ಬುಗಳನ್ನು ಚೆನ್ನಾಗಿ ಹೀರಿಕೊಳ್ಳುತ್ತವೆ ಮತ್ತು ದೀರ್ಘಾವಧಿಯ ಪ್ರಯಾಣದ ವೇಳೆಯಲ್ಲಿಯೂ ಆಳವಾದ ಗುಂಡಿಗಳ ಮೇಲೆ ಇದು ಸುಲಭವಾಗಿ ಹೋಗಬಹುದು.

ಆದಾಗ್ಯೂ, ನಗರದಲ್ಲಿನ ಸವಾರಿ ಸ್ವಲ್ಪ ಗಟ್ಟಿಯಾಗಿರುತ್ತದೆ, ವಿಶೇಷವಾಗಿ ಕಳಪೆ ರಸ್ತೆಗಳ ಮೇಲೆ ಚಾಲನೆ ಮಾಡುವಾಗ, ಮತ್ತು ಈ ಕಳಪೆ ರಸ್ತೆಗಳಲ್ಲಿ ಸಾಗುವಾಗ ಸಸ್ಪೆನ್ಸನ್‌ಗಳಿಂದ ನೀವು ಶಬ್ದವನ್ನು ಸಹ ಕೇಳಬಹುದು. ಸಸ್ಪೆನ್ಸನ್‌ ಸ್ವಲ್ಪ ಮೃದುವಾಗಿದ್ದರೆ ಮತ್ತು ಕಡಿಮೆ ಶಬ್ದವನ್ನು ಹೊಂದಿದ್ದರೆ, ನಗರದಲ್ಲಿ ಸವಾರಿ ಗುಣಮಟ್ಟವು ಸುಗಮವಾಗಿರುತ್ತಿತ್ತು.

ಆದರೆ ಹೆದ್ದಾರಿಯಲ್ಲಿ, ಸವಾರಿಯ ಗುಣಮಟ್ಟದ ಬಗ್ಗೆ ದೂರು ನೀಡಲು ಅವಕಾಶವಿರುವುದಿಲ್ಲ. ಇದು ಅಸಮವಾದ ತೇಪೆಗಳನ್ನು ಬಹಳ ಸುಲಭವಾಗಿ ನಿಭಾಯಿಸುತ್ತದೆ ಮತ್ತು ಕ್ಯಾಬಿನ್ ಒಳಗೆ ನೀವು ಸಾಕಷ್ಟು ಚಲನೆಯನ್ನು ಅನುಭವಿಸುವುದಿಲ್ಲ. ಹೆಚ್ಚಿನ ವೇಗದಲ್ಲಿ ಮತ್ತು ಹಠಾತ್ ಲೇನ್ ಬದಲಾವಣೆಗಳನ್ನು ಮಾಡುವಾಗ, ಹ್ಯಾರಿಯರ್ ಯಾವುದೇ ರೀತಿಯ ರೋಲಿಂಗ್‌ ಅನುಭವವನ್ನು ನೀಡುವುದಿಲ್ಲ ಮತ್ತು ಚಾಲನೆ ಮಾಡುವಾಗ ನಿಮಗೆ ಆತ್ಮವಿಶ್ವಾಸವನ್ನು ನೀಡುತ್ತದೆ.

ಹ್ಯಾರಿಯರ್‌ನ ಒಟ್ಟಾರೆ ಸವಾರಿ ಗುಣಮಟ್ಟವು ತುಂಬಾ ಆರಾಮದಾಯಕವಾಗಿದೆ ಮತ್ತು ಇದು ನಿರಾಶೆಗೊಳಿಸುವುದಿಲ್ಲ.

ಅಂತಿಮ ಮಾತು

ಹ್ಯಾರಿಯರ್ ತನ್ನ ಆಧುನಿಕ ಮತ್ತು ರಗಡ್‌ ಆದ ವಿನ್ಯಾಸ, ಗಮನ ಸೆಳೆಯುವ ರೋಡ್‌ ಪ್ರೆಸೆನ್ಸ್‌, ಪ್ರೀಮಿಯಂ ಕ್ಯಾಬಿನ್, ಸ್ಥಳಾವಕಾಶ ಮತ್ತು ಪರ್ಫಾರ್ಮೆನ್ಸ್‌ ಸೇರಿದಂತೆ ಅದರ ಪರವಾಗಿ ಬಹಳಷ್ಟು ವಿಷಯಗಳನ್ನು ಹೊಂದಿದೆ. ಇದು ಎಸ್‌ಯುವಿ ಆಗಿದ್ದು, ಅದರ ಸಂವೇದನಾಶೀಲ ಮಾರಾಟದ ಅಂಕಗಳೊಂದಿಗೆ ನಿಮ್ಮನ್ನು ಗೆಲ್ಲುತ್ತದೆ. ಹಾಗೆಯೇ, ಅದರ ಗಾತ್ರ ಮತ್ತು ಶೈಲಿಗೆ ಧನ್ಯವಾದ ಹೇಳಲೇಬೇಕು. ಇದು ಉತ್ತಮ ಭಾವನಾತ್ಮಕ ಆಕರ್ಷಣೆಯನ್ನು ಹೊಂದಿದೆ.

ಟಾಟಾ ಕಾರುಗಳ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಮತ್ತು ಮಾರಾಟದ ನಂತರ ಸರ್ವೀಸ್‌ ಸೆಂಟರ್‌ ಕುರಿತು ಕೆಲವು ಗ್ರಾಹಕರು ಹೊಂದಿರುವ ಉತ್ತಮವಲ್ಲದ ಅನುಭವನ್ನು ನಾವು ಹೊಂದಿದ್ದೇವೆ.