ಕೊನೆಗೂ ಕುತೂಹಲಕ್ಕೆ ತೆರೆ: Tata Nexon ನ ಫೇಸ್ ಲಿಫ್ಟ್ ಆವೃತ್ತಿಯ ಫಸ್ಟ್ ಲುಕ್ ಬಿಡುಗಡೆ
ಟಾಟಾ ನೆಕ್ಸಾನ್ ಗಾಗಿ rohit ಮೂಲಕ ಸೆಪ್ಟೆಂಬರ್ 02, 2023 12:33 am ರಂದು ಪ್ರಕಟಿಸಲಾಗಿದೆ
- 130 Views
- ಕಾಮೆಂಟ್ ಅನ್ನು ಬರೆಯಿರಿ
ಟಾಟಾ ನೆಕ್ಸಾನ್ ನ ಫೇಸ್‌ಲಿಫ್ಟೆಡ್ ಆವೃತ್ತಿ ಸೆಪ್ಟೆಂಬರ್ 14 ರಂದು ಬಿಡುಗಡೆಯಾಗಲಿದೆ
- ಟಾಟಾದ ಹೊಸ ನೆಕ್ಸಾನ್ ಅನ್ನು ನಾಲ್ಕು ವಿಶಾಲ ವೆರಿಯೆಂಟ್ ಗಳಲ್ಲಿ ಮಾರಾಟ ಮಾಡಲು ನಿರ್ಧರಿಸಿದೆ: ಫಿಯರ್ಲೆಸ್, ಕ್ರಿಯೇಟಿವ್, ಪ್ಯೂರ್ ಮತ್ತು ಸ್ಮಾರ್ಟ್.
- ಹೊರಗಿನ ಭಾಗದ ಬದಲಾವಣೆಗಳಲ್ಲಿ ಸ್ಲೀಕರ್ ಗ್ರಿಲ್, ಸಂಪರ್ಕಿತ ಎಲ್ಇಡಿ ಟೈಲ್‌ಲೈಟ್‌ಗಳು ಮತ್ತು ಲಂಬವಾಗಿ ಇರಿಸಲಾದ LED ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು ಸೇರಿವೆ.
- ಹೊಸ ನೆಕ್ಸಾನ್ ನ ಡ್ಯುಯಲ್ 10.25-ಇಂಚಿನ ಡಿಸ್ಪ್ಲೇಗಳು, ಟಚ್-ಆಧಾರಿತ AC ನಿಯಂತ್ರಣಗಳು ಮತ್ತು 2-ಸ್ಪೋಕ್ ಸ್ಟೀರಿಂಗ್ ಚಕ್ರದೊಂದಿಗೆ ಬರುತ್ತದೆ.
- ಹೊಸ ವೈಶಿಷ್ಟ್ಯಗಳು 360-ಡಿಗ್ರಿ ಕ್ಯಾಮೆರಾ ಹಾಗು ವೆಂಟಿಲೇಟೆಡ್ ಮತ್ತು ಎತ್ತರ-ಹೊಂದಾಣಿಕೆ ಮಾಡಬಹುದಾದ ಮುಂಭಾಗದ ಆಸನಗಳನ್ನು ಒಳಗೊಂಡಿವೆ.
- ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಎರಡರಲ್ಲೂ ಲಭ್ಯವಿರಲಿದೆ; ಈ ಹಿಂದಿನ ಟ್ರಾನ್ಸ್ ಮಿಸನ್ ಗಳೊಂದಿಗೆ ಹೊಸ 7-ವೇಗದ DCT ಅನ್ನು ಸೇರಿಸಲಾಗಿದೆ.
- ಇದರ ಎಕ್ಸ್ ಶೋರೂಂ ಬೆಲೆಗಳು 8 ಲಕ್ಷಕ್ಕಿಂತ ಸ್ವಲ್ಪ ಹೆಚ್ಚಾಗಿ ಪ್ರಾರಂಭವಾಗುವ ನಿರೀಕ್ಷೆಯಿದೆ .
ಬಹುದಿನಗಳಿಂದ ನಡೆಯುತ್ತಿದ್ದ ಟಾಟಾ ನೆಕ್ಸಾನ್ ಫೇಸ್ಲಿಫ್ಟ್ ಆವೃತ್ತಿಯ ರಹಸ್ಯ ಪರೀಕ್ಷೆಯ ನಂತರ ಕೊನೆಗೂ ಅದರ ನ್ಯೂಲುಕ್ ನ್ನು ಅನಾವರಣಗೊಳಿಸಿದೆ. ಇದು ನಾಲ್ಕು ವಿಶಾಲವಾದ ವೆರಿಯೆಂಟ್ ಗಳಲ್ಲಿ ಮಾರಾಟವಾಗಲಿದೆ: ಫಿಯರ್ಲೆಸ್, ಕ್ರಿಯೇಟಿವ್, ಪ್ಯೂರ್ ಮತ್ತು ಸ್ಮಾರ್ಟ್. ಇತ್ತೀಚಿಗೆ ಸೆರೆ ಹಿಡಿಯಲಾದ ರಹಸ್ಯ ಫೋಟೋಗಳು ಇದರ ಹೊಸ ವಿನ್ಯಾಸದ ಕುರಿತು ಈಗಾಗಲೇ ಒಂದಷ್ಟು ಸುಳಿವು ನೀಡಿದ್ದರೂ, ಈ ಲೇಖನ ಭಾರತದ ಪ್ರಸ್ತುತ ಹೆಚ್ಚು ಮಾರಾಟವಾಗುವ ಸಬ್‌ಕಾಂಪ್ಯಾಕ್ಟ್ ಎಸ್‌ಯುವಿಯ ಫೇಸ್ ಲಿಫ್ಟ್ ಆವೃತ್ತಿಯ ಕುರಿತು ನಮ್ಮ ಮೊದಲ ವಿವರವಾದ ಮಾಹಿತಿಯಾಗಲಿದೆ. ಟಾಟಾ ಸೆಪ್ಟೆಂಬರ್ 14 ರಂದು ತನ್ನ ಹೊಸ ನೆಕ್ಸಾನ್‌ನ ವೇರಿಯಂಟ್-ವಾರು ಬೆಲೆಗಳನ್ನು ಬಹಿರಂಗಪಡಿಸಲಿದೆ ಮತ್ತು ಅದೇ ದಿನದಲ್ಲಿ ಸುಧಾರಿತ ನೆಕ್ಸಾನ್ EV ಅನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.
ಸಾಕಷ್ಟು ಬಾಹ್ಯ ಪರಿಷ್ಕರಣೆಗಳು
ಟಾಟಾದ ನವೀಕರಿಸಿದ ಸಬ್-4ಎಂ ಎಸ್‌ಯುವಿ ಈಗ ನಯವಾದ ಮುಂಭಾಗದ ವಿನ್ಯಾಸವನ್ನು ಹೊಂದಿದೆ, ಇದು ಹೊಸ ಗ್ರಿಲ್ ಮತ್ತು ಹೊಸ ಎಲ್ ಇಡಿ DRL ಗಳನ್ನು ಒಳಗೊಂಡಿದೆ. ಕೆಳಗಿನ ಭಾಗದಲ್ಲಿ ತಾಜಾ ಅಕ್ಸೆನ್ಟ್ ಗಳೊಂದಿಗೆ, ಮುಂಭಾಗದ ಬಂಪರ್ ಅನ್ನು ಲಂಬವಾಗಿ ಜೋಡಿಸಲಾದ ಎಲ್ಇಡಿ ಹೆಡ್ಲೈಟ್ಗಳನ್ನು ಅಳವಡಿಸಲು ಮರುವಿನ್ಯಾಸಗೊಳಿಸಲಾಗಿದೆ. ಎಸ್‌ಯುವಿಯ ಬದಿಯ ಭಾಗಗಳನ್ನು ಗಮನಿಸಿದಾಗ, ಇದರಲ್ಲಿ ಏಕೈಕ ಪ್ರಮುಖ ಸುಧಾರಣೆಯೆಂದರೆ ಅಲಾಯ್ ವೀಲ್ ವಿನ್ಯಾಸ.
ಹಿಂಭಾಗದಲ್ಲಿರುವ ಪರಿಷ್ಕರಣೆಗಳು ಕನೆಕ್ಟೆಡ್ ಎಲ್ಇಡಿ ಟೈಲ್‌ಲೈಟ್‌ಗಳ ತಾಜಾ ಸೆಟ್ ಮತ್ತು ಟೈಲ್‌ಗೇಟ್‌ಗಾಗಿ ರಿಫ್ರೆಶ್ ಮಾಡಿದ ಸ್ಟೈಲಿಂಗ್ ಅನ್ನು ಒಳಗೊಂಡಿವೆ. ಈ ಎಲ್ಲಾ ಅಪ್ಡೇಟ್ ಗಳನ್ನು ನೆಕ್ಸಾನ್ ಇವಿಗೂ ಅನ್ವಯಿಸಲಾಗುತ್ತದೆ, ಇದು ಎಲೆಕ್ಟ್ರಿಕ್ ವಾಹನಗಳಿಗೆ ವಿಶಿಷ್ಟವಾದಂತೆ ನಿರ್ದಿಷ್ಟ ನೀಲಿ ಹೈಲೈಟ್ಸ್ ಮತ್ತು ಕ್ಲೋಸ್-ಆಫ್ ಪ್ಯಾನೆಲ್‌ ಸೇರಿದಂತೆ ಮತ್ತಷ್ಟು ಪಡೆಯುತ್ತದೆ.
ಒಳಭಾಗದಲ್ಲಿಯೂ ಹೊಸ ವಿನ್ಯಾಸದ ಸ್ಪರ್ಶ
ಟಾಟಾ ನೆಕ್ಸಾನ್ ಫೇಸ್ಲಿಫ್ಟ್ ಅನ್ನು ಮರುವಿನ್ಯಾಸಗೊಳಿಸಲಾದ ಡ್ಯಾಶ್‌ಬೋರ್ಡ್ ಮತ್ತು ಹೊಸ 2-ಸ್ಪೋಕ್ ಫ್ಲಾಟ್-ಬಾಟಮ್ ಸ್ಟೀರಿಂಗ್ ವೀಲ್ ಅನ್ನು ಕರ್ವ್ವ್ ನಲ್ಲಿ ಕಾಣುವಂತೆ ನೀಡುತ್ತದೆ, ಮಧ್ಯದಲ್ಲಿ ಲಿಟ್-ಅಪ್ ಟಾಟಾ ಲೋಗೋವನ್ನು ಹೊಂದಿದೆ. ಹವಾಮಾನ ನಿಯಂತ್ರಣ ಫಲಕವು ಕೇವಲ ಬ್ಯಾಕ್‌ಲಿಟ್ ಅಲ್ಲ, ಆದರೆ ಹೆಚ್ಚು ಆಧುನಿಕ ಇಂಟರ್‌ಫೇಸ್‌ಗಾಗಿ ಟಚ್ ಇನ್‌ಪುಟ್‌ಗಳ ಮೂಲಕ ಕಾರ್ಯನಿರ್ವಹಿಸುತ್ತದೆ.
ಕಾರು ತಯಾರಕರು ಎಸ್‌ಯುವಿಯ ಕ್ಯಾಬಿನ್‌ಗೆ ತಾಜಾ ಶೈಲಿಯನ್ನು ಮತ್ತು ಅಪ್ಹೊಲ್ಸ್ಟೆರಿಯನ್ನು ಸಹ ನೀಡಿದ್ದಾರೆ, ಇದು ವೆರಿಯೆಂಟ್ ಮತ್ತು ಬಾಹ್ಯ ಬಣ್ಣವನ್ನು ಅವಲಂಬಿಸಿ ವಿಭಿನ್ನ ಬಣ್ಣದ ಯೋಜನೆಗಳನ್ನು ಹೊಂದಿರುತ್ತದೆ.
ಇದನ್ನೂ ನೋಡಿ: 2023ರ ಚೊಚ್ಚಲ ಪರೀಕ್ಷೆಗೆ ಮುಂದಾದ ಟಾಟಾ ಸಫಾರಿ ಮತ್ತು ನೆಕ್ಸಾನ್ ಫೇಸ್ಲಿಫ್ಟ್
ವೈಶಿಷ್ಟ್ಯಗಳ ದೊಡ್ಡ ಪಟ್ಟಿ
ಫೇಸ್‌ಲಿಫ್ಟ್‌ನೊಂದಿಗೆ ಹೊಸ ಟಾಟಾ ನೆಕ್ಸಾನ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, 10.25-ಇಂಚಿನ ಟಚ್‌ಸ್ಕ್ರೀನ್‌ನೊಂದಿಗೆ ಇತ್ತೀಚಿನ iRA ಕನೆಕ್ಟೆಡ್ ಕಾರ್ ಟೆಕ್ ಮತ್ತು 360-ಡಿಗ್ರಿ ಕ್ಯಾಮೆರಾದೊಂದಿಗೆ ಬರುತ್ತದೆ. ಟಾಟಾ ಇದಕ್ಕೆ ಆಟೋಮ್ಯಾಟಿಕ್ ಹವಾಮಾನ ನಿಯಂತ್ರಣ, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ವೆಂಟಿಲೇಟೆಡ್ ಮತ್ತು ಮತ್ತು ಎತ್ತರ ಹೊಂದಾಣಿಸಬಹುದಾದ ಮುಂಭಾಗದ ಸೀಟುಗಳು ಮತ್ತು ಕ್ರೂಸ್ ನಿಯಂತ್ರಣವನ್ನು ಸಹ ಒದಗಿಸುತ್ತದೆ. ಹೊಸ ನೆಕ್ಸಾನ್ ಸಬ್ ವೂಫರ್ ಮತ್ತು ಹರ್ಮನ್ ವರ್ಧಿತ ಆಡಿಯೋವರ್X ಸೇರಿದಂತೆ 9-ಸ್ಪೀಕರ್ ನ ಜೆಬಿಎಲ್ ಸೌಂಡ್ ಸಿಸ್ಟಮ್ ಅನ್ನು ನೀಡುತ್ತಿದೆ.
ಹೊಸ ಡಿಜಿಟಲ್ ಡ್ರೈವರ್‌ನ ಡಿಸ್‌ಪ್ಲೇಯಲ್ಲಿ ವಿಶೇಷವಾಗಿ ನೀಡುತ್ತಿರುವ ಸೌಲಭ್ಯವೆಂದರೆ, ಇದು ಐಷಾರಾಮಿ ಕಾರುಗಳಲ್ಲಿ ಕಂಡುಬರುವ ಡಿಜಿಟಲ್ ಕ್ಲಸ್ಟರ್‌ಗಳಂತೆಯೇ ನ್ಯಾವಿಗೇಷನ್ ಅನ್ನು ಸಹ ಪ್ರದರ್ಶಿಸುತ್ತದೆ.
ಸುರಕ್ಷತೆಯ ವಿಷಯದಲ್ಲಿ, ಫೇಸ್‌ಲಿಫ್ಟೆಡ್ ಮಾಡೆಲ್ ಆರು ಏರ್‌ಬ್ಯಾಗ್‌ಗಳನ್ನು (ಸ್ಟ್ಯಾಂಡರ್ಡ್‌ ಆಗಿ), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು, ಫ್ರಂಟ್ ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು ರಿವರ್ಸಿಂಗ್ ಕ್ಯಾಮೆರಾವನ್ನು ಪಡೆಯುತ್ತದೆ.
ಹೊಸ ನೆಕ್ಸಾನ್‌ನ ಪವರ್‌ಹೌಸ್‌ಗಳು
2023 ಟಾಟಾ ನೆಕ್ಸಾನ್ ಪವರ್ ಉತ್ಪಾದನೆಗೆ ಪರಿಚಿತ ಜೋಡಿ ಎಂಜಿನ್‌ಗಳನ್ನು ಬಳಸುತ್ತದೆ. ಆದರೆ ಈಗ ಹೆಚ್ಚು ಪ್ರೀಮಿಯಂ ಆದ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್ ಮಿಸನ್ ನ ಆಯ್ಕೆಯನ್ನೂ ನೀಡುತ್ತಿದೆ. ಎರಡರ ವಿಶೇಷಣಗಳು ಈ ಕೆಳಗಿನಂತಿವೆ:
| ವಿಶೇಷತೆಗಳು |
1.2-ಲೀಟರ್ ಟರ್ಬೊ-ಪೆಟ್ರೋಲ್ |
1.5-ಲೀಟರ್ ಡೀಸೆಲ್ |
| ಪವರ್ |
120ಪಿಎಸ್ |
115ಪಿಎಸ್ |
| ಟಾರ್ಕ್ |
170ಎನ್ಎಂ |
260ಎನ್ಎಂ |
| ಟ್ರಾನ್ಸ್ಮಿಷನ್ |
6-ಸ್ಪೀಡ್ ಮಾನ್ಯುಯಲ್, 7-ಸ್ಪೀಡ್ DCT |
6-ಸ್ಪೀಡ್ ಮಾನ್ಯುಯಲ್, 6-ಸ್ಪೀಡ್ ಆಟೋಮ್ಯಾಟಿಕ್ |
ನೆಕ್ಸಾನ್ ಇಕೋ, ಸಿಟಿ ಮತ್ತು ಸ್ಪೋರ್ಟ್ಸ್ ಎಂಬ 3 ಡ್ರೈವ್ ಮೋಡ್‌ಗಳನ್ನು ನೀಡುವುದನ್ನು ಮುಂದುವರೆಸಿದೆ, ಆದರೆ ಈಗ ಆಟೋಮ್ಯಾಟಿಕ್ ಮತ್ತು ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಟ್ರಾನ್ಸ್ಮಿಸನ್ ಆಯ್ಕೆಗಳಿಗೆ ಪ್ಯಾಡಲ್ ಶಿಫ್ಟರ್‌ಗಳನ್ನು ಸೇರಿಸುತ್ತದೆ.
ನೆಕ್ಸಾನ್ ನ ಇವಿ ಫೇಸ್ಲಿಫ್ಟ್ ನ ಪವರ್‌ಟ್ರೇನ್‌ ನಲ್ಲಿ ಯಾವುದೇ ಬದಲಾವಣೆಗಳು ಕಂಡುಬರುವುದಿಲ್ಲ ಅನಿಸುತ್ತಿದೆ. ವಿಭಿನ್ನ ಬ್ಯಾಟರಿ ಗಾತ್ರಗಳೊಂದಿಗೆ ಪ್ರೈಮ್ ಮತ್ತು ಮ್ಯಾಕ್ಸ್ ಎಂಬ ಎರಡು ಆವೃತ್ತಿಗಳಲ್ಲಿ ನೀಡುವುದನ್ನು ಮುಂದುವರಿಸುವ ನಿರೀಕ್ಷೆಯಿದೆ
ಇದನ್ನೂ ಓದಿ: ಇನ್ನುಮುಂದೆ Tata.ev ಹೆಸರಿನಲ್ಲಿ ಹೊರಬರಲಿರುವ ಟಾಟಾ ಸಂಸ್ಥೆಯ ಎಲೆಕ್ಟ್ರಿಕ್ ಕಾರು
ಇದರ ಬೆಲೆಗಳನ್ನು ಗಮನಿಸಿದಾಗ
ಟಾಟಾ ನೆಕ್ಸಾನ್ ಫೇಸ್ಲಿಫ್ಟ್ ನ ಬೆಲೆಯನ್ನು ಗಮನಿಸಿದಾಗ, ಇದರ ಎಕ್ಸ್ ಶೋರೂಂ ಬೆಲೆಯನ್ನು ಸುಮಾರು 8 ಲಕ್ಷ ರೂ. ನಿಂದ 14.60 ಲಕ್ಷ ರೂಪಾಯಿಗಳವರೆಗೆ ನಿಗದಿಪಡಿಸುವ ನಿರೀಕ್ಷೆಯಿದೆ. ಈ ಸಬ್ 4m- ಎಸ್‌ಯುವಿ ಮಾರುಕಟ್ಟೆಯಲ್ಲಿ ಮಾರುತಿ ಬ್ರೆಝಾ, ಕಿಯಾ ಸೋನೆಟ್, ಮಹೀಂದ್ರ XUV300, ಹ್ಯುಂಡೈ ವೆನ್ಯೂ, ನಿಸ್ಸಾನ್ ಮ್ಯಾಗ್ನೈಟ್, ರೆನಾಲ್ಟ್ ಕಿಗರ್ ಮತ್ತು ಮಾರುತಿ ಫ್ರಾಂಕ್ಸ್ ಕ್ರಾಸ್‌ಒವರ್ ನೊಂದಿಗೆ ತನ್ನ ಸ್ಪರ್ಧೆಯನ್ನು ಮುಂದುವರಿಸುತ್ತದೆ.
ಇನ್ನಷ್ಟು ಓದಿ: ಟಾಟಾ ನೆಕ್ಸಾನ್ ಆಟೋಮ್ಯಾಟಿಕ್
