ಕಿಯಾ ಸೆಲ್ಟೋಸ್ Vs ಸ್ಕೋಡಾ ಕುಶಾಕ್ Vs ಫೋಕ್ಸ್‌ವ್ಯಾಗನ್ ಟೈಗನ್: ಟರ್ಬೊ DCT ಮೈಲೇಜ್ ಹೋಲಿಕೆ

ಎಲ್ಲಾ ಮೂರು ಕಾರುಗಳ 1.5-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಅನ್ನು 7-ಸ್ಪೀಡ್ DCT ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ, ಆದರೆ ಅವುಗಳ ಮೈಲೇಜ್ ಮೇಲೆ ಯಾವ ಅಂಶಗಳು ಪರಿಣಾಮ ಬೀರುತ್ತವೆ? ಅದರ ಬಗ್ಗೆ ತಿಳಿದುಕೊಳ್ಳೋಣ

ಕಿಯಾ ಸೆಲ್ಟೋಸ್ ಇತ್ತೀಚೆಗೆ ಮಿಡ್‌ಲೈಫ್ ಅಪ್‌ಡೇಟ್‌ಗೆ ಒಳಗಾಯಿತು. ಇದರಲ್ಲಿ, 1.4-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಬದಲಿಗೆ, ಹೊಸ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಸೇರಿಸಲಾಗಿದೆ. ಈ ಎಂಜಿನ್‌ನೊಂದಿಗೆ, ಇದರಲ್ಲಿ 7-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ (DCT) ಗೇರ್ ಬಾಕ್ಸ್ ಅನ್ನು ನೀಡಲಾಗಿದೆ. ಈ ಹೊಸ ಪವರ್‌ಟ್ರೇನ್‌ನೊಂದಿಗೆ, ಕಿಯಾ ಸೆಲ್ಟೋಸ್ ಎಸ್‌ಯುವಿ  ಸ್ಕೋಡಾ ಕುಶಾಕ್  ಮತ್ತು ಫೋಕ್ಸ್‌ವ್ಯಾಗನ್ ಟೈಗುನ್‌ಗಳೊಂದಿಗೆ ಸ್ಪರ್ಧಿಸುತ್ತದೆ. ಈ ಎಲ್ಲಾ ಮೂರು ಎಸ್‌ಯುವಿ ಕಾರುಗಳಿಗೆ 7-ಸ್ಪೀಡ್ DCT ಗೇರ್‌ಬಾಕ್ಸ್‌ನೊಂದಿಗೆ 1.5-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ನೀಡಲಾಗಿದೆ, ಆದರೆ ಅವುಗಳ ಕಾರ್ಯಕ್ಷಮತೆ ಮತ್ತು ಮೈಲೇಜ್ ನಡುವೆ ಸ್ವಲ್ಪ ವ್ಯತ್ಯಾಸವಿದೆ.

ಪವರ್‌ಟ್ರೇನ್ ಮತ್ತು ಮೈಲೇಜ್‌ಗಳ ಹೋಲಿಕೆ 

 ಮೇಲಿನ ಕೋಷ್ಟಕದಲ್ಲಿ ನೀವು ಗಮನಿಸಬಹುದಾದಂತೆ, ಟೈಗುನ್‌ನ DCT ಗೇರ್‌ಬಾಕ್ಸ್‌ಗೆ ಜೋಡಿಸಲಾದ ಟರ್ಬೊ ಪೆಟ್ರೋಲ್ ಎಂಜಿನ್ ಅತ್ಯಂತ ಇಂಧನ ದಕ್ಷತೆಯನ್ನು ಹೊಂದಿದೆ, ಆದರೆ ಸೆಲ್ಟೋಸ್ ಮೂರನೇ ಸ್ಥಾನದಲ್ಲಿದೆ. ಎರಡು ಅಂಶಗಳಿಂದಾಗಿ ಸ್ಕೋಡಾ ಕುಶಾಕ್ ಮತ್ತು ವೋಕ್ಸ್‌ವ್ಯಾಗನ್ ಟೈಗುನ್ ಪ್ರಮಾಣೀಕೃತ ಮೈಲೇಜ್ ಹೆಚ್ಚಿರಬಹುದು ಎನ್ನುವುದು ನಮ್ಮ ಊಹೆಯಾಗಿದೆ:

1.  ಸೆಲ್ಟೋಸ್‌ನ ಟರ್ಬೊ ಪೆಟ್ರೋಲ್ ಎಂಜಿನ್ ಹೆಚ್ಚಿನ ಪವರ್ ಮತ್ತು ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಇದರಿಂದಾಗಿ ಇದು ಹೆಚ್ಚು ಇಂಧನವನ್ನು ಬಳಸುತ್ತದೆ ಮತ್ತು ಈ ವಾಹನವು ಕಡಿಮೆ ಮೈಲೇಜ್ ನೀಡುತ್ತದೆ.

2.  ಸ್ಕೋಡಾ ಮತ್ತು ವೋಕ್ಸ್‌ವ್ಯಾಗನ್ ತಮ್ಮ ಟರ್ಬೊ-ಪೆಟ್ರೋಲ್ ಎಂಜಿನ್‌ಗಳನ್ನು ಆಕ್ಟಿವ್ ಸಿಲಿಂಡರ್ ಡಿಆಕ್ಟಿವೇಟಿಂಗ್ ತಂತ್ರಜ್ಞಾನದೊಂದಿಗೆ (ACT) ತಯಾರಿಸಲಾಗಿದೆ, ಇದು ಕಡಿಮೆ ಒತ್ತಡದ ಸನ್ನಿವೇಶಗಳಲ್ಲಿ ಎರಡು ಸಿಲಿಂಡರ್‌ಗಳನ್ನು ಮುಚ್ಚುತ್ತದೆ, ಇದರಿಂದಾಗಿ ಹೆಚ್ಚಿನ ಮೈಲೇಜ್ ಮರಳುತ್ತದೆ.

 ಹೊಸ ಕಿಯಾ ಸೆಲ್ಟೋಸ್‌ನ ಟರ್ಬೊ-DCT ಎಂಜಿನ್ ಫೋಕ್ಸ್‌ವ್ಯಾಗನ್-ಸ್ಕೋಡಾ ಕಾರುಗಳಲ್ಲಿ ಕಂಡುಬರುವ ಪವರ್‌ಟ್ರೇನ್‌ನಷ್ಟು ಮೈಲೇಜ್ ನೀಡುವುದಿಲ್ಲ ಎಂಬುದು ಇಲ್ಲಿ ಗಮನಿಸಬೇಕಾದ ಸಂಗತಿ. ಆದಾಗ್ಯೂ, ಹೆಚ್ಚಿನ ಕಾರ್ಯಕ್ಷಮತೆಯ ಹೊರತಾಗಿಯೂ ಇದು ಹಳೆಯ ಟರ್ಬೊ-DCT ಎಂಜಿನ್‌ಗಿಂತ ಉತ್ತಮ ಇಂಧನ ದಕ್ಷತೆಯನ್ನು ನೀಡುತ್ತದೆ.

 ಇದನ್ನೂ ಓದಿ: ಇಂದಿನಿಂದ ರಾಷ್ಟ್ರವ್ಯಾಪಿ ಮಾನ್ಸ್‌ಸೂನ್ ಸೇವಾಶಿಬಿರವನ್ನು ಆಯೋಜಿಸುತ್ತಿರುವ ಸ್ಕೋಡಾ  

ಯಾವ ವೇರಿಯಂಟ್‌ಗಳು ಈ ಪವರ್‌ಟ್ರೇನ್ ಆಯ್ಕೆಗಳನ್ನು ಪಡೆಯುತ್ತವೆ?

 ಕಿಯಾ ಸೆಲ್ಟೋಸ್‌ನ ಟಾಪ್-ಸ್ಪೆಕ್ HTX+, GTX+ ಮತ್ತು X-ಲೈನ್ ವೇರಿಯಂಟ್‌ಗಳಲ್ಲಿ ಮಾತ್ರ ಟರ್ಬೊ-DCT ಪವರ್‌ಟ್ರೇನ್ ಆಯ್ಕೆಗಳನ್ನು ನೀಡುತ್ತದೆ. ಇದು 6-ಸ್ಪೀಡ್ IMT (ಕ್ಲಚ್ ಪೆಡಲ್ ರಹಿತ ಮ್ಯಾನುಯಲ್) ಗೇರ್‌ಬಾಕ್ಸ್‌ಗೆ ಜೋಡಿಸಲಾದ ಶಕ್ತಿಯುತ 1.5-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಅನ್ನು ಸಹ ಪಡೆಯುತ್ತದೆ. ಆದಾಗ್ಯೂ, ಈ ಎಂಜಿನ್-ಗೇರ್ ಬಾಕ್ಸ್ ಆಯ್ಕೆಯು HTX+ ವೇರಿಯಂಟ್‌ಗಳಲ್ಲಿ ಮಾತ್ರ ಲಭ್ಯವಿದೆ.

 ಈ ಎಂಜಿನ್-ಗೇರ್‌ಬಾಕ್ಸ್ ಆಯ್ಕೆಯು ಸ್ಕೋಡಾ ಕುಶಾಕ್‌ನಲ್ಲಿ ಮಿಡ್-ವೇರಿಯಂಟ್ ಆಂಬಿಷನ್ ಮತ್ತು ಟಾಪ್-ಸ್ಪೆಕ್ ಸ್ಟೈಲ್‌ನೊಂದಿಗೆ ಲಭ್ಯವಿದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಅದರ ಸ್ಟೈಲ್ ವೇರಿಯಂಟ್‌ನಲ್ಲಿಯೂ ಇದನ್ನು ಸನ್‌ರೂಫ್ ಮಾಡೆಲ್‌ನಲ್ಲಿ ಮಾತ್ರ ನೀಡಲಾಗಿದೆ. ಮತ್ತೊಂದೆಡೆ, ಈ ಎಂಜಿನ್-ಗೇರ್‌ಬಾಕ್ಸ್ ಆಯ್ಕೆಯು  ಫೋಕ್ಸ್‌ವ್ಯಾಗನ್ ಟೈಗನ್ ಎಸ್‌ಯುವಿಯ  ಪರ್ಫಾರ್ಮೆನ್ಸ್ ಲೈನ್ ವೇರಿಯಂಟ್‌ಗಳಾದ GT, GT+ ಮತ್ತು GT ಎಡ್ಜ್‌ನೊಂದಿಗೆ ಮಾತ್ರ ಲಭ್ಯವಿದೆ. ಇದಲ್ಲದೆ, 150PS ಟರ್ಬೊ-ಪೆಟ್ರೋಲ್ ಎಂಜಿನ್‌ ಜೊತೆಗೆ 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಅನ್ನು ಸಹ ನೀಡಲಾಗಿದೆ.

ಟರ್ಬೊ ವೇರಿಯಂಟ್‌ಗಳ ಬೆಲೆಗಳು

ಸೆಲ್ಟೋಸ್‌ನ ಟರ್ಬೊ ವೇರಿಯಂಟ್‌ಗಳ ಬೆಲೆಗಳು ರೂ. 19.20 ಲಕ್ಷದಿಂದ ರೂ. 20 ಲಕ್ಷದವರೆಗೆ ಇದೆ, ಆದರೆ ಕುಶಾಕ್ ಮತ್ತು ಟೈಗನ್‌ನ ಟರ್ಬೊ ಪೆಟ್ರೋಲ್ ವೇರಿಯಂಟ್‌ಗಳ ಬೆಲೆಗಳು ರೂ. 16.79 ಲಕ್ಷದಿಂದ ರೂ. 19.69 ಲಕ್ಷದವರೆಗೆ ಇದೆ. ಈ ಮೂರು ಕಾರುಗಳಲ್ಲಿ, ಸೆಲ್ಟೋಸ್ ಹೆಚ್ಚಿನ ಬೆಲೆಯನ್ನು ಹೊಂದಿದೆ, ಈ ವಾಹನವು ವಿಭಾಗದ ಅತ್ಯಂತ ದುಬಾರಿ ಕಾರಾಗಿದೆ.

 ಇದನ್ನೂ ಓದಿ: ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್‌ನ ವೇರಿಯಂಟ್‌ವಾರು ಫೀಚರ್‌ಗಳು ಬಹಿರಂಗ 

 7-ಸ್ಪೀಡ್ DCT ಆಯ್ಕೆಯೊಂದಿಗೆ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿರುವ ಈ ಮೂರು ಕಾಂಪ್ಯಾಕ್ಟ್ ಎಸ್‌ಯುವಿಗಳಲ್ಲಿ ನಿಮ್ಮ ಆಯ್ಕೆ ಯಾವುದು? ಕಾಮೆಂಟ್‌ ಮಾಡುವ ಮೂಲಕ ನಮಗೆ ತಿಳಿಸಿ.

 ಎಲ್ಲವೂ ಎಕ್ಸ್‌ಶೋರೂಂ ದೆಹಲಿಯ ಬೆಲೆಗಳಾಗಿವೆ

ಇನ್ನಷ್ಟು ಓದಿ: ಸೆಲ್ಟೋಸ್ ಆನ್ ರೋಡ್ ಬೆಲೆ