ಈಗ Hyundai Venueನಲ್ಲಿ ಇನ್ನಷ್ಟು ಕಡಿಮೆ ಬೆಲೆಗೆ ಸನ್ರೂಫ್ ಸೌಕರ್ಯ ಲಭ್ಯ
ಹುಂಡೈ ವೆನ್ಯೂ ಗಾಗಿ shreyash ಮೂಲಕ ಸೆಪ್ಟೆಂಬರ್ 06, 2024 07:32 pm ರಂದು ಪ್ರಕಟಿಸಲಾಗಿದೆ
- 45 Views
- ಕಾಮೆಂಟ್‌ ಅನ್ನು ಬರೆಯಿರಿ
ಹ್ಯುಂಡೈ ವೆನ್ಯೂ ಭಾರತದಲ್ಲಿ ಸನ್‌ರೂಫ್‌ನೊಂದಿಗೆ ಬರುವ ಅತ್ಯಂತ ಕೈಗೆಟುಕುವ ಸಬ್‌ಕಾಂಪ್ಯಾಕ್ಟ್ ಎಸ್‌ಯುವಿ ಆಗಿದೆ
ಸನ್ರೂಫ್ ಭಾರತದಲ್ಲಿ ಹೆಚ್ಚು ಬೇಡಿಕೆಯಿರುವ ಫೀಚರ್‌ಗಳಲ್ಲಿ ಒಂದಾಗಿದೆ, ಮಾಸ್‌-ಮಾರ್ಕೆಟ್‌ ಕಾರುಗಳಲ್ಲಿ ಸಹ. ವಾಹನ ತಯಾರಕರು ತಮ್ಮ ಮೊಡೆಲ್‌ಗಳ ಹೆಚ್ಚು ಬಜೆಟ್ ಸ್ನೇಹಿ ಆವೃತ್ತಿಗಳಲ್ಲಿ ಈ ಫೀಚರ್‌ ಅನ್ನು ನೀಡಲು ಪ್ರಾರಂಭಿಸಿದ್ದಾರೆ. ಅಂತಹವುಗಳಿಗೆ ಒಂದು ಉದಾಹರಣೆಯೆಂದರೆ ಹ್ಯುಂಡೈ ವೆನ್ಯೂ, ಇದು ಈಗ ಹೊಸ ಲೋವರ್‌-ಸ್ಪೆಕ್ E+ ಆವೃತ್ತಿಯನ್ನು ಪಡೆಯುತ್ತದೆ, ಇದು ಸಿಂಗಲ್-ಪೇನ್ ಸನ್‌ರೂಫ್‌ನೊಂದಿಗೆ ಬರುತ್ತದೆ.
ಬೆಲೆ
| ಇ |
ಇ+ (ಸನ್‌ರೂಫ್‌ನೊಂದಿಗೆ) |
ವ್ಯತ್ಯಾಸ |
| 7.94 ಲಕ್ಷ ರೂ. |
8.23 ಲಕ್ಷ ರೂ. |
+ 29,000 ರೂ. |
ಇವುಗಳು ಎಕ್ಸ್‌ಶೋರೂಮ್‌ ಬೆಲೆಗಳಾಗಿವೆ
ಹ್ಯುಂಡೈ ವೆನ್ಯೂನ ಹೊಸ ಸನ್ರೂಫ್ ಸುಸಜ್ಜಿತ ಇ+ ಆವೃತ್ತಿಯು, ಅದು ಆಧರಿಸಿದ ಬೇಸ್-ಸ್ಪೆಕ್ ಇ ಆವೃತ್ತಿಗಿಂತ ಕೇವಲ 29,000 ರೂ.ನಷ್ಟು ದುಬಾರಿಯಾಗಿದೆ. 8.23 ಲಕ್ಷ ರೂ. ಬೆಲೆಯಲ್ಲಿ, ವೆನ್ಯೂ ಭಾರತದಲ್ಲಿ ಸನ್‌ರೂಫ್‌ನೊಂದಿಗೆ ನೀಡಲಾಗುವ ಅತ್ಯಂತ ಕೈಗೆಟುಕುವ ಸಬ್‌ಕಾಂಪ್ಯಾಕ್ಟ್ ಎಸ್‌ಯುವಿ ಆಗಿದೆ.
ಇ+ ಆವೃತ್ತಿಯಲ್ಲಿರುವ ಇತರ ಫೀಚರ್‌ಗಳು
ವೆನ್ಯೂನ ಈ ಹೊಸ ಆವೃತ್ತಿಯು ಸೆಮಿ-ಡಿಜಿಟಲ್ ಡ್ರೈವರ್‌ನ ಡಿಸ್‌ಪ್ಲೇ, ಎಲ್ಲಾ ಸೀಟ್‌ಗಳಿಗೆ ಸರಿಹೊಂದಿಸಬಹುದಾದ ಹೆಡ್‌ರೆಸ್ಟ್‌ಗಳು, 60:40 ಸ್ಪ್ಲೀಟ್‌ ಮಾಡಬಹುದಾದ ಹಿಂಬದಿ ಸೀಟುಗಳು, ಮುಂಭಾಗದಲ್ಲಿ ಪವರ್ ವಿಂಡೋಗಳು ಮತ್ತು ಮ್ಯಾನುಯಲ್ ಎಸಿಯಂತಹ ಸೌಕರ್ಯಗಳೊಂದಿಗೆ ಬರುತ್ತದೆ. ಇದು ಟಿಲ್ಟ್-ಹೊಂದಾಣಿಕೆಯ ಸ್ಟೀರಿಂಗ್ ವೀಲ್, ಮುಂಭಾಗದಲ್ಲಿ ಟೈಪ್-ಸಿ ಯುಎಸ್‌ಬಿ ಚಾರ್ಜರ್ ಮತ್ತು ಡೇ/ನೈಟ್‌ IRVM (ಇನ್‌ಸೈಡ್‌ ರಿಯರ್‌ ವ್ಯೂ ಮಿರರ್‌) ಸಹ ಪಡೆಯುತ್ತದೆ. ಈ ಹೊಸ ಇ+ ಆವೃತ್ತಿಯಲ್ಲಿ ಸುರಕ್ಷತಾ ಫೀಚರ್‌ಗಳು 6 ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಇಬಿಡಿ ಜೊತೆಗೆ ಎಬಿಎಸ್‌, ಹಿಲ್ ಸ್ಟಾರ್ಟ್ ಅಸಿಸ್ಟ್, ಎಲ್ಲಾ ಆಸನಗಳಿಗೆ 3-ಪಾಯಿಂಟ್ ಸೀಟ್ ಬೆಲ್ಟ್ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳನ್ನು ಒಳಗೊಂಡಿದೆ.
ಇದನ್ನು ಸಹ ಪರಿಶೀಲಿಸಿ: ಸನ್‌ರೂಫ್‌ನೊಂದಿಗೆ Hyundai Exter ನ್ಯೂ ಎಸ್ ಪ್ಲಸ್ ಮತ್ತು ಎಸ್(ಒ) ಪ್ಲಸ್ ವೇರಿಯಂಟ್‌ ಬಿಡುಗಡೆ
ಪವರ್‌ಟ್ರೈನ್ ವಿವರಗಳು
ಹ್ಯುಂಡೈ ವೆನ್ಯೂನ ಬೇಸ್-ಸ್ಪೆಕ್ ಆವೃತ್ತಿಯು 1.2-ಲೀಟರ್ ನ್ಯಾಚುರಲಿ ಎಸ್ಪಿರೇಟೆಡ್‌ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮಾತ್ರ ಲಭ್ಯವಿದೆ. ಇದರ ವಿಶೇಷಣಗಳು ಈ ಕೆಳಗಿನಂತಿವೆ:
| ಎಂಜಿನ್ |
1.2-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ |
| ಪವರ್ |
83 ಪಿಎಸ್‌ |
| ಟಾರ್ಕ್‌ |
114 ಎನ್‌ಎಮ್‌ |
| ಟ್ರಾನ್ಸ್‌ಮಿಷನ್‌ |
5-ಸ್ಪೀಡ್ ಮ್ಯಾನುಯಲ್ |
ವೆನ್ಯೂ ಇ+ ಆವೃತ್ತಿಯನ್ನು 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ಹೊಂದಬಹುದು. ವೆನ್ಯೂನ ಟಾಪ್‌-ಸ್ಪೆಕ್ ಆವೃತ್ತಿಗಳು 120 ಪಿಎಸ್‌ 1-ಲೀಟರ್ ಟರ್ಬೊ-ಪೆಟ್ರೋಲ್ (6-ಸ್ಪೀಡ್ ಮ್ಯಾನುವಲ್ ಅಥವಾ 7-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌ನೊಂದಿಗೆ) ಮತ್ತು 116 ಪಿಎಸ್‌ 1.5-ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಯನ್ನು ಪಡೆಯುತ್ತವೆ ( 6-ಸ್ಪೀಡ್ ಮ್ಯಾನುಯಲ್ ಟ್ರಾನ್ಸ್‌ಮಿಷನ್‌ ಜೊತೆಗೆ).
ಬೆಲೆ ರೇಂಜ್‌ ಮತ್ತು ಪ್ರತಿಸ್ಪರ್ಧಿಗಳು
ದೆಹಲಿಯಲ್ಲಿ ಹುಂಡೈ ವೆನ್ಯೂನ ಎಕ್ಸ್‌ಶೋರೂಮ್‌ ಬೆಲೆ 7.94 ಲಕ್ಷ ರೂ.ನಿಂದ 13.48 ಲಕ್ಷ ರೂ.ವರೆಗೆ ಇರಲಿದೆ. ಇದು ಟಾಟಾ ನೆಕ್ಸಾನ್, ಮಾರುತಿ ಬ್ರೆಝಾ, ಕಿಯಾ ಸೋನೆಟ್, ಮಹೀಂದ್ರಾ ಎಕ್ಸ್‌ಯುವಿ 3ಎಕ್ಸ್‌ಒ, ನಿಸ್ಸಾನ್ ಮ್ಯಾಗ್ನೈಟ್ ಮತ್ತು ರೆನಾಲ್ಟ್ ಕಿಗರ್ ಮುಂತಾದವುಗಳಿಗೆ ಸ್ಪರ್ಧೆಯನ್ನು ಒಡ್ಡುತ್ತದೆ. ಇದು ಮುಂಬರುವ ಸ್ಕೋಡಾ ಕೈಲಾಕ್‌ಗೆ ಸಹ ಸ್ಪರ್ಧೆಯನ್ನು ನೀಡುತ್ತದೆ.
ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ
ಇನ್ನಷ್ಟು ಓದಿ: ಹುಂಡೈ ವೆನ್ಯೂ ಆನ್‌ ರೋಡ್‌ ಬೆಲೆ
0 out of 0 found this helpful
