2024ರ ಕೊನೆಯಲ್ಲಿ ಬಿಡುಗಡೆಗೊಳ್ಳಲಿರುವ ಕಾರುಗಳ ಪಟ್ಟಿ ಇಲ್ಲಿದೆ..
ಅಕ್ಟೋಬರ್ 15, 2024 04:29 pm ರಂದು dipan ಮೂಲಕ ಪ್ರಕಟಿಸಲಾಗಿದೆ
- ಕಾಮೆಂಟ್‌ ಅನ್ನು ಬರೆಯಿರಿ
ಈ ಪಟ್ಟಿಯು 2024ರ ಡಿಜೈರ್‌ನಿಂದ ಮರ್ಸಿಡಿಸ್-ಎಎಮ್‌ಜಿ ಸಿ 63 ಎಸ್‌ ಇ ಪರ್ಫಾರ್ಮೆನ್ಸ್‌ನಂತಹ ಲಕ್ಷುರಿ ಸ್ಪೋರ್ಟ್ಸ್ ಕಾರುಗಳಂತಹ ಮಾಸ್‌-ಮಾರ್ಕೆಟ್‌ ಮೊಡೆಲ್‌ಗಳನ್ನು ಒಳಗೊಂಡಿದೆ
ಇನ್ನೇನು ಇಂದಿನಿಂದ ಭರ್ತಿ ಎರಡುವರೆ ತಿಂಗಳಿನ ಅವಧಿಯಲ್ಲಿ 2024 ಕೊನೆಗೊಳ್ಳಲಿದೆ ಮತ್ತು ಇದು ಈ ವರ್ಷ ಮಹೀಂದ್ರಾ ಥಾರ್ ರೋಕ್ಸ್, ಟಾಟಾ ಕರ್ವ್‌ ಮತ್ತು ಸಿಟ್ರೊಯೆನ್ ಬಸಾಲ್ಟ್‌ನಿಂದ ಮರ್ಸಿಡಿಸ್-ಮೇಬ್ಯಾಚ್ ಇಕ್ಯೂಎಸ್ ಎಸ್‌ಯುವಿ, ರೋಲ್ಸ್ ರಾಯ್ಸ್ ಕಲಿನನ್‌ ಸಿರೀಸ್‌ 2 ಮತ್ತು ಬಿಎಮ್‌ಡಬ್ಲ್ಯೂ ಎಕ್ಸ್‌ಎಮ್‌ ಲೇಬಲ್ ನವರೆಗೆ ಸಾಕಷ್ಟು ಕಾರುಗಳನ್ನು ಬಿಡುಗಡೆ ಮಾಡಿದೆ. ಹಾಗೆಯೇ, ಈ ವರ್ಷ ಇನ್ನೂ ಕೆಲವು ಬಿಡುಗಡೆಗಳು ಮತ್ತು ಅನಾವರಣಗಳು ಬಾಕಿ ಉಳಿದಿವೆ. 2024ರ ಮುಂದಿನ ತಿಂಗಳುಗಳಲ್ಲಿ ಮಾಡಲಾಗುವ ಎಲ್ಲಾ ಬಿಡುಗಡೆಗಳು ಮತ್ತು ಅನಾವರಣಗಳ ಪಟ್ಟಿ ಇಲ್ಲಿದೆ.
2024 ಮಾರುತಿ ಡಿಸೈರ್‌
ನಿರೀಕ್ಷಿತ ಬಿಡುಗಡೆ ದಿನಾಂಕ: ನವೆಂಬರ್ 4, 2024
ನಿರೀಕ್ಷಿತ ಬೆಲೆ: 6.70 ಲಕ್ಷ ರೂ
ಹೊಸ ಸ್ವಿಫ್ಟ್ ಆಧಾರಿತ 2024ರ ಮಾರುತಿ ಡಿಜೈರ್ ಅನ್ನು ಈ ವರ್ಷದ ನವೆಂಬರ್‌ನ ಮೊದಲ ವಾರದಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ಈ ಹೊಸ-ಜೆನ್ ಡಿಜೈರ್, ಇಂಟರ್ನೆಟ್‌ನಲ್ಲಿ ಕೆಲವು ಸೋರಿಕೆಯಾದ ಚಿತ್ರಗಳಿಂದ ಸೂಚಿಸಲ್ಪಟ್ಟಂತೆ, ಪ್ರಸ್ತುತ-ಸ್ಪೆಕ್ ಸ್ವಿಫ್ಟ್‌ಗಿಂತ ವಿಭಿನ್ನ ವಿನ್ಯಾಸ ಭಾಷೆಯನ್ನು ಹೊಂದಿರುತ್ತದೆ.
ಮತ್ತೊಂದೆಡೆ, ಇಂಟಿರಿಯರ್‌ 2024ರ ಸ್ವಿಫ್ಟ್ ಅನ್ನು ಹೋಲುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಆದರೆ, ಸಬ್‌ಕಾಂಪ್ಯಾಕ್ಟ್ ಸೆಡಾನ್ ಕಪ್ಪು ಮತ್ತು ಬೀಜ್ ಕ್ಯಾಬಿನ್ ಥೀಮ್ ಅನ್ನು ಪ್ರಸ್ತುತ-ಜನರೇಶನ್‌ನ ಮೊಡೆಲ್‌ನಂತೆಯೇ ಪಡೆಯಬಹುದು. ಈ ಹೊಸ-ಜೆನ್ ಮೊಡೆಲ್‌ 1.2-ಲೀಟರ್ 3-ಸಿಲಿಂಡರ್ Z- ಸಿರೀಸ್‌ನ ಪೆಟ್ರೋಲ್ ಎಂಜಿನ್ ಅನ್ನು ಸ್ವಿಫ್ಟ್‌ನಂತೆ ಪಡೆಯುತ್ತದೆ, ಇದು 82 ಪಿಎಸ್‌ ಮತ್ತು 112 ಎನ್‌ಎಮ್‌ ವರೆಗೆ ಉತ್ಪಾದಿಸುತ್ತದೆ.
2024 ಹೋಂಡಾ ಅಮೇಜ್
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 7.30 ಲಕ್ಷ ರೂ
ಮುಂಬರುವ ಮಾರುತಿ ಡಿಜೈರ್‌ಗೆ ಪ್ರಧಾನ ಪ್ರತಿಸ್ಪರ್ಧಿಯಾಗಿರುವ ಹೊಸ-ಜನರೇಶನ್‌ನ ಹೋಂಡಾ ಅಮೇಜ್ ಸಹ 2024ರ ಡಿಸೆಂಬರ್ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಕೆಲವು ಸ್ಪೈ ಶಾಟ್‌ಗಳು ಅದರ ವಿನ್ಯಾಸದ ವಿಷಯದಲ್ಲಿ ಕ್ರಾಂತಿಗಿಂತ ಹೆಚ್ಚು ವಿಕಸನವಾಗಿದೆ ಎಂದು ಬಹಿರಂಗಪಡಿಸುತ್ತದೆ.
ಒಳಭಾಗದಲ್ಲಿ ಆಮೂಲಾಗ್ರ ವ್ಯತ್ಯಾಸಗಳು ಕಂಡುಬರುತ್ತಿದ್ದು, ಅಲ್ಲಿ ಹೋಂಡಾ ಹೊಸ ಫೀಚರ್‌ಗಳಾದ 360-ಡಿಗ್ರಿ ಕ್ಯಾಮೆರಾ, ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳ (ADAS) ಸೂಟ್, ದೊಡ್ಡದಾದ ಹೊಂಡಾ ಸಿಟಿ ಮತ್ತು ಎಲಿವೇಟ್‌ನಿಂದ ಎರವಲು ಪಡೆದ ದೊಡ್ಡ ಟಚ್‌ಸ್ಕ್ರೀನ್ ಮತ್ತು ಡ್ರೈವರ್ ಡಿಸ್‌ಪ್ಲೇಯನ್ನು ನೀಡುತ್ತದೆ. ಇದು 5-ಸ್ಪೀಡ್ ಮ್ಯಾನುವಲ್‌ ಟ್ರಾನ್ಸ್‌ಮಿಷನ್‌ ಅಥವಾ ಸಿವಿಟಿ (ಕಂಟಿನ್ಯೂವಸ್ಲಿ ವೇರಿಯೆಬಲ್‌ ಟ್ರಾನ್ಸ್‌ಮಿಷನ್‌) ಜೊತೆಗೆ ಅದೇ 1.2-ಲೀಟರ್ ಎಂಜಿನ್ (90 ಪಿಎಸ್‌/110 ಎನ್‌ಎಮ್‌) ಅನ್ನು ಹೊಂದಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.
2024ರ ಎಮ್‌ಜಿ ಗ್ಲೋಸ್ಟರ್
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 39.50 ಲಕ್ಷ ರೂ.
ಎಮ್‌ಜಿ ಗ್ಲೋಸ್ಟರ್ ಅನ್ನು 2020ರಲ್ಲಿ ಮೊದಲ ಬಾರಿಗೆ ಮಾರುಕಟ್ಟೆಗೆ ಪರಿಚಯಿಸಲಾಯಿತು ಮತ್ತು ಇದು ಈ ವರ್ಷ ಮಿಡ್-ಸೈಕಲ್ ಫೇಸ್‌ಲಿಫ್ಟ್ ಅನ್ನು ಪಡೆಯಲಿದೆ. ಫೇಸ್‌ಲಿಫ್ಟೆಡ್ ಮಾಡೆಲ್ ಈಗಾಗಲೇ ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಲಭ್ಯವಿದೆ. ಹೊರಭಾಗವನ್ನು ಹೊಸ ಸ್ಪ್ಲಿಟ್ ಹೆಡ್‌ಲೈಟ್ ಸೆಟಪ್, ಹೆಚ್ಚು ರಗಡ್‌ ಆದ ಕ್ಲಾಡಿಂಗ್ ಮತ್ತು ಹೊಸ ಕನೆಕ್ಟೆಡ್‌ ಎಲ್‌ಇಡಿ ಟೈಲ್ ಲೈಟ್‌ಗಳೊಂದಿಗೆ ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾಗುವುದು. ಒಳಭಾಗದಲ್ಲಿ, ಇದು ದೊಡ್ಡ ಟಚ್‌ಸ್ಕ್ರೀನ್, ಮರುವಿನ್ಯಾಸಗೊಳಿಸಲಾದ ಏರ್ ವೆಂಟ್‌ಗಳು ಮತ್ತು ಪರಿಷ್ಕೃತ ಸ್ವಿಚ್‌ಗಿಯರ್‌ನೊಂದಿಗೆ ಹೊಸ ಸೆಂಟರ್ ಕನ್ಸೋಲ್ ಅನ್ನು ಹೊಂದಿರುತ್ತದೆ. ಯಾಂತ್ರಿಕವಾಗಿ ಇದು ಕ್ರಮವಾಗಿ 161 ಪಿಎಸ್‌/373.5 ಎನ್‌ಎಮ್‌ ಅಥವಾ 215.5 ಪಿಎಸ್‌/478.5 ಎನ್‌ಎಮ್‌ ಉತ್ಪಾದಿಸುವ ಎರಡು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಬದಲಾಗದೆ ಇರುತ್ತದೆ.
ಇದನ್ನೂ ಓದಿ: ಮಹೀಂದ್ರಾ XUV 3XOನ ಬೆಲೆಗಳಲ್ಲಿ 30,000 ರೂ.ವರೆಗೆ ಹೆಚ್ಚಳ, ಏನಿದರ ಗುಟ್ಟು ?
2024ರ ಹ್ಯುಂಡೈ ಟಕ್ಸನ್
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 30 ಲಕ್ಷ ರೂ
ಹ್ಯುಂಡೈ ಟಕ್ಸನ್ ಫೇಸ್‌ಲಿಫ್ಟ್ ಅನ್ನು ಜಾಗತಿಕವಾಗಿ 2023 ರಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು 2024 ರ ಅಂತ್ಯದ ವೇಳೆಗೆ ಭಾರತದಲ್ಲಿ ಮುಚ್ಚಿರುವ ಕವರ್‌ನಿಂದ ಹೊರಬರುವ ನಿರೀಕ್ಷೆಯಿದೆ. ಇದು ಪ್ರಸ್ತುತ-ಸ್ಪೆಕ್ ಟಕ್ಸನ್‌ನಂತೆಯೇ ವಿನ್ಯಾಸವನ್ನು ಪಡೆಯುತ್ತದೆ ಆದರೆ ಮರುವಿನ್ಯಾಸಗೊಳಿಸಲಾದ ಗ್ರಿಲ್, ಹೆಡ್‌ಲೈಟ್ ಮತ್ತು ಟೈಲ್ ಲೈಟ್‌ಗಳನ್ನು ಹೊಂದಿರುತ್ತದೆ.
ಹ್ಯುಂಡೈ ಕ್ರೆಟಾದಂತಹ ಡ್ಯುಯಲ್-ಸ್ಕ್ರೀನ್ ಡಿಸ್‌ಪ್ಲೇಯೊಂದಿಗೆ ಇಂಟಿರಿಯರ್‌ ಅನ್ನು ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾಗುವುದು ಮತ್ತು ಸ್ಟೀರಿಂಗ್ ಚಕ್ರವು ಹ್ಯುಂಡೈ ಅಯೋನಿಕ್ 5 ನಂತೆ ಇರುತ್ತದೆ. ಫೇಸ್‌ಲಿಫ್ಟೆಡ್ ಟಕ್ಸನ್ ಅದೇ 2-ಲೀಟರ್ ಡೀಸೆಲ್ (186 ಪಿಎಸ್‌/416 ಎನ್‌ಎಮ್‌) ಮತ್ತು 2-ಲೀಟರ್ ಪೆಟ್ರೋಲ್ (156 ಪಿಎಸ್‌/192 ಎನ್‌ಎಮ್‌) ಎಂಜಿನ್‌ಗಳೊಂದಿಗೆ ಮುಂದುವರಿಯುವ ಸಾಧ್ಯತೆಯಿದೆ.
ಸ್ಕೋಡಾ ಕೈಲಾಕ್ - ಜಾಗತಿಕ ಪ್ರವೇಶ
ನಿರೀಕ್ಷಿತ ಬಿಡುಗಡೆ ದಿನಾಂಕ: 2025
ನಿರೀಕ್ಷಿತ ಬೆಲೆ: 8.50 ಲಕ್ಷ ರೂ.
ಸ್ಕೋಡಾ ಕೈಲಾಕ್ ಭಾರತದಲ್ಲಿ 2025 ರಲ್ಲಿ ಬಿಡುಗಡೆಯಾಗಲಿದೆ ಎಂದು ದೃಢಪಡಿಸಲಾಗಿದೆಯಾದರೂ, ಇದು ನವೆಂಬರ್ 6 ರಂದು ಜಾಗತಿಕವಾಗಿ ಕವರ್‌ನಿಂದ ಹೊರಬರಲಿದೆ. ಝೆಕ್ ಕಾರು ತಯಾರಕರು ಇತ್ತೀಚೆಗೆ ಕೆಲವು ಟೀಸರ್‌ಗಳನ್ನು ಬಿಡುಗಡೆ ಮಾಡಿದ್ದಾರೆ, ಇದು ಸ್ಪ್ಲಿಟ್-ಹೆಡ್‌ಲ್ಯಾಂಪ್ ವಿನ್ಯಾಸ ಮತ್ತು ಸುತ್ತುವ ಟೈಲ್ ಲೈಟ್‌ಗಳೊಂದಿಗೆ ಕುಶಾಕ್ ತರಹದ ವಿನ್ಯಾಸವನ್ನು ಪಡೆಯುತ್ತದೆ ಎಂದು ಸೂಚಿಸುತ್ತದೆ.
ಕ್ಯಾಬಿನ್ ಕುಶಾಕ್‌ನಿಂದ ಸ್ಫೂರ್ತಿ ಪಡೆದಿದೆ ಎಂದು ನಿರೀಕ್ಷಿಸಲಾಗಿದೆ ಮತ್ತು ಇದು 2-ಸ್ಪೋಕ್ ಸ್ಟೀರಿಂಗ್ ವೀಲ್, 10-ಇಂಚಿನ ಟಚ್‌ಸ್ಕ್ರೀನ್ ಮತ್ತು 8-ಇಂಚಿನ ಡ್ರೈವರ್ ಡಿಸ್‌ಪ್ಲೇಯನ್ನು ಹೊಂದಬಹುದು. ಈ ಸ್ಕೋಡಾ ಸಬ್‌ಕಾಂಪ್ಯಾಕ್ಟ್ ಎಸ್‌ಯುವಿ 1-ಲೀಟರ್ ಟರ್ಬೋಚಾರ್ಜ್ಡ್ TSI ಪೆಟ್ರೋಲ್ ಎಂಜಿನ್‌ನಿಂದ (115 ಪಿಎಸ್‌/178 ಎನ್‌ಎಮ್‌) ಕುಶಾಕ್ ಮತ್ತು ಸ್ಲಾವಿಯಾದಂತೆ ಚಾಲಿತವಾಗುವ ಸಾಧ್ಯತೆಯಿದೆ. ಮಹೀಂದ್ರಾ ಎಕ್ಸ್‌ಯುವಿ.ಇ8
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 35 ಲಕ್ಷ ರೂ.
ಮಹೀಂದ್ರಾ ಎಕ್ಸ್‌ಯುವಿ.ಇ8, ಮಹೀಂದ್ರಾ ಎಕ್ಸ್‌ಯುವಿ700ನ ಆಲ್-ಎಲೆಕ್ಟ್ರಿಕ್ ಉತ್ಪನ್ನವಾಗಿದ್ದು, ಪರೀಕ್ಷೆಯ ವೇಳೆಯಲ್ಲಿ ಕೆಲವು ಬಾರಿ ಗುರುತಿಸಲ್ಪಟ್ಟಿದೆ ಮತ್ತು ಈ ವರ್ಷ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಇದು ICE ಎಕ್ಸ್‌ಯುವಿ700 ನಂತೆಯೇ EV-ನಿರ್ದಿಷ್ಟ ಬದಲಾವಣೆಗಳಾದ ಖಾಲಿ-ಆಫ್ ಗ್ರಿಲ್ ಮತ್ತು ಏರೋಡೈನಾಮಿಕ್ ಚಕ್ರಗಳಂತಹ ಬಾಡಿ ಆಕೃತಿಯನ್ನು ಹೊಂದಿರುತ್ತದೆ. ಇದು 3-ಲೇಔಟ್ ಇಂಟಿಗ್ರೇಟೆಡ್ ಸ್ಕ್ರೀನ್ ಸೆಟಪ್ ಸೇರಿದಂತೆ ಆಧುನೀಕರಿಸಿದ ಇಂಟಿರಿಯರ್‌ ಅನ್ನು ಸಹ ಹೊಂದಿರುತ್ತದೆ.
ಮಹೀಂದ್ರಾ ಎಕ್ಸ್‌ಯುವಿ.ಇ8 ಅನ್ನು 2 ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ನೀಡಲಾಗುವುದು, 60 ಕಿ.ವ್ಯಾಟ್‌ ಮತ್ತು 80 ಕಿ.ವ್ಯಾಟ್‌, WLTP-ಕ್ಲೈಮ್ ಮಾಡಲಾದ 450 ಕಿ.ಮೀ.ವರೆಗಿನ ರೇಂಜ್‌ ಅನ್ನು ಹೊಂದಿದೆ. ಇದು ರಿಯರ್-ವೀಲ್-ಡ್ರೈವ್ (RWD) ಮತ್ತು ಆಲ್-ವೀಲ್-ಡ್ರೈವ್ (AWD) ಸೆಟಪ್‌ಗಳಲ್ಲಿ ಬರಲಿದೆ.
ಇದನ್ನೂ ಓದಿ: ಅಬ್ಬಬ್ಬಾ..!!: Mahindra Thar Roxx ನ ಮೊದಲ ಕಾರು 1.31 ಕೋಟಿ ರೂ.ಗೆ ಮಾರಾಟ
ಸ್ಕೋಡಾ ಎನ್ಯಾಕ್ iV
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 60 ಲಕ್ಷ ರೂ
ಸ್ಕೋಡಾ ಎನ್ಯಾಕ್ ಐವಿ, ಈ ವರ್ಷದ ಅಂತ್ಯದ ವೇಳೆಗೆ ಬಿಡುಗಡೆಯಾಗಲಿದೆ, ಇದು ಭಾರತದಲ್ಲಿ ಜೆಕ್ ಮೂಲದ ಸ್ಕೋಡಾ ಕಂಪೆನಿಯ ಮೊದಲ ಎಲೆಕ್ಟ್ರಿಕ್ ಎಸ್‌ಯುವಿಯಾಗಿದೆ. ಇದು ಈಗಾಗಲೇ 50, 60, 80, 80X, ಮತ್ತು vRS ಎಂಬ ಐದು ವೇರಿಯೆಂಟ್‌ಗಳಲ್ಲಿ ವಿದೇಶಗಳಲ್ಲಿ ಮಾರಾಟದಲ್ಲಿದೆ. ಇದು ಆಫರ್‌ನಲ್ಲಿ ಮೂರು ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಹೊಂದಿದೆ, ಇದು 510 ಕಿಮೀ ವರೆಗಿನ WLTP-ಕ್ಲೈಮ್ ಮಾಡಿದ ರೇಂಜ್‌ ಅನ್ನು ನೀಡುತ್ತದೆ.
ಅಂತರಾಷ್ಟ್ರೀಯ-ಸ್ಪೆಕ್ ಮೊಡೆಲ್‌ 13-ಇಂಚಿನ ಟಚ್‌ಸ್ಕ್ರೀನ್, ಹೆಡ್ಸ್-ಅಪ್ ಡಿಸ್ಪ್ಲೇ, ಪನೋರಮಿಕ್ ಸನ್‌ರೂಫ್ ಮತ್ತು ಮಸಾಜ್ ಫಂಕ್ಷನ್‌ನೊಂದಿಗೆ ಚಾಲಿತ ಡ್ರೈವರ್ ಸೀಟ್‌ನೊಂದಿಗೆ ಹಲವು ಫೀಚರ್‌ಗಳಿಂದ ಲೋಡ್‌ ಆಗಿದೆ. ಸುರಕ್ಷತಾ ಸೂಟ್‌ನಲ್ಲಿ ಒಂಬತ್ತು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ADAS (ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳು) ಸೇರಿವೆ.
ವೋಕ್ಸ್ವ್ಯಾಗನ್ ID.4
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 65 ಲಕ್ಷ ರೂ.
ವೋಕ್ಸ್ವ್ಯಾಗನ್ ID.4 ಸ್ಕೋಡಾ ಎನ್ಯಾಕ್ ಐವಿಯಂತೆಯೇ ಅದೇ ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ ಮತ್ತು ಅದರಂತೆ 52 ಕಿ.ವ್ಯಾಟ್‌ ಮತ್ತು 77ಕಿ.ವ್ಯಾಟ್‌ ಎಂಬ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಬರುತ್ತದೆ. ಈ ಇವಿಯನ್ನು ಹಿಂಬದಿ-ಚಕ್ರ-ಡ್ರೈವ್ (RWD) ಮತ್ತು ಆಲ್-ವೀಲ್-ಡ್ರೈವ್ (AWD) ಸೆಟಪ್‌ಗಳಲ್ಲಿಯೂ ನೀಡಲಾಗಿದೆ.
ಹಾಗೆಯೇ, ಎನ್ಯಾಕ್ iV ಗೆ ಹೋಲಿಸಿದರೆ ಫೀಚರ್‌ ಸೂಟ್ ಅನ್ನು ಸ್ವಲ್ಪಮಟ್ಟಿಗೆ ಪರಿಷ್ಕರಿಸಲಾಗಿದೆ, ಮತ್ತು ಇದು 12-ಇಂಚಿನ ಟಚ್‌ಸ್ಕ್ರೀನ್, ಹೆಡ್ಸ್-ಅಪ್ ಡಿಸ್ಪ್ಲೇ, ಮೂರು-ಜೋನ್‌ ಕ್ಲೈಮೇಟ್‌ ಕಂಟ್ರೋಲ್‌, ಪನರೋಮಿಕ್‌ ಸನ್‌ರೂಫ್ ಮತ್ತು ಮುಂಭಾಗದಲ್ಲಿ ಹೀಟೆಡ್‌ ಸೀಟ್‌ಗಳನ್ನು ಹೊಂದಿದೆ. ಸುರಕ್ಷತೆಯ ವಿಭಾಗದಲ್ಲಿ, ಇದು ಏಳು ಏರ್‌ಬ್ಯಾಗ್‌ಗಳು, ರಿಯರ್‌ವ್ಯೂ ಕ್ಯಾಮೆರಾ, ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ADAS ಸೂಟ್ ಅನ್ನು ಪಡೆಯುತ್ತದೆ.
ಮರ್ಸಿಡೀಸ್‌-ಬೆಂಝ್‌ ಎಎಮ್‌ಜಿ ಸಿ 63 ಎಸ್‌ ಇ ಪರ್ಫಾರ್ಮೆನ್ಸ್
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
2024ರ ಮರ್ಸಿಡೀಸ್‌-ಬೆಂಝ್‌ ಎಎಮ್‌ಜಿ ಸಿ 63 ಎಸ್‌ ಇ ಪರ್ಫಾರ್ಮೆನ್ಸ್ ಅನ್ನು 2023 ರಲ್ಲಿ ಜಾಗತಿಕವಾಗಿ ಅನಾವರಣಗೊಳಿಸಲಾಯಿತು ಮತ್ತು ಈ ವರ್ಷ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಈ ಪ್ಲಗ್-ಇನ್ ಹೈಬ್ರಿಡ್ ಎಎಮ್‌ಜಿ ಮೊಡೆಲ್‌ ಮುಂಭಾಗದ ಆಕ್ಸಲ್‌ನಲ್ಲಿ ಅಳವಡಿಸಲಾಗಿರುವ 2-ಲೀಟರ್ 4-ಸಿಲಿಂಡರ್ ಟರ್ಬೋಚಾರ್ಜ್ಡ್ ಎಂಜಿನ್ ಮತ್ತು ಹಿಂಭಾಗದ ಆಕ್ಸಲ್‌ನಲ್ಲಿ ಎಲೆಕ್ಟ್ರಿಕ್ ಮೋಟರ್ ಅನ್ನು ಪಡೆಯುತ್ತದೆ. ಇದು ಒಟ್ಟು 680 ಪಿಎಸ್‌ ಮತ್ತು 1,020 ಎನ್‌ಎಮ್‌ ಅನ್ನು ಉತ್ಪಾದಿಸುತ್ತದೆ. ಇದು 9-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲ್ಪಟ್ಟಿದೆ.
12.3-ಇಂಚಿನ ಡ್ರೈವರ್ ಡಿಸ್ಪ್ಲೇ, 11.9-ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಹೆಡ್ಸ್-ಅಪ್ ಡಿಸ್ಪ್ಲೇ, ಪನೋರಮಿಕ್ ಸನ್‌ರೂಫ್ ಮತ್ತು ಎಲೆಕ್ಟ್ರಿಕಲಿ ಅಡ್ಜಸ್ಟ್ ಮಾಡಬಹುದಾದ ಮುಂಭಾಗದ ಸೀಟ್‌ಗಳಂತಹ ಫೀಚರ್‌ಗಳನ್ನು ಹೊಂದಿರುವ ಇಂಟಿರಿಯರ್‌ ಅಂತರಾಷ್ಟ್ರೀಯ ಮೊಡೆಲ್‌ ಅನ್ನು ಹೋಲುವ ನಿರೀಕ್ಷೆಯಿದೆ.
ಇದನ್ನೂ ಓದಿ: ದೇಶದ ಸ್ಫೂರ್ತಿಯ ಸೆಲೆ ರತನ್‌ ಟಾಟಾ ಭಾರತೀಯ ಆಟೋಮೊಬೈಲ್‌ ಕ್ಷೇತ್ರಕ್ಕೆ ನೀಡಿದ ಕೊಡುಗೆಯ ಕುರಿತು..
ಲೋಟಸ್ ಎಮಿರಾ
ನಿರೀಕ್ಷಿತ ಬಿಡುಗಡೆ ದಿನಾಂಕ: ಘೋಷಿಸಲಾಗುವುದು
ನಿರೀಕ್ಷಿತ ಬೆಲೆ: 1.70 ಕೋಟಿ ರೂ
ಲೋಟಸ್ ಎಮಿರಾ ಭಾರತದಲ್ಲಿ ಎಲೆಟ್ರೆ ಎಸ್‌ಯುವಿ ನಂತರ ಲೋಟಸ್‌ನಿಂದ ಎರಡನೇ ಕಾರು ಆಗಿದೆ. ಈ ಮಧ್ಯ-ಎಂಜಿನ್ ಇರುವ ಸ್ಪೋರ್ಟ್ಸ್ ಕಾರನ್ನು 2-ಲೀಟರ್ ಎಎಮ್‌ಜಿಯಿಂದ ಪಡೆದ ಟರ್ಬೊ-ಪೆಟ್ರೋಲ್ ಎಂಜಿನ್ ಅಥವಾ ಟೊಯೊಟಾದಿಂದ ಪಡೆದ 3.5-ಲೀಟರ್ ಸೂಪರ್‌ಚಾರ್ಜ್ಡ್‌ ವಿ6 ನೊಂದಿಗೆ ನೀಡಲಾಗುತ್ತದೆ, ಇದು 406 ಪಿಎಸ್‌ ಮತ್ತು 430 ಎನ್‌ಎಮ್‌ವರೆಗೆ ಉತ್ಪಾದಿಸುತ್ತದೆ.
ಫೀಚರ್‌ಗಳ ವಿಷಯದಲ್ಲಿ, ಅಂತರರಾಷ್ಟ್ರೀಯ ಮೊಡೆಲ್‌ 10.25-ಇಂಚಿನ ಟಚ್‌ಸ್ಕ್ರೀನ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ ಮತ್ತು 10-ಸ್ಪೀಕರ್ ಆಡಿಯೊ ಸಿಸ್ಟಮ್‌ನೊಂದಿಗೆ ಬರುತ್ತದೆ.
ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ
