ಈಗ ಸಿಎಸ್‌ಡಿ ಔಟ್‌ಲೆಟ್‌ಗಳ ಮೂಲಕವು ರಕ್ಷಣಾ ಸಿಬ್ಬಂದಿಗಳಿಗೆ Honda Elevateನ ಖರೀದಿಸಬಹುದು..!

ಸಿಟಿ ಮತ್ತು ಅಮೇಜ್ ಸೆಡಾನ್‌ಗಳ ಜೊತೆಗೆ ಎಲಿವೇಟ್ ಸಿಎಸ್‌ಡಿ ಔಟ್‌ಲೆಟ್‌ಗಳ ಮೂಲಕ ಮಾರಾಟವಾಗುವ ಹೋಂಡಾದ ಮೂರನೇ ಕೊಡುಗೆಯಾಗಿದೆ. 

• ಹ್ಯುಂಡೈ ಕ್ರೆಟಾ ಮತ್ತು ಸ್ಕೋಡಾ ಕುಶಾಕ್‌ಗಳಿಗೆ ಪರ್ಯಾಯವಾಗಿ ಎಲಿವೇಟ್ ಹೋಂಡಾದ ಎಸ್‌ಯುವಿಯಾಗಿದೆ.   ಸಿಟಿ ಸೆಡಾನ್‌ನ 1.5-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಮ್ಯಾನುಯಲ್‌ ಮತ್ತು ಸಿವಿಟಿ ಆಯ್ಕೆಗಳೊಂದಿಗೆ ಪಡೆಯುತ್ತದೆ.

• ಬೋರ್ಡ್‌ನಲ್ಲಿರುವ ವೈಶಿಷ್ಟ್ಯಗಳು 10.25-ಇಂಚಿನ ಟಚ್‌ಸ್ಕ್ರೀನ್, ಆರು ಏರ್‌ಬ್ಯಾಗ್‌ಗಳು ಮತ್ತು ADAS ಅನ್ನು ಒಳಗೊಂಡಿವೆ.

• ಭಾರತದಾದ್ಯಂತ ಸ್ಟ್ಯಾಂಡರ್ಡ್ ಎಲಿವೇಟ್‌ನ ಎಕ್ಸ್ ಶೋರೂಂ ಬೆಲೆಗಳು 11.58 ಲಕ್ಷ ರೂ.ನಿಂದ ಪ್ರಾರಂಭವಾಗಿ 16.20 ಲಕ್ಷ ರೂ.ವರೆಗೆ ಇದೆ. 

ನಮ್ಮ ದೇಶದ ಹೆಮ್ಮೆಯ ಭಾರತೀಯ ರಕ್ಷಣಾ ಸಿಬ್ಬಂದಿಗಳು ಈಗ ಕ್ಯಾಂಟೀನ್ ಸ್ಟೋರ್ಸ್ ಡಿಪಾರ್ಟ್ಮೆಂಟ್ (CSD) ಮೂಲಕ ಹೋಂಡಾ ಎಲಿವೇಟ್ ಅನ್ನು ಖರೀದಿಸಬಹುದು. CSD-ನಿರ್ದಿಷ್ಟ ಎಲಿವೇಟ್‌ನ ನಿಖರವಾದ ಬೆಲೆ ಪಟ್ಟಿ ಇನ್ನೂ ತಿಳಿದಿಲ್ಲವಾದರೂ, ಸಶಸ್ತ್ರ ಪಡೆಗಳ ಸದಸ್ಯರು ವಿಶೇಷ ಬೆಲೆಗಳಲ್ಲಿ SUV ಅನ್ನು ಮನೆಗೆ ತೆಗೆದುಕೊಂಡು ಹೋಗುವ ಅವಕಾಶ ಸಿಗಲಿದೆ. ಜಪಾನಿ ಮೂಲದ ಈ ಕಂಪೆನಿ ಈಗಾಗಲೇ ಸಿಟಿ ಸೆಡಾನ್ ಮತ್ತು ಅಮೇಜ್ ಸಬ್-4ಮೀ ಸೆಡಾನ್ ಅನ್ನು ಸಿಎಸ್‌ಡಿ ಔಟ್‌ಲೆಟ್‌ಗಳ ಮೂಲಕ ಮಾರಾಟ ಮಾಡುತ್ತಿದೆ. 

ಎಲಿವೇಟ್ ಕೊಡುಗೆಯಾಗಿ ಏನು ನೀಡುತ್ತದೆ ಎಂಬುದನ್ನು ತ್ವರಿತವಾಗಿ ನೋಡೋಣ:

ಎಲಿವೇಟ್ ಎಂಜಿನ್ ವಿಶೇಷಣಗಳು

ಹೋಂಡಾ ಎಲಿವೇಟ್ ಹೋಂಡಾ ಸಿಟಿಯ 1.5-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್‌ನೊಂದಿಗೆ  (121 PS/ 145 Nm) ಲಭ್ಯವಿದೆ. ಇದು 6-ಸ್ಪೀಡ್ ಮ್ಯಾನುವಲ್ ಮತ್ತು CVT ಆಯ್ಕೆಗಳನ್ನು ಪಡೆಯುತ್ತದೆ. ಆಫರ್‌ನಲ್ಲಿ ಯಾವುದೇ ಹೈಬ್ರಿಡ್ ಪವರ್‌ಟ್ರೇನ್ ಇಲ್ಲ, ಆದರೆ ಎಲಿವೇಟ್ 2026 ರ ವೇಳೆಗೆ EV ಆವೃತ್ತಿಯನ್ನು ಮಾರುಕಟ್ಟೆಗೆ ಪರಿಚಯಿಸಲಿದೆ. 

ಸಂಬಂಧಿತ: ಹೋಂಡಾ ಎಲಿವೇಟ್ ಎಸ್‌ಯುವಿಯ ವೇರಿಯೆಂಟ್‌ಗಳನ್ನು ವಿವರಿಸಲಾಗಿದೆ: ನೀವು ಯಾವುದನ್ನು ಖರೀದಿಸಬೇಕು?  

ವೈಶಿಷ್ಟ್ಯದಲ್ಲಿನ ಹೈಲೈಟ್ಸ್‌ಗಳು

ಹೋಂಡಾವು ತನ್ನ ಎಲಿವೇಟ್ ಅನ್ನು ಸನ್‌ರೂಫ್, 10.25-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ಕ್ರೂಸ್ ಕಂಟ್ರೋಲ್ ಮತ್ತು 7-ಇಂಚಿನ ಸೆಮಿ-ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇಯೊಂದಿಗೆ ಸಜ್ಜುಗೊಳಿಸಿದೆ.  ಈ ಸೆಗ್ಮೆಂಟ್‌ನಲ್ಲಿ ಇದರ ಪ್ರತಿಸ್ಪರ್ಧಿಗಳು ನೀಡುವ ಪನೋರಮಿಕ್ ಸನ್‌ರೂಫ್ ಮತ್ತು ವೆಂಟಿಲೇಟೆಡ್ ಸೀಟ್‌ಗಳಂತಹ ಕೆಲವು ಹೆಚ್ಚು ಪ್ರಭಾವಶಾಲಿ ವೈಶಿಷ್ಟ್ಯಗಳನ್ನು ಇದು ಪಡೆಯದಿದ್ದರೂ, ಎಲಿವೇಟ್‌ನ ಸಲಕರಣೆಗಳ ಪಟ್ಟಿಯು ನಿಮ್ಮ ಎಲ್ಲಾ ಅಗತ್ಯಗಳನ್ನು ಒಳಗೊಂಡಿದೆ. 

ಈ ಕಾಂಪ್ಯಾಕ್ಟ್ ಎಸ್‌ಯುವಿಯ ಯ ಸುರಕ್ಷತಾ ಕಿಟ್ ಆರು ಏರ್‌ಬ್ಯಾಗ್‌ಗಳು, ಲೇನ್‌ವಾಚ್ ಕ್ಯಾಮೆರಾ (ಎಡಭಾಗದ ORVM ನ ಕೆಳಭಾಗದಲ್ಲಿ ಅಳವಡಿಸಲಾಗಿದೆ), ISOFIX ಚೈಲ್ಡ್ ಸೀಟ್ ಆಂಕಾರೇಜ್‌ಗಳು ಮತ್ತು ಕೆಲವು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿದೆ.

•  ನಿಮ್ಮ ಬಾಕಿ ಇರುವ ಚಲನ್‌ಗಳನ್ನು ಪರಿಶೀಲಿಸಿ

• ಉಪಯೋಗಿಸಿದ ಕಾರಿನ ಮೌಲ್ಯಮಾಪನ

ಆವೃತ್ತಿಗಳು, ಬೆಲೆಗಳು ಮತ್ತು ಸ್ಪರ್ಧೆ

ಹೋಂಡಾ ಎಲಿವೇಟ್ SV, V, VX, ಮತ್ತು ZX ಎಂಬ ನಾಲ್ಕು ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ. ಭಾರತದಾದ್ಯಂತ ಇದರ ರೆಗುಲರ್‌ ಎಕ್ಸ್ ಶೋರೂಂ ಬೆಲೆಗಳು 11.58 ಲಕ್ಷ ರೂ.ನಿಂದ ಪ್ರಾರಂಭವಾಗಿ 16.20 ಲಕ್ಷ ರೂ.ವರೆಗೆ  ಇರುತ್ತದೆ. ಇದು ಮಾರುಕಟ್ಟೆಯಲ್ಲಿ ಮಾರುತಿ ಗ್ರ್ಯಾಂಡ್ ವಿಟಾರಾ, ಕಿಯಾ ಸೆಲ್ಟೋಸ್, ಹ್ಯುಂಡೈ ಕ್ರೆಟಾ, ಟೊಯೊಟಾ ಅರ್ಬನ್ ಕ್ರೂಸರ್ ಹೈರೈಡರ್, ಸ್ಕೋಡಾ ಕುಶಾಕ್, ಎಂಜಿ ಆಸ್ಟರ್, ಫೋಕ್ಸ್‌ವ್ಯಾಗನ್ ಟೈಗನ್ ಮತ್ತು ಸಿಟ್ರೊಯೆನ್ ಸಿ3 ಏರ್‌ಕ್ರಾಸ್‌ಗಳೊಂದಿಗೆ ಸ್ಪರ್ಧಿಸುತ್ತದೆ.

ಇಲ್ಲಿ ಇನ್ನಷ್ಟು ಓದಿ : ಎಲಿವೇಟ್‌ ಆನ್‌ರೋಡ್‌ ಬೆಲೆ