ಮತ್ತೊಮ್ಮೆ Jeep Meridian X ಬಿಡುಗಡೆ, ಬೆಲೆಗಳು 34.27 ಲಕ್ಷ ರೂ.ನಿಂದ ಪ್ರಾರಂಭ
ಮೆರಿಡಿಯನ್ ಎಕ್ಸ್ ಡ್ಯುಯಲ್ ಕ್ಯಾಮೆರಾ ಡ್ಯಾಶ್‌ಕ್ಯಾಮ್ ಮತ್ತು ಹಿಂಭಾಗದ ಪ್ರಯಾಣಿಕರಿಗೆ ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ನಂತಹ ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ
- ಜೀಪ್ ಮೆರಿಡಿಯನ್ ಎಕ್ಸ್‌ನ ಎಂಟ್ರಿ-ಲೆವೆಲ್‌ ಲಿಮಿಟೆಡ್ (ಒಪ್ಶನಲ್‌) ಆವೃತ್ತಿಯನ್ನು ಆಧರಿಸಿದೆ.
- ಹೊರಭಾಗದಲ್ಲಿ ಹೈಲೈಟ್ಸ್‌ಗಳು ಸೈಡ್ ಸ್ಟೆಪ್‌ಗಳು ಮತ್ತು ಬಾಡಿ ಲೈಟಿಂಗ್‌ನ ಅಡಿಯಲ್ಲಿ ಬಿಳಿ ಬಣ್ಣವನ್ನು ಒಳಗೊಂಡಿವೆ.
- ಒಳಭಾಗದಲ್ಲಿ, ಇದು ಫುಟ್‌ವೆಲ್ ಇಲ್ಯುಮಿನೇಷನ್, ಎಲ್ಲಾ ನಾಲ್ಕು ವಿಂಡೋಗಳಿಗೆ ಸನ್‌ಶೇಡ್‌ಗಳು ಮತ್ತು ಏರ್ ಪ್ಯೂರಿಫೈಯರ್ ಅನ್ನು ಸಹ ಪಡೆಯುತ್ತದೆ.
- ಬೋರ್ಡ್‌ನಲ್ಲಿರುವ ಫೀಚರ್‌ಗಳು 10.1-ಇಂಚಿನ ಟಚ್‌ಸ್ಕ್ರೀನ್, ಡ್ಯುಯಲ್-ಝೋನ್ ಎಸಿ, ಮತ್ತು ಪನೋರಮಿಕ್ ಸನ್‌ರೂಫ್ ಅನ್ನು ಸಹ ಒಳಗೊಂಡಿದೆ.
- ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಮೂಲಕ ಸುರಕ್ಷತೆಯನ್ನು ನೋಡಿಕೊಳ್ಳಲಾಗುತ್ತದೆ.
- ಅದೇ 2-ಲೀಟರ್ ಡೀಸೆಲ್ ಎಂಜಿನ್ ಅನ್ನು (170ಪಿಎಸ್‌/350 ಎನ್‌ಎಮ್‌) ಬಳಸುತ್ತದೆ.
ಜೀಪ್ ಮೆರಿಡಿಯನ್ 2022 ರಲ್ಲಿ ಜೀಪ್ ಕಂಪಾಸ್‌ನ ಉದ್ದವಾದ ಮತ್ತು 3-ಸಾಲಿನ ಆವೃತ್ತಿಯಾಗಿ ಭಾರತದಲ್ಲಿ ಪಾದಾರ್ಪಣೆ ಮಾಡಿತು. ಅಂದಿನಿಂದ, ಮೆರಿಡಿಯನ್ ಅಪ್‌ಲ್ಯಾಂಡ್ ಮತ್ತು ಎಕ್ಸ್‌ನಂತಹ ಸ್ಪೇಷಲ್‌ ಎಡಿಷನ್‌ಗಳನ್ನು ಒಳಗೊಂಡಂತೆ ಹಲವಾರು ಆಪ್‌ಡೇಟ್‌ಗಳಿಗೆ ಒಳಗಾಗಿದೆ. ಜೀಪ್ ಈಗ ಮೆರಿಡಿಯನ್ ಎಕ್ಸ್ ಅನ್ನು ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಮರುಪರಿಚಯಿಸಿದೆ ಮತ್ತು ಇದರ ಬೆಲೆಯನ್ನು 34.27 ಲಕ್ಷ ರೂ.ಗೆ (ಎಕ್ಸ್ ಶೋರೂಂ, ಪ್ಯಾನ್ ಇಂಡಿಯಾ) ನಿಗದಿಪಡಿಸಿದೆ.
2024ರ ಮೆರಿಡಿಯನ್ X ನಲ್ಲಿ ಹೊಸದೇನಿದೆ ?
ಸೈಡ್ ಸ್ಟೆಪ್ಸ್ ಮತ್ತು ವೈಟ್ ಅಂಡರ್ ಬಾಡಿ ಲೈಟಿಂಗ್ ನಂತಹ ಕೆಲವು ಕಾಸ್ಮೆಟಿಕ್ ಟ್ವೀಕ್ ಗಳನ್ನು ಹೊರತುಪಡಿಸಿ, ಮೆರಿಡಿಯನ್ ಎಕ್ಸ್ ನ ವಿನ್ಯಾಸದಲ್ಲಿ ಜೀಪ್ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ. ಇದು ಗ್ರೇ ರೂಫ್‌, ಗ್ರೇ ಪಾಕೆಟ್ಸ್ ಮತ್ತು ಸೈಡ್ ಮೋಲ್ಡಿಂಗ್‌ಗಳೊಂದಿಗೆ ಅಲಾಯ್‌ ವೀಲ್‌ಗಳನ್ನು ಸಹ ಪಡೆಯುತ್ತದೆ. ಈ ಬದಲಾವಣೆಗಳ ಹೊರತಾಗಿ, ಇದರ ಮೂಲ ವೇರಿಯೆಂಟ್ ಆಗಿರುವ ಲಿಮಿಟೆಡ್ (ಒಪ್ಶನಲ್‌) ನಂತೆ ಕಾಣುತ್ತದೆ.
2024 ರ ಮೆರಿಡಿಯನ್ ಎಕ್ಸ್ ಆವೃತ್ತಿಯು ಹಿಂಭಾಗದ ಎಂಟರ್ಟೈನ್‌ಮೆಂಟ್‌ ಸ್ಕ್ರೀನ್‌, ಫುಟ್‌ವೆಲ್ ಇಲ್ಯುಮಿನೇಷನ್, ಪ್ರೀಮಿಯಂ ಕಾರ್ಪೆಟ್ ಮ್ಯಾಟ್‌ಗಳು, ಎಲ್ಲಾ ನಾಲ್ಕು ವಿಂಡೋಗಳಿಗೆ ಸನ್‌ಶೇಡ್‌ಗಳು ಮತ್ತು ಏರ್ ಪ್ಯೂರಿಫೈಯರ್‌ನಂತಹ ಸೌಲಭ್ಯಗಳನ್ನು ಪಡೆಯುತ್ತದೆ. ವೈಶಿಷ್ಟ್ಯಗಳ ವಿಷಯದಲ್ಲಿ, ಜೀಪ್ ಇದನ್ನು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ 10.1-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 10.2-ಇಂಚಿನ ಡಿಜಿಟಲ್ ಡ್ರೈವರ್‌ಸ್ ಡಿಸ್‌ಪ್ಲೇ, 9-ಸ್ಪೀಕರ್ ಆಲ್ಪೈನ್ ಸೌಂಡ್ ಸಿಸ್ಟಮ್, ಡ್ಯುಯಲ್-ಝೋನ್ ಎಸಿ, 8-ವೇ ಚಾಲಿತ ಮತ್ತು ವೆಂಟಿಲೇಟೆಡ್‌ ಫ್ರಂಟ್‌ ಸೀಟ್‌ಗಳು ಮತ್ತು ಪನೋರಮಿಕ್ ಸನ್‌ರೂಫ್‌ನಂತಹುಗಳೊಂದಿಗೆ ನೀಡುತ್ತದೆ.
ಇದರ ಸುರಕ್ಷತಾ ಕಿಟ್‌ನಲ್ಲಿ ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಹಿಲ್ ಸ್ಟಾರ್ಟ್ ಅಸಿಸ್ಟ್ ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಸೇರಿವೆ. ಮೆರಿಡಿಯನ್ ಎಕ್ಸ್ ಹೆಚ್ಚುವರಿಯಾಗಿ ಡ್ಯುಯಲ್ ಕ್ಯಾಮೆರಾ ಡ್ಯಾಶ್‌ಕ್ಯಾಮ್ ಅನ್ನು ಸಹ ಪಡೆಯುತ್ತದೆ.
ಇದನ್ನೂ ಸಹ ಓದಿ: ಭಾರತದಲ್ಲಿ 1,000 ಎಲೆಕ್ಟ್ರಿಕ್ ವಾಹನ ಮಾರಾಟದ ಮೈಲಿಗಲ್ಲು ತಲುಪಿದ Volvo
ಅದೇ ಡೀಸೆಲ್ ಪವರ್‌ಟ್ರೇನ್‌
ಜೀಪ್ ಮೆರಿಡಿಯನ್ ಜೀಪ್ ಕಂಪಾಸ್‌ನಂತೆಯೇ 2-ಲೀಟರ್ ಡೀಸೆಲ್ ಎಂಜಿನ್ ಅನ್ನು ಬಳಸುತ್ತದೆ. ಇದು 170 ಪಿಎಸ್‌ ಮತ್ತು 350 ಎನ್‌ಎಮ್‌ ಅನ್ನು ಹೊರಹಾಕುತ್ತದೆ ಮತ್ತು 6-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಅಥವಾ 9-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗೆ ಹೊಂದಿಕೆಯಾಗುತ್ತದೆ. ಮೆರಿಡಿಯನ್ 4-ವೀಲ್-ಡ್ರೈವ್ (4WD) ಡ್ರೈವ್‌ಟ್ರೇನ್‌ನ ಆಯ್ಕೆಯೊಂದಿಗೆ ಬರುತ್ತದೆ.
ಬೆಲೆಯ ರೇಂಜ್‌ ಮತ್ತು ಪ್ರತಿಸ್ಪರ್ಧಿಗಳು
ಜೀಪ್ ಮೆರಿಡಿಯನ್‌ನ ಬೆಲೆಯು 33.77 ಲಕ್ಷ ರೂ.ನಿಂದ 39.83 ಲಕ್ಷ ರೂ.ಗಳ (ಎಕ್ಸ್ ಶೋ ರೂಂ ಪ್ಯಾನ್ ಇಂಡಿಯಾ) ನಡುವೆ ಇದೆ. ಇದು ಟೊಯೋಟಾ ಫಾರ್ಚುನರ್, ಎಂಜಿ ಗ್ಲೋಸ್ಟರ್ ಮತ್ತು ಸ್ಕೋಡಾ ಕೊಡಿಯಾಕ್‌ನಂತಹವುಗಳಿಗೆ ಸ್ಪರ್ಧೆಯನ್ನು ಒಡ್ಡುತ್ತದೆ.
ಇನ್ನಷ್ಟು ಓದಿ: ಮೆರಿಡಿಯನ್ ಡೀಸೆಲ್