2024 Renault Duster ಅನಾವರಣ: ಏನನ್ನು ನಿರೀಕ್ಷಿಸಬಹುದು?
ಮೂರನೇ-ಜೆನೆರೇಶನ್‌ನ ರೆನಾಲ್ಟ್ ಡಸ್ಟರ್ ಭಾರತದಲ್ಲಿ 2025 ರಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ ಮತ್ತು ಇದರ ಎಕ್ಸ್ ಶೋರೂಂ ಬೆಲೆಗಳು 10 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದು.
- ಹೊಸ ಡಸ್ಟರ್ CMF-B ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ.
- ದೊಡ್ಡ ಡೇಸಿಯಾ ಬಿಗ್‌ಸ್ಟರ್ ಪರಿಕಲ್ಪನೆಯಂತೆ ಅದೇ ರೀತಿಯ ಸ್ಲಿಮ್ ಹೆಡ್‌ಲೈಟ್‌ಗಳು ಮತ್ತು Y-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಪಡೆಯುತ್ತದೆ.
- ಕ್ಯಾಬಿನ್ ಪ್ರಮುಖವಾಗಿ ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇಗಳು ಮತ್ತು ಎಸಿ ವೆಂಟ್‌ಗಳ ಸುತ್ತಲೂ Y-ಆಕಾರದ ಇನ್ಸರ್ಟ್‌ಗಳನ್ನು ಒಳಗೊಂಡಿವೆ.
- ಇತರ ನಿರೀಕ್ಷಿತ ವೈಶಿಷ್ಟ್ಯಗಳಲ್ಲಿ ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಮತ್ತು ಎಡಿಎಎಸ್‌ ಸೇರಿವೆ.
- ಮೂರನೇ ತಲೆಮಾರಿನ ಡಸ್ಟರ್ ಎರಡು ಟರ್ಬೊ-ಪೆಟ್ರೋಲ್ ಮತ್ತು ಒಂದು ಹೈಬ್ರಿಡ್ ಸೇರಿದಂತೆ 3 ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ಬರಲಿದೆ.
ಡೇಸಿಯಾ-ಬ್ಯಾಡ್ಜ್ ಉತ್ಪನ್ನವಾಗಿ ಕವರ್ ಮುರಿದ ನಂತರ, ಡಸ್ಟರ್ ಈಗ ಅದರ ರೆನಾಲ್ಟ್ ಅವತಾರದಲ್ಲಿ ಅನಾವರಣಗೊಂಡಿದೆ. ಈ ಎಸ್‌ಯುವಿಯಿಂದ ನೀವು ಏನನ್ನು ನಿರೀಕ್ಷಿಸಬಹುದು ಎಂಬುದು ಇಲ್ಲಿದೆ:
ಫ್ರೆಶ್ ಎಕ್ಸ್‌ಟೀರೀಯರ್‌
ಮೂರನೇ-ಜನೆರೇಶನ್‌ನ ಡಸ್ಟರ್, ಡೇಸಿಯಾ ಬಿಗ್‌ಸ್ಟರ್ ಪರಿಕಲ್ಪನೆಯಿಂದ ವಿನ್ಯಾಸದ ಸ್ಫೂರ್ತಿಯನ್ನು ತೆಗೆದುಕೊಳ್ಳುವಾಗ, ಅದರ ಬಾಕ್ಸಿ ಆಕಾರವನ್ನು ಇನ್ನೂ ಉಳಿಸಿಕೊಂಡಿದೆ. ಇದು ತಾಜಾ ಗ್ರಿಲ್ ವಿನ್ಯಾಸವನ್ನು ಪ್ರದರ್ಶಿಸುತ್ತದೆ, Y- ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಒಳಗೊಂಡಿರುವ ನಯವಾದ ಹೆಡ್‌ಲೈಟ್‌ಗಳಿಂದ ಪೂರಕವಾಗಿದೆ. ಹೆಚ್ಚುವರಿಯಾಗಿ, ಇದು ದುಂಡಗಿನ ಮಂಜು ದೀಪಗಳಿಂದ ಸುತ್ತುವರಿದ ದೊಡ್ಡ ಏರ್‌ ಡ್ಯಾಮ್‌ ಅನ್ನು ಹೊಂದಿದೆ. ಮತ್ತೊಂದು ವಿಶಿಷ್ಟ ವಿನ್ಯಾಸದ ಅಂಶವೆಂದರೆ 'ರೆನಾಲ್ಟ್' ಚಿಹ್ನೆಯು ಗ್ರಿಲ್‌ನಾದ್ಯಂತ ಮುದ್ರಿಸಲಾಗುತ್ತದೆ.
ಪ್ರೊಫೈಲ್‌ನಲ್ಲಿ, ಹೊಸ ಡಸ್ಟರ್ ಸ್ಕ್ವೇರ್ಡ್ ವೀಲ್ ಆರ್ಚ್‌ಗಳು ಮತ್ತು ಡ್ಯುಯಲ್-ಟೋನ್ ಅಲಾಯ್‌ ವೀಲ್‌ಗಳನ್ನು ಪಡೆಯುತ್ತದೆ, ಅದರ ಸ್ನಾಯುವಿನ ನಿಲುವನ್ನು ಹೆಚ್ಚಿಸುತ್ತದೆ. ಸೈಡ್ ಕ್ಲಾಡಿಂಗ್ ಮತ್ತು ರೂಫ್‌ ರೇಲ್ಸ್‌ಗಳಿಂದ ರಗಡ್‌ನೆಸ್‌ ಅನ್ನು ಮತ್ತಷ್ಟು ಒತ್ತಿಹೇಳಲಾಗಿದೆ. ಗಮನಾರ್ಹವಾಗಿ, ಮೂರನೇ-ಜೆನ್ ಡಸ್ಟರ್‌ನ ಹಿಂಭಾಗದ ಬಾಗಿಲಿನ ಹ್ಯಾಂಡಲ್‌ಗಳು ಈಗ ಸಿ-ಪಿಲ್ಲರ್‌ನಲ್ಲಿ ಸ್ಥಾನ ಪಡೆದಿವೆ. ಹಿಂಭಾಗದಲ್ಲಿ ಗಮನಿಸುವಾಗ, ಇದು Y- ಆಕಾರದ ಎಲ್‌ಇಡಿ ಟೈಲ್ ಲ್ಯಾಂಪ್‌ಗಳು ಮತ್ತು ದಪ್ಪನಾದ ಸ್ಕಿಡ್ ಪ್ಲೇಟ್ ಅನ್ನು ಒಳಗೊಂಡಿದೆ.
ಉನ್ನತಿಯನ್ನು ಪಡೆಯಲಿರುವ ಕ್ಯಾಬಿನ್ ಮತ್ತು ತಂತ್ರಜ್ಞಾನಗಳು
2024 ರ ರೆನಾಲ್ಟ್ ಡಸ್ಟರ್‌ನ ಇಂಟಿರೀಯರ್‌ ಸಂಪೂರ್ಣವಾಗಿ ಮರುವಿನ್ಯಾಸಕ್ಕೆ ಒಳಗಾಗಿದೆ. ಆದರೆ, ಹಳೆಯ ಮೊಡೆಲ್‌ನಂತೆಯೇ, ಕ್ಯಾಬಿನ್ ಇನ್ನೂ ಉಪಯುಕ್ತವಾದಂತೆ ಅನಿಸುತ್ತದೆ ಮತ್ತು ಕಾಣುತ್ತದೆ. ತಂತ್ರಜ್ಞಾನದ ವಿಷಯದಲ್ಲಿ, ಇದು 10.1-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಬೆಂಬಲಿಸುತ್ತದೆ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ, 7-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ವೈರ್‌ಲೆಸ್ ಫೋನ್ ಚಾರ್ಜಿಂಗ್, 6-ಸ್ಪೀಕರ್ ಆರ್ಕಮಿಸ್ 3ಡಿ ಸೌಂಡ್ ಸಿಸ್ಟಮ್ ಮತ್ತು ಕ್ರೂಸ್ ಕಂಟ್ರೋಲ್ ಅನ್ನು ಒಳಗೊಂಡಿದೆ.
ಆರು ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್‌ಸಿ), ಹಿಲ್ ಅಸಿಸ್ಟ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಮ್‌ಎಸ್‌), ಮತ್ತು ಸುಧಾರಿತ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್‌ಗಳ (ADAS) ಸಂಪೂರ್ಣ ಸೂಟ್‌ನೊಂದಿಗೆ ರೆನಾಲ್ಟ್ ಹೊಸ ಡಸ್ಟರ್ ಅನ್ನು ನೀಡುವ ಸಾಧ್ಯತೆ ಇದೆ ಎಂದು ಅನಿಸುತ್ತದೆ.
ಇದನ್ನು ಸಹ ಓದಿ: ಇವುಗಳು 2024ರ ಜನವರಿಯಲ್ಲಿ ಹೆಚ್ಚು ಮಾರಾಟವಾದ ಟಾಪ್ 10 ಕಾರುಗಳು
ಪವರ್‌ಟ್ರೇನ್‌ಗಳ ಕುರಿತು
ಮೂರನೇ-ತಲೆಮಾರಿನ ಡಸ್ಟರ್ ಹೈಬ್ರಿಡ್ ಮತ್ತು ಎಲ್‌ಪಿಜಿ ಆಯ್ಕೆಗಳನ್ನು ಒಳಗೊಂಡಂತೆ ಜಾಗತಿಕವಾಗಿ ಹಲವಾರು ಪವರ್‌ಟ್ರೇನ್‌ಗಳೊಂದಿಗೆ ಲಭ್ಯವಿದೆ. ಇವುಗಳಲ್ಲಿ 130 ಪಿಎಸ್‌, 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ 48ವಿ ಮೈಲ್ಡ್‌ ಹೈಬ್ರಿಡ್ ಸಿಸ್ಟಮ್, 140 ಪಿಎಸ್‌ 1.6-ಲೀಟರ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಜೊತೆಗೆ ಎರಡು ಎಲೆಕ್ಟ್ರಿಕ್ ಮೋಟಾರ್‌ಗಳೊಂದಿಗೆ 1.2 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಜೋಡಿಯಾಗಿರುವ ಪ್ರಬಲ ಹೈಬ್ರಿಡ್ ಸಿಸ್ಟಮ್ ಒಳಗೊಂಡಿದೆ. ಹೆಚ್ಚುವರಿಯಾಗಿ, 1-ಲೀಟರ್ ಪೆಟ್ರೋಲ್-ಎಲ್‌ಪಿಜಿ ಕಾಂಬಿನೇಶನ್‌ ಸಹ ಲಭ್ಯವಿದೆ. 1.2-ಲೀಟರ್ ಘಟಕವು 6-ಸ್ಪೀಡ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಎಲ್ಲಾ ನಾಲ್ಕು ಚಕ್ರಗಳಿಗೆ ಶಕ್ತಿಯನ್ನು ಪೂರೈಸುತ್ತದೆ.
ಮುಂಬರುವ ಭಾರತ-ಆಧಾರಿತ ಡಸ್ಟರ್‌ನ ನಿಖರವಾದ ಎಂಜಿನ್-ಗೇರ್‌ಬಾಕ್ಸ್ ಆಯ್ಕೆಗಳನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ.
ಭಾರತದಲ್ಲಿ ಬಿಡುಗಡೆ ಮತ್ತು ಪ್ರತಿಸ್ಪರ್ಧಿಗಳು
ಮೂರನೇ-ತಲೆಮಾರಿನ ರೆನಾಲ್ಟ್ ಡಸ್ಟರ್ 2025 ರಲ್ಲಿ ಭಾರತಕ್ಕೆ ಆಗಮಿಸಲಿದೆ ಎಂದು ನಾವು ನಿರೀಕ್ಷಿಸುತ್ತೇವೆ. ಇದರ ಎಕ್ಸ್ ಶೋರೂಂ ಬೆಲೆಗಳು 10 ಲಕ್ಷ ರೂ.ನಿಂದ ಪ್ರಾರಂಭವಾಗುವ ಸಾಧ್ಯತೆಯಿದೆ. ಇದರ ಪ್ರತಿಸ್ಪರ್ಧಿಗಳ ಪಟ್ಟಿಯನ್ನು ಗಮನಿಸುವುದಾದರೆ ಇದು ಮಾರುಕಟ್ಟೆಯಲ್ಲಿ ಮಾರುತಿ ಗ್ರ್ಯಾಂಡ್ ವಿಟಾರಾ, ಹುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, ಹೋಂಡಾ ಎಲಿವೇಟ್, ಸ್ಕೋಡಾ ಕುಶಾಕ್ ಮತ್ತು ಸಿಟ್ರೊಯೆನ್ C3 ಏರ್‌ಕ್ರಾಸ್ ಗೆ ಸ್ಪರ್ಧೆ ಒಡ್ಡುತ್ತದೆ.