Honda ಕಾರುಗಳು ಈಗ ಸಂಪೂರ್ಣವಾಗಿ e20 ಇಂಧನ ಮಾನದಂಡದ ಅನುಸರಣೆ

2009ರ ಜನವರಿ 1 ನಂತರ ತಯಾರಾದ ಎಲ್ಲಾ ಹೋಂಡಾ ಕಾರುಗಳು e20 ಇಂಧನ ಹೊಂದಾಣಿಕೆಯನ್ನು ಹೊಂದಿವೆ

e20-ಹೊಂದಾಣಿಕೆಯ ಎಂಜಿನ್‌ಗಳನ್ನು ತಯಾರಿಸುವ ನಿಯಮಗಳು ಕಾಲಾನಂತರದಲ್ಲಿ ಹೆಚ್ಚು ಕಠಿಣವಾಗುತ್ತಿದ್ದಂತೆ, ಕಾರು ತಯಾರಕರು ತಮ್ಮ ಹೊಸ ಕಾರುಗಳು ಈ ಮಾನದಂಡಗಳನ್ನು ಅನುಸರಿಸುತ್ತಿದೆ ಎಂದು ಖಚಿತಪಡಿಸಿಕೊಳ್ಳುತ್ತಿದ್ದಾರೆ. ಹಾಗೆಯೇ, ಹಳೆಯ ಕಾರುಗಳ ಮಾಲೀಕರು ತಮ್ಮ ಕಾರುಗಳು ಇಂಧನ ಪ್ರಕಾರಕ್ಕೆ ಹೊಂದಿಕೆಯಾಗುತ್ತವೆಯೇ ಎಂಬ ಬಗ್ಗೆ ಕಾಳಜಿ ವಹಿಸುತ್ತಿದ್ದಾರೆ. ಆದರೆ, ಹೋಂಡಾ ಕಾರು ಮಾಲೀಕರು ಚಿಂತಿಸಬೇಕಾಗಿಲ್ಲ, ಏಕೆಂದರೆ , 2009ರ ಜನವರಿ ೧ರ ನಂತರ ತಯಾರಾದ ಎಲ್ಲಾ ಹೋಂಡಾ ಕೊಡುಗೆಗಳು e20 ಮಾನದಂಡಗಳಿಗೆ ಒಳಪಟ್ಟಿರುತ್ತದೆ. ಇದರರ್ಥ ಪ್ರಸ್ತುತ-ಸ್ಪೆಕ್ ಹೋಂಡಾ ಅಮೇಜ್, ಹೋಂಡಾ ಸಿಟಿ, ಹೋಂಡಾ ಸಿಟಿ ಹೈಬ್ರಿಡ್ ಮತ್ತು ಹೋಂಡಾ ಎಲಿವೇಟ್ ಮತ್ತು ಆಪ್‌ಡೇಟ್‌ ಮಾಡಲಾದ ಅಮೇಜ್ ಜೊತೆಗೆ ಮಾರಾಟದಲ್ಲಿರುವ ಎರಡನೇ ಜನರೇಶನ್‌ನ ಹೋಂಡಾ ಅಮೇಜ್ ಸೇರಿದಂತೆ ಮೊಡೆಲ್‌ಗಳು e20 ಹೊಂದಾಣಿಕೆ ಆಗಿವೆ.

e20 ಇಂಧನ ಎಂದರೇನು?

e20 ಇಂಧನವು 20 ಪ್ರತಿಶತ ಎಥೆನಾಲ್ ಮತ್ತು 80 ಪ್ರತಿಶತ ಪೆಟ್ರೋಲ್ ಮಿಶ್ರಣವಾಗಿದೆ, ಇದರ ಬಳಕೆ 2025ರ ಏಪ್ರಿಲ್ 1ರಿಂದ ಎಲ್ಲಾ ಪೆಟ್ರೋಲ್ ಚಾಲಿತ ವಾಹನಗಳಲ್ಲಿ ಕಡ್ಡಾಯವಾಗಿರುತ್ತದೆ. ಎಥೆನಾಲ್ ಸಾಮಾನ್ಯವಾಗಿ ಕಬ್ಬು, ಭತ್ತದ ಹೊಟ್ಟು ಮತ್ತು ಮೆಕ್ಕೆಜೋಳದಿಂದ ಸಕ್ಕರೆಯನ್ನು ಸಂಸ್ಕರಿಸುವ ಸಮಯದಲ್ಲಿ ಉತ್ಪತ್ತಿಯಾಗುವ ಉಪ ಉತ್ಪನ್ನವಾಗಿದೆ.

ಇದನ್ನೂ ಓದಿ: ಭಾರತಕ್ಕೆ ಬರಲಿದೆ Volkswagen Golf GTI, ಕೆಲವು ಡೀಲರ್‌ಶಿಪ್‌ಗಳಲ್ಲಿ ಪ್ರೀ-ಬುಕಿಂಗ್ ಈಗಾಗಲೇ ಆರಂಭ

e20 ಇಂಧನವನ್ನು ಬಳಸುವ ಪ್ರಯೋಜನಗಳು

ಪೆಟ್ರೋಲ್‌ನೊಂದಿಗೆ ಎಥೆನಾಲ್ ಬೆರೆಸುವುದರಿಂದಾಗುವ ಪ್ರಮುಖ ಪ್ರಯೋಜನವೆಂದರೆ ಅದು ಶುದ್ಧ ಪೆಟ್ರೋಲ್‌ಗಿಂತ ಸ್ವಚ್ಛವಾಗಿ ಉರಿಯುತ್ತದೆ ಮತ್ತು ಆದ್ದರಿಂದ ವಾಹನಗಳ ಟೈಲ್‌ಪೈಪ್ ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ. ಇದಲ್ಲದೆ, ಇದು ಕಚ್ಚಾ ತೈಲವನ್ನು ಆಮದು ಮಾಡಿಕೊಳ್ಳಲು ಸರ್ಕಾರದ ಖರ್ಚು ವೆಚ್ಚವನ್ನು ಕಡಿಮೆ ಮಾಡುತ್ತದೆ.

ಆದರೆ, ಒಂದು ವೇಳೆ ಎಂಜಿನ್ e20 ಗೆ ಹೊಂದಿಕೆಯಾಗದಿದ್ದರೆ ಮತ್ತು ಅಂತಹ ಇಂಧನವನ್ನು ಅದರಲ್ಲಿ ಬಳಸಿದರೆ, ಅದು ಎಂಜಿನ್ ಒಳಗೆ ಅತಿಯಾದ ತುಕ್ಕುಗೆ ಕಾರಣವಾಗಬಹುದು, ಇದು ಅದರ ದೀರ್ಘಾಯುಷ್ಯದ ಮೇಲೆ ಪರಿಣಾಮ ಬೀರಬಹುದು. ಆದರೆ, ಮೊದಲೇ ಹೇಳಿದಂತೆ, 2009ರ ಜನವರಿ 1ರ ನಂತರ ತಯಾರಾದ ಹೋಂಡಾ ಕಾರುಗಳು e20 ಹೊಂದಾಣಿಕೆಯಾಗುತ್ತವೆ.

ಭಾರತದಲ್ಲಿ ಹೋಂಡಾದ ಲೈನ್ಅಪ್

ಹೋಂಡಾ ಪ್ರಸ್ತುತ ಹೋಂಡಾ ಅಮೇಜ್ (ಹೊಸ ಮತ್ತು ಹಿಂದಿನ ಜನರೇಶನ್‌ನ ಮೊಡೆಲ್‌ಗಳು), ಹೋಂಡಾ ಸಿಟಿ, ಹೋಂಡಾ ಸಿಟಿ ಹೈಬ್ರಿಡ್ ಮತ್ತು ಹೋಂಡಾ ಎಲಿವೇಟ್ ಅನ್ನು ನೀಡುತ್ತದೆ.

ಹಿಂದಿನ ಜನರೇಶನ್‌ನ ಅಮೇಜ್ ಬೆಲೆ 7.20 ಲಕ್ಷ ರೂ.ಗಳಿಂದ 9.86 ಲಕ್ಷ ರೂ.ಗಳವರೆಗೆ ಇದ್ದರೆ, ಹೊಸ ಅಮೇಜ್ ಬೆಲೆ 8.10 ಲಕ್ಷ ರೂ.ಗಳಿಂದ 11.20 ಲಕ್ಷ ರೂ.ಗಳವರೆಗೆ ಇರುತ್ತದೆ. ಇದು ಮಾರುತಿ ಡಿಜೈರ್, ಹುಂಡೈ ಔರಾ ಮತ್ತು ಟಾಟಾ ಟಿಗೋರ್‌ನಂತಹ ಇತರ ಸಬ್-4ಮೀ ಸೆಡಾನ್‌ಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ಹೋಂಡಾ ಸಿಟಿ ಒಂದು ಕಾಂಪ್ಯಾಕ್ಟ್ ಸೆಡಾನ್ ಆಗಿದ್ದು, ಇದು ಹ್ಯುಂಡೈ ವೆರ್ನಾ, ವೋಕ್ಸ್‌ವ್ಯಾಗನ್ ವರ್ಟಸ್ ಮತ್ತು ಸ್ಕೋಡಾ ಸ್ಲಾವಿಯಾಗಳಿಗೆ ಪ್ರತಿಸ್ಪರ್ಧಿಯಾಗಿದ್ದು, ಇದರ ಬೆಲೆ 11.82 ಲಕ್ಷ ರೂ.ಗಳಿಂದ 16.55 ಲಕ್ಷ ರೂ.ಗಳವರೆಗೆ ಇರುತ್ತದೆ. ಇದರ ಹೈಬ್ರಿಡ್ ಆವೃತ್ತಿಯಾದ ಹೋಂಡಾ ಸಿಟಿ ಹೈಬ್ರಿಡ್ ಬೆಲೆ 19 ಲಕ್ಷ ರೂ.ಗಳಿಂದ 20.75 ಲಕ್ಷ ರೂ.ಗಳವರೆಗೆ ಇರುತ್ತದೆ ಮತ್ತು ಭಾರತದಲ್ಲಿ ಇದಕ್ಕೆ ಯಾವುದೇ ನೇರ ಪ್ರತಿಸ್ಪರ್ಧಿ ಇಲ್ಲ. ಆದರೆ ಮಾರುತಿ ಗ್ರ್ಯಾಂಡ್ ವಿಟಾರಾ ಮತ್ತು ಟೊಯೋಟಾ ಹೈರೈಡರ್‌ನ ಹೈಬ್ರಿಡ್ ಆವೃತ್ತಿಗಳಿಗೆ ಸೆಡಾನ್ ಪರ್ಯಾಯವೆಂದು ಪರಿಗಣಿಸಬಹುದು.

ಹೋಂಡಾ ಎಲಿವೇಟ್ ಬೆಲೆ 11.69 ಲಕ್ಷ ರೂ.ಗಳಿಂದ 16.73 ಲಕ್ಷ ರೂ.ಗಳವರೆಗೆ ಇದೆ. ಇದು ಹ್ಯುಂಡೈ ಕ್ರೆಟಾ, ಮಾರುತಿ ಗ್ರ್ಯಾಂಡ್ ವಿಟಾರಾ, ಕಿಯಾ ಸೆಲ್ಟೋಸ್, ಸ್ಕೋಡಾ ಕುಶಾಕ್, ಟೊಯೋಟಾ ಹೈರೈಡರ್ ಮತ್ತು ವೋಕ್ಸ್‌ವ್ಯಾಗನ್ ಟೈಗುನ್‌ನಂತಹ ಕಾಂಪ್ಯಾಕ್ಟ್ ಎಸ್‌ಯುವಿಗಳೊಂದಿಗೆ ಸ್ಪರ್ಧಿಸುತ್ತದೆ.

ಎಲ್ಲಾ ಬೆಲೆಗಳು ಎಕ್ಸ್-ಶೋರೂಂ, ದೆಹಲಿ

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ