Mahindra XUV400: ಈ ಎಲೆಕ್ಟ್ರಿಕ್ ಎಸ್‌ಯುವಿಗೆ 5 ಹೊಸ ಸುರಕ್ಷಾ ಫೀಚರ್‌ಗಳ ಸೇರ್ಪಡೆ

ಈ ಫೀಚರ್‌ಗಳು ಟಾಪ್-ಸ್ಪೆಕ್ ELಗೆ ಸೀಮಿತವಾಗಿದ್ದು ಇದರ ಬೆಲೆ ರೂ 19.19 ಲಕ್ಷದಿಂದ (ಎಕ್ಸ್-ಶೋರೂಂ) ಪ್ರಾರಂಭವಾಗುತ್ತದೆ.

XUV300 SUVಯ ಇಲೆಕ್ಟ್ರಿಕ್ ಆವೃತ್ತಿಯಾದ ಮಹೀಂದ್ರಾ XUV400 EV, ಈಗ ಹೊಸ ಸುರಕ್ಷತಾ ಫೀಚರ್‌ಗಳೊಂದಿಗೆ ಬಂದಿದೆ. ಈ ಕಾರುತಯಾರಕರು ಇಲೆಕ್ಟ್ರಿಕ್ SUVಯ ಟಾಪ್-ಸ್ಪೆಕ್ EL ವೇರಿಯೆಂಟ್‌ಗೆ ಐದು ಹೊಸ ಸುರಕ್ಷತಾ ಫೀಚರ್‌ಗಳನ್ನು ಸೇರಿಸಿದ್ದು, ಇದು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್(TPMS), ಇಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ಹಿಲ್ ಹೋಲ್ಡ್ ಅಸಿಸ್ಟ್, ಆಟೋ-ಡಿಮ್ಮಿಂಗ್ IRVM ಮತ್ತು ಮುಂಭಾಗದ ಫಾಗ್‌ ಲ್ಯಾಂಪ್‌ಗಳನ್ನು ಒಳಗೊಂಡಿದೆ.

ಬೆಲೆಗಳು

ಕೇವಲ ಟಾಪ್-ಸ್ಪೆಕ್ EL ಟ್ರಿಮ್ ಮಾತ್ರ ಈ ಹೆಚ್ಚುವರಿ ಫೀಚರ್‌ಗಳನ್ನು ಹೊಂದಿದ್ದು, ರೂ 20,000ದಷ್ಟು ದುಬಾರಿಯಾಗುತ್ತದೆ. ಆರಂಭಿಕ-ಸ್ಪೆಕ್ EC ಬೆಲೆಗಳಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ.

ಹೆಚ್ಚುವರಿ ಫೀಚರ್‌ಗಳು

ಹೊಸ ಸುರಕ್ಷತಾ ಫೀಚರ್‌ಗಳಿಗೆ ಹೊರತಾಗಿ, ಈ XUV400 EV ಈಗ ಎರಡು ಟ್ವೀಟರ್‌ಗಳು, ಕ್ರೂಸ್ ಕಂಟ್ರೋಲ್ ಮತ್ತು ಅನುಕೂಲಕ್ಕಾಗಿ ಬೂಟ್ ಲ್ಯಾಂಪ್‌ನೊಂದಿಗೆ ಸುಸಜ್ಜಿತವಾಗಿದೆ.

 ಇದನ್ನೂ ಓದಿ:   ಆಗಸ್ಟ್ 15 ರ ಇವೆಂಟ್‌ನಲ್ಲಿ ವೇದಿಕೆಗೆ ಬರಲಿದೆ ಇಲೆಕ್ಟ್ರಿಕ್ ಮಹೀಂದ್ರಾ ಥಾರ್ ಪರಿಕಲ್ಪನೆ 

 ಈ ಇಲೆಕ್ಟ್ರಿಕ್ SUV ಈಗಾಗಲೇ 7-ಇಂಚು ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಮ್, ಎತ್ತರ-ಹೊಂದಿಸಬಲ್ಲ ಡ್ರೈವರ್ ಸೀಟು, ಇಲೆಕ್ಟ್ರಿಕ್ ಸನ್‌ರೂಫ್, ಆರರ ತನಕದ ಏರ್‌ಬ್ಯಾಗ್‌ಗಳು, ರೈನ್ ಸೆನ್ಸಿಂಗ್ ವೈಪರ್‌ಗಳು ಮತ್ತು ರಿಯರ್ ವ್ಯೂ ಕ್ಯಾಮರಾವನ್ನು ಈಗಾಗಲೇ ಪಡೆದಿದೆ.

ಅದೇ ಪವರ್‌ಟ್ರೇನ್

ಇಲ್ಲಿ ಯಾವುದೇ ಬದಲಾವಣೆ ಇಲ್ಲ. ಇದು 34.5kWh ಮತ್ತು 39.4kWh ಸಾಮರ್ಥ್ಯದ ಎರಡು ಬ್ಯಾಟರಿ ಆಯ್ಕೆಗಳೊಂದಿಗೆ ಬರುತ್ತದೆ. ಎರಡೂ ಬ್ಯಾಟರಿ ಪ್ಯಾಕ್‌ಗಳನ್ನು 150PS ಮತ್ತು 310Nm ಉತ್ಪಾದಿಸುವ ಇಲೆಕ್ಟ್ರಿಕ್ ಮೋಟರ್‌ನೊಂದಿಗೆ ಜೋಡಿಸಲಾಗಿದೆ ಮತ್ತು ಅನುಕ್ರಮವಾಗಿ 375km ಮತ್ತು 456km ಡ್ರೈವಿಂಗ್ ರೇಂಜ್ ಅನ್ನು ಕ್ಲೈಮ್ ಮಾಡುತ್ತದೆ.

ಪ್ರತಿಸ್ಪರ್ಧಿಗಳು

 ಈ XUV400 EV ಬೆಲೆಯನ್ನು ಈಗ ರೂ 15.99 ಲಕ್ಷ ಮತ್ತು ರೂ 19.39 ಲಕ್ಷದ (ಎಕ್ಸ್-ಶೋರೂಂ) ತನಕ ನಿಗದಿಪಡಿಸಲಾಗಿದ್ದು ಇದು ಹ್ಯುಂಡೈ ಕೋನಾ ಇಲೆಕ್ಟ್ರಿಕ್ ಮತ್ತು MG ZS EV ಗೆ ಹೋಲಿಸಿದರೆ ಕೈಗೆಟುಕುವ ಪರ್ಯಾಯವಾಗಿದೆ.

 ಇನ್ನಷ್ಟು ಓದಿ : ಮಹೀಂದ್ರಾ XUV400 EV ಆಟೋಮ್ಯಾಟಿಕ್