ಟೊಯೋಟಾ ಇನ್ನೋವಾ ಹೈಕ್ರಾಸ್

ಮಾತುಕತೆಯ ಸಂದರ್ಭದಲ್ಲಿ ನೀವು ಟೊಯೋಟಾ ಬ್ರಾಂಡ್ ಹೆಸರನ್ನು ಹೇಳಿ ನೋಡಿ, ಆಗ ಕೇಳುತ್ತಿರುವವರು ಸಹಜವಾಗಿ   ವಿಶ್ವಾಸಾರ್ಹತೆ, ದೀರ್ಘ ಬಾಳಿಕೆ ಮತ್ತು ಅತ್ಯುತ್ತಮ ಸೇವೆಯಂತಹ ಶಬ್ದಗಳನ್ನು  ನೆನಪು ಮಾಡಿಕೊಳ್ಳುತ್ತಾರೆ ಕ್ವಾಲಿಸ್, ಫಾರ್ಚೂನರ್ ಮತ್ತು ಇನ್ನೋವಾಗಳಂತಹ ಬ್ಯಾಡ್ಜ್‌ಗಳು ನಮ್ಮಲ್ಲಿ ಹೆಚ್ಚಿನವರು ಟೊಯೋಟಾ ಬ್ರಾಂಡ್ ನತ್ತ ಆಕರ್ಷಿತರನ್ನಾಗಿ ಮಾಡಲು ಸಹಕರಿಸಿದೆ‌. ಟೊಯೋಟಾ ಇನ್ನೋವಾ ಹೈಕ್ರಾಸ್ ತುಂಬಾ ಅತ್ಯುತ್ತಮವಾಗಿದ್ದು, ನಾವು ನಮ್ಮ ಮೊದಲ ಡ್ರೈವ್‌ನಲ್ಲಿ ಹೈಕ್ರಾಸ್‌ನೊಂದಿಗೆ ಕೆಲವೇ ಗಂಟೆಗಳನ್ನು ಕಳೆದಿದ್ದರೂ ಕೂಡಾ ಇನ್ನೋವಾ ಹೈಕ್ರಾಸ್ ಖಂಡಿತವಾಗಿಯೂ ತನ್ನ ಟಾಸ್ಕ್ ನಷ್ಟು ಇದೆ ಎಂದು ಸಾಬೀತುಪಡಿಸಲು ಅಷ್ಟು ಸಾಕು.

ಸರಳವಾಗಿ ಹೇಳುವುದಾದರೆ, ಹೈಕ್ರಾಸ್ ಸಾಕಷ್ಟು ರೋಡ್ ಪ್ರೆಸೆನ್ಸ್ ನ್ನು ಹೊಂದಿದೆ. ಟೊಯೊಟಾ ತನ್ನ ಹಿಂದಿನದಕ್ಕಿಂತ ಸಂಪೂರ್ಣವಾಗಿ ವಿಭಿನ್ನವಾದ ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದ ಹೈಕ್ರಾಸ್ ಅನ್ನು ತನ್ನ  ಹೆಸರಿನಲ್ಲಿ ಇರುವ ಇನ್ನೋವಾದಂತೆ ಕಾಣುವಂತೆ ಮಾಡಲು ಪ್ರಯತ್ನಗಳನ್ನು ಮಾಡಿದೆ. ಆದರೆ, ಅದೇ ಸಮಯದಲ್ಲಿ ಕ್ರಿಸ್ಟಾದಿಂದ ಇದು ಭಿನ್ನವಾಗಿ ಕಾಣಲು ವಿನ್ಯಾಸದಲ್ಲಿ ಸಾಕಷ್ಟು ಬದಲಾವಣೆ ಮಾಡಲಾಗಿದೆ. ಆದ್ದರಿಂದ, ಸೈಡ್ ಪ್ಯಾನೆಲ್‌ಗಳ ಸಾರವು ಇನ್ನೋವಾವನ್ನು ಹೋಲುತ್ತವೆ, ರೂಫ್ ಲೈನ್, ಬಾನೆಟ್, ವೀಲ್ ಆರ್ಚ್ ಫ್ಲೇರ್‌ಗಳು ಮತ್ತು ಸಿ-ಪಿಲ್ಲರ್ ಪ್ರದೇಶವು ಹೈಕ್ರಾಸ್‌ಗೆ ಹೆಚ್ಚು ಭವ್ಯವಾದ ನಿಲುವು ನೀಡುವುದಕ್ಕಾಗಿಯೆ ಉಬ್ಬಿದಂತಿದೆ. 

ಮತ್ತು ಇದು ಕೆಲಸ ಮಾಡಿದೆ. ಹೈಕ್ರಾಸ್ ಮಾಸ್‌ ಆಗಿರುವ ರೋಡ್‌ ಪ್ರೆಸೆನ್ಸ್‌ನ್ನು ಹೊಂದಿದೆ. ಬೃಹತ್ ಗ್ರಿಲ್, ಹೆಡ್‌ಲ್ಯಾಂಪ್‌ಗಳು ಮತ್ತು ಡಿಆರ್‌ಎಲ್‌ಗಳು ಅದರ ಉಪಸ್ಥಿತಿಯನ್ನು ತನ್ನ ಸ್ಟೈಲ್‌ನಲ್ಲಿ ಪ್ರಕಟಿಸುತ್ತವೆ. ಈ ದೊಡ್ಡ ಗಾತ್ರದ ಹೈಕ್ರಾಸ್‌ನ ಏಕೈಕ ಸಮಸ್ಯೆ ಎಂದರೆ ಇದರಲ್ಲಿ ಬಳಸುವ 18-ಇಂಚಿನ ಅಲಾಯ್‌ಗಳು ಇದಕ್ಕೆ ಚಿಕ್ಕದಾಗಿ ಕಾಣುತ್ತದೆ. 225/50 ಟೈರ್‌ಗಳಿಗೆ ಹೋಲಿಸಿದರೆ ದೊಡ್ಡ ಪ್ರೊಫೈಲ್‌ಗಳು ದೊಡ್ಡ ಚಕ್ರಗಳಂತೆ ಇನ್ನೂ ಉತ್ತಮವಾಗಿ ಕಾಣುತ್ತವೆ. ಹಿಂಭಾಗದ ವಿನ್ಯಾಸವು ಟೈಲ್‌ಗೇಟ್‌ನ ಅಗಲದಲ್ಲಿ ದೊಡ್ಡದಾದ ಕ್ರೋಮ್‌ನ ಬಳಕೆ, ಸುತ್ತಲು-ಸುತ್ತಿದ ದೊಡ್ಡ  ಟೈಲ್ ಲ್ಯಾಂಪ್‌ಗಳು ಮತ್ತು ಇಂಟಿಗ್ರೇಟೆಡ್ ಸ್ಪಾಯ್ಲರ್‌ನೊಂದಿಗೆ ಹೆಚ್ಚು ಶಾಂತವಾಗಿದೆ. 

ಗಾತ್ರದ ಕುರಿತು ಹೇಳುವುದಾದರೆ, ಇನ್ನೋವಾ ಹೈಕ್ರಾಸ್, ಇನ್ನೋವಾ ಕ್ರಿಸ್ಟಾಗಿಂತ ಉದ್ದ ಮತ್ತು ಅಗಲವಾಗಿದೆ ಮತ್ತು ಉದ್ದವಾದ ವೀಲ್‌ಬೇಸ್‌ನಲ್ಲಿ ಕುಳಿತುಕೊಳ್ಳುತ್ತದೆ. ಮೊನೊಕಾಕ್ ಚಾಸಿಸ್ ಮತ್ತು ಫ್ರಂಟ್-ವೀಲ್ ಡ್ರೈವ್ ಲೇಔಟ್ ವಾಸ್ತವವಾಗಿ ಇನ್ನೋವಾ ಕ್ರಿಸ್ಟಾಗಿಂತ ಲೈಟ್‌ ಆಗಿದೆ. ಹೊರಗಿನ ವೈಶಿಷ್ಟ್ಯಗಳೆಂದರೆ ಆಟೋಮ್ಯಾಟಿಕ್ ಹೆಡ್‌ಲ್ಯಾಂಪ್‌ಗಳು, ಟೈಲ್‌ಲ್ಯಾಂಪ್‌ಗಳು ಮತ್ತು ಡಿಆರ್‌ಎಲ್‌ಗಳೊಂದಿಗೆ ಎಲ್ಲಾ-ಎಲ್‌ಇಡಿ ಲೈಟಿಂಗ್ ಅನ್ನು ಒಳಗೊಂಡಿವೆ, ಅವು ಟರ್ನ್‌ ಇಂಡಿಕೇಟರ್‌ಗಳಾಗಿವೆ.

ವಿನ್ಯಾಸ ಮತ್ತು ಆಫರ್‌ನಲ್ಲಿರುವ ಸಾಕಷ್ಟು ಸ್ಥಳವು ಹೈಕ್ರಾಸ್‌ನ ಮುಖ್ಯಾಂಶಗಳಲ್ಲಿ ಒಂದಾಗಿದೆ. ಟೊಯೋಟಾದ ಈ ಹಿಂದಿನ ಕಾರುಗಳಿಗೆ ಹೋಲಿಸಿದರೆ ಇದರ ಡ್ಯಾಶ್ ವಿನ್ಯಾಸವು ಸ್ವಚ್ಛವಾಗಿದೆ ಮತ್ತು ಹೆಚ್ಚು ಆಧುನಿಕವಾಗಿದೆ. ದೊಡ್ಡ 10-ಇಂಚಿನ ಟಚ್‌ಸ್ಕ್ರೀನ್‌ನ್ನು ಡ್ಯಾಶ್‌ನ ಸೆಂಟರ್‌ನಲ್ಲಿ ಫಿಟ್‌ ಮಾಡಲಾಗಿದೆ ಹೊಂದಿದೆ ಮತ್ತು ಇದರ ಇಂಟರ್ಫೇಸ್ ಸ್ವಚ್ಛವಾಗಿದೆ ಮತ್ತು ಬಳಸಲು ಇದು ಚುರುಕಾಗಿದೆ. ಇದು ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಸಹ ಹೊಂದಿದ್ದು, ಎರಡೂ ವೈರ್‌ಲೆಸ್ ಆಗಿದೆ. ಚಾಲಕನ ಮುಂದೆ 7-ಇಂಚಿನ ಅನಲಾಗ್ ಮತ್ತು ಡಿಜಿಟಲ್ ಕಲರ್‌ನ MID (ಮಲ್ಟಿ ಇನ್‌ಫಾರ್ಮೆಶನ್‌ ಡಿಸ್‌ಪ್ಲೇ) ಇರುತ್ತದೆ. ಇದು ಸಾಕಷ್ಟು ಮಾಹಿತಿಯನ್ನು ಹೊಂದಿರುವ ಅಚ್ಚುಕಟ್ಟಾದ ಲೇಔಟ್ ಆಗಿದೆ.

ಮುಂಭಾಗದ ಸಾಲಿನಲ್ಲಿನ ಹೆಚ್ಚಿನ ಟಚ್‌ಪಾಯಿಂಟ್‌ಗಳು ಸಾಫ್ಟ್‌-ಟಚ್ ಲೆಥೆರೆಟ್ ಮೆಟಿರಿಯಲ್‌ಗಳಿಂದ ಅಲಂಕರಿಸಲ್ಪಟ್ಟಿವೆ, ಇದು ಡ್ಯಾಶ್‌ಬೋರ್ಡ್‌ನ ಮಧ್ಯಭಾಗವನ್ನುಹೆಚ್ಚಾಗಿ ಬಳಸಿಕೊಂಡಿದೆ. ಮತ್ತು ಕ್ಯಾಬಿನ್‌ನಲ್ಲಿನ ಒಟ್ಟಾರೆ ಅನುಭವವು ಪ್ರೀಮಿಯಂ ಮತ್ತು ಆರಾಮದಾಯಕವಾಗಿದೆ. ಸೀಟ್‌ಗಳು ಸಹ ಸಹಾಯ ಮಾಡುತ್ತವೆ. ಅವು ಆರಾಮದಾಯಕ ಹಾಗು ಬೆಂಬಲ ನೀಡುತ್ತದೆ ಮತ್ತು ಡ್ರೈವರ್ ಸೀಟ್ ಎಂಟು-ವೇ ಪವರ್‌ಡ್‌ ಆಗಿದೆ. ಸಹ-ಚಾಲಕನ ಸೀಟ್‌ ಪವರ್‌ಡ್‌ ಆಗಿಲ್ಲದಿರುವುದು ಸ್ವಲ್ಪ ಬೇಸರದ ಸಂಗತಿಯಾಗಿದೆ, ಆದರೆ ನಾವು ಅದನ್ನು ಎಲ್ಲಾ ಸಮಯದಲ್ಲೂ ಗಾಳಿ-ಕೂಲಿಂಗ್‌ಗಾಗಿ ಬಳಕೆ ಮಾಡುತ್ತೇವೆ, ಇದನ್ನು ನಿಖರವಾಗಿ ಟೊಯೋಟಾ ಮಾಡಿದೆ.

ವೈಶಿಷ್ಟ್ಯಗಳ ಪಟ್ಟಿಯೂ ಸಹ ಉದ್ದವಾಗಿದೆ. ಮತ್ತು ಇದು ನೀವು ಖರೀದಿಸಬಹುದಾದ ಅತ್ಯಂತ ವೈಶಿಷ್ಟ್ಯ-ಲೋಡ್ ಮಾಡಲಾದ ಟೊಯೋಟಾ ಆಗಿದೆ, ಇದು ಫಾರ್ಚುನರ್‌ಗಿಂತಲೂ ಹೆಚ್ಚು ಲೋಡ್ ಆಗಿದೆ. ಪನೋರಮಿಕ್ ಸನ್‌ರೂಫ್, ಡ್ಯುಯಲ್ ಝೋನ್ ಕ್ಲೈಮೇಟ್ ಕಂಟ್ರೋಲ್, ಒಂಬತ್ತು-ಸ್ಪೀಕರ್‌ನ JBL ಸೌಂಡ್ ಸೆಟಪ್, ಸನ್‌ಶೇಡ್‌ಗಳು, ಪವರ್‌ಡ್‌ ಟೈಲ್‌ಗೇಟ್, 360-ಡಿಗ್ರಿ ಕ್ಯಾಮೆರಾ, ಕನೆಕ್ಟೆಡ್ ಕಾರ್ ಟೆಕ್, ಆಟೋ-ಡಿಮ್ಮಿಂಗ್ IRVM ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ ಪಟ್ಟಿಯ ಗಾತ್ರ ಹೆಚ್ಚಾಗುತ್ತದೆ.

ಎರಡನೇ ಸಾಲು ಹೈಕ್ರಾಸ್ ಅನುಭವದ ಪ್ರಮುಖ ಅಥವಾ ಗಮನಾರ್ಹ ವೈಶಿಷ್ಟ್ಯವಾದ ಒಟ್ಟೋಮನ್ ಸೀಟ್‌ಗಳನ್ನು ಹೊಂದಿದೆ. ಇವುಗಳು ನಿಮಗೆ ಹೆಚ್ಚಿನ ಲೆಗ್ ರೂಮ್ ನೀಡಲು ಸೀಟನ್ನು ಹಿಂದಕ್ಕೆ ಸ್ಲೈಡ್ ಮಾಡಿ ಮತ್ತು ನಂತರ ಒರಗುವ ಭಾಗವನ್ನು ಹಿಂದಕ್ಕೆ ಬಾಗಿಸಬೇಕು.  ಆದರೆ ಮೊಣಕಾಲಿನ ಬೆಂಬಲವು ನಿಮಗೆ ಫಸ್ಟ್‌-ಕ್ಲಾಸ್‌ನ ಕಿರು ನಿದ್ದೆ ನೀಡಲು ಮುಂದಕ್ಕೆ ಸ್ಲೈಡ್ ಆಗುತ್ತದೆ. ಹಾಗೆಯೆ ನೀವು ಬಾಸ್‌ ಅನುಭವ ಪಡೆಯಲು ಬಯಸಿದರೆ ನಿಮಗೆ ಆರಾಮದಾಯಕ ಲೌಂಜ್ ಸೀಟ್‌ ನ್ನು ಇದು ನೀಡುತ್ತದೆ.

ಎರಡನೇ ಸಾಲಿನಲ್ಲಿನ ಇತರ ಮುಖ್ಯಾಂಶಗಳಲ್ಲಿ ಫ್ಲಿಪ್-ಅಪ್ ಟೇಬಲ್ ಅನ್ನು ಒಳಗೊಂಡಿವೆ, ಇದು ನಿಜವಾಗಿಯೂ ಸ್ವಲ್ಪ ಗಟ್ಟಿಮುಟ್ಟಾದ ಭಾವನೆಯನ್ನು ಹೊಂದಿದೆ. ಇದರೊಂದಿಗೆ ಡೋರ್ ಪಾಕೆಟ್‌ನಲ್ಲಿ ಕಪ್‌ಹೋಲ್ಡರ್‌ಗಳು, USB ಪೋರ್ಟ್‌ಗಳು, ಸನ್‌ಶೇಡ್‌ಗಳು ಮತ್ತು ರೂಫ್-ಮೌಂಟೆಡ್ ಏರ್ ಕಾನ್ ವೆಂಟ್‌ನಂತಹ ಸೌಕರ್ಯವು ಸೇರ್ಪಡೆಯಾಗಿದೆ.

ಮೂರನೇ ಸಾಲು ಸಹ ಅಷ್ಟೇ ಆಕರ್ಷಕವಾಗಿದೆ. ಎರಡನೇ ಸಾಲಿನ ಒಟ್ಟೋಮನ್ ಆಸನಗಳನ್ನು ಹೆಚ್ಚು ಹಿಂದಕ್ಕೆ ಬಾಗಿಸಿದರೂ, ಮೂರನೇ ಸಾಲು ಆರಾಮದಾಯಕವಾಗಿ, ಉತ್ತಮ ಸ್ಥಳವನ್ನು ಹೊಂದುವ ಮೂಲಕ ಎರಡು ದೊಡ್ಡ ಗಾತ್ರದ ಪ್ರಯಾಣಿಕರಿಗೂ ಆರಾಮವಾಗಿ ಕುಳಿತು ಪ್ರಯಾಣಿಸಬಹುದು. ಲೆಗ್ ರೂಮ್ ಸಹ ಸರಿಯಾಗಿ ಆರಾಮದಾಯಕವಾಗಿದೆ. ಹಾಗೆಯೇ ಆರು ಅಡಿ ಎತ್ತರದವರಿಗೂ ಹೆಡ್ ರೂಮ್ ಸಾಕಾಗುತ್ತದೆ ಮತ್ತು ಇಲ್ಲಿಯೂ ಆಸನಗಳನ್ನು ಒರಗಿಸಬಹುದು.ಸಾಮಾನ್ಯವಾಗಿ ಕೊನೆಯ ಸಾಲಿನ ಪ್ರಯಾಣಿಕರಿಗೆ ತೊಡೆಯ ಕೆಳಗಿನ ಸ್ಥಳದಲ್ಲಿ ರಾಜಿಯಾಗುವಂತಹದ್ದಾಗಿದೆ, ಅದರೆ ಅದು ಕಳಪೆಯಾಗಿಲ್ಲ. ಆದ್ದರಿಂದ, ಆರು ವಯಸ್ಕರನ್ನೊಳಗೊಂಡ ದೀರ್ಘ ಪ್ರಯಾಣಕ್ಕೆ ಈ ಕಾರಿನ ಆಸನ ವ್ಯವಸ್ಥೆ ಸಮಸ್ಯೆಯನ್ನುಂಟು ಮಾಡುವುದಿಲ್ಲ. ಹಿಂದಿನ ಬೆಂಚ್‌ನಲ್ಲಿ ಮೂರು ಜನರು ಕುಳಿತರೆ ಇರುಸು-ಮುರುಸಿನ ಅನುಭವವಾಗಬಹುದು, ಏಕೆಂದರೆ, ಹಿಂಬದಿಯಲ್ಲಿ ಅಗಲ ಕಡಿಮೆ ಇರುವುದು ಇದಕ್ಕೆ ಕಾರಣವಾಗಿದೆ. ಕೊನೆಯ ಸಾಲಿನಲ್ಲಿ ಮಧ್ಯದ ಪ್ರಯಾಣಿಕರಿಗೆ ಹೆಡ್‌ರೆಸ್ಟ್ ಮತ್ತು ಮೂರು-ಪಾಯಿಂಟ್ ಸೀಟ್‌ಬೆಲ್ಟ್ ಅನ್ನು ಒದಗಿಸಿದರೆ ಈ ವಿಭಾಗದಲ್ಲಿ ಟೊಯೊಟಾ ಉತ್ತಮ ಹೆಜ್ಜೆ ಇಟ್ಟಂತಾಗುತ್ತದೆ.

ಹೈಕ್ರಾಸ್‌ನ ಸುರಕ್ಷಾ ಪ್ಯಾಕೇಜ್ ಆರು ಏರ್‌ಬ್ಯಾಗ್‌ಗಳು, ವಾಹನ ಸ್ಟೆಬಿಲಿಟಿ ಕಂಟ್ರೋಲ್‌, ಹಿಲ್-ಸ್ಟಾರ್ಟ್ ಅಸಿಸ್ಟ್, 360-ಡಿಗ್ರಿ ಕ್ಯಾಮೆರಾ, ಟೈರ್ ಪ್ರೆಷರ್‌ ಮಾನಿಟರಿಂಗ್ ಸಿಸ್ಟಮ್ ಮತ್ತು ADAS ಸೂಟ್ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್-ಕೀಪ್ ಅಸಿಸ್ಟ್, ರಿಯರ್ ಕ್ರಾಸ್ ಟ್ರಾಫಿಕ್ ಅಲರ್ಟ್ ಮತ್ತು ಬ್ಲೈಂಡ್ ಸ್ಪಾಟ್ ಮಾನಿಟರ್ ಅನ್ನು ಒಳಗೊಂಡಿದೆ.

ಬೂಟ್ ಕೂಡ ಇನ್ನೋವಾಕ್ಕಿಂತ ಅಪ್‌ಗ್ರೇಡ್ ಆಗಿದೆ. ಎಲ್ಲಾ ಮೂರು ಸಾಲು ಸೀಟ್‌ಗಳನ್ನು ಬಳಕೆ ಮಾಡಿದಾಗಲೂ  ಬೂಟ್‌ನಲ್ಲಿ ಹೈಕ್ರಾಸ್ ಇನ್ನೂ ನಾಲ್ಕು ಸೂಟ್‌ಕೇಸ್‌ಗಳನ್ನು ಹಿಡಿದಿಟ್ಟುಕೊಳ್ಳುತ್ತದೆ. ಕ್ರಿಸ್ಟಾಕ್ಕಿಂತ ಇದರಲ್ಲಿ ಸ್ವಲ್ಪ ಹೆಚ್ಚು ಸ್ಥಳಾವಕಾಶವನ್ನು ಹೊಂದಿದ್ದರೂ, ಒಟ್ಟಾರೆಯಾಗಿ ಎರಡರ ಸಾಮರ್ಥ್ಯವು ಒಂದೇ ಆಗಿದೆ. ಹೆಚ್ಚು ಜಾಗವನ್ನು ಬಯಸುವ ಕ್ರಿಸ್ಟಾದ ಮೂರನೇ ಸಾಲಿಗೆ ಹೋಲಿಸಿದರೆ, ಇದರ ಮೂರನೇ ಸಾಲು ಸಂಪೂರ್ಣವಾಗಿ ಸಮತಟ್ಟಾಗಿ ಮಡಚಿದಾಗ ಹೆಚ್ಚಿನ ಬೂಟ್‌ ಸ್ಪೇಸ್‌ನ್ನು ಪಡೆಯುತ್ತದೆ. ಇದೀಗ ಸರಿಯಾದ ರಸ್ತೆ ಪ್ರವಾಸಕ್ಕಾಗಿ ಒಂದು ಕುಟುಂಬಕ್ಕೆ ಬೇಕಾಗುವ ಲಗೇಜ್‌ಗಳನ್ನು ಇಡಲು ಇದರಲ್ಲಿ ಸಾಕಷ್ಟು ಸ್ಥಳಾವಕಾಶವಿದೆ. ಮತ್ತು ಇದು ಹೆಚ್ಚು ಪ್ರಾಯೋಗಿಕ ಸ್ಥಳವಾಗಿದೆ. ಎಲೆಕ್ಟ್ರಾನಿಕ್ ಟೈಲ್‌ಗೇಟ್ ಇನ್ನೂ ಪ್ರಾಯೋಗಿಕತೆಗೆ ಸಹಾಯ ಮಾಡುತ್ತದೆ.

ನೀವು ಯಾವ ವೇರಿಯೆಂಟ್‌ನ್ನು ಖರೀದಿಸಲು ಇಚ್ಚಿಸುತ್ತೀರಿ ಎಂಬುದರ ಆಧಾರದ ಮೇಲೆ ಹೈಕ್ರಾಸ್ ಎರಡು ಎಂಜಿನ್‌ಗಳೊಂದಿಗೆ ಲಭ್ಯವಿರುತ್ತದೆ. ಲೊವರ್‌ ವೇರಿಯೆಂಟ್‌ಗಳು 2-ಲೀಟರ್, ನಾಲ್ಕು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದ್ದು, ಇದನ್ನು ಸಿವಿಟಿ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗೆ ಜೋಡಿಸಲಾಗಿದೆ. ಇದು 172PS ಮತ್ತು 205Nm ನಷ್ಟು ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಟಾಪ್‌ ವೇರಿಯೆಂಟ್‌ಗಳು 2-ಲೀಟರ್, ನಾಲ್ಕು-ಸಿಲಿಂಡರ್ ಪೆಟ್ರೋಲ್ ಮತ್ತು 168-ಸೆಲ್ Ni-MH ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟರ್ ಅನ್ನು ಒಳಗೊಂಡಿರುವ ಹೈಬ್ರಿಡ್ ಪವರ್ ಯೂನಿಟ್ ಅನ್ನು ಮಾತ್ರ ಪಡೆಯುತ್ತವೆ. ಈ ಸಂಯೋಜಿತ ಎಂಜಿನ್‌ನ ಪವರ್‌ ಉತ್ಪಾದನೆಯು 184PS ನಷ್ಟು ಇದೆ. ಎಂಜಿನ್‌ನಿಂದ ಟಾರ್ಕ್ ಅನ್ನು 188Nm ನಷ್ಟು ಹೊರಹಾಕಲಾಗುತ್ತದೆ ಮತ್ತು 206Nm ಅನ್ನು ಎಲೆಕ್ಟ್ರಿಕ್ ಮೋಟರ್‌ನಿಂದ ವಿತರಿಸಲಾಗುತ್ತದೆ.  ಇ-ಡ್ರೈವ್ ಎಲೆಕ್ಟ್ರಿಕ್ ಟ್ರಾನ್ಸ್‌ಮಿಷನ್ ಮೂಲಕ ಪವರ್‌ ಮುಂಭಾಗದ ಚಕ್ರಗಳಿಗೆ ಮಾತ್ರ ಹೋಗುತ್ತದೆ.

ನಾವು ಮೊದಲ ಡ್ರೈವ್‌ನಲ್ಲಿ  ಹೈಬ್ರಿಡ್ ಅನ್ನು ಮಾತ್ರ ಡ್ರೈವ್‌ ಮಾಡಿದ್ದೆವೆ. ಇದು ನಯವಾದ, ಶಾಂತ ಮತ್ತು ಶಕ್ತಿಯುತವಾಗಿದೆ. ಟೊಯೋಟಾ 0 ದಿಂದ 100 ಕಿ.ಮೀಯಷ್ಟು ವೇಗವನ್ನು ತಲುಪಲು 9.5 ಸೆಕೆಂಡ್ ನಷ್ಟು ಸಮಯವನ್ನು ತೆಗೆದುಕೊಂಡಿದೆ. ಹಾಗೆಯೇ ನಾವು ಮತ್ತೊಂದು ವೇಗ ಪರೀಕ್ಷೆಯನ್ನು ಅನ್ನು ಪ್ರಯತ್ನಿಸಿದ್ದೇವೆ. ಇದರಲ್ಲಿ ಎಲ್ಲಾ ಸೀಟ್‌ನಲ್ಲಿ ಜನರನ್ನು ಕುಳ್ಳಿರಿಸಿ ಪರೀಕ್ಷಿಸಿದ್ದು, ಈಗ ಇದು 0 ದಿಂದ 100 ಕಿ.ಮೀಯಷ್ಟು ವೇಗವನ್ನು ತಲುಪಲು  14 ಸೆಕೆಂಡುಗಳನ್ನು ಬಳಸಿದೆ. ಅದರೆ 2.4 ಡೀಸೆಲ್‌ ಎಂಜಿನ್‌ನ ಇನ್ನೋವಾ ಕ್ರಿಸ್ಟಾ, ಡ್ರೈವರ್‌ ಮಾತ್ರ ಇರುವಾಗ ನಡೆಸಿದ ವೇಗ ಪರೀಕ್ಷೆಯಲ್ಲಿ ಇದೇ ರೀತಿಯ ಪ್ರದರ್ಶನ ನೀಡಿದನ್ನು ಗಮನಿಸಿದಾಗ ನಾವು ಇದರ ಕುರಿತು ಸಾಕಷ್ಟು ಪ್ರಭಾವಿತರಾಗಿದ್ದೇವೆ. ಆದ್ದರಿಂದ, ಇದಕ್ಕೆ ಲೋಡ್ ಮಾಡಿದಾಗಲೂ ಸಾಕಷ್ಟು ಶಕ್ತಿಯನ್ನು ಹೊಂದಿದೆ.

ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌ ನೊಂದಿಗೆ ಜೋಡಿಯಾಗಿರುವ ಬೆಳಕಿನ ಕಂಟ್ರೋಲ್‌ಗಳು ಮತ್ತು ಉತ್ತಮ ಗೋಚರತೆಯು ಉತ್ತಮ ಡ್ರೈವ್ ಅನುಭವವನ್ನು ನೀಡುತ್ತದೆ ಮತ್ತು ಕಡಿಮೆ ಅನುಭವಿರುವ ಚಾಲಕರಿಗೆ ಇದು ಉತ್ತಮ ಕಾರ್ ಆಗಬಹುದು. ಇದರಲ್ಲಿ ಸ್ಪೋರ್ಟ್, ನಾರ್ಮಲ್ ಮತ್ತು ಇಕೋ ಎಂಬ ಮೂರು ಡ್ರೈವ್ ಮೋಡ್‌ಗಳೂ ಇವೆ ಮತ್ತು ಇವುಗಳು ಥ್ರೊಟಲ್ ಪ್ರತಿಕ್ರಿಯೆಗೆ ಸಣ್ಣ ವ್ಯತ್ಯಾಸವನ್ನು ಮಾಡುತ್ತವೆ. ಇದು ಚಕ್ರದೊಂದಿಗೆ  ತೊಡಗಿಸಿಕೊಂಡಿರುತ್ತದೆ, ಆದರೆ ನಿಜವಾಗಿಯೂ ಸ್ಪೋರ್ಟಿ ಅಲ್ಲ. ಇದು ನೀವು ಹೆದ್ದಾರಿಯಲ್ಲಿ ಪ್ರಯಾಣಿಸುವುದನ್ನು ಮತ್ತು ನಗರ ಪ್ರದೇಶದಲ್ಲಿ ಶಾಂತವಾಗಿ ಚಾಲನೆ ಮಾಡುವುದನ್ನು ಆನಂದಿಸುವ ಕಾರು ಆಗಿದೆ, ಅಂಕುಡೊಂಕಾದ ರಸ್ತೆಯಲ್ಲಿ ನಿಮಗೆ ಇದು ರೋಮಾಂಚಕ ಅನುಭವವನ್ನು ನೀಡುವುದಿಲ್ಲ.

ಇದರಲ್ಲಿ ಮತ್ತೊಂದು ಪ್ರಭಾವಶಾಲಿಯಾದ ವಿಷಯವೆಂದರೆ ಇದರ ದಕ್ಷತೆ. ಟೊಯೊಟಾ ಈ ಹೈಬ್ರಿಡ್ ಡ್ರೈವ್‌ಟ್ರೇನ್‌ನಿಂದ ಪ್ರತಿ ಲೀ.ಗೆ 21.1 ಕಿ.ಮೀ ಯಷ್ಟು ಇಂಧನ ದಕ್ಷತೆಯನ್ನು ನೀಡುತ್ತದೆ ಎಂದು ಹೇಳಿಕೊಂಡಿದೆ. ಆದರೆ ನಾವು ನಡೆಸಿದ ಟೆಸ್ಟ್‌ನಲ್ಲಿ, ಕಳಪೆ ರಸ್ತೆಗಳಲ್ಲಿ ಹಾಗು ವಿವಿಧ ವೇಗಗಳಲ್ಲಿ ಬಹಳ ಬಾರಿ ವೇಗವರ್ಧನೆ, ನಿಧಾನಗೊಳಿಸುವಿಕೆಯೊಂದಿಗೆ ಸುಮಾರು 30 ಕಿ.ಮೀ.ಯಷ್ಟು ಓಡಿಸಿದ್ದೇವೆ. ಅದರೆ ಈ ಪ್ರಯಣದಲ್ಲಿ ನಮಗೆ  ಪ್ರತಿ ಲೀ.ಗೆ ಸುಮಾರು 13 ರಿಂದ 14 ಕಿ.ಮೀ.ಯಷ್ಟು ದಕ್ಷತೆಯನ್ನು ಎಕಾನಮಿ ರೀಡೌಟ್ ನಲ್ಲಿ ತೋರಿಸುತ್ತಿತ್ತು. ಸ್ಥಿರವಾದ ಚಾಲನೆಯೊಂದಿಗೆ, ಹೆದ್ದಾರಿಯಲ್ಲಿ ಮೈಲೇಜ್‌ನ ಸಂಖ್ಯೆಗಳು ಹೆಚ್ಚು ಏರುತ್ತಿರುವುದನ್ನು ಮತ್ತು ನಗರದಲ್ಲಿ ಅದೇ ರೀತಿ ಇರುವುದನ್ನು ನಾವು ಗಮನಿಸಬಹುದು. ನೀವು ಅದರ ಗಾತ್ರ, ಎಂಜಿನ್ ಕಾರ್ಯಕ್ಷಮತೆ ಮತ್ತು ಸಾಮರ್ಥ್ಯಗಳನ್ನು ವಾಸ್ತವಕ್ಕೆ ತಂದಾಗ ಅದು ಪ್ರಭಾವಶಾಲಿಯಾಗಿದೆ.

ರೈಡ್ ಗುಣಮಟ್ಟವು ಇದರ ಮತ್ತೊಂದು ಪಾಸಿಟಿವ್‌ ಆಂಶವಾಗಿದೆ ಮತ್ತು ಇದನ್ನು ಪರಿಗಣಿಸಿದಾಗ ಹೊಸ ಇನ್ನೋವಾ ಮೊನೊಕಾಕ್ ಲೇಔಟ್‌ನಲ್ಲಿ ಕುಳಿತಿರುವುದು ಆಶ್ಚರ್ಯವೇನಿಲ್ಲ. ಸಂಪೂರ್ಣ ಲೋಡ್ ಇದ್ದಾಗ, ಸವಾರಿಯು ಎಲ್ಲಾ ರಸ್ತೆಯ ಪರಿಸ್ಥಿತಿಗಳಿಗೆ ಅನುಗುಣವಾಗಿರುತ್ತದೆ, ತೀಕ್ಷ್ಣವಾದ ಉಬ್ಬುಗಳ ಅಂಚಿನಲ್ಲಿ ಸಹ ಸರಾಗವಾಗಿ ಸಾಗುತ್ತದೆ. ಹಾಗೆಯೇ ಹೆದ್ದಾರಿಯಲ್ಲಿ ಡ್ರೈವ್‌ ಮಾಡಿದಾಗ ಯಾವುದೇ ರೀತಿಯ ತೇಲಿದ ಅನುಭವವಾಗುವುದಿಲ್ಲ. ಹಗುರವಾದ ಲೋಡ್‌ಗಳೊಂದಿಗೆ, ಕಡಿಮೆ ವೇಗದ ಸವಾರಿಯು ಸ್ವಲ್ಪ ಗಟ್ಟಿಯಾಗಿರುತ್ತದೆ. ಆದರೆ ನೀವು ನಿಜವಾಗಿಯೂ ಯಾವುದರ ಬಗ್ಗೆಯೂ ಹೆಚ್ಚು ದೂರುವುದಿಲ್ಲ. ಜನರನ್ನು ಸಾಗಿಸಲು ಮಾಡಲಾದ ಕಾರಿನೊಂದಿಗೆ ಇದು ನೀವು ಹೊಂದಲು ಬಯಸುವ ಅಂಶವಾಗಿದೆ ಮತ್ತು  ದೂರದ ಪ್ರಯಾಣದಲ್ಲಿ ನಿಮ್ಮ ಪ್ರಯಾಣಿಕರು ನಿಮಗೆ ಮತ್ತು ನಿಮ್ಮ ಕಾರಿಗೆ ಧನ್ಯವಾದ ತಿಳಿಸುತ್ತಾರೆ.

ಹೈಕ್ರಾಸ್ G, GX, VX, ZX ಮತ್ತು ZX (O) ಎಂಬ ಐದು ವೇರಿಯೆಂಟ್‌ಗಳೊಂದಿಗೆ ಲಭ್ಯವಿರುತ್ತದೆ. G ಮತ್ತು GX ಗಳು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ ನೊಂದಿಗೆ ಪೆಟ್ರೋಲ್ ಎಂಜಿನ್ ಅನ್ನು ಮಾತ್ರ ಒಳಗೊಂಡಿರುತ್ತವೆ. ಆದರೆ VX, ZX ಮತ್ತು ZX (O) ಹೈಬ್ರಿಡ್ ಪೆಟ್ರೋಲ್‌ನೊಂದಿಗೆ ಮಾತ್ರ ಲಭ್ಯವಿರುತ್ತವೆ, ಮತ್ತು ಇದು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನ್ನು ಒಳಗೊಂಡಿರುತ್ತವೆ. ಇದಲ್ಲದೆ ZX ವೇರಿಯೆಂಟ್‌ನ ಮೇಲಿನ ZX (O) ವೇರಿಯೆಂಟ್‌ನಲ್ಲಿ ಮಾತ್ರ ADAS ವೈಶಿಷ್ಟ್ಯಗಳನ್ನು ನೀಡಲಾಗುತ್ತಿದೆ.

ಆದ್ದರಿಂದ ಇನ್ನೋವಾ ಹೈಕ್ರಾಸ್ ನಿಮಗೆ ಹೆಚ್ಚಿನದನ್ನು ನೀಡುತ್ತದೆ. ಸಿಟಿ ಕಾರ್‌ಗೆ ಸಂಬಂಧಿಸಿದಂತೆ ಇದು ಡ್ರೈವ್ ಮಾಡಲು ಸುಲಭ ಮತ್ತು ದೊಡ್ಡ ಪೆಟ್ರೋಲ್ ಆಟೋಮ್ಯಾಟಿಕ್ ದಕ್ಷವಾಗಿದೆ. ಪರಿಣಾಮಕಾರಿಯಾಗಿದೆ. ಹೈಕ್ರಾಸ್ ನ ದೀರ್ಘ ವಿಶೇಷಗಳ  ಪಟ್ಟಿಯು ನಿಜವಾಗಿಯೂ ಕ್ಯಾಬಿನ್ ಅನುಭವವನ್ನು ಹೆಚ್ಚಿಸುತ್ತದೆ. ಅಲ್ಲದೇ ಸಾಂಪ್ರದಾಯಿಕ ಸೇವಾ ಬ್ಯಾಕಪ್, ದೀರ್ಘಾಯುಷ್ಯ ಮತ್ತು ವಿಶ್ವಾಸಾರ್ಹತೆ ಹೈಕ್ರಾಸ್ ನೊಂದಿಗೆ ಮುಂದುವರಿಯುತ್ತದೆ ಎಂದು ಟೊಯೋಟಾ ನಮಗೆ ಭರವಸೆ ನೀಡುತ್ತದೆ.

ಹಾಗಾಗಿ ಇದು ಈಗಾಗಲೇ ಅತ್ಯಂತ ಸುರಕ್ಷಿತವಾದ ಕವರ್ ಡ್ರೈವ್‌ನಂತೆ ಇದೆ ಎಂಬ ರೀತಿಯಲ್ಲಿ ಸದ್ದು ಮಾಡುತ್ತಿದೆ. ಆದರೆ ಟೊಯೊಟಾ ಉತ್ತಮ  ಬೆಲೆಯನ್ನು ನೀಡಿದರೆ, ಟಾಪ್ ಎಂಡ್ ಅನ್ನು 30 ಲಕ್ಷ  ರೂಪಾಯಿ (ಎಕ್ಸ್ ಶೋರೂಮ್) ಗಿಂತ ಸ್ವಲ್ಪ ಕಡಿಮೆಗೊಳಿಸಿದರೆ ಇದರೊಂದಿಗೆ ಜಪಾನಿನ ಮಾರ್ಕ್ಯೂ ಅನ್ನು ನಿಜವಾಗಿಯೂ ಮಾರುಕಟ್ಟೆಯಿಂದ  ಹೊರಹಾಕುವಂತೆ ಮಾಡಬಹುದು.