ಶೀಘ್ರದಲ್ಲೇ ನವೀಕೃತ ಫೀಚರ್‌ಗಳನ್ನು ಪಡೆಯಲಿರುವ ಕಿಯಾ ಸೋನೆಟ್, ಸೆಲ್ಟೋಸ್ ಮತ್ತು ಕಾರೆನ್ಸ್
ಹೆಚ್ಚಿನ ನವೀಕರಣವು ಸುರಕ್ಷತೆಯ ವಿಷಯವನ್ನು ಒಳಗೊಂಡಿದ್ದು, ಅತಿ ಮುಖ್ಯವಾಗಿ ಇದು ಹಿಂಭಾಗದ ಮಧ್ಯದ ಪ್ರಯಾಣಿಕರಿಗಾಗಿ ಮೂರು-ಪಾಯಿಂಟ್ ಸೀಟ್‌ಬೆಲ್ಟ್ ಅನ್ನು ಪರಿಚಯಿಸುತ್ತಿದೆ.
- ಹಿಂಭಾಗದ ಮಧ್ಯದ ಪ್ರಯಾಣಿಕರ ಸೀಟ್‌ಬೆಲ್ಟ್ ಅನ್ನು ಮೊದಲು ಎರಡು ಎಸ್‌ಯುವಿಗಳಲ್ಲಿ ಪರಿಚಯಿಸಲಾಗುತ್ತಿದ್ದು ನಂತರ ಕಾರೆನ್ಸ್‌ಗೆ ಅಳವಡಿಸಲಾಗುತ್ತದೆ.
-
ಕಿಯಾ ತನ್ನ ಸೋನೆಟ್‌ನ ಎಲ್ಲಾ ವೇರಿಯೆಂಟ್‌ಗಳಲ್ಲಿ ISOFIX ಮತ್ತು ESC (ಡಿಸೇಲ್ ಮಾತ್ರ) ಅನ್ನು ನೀಡುತ್ತಿದೆ.
-
ಈ ಕಾರೆನ್ಸ್ ಶೀಘ್ರದಲ್ಲೇ 12.5-ಇಂಚಿನ ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಪ್ರಮಾಣಿತವಾಗಿ ಪಡೆಯುತ್ತಿದೆ.
-
ಮಾರ್ಚ್ 1 ರಿಂದ ಅಲೆಕ್ಸಾ ಕನೆಕ್ಟಿವಿಟಿಯನ್ನು ಬೆಂಬಲಿಸಲು ಎಲ್ಲಾ ಮೂರು ಕಾರುಗಳ ಸಂಪರ್ಕಿತ ಕಾರ್ ಟೆಕ್ ಅನ್ನು ನವೀಕರಿಸಲಾಗಿದೆ.
-
ಈ ನವೀಕರಣಗಳು ಹೊರಬಂದ ನಂತರ ಅವುಗಳ ಬೆಲೆಯು ಹೆಚ್ಚಾಗುವ ಸಾಧ್ಯತೆಯಿದೆ.
BS6 ಹಂತ II ಅಪ್‌ಗ್ರೇಡ್ ಹೊರತಾಗಿ ಕಿಯಾ ತನ್ನ ಸ್ಥಳೀಯ ಮೂರು ಕಾರುಗಳಾಗಿರುವ ಸೋನೆಟ್, ಸೆಲ್ಟೋಸ್ ಮತ್ತು ಕಾರೆನ್ಸ್‌ಗೆ ಅನೇಕ ನವೀಕರಣಗಳನ್ನು ಯೋಜಿಸಿದೆ. ಈ ಕೊರಿಯನ್ ಬ್ರ್ಯಾಂಡ್ ತನ್ನ ಮೂರು ಮಾಡೆಲ್‌ಗಳಿಗೆ ಕೆಲವು ಫೀಚರ್ ನವೀಕರಣಗಳನ್ನು ಅಳವಡಿಸಲಿದೆ ಎಂಬ ವಿಷಯವು ಈಗ ನಮ್ಮ ಮೂಲಗಳಿಂದ ತಿಳಿದುಬಂದಿದೆ.
ಕಿಯಾ ಅಳವಡಿಸಿರುವ ಮಾಡೆಲ್‌ವಾರು ಬದಲಾವಣೆಗಳು ಇಲ್ಲಿವೆ:
ಸೋನೆಟ್
| ಫೀಚರ್ ನವೀಕರಣ |
ವೇರಿಯೆಂಟ್ |
| ಎಲೆಕ್ಟ್ರಿಸಿಟಿ ಸ್ಟೆಬಿಲಿಟಿ ಕಂಟ್ರೋಲ್ (ESC) |
ಎಲ್ಲಾ ಡೀಸೆಲ್ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| ISOFIX ಚೈಲ್ಡ್ ಸೀಟ್ ಆ್ಯಂಕರೇಜ್‌ಗಳು |
ಎಲ್ಲಾ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| 3-ಪಾಯಿಂಟ್ ರಿಯರ್ ಸೆಂಟರ್ ಸೀಟ್‌ಬೆಲ್ಟ್ |
ಎಲ್ಲಾ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| ಹೊಂದಿಸಬಹುದಾದ ರಿಯರ್ ಹೆಡ್‌ರೆಸ್ಟ್‌ಗಳು |
ಎಲ್ಲಾ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| ಹೊಂದಿಸಬಹುದಾದ ರಿಯರ್ ಸೆಂಟರ್ ಹೆಡ್‌ರೆಸ್ಟ್‌ಗಳು |
ಎಲ್ಲಾ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| ಕಿಯಾ ಕನೆಕ್ಟ್‌ಗಾಗಿ ಅಲೆಕ್ಸಾ ಕನೆಕ್ಟಿವಿಟಿ (ಈಗಾಗಲೇ ಪರಿಚಯಿಸಲಾಗಿದೆ) |
HTX+, GTX+, X-ಲೈನ್ |
-
ನವೀಕರಣದೊಂದಿಗೆ, ಸೋನೆಟ್‌ನಾದ್ಯಂತ ಹೆಚ್ಚಿನ ಸುರಕ್ಷತಾ ಫೀಚರ್‌ಗಳನ್ನು ಪ್ರಮಾಣಿತವಾಗಿ ನೀಡಲು ಕಿಯಾ ನಿರ್ಧರಿಸಿದೆ. ಈ ಹಿಂದೆ ಹೈ-ಸ್ಪೆಕ್ಡ್ HTX ಟ್ರಿಮ್ನಿಂದ ಮಾತ್ರ ಲಭ್ಯವಿದ್ದ, ISOFIX ಆ್ಯಂಕರ್‌ಗಳು ಮತ್ತು ಹೊಂದಿಸಬಹುದಾದ ರಿಯರ್ ಹೆಡ್‌ರೆಸ್ಟ್‌ಗಳನ್ನು ಇದರಲ್ಲಿ ನೀಡಲಾಗಿದೆ.
-
ಸಬ್-4m ಎಸ್‌ಯುವಿಗಾಗಿ ಕಾರು ತಯಾರಕರು ಎರಡು ಚಿಕ್ಕ ಆದರೆ ಪ್ರಮುಖ ಫೀಚರ್‌ಗಳನ್ನು ಹೊರತರಲಿದ್ದಾರೆ: ಹಿಂಭಾಗದ ಮಧ್ಯದ ಪ್ರಯಾಣಿಕರಿಗೆ ಮೂರು-ಪಾಯಿಂಟ್ ಸೀಟ್‌ಬೆಲ್ಟ್ ಮತ್ತು ಈ ಪ್ರಯಾಣಿಕರಿಗೆ ಹೊಂದಿಸಬಹುದಾದ ಹೆಡ್‌ರೆಸ್ಟ್.
-
ಸೋನೆಟ್ ಈಗಾಗಲೇ ನಾಲ್ಕು ಏರ್‌ಬ್ಯಾಗ್‌ಗಳು ಮತ್ತು ಹೈಲೈನ್ ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಅನ್ನು ಪ್ರಮಾಣಿತವಾಗಿ ಪಡೆದಿದೆ.
-
ಆದಾಗ್ಯೂ, ಸೋನೆಟ್ ಇನ್ನು ಮುಂದೆ ಮಡಚಬಹುದಾದ ರಿಯರ್ ಆರ್ಮ್‌ರೆಸ್ಟ್ ಅನ್ನು ಪಡೆಯುವುದಿಲ್ಲ.
-
ಕಿಯಾ ಇತ್ತೀಚೆಗೆ (ಮಾರ್ಚ್ 1, 2023 ರಿಂದ) ಅಮೆಜಾನ್ ಅಲೆಕ್ಸಾ ಕನೆಕ್ಟಿವಿಟಿಯೊಂದಿಗೆ ಸೋನೆಟ್ ರೇಂಜ್‌ನ ಅಗ್ರ ಟ್ರಿಮ್‌ಗಳಲ್ಲಿ ಸಂಪರ್ಕಿತ ಕಾರ್ ಟೆಕ್ ಅನ್ನು ನವೀಕರಿಸಿದೆ. ರಿಮೋಟ್ ಕ್ಲೈಮೇಟ್ ಕಂಟ್ರೋಲ್, ರಿಮೋಟ್ ವೆಹಿಕಲ್ ಸ್ಟೇಟಸ್ ಚೆಕ್, ವೆಹಿಕಲ್ ಲಾಕ್/ಅನ್‌ಲಾಕ್, ಫೈಂಡ್ ಮೈ ಕಾರ್, ಸ್ಪೀಡ್ ಅಲರ್ಟ್ (ಆನ್/ಆಫ್) ಮುಂತಾದ ರಿಮೋಟ್ ಕಮಾಂಡ್‌ಗಳನ್ನು ಕಿಯಾ ಕನೆಕ್ಟ್ ಮೂಲಕ ನೀಡಲು ಇದು ಬಳಕೆದಾರರಿಗೆ ಅನುವುಮಾಡಿಕೊಡುತ್ತದೆ. ಈ ಫೀಚರ್ ಅನ್ನು ಅಸ್ತಿತ್ವದಲ್ಲಿರುವ ಗ್ರಾಹಕರು ಹಾಗೂ ಹೊಸ ಗ್ರಾಹಕರಿಗೆ ಪರಿಚಯಿಸಲಾಗುತ್ತಿದೆ.
ಸೆಲ್ಟೋಸ್
| ಫೀಚರ್ |
ವೇರಿಯೆಂಟ್ |
| 3-ಪಾಯಿಂಟ್ ರಿಯರ್ ಸೆಂಟರ್ ಸೀಟ್‌ಬೆಲ್ಟ್ |
ಎಲ್ಲಾ ವೇರಿಯೆಂಟ್‌ಗಳಿಗೂ ಪ್ರಮಾಣಿತವಾಗಿದೆ |
| ಕಿಯಾ ಕನೆಕ್ಟ್‌ಗಾಗಿ ಅಲೆಕ್ಸಾ ಕನೆಕ್ಟಿವಿಟಿ (ಈಗಾಗಲೇ ಪರಿಚಯಿಸಲಾಗಿದೆ) |
HTX, HTX+, GTX (O), GTX+, X-ಲೈನ್ |
-
ಸೋನೆಟ್‌ನಂತೆಯೇ, ಈ ಸೆಲ್ಟೋಸ್ ಸಹ ಹಿಂಭಾಗದ ಮಧ್ಯದ ಸೀಟ್ ಪ್ರಯಾಣಿಕರಿಗಾಗಿ ಮೂರು-ಪಾಯಿಂಟ್‌ನ ಸೀಟ್‌ಬೆಲ್ಟ್ ಅನ್ನು ಪಡೆದುಕೊಳ್ಳಲಿದೆ.
-
ಇದರ ಸಂಪರ್ಕಿತ ಕಾರ್‌ಟೆಕ್ ಅನ್ನು ನವೀಕರಿಸಲಾಗಿದ್ದು, ಮೊದಲೇ ಹೇಳಿದಂತೆ ಈಗ ಅದೇ ಕಾರ್ಯಗಳಿಗಾಗಿ ಅಮೆಜಾನ್ ಅಲೆಕ್ಸಾ ಕನೆಕ್ಟಿವಿಟಿಯನ್ನು ಪಡೆಯಲಿದೆ.
ಇದನ್ನೂ ಓದಿ: ನಿಮ್ಮ ಸನ್‌ರೂಫ್‌ನ ಸಮರ್ಪಕ ಬಳಕೆಗೆ ಮತ್ತು ನಿರ್ವಹಣೆಗೆ 5 ಸಲಹೆಗಳು
ಕಾರೆನ್ಸ್
| ಫೀಚರ್ |
ವೇರಿಯೆಂಟ್ |
| 12.5-ಇಂಚ್ ಡಿಜಿಟಲ್ ಇನ್‌ಸ್ಟ್ರೂಮೆಂಟ್ ಕ್ಲಸ್ಟರ್ |
ಎಲ್ಲಾ ವೇರಿಯೆಂಟ್‌ಗಳಲ್ಲಿ ಪ್ರಮಾಣಿತವಾಗಿದೆ |
| ಲೆದರ್‌ನಿಂದ ಸುತ್ತಲ್ಪಟ್ಟ ಗೇರ್ ನ್ಯಾಬ್ |
ಪ್ರೆಸ್ಟಿಜ್ ಪ್ಲಸ್ ನಂತರದಿಂದ |
| 3-ಪಾಯಿಂಟ್ ರಿಯರ್ ಸೆಂಟರ್ ಸೀಟ್‌ಬೆಲ್ಟ್ |
ಶೀಘ್ರದಲ್ಲೇ ಪ್ರಮಾಣಿತವಾಗಿ ನೀಡಲಾಗುವುದು |
| ಕಿಯಾ ಸಂಪರ್ಕಕ್ಕಾಗಿ ಅಲೆಕ್ಸಾ ಕನೆಕ್ಟಿವಿಟಿ (ಈಗಾಗಲೇ ಪರಿಚಯಿಸಲಾಗಿದೆ) |
ಲಕ್ಸುರಿ, ಲಕ್ಸುರಿ ಪ್ಲಸ್ |
-
ಕಿಯಾ ಶೀಘ್ರದಲ್ಲಿಯೇ ಕಾರೆನ್ಸ್‌ನ ಬೇಸ್-ಸ್ಪೆಕ್ ಪ್ರೀಮಿಯಂ ಟ್ರಿಮ್ನಿಂದ 12.5-ಇಂಚಿನ ಡಿಜಿಟಲ್ ಇನ್‌ಸ್ಟ್ರೂಮೆಂಟ್ ಕ್ಲಸ್ಟರ್ ಅನ್ನು ಪರಿಚಯಿಸಲಿದೆ. ಇಲ್ಲಿಯವರೆಗೆ ಇದು ಎರಡನೇ-ಬೇಸ್ ಪ್ರೆಸ್ಟಿಜ್ ಟ್ರಿಮ್‌ನಲ್ಲಿ ಮಾತ್ರ ನೀಡಲಾಗುತ್ತಿದೆ.
-
ಈ ಎಂಪಿವಿಯು ಮಿಡ್-ಸ್ಪೆಕ್ ಪ್ರೆಸ್ಟಿಜ್ ಪ್ಲಸ್ ಟ್ರಿಮ್ನಿಂದ ಲೆದರ್‌ನಿಂದ ಸುತ್ತಲ್ಪಟ್ಟ ಗೇರ್ ನಾಬ್‌ನೊಂದಿಗೆ ಬರಲಿದ್ದು, ಇದನ್ನು ಇಲ್ಲಿಯವರೆಗೆ ಹೆಚ್ಚಿನ ವಿಶೇಷತೆಯ ಐಷಾರಾಮಿ ವೇರಿಯೆಂಟ್‌ಗಳಲ್ಲಿ ಮಾತ್ರ ನೀಡಲಾಗುತ್ತಿತ್ತು.
-
ಕಾರುತಯಾರಕರು ಈ ನವೀಕರಣದೊಂದಿಗೆ ಕಾರೆನ್ಸ್‌ನಲ್ಲಿ ಮೂರು-ಪಾಯಿಂಟ್ ರಿಯರ್ ಸೆಂಟರ್ ಸೀಟ್‌ಬೆಲ್ಟ್‌ನೊಂದಿಗೆ ಅದನ್ನು ಒದಗಿಸುವುದಿಲ್ಲ, ಆದರೆ ಸ್ವಲ್ಪ ಸಮಯದ ನಂತರ ಅದನ್ನು ಬಿಡುಗಡೆಗೊಳಿಸಲಾಗುತ್ತದೆ.
-
ಈ ಎಸ್‌ಯುವಿ ಜೋಡಿಯಂತೆಯೇ ಕಾರೆನ್ಸ್‌ನ ಸಂಪರ್ಕಿತ ಕಾರ್ ಟೆಕ್ ಸಹ ಅದೇ ಕಾರ್ಯಗಳನ್ನು ನಿರ್ವಹಿಸಲು ಮಾರ್ಚ್ 1 ರಿಂದ ಅಲೆಕ್ಸಾ ಕನೆಕ್ಟಿವಿಟಿಯನ್ನು ಪಡೆಯುತ್ತಿದೆ.
ಸಂಬಂಧಿತ: ಸೋನೆಟ್, ಸೆಲ್ಟೋಸ್ ಮತ್ತು ಕಾರೆನ್ಸ್‌ನಿಂದ ಡಿಸೇಲ್-ಮ್ಯಾನ್ಯುವಲ್ ಆಯ್ಕೆಯನ್ನು ಕೈಬಿಡುತ್ತಿರುವ ಕಿಯಾ ಇಂಡಿಯಾ
ಬೆಲೆ ಮತ್ತು ಪ್ರತಿಸ್ಪರ್ಧಿಗಳು
ಈ ನವೀಕರಣಗಳೊಂದಿಗೆ, ಈ ಎಲ್ಲಾ ಮೂರು ಕಾರುಗಳು ಅವುಗಳ ಬೆಲೆಯಲ್ಲಿ ಏರಿಕೆಯನ್ನು ಪಡೆಯುತ್ತವೆ ಎಂದು ನಾವು ನಿರೀಕ್ಷಿಸುತ್ತೇವೆ. ಸದ್ಯಕ್ಕೆ, ಸೋನೆಟ್ ಬೆಲೆ ರೂ. 7.69 ಲಕ್ಷದಿಂದ ರೂ. 14.39 ಲಕ್ಷ ರೂಗಳಾಗಿದ್ದರೆ, ಸೆಲ್ಟೋಸ್ ಮತ್ತು ಕಾರೆನ್ಸ್ ರೂ.10.19 ಲಕ್ಷದಿಂದ ರೂ.19.15 ಲಕ್ಷಗಳರೆಗಿನ ಬೆಲೆಯಲ್ಲಿ ಮಾರಾಟವಾಗುತ್ತಿದೆ. ಕಿಯಾದ ಸಬ್-4m ಎಸ್‌ಯುವಿಯು ಮಹೀಂದ್ರಾ XUV300, ಹ್ಯುಂಡೈ ವೆನ್ಯು, ಟಾಟಾ ನೆಕ್ಸಾನ್, ನಿಸಾನ್ ಮ್ಯಾಗ್ನೈಟ್, ಮಾರುತಿ ಬ್ರೆಝಾ, ಮತ್ತು ರೆನಾಲ್ಟ್ ಕಿಗರ್‌ಗೆ ಪ್ರತಿಸ್ಪರ್ಧಿಯಾಗಲಿದೆ. ಇನ್ನೊಂದೆಡೆ, ಈ ಸೆಲ್ಟೋಸ್ ಹ್ಯುಂಡೈ ಕ್ರೆಟಾ, ಸ್ಕೋಡಾ ಕುಶಾಕ್, ಫೋಕ್ಸ್‌ವ್ಯಾಗನ್ ಟೈಗನ್ ಮತ್ತು ಮಾರುತಿ ಗ್ರ್ಯಾಂಡ್ ವಿಟಾರಾಗಳಿಗೆ ಪ್ರತಿಸ್ಪರ್ಧೆಯನ್ನು ಹೊಂದಿದೆ. ಏತನ್ಮಧ್ಯೆ ಕಾರೆನ್ಸ್ ಅನ್ನು ಟೊಯೋಟಾ ಇನೋವಾದ ಕೆಳಗಿನ ಸ್ಥಾನದಲ್ಲಿ ಮತ್ತು ಹ್ಯುಂಡೈ ಅಲ್ಕಾಝರ್‌. ಗೆ ಪರ್ಯಾಯವಾಗಿ ಇರಿಸಲಾಗಿದೆ.
ಇನ್ನೂ ಹೆಚ್ಚಿನದನ್ನು ಇಲ್ಲಿ ಓದಿ : ಸೋನೆಟ್ ಡಿಸೇಲ್
rohit
- 11 ವೀಕ್ಷಣಿಗಳು