Tata Punch EV ಎಂಪವರ್ಡ್ ಪ್ಲಸ್ ಎಸ್ ಲಾಂಗ್ ರೇಂಜ್ Vs Mahindra XUV400 ಇಸಿ ಪ್ರೊ: ಯಾವ ಇವಿ ಖರೀದಿಸಬೇಕು?

ಅದೇ ಬೆಲೆಯಲ್ಲಿ, ನೀವು ಸಂಪೂರ್ಣ ಲೋಡ್ ಮಾಡಲಾದ ಎಲೆಕ್ಟ್ರಿಕ್ ಮೈಕ್ರೋ ಎಸ್‌ಯುವಿ ಅಥವಾ ಹೆಚ್ಚಿನ ಪರ್ಫಾರ್ಮೆನ್ಸ್‌ನೊಂದಿಗೆ ಸ್ವಲ್ಪ ದೊಡ್ಡ ಎಲೆಕ್ಟ್ರಿಕ್ ಎಸ್‌ಯುವಿಯ ಪ್ರವೇಶ ಮಟ್ಟದ ವೇರಿಯೆಂಟ್‌ನ ನಡುವೆ ಆಯ್ಕೆ ಮಾಡಬಹುದು

ಕಳೆದ ಎರಡು ವರ್ಷಗಳಲ್ಲಿ, ಭಾರತೀಯ EV ಮಾರುಕಟ್ಟೆಯು ಗಾತ್ರ ಮತ್ತು ಜನಪ್ರಿಯತೆ ಎರಡರಲ್ಲೂ ಬೆಳೆದಿದೆ, ಕಾರು ತಯಾರಕರು ವಿವಿಧ ಬೆಲೆ ವಿಭಾಗಗಳಲ್ಲಿ ವಿವಿಧ ಹೊಸ ಎಲೆಕ್ಟ್ರಿಕ್ ಕಾರುಗಳನ್ನು ಪರಿಚಯಿಸುತ್ತಿದ್ದಾರೆ. ಇಂದು ಮಾರಾಟದಲ್ಲಿರುವ ಮಾಸ್‌-ಮಾರ್ಕೆಟ್‌ನ ಎಲೆಕ್ಟ್ರಿಕ್ ವಾಹನಗಳ ಹೆಚ್ಚುತ್ತಿರುವ ಸಂಖ್ಯೆಯನ್ನು ಗಮನಿಸಿದರೆ, ಕೆಲವು ಮಾದರಿಗಳ ಬೆಲೆಗಳು ವಿಭಿನ್ನ ಸೆಗ್ಮೆಂಟ್‌ಗಳಿಗೆ ಹೊಂದಿಕೊಂಡಿದ್ದರೂ ಸಹ ಅತಿಕ್ರಮಿಸುವುದು ಸಹಜ. ಈ ಸ್ಟೋರಿಯಲ್ಲಿ, ನಾವು ಟಾಪ್-ಸ್ಪೆಕ್ ಟಾಟಾ ಪಂಚ್ ಇವಿಯ ಎಂಪವರ್ಡ್ ಪ್ಲಸ್ ಎಸ್‌ ಲಾಂಗ್ ರೇಂಜ್ ಮತ್ತು ಎಂಟ್ರಿ-ಲೆವೆಲ್ ಮಹೀಂದ್ರಾ XUV400 ಇಸಿ ಪ್ರೋನ ಬೆಲೆ ಹೋಲಿಕೆಯನ್ನು ನೋಡುತ್ತಿದ್ದೇವೆ.

ಇದರ ಬೆಲೆಗಳು ಹೇಗಿವೆ ?

ಎಲ್ಲಾ ಬೆಲೆಗಳು ಭಾರತದಾದ್ಯಂತದ ಎಕ್ಸ್ ಶೋರೂಂ ಬೆಲೆಗಳಾಗಿವೆ

ಇಲ್ಲಿ ಉಲ್ಲೇಖಿಸಲಾದ ಟಾಟಾ ಪಂಚ್ ಎಂಪವರ್ಡ್ ಪ್ಲಸ್ ಎಸ್ ಲಾಂಗ್ ರೇಂಜ್ ವೇರಿಯೆಂಟ್‌ನ ಬೆಲೆಯು ಹೆಚ್ಚುವರಿ AC ಫಾಸ್ಟ್ ಚಾರ್ಜರ್ ಯುನಿಟ್ ಜೊತೆಗೆ 50,000 ರೂ ವರೆಗೆ ಏರಿಕೆಯಾಗುತ್ತದೆ. ಮತ್ತೊಂದೆಡೆ, ಮಹೀಂದ್ರಾ ಎಕ್ಸ್‌ಯುವಿ400 ಇತ್ತೀಚೆಗೆ ಹೆಚ್ಚಿನ ವೈಶಿಷ್ಟ್ಯಗಳೊಂದಿಗೆ ಹೊಸ 'ಪ್ರೊ' ಆವೃತ್ತಿಗಳನ್ನು ಪಡೆದುಕೊಂಡಿದೆ, ಹಾಗೆಯೇ ಲೈನ್‌ಅಪ್‌ನಾದ್ಯಂತ 50,000 ರೂ.ಗಳಷ್ಟು ಕಡಿತ ಮಾಡುವುದರೊಂದಿಗೆ ಹೆಚ್ಚು ಕೈಗೆಟುಕುವಂತೆ ಮಾಡುತ್ತದೆ.

• ಹೊಸ ಕಾರುಗಳನ್ನು ಅನ್ವೇಷಿಸಿ

• ಕಾರ್ ಸರ್ವೀಸ್‌ ಹಿಸ್ಟರಿಯನ್ನು ಪರಿಶೀಲಿಸಿ

ಗಾತ್ರಗಳ ಹೋಲಿಕೆ

• 
  ಮಹೀಂದ್ರಾ ಎಕ್ಸ್‌ಯುವಿ400 ಎಲ್ಲಾ ಅಂಶಗಳಲ್ಲಿ ಪಂಚ್ EV ಗಿಂತ ದೊಡ್ಡ ಕೊಡುಗೆಯಾಗಿದೆ.

• ಪಂಚ್ EV ಮತ್ತು XUV400 ಒಂದೇ ರೀತಿಯ ಎತ್ತರವನ್ನು ಹೊಂದಿದೆ. 

•  XUV400 ದೊಡ್ಡ ಬೂಟ್‌ ಸ್ಪೇಸ್‌ನೊಂದಿಗೆ ಬರುತ್ತದೆ, ಅದು ನಿಮ್ಮ ವಾರಾಂತ್ಯದ ಪ್ರವಾಸಗಳಿಗೆ ಒಂದೆರಡು ಹೆಚ್ಚು ಮೃದುವಾದ ಬ್ಯಾಗ್‌ಗಳನ್ನು ಸಾಗಿಸಲು ಅನುಕೂಲವಾಗುತ್ತದೆ. ಆದಾಗಿಯೂ, ಪಂಚ್ ಇವಿ ಕೆಲವು ಹೆಚ್ಚುವರಿ ಸಂಗ್ರಹಣೆಗಾಗಿ ಸಣ್ಣ "ಫ್ರಂಕ್" (ಮುಂಭಾಗದ ಡಿಕ್ಕಿ) ಆಯ್ಕೆಯನ್ನು ಸಹ ಪಡೆಯುತ್ತದೆ.   

ಪವರ್‌ಟ್ರೇನ್‌ಗಳ ಕುರಿತು

• ಈ ಬೆಲೆಯಲ್ಲಿ, ಎರಡೂ EVಗಳು ಒಂದೇ ರೀತಿಯ ಸಾಮರ್ಥ್ಯಗಳೊಂದಿಗೆ ಬ್ಯಾಟರಿ ಪ್ಯಾಕ್‌ಗಳನ್ನು ಪಡೆಯುತ್ತವೆ, ಆದರೂ ಇದು ಪಂಚ್ EV ದೊಡ್ಡದನ್ನು ಪಡೆಯುತ್ತದೆ. ಇದು ಮಹೀಂದ್ರಾ ಎಕ್ಸ್‌ಯುವಿ400 ಗೆ ಹೋಲಿಸಿದರೆ, ಸುಮಾರು 50 ಕಿಮೀ ಯಷ್ಟು ಹೆಚ್ಚುವರಿ ದೂರವನ್ನು ಕ್ರಮಿಸಬಲ್ಲದು. 

• ನಿಮ್ಮ ಇವಿಯಿಂದ ಹೆಚ್ಚಿನ ಪರ್ಫಾರ್ಮೆನ್ಸ್‌ನ್ನು ನೀವು ಬಯಸಿದರೆ, ಇದನ್ನು ಮಹೀಂದ್ರಾ XUV400 ನೀಡುತ್ತಿದ್ದು,  ಅದು ಆಫರ್‌ನಲ್ಲಿ ಎರಡು ಪಟ್ಟು ಹೆಚ್ಚು ಟಾರ್ಕ್‌ನೊಂದಿಗೆ ಬರುತ್ತಿದೆ.

• ಇದನ್ನು ಸಹ ಓದಿ: 2024ರ ಫೆಬ್ರವರಿಯಲ್ಲಿ ಹೆಚ್ಚು ಮಾರಾಟವಾದ ಟಾಪ್ 10 ಕಾರುಗಳನ್ನು ನೋಡೋಣ

ಚಾರ್ಜಿಂಗ್‌

• ಪಂಚ್ ಇವಿ ಎಂಪವರ್ಡ್ ಪ್ಲಸ್ ಎಸ್‌ ಲಾಂಗ್ ರೇಂಜ್ ಮತ್ತುಎಕ್ಸ್‌ಯುವಿ400 ಇಸಿ ಪ್ರೊ ಎರಡೂ 3.3 ಕಿ.ವ್ಯಾಟ್‌ ಎಸಿ ಚಾರ್ಜರ್ ಅನ್ನು ಬಳಸಿಕೊಂಡು ಚಾರ್ಜ್ ಮಾಡಲು ಒಂದೇ ಸಮಯವನ್ನು ತೆಗೆದುಕೊಳ್ಳುತ್ತವೆ.

• ಅದರೂ ಟಾಟಾ ಇವಿಯು ಮಹೀಂದ್ರಾ ಎಕ್ಸ್‌ಯುವಿ400ಗಿಂತ ಎಸಿ ಫಾಸ್ಟ್ ಚಾರ್ಜರ್ ಅನ್ನು ಬಳಸಿಕೊಂಡು ತ್ವರಿತವಾಗಿ ಚಾರ್ಜ್‌ ಆಗುತ್ತದೆ. 

• 50ಕಿ.ವ್ಯಾಟ್‌ ಡಿಸಿ ಫಾಸ್ಟ್ ಚಾರ್ಜರ್ ಅನ್ನು ಬಳಸುವಾಗ ಎಕ್ಸ್‌ಯುವಿ 400 ನ ಬ್ಯಾಟರಿಯನ್ನು ಪಂಚ್ ಇವಿಗಿಂತ ವೇಗವಾಗಿ ಚಾರ್ಜ್‌ ಮಾಡಬಹುದು.

ವೈಶಿಷ್ಟ್ಯಗಳ ಪಟ್ಟಿ

• ಅದೇ ಬೆಲೆಯಲ್ಲಿ, ಟಾಟಾ ಪಂಚ್ ಇವಿ ಎಂಪವರ್ಡ್ ಪ್ಲಸ್ ಎಸ್‌ ಲಾಂಗ್ ರೇಂಜ್, ಎಕ್ಸ್‌ಯುವಿ400 ಇಸಿಪ್ರೊಗಿಂತ ಉತ್ತಮವಾದ ಸುಸಜ್ಜಿತ ಕೊಡುಗೆಯಾಗಿದೆ, ಮೊದಲನೆಯದು ಟಾಪ್-ಎಂಡ್‌ ವೇರಿಯೆಂಟ್‌ ಆಗಿದೆ.

• ಪೂರ್ಣವಾಗಿ ಲೋಡ್ ಆಗಿರುವ ಪಂಚ್ ಇವಿಯ ಪ್ರೀಮಿಯಂ ವೈಶಿಷ್ಟ್ಯಗಳಾದ ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜಿಂಗ್, 10.25-ಇಂಚಿನ ಡ್ಯುಯಲ್ ಡಿಸ್‌ಪ್ಲೇ ಗಳು (ಒಂದು ಇನ್‌ಸ್ಟ್ರುಮೆಂಟೇಶನ್‌ಗಾಗಿ ಮತ್ತು ಇನ್ನೊಂದು ಇನ್ಫೋಟೈನ್‌ಮೆಂಟ್‌ಗಾಗಿ), ಮತ್ತು ಲೆಥೆರೆಟ್ ಅಪ್ಹೊಲ್ಸ್‌ಟೆರಿಯನ್ನು ಪಡೆಯುತ್ತದೆ.

• ಮತ್ತೊಂದೆಡೆ, ಎಕ್ಸ್‌ಯುವಿ400 ಇಸಿ ಪ್ರೊ ಪುಶ್-ಬಟನ್ ಸ್ಟಾರ್ಟ್/ಸ್ಟಾಪ್, ಡ್ಯುಯಲ್-ಝೋನ್ ಎಸಿ, ಕೀಲೆಸ್ ಎಂಟ್ರಿ ಮತ್ತು ಎಲ್ಲಾ ನಾಲ್ಕು ಪವರ್ ವಿಂಡೋಗಳಂತಹ ಕೆಲವು ಸೌಕರ್ಯ ಮತ್ತು ಅನುಕೂಲತೆಯ ವೈಶಿಷ್ಟ್ಯಗಳೊಂದಿಗೆ ಮಾತ್ರ ತುಂಬಿರುತ್ತದೆ.

• ಸುರಕ್ಷತೆಯ ವಿಷಯದಲ್ಲಿ, 360-ಡಿಗ್ರಿ ಕ್ಯಾಮೆರಾ, ಆರು ಏರ್‌ಬ್ಯಾಗ್‌ಗಳು ಮತ್ತು ಆಟೋ ಹೋಲ್ಡ್‌ನೊಂದಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್‌ನಂತಹ ತಂತ್ರಜ್ಞಾನದೊಂದಿಗೆ ಪಂಚ್ ಇವಿ ಸ್ವಲ್ಪ ಮುಂದಿದೆ.

• ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸರ್‌ಗಳು ಸೇರಿದಂತೆ ಕೆಲವು ಬೇಸಿಕ್‌ ವೈಶಿಷ್ಟ್ಯಗಳೊಂದಿಗೆ ಎಕ್ಸ್‌ಯುವಿ400 ಇಸಿ ಪ್ರೊನ ಸುರಕ್ಷತಾ ಪ್ಯಾಕೇಜ್‌ ಅನ್ನು ಮಹೀಂದ್ರಾ ನೀಡುತ್ತಿದೆ.

ಅಂತಿಮ ಮಾತು

ಪಂಚ್ ಇವಿ ಎಂಪವರ್ಡ್ ಪ್ಲಸ್ ಎಸ್ ಲಾಂಗ್ ರೇಂಜ್ ಬೆಲೆಗೆ ಹೆಚ್ಚಿನ ಮೌಲ್ಯವನ್ನು ನೀಡುತ್ತದೆ ಎಂಬುದು ಸ್ಪಷ್ಟವಾಗಿದೆ. ಹೆಚ್ಚಿನ ರೇಂಜ್‌, ಸ್ಪೀಡ್‌ ಚಾರ್ಜಿಂಗ್ ಆಯ್ಕೆ ಮತ್ತು ಬೃಹತ್ತಾದ ಪ್ರೀಮಿಯಂ ಸೌಕರ್ಯಗಳ ಪಟ್ಟಿ - ಬೇಸ್-ಸ್ಪೆಕ್ XUV400 ಗಿಂತ ಇದು ಉತ್ತಮ ಪ್ಯಾಕೇಜ್ ಅನ್ನು ಮಾಡುತ್ತದೆ.

ಆದಾಗ್ಯೂ, ನೀವು ಹೆಚ್ಚು ರೋಡ್‌ ಪ್ರೆಸೆನ್ಸ್‌ ಮತ್ತು ನಿಜವಾದ EV ಡ್ರೈವ್ ಅನುಭವವನ್ನು ಹೆಚ್ಚಿನ ರೇಂಜ್‌ನ ಮೇಲೆ ತ್ವರಿತ ವೇಗವರ್ಧನೆಯೊಂದಿಗೆ ಬಯಸಿದರೆ, ಎಕ್ಸ್‌ಯುವಿ400 ಇಸಿ ಪ್ರೊ ನಿಮಗೆ ಹೆಚ್ಚು ಸೂಕ್ತವಾಗಿದೆ. ಇದರ ದೊಡ್ಡ ಆಯಾಮಗಳು, ಹೆಚ್ಚು ವಿಶಾಲವಾದ ಕ್ಯಾಬಿನ್‌ಗೆ ಕಾರಣವಾಗುತ್ತವೆ, ಇದು ಫ್ಯಾಮಿಲಿ ಕಾರ್ ಆಗಿ ಸ್ವಲ್ಪ ಹೆಚ್ಚು ಸೂಕ್ತವಾಗಿದೆ. ವಾರಾಂತ್ಯದ ಕುಟುಂಬ ಪ್ರವಾಸಕ್ಕಾಗಿ ಒಂದೆರಡು ಹೆಚ್ಚುವರಿ ಸಾಫ್ಟ್ ಬ್ಯಾಗ್‌ಗಳನ್ನು ಪ್ಯಾಕ್ ಮಾಡಲು ಸಹಾಯ ಮಾಡುವ ಆಫರ್‌ನಲ್ಲಿರುವ ಬೂಟ್ ಸ್ಪೇಸ್‌ಗೆ ಬಂದಾಗ XUV400 ಮೇಲುಗೈ ಹೊಂದಿದೆ ಎಂಬುದನ್ನು ಮರೆಯಬಾರದು.

ಹಾಗಾದರೆ, ಈ ಎರಡು ಎಲೆಕ್ಟ್ರಿಕ್ ಎಸ್‌ಯುವಿಗಳಲ್ಲಿ ಯಾವುದನ್ನು ನೀವು ಆರಿಸುತ್ತೀರಿ ಮತ್ತು ಏಕೆ? ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಹೆಚ್ಚು ಓದಿ: ಪಂಚ್ ಇವಿ ಆಟೋಮ್ಯಾಟಿಕ್‌