Honda Elevate ಮಿಡ್-ಸ್ಪೆಕ್ V ವೇರಿಯೆಂಟ್ ವಿಶೇಷತೆಗಳ ವಿವರ 6 ಚಿತ್ರಗಳಲ್ಲಿ

ಹೋಂಡಾ ಎಲಿವೇಟ್‌ನ ಮಿಡ್-ಸ್ಪೆಕ್ V ಟ್ರಿಮ್ ಸಹ ಕಾಂಪ್ಯಾಕ್ಟ್ ಎಸ್‌ಯುವಿಯ ಪ್ರವೇಶ ಮಟ್ಟದ ಆಟೋಮ್ಯಾಟಿಕ್ ವೇರಿಯಂಟ್ ಆಗಿದೆ.

ಹೋಂಡಾ ಎಲಿವೇಟ್ ಶೀಘ್ರದಲ್ಲೇ ಕಾಂಪ್ಯಾಕ್ಟ್ ಎಸ್‌ಯುವಿ ವಿಭಾಗಕ್ಕೆ ಪ್ರವೇಶಿಸಲಿದೆ ಮತ್ತು ಈ ಕಾರಿನ ಬುಕಿಂಗ್ ಈಗಾಗಲೇ 5,000 ರೂಪಾಯಿಗಳ ಟೋಕನ್ ಮೊತ್ತದೊಂದಿಗೆ ಪ್ರಾರಂಭವಾಗಿದೆ. ಕಂಪನಿಯು ಈ ಎಸ್‌ಯುವಿ ಕಾರಿನ ಬೆಲೆಯನ್ನು ಸೆಪ್ಟೆಂಬರ್ 4 ರಂದು ಬಹಿರಂಗಪಡಿಸುತ್ತದೆ. ಅದಕ್ಕೂ ಮುಂಚಿತವಾಗಿ, ಈ ಕಾರು ಈಗಾಗಲೇ ಹೋಂಡಾ ಡೀಲರ್‌ಶಿಪ್‌ಗಳಿಗೆ ಆಗಮಿಸಿದೆ.

 ಎಲಿವೇಟ್ ಕಾರು ನಾಲ್ಕು ವೇರಿಯಂಟ್‌ಗಳಲ್ಲಿ ಲಭ್ಯವಿದೆ. ಈ ಲೇಖನದಲ್ಲಿ, ನಾವು ಆರು ಚಿತ್ರಗಳ ಮೂಲಕ ಎಲಿವೇಟ್‌ನ ಒನ್-ಅಬೌವ್-ಬೇಸ್ V ಟ್ರಿಮ್ ಅನ್ನು ವಿವರಿಸಿದ್ದೇವೆ:

ಮುಂಭಾಗದ ವಿನ್ಯಾಸದೊಂದಿಗೆ ಪ್ರಾರಂಭಿಸೋಣ... ಮಿಡ್-ಸ್ಪೆಕ್ V ವೇರಿಯಂಟ್ ಕ್ರೋಮ್ ಬಾರ್‌ನಿಂದ ಸಂಪರ್ಕಗೊಂಡಿರುವ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಒಳಗೊಂಡಿದೆ. ಇದು ಟಾಪ್-ಎಂಡ್ ವೇರಿಯಂಟ್‌ನಲ್ಲಿರುವಂತಹುದೇ ಭವ್ಯವಾದ ಗ್ರಿಲ್ ಅನ್ನು ಹೊಂದಿದ್ದರೂ, ಇದು ಫಾಗ್ ಲ್ಯಾಂಪ್‌ಗಳನ್ನು ಹೊಂದಿಲ್ಲ. ಇವುಗಳನ್ನು ಹೊರತುಪಡಿಸಿ ಈ ಎಸ್‌ಯುವಿಯ ಮುಂಭಾಗದಲ್ಲಿ ಬೇರೆ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

 ಎಲಿವೇಟ್‌ನ ಈ ನಿರ್ದಿಷ್ಟ ವೇರಿಯಂಟ್ ಅಲಾಯ್ ವ್ಹೀಲ್‌ಗಳನ್ನು ಹೊಂದಿಲ್ಲ, ಬದಲಿಗೆ ಪ್ಲಾಸ್ಟಿಕ್ ಕವರ್‌ಗಳೊಂದಿಗೆ 16-ಇಂಚಿನ ಸ್ಟೀಲ್ ವ್ಹೀಲ್‌ಗಳನ್ನು ಹೊಂದಿದೆ. ಅದರಲ್ಲಿ ರೂಫ್ ರೈಲ್‌ಗಳನ್ನು  ಒದಗಿಸಲಾಗಿಲ್ಲ ಎಂಬುದು ಗಮನಕ್ಕೆ ಬರುವ ಎರಡನೆಯ ವಿಷಯವಾಗಿದೆ. ಅದೇನೇ ಇದ್ದರೂ, ಇದು ORVM-ಮೌಂಟೆಡ್ ಟರ್ನ್ ಇಂಡಿಕೇಟರ್‌ಗಳು ಮತ್ತು ಬಾಡಿ ಕಲರ್ ಡೋರ್ ಹ್ಯಾಂಡಲ್‌ಗಳನ್ನು ಹೊಂದಿದೆ. ಎಲಿವೇಟ್‌ನ ಟಾಪ್-ಸ್ಪೆಕ್ ವೇರಿಯಂಟ್ ಕ್ರೋಮ್ ಡೋರ್ ಹ್ಯಾಂಡಲ್ ಮತ್ತು ಡ್ಯುಯಲ್-ಟೋನ್ ಕಲರ್‌ವೇಗಳನ್ನು ಪಡೆಯುತ್ತದೆ.

 ಹಿಂಭಾಗದಲ್ಲಿ, ಎಲಿವೇಟ್ SUV ಯ V ವೇರಿಯಂಟ್ ಎಲ್‌ಇಡಿ ಟೈಲ್‌ಲ್ಯಾಂಪ್‌ಗಳು ಮತ್ತು ಶಾರ್ಕ್ ಆಂಟೆನಾವನ್ನು ಹೊಂದಿದೆ, ಆದರೆ ಇದು ರಿಯರ್ ವೈಪರ್ ಅನ್ನು ಹೊಂದಿಲ್ಲ.

 ಇದನ್ನೂ ಓದಿ: ಹೋಂಡಾ ಎಲಿವೇಟ್ ನಿರೀಕ್ಷಿತ ಬೆಲೆಗಳು: ತನ್ನ ಪ್ರತಿಸ್ಪರ್ಧಿಗಳಿಗಿಂತ ಅಗ್ಗವಾಗಿದೆಯೇ?  

ಎಲಿವೇಟ್ ಟಾಪ್ ಮಾಡೆಲ್ ಬ್ರೌನ್ ಕಲರ್ ಥೀಮ್ ಅನ್ನು ಹೊಂದಿದ್ದರೆ ಹೋಂಡಾ ಎಸ್‌ಯುವಿಯ V ವೇರಿಯಂಟ್ ಬ್ಲ್ಯಾಕ್ ಮತ್ತು ಬೀಜ್ ಥೀಮ್ ಅನ್ನು ಹೊಂದಿದೆ. ಇದು 8-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಂ ಅನ್ನು ಹೊಂದಿದೆ, ಅದರ ಗಾತ್ರವು ಟಾಪ್ ಲೈನ್ ವೇರಿಯಂಟ್‌ಗಳ ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ಗಿಂತ ಚಿಕ್ಕದಾಗಿದೆ. ಆದರೆ, ಈ ವ್ಯವಸ್ಥೆಯು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ ಸಂಪರ್ಕಿತ ಕಾರ್ ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ. ಈ ವೇರಿಯಂಟ್ ಹೆಚ್ಚು ಬೇಸಿಕ್ ಅನಲಾಗ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಹೊಂದಿದ್ದು, ಮಧ್ಯದಲ್ಲಿ ಸಣ್ಣ MID ಡಿಸ್‌ಪ್ಲೇ ಅನ್ನು ಹೊಂದಿದೆ. ಟಾಪ್ ಲೈನ್ ವೇರಿಯಂಟ್‌ಗಳು 7-ಇಂಚಿನ ಸೆಮಿ-ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಅನ್ನು ಹೊಂದಿರುತ್ತದೆ.

ಅಷ್ಟೇ ಅಲ್ಲದೇ, ಇದು ರಿಯರ್ ಎಸಿ ವೆಂಟ್‌ಗಳೊಂದಿಗೆ ಆಟೋಮ್ಯಾಟಿಕ್ ಎಸಿ, ಸ್ಟೀರಿಂಗ್ ಮೌಂಟೆಡ್ ಆಡಿಯೊ ಕಂಟ್ರೋಲ್‌ಗಳು, ಡ್ಯುಯಲ್ ಏರ್‌ಬ್ಯಾಗ್‌ಗಳು ಮತ್ತು ರಿಯರ್‌ವ್ಯೂ ಕ್ಯಾಮೆರಾದಂತಹ ಫೀಚರ್‌ಗಳನ್ನು ಸಹ ಹೊಂದಿದೆ. ಸಿಂಗಲ್-ಪೇನ್ ಸನ್‌ರೂಫ್, ವೈರ್‌ಲೆಸ್ ಚಾರ್ಜರ್ ಮತ್ತು ಅಡ್ವಾನ್ಸ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ (ADAS) ನಂತಹ ಫೀಚರ್‌ಗಳು ಟಾಪ್ ಲೈನ್ ವೇರಿಯಂಟ್‌ಗಳಲ್ಲಿ ಮಾತ್ರ ಲಭ್ಯವಿರುತ್ತವೆ. 

ಪವರ್‌ಟ್ರೇನ್

ಹೋಂಡಾ ಎಲಿವೇಟ್ ಸಿಟಿಯ 1.5-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ, ಇದರ ಪವರ್ ಔಟ್‌ಪುಟ್ 121PS ಮತ್ತು 145Nm ಆಗಿದೆ. ಎಂಜಿನ್ ಜೊತೆಗೆ, ಇದು 6-ಸ್ಪೀಡ್ ಮ್ಯಾನುವಲ್ ಮತ್ತು CVT ಗೇರ್‌ಬಾಕ್ಸ್ ಆಯ್ಕೆಯನ್ನು ಹೊಂದಿರುತ್ತದೆ. ಕಂಪನಿಯ ಪ್ರಕಾರ, ಎಲಿವೇಟ್ ಮ್ಯಾನುವಲ್ ಮೈಲೇಜ್ 15.31kmpl ಮತ್ತು CVT ವೇರಿಯಂಟ್‌ಗಳ ಮೈಲೇಜ್ 16.92kmpl ಆಗಿದೆ.

ನಿರೀಕ್ಷಿತ ಬೆಲೆ

 ಇವುಗಳು ಹೋಂಡಾ ಎಲಿವೇಟ್ ಮಿಡ್-ಸ್ಪೆಕ್ V ವೇರಿಯಂಟ್‌ನ ಆರು ಪ್ರಮುಖ ವಿವರಗಳಾಗಿವೆ. ಇದರ ಎಕ್ಸ್ ಶೋರೂಂ ಬೆಲೆಗಳು ರೂ. 11 ಲಕ್ಷದಿಂದ ಪ್ರಾರಂಭವಾಗುವ ನಿರೀಕ್ಷೆಯಿದೆ ಮತ್ತು ಇದು ಹುಂಡೈ ಕ್ರೆಟಾ ಮತ್ತು ಕಿಯಾ ಸೆಲ್ಟೋಸ್‌  ಕಾರುಗಳೊಂದಿಗೆ ಸ್ಪರ್ಧಿಸಲಿದೆ.