ಅತ್ಯಂತ ಸುರಕ್ಷಿತ ಭಾರತ-ನಿರ್ಮಿತ ಕಾರುಗಳೆನಿಸಿವೆ ಟಾಟಾ ಹ್ಯಾರಿಯರ್ ಮತ್ತು ಟಾಟಾ ಸಫಾರಿ

ಹೊಸ ಟಾಟಾ ಹ್ಯಾರಿಯರ್ ಮತ್ತು ಸಫಾರಿಯು ಗ್ಲೋಬಲ್ ಎನ್‌ಸಿಎಪಿ ಇದುವರೆಗೆ ಪರೀಕ್ಷಿಸಿದ ಕಾರುಗಳಲ್ಲಿ ಅತಿ ಹೆಚ್ಚು ಅಂಕ ಗಳಿಸಿದ ಭಾರತದ ಎಸ್‌ಯುವಿಗಳಾಗಿವೆ

•  ಎರಡೂ ಎಸ್‌ಯುವಿಗಳು ಮಕ್ಕಳು ಮತ್ತು ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ 5 ಸ್ಟಾರ್‌ಗಳನ್ನು ಪಡೆದಿವೆ.
•  ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ ಇವು 34 ಅಂಕಗಳಲ್ಲಿ 33.05 ಅಂಕಗಳನ್ನು ಗಳಿಸಿವೆ.
•  ಮಕ್ಕಳ ಸುರಕ್ಷತೆಯ ವಿಷಯದಲ್ಲಿ, ಹೊಸ ಹ್ಯಾರಿಯರ್ ಮತ್ತು ಸಫಾರಿ 49 ರಲ್ಲಿ 45 ಅಂಕಗಳನ್ನು ಪಡೆದಿವೆ.
•  ಆಫರ್‌ನಲ್ಲಿರುವ ಪ್ರಮಾಣಿತ ಸುರಕ್ಷತಾ ಫೀಚರ್‌ಗಳಲ್ಲಿ 6 ಏರ್‌ಬ್ಯಾಗ್‌ಗಳು, ISOFIX ಸೀಟ್ ಮೌಂಟ್‌ಗಳು ಮತ್ತು ಇಎಸ್‌ಪಿ ಸೇರಿವೆ.
•  ಎರಡೂ ಸಹ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಹೈ ಬೀಮ್ ಅಸಿಸ್ಟ್ ಸೇರಿದಂತೆ ಕೆಲವು ADAS ತಂತ್ರಜ್ಞಾನವನ್ನು ಒಳಗೊಂಡಿವೆ.

ಈ ನವೀಕೃತ ಟಾಟಾ ಹ್ಯಾರಿಯರ್ ಮತ್ತು ಟಾಟಾ ಸಫಾರಿ ಇದೀಗ ಮಾರಾಟಕ್ಕೆ ಸಿದ್ಧವಾಗಿವೆ. ಪ್ರಸ್ತುತ ಸಮಯದಲ್ಲಿ, ಎರಡು ಎಸ್‌ಯುವಿಗಳು ಗ್ಲೋಬಲ್ ಎನ್‌ಸಿಎಪಿ (ಹೊಸ ಕಾರು ಮೌಲ್ಯಮಾಪನ ಪ್ರೋಗ್ರಾಂ) ಕ್ರ್ಯಾಶ್ ಪರೀಕ್ಷೆಗಳಲ್ಲಿ 5-ಸುರಕ್ಷತಾ ರೇಟಿಂಗ್ ಅನ್ನು ಪಡೆದಿವೆ ಎಂಬ ಬ್ರೇಕಿಂಗ್ ಸುದ್ದಿ ಬಂದಿತು. ಎರಡೂ ಎಸ್‌ಯುವಿಗಳು ಮಕ್ಕಳು ಮತ್ತು ವಯಸ್ಕ ಪ್ರಯಾಣಿಕರ ರಕ್ಷಣಾ ಮೌಲ್ಯಮಾಪನದಲ್ಲಿ 5 ಸ್ಟಾರ್‌ಗಳನ್ನು ಪಡೆದಿವೆ.

ವಯಸ್ಕ ಪ್ರಯಾಣಿಕರ ರಕ್ಷಣೆ

ಮುಂಭಾಗದ ಪರಿಣಾಮ (64kmph)

 ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ ಹೊಸ ಹ್ಯಾರಿಯರ್ ಮತ್ತು ಸಫಾರಿ 34 ರಲ್ಲಿ 33.05 ಅಂಕಗಳನ್ನು ಪಡೆದುಕೊಂಡಿದೆ. ಈ ಎಸ್‌ಯುವಿ ಜೋಡಿಯು ಚಾಲಕ ಮತ್ತು ಪ್ರಯಾಣಿಕರ ತಲೆ ಮತ್ತು ಕುತ್ತಿಗೆಗೆ ‘ಉತ್ತಮ’ ಎನಿಸುವಷ್ಟು ರಕ್ಷಣೆಯನ್ನು ನೀಡಿತು. ಚಾಲಕ ಮತ್ತು ಪ್ರಯಾಣಿಕರ ಎದೆಯ ರಕ್ಷಣೆಯನ್ನು ‘ಸಮರ್ಪಕ’ ಎಂದು ರೇಟ್ ಮಾಡಲಾಗಿದ್ದು ಚಾಲಕ ಮತ್ತು ಪ್ರಯಾಣಿಕರ ಮೊಣಕಾಲುಗಳು ‘ಉತ್ತಮ’ ರಕ್ಷಣೆ ಎಂಬುದನ್ನು ತೋರಿಸಿದವು.

ಚಾಲಕರ ಕಾಲಿನ ಕೆಳಭಾಗವು ‘ಸಮರ್ಪಕ’ ರಕ್ಷಣೆಯನ್ನು ಪಡೆದರೆ, ಪ್ರಯಾಣಿಕರು ಒಟ್ಟಾರೆಯಾಗಿ ‘ಉತ್ತಮ’ ರಕ್ಷಣೆಯನ್ನು ಪಡೆಯುತ್ತಾರೆ. ಇವುಗಳ ಫುಟ್‌ವೆಲ್ ಸ್ಥಳವನ್ನು ಮತ್ತು ದೇಹವನ್ನು ‘ಸ್ಥಿರ’ ಎಂದು ಪರಿಗಣಿಸಲಾಗುತ್ತದೆ. ಎರಡು ಟಾಟಾ ಎಸ್‌ಯುವಿಗಳು ಹೆಚ್ಚಿನ ಹೊರೆಗಳನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಪರಿಗಣಿಸಲಾಗಿದೆ.

ಪಾರ್ಶ್ವ ಪರಿಣಾಮ (50kmph)

 ಪಾರ್ಶ್ವ ಪರಿಣಾಮ ಪರೀಕ್ಷೆಯ ಅಡಿಯಲ್ಲಿ, ತಲೆ, ಎದೆ, ಹೊಟ್ಟೆ ಮತ್ತು ಸೊಂಟದ ರಕ್ಷಣೆಯನ್ನು ‘ಉತ್ತಮ’ ಎಂದು ಪರಿಗಣಿಸಲಾಗಿದೆ.

 ಸೈಡ್ ಪೋಲ್ ಪರಿಣಾಮ (29kmph)

 ಕರ್ಟನ್ ಏರ್‌ಬ್ಯಾಗ್‌ಗಳ ಫಿಟ್‌ಮೆಂಟ್ ಸಹ ಅಗತ್ಯ ಪ್ರೋಟೋಕಾಲ್‌ಗಳ ಪ್ರಕಾರವಾಗಿಯೇ ಇದೆ. ಸೈಡ್ ಪೋಲ್ ಪರಿಣಾಮ ಪರೀಕ್ಷೆಯಲ್ಲಿ, ಕರ್ಟನ್ ಏರ್‌ಬ್ಯಾಗ್‌ಗಳಿಂದ ತಲೆ ಮತ್ತು ಸೊಂಟಕ್ಕೆ ‘ಉತ್ತಮ’ ಎನಿಸುವಷ್ಟು ರಕ್ಷಣೆ ಸಿಕ್ಕಿದರೆ, ಎದೆಗೆ ‘ಮಾರ್ಜನಲ್’ ರಕ್ಷಣೆ ಮತ್ತು ಹೊಟ್ಟೆಗೆ ‘ಸಾಕಷ್ಟು’ ರಕ್ಷಣೆ ದೊರಕಿದೆ.

ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್‌ಸಿ)

 ನವೀಕೃತ ಟಾಟಾದ ಪ್ರಮುಖ ಎಸ್‌ಯುವಿಗಳಲ್ಲಿ ಇಎಸ್‌ಸಿ ಫಿಟ್‌ಮೆಂಟ್ ದರದ ಅವಶ್ಯಕತೆಗಳನ್ನು ಪೂರೈಸಿದೆ ಮತ್ತು ಪರೀಕ್ಷೆಯಲ್ಲಿ ತೋರಿಸಲಾದ ಕಾರ್ಯಕ್ಷಮತೆಯು ಗ್ಲೋಬಲ್ ಎನ್‌ಸಿಎಪಿಯ ಹೊಸ ಅಗತ್ಯತೆಗಳ ಪ್ರಕಾರ ಸ್ವೀಕಾರಾರ್ಹವಾಗಿದೆ.

 ಇದನ್ನೂ ಓದಿ: ನವೀಕೃತ ಹ್ಯಾರಿಯರ್ ಮತ್ತು ಸಫಾರಿಯಲ್ಲಿ ಟಾಟಾ ಪ್ರಾರಂಭಿಸಿದ ಹೊಸ 5 ಫೀಚರ್‌ಗಳು

 ಪ್ರಯಾಣಿಕ ಮಕ್ಕಳ ರಕ್ಷಣೆ

A post shared by CarDekho India (@cardekhoindia)

ಮುಂಭಾಗದ ಪರಿಣಾಮ (64kmph)

ಎರಡೂ ಟಾಟಾ ಎಸ್‌ಯುವಿಗಳು ಮಕ್ಕಳ ರಕ್ಷಣೆಯಲ್ಲಿ 49 ಅಂಕಗಳಲ್ಲಿ 45 ಅಂಕಗಳನ್ನು ಗಳಿಸಿದ್ದು, ಎರಡೂ ಚೈಲ್ಡ್ ಸೀಟುಗಳನ್ನು ಹಿಂಭಾಗದಲ್ಲಿ ಅಳವಡಿಸಲಾಗಿದೆ. 3-ವರ್ಷ-ವಯಸ್ಸಿನ ಮಕ್ಕಳಿಗೆ ಮುಂಭಾಗದ ಪರಿಣಾಮದ ಸಮಯದಲ್ಲಿ ತಲೆಯು ಒಡ್ಡಿಕೊಳ್ಳುವುದನ್ನು ತಡೆಯುವುದರೊಂದಿಗೆ ಸಂಪೂರ್ಣ ರಕ್ಷಣೆಯನ್ನು ಒದಗಿಸುತ್ತಿತ್ತು. ಮತ್ತೊಂದಡೆ, 1.5-ವರ್ಷ ಮಗುವಿನ ಡಮ್ಮಿ ಸೀಟ್ ತಲೆಗೆ ಸಂಪೂರ್ಣ ರಕ್ಷಣೆ ಒದಗಿಸುವಲ್ಲಿ ಸಫಲವಾಯಿತು.

ಪಾರ್ಶ್ವ ಪರಿಣಾಮ (50kmph)

ಎರಡೂ ಎಸ್‌ಯುವಿಗಳಲ್ಲಿ ಚೈಲ್ಡ್ ರಿಸ್ಟ್ರೈಂಟ್ ಸಿಸ್ಟಮ್ (CRS) ಪಾರ್ಶ್ವ ಪರಿಣಾಮ ಪರೀಕ್ಷೆಯ ಸಮಯದಲ್ಲಿ ಸಂಪೂರ್ಣ ರಕ್ಷಣೆ ಒದಗಿಸಿದವು.

2023 ಟಾಟಾ ಹ್ಯಾರಿಯರ್, ಸಫಾರಿ ಸುರಕ್ಷತಾ ಕಿಟ್ 

 ನವೀಕರಣದೊಂದಿಗೆ, ಕಾರು ತಯಾರಕರು 6 ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ನೀಡುವ ಮೂಲಕ ಮತ್ತು ಎರಡರ ಒಟ್ಟಾರೆ ರಚನಾತ್ಮಕ ಸಮಗ್ರತೆಯನ್ನು ಸುಧಾರಿಸುವ ಮೂಲಕ ಎರಡು ಎಸ್‌ಯುವಿಗಳ ಸುರಕ್ಷತೆಯನ್ನು ಹೆಚ್ಚಿಸಿದ್ದಾರೆ. ಹೊಸ ಹ್ಯಾರಿಯರ್ ಮತ್ತು ಸಫಾರಿಯ ಟಾಪ್-ಸ್ಪೆಕ್ ವೇರಿಯೆಂಟ್‌ಗಳಲ್ಲಿ ಈಗ ಹೆಚ್ಚುವರಿ ಏರ್‌ಬ್ಯಾಗ್‌ ಅನ್ನು (ಚಾಲಕನ ಮೊಣಕಾಲು ರಕ್ಷಣೆಗಾಗಿ) ನೀಡಲಾಗುತ್ತದೆ. ಎಲೆಕ್ಟ್ರಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು ಮತ್ತು 360-ಡಿಗ್ರಿ ಕ್ಯಾಮಾರಾವನ್ನು ಇತರ ಸುರಕ್ಷತಾ ಫೀಚರ್‌ಗಳಾಗಿ ನೀಡಲಾಗಿದೆ. ಎರಡೂ ಎಸ್‌ಯುವಿಗಳ ಅಟೊನೋಮಸ್ ತುರ್ತುಸ್ಥಿತಿ ಬ್ರೇಕಿಂಗ್ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಸೇರಿದಂತೆ ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆ (ADAS) ಗಳೊಂದಿಗೆ ಬರುತ್ತದೆ.

ನವೀಕೃತ ಟಾಟಾ ಹ್ಯಾರಿಯರ್ ಬೆಲೆಯು 15.49 ಲಕ್ಷಗಳಾಗಿದ್ದು, ಹೊಸ ನವೀಕೃತ ಟಾಟಾ ಸಫಾರಿ ಅದರ ಮೂಲಭೂತ ರೂಪದಲ್ಲಿ 16.19 ಲಕ್ಷ ಬೆಲೆಯನ್ನು ಹೊಂದಿದೆ.

 ಎಲ್ಲಾ ಬೆಲೆಗಳು ಪ್ರಾಸ್ತಾವಿಕ ಎಕ್ಸ್-ಶೋರೂಮ್ ಪ್ಯಾನ್-ಇಂಡಿಯಾ 

ಇದನ್ನೂ ಪರಿಶೀಲಿಸಿ: ವೀಕ್ಷಿಸಿ: ನವೀಕೃತ ಟಾಟಾ ಹ್ಯಾರಿಯರ್ ಮತ್ತು ಸಫಾರಿ: ನೈಜ-ಜಗತ್ತಿನಲ್ಲಿ ಅವು ಎಷ್ಟು ಹೊರೆ ಹೊರಬಹುದು

ಇನ್ನಷ್ಟು ಇಲ್ಲಿ ಓದಿ : ಹ್ಯಾರಿಯರ್ ಆನ್‌ರೋಡ್ ಬೆಲೆ