ತನ್ನ ಹೊಸ ಕಾರಿಗೆ ಇಂಡಿಗೋದ '6e' ಹೆಸರನ್ನು ಬಳಸಿದ್ಯಾ ಮಹೀಂದ್ರಾ ? ಏನಿದು ಹೊಸ ವಿವಾದ ?
ಡಿಸೆಂಬರ್ 04, 2024 12:04 pm ರಂದು shreyash ಮೂಲಕ ಪ್ರಕಟಿಸಲಾಗಿದೆ
- 38 Views
- ಕಾಮೆಂಟ್ ಅನ್ನು ಬರೆಯಿರಿ
ಮಹೀಂದ್ರಾ ಹೇಳುವಂತೆ ಅದರ 'BE 6e' ಬ್ರ್ಯಾಂಡಿಂಗ್ ಸಾಮಾನ್ಯವಾಗಿ ಇಂಡಿಗೋದ '6E' ಗಿಂತ ಭಿನ್ನವಾಗಿದೆ, ಯಾವುದೇ ಸಂಭಾವ್ಯ ಗೊಂದಲದ ಅಪಾಯವನ್ನು ನಿವಾರಿಸುವುದಕ್ಕಾಗಿ ಕಾರು ತಯಾರಕರು ಮೊದಲೇ ಇದರ ಟ್ರೇಡ್‌ಮಾರ್ಕ್ ಅನ್ನು ಪಡೆದುಕೊಂಡಿದ್ದರು
ಭಾರತದ ಜನಪ್ರೀಯ ಕಾರು ತಯಾರಕ ಕಂಪೆನಿಯಾದ ಮಹೀಂದ್ರಾ ತನ್ನ 'ಬಿಇ' ಮತ್ತು 'ಎಕ್ಸ್‌ಇವಿ' ಸಬ್‌-ಬ್ರಾಂಡ್‌ಗಳ ಅಡಿಯಲ್ಲಿ ಎರಡು ಹೊಸ ಎಲೆಕ್ಟ್ರಿಕ್ ಕಾರುಗಳನ್ನು ಪರಿಚಯಿಸಿ ಕೇವಲ ಒಂದು ವಾರವಾಗಿದೆ. ಆದರೆ ಇದೀಗ ಮಹೀಂದ್ರಾವು ಇಂಡಿಗೋದ ಮೂಲ ಕಂಪನಿಯಾದ ಇಂಟರ್‌ಗ್ಲೋಬ್ ಏವಿಯೇಷನ್ ಲಿಮಿಟೆಡ್‌ನೊಂದಿಗೆ ಕಾನೂನು ತೊಂದರೆಯಲ್ಲಿ ಸಿಲುಕಿದ್ದಾರೆ. IndiGoವು ಮಹೀಂದ್ರಾ BE 6eನ '6E' ಬ್ರ್ಯಾಂಡಿಂಗ್‌ನ ಮೇಲೆ ಮಹೀಂದ್ರಾ ವಿರುದ್ಧ ಟ್ರೇಡ್‌ಮಾರ್ಕ್ ಉಲ್ಲಂಘನೆ ದೂರು ಅನ್ನು ಸಲ್ಲಿಸಿದೆ. ಇಂಡಿಗೋ ಫ್ಲೈಟ್‌ಗಳಿಗೆ '6E' ಏರ್ಲೈನ್ ಕೋಡ್ ಆಗಿರುವುದರಿಂದ, ಇದು ಎರಡು ಬ್ರ್ಯಾಂಡ್‌ಗಳ ನಡುವೆ ಗೊಂದಲವನ್ನು ಉಂಟುಮಾಡಬಹುದು.
ಮಹೀಂದ್ರಾದ ಪ್ರತಿಕ್ರಿಯೆ
ಚಾಲ್ತಿಯಲ್ಲಿರುವ ಕಾನೂನು ವಿವಾದಕ್ಕೆ ಪ್ರತಿಕ್ರಿಯೆಯಾಗಿ, ಮಹೀಂದ್ರಾ ಯಾವುದೇ ಸಂಘರ್ಷವನ್ನು ಪ್ರೋತ್ಸಾಹಿಸುವುದಿಲ್ಲ ಎಂದು ಪ್ರತಿಪಾದಿಸುವ ಅಧಿಕೃತ ಹೇಳಿಕೆಯನ್ನು ನೀಡಿದೆ. ಕಂಪನಿಯು ತನ್ನ ಗುರುತು 'BE 6e' ಎಂದು ಹೇಳಿದ್ದು, ಮತ್ತು ಇದು ಕೇವಲ '6E' ಅಲ್ಲ, ಇದು ಇಂಡಿಗೋದ '6E', ಏರ್ಲೈನ್ ಕೋಡ್‌ನಿಂದ ಭಿನ್ನವಾಗಿದೆ.
ಮೊಕದ್ದಮೆಯ ಕುರಿತು ಪ್ರತಿಕ್ರಿಯಿಸಿದ ಮಹೀಂದ್ರಾ "ಮಹೀಂದ್ರಾ ತನ್ನ ಎಲೆಕ್ಟ್ರಿಕ್ ಎಸ್‌ಯುವಿಗಳಾದ BE 6e ಮತ್ತು XEV 9e ಅನ್ನು 2024ರ ನವೆಂಬರ್ 26ರಂದು ಬಹಿರಂಗಪಡಿಸಿತು. ಮಹೀಂದ್ರಾ ತನ್ನ ಎಲೆಕ್ಟ್ರಿಕ್ ಎಸ್‌ಯುವಿ ಕಾರುಗಳ ಪಟ್ಟಿಯ ಭಾಗವಾದ "BE 6e" ಗಾಗಿ ಕ್ಲಾಸ್‌ 12 (ವಾಹನಗಳು) ಅಡಿಯಲ್ಲಿ ಟ್ರೇಡ್ ಮಾರ್ಕ್ ನೋಂದಣಿಗಾಗಿ ಅರ್ಜಿ ಸಲ್ಲಿಸಿದೆ.
ಮಹೀಂದ್ರಾದ ಗುರುತು "BE 6e" ಆಗಿರುವುದರಿಂದ ನಾವು ನಾವು ಯಾವುದೇ ವಿರೋಧವನ್ನು ಕಾಣುವುದಿಲ್ಲ. ಹಾಗೆಯೇ ನಮ್ಮದು ಕೇವಲ "6E" ಅಲ್ಲ. ಇದು ಬೇಸಿಕ್‌ ಆಗಿ ಇಂಡಿಗೋದ "6E" ನಿಂದ ಭಿನ್ನವಾಗಿದೆ, ಅದು ಏರ್ಲೈನ್ ಅನ್ನು ಪ್ರತಿನಿಧಿಸುತ್ತದೆ, ಯಾವುದೇ ಗೊಂದಲದ ಸಮಸ್ಯೆಯನ್ನು ತೆಗೆದುಹಾಕುತ್ತದೆ. ವಿಭಿನ್ನ ಶೈಲಿಯು ಅವರ ವಿಶಿಷ್ಟತೆಯನ್ನು ಮತ್ತಷ್ಟು ಒತ್ತಿಹೇಳುತ್ತದೆ.
ಇಂಟರ್ ಗ್ಲೋಬ್ ಏವಿಯೇಷನ್ ಲಿಮಿಟೆಡ್ ಅವರ ಜನಪ್ರೀಯತೆಯನ್ನು ಕಸಿದುಕೊಳ್ಳಬೇಕು ಎನ್ನುವ ಉದ್ದೇಶವು ನಮಗಿಲ್ಲ. ಸೌಹಾರ್ದಯುತ ಪರಿಹಾರವನ್ನು ಕಂಡುಕೊಳ್ಳಲು ನಾವು ಅವರೊಂದಿಗೆ ಚರ್ಚೆಯಲ್ಲಿ ತೊಡಗಿಕೊಂಡಿದ್ದೇವೆ.
ಇದನ್ನೂ ಸಹ ಓದಿ: ಮಹೀಂದ್ರಾ XEV 7e (XUV700 EV) ಪ್ರೊಡಕ್ಷನ್-ಸ್ಪೆಕ್ ಚಿತ್ರಗಳು ಲೀಕ್‌, XEV 9e ನಿಂದ ಪ್ರೇರಿತ ಕ್ಯಾಬಿನ್
ಮಹೀಂದ್ರಾ BE 6e ಎಂದರೇನು?
ಮಹೀಂದ್ರಾ BE 6e 5-ಸೀಟರ್‌ಗಳ ಆಲ್-ಎಲೆಕ್ಟ್ರಿಕ್ ಎಸ್‌ಯುವಿ ಆಗಿದ್ದು, ಇದನ್ನು ಹೊಸದಾಗಿ ನಿರ್ಮಿಸಲಾಗಿದೆ ಮತ್ತು ಇದು ವಾಹನ ತಯಾರಕರ ಹೊಸ ಇವಿ-ನಿರ್ದಿಷ್ಟ INGLO ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ಅದರ ಫ್ಯೂಚರಿಸ್ಟಿಕ್ ವಿನ್ಯಾಸ ಮತ್ತು ಸಮಗ್ರ ಫೀಚರ್‌ಗಳ ಪಟ್ಟಿಯಿಂದಾಗಿ, BE 6e ಮಾರುಕಟ್ಟೆಯಲ್ಲಿ ಇತರ ಎಲೆಕ್ಟ್ರಿಕ್ ಎಸ್‌ಯುವಿಗಳ ಗುಂಪಿನಿಂದ ಎದ್ದು ಕಾಣುತ್ತದೆ.
ಮಹೀಂದ್ರಾ BE 6e ಅನ್ನು ಡ್ಯುಯಲ್ ಡಿಜಿಟಲ್ ಸ್ಕ್ರೀನ್‌ಗಳು (ಒಂದು ಟಚ್‌ಸ್ಕ್ರೀನ್‌ಗೆ ಮತ್ತು ಇನ್ನೊಂದು ಡ್ರೈವರ್ ಡಿಸ್‌ಪ್ಲೇಗಾಗಿ), ಬಹು-ಝೋನ್‌ ಎಸಿ, ಡ್ಯುಯಲ್ ವೈರ್‌ಲೆಸ್ ಫೋನ್ ಚಾರ್ಜರ್‌ಗಳು ಮತ್ತು 1,400 W 16-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್‌ನಂತಹ ಸೌಕರ್ಯಗಳೊಂದಿಗೆ ಸಜ್ಜುಗೊಳಿಸಿದೆ. ಇದು ಸ್ಥಿರವಾದ ಗ್ಲಾಸ್‌ ರೂಫ್‌ ಮತ್ತು ವರ್ಧಿತ ರಿಯಾಲಿಟಿ-ಆಧಾರಿತ ಹೆಡ್ಸ್-ಅಪ್ ಡಿಸ್‌ಪ್ಲೇಯನ್ನು ಸಹ ಪಡೆಯುತ್ತದೆ.
ಸುರಕ್ಷತೆಯನ್ನು 7 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್‌ನಂತೆ), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP) ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಮೂಲಕ ನೋಡಿಕೊಳ್ಳಲಾಗುತ್ತದೆ. ಇದು ಲೇನ್-ಕೀಪ್ ಅಸಿಸ್ಟ್, ಫಾರ್ವರ್ಡ್-ಘರ್ಷಣೆ ಎಚ್ಚರಿಕೆ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್‌ನಂತಹ ಮಟ್ಟದ 2 ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಟೆಕ್ ಅನ್ನು ಸಹ ಪಡೆಯುತ್ತದೆ.
BE 6e ಅನ್ನು ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ನೀಡಲಾಗುತ್ತಿದೆ ಮತ್ತು ಅವುಗಳ ವಿಶೇಷಣಗಳು ಈ ಕೆಳಗಿನಂತಿವೆ:
| ಬ್ಯಾಟರಿ ಪ್ಯಾಕ್ |
59 ಕಿ.ವ್ಯಾಟ್‌ |
79 ಕಿ.ವ್ಯಾಟ್‌ |
| ಕ್ಲೈಮ್‌ ಮಾಡಲಾದ ರೇಂಜ್‌ (MIDC ಪಾರ್ಟ್‌ I+ಪಾರ್ಟ್‌ II) |
535 ಕಿ.ಮೀ |
682 ಕಿ.ಮೀ. |
| ಪವರ್‌ |
231 ಪಿಎಸ್‌ |
286 ಪಿಎಸ್‌ |
| ಟಾರ್ಕ್‌ |
380 ಎನ್‌ಎಮ್‌ |
380 ಎನ್‌ಎಮ್‌ |
| ಡ್ರೈವ್ ಟೈಪ್‌ |
RWD |
RWD |
MIDC - ಮೊಡಿಫೈಡ್‌ ಇಂಡಿಯನ್ ಡ್ರೈವ್ ಸೈಕಲ್
RWD - ರಿಯರ್‌-ವೀಲ್‌-ಡ್ರೈವ್
ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ಮಹೀಂದ್ರಾ BE 6e ನ ಎಂಟ್ರಿ-ಲೆವೆಲ್‌ ಒನ್ ವೇರಿಯೆಂಟ್‌ನ ಬೆಲೆ 18.90 ಲಕ್ಷ ರೂ.ನಿಂದ(ಭಾರತದಾದ್ಯಂತ ಪರಿಚಯಾತ್ಮಕ ಎಕ್ಸ್-ಶೋ ರೂಂ ಬೆಲೆಗಳು) ಪ್ರಾರಂಭವಾಗಲಿದೆ. BE 6eಯು ಟಾಟಾ ಕರ್ವ್‌ ಇವಿ, ಎಮ್‌ಜಿ ಜೆಡ್‌ಎಸ್‌ ಇವಿ, ಮತ್ತು ಮುಂಬರುವ ಮಾರುತಿ eVX ಮತ್ತು ಹುಂಡೈ ಕ್ರೆಟಾ ಇವಿಗೆ ಪ್ರತಿಸ್ಪರ್ಧಿಯಾಗಿದೆ.
ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ
ಇನ್ನಷ್ಟು ಓದಿ : ಮಹೀಂದ್ರಾ BE 6e ಆಟೋಮ್ಯಾಟಿಕ್
0 out of 0 found this helpful
