Tata Altroz Racer ಮಿಡ್-ಸ್ಪೆಕ್ R2 ಆವೃತ್ತಿಯ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದದ್ದು: 7 ಚಿತ್ರಗಳಲ್ಲಿ..
ಟಾಟಾ ಆಲ್ಟ್ರೋಜ್ ರೇಸರ್ ಗಾಗಿ shreyash ಮೂಲಕ ಜೂನ್ 14, 2024 03:15 pm ರಂದು ಪ್ರಕಟಿಸಲಾಗಿದೆ
- 26 Views
- ಕಾಮೆಂಟ್‌ ಅನ್ನು ಬರೆಯಿರಿ
ಆಲ್ಟ್ರೊಜ್ ರೇಸರ್‌ನ ಮಿಡ್-ಸ್ಪೆಕ್ R2 ಆವೃತ್ತಿಯು ಟಾಪ್-ಸ್ಪೆಕ್ R3 ಆವೃತ್ತಿಯಂತೆಯೇ ಕಾಣುತ್ತದೆ ಮತ್ತು 10.25-ಇಂಚಿನ ಟಚ್‌ಸ್ಕ್ರೀನ್, 360-ಡಿಗ್ರಿ ಕ್ಯಾಮೆರಾ ಮತ್ತು ಸನ್‌ರೂಫ್‌ನಂತಹ ಫೀಚರ್‌ಗಳೊಂದಿಗೆ ಬರುತ್ತದೆ
ಟಾಟಾ ಆಲ್ಟ್ರೋಜ್ ರೇಸರ್ ಈವರೆಗಿನ ಆಲ್ಟ್ರೋಜ್‌ನ ಅತ್ಯಂತ ಶಕ್ತಿಶಾಲಿ ಆವೃತ್ತಿಯಾಗಿದೆ, ಇದರ 120 ಪಿಎಸ್‌ 1.2-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ಗೆ ಜೋಡಿಸಲಾಗಿದೆ. ಆಲ್ಟ್ರೋಜ್‌ನ ಈ ಸ್ಪೋರ್ಟಿಯರ್ ಆವೃತ್ತಿಯನ್ನು R1, R2 ಮತ್ತು R3 ಎಂಬ ಮೂರು ಮೊಡೆಲ್‌ಗಳಲ್ಲಿ ನೀಡುತ್ತಿದೆ. ಈ 7 ಚಿತ್ರಗಳಲ್ಲಿ ಟಾಟಾ ಆಲ್ಟ್ರೋಜ್ ರೇಸರ್‌ನ ಮಿಡ್-ಸ್ಪೆಕ್ ಆರ್‌2 ಆವೃತ್ತಿಯು ಏನೆಲ್ಲಾ ವಿಶೇಷತೆಗಳನ್ನು ಒಳಗೊಂಡಿದೆ ಎಂಬುದನ್ನು ನೋಡೋಣ.
ಮುಂಭಾಗ
ಟಾಟಾ ಆಲ್ಟ್ರೋಜ್ ರೇಸರ್‌ನ ಮಿಡ್-ಸ್ಪೆಕ್ ಆರ್‌2 ಆವೃತ್ತಿಯು ಅದರ ಟಾಪ್-ಸ್ಪೆಕ್ ಆರ್‌3 ಪ್ರತಿರೂಪಕ್ಕೆ ಹೋಲುತ್ತದೆ. ಇದು ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ಮುಂಭಾಗದ ಫಾಗ್‌ ಲ್ಯಾಂಪ್‌ಗಳೊಂದಿಗೆ ಅದೇ ಆಟೋಮ್ಯಾಟಿಕ್‌ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳನ್ನು ಒಳಗೊಂಡಿದೆ. ಈ ಆವೃತ್ತಿಯು 360-ಡಿಗ್ರಿ ಕ್ಯಾಮೆರಾವನ್ನು ಪಡೆಯುವುದರಿಂದ, ಮುಂಭಾಗದ ಕ್ಯಾಮೆರಾವನ್ನು ಟಾಟಾ ಲೋಗೋ ಅಡಿಯಲ್ಲಿ ಗ್ರಿಲ್‌ನಲ್ಲಿ ಸೆಟ್‌ ಮಾಡಲಾಗಿದೆ.
ಸೈಡ್
ಆರ್‌2 ಮತ್ತು ಆಲ್ಟ್ರೋಜ್ ರೇಸರ್‌ನ ಇತರ ಆವೃತ್ತಿಗಳ ನಡುವೆ ಯಾವುದೇ ಕಾಣುವ ರೀತಿಯ ವ್ಯತ್ಯಾಸವಿಲ್ಲ. ಇತರ ಆವೃತ್ತಿಗಳಂತೆ, ಆಲ್ಟ್ರೊಜ್ ರೇಸರ್ ಆರ್‌2 ಅದೇ 16-ಇಂಚಿನ ಕಪ್ಪು ಆಲಾಯ್‌ ವೀಲ್‌ಗಳು, ಕಪ್ಪು-ಬಣ್ಣದ ಪಿಲ್ಲರ್‌ಗಳು ಮತ್ತು ವಿಂಡೋ ಲೈನ್ ಮತ್ತು ಮುಂಭಾಗದ ಫೆಂಡರ್‌ಗಳಲ್ಲಿ 'ರೇಸರ್' ಬ್ಯಾಡ್ಜ್ ಅನ್ನು ಪಡೆಯುತ್ತದೆ. ORVM ಗಳು 360-ಡಿಗ್ರಿ ಸೆಟಪ್‌ನ ಸೈಡ್ ಕ್ಯಾಮೆರಾಗಳನ್ನು ಸಹ ಹೊಂದಿವೆ.
ಇತರ ಆಲ್ಟ್ರೊಜ್ ರೇಸರ್ ಆವೃತ್ತಿಗಳಲ್ಲಿ ಕಂಡುಬರುವಂತೆ, ಅದರ ಆರ್‌2 ಟ್ರಿಮ್ ಕಪ್ಪು ಬಾನೆಟ್‌ ಮತ್ತು ಡ್ಯುಯಲ್ ವೈಟ್ ಸ್ಟ್ರೈಪ್‌ಗಳನ್ನು ಬಾನೆಟ್‌ನಿಂದ ರೂಫ್‌ನ ಅಂತ್ಯದವರೆಗೆ ಹೊಂದಿದೆ. ಎಂಟ್ರಿ ಲೆವೆಲ್‌ನ R1 ಟ್ರಿಮ್‌ಗಿಂತ ಭಿನ್ನವಾಗಿ, ಹ್ಯಾಚ್‌ಬ್ಯಾಕ್‌ನ ಈ ಆವೃತ್ತಿಯು ಸಿಂಗಲ್-ಪೇನ್ ಸನ್‌ರೂಫ್ ಅನ್ನು ಪಡೆಯುತ್ತದೆ.
ಇದನ್ನು ಸಹ ಓದಿ: Tata Altroz Racerನ ಎಂಟ್ರಿ-ಲೆವೆಲ್ R1 ವೇರಿಯಂಟ್ ನ 7 ಚಿತ್ರಗಳು ನಿಮಗಾಗಿ
ಹಿಂಭಾಗ
ಆಲ್ಟ್ರೊಜ್‌ನ 'ರೇಸರ್' ರೇಂಜ್‌ನಾದ್ಯಂತ ಸ್ಟ್ಯಾಂಡರ್ಡ್‌ ಆಗಿ, ಇದು ವಿಸ್ತೃತ ರೂಫ್ ಸ್ಪಾಯ್ಲರ್, ಹಿಂಭಾಗದ ಡಿಫಾಗರ್ ಮತ್ತು ವಾಷರ್‌ನೊಂದಿಗೆ ಹಿಂಭಾಗದ ವೈಪರ್ ಅನ್ನು ಪಡೆಯುತ್ತದೆ. ಟೈಲ್‌ಗೇಟ್‌ನಲ್ಲಿ 'i-turbo+' ಮಾನಿಕರ್ ಕೂಡ ಇದೆ, ಇದು ಹಿಂದೆ ಲಭ್ಯವಿರುವ Altroz i-turbo ಗಿಂತಲೂ ಹೆಚ್ಚು ಶಕ್ತಿಶಾಲಿಯಾಗಿದೆ ಎಂದು ಸೂಚಿಸುತ್ತದೆ.
ಇದು ಡ್ಯುಯಲ್-ಟಿಪ್ ಎಕ್ಸಾಸ್ಟ್ ಅನ್ನು ಸಹ ಪಡೆಯುತ್ತದೆ, ಇದು ಹ್ಯಾಚ್‌ಬ್ಯಾಕ್‌ನ ರೆಗುಲರ್‌ ಆವೃತ್ತಿಗಿಂತ ಸ್ಪೋರ್ಟಿಯರ್ ಅಂಶವನ್ನು ಹೊಂದಿದೆ.
ಇಂಟಿರೀಯರ್‌
ಆಲ್ಟ್ರೋಜ್ ರೆಸರ್‌ ಆರ್‌2 ನ ಡ್ಯಾಶ್‌ಬೋರ್ಡ್ ಅದರ ಟಾಪ್-ಸ್ಪೆಕ್ ಆರ್‌3 ಆವೃತ್ತಿಯಂತೇ ಕಾಣುತ್ತದೆ. ಇದರ ಸೌಕರ್ಯಗಳ ಪಟ್ಟಿಯು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್‌ ಕಾರ್‌ಪ್ಲೇ ಜೊತೆಗೆ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 8-ಸ್ಪೀಕರ್ ಸೌಂಡ್ ಸಿಸ್ಟಮ್ (ನಾಲ್ಕು ಟ್ವೀಟರ್‌ಗಳನ್ನು ಒಳಗೊಂಡಂತೆ), 7-ಇಂಚಿನ ಸಂಪೂರ್ಣ ಡಿಜಿಟಲ್ ಡ್ರೈವರ್‌ನ ಡಿಸ್‌ಪ್ಲೇಯನ್ನು ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿ ಆರೆಂಜ್ ಥೀಮ್ ಆಂಬಿಯೆಂಟ್ ಲೈಟಿಂಗ್ ಅನ್ನು ಒಳಗೊಂಡಿದೆ.
ಆಲ್ಟ್ರೋಜ್ ರೇಸರ್ ಆರ್‌2 ಸಹ ಆಟೋಮ್ಯಾಟಿಕ್‌ ಎಸಿ ಜೊತೆಗೆ ಹಿಂಭಾಗದ ವೆಂಟ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜರ್, ಕ್ರೂಸ್ ಕಂಟ್ರೋಲ್ ಮತ್ತು ಸಿಂಗಲ್-ಪೇನ್ ಸನ್‌ರೂಫ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಆದಾಗಿಯೂ, ಇದು ಇನ್ನೂ ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, ಏರ್ ಪ್ಯೂರಿಫೈಯರ್ ಮತ್ತು ಕನೆಕ್ಟೆಡ್‌ ಕಾರ್ ತಂತ್ರಜ್ಞಾನದಂತಹ ವೈಶಿಷ್ಟ್ಯಗಳನ್ನು ನೀಡುತ್ತಿಲ್ಲ. ಆದರೆ, ಇವುಗಳನ್ನು ಆಲ್ಟ್ರೋಜ್ ರೇಸರ್‌ನ ಟಾಪ್-ಎಂಡ್‌ ಆರ್‌3 ಮೊಡೆಲ್‌ನೊಂದಿಗೆ ನೀಡಲಾಗುತ್ತದೆ.
ಇದರ ಸುರಕ್ಷತಾ ಕಿಟ್ ಆರು ಏರ್‌ಬ್ಯಾಗ್‌ಗಳು, ಬ್ಲೈಂಡ್ ವ್ಯೂ ಮಾನಿಟರ್‌ನೊಂದಿಗೆ 360-ಡಿಗ್ರಿ ಕ್ಯಾಮೆರಾ, ರೈನ್ ಸೆನ್ಸಿಂಗ್ ವೈಪರ್ ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಅನ್ನು ಒಳಗೊಂಡಿದೆ.
ಹ್ಯಾಚ್‌ಬ್ಯಾಕ್‌ನ ಈ ಮಿಡ್-ಸ್ಪೆಕ್ ಆರ್‌2 ಆವೃತ್ತಿಯು ಎಲ್ಲಾ-ಕಪ್ಪು ಲೆಥೆರೆಟ್ ಸೀಟ್ ಕವರ್, ಜೊತೆಗೆ ಲೆಥೆರೆಟ್-ಸುತ್ತಿದ ಸ್ಟೀರಿಂಗ್ ವೀಲ್ ಮತ್ತು ಫ್ರಂಟ್ ಸೆಂಟರ್ ಆರ್ಮ್‌ರೆಸ್ಟ್ ಅನ್ನು ಪಡೆಯುತ್ತದೆ. ಸ್ಪೋರ್ಟಿಯರ್ ಆಕರ್ಷಣೆಗಾಗಿ ಸೀಟುಗಳು ಕಾಂಟ್ರಾಸ್ಟ್ ಆರೆಂಜ್ ಸ್ಟಿಚ್ಚಿಂಗ್‌ ಅನ್ನು ಹೊಂದಿದೆ.
ಇದನ್ನು ಓದಿ: Tata Altroz Racer R1 ವರ್ಸಸ್‌ Hyundai i20 N Line N6: ಯಾವುದು ಬೆಸ್ಟ್‌ ? ಇಲ್ಲಿದೆ ಹೋಲಿಕೆ..
ಪವರ್‌ಟ್ರೈನ್‌ ಕುರಿತು
ಅಲ್ಟ್ರೋಜ್‌ನ ಈ ಸ್ಪೋರ್ಟಿಯರ್ ಎಡಿಷನ್‌ ಟಾಟಾ ನೆಕ್ಸಾನ್‌ನಿಂದ ಪಡೆದ 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಬಳಸುತ್ತದೆ. ಈ ಎಂಜಿನ್ 120 ಪಿಎಸ್‌ ಮತ್ತು 170 ಎನ್‌ಎಮ್‌ ಅನ್ನು ಉತ್ಪಾದಿಸುತ್ತದೆ ಮತ್ತು 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ಜೋಡಿಯಾಗಿ ಬರುತ್ತದೆ. ಹಾಗೆಯೇ, ಟಾಟಾ ಭವಿಷ್ಯದಲ್ಲಿ ಆಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನ ಆಯ್ಕೆಯೊಂದಿಗೆ ಅಲ್ಟ್ರೋಜ್‌ ರೇಸರ್ ಅನ್ನು ನೀಡಬಹುದು.
ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ಟಾಟಾ ಆಲ್ಟ್ರೋಜ್ ರೇಸರ್‌ನ ಆರ್‌2 ಆವೃತ್ತಿಯ ಪರಿಚಯಾತ್ಮಕ ಎಕ್ಸ್ ಶೋರೂಂ ಬೆಲೆಯು 10.49 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದು. ಇದು ಹ್ಯುಂಡೈ ಐ20 ಎನ್‌ ಲೈನ್‌ಗೆ ನೇರ ಪ್ರತಿಸ್ಪರ್ಧಿಯಾಗಿದೆ.
ಇನ್ನಷ್ಟು ಓದಿ : ಟಾಟಾ ಆಲ್ಟ್ರೋಜ್ ರೇಸರ್ ಆನ್‌ರೋಡ್‌ ಬೆಲೆ
