Honda Elevateನ ನಿರೀಕ್ಷಿತ ಬೆಲೆಗಳು: ತನ್ನ ಪ್ರತಿಸ್ಪರ್ಧಿಗಳಿಗಿಂತ ಅಗ್ಗವಾಗಿದೆಯೇ?

ಹೋಂಡಾ ಎಲಿವೇಟ್ ಎಸ್‌ಯುವಿಯ ವೇರಿಯಂಟ್‌ಗಳು, ಫೀಚರ್‌ಗಳು ಮತ್ತು ನಿರ್ದಿಷ್ಟ ವಿಶೇಷಣಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಬಹಿರಂಗಪಡಿಸಲಾಗಿದೆ.

ಹೋಂಡಾ ಎಲಿವೇಟ್ ಶೀಘ್ರದಲ್ಲೇ ಕಾಂಪ್ಯಾಕ್ಟ್ ಎಸ್‌ಯುವಿ ವಿಭಾಗಕ್ಕೆ ಪ್ರವೇಶಿಸಲಿದೆ. ಕಾರು ತಯಾರಕರು ಈ ವಾಹನದ ಪವರ್‌ಟ್ರೇನ್, ಮೈಲೇಜ್ ಮತ್ತು ಫೀಚರ್‌ಗಳಿಗೆ ಸಂಬಂಧಿಸಿದಂತೆ ಕಂಪನಿಯು ಸಾಕಷ್ಟು ಮಾಹಿತಿಯನ್ನು ಹಂಚಿಕೊಂಡಿದೆ. ಈ ಕಾರಿನ ಬೆಲೆಗಳನ್ನು ಸೆಪ್ಟೆಂಬರ್ 4 ರಂದು ಘೋಷಿಸಲಾಗುವುದು. ಈಗಾಗಲೇ ಲಭ್ಯವಿರುವ ಎಲ್ಲಾ ಮಾಹಿತಿಯ ಆಧಾರದ ಮೇಲೆ, ನಾವು ಹೋಂಡಾ ಎಲಿವೇಟ್ ಎಸ್‌ಯುವಿಯ ವೇರಿಯಂಟ್-ವಾರು ಬೆಲೆಗಳನ್ನು ಅದರ ಬಿಡುಗಡೆಗೆ ಮುಂಚಿತವಾಗಿ ಅಂದಾಜು ಮಾಡಿದ್ದೇವೆ.

ಮೊದಲಿಗೆ, ಅದರ ಪವರ್‌ಟ್ರೇನ್ ಮತ್ತು ಫೀಚರ್‌ಗಳ ಬಗ್ಗೆ ಗಮನಹರಿಸೋಣ:

 ಎಲಿವೇಟ್ ಸಿಟಿ ಸೆಡಾನ್‌ನಲ್ಲಿರುವಂತಹ 1.5-ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದೆ. ಕಂಪನಿಯು ಅದರಲ್ಲಿ ಡೀಸೆಲ್ ಎಂಜಿನ್ ಮತ್ತು ಪೆಟ್ರೋಲ್-ಹೈಬ್ರಿಡ್ ಆಯ್ಕೆಯನ್ನು ನೀಡಿಲ್ಲ.

 ಬಿಡುಗಡೆಯಾಗಲಿರುವ ಈ ಕಾರಿನಲ್ಲಿ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 7-ಇಂಚಿನ ಡಿಜಿಟಲ್ ಡ್ರೈವರ್ಸ್ ಡಿಸ್‌ಪ್ಲೇ, ಎಲೆಕ್ಟ್ರಿಕ್ ಸನ್‌ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಲೇನ್ ವಾಚ್ ಕ್ಯಾಮೆರಾದಂತಹ ಫೀಚರ್‌ಗಳನ್ನು ಒದಗಿಸಲಾಗಿದೆ. ಸುರಕ್ಷತೆಗಾಗಿ, ಇದು ಆರು ಏರ್‌ಬ್ಯಾಗ್‌ಗಳು, ರಿಯರ್ ಪಾರ್ಕಿಂಗ್ ಕ್ಯಾಮೆರಾ ಮತ್ತು ADAS (ಅಡ್ವಾನ್ಸ್‌ ಡ್ರೈವರ್ ಅಸಿಸ್ಟನ್ಸ್ ಸಿಸ್ಟಂ ) ನಂತಹ ಫೀಚರ್‌ಗಳನ್ನು ಪಡೆಯುತ್ತದೆ.

 ಇದನ್ನೂ ಓದಿ: ಹೋಂಡಾ ಎಲಿವೇಟ್‌ನ ವೇರಿಯಂಟ್-ವಾರು ಫೀಚರ್‌ಗಳ ಬಗ್ಗೆ ಇಲ್ಲಿ ತಿಳಿಯಿರಿ 

 ಹೋಂಡಾ ಎಲಿವೇಟ್‌ನ ವೇರಿಯಂಟ್-ವಾರು ನಿರೀಕ್ಷಿತ ಬೆಲೆಗಳನ್ನು ಕೆಳಗೆ ನೀಡಲಾಗಿದೆ:

ಪ್ರತಿಸ್ಪರ್ಧಿ ಕಾರುಗಳಂತೆಯೇ ಎಲಿವೇಟ್ ಕಾರಿನ ಬೆಲೆಯು ಸುಮಾರು 11 ಲಕ್ಷ ರೂಪಾಯಿಗಳಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದು. ಇದರ CVT ವೇರಿಯಂಟ್‌ಗಳ ಬೆಲೆ ಸುಮಾರು 1.25 ಲಕ್ಷ ರೂ. ಅಧಿಕವಾಗಿರಬಹುದು. ಅದರ ಎಲ್ಲಾ ವೇರಿಯಂಟ್‌ಗಳ ನಡುವಿನ ಬೆಲೆ ವ್ಯತ್ಯಾಸವು 1 ಲಕ್ಷಕ್ಕಿಂತ ಹೆಚ್ಚಾಗಿರುತ್ತದೆ.

ಎಲಿವೇಟ್ ಮತ್ತು ಅದರ ಪ್ರತಿಸ್ಪರ್ಧಿಗಳ ನಡುವಿನ ಬೆಲೆ ವ್ಯತ್ಯಾಸವನ್ನು ಕೆಳಗೆ ನೀಡಲಾಗಿದೆ:

 *ಎಲ್ಲಾ ಬೆಲೆಗಳು ಎಕ್ಸ್ ಶೋರೂಂ ಬೆಲೆಗಳಾಗಿವೆ

 ಹೋಂಡಾ ಎಲಿವೇಟ್‌ನ ಟಾಪ್ ವೇರಿಯಂಟ್‌ಗಳ ಬೆಲೆ ಪ್ರತಿಸ್ಪರ್ಧಿ ಕಾರುಗಳ ಟಾಪ್ ಸ್ಪೆಕ್ ಟ್ರಿಮ್‌ಗಳಿಗಿಂತ ಕಡಿಮೆಯಾಗಿರಬಹುದು ಎಂದು ಅಂದಾಜಿಸಲಾಗಿದೆ. ಎಲಿವೇಟ್ ಒಂದೇ ಪೆಟ್ರೋಲ್ ಪವರ್‌ಟ್ರೇನ್ ಅನ್ನು ಪಡೆಯುತ್ತದೆ, ಆದರೆ ಅದರ ಪ್ರತಿಸ್ಪರ್ಧಿ ಕಾರುಗಳು ಎರಡು ಪವರ್‌ಟ್ರೇನ್ ಆಯ್ಕೆಗಳನ್ನು ಪಡೆಯುತ್ತವೆ. ಮಾರುತಿ-ಟೊಯೋಟಾ ಕಾರುಗಳಲ್ಲಿ ಹೈಬ್ರಿಡ್ ಪವರ್‌ಟ್ರೇನ್ ಆಯ್ಕೆಗಳನ್ನು ಸಹ ನೀಡಲಾಗಿದೆ.

 ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಎಲಿವೇಟ್ ಕಾರು ವೆಂಟಿಲೇಟೆಡ್ ಸೀಟ್‌ಗಳು, ವಿಹಂಗಮ ಸನ್‌ರೂಫ್, 360-ಡಿಗ್ರಿ ಕ್ಯಾಮೆರಾ ಮತ್ತು ಪ್ರೀಮಿಯಂ ಸೌಂಡ್ ಸಿಸ್ಟಮ್ ಸೇರಿದಂತೆ ಹಲವಾರು ಪ್ರೀಮಿಯಂ ಫೀಚರ್‌ಗಳನ್ನು ಹೊಂದಿಲ್ಲ.

 ಹೋಂಡಾ ಎಲಿವೇಟ್ ಕಾರಿನ ಬುಕ್ಕಿಂಗ್‌ಗಳು ತೆರೆದಿದ್ದು ಎಸ್‌ಯುವಿ ಡೀಲರ್‌ಶಿಪ್‌ಗಳನ್ನು ತಲುಪಲಾರಂಭಿಸಿದೆ.